| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ភត្តុទ្ទេសកសុត្តំ
10. Bhattuddesakasuttaṃ
២០. ‘‘ចតូហិ, ភិក្ខវេ, ធម្មេហិ សមន្នាគតោ ភត្តុទ្ទេសកោ យថាភតំ និក្ខិត្តោ ឯវំ និរយេ។ កតមេហិ ចតូហិ? ឆន្ទាគតិំ គច្ឆតិ, ទោសាគតិំ គច្ឆតិ, មោហាគតិំ គច្ឆតិ, ភយាគតិំ គច្ឆតិ – ឥមេហិ ខោ, ភិក្ខវេ, ចតូហិ ធម្មេហិ សមន្នាគតោ ភត្តុទ្ទេសកោ យថាភតំ និក្ខិត្តោ ឯវំ និរយេ។
20. ‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ niraye. Katamehi catūhi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ niraye.
‘‘ចតូហិ, ភិក្ខវេ, ធម្មេហិ សមន្នាគតោ ភត្តុទ្ទេសកោ យថាភតំ និក្ខិត្តោ ឯវំ សគ្គេ។ កតមេហិ ចតូហិ? ន ឆន្ទាគតិំ គច្ឆតិ, ន ទោសាគតិំ គច្ឆតិ, ន មោហាគតិំ គច្ឆតិ, ន ភយាគតិំ គច្ឆតិ – ឥមេហិ ខោ, ភិក្ខវេ, ចតូហិ ធម្មេហិ សមន្នាគតោ ភត្តុទ្ទេសកោ យថាភតំ និក្ខិត្តោ ឯវំ សគ្គេ’’តិ។
‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ sagge. Katamehi catūhi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ sagge’’ti.
‘‘យេ កេចិ កាមេសុ អសញ្ញតា ជនា,
‘‘Ye keci kāmesu asaññatā janā,
អធម្មិកា ហោន្តិ អធម្មគារវា;
Adhammikā honti adhammagāravā;
‘‘ឯវញ្ហិ វុត្តំ សមណេន ជានតា,
‘‘Evañhi vuttaṃ samaṇena jānatā,
តស្មា ហិ តេ សប្បុរិសា បសំសិយា;
Tasmā hi te sappurisā pasaṃsiyā;
ធម្មេ ឋិតា យេ ន ករោន្តិ បាបកំ,
Dhamme ṭhitā ye na karonti pāpakaṃ,
‘‘បរិសាយ មណ្ឌោ ច បនេស វុច្ចតិ,
‘‘Parisāya maṇḍo ca panesa vuccati,
ឯវញ្ហិ វុត្តំ សមណេន ជានតា’’តិ។ ទសមំ;
Evañhi vuttaṃ samaṇena jānatā’’ti. dasamaṃ;
ចរវគ្គោ ទុតិយោ។
Caravaggo dutiyo.
តស្សុទ្ទានំ –
Tassuddānaṃ –
ចរំ សីលំ បធានានិ, សំវរំ បញ្ញត្តិ បញ្ចមំ;
Caraṃ sīlaṃ padhānāni, saṃvaraṃ paññatti pañcamaṃ;
សោខុម្មំ តយោ អគតី, ភត្តុទ្ទេសេន តេ ទសាតិ។
Sokhummaṃ tayo agatī, bhattuddesena te dasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. ភត្តុទ្ទេសកសុត្តវណ្ណនា • 10. Bhattuddesakasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-១០. បឋមអគតិសុត្តាទិវណ្ណនា • 7-10. Paṭhamaagatisuttādivaṇṇanā
