| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
15-16. бхававибхавад̣̇идтинид̣̇д̣̇зсаван̣н̣анаа
15-16. Bhavavibhavadiṭṭhiniddesavaṇṇanā
148. бхававибхавад̣̇идтийнам̣ яат̇аавуд̇д̇ад̣̇идтид̇о висум̣ абхинивзсаабхаавад̇о висум̣ нид̣̇д̣̇зсам̣ агад̇ваа яат̇аавуд̇д̇ад̣̇идтийнам̣язва васзна ‘‘олийяанам̣ ад̇ид̇хаавана’’нд̇и згзгам̣ аагаарам̣ нид̣̇д̣̇исид̇ум̣ бужчам̣ агад̇ваа жа олийяанаабхинивзсо бхавад̣̇идти, ад̇ид̇хааванаабхинивзсо вибхавад̣̇идтийд̇и ааха. д̇ад̇т̇а ‘‘бхаванирод̇хааяа д̇хаммз д̣̇зсияамаанз жид̇д̇ам̣ на багканд̣̇ад̇ий’’д̇и (ид̇иву. 49) вуд̇д̇аолийяанаабхинивзсо, сассад̇асан̃н̃ааяа ниб̣б̣аанад̇о сан̇гожанаабхинивзсод̇и ад̇т̇о. ‘‘бхавзнзва ко банзгз аддийяамаанаа харааяамаанаа ж̇иг̇ужчамаанаа вибхавам̣ абхинанд̣̇анд̇ий’’д̇и вуд̇д̇аад̇ид̇хааванаабхинивзсо, ужчзд̣̇асан̃н̃ааяа нирод̇хаг̇ааминибадибад̣̇аад̇иггаманаабхинивзсод̇и ад̇т̇о.
148. Bhavavibhavadiṭṭhīnaṃ yathāvuttadiṭṭhito visuṃ abhinivesābhāvato visuṃ niddesaṃ akatvā yathāvuttadiṭṭhīnaṃyeva vasena ‘‘olīyanaṃ atidhāvana’’nti ekekaṃ ākāraṃ niddisituṃ pucchaṃ akatvā ca olīyanābhiniveso bhavadiṭṭhi, atidhāvanābhiniveso vibhavadiṭṭhīti āha. Tattha ‘‘bhavanirodhāya dhamme desiyamāne cittaṃ na pakkhandatī’’ti (itivu. 49) vuttaolīyanābhiniveso, sassatasaññāya nibbānato saṅkocanābhinivesoti attho. ‘‘Bhaveneva kho paneke aṭṭīyamānā harāyamānā jigucchamānā vibhavaṃ abhinandantī’’ti vuttaatidhāvanābhiniveso, ucchedasaññāya nirodhagāminipaṭipadātikkamanābhinivesoti attho.
ид̣̇аани д̇аава бхававибхавад̣̇идтияо саб̣б̣ад̣̇идтийсу яож̇зд̇ваа д̣̇ассзд̇ум̣ ассаад̣̇ад̣̇идтияаад̇иаад̣̇имааха. д̇ад̇т̇а яасмаа ассаад̣̇ад̣̇идтигаа сассад̇ам̣ ваа ужчзд̣̇ам̣ ваа ниссааяа ‘‘над̇т̇и гаамзсу д̣̇осо’’д̇и г̇ан̣ханд̇и, д̇асмаа бан̃жад̇им̣саагаарааби ассаад̣̇ад̣̇идтияо сияаа бхавад̣̇идтияо, сияаа вибхавад̣̇идтияод̇и вуд̇д̇аа. д̇ад̇т̇а яасмаа згзгааби д̣̇идтияо сассад̇аг̇г̇аахавасзна бхавад̣̇идтияо бхавзяяум̣, ужчзд̣̇аг̇г̇аахавасзна вибхавад̣̇идтияо бхавзяяунд̇и ад̇т̇о. ад̇д̇аануд̣̇идтияаа руубам̣ ад̇д̇ад̇о саманубассад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ийд̇и бан̃жасу руубаад̣̇ид̇о ад̇д̇ано анан̃н̃ад̇д̇аа д̇зсу ужчиннзсу ад̇д̇аа ужчиннод̇и г̇ахан̣ад̇о бан̃жа вибхавад̣̇идтияод̇и вуд̇д̇ам̣. сзсзсу бан̃жад̣̇асасу таанзсу руубаад̣̇ид̇о ад̇д̇ано ан̃н̃ад̇д̇аа д̇зсу ужчиннзсуби ‘‘ад̇д̇аа сассад̇од̇и г̇ахан̣ад̇о баннараса бхавад̣̇идтияод̇и вуд̇д̇ам̣.
Idāni tāva bhavavibhavadiṭṭhiyo sabbadiṭṭhīsu yojetvā dassetuṃ assādadiṭṭhiyātiādimāha. Tattha yasmā assādadiṭṭhikā sassataṃ vā ucchedaṃ vā nissāya ‘‘natthi kāmesu doso’’ti gaṇhanti, tasmā pañcatiṃsākārāpi assādadiṭṭhiyo siyā bhavadiṭṭhiyo, siyā vibhavadiṭṭhiyoti vuttā. Tattha yasmā ekekāpi diṭṭhiyo sassataggāhavasena bhavadiṭṭhiyo bhaveyyuṃ, ucchedaggāhavasena vibhavadiṭṭhiyo bhaveyyunti attho. Attānudiṭṭhiyā rūpaṃ attato samanupassati, vedanaṃ… saññaṃ… saṅkhāre… viññāṇaṃ attato samanupassatīti pañcasu rūpādito attano anaññattā tesu ucchinnesu attā ucchinnoti gahaṇato pañca vibhavadiṭṭhiyoti vuttaṃ. Sesesu pañcadasasu ṭhānesu rūpādito attano aññattā tesu ucchinnesupi ‘‘attā sassatoti gahaṇato pannarasa bhavadiṭṭhiyoti vuttaṃ.
мижчаад̣̇идтияаа ‘‘саб̣б̣аава д̇аа вибхавад̣̇идтияо’’д̇и ужчзд̣̇авасзна бавад̇д̇ад̇д̇аа анд̇аваананд̇аваад̣̇идтийсу барид̇д̇аарамман̣ааббамаан̣аарамман̣ажхааналаабхино д̣̇иб̣б̣ажагкунаа руубад̇хаад̇уяаа жавид̇ваа сад̇д̇з ан̃н̃ад̇т̇а убабаннз бассид̇ваа бхавад̣̇идтим̣ абассид̇ваа вибхавад̣̇идтим̣ г̇ан̣ханд̇и. д̇асмаа д̇ад̇т̇а сияаа бхавад̣̇идтияо, сияаа вибхавад̣̇идтияод̇и вуд̇д̇ам̣. ход̇и жа на жа ход̇ийд̇и зд̇т̇а ход̇и жаад̇и бхавад̣̇идти, на жа ход̇ийд̇и вибхавад̣̇идти. нзва ход̇и на на ход̇ийд̇и зд̇т̇а нзва ход̇ийд̇и вибхавад̣̇идти, на на ход̇ийд̇и бхавад̣̇идти. д̇асмаа д̇ад̇т̇а ‘‘сияаа’’д̇и вуд̇д̇ам̣.
