| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. бхааванаасуд̇д̇аван̣н̣анаа
7. Bhāvanāsuttavaṇṇanā
71. сад̇д̇амз анануяуд̇д̇ассаад̇и на яуд̇д̇аббаяуд̇д̇асса худ̇ваа вихарад̇о. сзяяат̇ааби, бхигкавз, гуггудияаа ан̣д̣аанийд̇и имаа ган̣хабагкасуггабагкавасзна д̣̇вз убамаа вуд̇д̇аа. д̇аасу ган̣хабагкуубамаа ад̇т̇асса асаад̇хигаа, ид̇араа саад̇хигаад̇и суггабагкуубамааяа зва ад̇т̇о взд̣̇ид̇аб̣б̣о. сзяяат̇аад̇и обаммад̇т̇з нибаад̇о. абийд̇и самбхааванад̇т̇з. убхаязнааби сзяяат̇ааби наама, бхигкавзд̇и д̣̇ассзд̇и. гуггудияаа ан̣д̣аани адта ваа д̣̇аса ваа д̣̇ваад̣̇аса ваад̇и зд̇т̇а бана гин̃жааби гуггудияаа вуд̇д̇аббагаарад̇о уунаад̇хигааниби ан̣д̣аани хонд̇и, важанасилидтад̇ааяа банзд̇ам̣ вуд̇д̇ам̣. зван̃хи логз силидтам̣ важанам̣ ход̇и. д̇аанассууд̇и д̇аани ассу, бхавзяяунд̇и ад̇т̇о. гуггудияаа саммаа ад̇хисаяид̇аанийд̇и д̇ааяа ж̇анзд̇д̇ияаа гуггудияаа багкз басаарзд̇ваа д̇зсам̣ убари саяанд̇ияаа саммаа ад̇хисаяид̇аани. саммаа барисзд̣̇ид̇аанийд̇и гаалзна гаалам̣ уд̇ум̣ г̇ан̣хаабзнд̇ияаа судту саманд̇ад̇о сзд̣̇ид̇аани, усмийгад̇аанийд̇и вуд̇д̇ам̣ ход̇и. саммаа барибхаавид̇аанийд̇и гаалзна гаалам̣ судту саманд̇ад̇о бхаавид̇аани, гуггудаг̇анд̇хам̣ г̇аахаабид̇аанийд̇и ад̇т̇о.
71. Sattame ananuyuttassāti na yuttappayuttassa hutvā viharato. Seyyathāpi, bhikkhave, kukkuṭiyā aṇḍānīti imā kaṇhapakkhasukkapakkhavasena dve upamā vuttā. Tāsu kaṇhapakkhūpamā atthassa asādhikā, itarā sādhikāti sukkapakkhūpamāya eva attho veditabbo. Seyyathāti opammatthe nipāto. Apīti sambhāvanatthe. Ubhayenāpi seyyathāpi nāma, bhikkhaveti dasseti. Kukkuṭiyā aṇḍāni aṭṭha vā dasa vā dvādasa vāti ettha pana kiñcāpi kukkuṭiyā vuttappakārato ūnādhikānipi aṇḍāni honti, vacanasiliṭṭhatāya panetaṃ vuttaṃ. Evañhi loke siliṭṭhaṃ vacanaṃ hoti. Tānassūti tāni assu, bhaveyyunti attho. Kukkuṭiyā sammā adhisayitānīti tāya janettiyā kukkuṭiyā pakkhe pasāretvā tesaṃ upari sayantiyā sammā adhisayitāni. Sammā pariseditānīti kālena kālaṃ utuṃ gaṇhāpentiyā suṭṭhu samantato seditāni, usmīkatānīti vuttaṃ hoti. Sammāparibhāvitānīti kālena kālaṃ suṭṭhu samantato bhāvitāni, kukkuṭagandhaṃ gāhāpitānīti attho.
