| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡. སམྨུཏིཔེཡྻཱལཾ
1. Sammutipeyyālaṃ
༡. བྷཏྟུདྡེསཀསུཏྟཾ
1. Bhattuddesakasuttaṃ
༢༧༢. ‘‘པཉྩཧི , བྷིཀྑཝེ, དྷམྨེཧི སམནྣཱགཏོ བྷཏྟུདྡེསཀོ ན སམྨནྣིཏབྦོ 1། ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨུདྡིཊྛཱནུདྡིཊྛཾ ན ཛཱནཱཏི – ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷཏྟུདྡེསཀོ ན སམྨནྣིཏབྦོ།
272. ‘‘Pañcahi , bhikkhave, dhammehi samannāgato bhattuddesako na sammannitabbo 2. Katamehi pañcahi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati, uddiṭṭhānuddiṭṭhaṃ na jānāti – imehi kho, bhikkhave, pañcahi dhammehi samannāgato bhattuddesako na sammannitabbo.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷཏྟུདྡེསཀོ སམྨནྣིཏབྦོ། ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཨུདྡིཊྛཱནུདྡིཊྛཾ ཛཱནཱཏི – ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷཏྟུདྡེསཀོ སམྨནྣིཏབྦོཏི།
‘‘Pañcahi, bhikkhave, dhammehi samannāgato bhattuddesako sammannitabbo. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako sammannitabboti.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷཏྟུདྡེསཀོ སམྨཏོ 3 ན པེསེཏབྦོ…པེ॰… སམྨཏོ པེསེཏབྦོ… བཱལོ ཝེདིཏབྦོ… པཎྜིཏོ ཝེདིཏབྦོ… ཁཏཾ ཨུཔཧཏཾ ཨཏྟཱནཾ པརིཧརཏི… ཨཀྑཏཾ ཨནུཔཧཏཾ ཨཏྟཱནཾ པརིཧརཏི… ཡཐཱབྷཏཾ ནིཀྑིཏྟོ ཨེཝཾ ནིརཡེ… ཡཐཱབྷཏཾ ནིཀྑིཏྟོ ཨེཝཾ སགྒེ། ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཨུདྡིཊྛཱནུདྡིཊྛཾ ཛཱནཱཏི – ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི། པཋམཾ།
‘‘Pañcahi, bhikkhave, dhammehi samannāgato bhattuddesako sammato 4 na pesetabbo…pe… sammato pesetabbo… bālo veditabbo… paṇḍito veditabbo… khataṃ upahataṃ attānaṃ pariharati… akkhataṃ anupahataṃ attānaṃ pariharati… yathābhataṃ nikkhitto evaṃ niraye… yathābhataṃ nikkhitto evaṃ sagge. Katamehi pañcahi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, uddiṭṭhānuddiṭṭhaṃ jānāti – imehi kho, bhikkhave, pañcahi dhammehi samannāgato bhattuddesako yathābhataṃ nikkhitto evaṃ sagge’’ti. Paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. སམྨུཏིཔེཡྻཱལཱདིཝཎྞནཱ • 1. Sammutipeyyālādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