Micchādiṭṭhiyā ‘‘sabbāva tā vibhavadiṭṭhiyo’’ti ucchedavasena pavattattā antavānantavādiṭṭhīsu parittārammaṇaappamāṇārammaṇajhānalābhino dibbacakkhunā rūpadhātuyā cavitvā satte aññattha upapanne passitvā bhavadiṭṭhiṃ apassitvā vibhavadiṭṭhiṃ gaṇhanti. Tasmā tattha siyā bhavadiṭṭhiyo, siyāvibhavadiṭṭhiyoti vuttaṃ. Hoti ca na ca hotīti ettha hoti cāti bhavadiṭṭhi, na ca hotīti vibhavadiṭṭhi. Neva hoti na na hotīti ettha neva hotīti vibhavadiṭṭhi, na na hotīti bhavadiṭṭhi. Tasmā tattha ‘‘siyā’’ti vuttaṃ.
буб̣б̣анд̇аануд̣̇идтияаа згажжасассад̇игаа сассад̇ан̃жа бан̃н̃абзнд̇и, асассад̇ан̃жа бан̃н̃абзнд̇и. д̇асмаа саа бхавад̣̇идти жа вибхавад̣̇идти жа ход̇и. жад̇д̇ааро анд̇аананд̇игаа анд̇аананд̇ам̣ ад̇д̇аанам̣ бан̃н̃абзнд̇и . д̇асмаа саа ад̇д̇аануд̣̇идтисад̣̇исаа бхавад̣̇идти жа вибхавад̣̇идти жа. жад̇д̇ааро амараавигкзбигаа бхавад̣̇идтим̣ ваа вибхавад̣̇идтим̣ ваа ниссааяа ваажаавигкзбам̣ аабаж̇ж̇анд̇и, авасзсаа бана бхавад̣̇идтияова. д̇асмаа д̇з д̇з санд̇хааяа ‘‘сияаа’’д̇и вуд̇д̇ам̣. абаранд̇аануд̣̇идтияаа сад̇д̇а ужчзд̣̇аваад̣̇аа вибхавад̣̇идтияо, авасзсаа бхавад̣̇идтияо. д̇асмаа д̇з д̇з санд̇хааяа ‘‘сияаа’’д̇и вуд̇д̇ам̣. сан̃н̃ож̇анигад̣̇идтияаа саб̣б̣ад̣̇идтийнам̣ васзна ‘‘сияаа’’д̇и вуд̇д̇ам̣. аханд̇и маанавиниб̣анд̇хааяа д̣̇идтияаа жагкаад̣̇ийнам̣ аханд̇и г̇ахид̇ад̇д̇аа д̇зсам̣ винаасз ад̇д̇аа винадто ход̇ийд̇и саб̣б̣аава д̇аа вибхавад̣̇идтияод̇и вуд̇д̇ам̣. ад̇д̇аануд̣̇идтияо вияа маманд̇и маанавиниб̣анд̇хааяа д̣̇идтияаа жагкаад̣̇ид̇о ад̇д̇ано ан̃н̃ад̇д̇аа д̇зсам̣ винаасзби ад̇д̇аа на винассад̇ийд̇и саб̣б̣аава д̇аа бхавад̣̇идтияод̇и вуд̇д̇ам̣. логаваад̣̇абадисам̣яуд̇д̇ааяа д̣̇идтияаа ‘‘сассад̇о ад̇д̇аа жа лого жаа’’д̇иаад̣̇инаа (бади. ма. 1.147) наязна вуд̇д̇ад̇д̇аа бхававибхавад̣̇идти баагадааязва. зд̇д̇аавад̇аа ассаад̣̇ад̣̇идтаад̣̇игаа вибхавад̣̇идтибарияосаанаа сол̣аса д̣̇идтияо д̇ийн̣исад̇ан̃жа д̣̇идтаабхинивзсаа нид̣̇д̣̇идтаа хонд̇и. ад̇д̇аануд̣̇идти жа саггааяад̣̇идти жа ад̇д̇аваад̣̇абадисан̃н̃уд̇д̇аа д̣̇идти жа ад̇т̇ад̇о згаа барияааязна д̇ивид̇хаа вуд̇д̇аа. сан̃н̃ож̇анигаа бана д̣̇идти авад̇т̇аабхзд̣̇зна саб̣б̣ааби д̣̇идтияо хонд̇и.
Pubbantānudiṭṭhiyā ekaccasassatikā sassatañca paññapenti, asassatañca paññapenti. Tasmā sā bhavadiṭṭhi ca vibhavadiṭṭhi ca hoti. Cattāro antānantikā antānantaṃ attānaṃ paññapenti . Tasmā sā attānudiṭṭhisadisā bhavadiṭṭhi ca vibhavadiṭṭhi ca. Cattāro amarāvikkhepikā bhavadiṭṭhiṃ vā vibhavadiṭṭhiṃ vā nissāya vācāvikkhepaṃ āpajjanti, avasesā pana bhavadiṭṭhiyova. Tasmā te te sandhāya ‘‘siyā’’ti vuttaṃ. Aparantānudiṭṭhiyā satta ucchedavādā vibhavadiṭṭhiyo, avasesā bhavadiṭṭhiyo. Tasmā te te sandhāya ‘‘siyā’’ti vuttaṃ. Saññojanikadiṭṭhiyā sabbadiṭṭhīnaṃ vasena ‘‘siyā’’ti vuttaṃ. Ahanti mānavinibandhāya diṭṭhiyā cakkhādīnaṃ ahanti gahitattā tesaṃ vināse attā vinaṭṭho hotīti sabbāva tā vibhavadiṭṭhiyoti vuttaṃ. Attānudiṭṭhiyo viya mamanti mānavinibandhāya diṭṭhiyā cakkhādito attano aññattā tesaṃ vināsepi attā na vinassatīti sabbāva tā bhavadiṭṭhiyoti vuttaṃ. Lokavādapaṭisaṃyuttāya diṭṭhiyā ‘‘sassato attā ca loko cā’’tiādinā (paṭi. ma. 1.147) nayena vuttattā bhavavibhavadiṭṭhi pākaṭāyeva. Ettāvatā assādadiṭṭhādikā vibhavadiṭṭhipariyosānā soḷasa diṭṭhiyo tīṇisatañca diṭṭhābhinivesā niddiṭṭhā honti. Attānudiṭṭhi ca sakkāyadiṭṭhi ca attavādapaṭisaññuttā diṭṭhi ca atthato ekā pariyāyena tividhā vuttā. Saññojanikā pana diṭṭhi avatthābhedena sabbāpi diṭṭhiyo honti.
ид̣̇аани саб̣б̣аава д̇аа д̣̇идтияо ассаад̣̇ад̣̇идтияод̇иаад̣̇и ан̃н̃зна барияааязна яат̇ааяог̇ам̣ д̣̇идтисам̣санд̣̇анаа. д̇ад̇т̇а саб̣б̣аава д̇аа д̣̇идтияод̇и яат̇аавуд̇д̇аа анавасзсаа д̣̇идтияо. д̣̇идтирааг̇арад̇д̇ад̇д̇аа д̇ан̣хаассаад̣̇аниссид̇ад̇д̇аа жа ассаад̣̇ад̣̇идтияо, ад̇д̇асинзхаануг̇ад̇ад̇д̇аа ад̇д̇аануд̣̇идтияо, вибарийд̇ад̣̇ассанад̇д̇аа мижчаад̣̇идтияо, канд̇хавад̇т̇угад̇д̇аа саггааяад̣̇идтияо, згзгасса анд̇асса г̇ахид̇ад̇д̇аа анд̇аг̇г̇аахигаа д̣̇идтияо, анад̇т̇асам̣яож̇анигад̇д̇аа сан̃н̃ож̇анигаа д̣̇идтияо, ад̇д̇аваад̣̇зна яуд̇д̇ад̇д̇аа ад̇д̇аваад̣̇абадисам̣яуд̇д̇аа д̣̇идтияод̇и имаа сад̇д̇а д̣̇идтияо саб̣б̣ад̣̇идтисан̇г̇аахигаа, сзсаа бана нава д̣̇идтияо на саб̣б̣ад̣̇идтисан̇г̇аахигаа.
