| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. භවසුත්‌තං
10. Bhavasuttaṃ
105. ‘‘තයොමෙ , භික්‌ඛවෙ, භවා පහාතබ්‌බා, තීසු සික්‌ඛාසු සික්‌ඛිතබ්‌බං. කතමෙ තයො භවා පහාතබ්‌බා? කාමභවො, රූපභවො, අරූපභවො – ඉමෙ තයො භවා පහාතබ්‌බා. කතමාසු තීසු සික්‌ඛාසු සික්‌ඛිතබ්‌බං? අධිසීලසික්‌ඛාය, අධිචිත්‌තසික්‌ඛාය, අධිපඤ්‌ඤාසික්‌ඛාය – ඉමාසු තීසු සික්‌ඛාසු සික්‌ඛිතබ්‌බං. යතො ඛො, භික්‌ඛවෙ, භික්‌ඛුනො ඉමෙ තයො භවා පහීනා හොන්‌ති, ඉමාසු ච තීසු සික්‌ඛාසු සික්‌ඛිතසික්‌ඛො හොති – අයං වුච්‌චති, භික්‌ඛවෙ, භික්‌ඛු අච්‌ඡෙච්‌ඡි තණ්‌හං, විවත්‌තයි සංයොජනං, සම්‌මා මානාභිසමයා අන්‌තමකාසි දුක්‌ඛස්‌සා’’ති. දසමං.
105. ‘‘Tayome , bhikkhave, bhavā pahātabbā, tīsu sikkhāsu sikkhitabbaṃ. Katame tayo bhavā pahātabbā? Kāmabhavo, rūpabhavo, arūpabhavo – ime tayo bhavā pahātabbā. Katamāsu tīsu sikkhāsu sikkhitabbaṃ? Adhisīlasikkhāya, adhicittasikkhāya, adhipaññāsikkhāya – imāsu tīsu sikkhāsu sikkhitabbaṃ. Yato kho, bhikkhave, bhikkhuno ime tayo bhavā pahīnā honti, imāsu ca tīsu sikkhāsu sikkhitasikkho hoti – ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Dasamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
