| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. བྷཝསུཏྟཾ
10. Bhavasuttaṃ
༡༠༥. ‘‘ཏཡོམེ , བྷིཀྑཝེ, བྷཝཱ པཧཱཏབྦཱ, ཏཱིསུ སིཀྑཱསུ སིཀྑིཏབྦཾ། ཀཏམེ ཏཡོ བྷཝཱ པཧཱཏབྦཱ? ཀཱམབྷཝོ, རཱུཔབྷཝོ, ཨརཱུཔབྷཝོ – ཨིམེ ཏཡོ བྷཝཱ པཧཱཏབྦཱ། ཀཏམཱསུ ཏཱིསུ སིཀྑཱསུ སིཀྑིཏབྦཾ? ཨདྷིསཱིལསིཀྑཱཡ, ཨདྷིཙིཏྟསིཀྑཱཡ, ཨདྷིཔཉྙཱསིཀྑཱཡ – ཨིམཱསུ ཏཱིསུ སིཀྑཱསུ སིཀྑིཏབྦཾ། ཡཏོ ཁོ, བྷིཀྑཝེ, བྷིཀྑུནོ ཨིམེ ཏཡོ བྷཝཱ པཧཱིནཱ ཧོནྟི, ཨིམཱསུ ཙ ཏཱིསུ སིཀྑཱསུ སིཀྑིཏསིཀྑོ ཧོཏི – ཨཡཾ ཝུཙྩཏི, བྷིཀྑཝེ, བྷིཀྑུ ཨཙྪེཙྪི ཏཎྷཾ, ཝིཝཏྟཡི སཾཡོཛནཾ, སམྨཱ མཱནཱབྷིསམཡཱ ཨནྟམཀཱསི དུཀྑསྶཱ’’ཏི། དསམཾ།
105. ‘‘Tayome , bhikkhave, bhavā pahātabbā, tīsu sikkhāsu sikkhitabbaṃ. Katame tayo bhavā pahātabbā? Kāmabhavo, rūpabhavo, arūpabhavo – ime tayo bhavā pahātabbā. Katamāsu tīsu sikkhāsu sikkhitabbaṃ? Adhisīlasikkhāya, adhicittasikkhāya, adhipaññāsikkhāya – imāsu tīsu sikkhāsu sikkhitabbaṃ. Yato kho, bhikkhave, bhikkhuno ime tayo bhavā pahīnā honti, imāsu ca tīsu sikkhāsu sikkhitasikkho hoti – ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Dasamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༡. པཱཏུབྷཱཝསུཏྟཱདིཝཎྞནཱ • 1-11. Pātubhāvasuttādivaṇṇanā