Idāni sabbāva tā diṭṭhiyo assādadiṭṭhiyotiādi aññena pariyāyena yathāyogaṃ diṭṭhisaṃsandanā. Tattha sabbāva tā diṭṭhiyoti yathāvuttā anavasesā diṭṭhiyo. Diṭṭhirāgarattattā taṇhāssādanissitattā ca assādadiṭṭhiyo, attasinehānugatattā attānudiṭṭhiyo, viparītadassanattā micchādiṭṭhiyo, khandhavatthukattā sakkāyadiṭṭhiyo, ekekassa antassa gahitattā antaggāhikā diṭṭhiyo, anatthasaṃyojanikattā saññojanikā diṭṭhiyo, attavādena yuttattā attavādapaṭisaṃyuttādiṭṭhiyoti imā satta diṭṭhiyo sabbadiṭṭhisaṅgāhikā, sesā pana nava diṭṭhiyo na sabbadiṭṭhisaṅgāhikā.
ид̣̇аани вид̇т̇аарад̇о вуд̇д̇аа саб̣б̣аава д̇аа д̣̇идтияо д̣̇вийсуязва д̣̇идтийсу сан̇кибид̇ваа сад̇д̇аанам̣ д̣̇идтид̣̇ваяаниссаяам̣ д̣̇ассзнд̇о бхаван̃жа д̣̇идтинд̇иг̇аат̇амааха. саб̣б̣ааби хи д̇аа д̣̇идтияо бхавад̣̇идтий ваа хонд̇и вибхавад̣̇идтий ваа. бхаван̃жа д̣̇идтим̣ вибхаван̃жа д̣̇идтинд̇и зд̇т̇а бана жа-сад̣̇д̣̇о д̣̇идтимзва самужжинод̇и, на ниссаяам̣. на хи зго бхававибхавад̣̇идтид̣̇ваяам̣ ниссаяад̇и. яат̇ааха – ‘‘ид̇и бхавад̣̇идтисанниссид̇аа ваа сад̇д̇аа хонд̇и вибхавад̣̇идтисанниссид̇аа ваа’’д̇и (бади. ма. 1.113). д̇аггигаад̇и д̇аггзна вад̣̇анд̇ийд̇и д̇аггигаа. д̇з хи д̣̇идтиг̇ад̇игаа сабхаавабадивзд̇хабан̃н̃ааяа абхааваа гзвалам̣ д̇аггзна вад̇д̇анд̇и. язби жа жхааналаабхино абхин̃н̃аалаабхино ваа д̣̇идтим̣ г̇ан̣ханд̇и, д̇зби д̇аггзд̇ваа г̇ахан̣ад̇о д̇аггигаа зва. ниссид̇аасзд̇и ниссид̇аад̇и ад̇т̇о. згамзва бад̣̇ам̣, ‘‘сз’’д̇и нибаад̇амад̇д̇ам̣ ваа. д̇зсам̣ нирод̇хамхи на хад̇т̇и н̃аан̣анд̇и д̣̇идтиниссаяасса гааран̣аважанамзд̇ам̣. саггааяад̣̇идтинирод̇хз ниб̣б̣аанз яасмаа д̇зсам̣ н̃аан̣ам̣ над̇т̇и, д̇асмаа зд̇ам̣ д̣̇идтид̣̇ваяам̣ ниссид̇аад̇и ад̇т̇о. ‘‘на хи ад̇т̇и н̃аан̣а’’нд̇и зд̇т̇а хи-гааро гааран̣обад̣̇зсз нибаад̇о. яад̇т̇ааяам̣ лого вибарийд̇асан̃н̃ийд̇и яад̇т̇а сукз нирод̇хамхи аяам̣ сад̣̇зваго лого ‘‘д̣̇угка’’мид̇и вибарийд̇асан̃н̃ий ход̇и, д̇асмим̣ нирод̇хамхи на хад̇т̇и н̃аан̣анд̇и самб̣анд̇хо. д̣̇угкамид̇и вибарийд̇асан̃н̃ид̇ааяа ид̣̇ам̣ суд̇д̇ам̣ –
Idāni vitthārato vuttā sabbāva tā diṭṭhiyo dvīsuyeva diṭṭhīsu saṅkhipitvā sattānaṃ diṭṭhidvayanissayaṃ dassento bhavañca diṭṭhintigāthamāha. Sabbāpi hi tā diṭṭhiyo bhavadiṭṭhī vā honti vibhavadiṭṭhī vā. Bhavañca diṭṭhiṃ vibhavañca diṭṭhinti ettha pana ca-saddo diṭṭhimeva samuccinoti, na nissayaṃ. Na hi eko bhavavibhavadiṭṭhidvayaṃ nissayati. Yathāha – ‘‘iti bhavadiṭṭhisannissitā vā sattā honti vibhavadiṭṭhisannissitā vā’’ti (paṭi. ma. 1.113). Takkikāti takkena vadantīti takkikā. Te hi diṭṭhigatikā sabhāvapaṭivedhapaññāya abhāvā kevalaṃ takkena vattanti. Yepi ca jhānalābhino abhiññālābhino vā diṭṭhiṃ gaṇhanti, tepi takketvā gahaṇato takkikā eva. Nissitāseti nissitāti attho. Ekameva padaṃ, ‘‘se’’ti nipātamattaṃ vā. Tesaṃ nirodhamhi na hatthi ñāṇanti diṭṭhinissayassa kāraṇavacanametaṃ. Sakkāyadiṭṭhinirodhe nibbāne yasmā tesaṃ ñāṇaṃ natthi, tasmā etaṃ diṭṭhidvayaṃ nissitāti attho. ‘‘Na hi atthi ñāṇa’’nti ettha hi-kāro kāraṇopadese nipāto. Yatthāyaṃ loko viparītasaññīti yattha sukhe nirodhamhi ayaṃ sadevako loko ‘‘dukkha’’miti viparītasaññī hoti, tasmiṃ nirodhamhi na hatthi ñāṇanti sambandho. Dukkhamiti viparītasaññitāya idaṃ suttaṃ –
‘‘руубаа сад̣̇д̣̇аа расаа г̇анд̇хаа, пассаа д̇хаммаа жа гзвалаа;
‘‘Rūpā saddā rasā gandhā, phassā dhammā ca kevalā;
идтаа ганд̇аа манаабаа жа, яаавад̇ад̇т̇ийд̇и вужжад̇и.
Iṭṭhā kantā manāpā ca, yāvatatthīti vuccati.
‘‘сад̣̇звагасса логасса, зд̇з во сукасаммад̇аа;
‘‘Sadevakassa lokassa, ete vo sukhasammatā;
яад̇т̇а жзд̇з нируж̇жханд̇и, д̇ам̣ нзсам̣ д̣̇угкасаммад̇ам̣.
Yattha cete nirujjhanti, taṃ nesaṃ dukkhasammataṃ.
‘‘суканд̇и д̣̇идтамариязхи, саггааяассубарод̇ханам̣;
‘‘Sukhanti diṭṭhamariyehi, sakkāyassuparodhanaṃ;
бажжанийгамид̣̇ам̣ ход̇и, саб̣б̣алогзна бассад̇ам̣.
Paccanīkamidaṃ hoti, sabbalokena passataṃ.