гин̃жааби д̇ассаа гуггудияаад̇и д̇ассаа гуггудияаа имам̣ д̇ивид̇хагирияаагаран̣зна аббамаад̣̇ам̣ гад̇ваа гин̃жааби на звам̣ ижчаа уббаж̇ж̇зяяа. ат̇а ко бхаб̣б̣аава д̇зд̇и ат̇а ко д̇з гуггудабод̇агаа вуд̇д̇анаязна сод̇т̇инаа абхиниб̣бхиж̇ж̇ид̇ум̣ бхаб̣б̣аава. д̇з хи яасмаа д̇ааяа гуггудияаа звам̣ д̇ийхаагаарзхи д̇аани ан̣д̣аани барибаалияамаанаани на бууд̇ийни хонд̇и. яоби нзсам̣ алласинзхо, со барияаад̣̇аанам̣ г̇ажчад̇и, габаалам̣ д̇анугам̣ ход̇и, баад̣̇анакасикаа жа мукад̇ун̣д̣аган̃жа карам̣ ход̇и, саяамби барин̣аамам̣ г̇ажчад̇и. габааласса д̇ануд̇д̇аа б̣ахид̣̇д̇хаа аалого анд̇о бан̃н̃ааяад̇и, д̇асмаа ‘‘жирам̣ вад̇а маяам̣ сам̣гудид̇ахад̇т̇абаад̣̇аа самб̣аад̇хз саяимха, аяан̃жа б̣ахи аалого д̣̇иссад̇и, зд̇т̇а д̣̇аани но сукавихааро бхависсад̇ий’’д̇и нигкамид̇угаамаа худ̇ваа габаалам̣ баад̣̇зна бахаранд̇и, г̇ийвам̣ басаарзнд̇и, д̇ад̇о д̇ам̣ габаалам̣ д̣̇взд̇хаа бхиж̇ж̇ад̇и. ат̇а д̇з багкз вид̇хунанд̇аа д̇ам̣кан̣аануруубам̣ вираванд̇аа нигкаманд̇иязва. нигкаманд̇аа жа г̇аамагкзд̇д̇ам̣ убасобхаяамаанаа вижаранд̇и.
Kiñcāpi tassā kukkuṭiyāti tassā kukkuṭiyā imaṃ tividhakiriyākaraṇena appamādaṃ katvā kiñcāpi na evaṃ icchā uppajjeyya. Atha kho bhabbāva teti atha kho te kukkuṭapotakā vuttanayena sotthinā abhinibbhijjituṃ bhabbāva. Te hi yasmā tāya kukkuṭiyā evaṃ tīhākārehi tāni aṇḍāni paripāliyamānāni na pūtīni honti. Yopi nesaṃ allasineho, so pariyādānaṃ gacchati, kapālaṃ tanukaṃ hoti, pādanakhasikhā ca mukhatuṇḍakañca kharaṃ hoti, sayampi pariṇāmaṃ gacchati. Kapālassa tanuttā bahiddhā āloko anto paññāyati, tasmā ‘‘ciraṃ vata mayaṃ saṃkuṭitahatthapādā sambādhe sayimha, ayañca bahi āloko dissati, ettha dāni no sukhavihāro bhavissatī’’ti nikkhamitukāmā hutvā kapālaṃ pādena paharanti, gīvaṃ pasārenti, tato taṃ kapālaṃ dvedhā bhijjati. Atha te pakkhe vidhunantā taṃkhaṇānurūpaṃ viravantā nikkhamantiyeva. Nikkhamantā ca gāmakkhettaṃ upasobhayamānā vicaranti.
звамзва код̇и ид̣̇ам̣ обаммасамбадибаад̣̇анам̣. д̇ам̣ звам̣ ад̇т̇зна сам̣санд̣̇зд̇ваа взд̣̇ид̇аб̣б̣ам̣ – д̇ассаа гуггудияаа ан̣д̣зсу ад̇хисаяанаад̣̇ид̇ивид̇хагирияаагаран̣ам̣ вияа хи имасса бхигкуно бхааванам̣ ануяуд̇д̇агаало , гуггудияаа д̇ивид̇хагирияаасамбаад̣̇анзна ан̣д̣аанам̣ абууд̇ибхааво вияа бхааванам̣ ануяуд̇д̇асса бхигкуно д̇ивид̇хаанубассанаасамбаад̣̇анзна вибассанаан̃аан̣асса абарихаани. д̇ассаа д̇ивид̇хагирияаагаран̣зна ан̣д̣аанам̣ алласинзхабарияаад̣̇аанам̣ вияа д̇асса бхигкуно д̇ивид̇хаанубассанаасамбаад̣̇анзна бхавад̇д̇аяаануг̇ад̇аниганд̇исинзхабарияаад̣̇аанам̣, ан̣д̣агабаалаанам̣ д̇анубхааво вияа бхигкуно авиж̇ж̇ан̣д̣агосасса д̇анубхааво, гуггудабод̇агаанам̣ накад̇ун̣д̣агаанам̣ т̇ад̣̇д̇хабхааво вияа бхигкуно вибассанаан̃аан̣асса д̇игкакаравиббасаннасуурабхааво, гуггудабод̇агаанам̣ барин̣аамагаало вияа бхигкуно вибассанаан̃аан̣асса барин̣аамагаало вад̣дхигаало г̇аб̣бхаг̇г̇ахан̣агаало, гуггудабод̇агаанам̣ баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа багкз бабподзд̇ваа сод̇т̇инаа абхиниб̣бхид̣̇аагаало вияа д̇асса бхигкуно вибассанаан̃аан̣аг̇аб̣бхам̣ г̇ан̣хаабзд̇ваа вижаранд̇асса д̇аж̇ж̇аад̇игам̣ уд̇усаббааяам̣ ваа бхож̇анасаббааяам̣ ваа буг̇г̇аласаббааяам̣ ваа д̇хаммассаванасаббааяам̣ ваа лабхид̇ваа згаасанз нисиннассзва вибассанам̣ вад̣дхзнд̇асса анубуб̣б̣аад̇хиг̇ад̇зна арахад̇д̇амаг̇г̇зна авиж̇ж̇ан̣д̣агосам̣ бад̣̇аалзд̇ваа абхин̃н̃аабагкз бабподзд̇ваа сод̇т̇инаа арахад̇д̇аббад̇д̇агаало взд̣̇ид̇аб̣б̣о.
