| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਭਤ੍ਤਗ੍ਗવਤ੍ਤਕਥਾવਣ੍ਣਨਾ
Bhattaggavattakathāvaṇṇanā
੩੬੪. ਮਨੁਸ੍ਸਾਨਂ ਪਰਿવਿਸਨਟ੍ਠਾਨਨ੍ਤਿ ਯਤ੍ਥ ਅਨ੍ਤੋવਿਹਾਰੇਪਿ ਮਨੁਸ੍ਸਾ ਸਪੁਤ੍ਤਦਾਰਾ ਆવਸਿਤ੍વਾ ਭਿਕ੍ਖੂ ਨੇਤ੍વਾ ਭੋਜੇਨ੍ਤਿ। ਆਸਨੇਸੁ ਸਤੀਤਿ ਨਿਸੀਦਨਟ੍ਠਾਨੇਸੁ ਸਨ੍ਤੇਸੁ। ਇਦਂ, ਭਨ੍ਤੇ, ਆਸਨਂ ਉਚ੍ਚਨ੍ਤਿ ਆਸਨ੍ਨੇ ਸਮਭੂਮਿਭਾਗੇ ਪਞ੍ਞਤ੍ਤਂ ਥੇਰਾਸਨੇਨ ਸਮਕਂ ਆਸਨਂ ਸਨ੍ਧਾਯ વੁਤ੍ਤਂ, ਥੇਰਾਸਨਤੋ ਪਨ ਉਚ੍ਚਤਰੇ ਆਪੁਚ੍ਛਿਤ੍વਾਪਿ ਨਿਸੀਦਿਤੁਂ ਨ વਟ੍ਟਤਿ। ਯਦਿ ਤਂ ਆਸਨ੍ਨਮ੍ਪਿ ਨੀਚਤਰਂ ਹੋਤਿ, ਅਨਾਪੁਚ੍ਛਾਪਿ ਨਿਸੀਦਿਤੁਂ વਟ੍ਟਤਿ। ਮਹਾਥੇਰਸ੍ਸੇવ ਆਪਤ੍ਤੀਤਿ ਆਸਨੇਨ ਪਟਿਬਾਹਨਾਪਤ੍ਤਿਯਾ ਆਪਤ੍ਤਿ। ਅવਤ੍ਥਰਿਤ੍વਾਤਿ ਪਾਰੁਤਸਙ੍ਘਾਟਿਂ ਅવਤ੍ਥਰਿਤ੍વਾ, ਅਨੁਕ੍ਖਿਪਿਤ੍વਾਤਿ ਅਤ੍ਥੋ।
364.Manussānaṃparivisanaṭṭhānanti yattha antovihārepi manussā saputtadārā āvasitvā bhikkhū netvā bhojenti. Āsanesu satīti nisīdanaṭṭhānesu santesu. Idaṃ, bhante, āsanaṃ uccanti āsanne samabhūmibhāge paññattaṃ therāsanena samakaṃ āsanaṃ sandhāya vuttaṃ, therāsanato pana uccatare āpucchitvāpi nisīdituṃ na vaṭṭati. Yadi taṃ āsannampi nīcataraṃ hoti, anāpucchāpi nisīdituṃ vaṭṭati. Mahātherasseva āpattīti āsanena paṭibāhanāpattiyā āpatti. Avattharitvāti pārutasaṅghāṭiṃ avattharitvā, anukkhipitvāti attho.
ਪਾਲ਼ਿਯਂ ‘‘ਉਭੋਹਿ ਹਤ੍ਥੇਹਿ…ਪੇ॰… ਓਦਨੋ ਪਟਿਗ੍ਗਹੇਤਬ੍ਬੋ’’ਤਿ ਇਦਂ ਹਤ੍ਥਤਲੇ વਾ ਪਚ੍ਛਿਪਿਟ੍ਠਿਆਦਿਦੁਸ੍ਸਣ੍ਠਿਤਾਧਾਰੇ વਾ ਪਤ੍ਤਂ ਠਪੇਤ੍વਾ ਓਦਨਸ੍ਸ ਗਹਣਕਾਲੇ ਪਤ੍ਤਸ੍ਸ ਅਪਤਨਤ੍ਥਾਯ વੁਤ੍ਤਂ, ਸੁਸਜ੍ਜਿਤੇ ਪਨ ਆਧਾਰੇ ਪਤ੍ਤਂ ਠਪੇਤ੍વਾ ਏਕੇਨ ਹਤ੍ਥੇਨ ਤਂ ਪਰਾਮਸਿਤ੍વਾਪਿ ਓਦਨਂ ਪਟਿਗ੍ਗਹੇਤੁਂ વਟ੍ਟਤਿ ਏવ। ਉਭੋਹਿ ਹਤ੍ਥੇਹਿ…ਪੇ॰… ਉਦਕਂ ਪਟਿਗ੍ਗਹੇਤਬ੍ਬਨ੍ਤਿ ਏਤ੍ਥਾਪਿ ਏਸੇવ ਨਯੋ।
Pāḷiyaṃ ‘‘ubhohi hatthehi…pe… odano paṭiggahetabbo’’ti idaṃ hatthatale vā pacchipiṭṭhiādidussaṇṭhitādhāre vā pattaṃ ṭhapetvā odanassa gahaṇakāle pattassa apatanatthāya vuttaṃ, susajjite pana ādhāre pattaṃ ṭhapetvā ekena hatthena taṃ parāmasitvāpi odanaṃ paṭiggahetuṃ vaṭṭati eva. Ubhohi hatthehi…pe… udakaṃ paṭiggahetabbanti etthāpi eseva nayo.