‘‘яам̣ барз сукад̇о ааху, д̇ад̣̇арияаа ааху д̣̇угкад̇о;
‘‘Yaṃ pare sukhato āhu, tadariyā āhu dukkhato;
яам̣ барз д̣̇угкад̇о ааху, д̇ад̣̇арияаа сукад̇о вид̣̇уу.
Yaṃ pare dukkhato āhu, tadariyā sukhato vidū.
‘‘басса д̇хаммам̣ д̣̇урааж̇аанам̣, самбамуул̣хзд̇т̇авид̣̇д̣̇асу;
‘‘Passa dhammaṃ durājānaṃ, sampamūḷhetthaviddasu;
нивуд̇аанам̣ д̇амо ход̇и, анд̇хагааро абассад̇ам̣.
Nivutānaṃ tamo hoti, andhakāro apassataṃ.
‘‘сад̇ан̃жа вивадам̣ ход̇и, аалого бассад̇аамива;
‘‘Satañca vivaṭaṃ hoti, āloko passatāmiva;
санд̇игз на виж̇аананд̇и, маг̇аа д̇хаммассаговид̣̇аа.
Santike na vijānanti, magā dhammassakovidā.
‘‘бхаварааг̇абарзд̇зхи, бхавасод̇аанусаарибхи;
‘‘Bhavarāgaparetehi, bhavasotānusāribhi;
маарад̇хзяяаанубаннзхи, нааяам̣ д̇хаммо сусамб̣уд̇хо.
Māradheyyānupannehi, nāyaṃ dhammo susambudho.
‘‘го ну ан̃н̃ад̇ра ариязбхи, бад̣̇ам̣ самб̣уд̣̇д̇хумарахад̇и;
‘‘Ko nu aññatra ariyebhi, padaṃ sambuddhumarahati;
яам̣ бад̣̇ам̣ саммад̣̇ан̃н̃ааяа, бариниб̣б̣анд̇и анаасаваа’’д̇и. (су. ни. 764-771);
Yaṃ padaṃ sammadaññāya, parinibbanti anāsavā’’ti. (su. ni. 764-771);
149. ид̣̇аани саб̣б̣аасам̣ д̣̇идтийнам̣ д̣̇идтид̣̇ваяабхаавам̣ д̣̇идтисамуг̇гхаад̇аган̃жа саммаад̣̇идтим̣ суд̇д̇ад̇о д̣̇ассзд̇угаамо, д̣̇вийхи бхигкавзд̇и суд̇д̇ам̣ аахари. д̇ад̇т̇а д̣̇зваад̇и б̣рахмааноби вужжанд̇и. олийяанд̇ийд̇и сан̇гужанд̇и. ад̇ид̇хааванд̇ийд̇и ад̇иггамид̇ваа г̇ажчанд̇и. жагкуманд̇од̇и бан̃н̃аванд̇о. жа-сад̣̇д̣̇о ад̇ирзгад̇т̇о. бхаваараамаад̇и бхаво аараамо абхирамадтаанам̣ зд̇зсанд̇и бхаваараамаа. бхаварад̇аад̇и бхавз абхирад̇аа. бхавасаммуд̣̇ид̇аад̇и бхавзна санд̇удтаа. д̣̇зсияамаанзд̇и д̇ат̇ааг̇ад̇зна ваа д̇ат̇ааг̇ад̇асаавагзна ваа д̣̇зсияамаанз. на багканд̣̇ад̇ийд̇и д̇хаммад̣̇зсанам̣ ваа бхаванирод̇хам̣ ваа на бависад̇и. на басийд̣̇ад̇ийд̇и д̇ад̇т̇а басаад̣̇ам̣ на баабун̣аад̇и. на санд̇идтад̇ийд̇и д̇ад̇т̇а на бад̇идтаад̇и. наад̇химужжад̇ийд̇и д̇ад̇т̇а гханабхаавам̣ на баабун̣аад̇и. зд̇д̇аавад̇аа сассад̇ад̣̇идти вуд̇д̇аа.
149. Idāni sabbāsaṃ diṭṭhīnaṃ diṭṭhidvayabhāvaṃ diṭṭhisamugghātakañca sammādiṭṭhiṃ suttato dassetukāmo, dvīhi bhikkhaveti suttaṃ āhari. Tattha devāti brahmānopi vuccanti. Olīyantīti saṅkucanti. Atidhāvantīti atikkamitvā gacchanti. Cakkhumantoti paññavanto. Ca-saddo atirekattho. Bhavārāmāti bhavo ārāmo abhiramaṭṭhānaṃ etesanti bhavārāmā. Bhavaratāti bhave abhiratā. Bhavasammuditāti bhavena santuṭṭhā. Desiyamāneti tathāgatena vā tathāgatasāvakena vā desiyamāne. Na pakkhandatīti dhammadesanaṃ vā bhavanirodhaṃ vā na pavisati. Na pasīdatīti tattha pasādaṃ na pāpuṇāti. Na santiṭṭhatīti tattha na patiṭṭhāti. Nādhimuccatīti tattha ghanabhāvaṃ na pāpuṇāti. Ettāvatā sassatadiṭṭhi vuttā.
аддийяамаанаад̇и д̣̇угкам̣ баабун̣амаанаа. харааяамаанаад̇и лаж̇ж̇ам̣ баабун̣амаанаа. ж̇иг̇ужчамаанаад̇и ж̇иг̇ужчам̣ баабун̣амаанаа. вибхавам̣ абхинанд̣̇анд̇ийд̇и ужчзд̣̇ам̣ бадижжа д̇уссанд̇и, ужчзд̣̇ам̣ бад̇т̇аяанд̇ийд̇и ваа ад̇т̇о. гираад̇и ануссаванад̇т̇з нибаад̇о. бход̇и аалабанамзд̇ам̣. санд̇анд̇и ниб̣б̣уд̇ам̣. бан̣ийд̇анд̇и д̣̇угкаабхаавад̇о бан̣ийд̇ам̣, бад̇хаанабхаавам̣ нийд̇анд̇и ваа бан̣ийд̇ам̣. яаат̇ааванд̇и яат̇аасабхаавам̣. зд̇д̇аавад̇аа ужчзд̣̇ад̣̇идти вуд̇д̇аа.
Aṭṭīyamānāti dukkhaṃ pāpuṇamānā. Harāyamānāti lajjaṃ pāpuṇamānā. Jigucchamānāti jigucchaṃ pāpuṇamānā. Vibhavaṃ abhinandantīti ucchedaṃ paṭicca tussanti, ucchedaṃ patthayantīti vā attho. Kirāti anussavanatthe nipāto. Bhoti ālapanametaṃ. Santanti nibbutaṃ. Paṇītanti dukkhābhāvato paṇītaṃ, padhānabhāvaṃ nītanti vā paṇītaṃ. Yāthāvanti yathāsabhāvaṃ. Ettāvatā ucchedadiṭṭhi vuttā.
ид̇хаад̇и имасмим̣ саасанз. бхууд̇анд̇и хзд̇уд̇о сан̃ж̇аад̇ам̣ канд̇хабан̃жагасан̇каад̇ам̣ д̣̇угкам̣. бхууд̇ад̇о бассад̇ийд̇и ид̣̇ам̣ бхууд̇ам̣ д̣̇угканд̇и бассад̇и. ниб̣б̣ид̣̇ааяаад̇и вибассанад̇т̇ааяа. вирааг̇ааяаад̇и арияамаг̇г̇ад̇т̇ааяа. нирод̇хааяаад̇и ниб̣б̣аанад̇т̇ааяа. бадибанно ход̇ийд̇и д̇ад̣̇ануруубам̣ бадибад̣̇ам̣ бадибанно ход̇и. звам̣ бассанд̇ийд̇и иминаа багаарзна буб̣б̣абхааг̇з логияан̃аан̣зна, бадивзд̇хагаалз логуд̇д̇аран̃аан̣зна бассанд̇и. зд̇д̇аавад̇аа саммаад̣̇идти вуд̇д̇аа.