Evamevakhoti idaṃ opammasampaṭipādanaṃ. Taṃ evaṃ atthena saṃsandetvā veditabbaṃ – tassā kukkuṭiyā aṇḍesu adhisayanāditividhakiriyākaraṇaṃ viya hi imassa bhikkhuno bhāvanaṃ anuyuttakālo , kukkuṭiyā tividhakiriyāsampādanena aṇḍānaṃ apūtibhāvo viya bhāvanaṃ anuyuttassa bhikkhuno tividhānupassanāsampādanena vipassanāñāṇassa aparihāni. Tassā tividhakiriyākaraṇena aṇḍānaṃ allasinehapariyādānaṃ viya tassa bhikkhuno tividhānupassanāsampādanena bhavattayānugatanikantisinehapariyādānaṃ, aṇḍakapālānaṃ tanubhāvo viya bhikkhuno avijjaṇḍakosassa tanubhāvo, kukkuṭapotakānaṃ nakhatuṇḍakānaṃ thaddhabhāvo viya bhikkhuno vipassanāñāṇassa tikkhakharavippasannasūrabhāvo, kukkuṭapotakānaṃ pariṇāmakālo viya bhikkhuno vipassanāñāṇassa pariṇāmakālo vaḍḍhikālo gabbhaggahaṇakālo, kukkuṭapotakānaṃ pādanakhasikhāya vā mukhatuṇḍakena vā aṇḍakosaṃ padāletvā pakkhe papphoṭetvā sotthinā abhinibbhidākālo viya tassa bhikkhuno vipassanāñāṇagabbhaṃ gaṇhāpetvā vicarantassa tajjātikaṃ utusappāyaṃ vā bhojanasappāyaṃ vā puggalasappāyaṃ vā dhammassavanasappāyaṃ vā labhitvā ekāsane nisinnasseva vipassanaṃ vaḍḍhentassa anupubbādhigatena arahattamaggena avijjaṇḍakosaṃ padāletvā abhiññāpakkhe papphoṭetvā sotthinā arahattappattakālo veditabbo.
яат̇аа бана гуггудабод̇агаанам̣ барин̣ад̇абхаавам̣ н̃ад̇ваа маад̇ааби ан̣д̣агосам̣ бхинд̣̇ад̇и, звам̣ д̇ат̇ааруубасса бхигкуно н̃аан̣абарибаагам̣ н̃ад̇ваа сад̇т̇ааби –
Yathā pana kukkuṭapotakānaṃ pariṇatabhāvaṃ ñatvā mātāpi aṇḍakosaṃ bhindati, evaṃ tathārūpassa bhikkhuno ñāṇaparipākaṃ ñatvā satthāpi –
‘‘ужчинд̣̇а синзхамад̇д̇ано, гумуд̣̇ам̣ саарад̣̇игам̣ва баан̣инаа;
‘‘Ucchinda sinehamattano, kumudaṃ sāradikaṃva pāṇinā;
санд̇имаг̇г̇амзва б̣руухаяа, ниб̣б̣аанам̣ суг̇ад̇зна д̣̇зсид̇а’’нд̇и. (д̇ха. ба. 285) –
Santimaggameva brūhaya, nibbānaṃ sugatena desita’’nti. (dha. pa. 285) –
аад̣̇инаа наязна обхаасам̣ парид̇ваа г̇аат̇ааяа авиж̇ж̇ан̣д̣агосам̣ бахарад̇и. со г̇аат̇аабарияосаанз авиж̇ж̇ан̣д̣агосам̣ бхинд̣̇ид̇ваа арахад̇д̇ам̣ баабун̣аад̇и. д̇ад̇о бадтааяа яат̇аа д̇з гуггудабод̇агаа г̇аамагкзд̇д̇ам̣ убасобхаяамаанаа д̇ад̇т̇а вижаранд̇и, звам̣ аяамби махаакийн̣аасаво ниб̣б̣аанаарамман̣ам̣ паласамаабад̇д̇им̣ аббзд̇ваа сан̇гхаараамам̣ убасобхаяамаано вижарад̇и.
