Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
10. භත්තුද්දෙසකසුත්තං
10. Bhattuddesakasuttaṃ
20. ‘‘චතූහි, භික්ඛවෙ, ධම්මෙහි සමන්නාගතො භත්තුද්දෙසකො යථාභතං නික්ඛිත්තො එවං නිරයෙ. කතමෙහි චතූහි? ඡන්දාගතිං ගච්ඡති, දොසාගතිං ගච්ඡති, මොහාගතිං ගච්ඡති, භයාගතිං ගච්ඡති – ඉමෙහි ඛො, භික්ඛවෙ, චතූහි ධම්මෙහි සමන්නාගතො භත්තුද්දෙසකො යථාභතං නික්ඛිත්තො එවං නිරයෙ.
20. ‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ niraye. Katamehi catūhi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ niraye.
‘‘චතූහි, භික්ඛවෙ, ධම්මෙහි සමන්නාගතො භත්තුද්දෙසකො යථාභතං නික්ඛිත්තො එවං සග්ගෙ. කතමෙහි චතූහි? න ඡන්දාගතිං ගච්ඡති, න දොසාගතිං ගච්ඡති, න මොහාගතිං ගච්ඡති, න භයාගතිං ගච්ඡති – ඉමෙහි ඛො, භික්ඛවෙ, චතූහි ධම්මෙහි සමන්නාගතො භත්තුද්දෙසකො යථාභතං නික්ඛිත්තො එවං සග්ගෙ’’ති.
‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ sagge. Katamehi catūhi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ sagge’’ti.
‘‘යෙ කෙචි කාමෙසු අසඤ්ඤතා ජනා,
‘‘Ye keci kāmesu asaññatā janā,
අධම්මිකා හොන්ති අධම්මගාරවා;
Adhammikā honti adhammagāravā;
‘‘එවඤ්හි වුත්තං සමණෙන ජානතා,
‘‘Evañhi vuttaṃ samaṇena jānatā,
තස්මා හි තෙ සප්පුරිසා පසංසියා;
Tasmā hi te sappurisā pasaṃsiyā;
ධම්මෙ ඨිතා යෙ න කරොන්ති පාපකං,
Dhamme ṭhitā ye na karonti pāpakaṃ,
‘‘පරිසාය මණ්ඩො ච පනෙස වුච්චති,
‘‘Parisāya maṇḍo ca panesa vuccati,
එවඤ්හි වුත්තං සමණෙන ජානතා’’ති. දසමං;
Evañhi vuttaṃ samaṇena jānatā’’ti. dasamaṃ;
චරවග්ගො දුතියො.
Caravaggo dutiyo.
තස්සුද්දානං –
Tassuddānaṃ –
චරං සීලං පධානානි, සංවරං පඤ්ඤත්ති පඤ්චමං;
Caraṃ sīlaṃ padhānāni, saṃvaraṃ paññatti pañcamaṃ;
සොඛුම්මං තයො අගතී, භත්තුද්දෙසෙන තෙ දසාති.
Sokhummaṃ tayo agatī, bhattuddesena te dasāti.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 10. භත්තුද්දෙසකසුත්තවණ්ණනා • 10. Bhattuddesakasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 7-10. පඨමඅගතිසුත්තාදිවණ්ණනා • 7-10. Paṭhamaagatisuttādivaṇṇanā