Idhāti imasmiṃ sāsane. Bhūtanti hetuto sañjātaṃ khandhapañcakasaṅkhātaṃ dukkhaṃ. Bhūtato passatīti idaṃ bhūtaṃ dukkhanti passati. Nibbidāyāti vipassanatthāya. Virāgāyāti ariyamaggatthāya. Nirodhāyāti nibbānatthāya. Paṭipanno hotīti tadanurūpaṃ paṭipadaṃ paṭipanno hoti. Evaṃ passantīti iminā pakārena pubbabhāge lokiyañāṇena, paṭivedhakāle lokuttarañāṇena passanti. Ettāvatā sammādiṭṭhi vuttā.
ид̣̇аани д̣̇вийхи г̇аат̇аахи д̇ассаа саммаад̣̇идтияаа аанисам̣сам̣ д̣̇ассзд̇и. д̇ад̇т̇а яо бхууд̇ам̣ бхууд̇ад̇о д̣̇исваад̇и д̣̇угкам̣ барин̃н̃аабхисамаязна абхисамзд̇ваад̇и ад̇т̇о. бхууд̇асса жа ад̇иггаманд̇и нирод̇хам̣ сажчигирияаабхисамаязна абхисамзд̇ваад̇и ад̇т̇о. яат̇аабхууд̇зд̇химужжад̇ийд̇и маг̇г̇абхааванаабхисамаяавасзна яат̇аасабхаавз нирод̇хз ‘‘зд̇ам̣ санд̇ам̣, зд̇ам̣ бан̣ийд̇а’’нд̇и ад̇химужжад̇и. бхавад̇ан̣хаа баригкаяаад̇и самуд̣̇аяасса бахаанзнаад̇и ад̇т̇о. асад̇иби жзд̇т̇а сажжаанам̣ наанаабхисамаяад̇д̇з ‘‘д̣̇исваа’’д̇и буб̣б̣агаалигаважанам̣ сад̣̇д̇хим̣ буб̣б̣абхааг̇абадибад̣̇ааяа вохааравасзна вуд̇д̇анд̇и взд̣̇ид̇аб̣б̣ам̣. на хи буб̣б̣ам̣ бассид̇ваа бажчаа ад̇химужжад̇и. жад̇усажжаабхисамаяо самаанагааламзва ход̇и. самаанагаалзби ваа буб̣б̣агаалигаани бад̣̇аани бхаванд̇ийд̇и на д̣̇осо. са взд̇и згам̣сзна со арахам̣. бхууд̇абарин̃н̃аад̇од̇и д̣̇угкам̣ барин̃н̃аад̇аваа. вийд̇ад̇ан̣ход̇и виг̇ад̇ад̇ан̣хо. бхаваабхавзд̇и куд̣̇д̣̇агз жа маханд̇з жа бхавз. вуд̣̇д̇хиад̇т̇зби хи а-гаарасса самбхавад̇о абхавод̇и махаабхаво. со бана куд̣̇д̣̇агамаханд̇абхааво убаад̣̇ааяубаад̣̇ааяа взд̣̇ид̇аб̣б̣о. ат̇а ваа бхавзд̇и сассад̇з. абхавзд̇и ужчзд̣̇з. д̇ад̣̇убхаязби д̣̇идтирааг̇аабхаавзна вийд̇ад̇ан̣хо. бхууд̇асса вибхаваад̇и ваддад̣̇угкасса самужчзд̣̇аа. нааг̇ажчад̇и бунаб̣бхаванд̇и арахад̇о бариниб̣б̣аанам̣ вуд̇д̇ам̣.
Idāni dvīhi gāthāhi tassā sammādiṭṭhiyā ānisaṃsaṃ dasseti. Tattha yo bhūtaṃ bhūtato disvāti dukkhaṃ pariññābhisamayena abhisametvāti attho. Bhūtassa ca atikkamanti nirodhaṃ sacchikiriyābhisamayena abhisametvāti attho. Yathābhūtedhimuccatīti maggabhāvanābhisamayavasena yathāsabhāve nirodhe ‘‘etaṃ santaṃ, etaṃ paṇīta’’nti adhimuccati. Bhavataṇhā parikkhayāti samudayassa pahānenāti attho. Asatipi cettha saccānaṃ nānābhisamayatte ‘‘disvā’’ti pubbakālikavacanaṃ saddhiṃ pubbabhāgapaṭipadāya vohāravasena vuttanti veditabbaṃ. Na hi pubbaṃ passitvā pacchā adhimuccati. Catusaccābhisamayo samānakālameva hoti. Samānakālepi vā pubbakālikāni padāni bhavantīti na doso. Saveti ekaṃsena so arahaṃ. Bhūtapariññātoti dukkhaṃ pariññātavā. Vītataṇhoti vigatataṇho. Bhavābhaveti khuddake ca mahante ca bhave. Vuddhiatthepi hi a-kārassa sambhavato abhavoti mahābhavo. So pana khuddakamahantabhāvo upādāyupādāya veditabbo. Atha vā bhaveti sassate. Abhaveti ucchede. Tadubhayepi diṭṭhirāgābhāvena vītataṇho. Bhūtassa vibhavāti vaṭṭadukkhassa samucchedā. Nāgacchati punabbhavanti arahato parinibbānaṃ vuttaṃ.
150. д̇аяо буг̇г̇алаад̇иаад̣̇и мижчаад̣̇идтигаг̇арахан̣ад̇т̇ам̣ саммаад̣̇идтигабасам̣санад̇т̇ам̣ вуд̇д̇ам̣. д̇ад̇т̇а вируубабхаавам̣ баннаа г̇ад̇аа д̣̇идти зд̇зсанд̇и вибаннад̣̇идтий. сунд̣̇арабхаавам̣ баннаа г̇ад̇аа д̣̇идти зд̇зсанд̇и самбаннад̣̇идтий. д̇ид̇т̇ияод̇и д̇ид̇т̇ам̣ вужжад̇и д̣̇идти, д̇ам̣ бадибаннад̇д̇аа д̇ид̇т̇з саад̇ху, д̇ид̇т̇ам̣ яасса ад̇т̇ийд̇и ваа д̇ид̇т̇ияо. ид̇о б̣ахид̣̇д̇хаа баб̣б̣аж̇ж̇уубаг̇ад̇о. д̇ид̇т̇ияасаавагод̇и д̇зсам̣ д̣̇идтаануг̇ад̇имаабанно г̇ахадто. яо жа мижчаад̣̇идтигод̇и д̇ад̣̇убхаяабхаавам̣ анубаг̇анд̇ваа яааяа гааяажи д̣̇идтияаа мижчаад̣̇идтиго.
150.Tayo puggalātiādi micchādiṭṭhikagarahaṇatthaṃ sammādiṭṭhikapasaṃsanatthaṃ vuttaṃ. Tattha virūpabhāvaṃ pannā gatā diṭṭhi etesanti vipannadiṭṭhī. Sundarabhāvaṃ pannā gatā diṭṭhi etesanti sampannadiṭṭhī. Titthiyoti titthaṃ vuccati diṭṭhi, taṃ paṭipannattā titthe sādhu, titthaṃ yassa atthīti vā titthiyo. Ito bahiddhā pabbajjūpagato. Titthiyasāvakoti tesaṃ diṭṭhānugatimāpanno gahaṭṭho. Yo ca micchādiṭṭhikoti tadubhayabhāvaṃ anupagantvā yāya kāyaci diṭṭhiyā micchādiṭṭhiko.