ਹਤ੍ਥਧੋવਨਉਦਕਨ੍ਤਿ ਭੋਜਨਾવਸਾਨੇ ਉਦਕਂ। ਤੇਨਾਹ ‘‘ਪਾਨੀਯਂ ਪਿવਿਤ੍વਾ ਹਤ੍ਥਾ ਧੋવਿਤਬ੍ਬਾ’’ਤਿ। ਤੇਨ ਪਰਿਯੋਸਾਨੇ ਧੋવਨਮੇવ ਪਟਿਕ੍ਖਿਤ੍ਤਂ, ਭੋਜਨਨ੍ਤਰੇ ਪਨ ਪਾਨੀਯਪਿવਨਾਦਿਨਾ ਨਯੇਨ ਹਤ੍ਥਂ ਧੋવਿਤ੍વਾ ਪੁਨ ਭੁਞ੍ਜਿਤੁਂ વਟ੍ਟਤੀਤਿ ਦਸ੍ਸੇਤਿ। ਪੋਤ੍ਥਕੇਸੁ ਪਨ ‘‘ਪਾਨੀਯਂ ਪਿવਿਤ੍વਾ ਹਤ੍ਥਾ ਨ ਧੋવਿਤਬ੍ਬਾ’’ਤਿ ਲਿਖਨ੍ਤਿ, ਤਂ ਪੁਰਿਮવਚਨੇਨ ਨ ਸਮੇਤਿ ਪਰਿਯੋਸਾਨੇ ਉਦਕਸ੍ਸੇવ ‘‘ਹਤ੍ਥਧੋવਨਉਦਕ’’ਨ੍ਤਿ વੁਤ੍ਤਤ੍ਤਾ। ਸਚੇ ਮਨੁਸ੍ਸਾ ਧੋવਥ, ਭਨ੍ਤੇਤਿਆਦਿ ਨਿਟ੍ਠਿਤਭਤ੍ਤਂ ਨਿਸਿਨ੍ਨਂ ਥੇਰਂ ਸਨ੍ਧਾਯ વੁਤ੍ਤਂ। ਧੁਰੇ ਦ੍વਾਰਸਮੀਪੇ।
Hatthadhovanaudakanti bhojanāvasāne udakaṃ. Tenāha ‘‘pānīyaṃ pivitvā hatthā dhovitabbā’’ti. Tena pariyosāne dhovanameva paṭikkhittaṃ, bhojanantare pana pānīyapivanādinā nayena hatthaṃ dhovitvā puna bhuñjituṃ vaṭṭatīti dasseti. Potthakesu pana ‘‘pānīyaṃ pivitvā hatthā na dhovitabbā’’ti likhanti, taṃ purimavacanena na sameti pariyosāne udakasseva ‘‘hatthadhovanaudaka’’nti vuttattā. Sace manussā dhovatha, bhantetiādi niṭṭhitabhattaṃ nisinnaṃ theraṃ sandhāya vuttaṃ. Dhure dvārasamīpe.
ਭਤ੍ਤਗ੍ਗવਤ੍ਤਕਥਾવਣ੍ਣਨਾ ਨਿਟ੍ਠਿਤਾ।
Bhattaggavattakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੫. ਭਤ੍ਤਗ੍ਗવਤ੍ਤਕਥਾ • 5. Bhattaggavattakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਭਤ੍ਤਗ੍ਗવਤ੍ਤਕਥਾ • Bhattaggavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਤ੍ਤਗ੍ਗવਤ੍ਤਕਥਾવਣ੍ਣਨਾ • Bhattaggavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨੁਮੋਦਨવਤ੍ਤਕਥਾવਣ੍ਣਨਾ • Anumodanavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਭਤ੍ਤਗ੍ਗવਤ੍ਤਕਥਾ • 5. Bhattaggavattakathā
