| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
1. සම්‌මුතිපෙය්‍යාලං
1. Sammutipeyyālaṃ
1. භත්‌තුද්‌දෙසකසුත්‌තං
1. Bhattuddesakasuttaṃ
272. ‘‘පඤ්‌චහි , භික්‌ඛවෙ, ධම්‌මෙහි සමන්‌නාගතො භත්‌තුද්‌දෙසකො න සම්‌මන්‌නිතබ්‌බො 1. කතමෙහි පඤ්‌චහි? ඡන්‌දාගතිං ගච්‌ඡති, දොසාගතිං ගච්‌ඡති, මොහාගතිං ගච්‌ඡති, භයාගතිං ගච්‌ඡති, උද්‌දිට්‌ඨානුද්‌දිට්‌ඨං න ජානාති – ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භත්‌තුද්‌දෙසකො න සම්‌මන්‌නිතබ්‌බො.
272. ‘‘Pañcahi , bhikkhave, dhammehi samannāgato bhattuddesako na sammannitabbo 2. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, uddiṭṭhānuddiṭṭhaṃ na jānāti – imehi kho, bhikkhave, pañcahi dhammehi samannāgato bhattuddesako na sammannitabbo.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො භත්‌තුද්‌දෙසකො සම්‌මන්‌නිතබ්‌බො. කතමෙහි පඤ්‌චහි? න ඡන්‌දාගතිං ගච්‌ඡති, න දොසාගතිං ගච්‌ඡති, න මොහාගතිං ගච්‌ඡති, න භයාගතිං ගච්‌ඡති, උද්‌දිට්‌ඨානුද්‌දිට්‌ඨං ජානාති – ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භත්‌තුද්‌දෙසකො සම්‌මන්‌නිතබ්‌බොති.
‘‘Pañcahi, bhikkhave, dhammehi samannāgato bhattuddesako sammannitabbo. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako sammannitabboti.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො භත්‌තුද්‌දෙසකො සම්‌මතො 3 න පෙසෙතබ්‌බො…පෙ.… සම්‌මතො පෙසෙතබ්‌බො… බාලො වෙදිතබ්‌බො… පණ්‌ඩිතො වෙදිතබ්‌බො… ඛතං උපහතං අත්‌තානං පරිහරති… අක්‌ඛතං අනුපහතං අත්‌තානං පරිහරති… යථාභතං නික්‌ඛිත්‌තො එවං නිරයෙ… යථාභතං නික්‌ඛිත්‌තො එවං සග්‌ගෙ. කතමෙහි පඤ්‌චහි? න ඡන්‌දාගතිං ගච්‌ඡති, න දොසාගතිං ගච්‌ඡති, න මොහාගතිං ගච්‌ඡති, න භයාගතිං ගච්‌ඡති, උද්‌දිට්‌ඨානුද්‌දිට්‌ඨං ජානාති – ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භත්‌තුද්‌දෙසකො යථාභතං නික්‌ඛිත්‌තො එවං සග්‌ගෙ’’ති. පඨමං.
‘‘Pañcahi, bhikkhave, dhammehi samannāgato bhattuddesako sammato 4 na pesetabbo…pe… sammato pesetabbo… bālo veditabbo… paṇḍito veditabbo… khataṃ upahataṃ attānaṃ pariharati… akkhataṃ anupahataṃ attānaṃ pariharati… yathābhataṃ nikkhitto evaṃ niraye… yathābhataṃ nikkhitto evaṃ sagge. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako yathābhataṃ nikkhitto evaṃ sagge’’ti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. සම්‌මුතිපෙය්‍යාලාදිවණ්‌ණනා • 1. Sammutipeyyālādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