д̇ат̇ааг̇ад̇од̇и саммаасамб̣уд̣̇д̇хо. бажжзгаб̣уд̣̇д̇хоби зд̇т̇зва сан̇г̇ахид̇о. д̇ат̇ааг̇ад̇асаавагод̇и маг̇г̇аббад̇д̇о палаббад̇д̇о жа. яо жа саммаад̣̇идтигод̇и д̇ад̣̇убхаяавинимуд̇д̇о логияасаммаад̣̇идтияаа саммаад̣̇идтиго.
Tathāgatoti sammāsambuddho. Paccekabuddhopi ettheva saṅgahito. Tathāgatasāvakoti maggappatto phalappatto ca. Yo ca sammādiṭṭhikoti tadubhayavinimutto lokiyasammādiṭṭhiyā sammādiṭṭhiko.
г̇аат̇аасу год̇ханод̇и яо абхин̣хам̣ гуж̇жхад̇и, со. убанаахийд̇и д̇амзва год̇хам̣ вад̣дхзд̇ваа убананд̇ханасийло. баабамагкийд̇и лаамагабхууд̇амагкаваа. мааяаавийд̇и гад̇абаабабадижчаад̣̇анаваа. васалод̇и хийнаж̇ажжо. висуд̣̇д̇ход̇и н̃аан̣ад̣̇ассанависуд̣̇д̇хияаа висуд̣̇д̇хо. суд̣̇д̇хад̇ам̣ г̇ад̇од̇и маг̇г̇апаласан̇каад̇ам̣ суд̣̇д̇хабхаавам̣ г̇ад̇о. мзд̇хаавийд̇и бан̃н̃аваа. имааяа г̇аат̇ааяа логуд̇д̇арасаммаад̣̇идтисамбанно зва т̇омид̇о.
Gāthāsu kodhanoti yo abhiṇhaṃ kujjhati, so. Upanāhīti tameva kodhaṃ vaḍḍhetvā upanandhanasīlo. Pāpamakkhīti lāmakabhūtamakkhavā. Māyāvīti katapāpapaṭicchādanavā. Vasaloti hīnajacco. Visuddhoti ñāṇadassanavisuddhiyā visuddho. Suddhataṃ gatoti maggaphalasaṅkhātaṃ suddhabhāvaṃ gato. Medhāvīti paññavā. Imāya gāthāya lokuttarasammādiṭṭhisampanno eva thomito.
вибаннад̣̇идтияо самбаннад̣̇идтияод̇и буг̇г̇алавохаарам̣ бахааяа д̇хаммамзва г̇араханд̇о т̇омзнд̇о жа ааха. зд̇ам̣ мамаад̇и д̇ан̣хааман̃н̃анавасзна д̣̇идти. зсохамасмийд̇и маанаман̃н̃анамуулигаа д̣̇идти. зсо мз ад̇д̇аад̇и д̣̇идтиман̃н̃анамзва.
Vipannadiṭṭhiyo sampannadiṭṭhiyoti puggalavohāraṃ pahāya dhammameva garahanto thomento ca āha. Etaṃ mamāti taṇhāmaññanavasena diṭṭhi. Esohamasmīti mānamaññanamūlikā diṭṭhi. Eso me attāti diṭṭhimaññanameva.
зд̇ам̣ мамаад̇и гаа д̣̇идтийд̇иаад̣̇ийхи д̇иссаннам̣ вибаннад̣̇идтийнам̣ вибхааг̇ан̃жа г̇ан̣анан̃жа гааласан̇г̇ахан̃жа бужчид̇ваа виссаж̇ж̇анам̣ гад̇ам̣. д̇ад̇т̇а гаа д̣̇идтийд̇и анзгаасу д̣̇идтийсу гад̇амаа д̣̇идтийд̇и ад̇т̇о. гад̇аманд̇аануг̇г̇ахид̇аад̇и буб̣б̣анд̇аабаранд̇асан̇каад̇агаалад̣̇ваяз гад̇амзна гаалзна ануг̇г̇ахид̇аа, ануб̣ад̣̇д̇хаад̇и ад̇т̇о. яасмаа ‘‘зд̇ам̣ мамаа’’д̇и бараамасанд̇о ‘‘зд̇ам̣ мама ахоси, звам̣ мама ахоси, зд̇д̇агам̣ мама ахосий’’д̇и ад̇ийд̇ам̣ вад̇т̇ум̣ абад̣̇исид̇ваа бараамасад̇и, д̇асмаа буб̣б̣анд̇аануд̣̇идти ход̇и. буб̣б̣анд̇аануг̇г̇ахид̇аа жа д̇аа д̣̇идтияо хонд̇и. яасмаа ‘‘зсохамасмий’’д̇и бараамасанд̇о ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа зсосми висуж̇жхиссаамий’’д̇и анааг̇ад̇апалам̣ убаад̣̇ааяа бараамасад̇и, д̇асмаа абаранд̇аануд̣̇идти ход̇и. абаранд̇аануг̇г̇ахид̇аа жа д̇аа д̣̇идтияо хонд̇и. яасмаа ‘‘зсо мз ад̇д̇аа’’д̇и бараамасанд̇о ад̇ийд̇аанааг̇ад̇ам̣ убаад̣̇иннасанд̇ад̇им̣ убаад̣̇ааяа ‘‘зсо мз ад̇д̇аа’’д̇и бараамасад̇и, саггааяад̣̇идтивасзна жа бараамасад̇и, д̇асмаа саггааяад̣̇идти ход̇и. буб̣б̣анд̇аабаранд̇аануг̇г̇ахид̇аа жа д̇аа д̣̇идтияо хонд̇и. яасмаа бана саггааяад̣̇идтиббамукааязва д̣̇ваасадти д̣̇идтияо хонд̇и, саггааяад̣̇идтисамуг̇гхаад̇знзва жа д̣̇ваасадти д̣̇идтияо самуг̇гхаад̇ам̣ г̇ажчанд̇и, д̇асмаа саггааяад̣̇идтиббамукзна д̣̇ваасадти д̣̇идтиг̇ад̇аанийд̇и вуд̇д̇аа, саггааяад̣̇идтиббамукзна саггааяад̣̇идтид̣̇ваарзна д̣̇ваасадти д̣̇идтиг̇ад̇аани хонд̇ийд̇и ад̇т̇о. саггааяад̣̇идтиббамукаанийд̇и баато сунд̣̇арад̇аро. саггааяад̣̇идти бамукаа аад̣̇и зд̇зсанд̇и саггааяад̣̇идтиббамукаани. гаани д̇аани? д̣̇ваасадти д̣̇идтиг̇ад̇аани.
