| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. бхаванд̇асан̇каараж̇ааяамаанабан̃хо
5. Bhavantasaṅkhārajāyamānapañho
5. рааж̇аа ааха ‘‘бханд̇з нааг̇асзна, ад̇т̇и гзжи сан̇каараа, яз абхаванд̇аа ж̇ааяанд̇ий’’д̇и? ‘‘над̇т̇и, махаарааж̇а, гзжи сан̇каараа, яз абхаванд̇аа ж̇ааяанд̇и, бхаванд̇аа язва ко, махаарааж̇а, сан̇каараа ж̇ааяанд̇ий’’д̇и.
5. Rājā āha ‘‘bhante nāgasena, atthi keci saṅkhārā, ye abhavantā jāyantī’’ti? ‘‘Natthi, mahārāja, keci saṅkhārā, ye abhavantā jāyanti, bhavantā yeva kho, mahārāja, saṅkhārā jāyantī’’ti.
‘‘обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, ид̣̇ам̣ г̇зхам̣ абхаванд̇ам̣ ж̇аад̇ам̣, яад̇т̇а д̇вам̣ нисинносий’’д̇и? ‘‘над̇т̇и гин̃жи, бханд̇з, ид̇ха абхаванд̇ам̣ ж̇аад̇ам̣, бхаванд̇ам̣ язва ж̇аад̇ам̣, имаани ко, бханд̇з, д̣̇аарууни ванз ахзсум̣, аяан̃жа мад̇д̇игаа бат̇авияам̣ ахоси, ид̇т̇ийнан̃жа бурисаанан̃жа д̇аж̇ж̇зна вааяаамзна звамид̣̇ам̣ г̇зхам̣ ниб̣б̣ад̇д̇а’’нд̇и. ‘‘звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва сан̇каараа ж̇ааяанд̇ий’’д̇и.
‘‘Opammaṃ karohī’’ti. ‘‘Taṃ kiṃ maññasi, mahārāja, idaṃ gehaṃ abhavantaṃ jātaṃ, yattha tvaṃ nisinnosī’’ti? ‘‘Natthi kiñci, bhante, idha abhavantaṃ jātaṃ, bhavantaṃ yeva jātaṃ, imāni kho, bhante, dārūni vane ahesuṃ, ayañca mattikā pathaviyaṃ ahosi, itthīnañca purisānañca tajjena vāyāmena evamidaṃ gehaṃ nibbatta’’nti. ‘‘Evameva kho, mahārāja, natthi keci saṅkhārā, ye abhavantā jāyanti, bhavantā yeva saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, яз гзжи б̣ийж̇аг̇аамабхууд̇аг̇аамаа бат̇авияам̣ нигкид̇д̇аа анубуб̣б̣зна вуд̣дхим̣ вируул̣хим̣ взбуллам̣ аабаж̇ж̇амаанаа бубпаани жа палаани жа д̣̇ад̣̇зяяум̣, на д̇з ругкаа абхаванд̇аа ж̇аад̇аа, бхаванд̇аа язва д̇з ругкаа ж̇аад̇аа. звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва д̇з сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, ye keci bījagāmabhūtagāmā pathaviyaṃ nikkhittā anupubbena vuḍḍhiṃ virūḷhiṃ vepullaṃ āpajjamānā pupphāni ca phalāni ca dadeyyuṃ, na te rukkhā abhavantā jātā, bhavantā yeva te rukkhā jātā. Evameva kho, mahārāja, natthi keci saṅkhārā, ye abhavantā jāyanti, bhavantā yeva te saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гумбхагааро бат̇авияаа мад̇д̇игам̣ уд̣̇д̇харид̇ваа наанаабхааж̇анаани гарод̇и, на д̇аани бхааж̇анаани абхаванд̇аани ж̇аад̇аани, бхаванд̇аани язва ж̇аад̇аани. звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kumbhakāro pathaviyā mattikaṃ uddharitvā nānābhājanāni karoti, na tāni bhājanāni abhavantāni jātāni, bhavantāni yeva jātāni. Evameva kho, mahārāja, natthi keci saṅkhārā, ye abhavantā jāyanti, bhavantā yeva saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, вийн̣ааяа бад̇д̇ам̣ на сияаа, жаммам̣ на сияаа, д̣̇он̣и на сияаа, д̣̇ан̣д̣о на сияаа, убавийн̣о на сияаа, д̇анд̇ияо на сияум̣, гон̣о на сияаа, бурисасса жа д̇аж̇ж̇о вааяаамо на сияаа, ж̇ааязяяа сад̣̇д̣̇о’’д̇и? ‘‘на хи бханд̇з’’д̇и. ‘‘яад̇о жа ко, махаарааж̇а, вийн̣ааяа бад̇д̇ам̣ сияаа, жаммам̣ сияаа, д̣̇он̣и сияаа, д̣̇ан̣д̣о сияаа, убавийн̣о сияаа, д̇анд̇ияо сияум̣, гон̣о сияаа, бурисасса жа д̇аж̇ж̇о вааяаамо сияаа, ж̇ааязяяа сад̣̇д̣̇о’’д̇и? ‘‘аама, бханд̇з, ж̇ааязяяаа’’д̇и. ‘‘звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва ко сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, vīṇāya