Ādinā nayena obhāsaṃ pharitvā gāthāya avijjaṇḍakosaṃ paharati. So gāthāpariyosāne avijjaṇḍakosaṃ bhinditvā arahattaṃ pāpuṇāti. Tato paṭṭhāya yathā te kukkuṭapotakā gāmakkhettaṃ upasobhayamānā tattha vicaranti, evaṃ ayampi mahākhīṇāsavo nibbānārammaṇaṃ phalasamāpattiṃ appetvā saṅghārāmaṃ upasobhayamāno vicarati.
палаг̇ан̣д̣ассаад̇и вад̣дхагисса. со хи оламб̣агасан̇каад̇ам̣ палам̣ жаарзд̇ваа д̣̇ааруунам̣ г̇ан̣д̣ам̣ харад̇ийд̇и палаг̇ан̣д̣од̇и вужжад̇и. ваасиж̇адзд̇и ваасид̣̇ан̣д̣агасса г̇ахан̣адтаанз. зд̇д̇агам̣ мз аж̇ж̇а аасаваанам̣ кийн̣анд̇и баб̣б̣аж̇ид̇асса хи баб̣б̣аж̇ж̇аасан̇кзбзна уд̣̇д̣̇зсзна барибужчааяа яонисоманасигаарзна вад̇д̇абадибад̇д̇ияаа жа нижжагаалам̣ аасаваа кийяанд̇и. звам̣ кийяамаанаанам̣ бана нзсам̣ ‘‘зд̇д̇агам̣ аж̇ж̇а кийн̣ам̣ зд̇д̇агам̣ хияяо’’д̇и звамасса н̃аан̣ам̣ на ход̇ийд̇и ад̇т̇о. имааяа убамааяа вибассанаанисам̣со д̣̇ийбид̇о.
Phalagaṇḍassāti vaḍḍhakissa. So hi olambakasaṅkhātaṃ phalaṃ cāretvā dārūnaṃ gaṇḍaṃ haratīti phalagaṇḍoti vuccati. Vāsijaṭeti vāsidaṇḍakassa gahaṇaṭṭhāne. Ettakaṃ me ajja āsavānaṃ khīṇanti pabbajitassa hi pabbajjāsaṅkhepena uddesena paripucchāya yonisomanasikārena vattapaṭipattiyā ca niccakālaṃ āsavā khīyanti. Evaṃ khīyamānānaṃ pana nesaṃ ‘‘ettakaṃ ajja khīṇaṃ ettakaṃ hiyyo’’ti evamassa ñāṇaṃ na hotīti attho. Imāya upamāya vipassanānisaṃso dīpito.
хзманд̇игзнаад̇и хзманд̇асамаязна. бадиббассамбханд̇ийд̇и т̇ирабхаавзна барихааяанд̇и. звамзва код̇и зд̇т̇а махаасамуд̣̇д̣̇о вияа саасанам̣ д̣̇адтаб̣б̣ам̣, нааваа вияа яог̇ааважаро, наавааяа махаасамуд̣̇д̣̇з барияааяанам̣ вияа имасса бхигкуно уунабан̃жавассагаалз аажарияубаж̇жхааяаанам̣ санд̇игз вижаран̣ам̣, наавааяа махаасамуд̣̇д̣̇ауд̣̇агзна каж̇ж̇амаанаанам̣ б̣анд̇ханаанам̣ д̇анубхааво вияа бхигкуно баб̣б̣аж̇ж̇аасан̇кзбзна уд̣̇д̣̇зсабарибужчаад̣̇ийхиязва сам̣яож̇анаанам̣ д̇анубхааво, наавааяа т̇алз угкид̇д̇агаало вияа бхигкуно ниссаяамуд̇д̇агасса гаммадтаанам̣ г̇ахзд̇ваа аран̃н̃з васанагаало, д̣̇иваа ваад̇аад̇абзна сам̣суссанам̣ вияа вибассанаан̃аан̣зна д̇ан̣хаасинзхасса сам̣суссанам̣, рад̇д̇им̣ химод̣̇агзна д̇зманам̣ вияа гаммадтаанам̣ ниссааяа уббаннзна бийд̇ибаамож̇ж̇зна жид̇д̇ад̇зманам̣, рад̇д̇инд̣̇ивам̣ ваад̇аад̇абзхи жзва химод̣̇агзна жа барисугкабарид̇инд̇аанам̣ б̣анд̇ханаанам̣ д̣̇уб̣б̣алабхааво вияа вибассанаан̃аан̣абийд̇ибаамож̇ж̇зхи сам̣яож̇анаанам̣ бхияяосомад̇д̇ааяа д̣̇уб̣б̣алабхааво, баавуссагамзгхо вияа