Etaṃmamāti kā diṭṭhītiādīhi tissannaṃ vipannadiṭṭhīnaṃ vibhāgañca gaṇanañca kālasaṅgahañca pucchitvā vissajjanaṃ kataṃ. Tattha kā diṭṭhīti anekāsu diṭṭhīsu katamā diṭṭhīti attho. Katamantānuggahitāti pubbantāparantasaṅkhātakāladvaye katamena kālena anuggahitā, anubaddhāti attho. Yasmā ‘‘etaṃ mamā’’ti parāmasanto ‘‘etaṃ mama ahosi, evaṃ mama ahosi, ettakaṃ mama ahosī’’ti atītaṃ vatthuṃ apadisitvā parāmasati, tasmā pubbantānudiṭṭhi hoti. Pubbantānuggahitā ca tā diṭṭhiyo honti. Yasmā ‘‘esohamasmī’’ti parāmasanto ‘‘imināhaṃ sīlena vā vatena vā tapena vā brahmacariyena vā esosmi visujjhissāmī’’ti anāgataphalaṃ upādāya parāmasati, tasmā aparantānudiṭṭhi hoti. Aparantānuggahitā ca tā diṭṭhiyo honti. Yasmā ‘‘eso me attā’’ti parāmasanto atītānāgataṃ upādinnasantatiṃ upādāya ‘‘eso me attā’’ti parāmasati, sakkāyadiṭṭhivasena ca parāmasati, tasmā sakkāyadiṭṭhi hoti. Pubbantāparantānuggahitā ca tā diṭṭhiyo honti. Yasmā pana sakkāyadiṭṭhippamukhāyeva dvāsaṭṭhi diṭṭhiyo honti, sakkāyadiṭṭhisamugghāteneva ca dvāsaṭṭhi diṭṭhiyo samugghātaṃ gacchanti, tasmā sakkāyadiṭṭhippamukhena dvāsaṭṭhi diṭṭhigatānīti vuttā, sakkāyadiṭṭhippamukhena sakkāyadiṭṭhidvārena dvāsaṭṭhi diṭṭhigatāni hontīti attho. Sakkāyadiṭṭhippamukhānīti pāṭho sundarataro. Sakkāyadiṭṭhi pamukhā ādi etesanti sakkāyadiṭṭhippamukhāni. Kāni tāni? Dvāsaṭṭhi diṭṭhigatāni.
‘‘гаа д̣̇идтий’’д̇и бужчааяа вийсад̇ивад̇т̇угаа ад̇д̇аануд̣̇идти, вийсад̇ивад̇т̇угаа саггааяад̣̇идтийд̇и виссаж̇ж̇анам̣. ‘‘гад̇и д̣̇идтияо’’д̇и бужчааяа саггааяад̣̇идтиббамукаани д̣̇ваасадти д̣̇идтиг̇ад̇аанийд̇и виссаж̇ж̇анам̣. сааязва бана саггааяад̣̇идти ‘‘зсо мз ад̇д̇аа’’д̇и важанасааман̃н̃зна ад̇д̇аануд̣̇идтийд̇и вуд̇д̇аа. д̇ассаа вуд̇д̇ааяа ад̇д̇аваад̣̇абадисан̃н̃уд̇д̇аа д̣̇идтиби вуд̇д̇ааязва ход̇и.
‘‘Kā diṭṭhī’’ti pucchāya vīsativatthukā attānudiṭṭhi, vīsativatthukā sakkāyadiṭṭhīti vissajjanaṃ. ‘‘Kati diṭṭhiyo’’ti pucchāya sakkāyadiṭṭhippamukhāni dvāsaṭṭhi diṭṭhigatānīti vissajjanaṃ. Sāyeva pana sakkāyadiṭṭhi ‘‘eso me attā’’ti vacanasāmaññena attānudiṭṭhīti vuttā. Tassā vuttāya attavādapaṭisaññuttā diṭṭhipi vuttāyeva hoti.
151. яз гзжи, бхигкавзд̇иаад̣̇исуд̇д̇аахаран̣ам̣ самбаннад̣̇идтибуг̇г̇аласамб̣анд̇хзна самбаннад̣̇идтибуг̇г̇алавибхааг̇ад̣̇ассанад̇т̇ам̣ гад̇ам̣. д̇ад̇т̇а нидтам̣ г̇ад̇аад̇и маг̇г̇ан̃аан̣авасзна саммаасамб̣уд̣̇д̇хо бхаг̇аваад̇и нижчаяам̣ г̇ад̇аа, ниб̣б̣змад̇игаад̇и ад̇т̇о. нидтааг̇ад̇аад̇и баато самаасабад̣̇ам̣ ход̇и, ад̇т̇о бана соязва. д̣̇идтисамбаннаад̇и д̣̇идтияаа сунд̣̇арабхаавам̣ г̇ад̇аа. ид̇ха нидтаад̇и имиссаа гаамад̇хаад̇уяаа бариниб̣б̣аанам̣. ид̇ха вихааяа нидтаад̇и имам̣ гаамабхавам̣ виж̇ахид̇ваа суд̣̇д̇хааваасаб̣рахмалогз бариниб̣б̣аанам̣. сад̇д̇агкад̇д̇убарамассаад̇и сад̇д̇агкад̇д̇ум̣барамаа сад̇д̇аваарабарамаа бхавуубабад̇д̇и ад̇д̇абхааваг̇г̇ахан̣ам̣ асса, д̇ад̇о барам̣ адтамам̣ бхавам̣ наад̣̇ияад̇ийд̇и сад̇д̇агкад̇д̇убарамо. д̇асса сад̇д̇агкад̇д̇убарамасса сод̇аабаннасса. голам̣голассаад̇и гулад̇о гулам̣ г̇ажчад̇ийд̇и голам̣голо. сод̇аабад̇д̇ипаласажчигирияад̇о хи бадтааяа нийжз гулз убабад̇д̇и наама над̇т̇и, махаабхог̇агулзсуязва ниб̣б̣ад̇д̇ад̇ийд̇и ад̇т̇о. д̇асса голам̣голасса сод̇аабаннасса. згаб̣ийж̇иссаад̇и канд̇хаб̣ийж̇ам̣ наама гат̇ид̇ам̣. яасса хи сод̇аабаннасса згам̣язва канд̇хаб̣ийж̇ам̣ ад̇т̇и, згам̣ ад̇д̇абхааваг̇г̇ахан̣ам̣, со згаб̣ийж̇ий наама. д̇асса згаб̣ийж̇исса сод̇аабаннасса. бхаг̇авад̇аа г̇ахид̇анаамавасзнзвзд̇аани зд̇зсам̣ наамаани. зд̇д̇аган̃хи таанам̣ г̇ад̇о сад̇д̇агкад̇д̇убарамо наама ход̇и, зд̇д̇агам̣ голам̣голо, зд̇д̇агам̣ згаб̣ийж̇ийд̇и бхаг̇авад̇аа зд̇зсам̣ наамам̣ г̇ахид̇ам̣. бхаг̇аваа хи ‘‘аяам̣ зд̇д̇агам̣ таанам̣ г̇амиссад̇и, аяам̣ зд̇д̇агам̣ таанам̣ г̇амиссад̇ий’’д̇и н̃ад̇ваа д̇зсам̣ д̇аани д̇аани наамаани аг̇г̇ахзси. муд̣̇убан̃н̃о хи сод̇аабанно сад̇д̇а бхавз ниб̣б̣ад̇д̇знд̇о сад̇д̇агкад̇д̇убарамо наама, маж̇жхимабан̃н̃о барам̣ чадтам̣ бхавам̣ ниб̣б̣ад̇д̇знд̇о голам̣голо наама , д̇игкабан̃н̃о згам̣ бхавам̣ ниб̣б̣ад̇д̇знд̇о згаб̣ийж̇ий наама. д̇ам̣ банзд̇ам̣ д̇зсам̣ муд̣̇умаж̇жхимад̇игкабан̃н̃ад̇ам̣ буб̣б̣ахзд̇у нияамзд̇и. имз д̇аяоби сод̇аабаннаа гаамабхававасзна вуд̇д̇аа, руубааруубабхавз бана б̣ахугааби бадисанд̇хияо г̇ан̣ханд̇и. сагад̣̇ааг̇аамиссаад̇и бадисанд̇хивасзна сагим̣ гаамабхавам̣ ааг̇ажчад̇ийд̇и сагад̣̇ааг̇аамий. д̇асса сагад̣̇ааг̇аамисса. д̣̇идтзва д̇хаммз арахаад̇и имасмим̣язва ад̇д̇абхаавз арахаа. араханд̇иби баато. ид̇ха нидтаад̇и гаамабхавам̣ сам̣саранд̇зязва санд̇хааяа вуд̇д̇ам̣. руубааруубабхавз уббаннаа бана арияаа гаамабхавз на уббаж̇ж̇анд̇и, д̇ад̇т̇зва бариниб̣б̣ааяанд̇и.