pattaṃ na siyā, cammaṃ na siyā, doṇi na siyā, daṇḍo na siyā, upavīṇo na siyā, tantiyo na siyuṃ, koṇo na siyā, purisassa ca tajjo vāyāmo na siyā, jāyeyya saddo’’ti? ‘‘Na hi bhante’’ti. ‘‘Yato ca kho, mahārāja, vīṇāya pattaṃ siyā, cammaṃ siyā, doṇi siyā, daṇḍo siyā, upavīṇo siyā, tantiyo siyuṃ, koṇo siyā, purisassa ca tajjo vāyāmo siyā, jāyeyya saddo’’ti? ‘‘Āma, bhante, jāyeyyā’’ti. ‘‘Evameva kho, mahārāja, natthi keci saṅkhārā, ye abhavantā jāyanti, bhavantā yeva kho saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, аран̣и на сияаа, аран̣ибод̇аго на сияаа, аран̣ияод̇д̇агам̣ на сияаа, уд̇д̇арааран̣и на сияаа, жол̣агам̣ на сияаа, бурисасса жа д̇аж̇ж̇о вааяаамо на сияаа, ж̇ааязяяа со аг̇г̇ий’’д̇и? ‘‘на хи бханд̇з’’д̇и. ‘‘яад̇о жа ко, махаарааж̇а, аран̣и сияаа, аран̣ибод̇аго сияаа, аран̣ияод̇д̇агам̣ сияаа, уд̇д̇арааран̣и сияаа, жол̣агам̣ сияаа, бурисасса жа д̇аж̇ж̇о вааяаамо сияаа, ж̇ааязяяа со аг̇г̇ий’’д̇и? ‘‘аама, бханд̇з , ж̇ааязяяаа’’д̇и. ‘‘звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва ко сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, araṇi na siyā, araṇipotako na siyā, araṇiyottakaṃ na siyā, uttarāraṇi na siyā, coḷakaṃ na siyā, purisassa ca tajjo vāyāmo na siyā, jāyeyya so aggī’’ti? ‘‘Na hi bhante’’ti. ‘‘Yato ca kho, mahārāja, araṇi siyā, araṇipotako siyā, araṇiyottakaṃ siyā, uttarāraṇi siyā, coḷakaṃ siyā, purisassa ca tajjo vāyāmo siyā, jāyeyya so aggī’’ti? ‘‘Āma, bhante , jāyeyyā’’ti. ‘‘Evameva kho, mahārāja, natthi keci saṅkhārā, ye abhavantā jāyanti, bhavantā yeva kho saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, ман̣и на сияаа, аад̇або на сияаа, г̇омаяам̣ на сияаа, ж̇ааязяяа со аг̇г̇ий’’д̇и? ‘‘на хи бханд̇з’’д̇и. ‘‘яад̇о жа ко, махаарааж̇а, ман̣и сияаа, аад̇або сияаа, г̇омаяам̣ сияаа, ж̇ааязяяа со аг̇г̇ий’’д̇и? ‘‘аама, бханд̇з, ж̇ааязяяаа’’д̇и. ‘‘звамзва ко, махаарааж̇а, над̇т̇и гзжи сан̇каараа яз абхаванд̇аа ж̇ааяанд̇и, бхаванд̇аа язва ко сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, maṇi na siyā, ātapo na siyā, gomayaṃ na siyā, jāyeyya so aggī’’ti? ‘‘Na hi bhante’’ti. ‘‘Yato ca kho, mahārāja, maṇi siyā, ātapo siyā, gomayaṃ siyā, jāyeyya so aggī’’ti? ‘‘Āma, bhante, jāyeyyā’’ti. ‘‘Evameva kho, mahārāja, natthi keci saṅkhārā ye abhavantā jāyanti, bhavantā yeva kho saṅkhārā jāyantī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, аад̣̇аасо на сияаа, аабхаа на сияаа, мукам̣ на сияаа, ж̇ааязяяа ад̇д̇аа’’д̇и? ‘‘на хи, бханд̇з’’д̇и. ‘‘яад̇о жа ко, махаарааж̇а, аад̣̇аасо сияаа, аабхаа сияаа, мукам̣ сияаа, ж̇ааязяяа ад̇д̇аа’’д̇и? ‘‘аама, бханд̇з, ж̇ааязяяаа’’д̇и. ‘‘звамзва ко, махаарааж̇а, над̇т̇и гзжи сан̇каараа, яз абхаванд̇аа ж̇ааяанд̇и, бхаванд̇аа язва ко сан̇каараа ж̇ааяанд̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, ādāso na siyā, ābhā na siyā, mukhaṃ na siyā, jāyeyya attā’’ti? ‘‘Na hi, bhante’’ti. ‘‘Yato ca kho, mahārāja, ādāso siyā, ābhā siyā, mukhaṃ siyā, jāyeyya attā’’ti? ‘‘Āma, bhante, jāyeyyā’’ti. ‘‘Evameva kho, mahārāja, natthi keci saṅkhārā, ye abhavantā jāyanti, bhavantā yeva kho saṅkhārā jāyantī’’ti.
‘‘галлоси , бханд̇з нааг̇асзнаа’’д̇и.
‘‘Kallosi , bhante nāgasenā’’ti.
бхаванд̇асан̇каараж̇ааяамаанабан̃хо бан̃жамо.
Bhavantasaṅkhārajāyamānapañho pañcamo.
