| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১. সম্মুতিপেয্যালং
1. Sammutipeyyālaṃ
১. ভত্তুদ্দেসকসুত্তং
1. Bhattuddesakasuttaṃ
২৭২. ‘‘পঞ্চহি , ভিক্খৰে, ধম্মেহি সমন্নাগতো ভত্তুদ্দেসকো ন সম্মন্নিতব্বো 1। কতমেহি পঞ্চহি? ছন্দাগতিং গচ্ছতি, দোসাগতিং গচ্ছতি, মোহাগতিং গচ্ছতি, ভযাগতিং গচ্ছতি, উদ্দিট্ঠানুদ্দিট্ঠং ন জানাতি – ইমেহি খো, ভিক্খৰে, পঞ্চহি ধম্মেহি সমন্নাগতো ভত্তুদ্দেসকো ন সম্মন্নিতব্বো।
272. ‘‘Pañcahi , bhikkhave, dhammehi samannāgato bhattuddesako na sammannitabbo 2. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, uddiṭṭhānuddiṭṭhaṃ na jānāti – imehi kho, bhikkhave, pañcahi dhammehi samannāgato bhattuddesako na sammannitabbo.
‘‘পঞ্চহি, ভিক্খৰে, ধম্মেহি সমন্নাগতো ভত্তুদ্দেসকো সম্মন্নিতব্বো। কতমেহি পঞ্চহি? ন ছন্দাগতিং গচ্ছতি, ন দোসাগতিং গচ্ছতি, ন মোহাগতিং গচ্ছতি, ন ভযাগতিং গচ্ছতি, উদ্দিট্ঠানুদ্দিট্ঠং জানাতি – ইমেহি খো, ভিক্খৰে, পঞ্চহি ধম্মেহি সমন্নাগতো ভত্তুদ্দেসকো সম্মন্নিতব্বোতি।
‘‘Pañcahi, bhikkhave, dhammehi samannāgato bhattuddesako sammannitabbo. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako sammannitabboti.
‘‘পঞ্চহি, ভিক্খৰে, ধম্মেহি সমন্নাগতো ভত্তুদ্দেসকো সম্মতো 3 ন পেসেতব্বো…পে॰… সম্মতো পেসেতব্বো… বালো ৰেদিতব্বো… পণ্ডিতো ৰেদিতব্বো… খতং উপহতং অত্তানং পরিহরতি… অক্খতং অনুপহতং অত্তানং পরিহরতি… যথাভতং নিক্খিত্তো এৰং নিরযে… যথাভতং নিক্খিত্তো এৰং সগ্গে। কতমেহি পঞ্চহি? ন ছন্দাগতিং গচ্ছতি, ন দোসাগতিং গচ্ছতি, ন মোহাগতিং গচ্ছতি, ন ভযাগতিং গচ্ছতি, উদ্দিট্ঠানুদ্দিট্ঠং জানাতি – ইমেহি খো, ভিক্খৰে, পঞ্চহি ধম্মেহি সমন্নাগতো ভত্তুদ্দেসকো যথাভতং নিক্খিত্তো এৰং সগ্গে’’তি। পঠমং।
‘‘Pañcahi, bhikkhave, dhammehi samannāgato bhattuddesako sammato 4 na pesetabbo…pe… sammato pesetabbo… bālo veditabbo… paṇḍito veditabbo… khataṃ upahataṃ attānaṃ pariharati… akkhataṃ anupahataṃ attānaṃ pariharati… yathābhataṃ nikkhitto evaṃ niraye… yathābhataṃ nikkhitto evaṃ sagge. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako yathābhataṃ nikkhitto evaṃ sagge’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সম্মুতিপেয্যালাদিৰণ্ণনা • 1. Sammutipeyyālādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
