| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੩. ਭવਪਞ੍ਹਾਸੁਤ੍ਤਂ
13. Bhavapañhāsuttaṃ
੩੨੬. ‘‘‘ਭવੋ, ਭવੋ’ਤਿ, ਆવੁਸੋ ਸਾਰਿਪੁਤ੍ਤ, વੁਚ੍ਚਤਿ। ਕਤਮੋ ਨੁ ਖੋ, ਆવੁਸੋ, ਭવੋ’’ਤਿ? ‘‘ਤਯੋ ਮੇ, ਆવੁਸੋ, ਭવਾ। ਕਾਮਭવੋ, ਰੂਪਭવੋ, ਅਰੂਪਭવੋ – ਇਮੇ ਖੋ, ਆવੁਸੋ, ਤਯੋ ਭવਾ’’ਤਿ। ‘‘ਅਤ੍ਥਿ ਪਨਾવੁਸੋ, ਮਗ੍ਗੋ ਅਤ੍ਥਿ ਪਟਿਪਦਾ, ਏਤੇਸਂ ਭવਾਨਂ ਪਰਿਞ੍ਞਾਯਾ’’ਤਿ? ‘‘ਅਤ੍ਥਿ ਖੋ, ਆવੁਸੋ, ਮਗ੍ਗੋ ਅਤ੍ਥਿ ਪਟਿਪਦਾ, ਏਤੇਸਂ ਭવਾਨਂ ਪਰਿਞ੍ਞਾਯਾ’’ਤਿ। ‘‘ਕਤਮੋ, ਪਨਾવੁਸੋ, ਮਗ੍ਗੋ ਕਤਮਾ ਪਟਿਪਦਾ, ਏਤੇਸਂ ਭવਾਨਂ ਪਰਿਞ੍ਞਾਯਾ’’ਤਿ? ‘‘ਅਯਮੇવ ਖੋ, ਆવੁਸੋ, ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਏਤੇਸਂ ਭવਾਨਂ ਪਰਿਞ੍ਞਾਯ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾવਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀવੋ ਸਮ੍ਮਾવਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ। ਅਯਂ ਖੋ, ਆવੁਸੋ, ਮਗ੍ਗੋ ਅਯਂ ਪਟਿਪਦਾ, ਏਤੇਸਂ ਭવਾਨਂ ਪਰਿਞ੍ਞਾਯਾ’’ਤਿ। ‘‘ਭਦ੍ਦਕੋ, ਆવੁਸੋ, ਮਗ੍ਗੋ ਭਦ੍ਦਿਕਾ ਪਟਿਪਦਾ, ਏਤੇਸਂ ਭવਾਨਂ ਪਰਿਞ੍ਞਾਯ। ਅਲਞ੍ਚ ਪਨਾવੁਸੋ ਸਾਰਿਪੁਤ੍ਤ, ਅਪ੍ਪਮਾਦਾਯਾ’’ਤਿ। ਤੇਰਸਮਂ।
326. ‘‘‘Bhavo, bhavo’ti, āvuso sāriputta, vuccati. Katamo nu kho, āvuso, bhavo’’ti? ‘‘Tayo me, āvuso, bhavā. Kāmabhavo, rūpabhavo, arūpabhavo – ime kho, āvuso, tayo bhavā’’ti. ‘‘Atthi panāvuso, maggo atthi paṭipadā, etesaṃ bhavānaṃ pariññāyā’’ti? ‘‘Atthi kho, āvuso, maggo atthi paṭipadā, etesaṃ bhavānaṃ pariññāyā’’ti. ‘‘Katamo, panāvuso, maggo katamā paṭipadā, etesaṃ bhavānaṃ pariññāyā’’ti? ‘‘Ayameva kho, āvuso, ariyo aṭṭhaṅgiko maggo, etesaṃ bhavānaṃ pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etesaṃ bhavānaṃ pariññāyā’’ti. ‘‘Bhaddako, āvuso, maggo bhaddikā paṭipadā, etesaṃ bhavānaṃ pariññāya. Alañca panāvuso sāriputta, appamādāyā’’ti. Terasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੧੫. ਧਮ੍ਮવਾਦੀਪਞ੍ਹਾਸੁਤ੍ਤਾਦਿવਣ੍ਣਨਾ • 3-15. Dhammavādīpañhāsuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੧੫. ਧਮ੍ਮવਾਦੀਪਞ੍ਹਸੁਤ੍ਤਾਦਿવਣ੍ਣਨਾ • 3-15. Dhammavādīpañhasuttādivaṇṇanā
