| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
13. ப⁴வபஞ்ஹாஸுத்தங்
13. Bhavapañhāsuttaṃ
326. ‘‘‘ப⁴வோ, ப⁴வோ’தி, ஆவுஸோ ஸாரிபுத்த, வுச்சதி. கதமோ நு கோ², ஆவுஸோ, ப⁴வோ’’தி? ‘‘தயோ மே, ஆவுஸோ, ப⁴வா. காமப⁴வோ, ரூபப⁴வோ, அரூபப⁴வோ – இமே கோ², ஆவுஸோ, தயோ ப⁴வா’’தி. ‘‘அத்தி² பனாவுஸோ, மக்³கோ³ அத்தி² படிபதா³, ஏதேஸங் ப⁴வானங் பரிஞ்ஞாயா’’தி? ‘‘அத்தி² கோ², ஆவுஸோ, மக்³கோ³ அத்தி² படிபதா³, ஏதேஸங் ப⁴வானங் பரிஞ்ஞாயா’’தி. ‘‘கதமோ, பனாவுஸோ, மக்³கோ³ கதமா படிபதா³, ஏதேஸங் ப⁴வானங் பரிஞ்ஞாயா’’தி? ‘‘அயமேவ கோ², ஆவுஸோ, அரியோ அட்ட²ங்கி³கோ மக்³கோ³, ஏதேஸங் ப⁴வானங் பரிஞ்ஞாய, ஸெய்யதி²த³ங் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. அயங் கோ², ஆவுஸோ, மக்³கோ³ அயங் படிபதா³, ஏதேஸங் ப⁴வானங் பரிஞ்ஞாயா’’தி. ‘‘ப⁴த்³த³கோ, ஆவுஸோ, மக்³கோ³ ப⁴த்³தி³கா படிபதா³, ஏதேஸங் ப⁴வானங் பரிஞ்ஞாய. அலஞ்ச பனாவுஸோ ஸாரிபுத்த, அப்பமாதா³யா’’தி. தேரஸமங்.
326. ‘‘‘Bhavo, bhavo’ti, āvuso sāriputta, vuccati. Katamo nu kho, āvuso, bhavo’’ti? ‘‘Tayo me, āvuso, bhavā. Kāmabhavo, rūpabhavo, arūpabhavo – ime kho, āvuso, tayo bhavā’’ti. ‘‘Atthi panāvuso, maggo atthi paṭipadā, etesaṃ bhavānaṃ pariññāyā’’ti? ‘‘Atthi kho, āvuso, maggo atthi paṭipadā, etesaṃ bhavānaṃ pariññāyā’’ti. ‘‘Katamo, panāvuso, maggo katamā paṭipadā, etesaṃ bhavānaṃ pariññāyā’’ti? ‘‘Ayameva kho, āvuso, ariyo aṭṭhaṅgiko maggo, etesaṃ bhavānaṃ pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etesaṃ bhavānaṃ pariññāyā’’ti. ‘‘Bhaddako, āvuso, maggo bhaddikā paṭipadā, etesaṃ bhavānaṃ pariññāya. Alañca panāvuso sāriputta, appamādāyā’’ti. Terasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-15. த⁴ம்மவாதீ³பஞ்ஹாஸுத்தாதி³வண்ணனா • 3-15. Dhammavādīpañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-15. த⁴ம்மவாதீ³பஞ்ஹஸுத்தாதி³வண்ணனா • 3-15. Dhammavādīpañhasuttādivaṇṇanā