арахад̇д̇амаг̇г̇ан̃аан̣ам̣, мзгхавудтиуд̣̇агзна наавааяа анд̇обууд̇ибхааво вияа аарад̣̇д̇хавибассагасса руубасад̇д̇агаад̣̇ивасзна вибассанам̣ вад̣дхзнд̇асса огкааяамаанз багкааяамаанз гаммадтаанз згад̣̇ивасам̣ уд̇усаббааяаад̣̇ийни лад̣̇д̇хаа згабаллан̇гзна нисиннасса арахад̇д̇апалаад̇хиг̇амо. бууд̇иб̣анд̇ханааяа наавааяа гин̃жи гаалам̣ таанам̣ вияа кийн̣асам̣яож̇анасса арахад̇о махааж̇анам̣ ануг̇г̇ан̣ханд̇асса яаавад̇ааяугам̣ таанам̣, бууд̇иб̣анд̇ханааяа наавааяа анубуб̣б̣зна бхиж̇ж̇ид̇ваа абан̣н̣ад̇д̇игабхаавуубаг̇амо вияа кийн̣аасавасса убаад̣̇иннагканд̇хабхзд̣̇зна анубаад̣̇исзсааяа ниб̣б̣аанад̇хаад̇уяаа бариниб̣б̣уд̇асса абан̣н̣ад̇д̇игабхаавуубаг̇амод̇и имааяа убамааяа сам̣яож̇анаанам̣ д̣̇уб̣б̣алад̇аа д̣̇ийбид̇аа.
Hemantikenāti hemantasamayena. Paṭippassambhantīti thirabhāvena parihāyanti. Evameva khoti ettha mahāsamuddo viya sāsanaṃ daṭṭhabbaṃ, nāvā viya yogāvacaro, nāvāya mahāsamudde pariyāyanaṃ viya imassa bhikkhuno ūnapañcavassakāle ācariyupajjhāyānaṃ santike vicaraṇaṃ, nāvāya mahāsamuddaudakena khajjamānānaṃ bandhanānaṃ tanubhāvo viya bhikkhuno pabbajjāsaṅkhepena uddesaparipucchādīhiyeva saṃyojanānaṃ tanubhāvo, nāvāya thale ukkhittakālo viya bhikkhuno nissayamuttakassa kammaṭṭhānaṃ gahetvā araññe vasanakālo, divā vātātapena saṃsussanaṃ viya vipassanāñāṇena taṇhāsinehassa saṃsussanaṃ, rattiṃ himodakena temanaṃ viya kammaṭṭhānaṃ nissāya uppannena pītipāmojjena cittatemanaṃ, rattindivaṃ vātātapehi ceva himodakena ca parisukkhaparitintānaṃ bandhanānaṃ dubbalabhāvo viya vipassanāñāṇapītipāmojjehi saṃyojanānaṃ bhiyyosomattāya dubbalabhāvo, pāvussakamegho viya arahattamaggañāṇaṃ, meghavuṭṭhiudakena nāvāya antopūtibhāvo viya āraddhavipassakassa rūpasattakādivasena vipassanaṃ vaḍḍhentassa okkhāyamāne pakkhāyamāne kammaṭṭhāne ekadivasaṃ utusappāyādīni laddhā ekapallaṅkena nisinnassa arahattaphalādhigamo. Pūtibandhanāya nāvāya kiñci kālaṃ ṭhānaṃ viya khīṇasaṃyojanassa arahato mahājanaṃ anuggaṇhantassa yāvatāyukaṃ ṭhānaṃ, pūtibandhanāya nāvāya anupubbena bhijjitvā apaṇṇattikabhāvūpagamo viya khīṇāsavassa upādinnakkhandhabhedena anupādisesāya nibbānadhātuyā parinibbutassa apaṇṇattikabhāvūpagamoti imāya upamāya saṃyojanānaṃ dubbalatā dīpitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. бхааванаасуд̇д̇ам̣ • 7. Bhāvanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. бхааванаасуд̇д̇аван̣н̣анаа • 7. Bhāvanāsuttavaṇṇanā
