| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. භවනෙත්‌තිසුත්‌තං
3. Bhavanettisuttaṃ
162. සාවත්‌ථිනිදානං. එකමන්‌තං නිසින්‌නො ඛො ආයස්‌මා රාධො භගවන්‌තං එතදවොච – ‘‘‘භවනෙත්‌තිනිරොධො 1, භවනෙත්‌තිනිරොධො’ති 2, භන්‌තෙ, වුච්‌චති. කතමා නු ඛො, භන්‌තෙ, භවනෙත්‌ති, කතමො භවනෙත්‌තිනිරොධො’’ති? ‘‘රූපෙ ඛො, රාධ, යො ඡන්‌දො යො රාගො යා නන්‌දී යා තණ්‌හා යෙ උපයුපාදානා චෙතසො අධිට්‌ඨානාභිනිවෙසානුසයා – අයං වුච්‌චති භවනෙත්‌ති. තෙසං නිරොධො 3 භවනෙත්‌තිනිරොධො. වෙදනාය… සඤ්‌ඤාය… සඞ්‌ඛාරෙසු … විඤ්‌ඤාණෙ යො ඡන්‌දො…පෙ.… අධිට්‌ඨානාභිනිවෙසානුසයා – අයං වුච්‌චති භවනෙත්‌ති. තෙසං නිරොධො භවනෙත්‌තිනිරොධො’’ති. තතියං.
162. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘bhavanettinirodho 4, bhavanettinirodho’ti 5, bhante, vuccati. Katamā nu kho, bhante, bhavanetti, katamo bhavanettinirodho’’ti? ‘‘Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti. Tesaṃ nirodho 6 bhavanettinirodho. Vedanāya… saññāya… saṅkhāresu … viññāṇe yo chando…pe… adhiṭṭhānābhinivesānusayā – ayaṃ vuccati bhavanetti. Tesaṃ nirodho bhavanettinirodho’’ti. Tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-10. සත්‌තසුත්‌තාදිවණ්‌ණනා • 2-10. Sattasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-10. සත්‌තසුත්‌තාදිවණ්‌ණනා • 2-10. Sattasuttādivaṇṇanā