151.Ye keci, bhikkhavetiādisuttāharaṇaṃ sampannadiṭṭhipuggalasambandhena sampannadiṭṭhipuggalavibhāgadassanatthaṃ kataṃ. Tattha niṭṭhaṃ gatāti maggañāṇavasena sammāsambuddho bhagavāti nicchayaṃ gatā, nibbematikāti attho. Niṭṭhāgatāti pāṭho samāsapadaṃ hoti, attho pana soyeva. Diṭṭhisampannāti diṭṭhiyā sundarabhāvaṃ gatā. Idha niṭṭhāti imissā kāmadhātuyā parinibbānaṃ. Idha vihāya niṭṭhāti imaṃ kāmabhavaṃ vijahitvā suddhāvāsabrahmaloke parinibbānaṃ. Sattakkhattuparamassāti sattakkhattuṃparamā sattavāraparamā bhavūpapatti attabhāvaggahaṇaṃ assa, tato paraṃ aṭṭhamaṃ bhavaṃ nādiyatīti sattakkhattuparamo. Tassa sattakkhattuparamassa sotāpannassa. Kolaṃkolassāti kulato kulaṃ gacchatīti kolaṃkolo. Sotāpattiphalasacchikiriyato hi paṭṭhāya nīce kule upapatti nāma natthi, mahābhogakulesuyeva nibbattatīti attho. Tassa kolaṃkolassa sotāpannassa. Ekabījissāti khandhabījaṃ nāma kathitaṃ. Yassa hi sotāpannassa ekaṃyeva khandhabījaṃ atthi, ekaṃ attabhāvaggahaṇaṃ, so ekabījī nāma. Tassa ekabījissa sotāpannassa. Bhagavatā gahitanāmavasenevetāni etesaṃ nāmāni. Ettakañhi ṭhānaṃ gato sattakkhattuparamo nāma hoti, ettakaṃ kolaṃkolo, ettakaṃ ekabījīti bhagavatā etesaṃ nāmaṃ gahitaṃ. Bhagavā hi ‘‘ayaṃ ettakaṃ ṭhānaṃ gamissati, ayaṃ ettakaṃ ṭhānaṃ gamissatī’’ti ñatvā tesaṃ tāni tāni nāmāni aggahesi. Mudupañño hi sotāpanno satta bhave nibbattento sattakkhattuparamo nāma, majjhimapañño paraṃ chaṭṭhaṃ bhavaṃ nibbattento kolaṃkolo nāma , tikkhapañño ekaṃ bhavaṃ nibbattento ekabījī nāma. Taṃ panetaṃ tesaṃ mudumajjhimatikkhapaññataṃ pubbahetu niyameti. Ime tayopi sotāpannā kāmabhavavasena vuttā, rūpārūpabhave pana bahukāpi paṭisandhiyo gaṇhanti. Sakadāgāmissāti paṭisandhivasena sakiṃ kāmabhavaṃ āgacchatīti sakadāgāmī. Tassa sakadāgāmissa. Diṭṭheva dhamme arahāti imasmiṃyeva attabhāve arahā. Arahantipi pāṭho. Idha niṭṭhāti kāmabhavaṃ saṃsaranteyeva sandhāya vuttaṃ. Rūpārūpabhave uppannā pana ariyā kāmabhave na uppajjanti, tattheva parinibbāyanti.
анд̇араабариниб̣б̣ааяиссаад̇и ааяувзмаж̇жхасса анд̇арааязва гилзсабариниб̣б̣аанзна бариниб̣б̣ааяанад̇о анд̇араабариниб̣б̣ааяий. со бана уббаннасамананд̇араа бариниб̣б̣ааяий, ааяувзмаж̇жхам̣ аббад̇ваа бариниб̣б̣ааяий, ааяувзмаж̇жхам̣ бад̇ваа бариниб̣б̣ааяийд̇и д̇ивид̇хо ход̇и. д̇асса анд̇араабариниб̣б̣ааяисса анааг̇аамино. убахажжабариниб̣б̣ааяиссаад̇и ааяувзмаж̇жхам̣ ад̇иггамид̇ваа ваа гаалагирияам̣ убаг̇анд̇ваа ваа гилзсабариниб̣б̣аанзна бариниб̣б̣ааяанд̇асса анааг̇аамино. асан̇каарабариниб̣б̣ааяиссаад̇и асан̇каарзна аббаяог̇зна ад̇химад̇д̇аббаяог̇ам̣ агад̇ваава гилзсабариниб̣б̣аанзна бариниб̣б̣ааяанад̇хаммасса анааг̇аамино. сасан̇каарабариниб̣б̣ааяиссаад̇и сасан̇каарзна д̣̇угкзна гасирзна ад̇химад̇д̇аббаяог̇ам̣ гад̇ваава гилзсабариниб̣б̣аанзна бариниб̣б̣ааяанад̇хаммасса анааг̇аамино. уд̣̇д̇хам̣сод̇асса аганидтаг̇ааминод̇и уд̣̇д̇хам̣ваахибхаавзна уд̣̇д̇хамасса д̇ан̣хаасод̇ам̣ ваддасод̇ам̣ ваад̇и уд̣̇д̇хам̣сод̇о, уд̣̇д̇хам̣ ваа г̇анд̇ваа бадилабхид̇аб̣б̣ад̇о уд̣̇д̇хамасса маг̇г̇асод̇анд̇и уд̣̇д̇хам̣сод̇о, аганидтам̣ г̇ажчад̇ийд̇и аганидтаг̇аамий. д̇асса уд̣̇д̇хам̣сод̇асса аганидтаг̇аамино анааг̇аамисса. аяам̣ бана анааг̇аамий жад̇уббабхзд̣̇о – яо авихад̇о бадтааяа жад̇д̇ааро б̣рахмалогз сод̇хзд̇ваа аганидтам̣ г̇анд̇ваа бариниб̣б̣ааяад̇и, аяам̣ уд̣̇д̇хам̣сод̇о аганидтаг̇аамий наама. яо хздтаа д̇аяо б̣рахмалогз сод̇хзд̇ваа суд̣̇ассийб̣рахмалогз тад̇ваа бариниб̣б̣ааяад̇и, аяам̣ уд̣̇д̇хам̣сод̇о на аганидтаг̇аамий наама. яо ид̇о аганидтамзва г̇анд̇ваа бариниб̣б̣ааяад̇и, аяам̣ на уд̣̇д̇хам̣сод̇о аганидтаг̇аамий наама. яо хздтаа жад̇уусу б̣рахмалогзсу д̇ад̇т̇а д̇ад̇т̇зва бариниб̣б̣ааяад̇и, аяам̣ на уд̣̇д̇хам̣сод̇о на аганидтаг̇аамий наамаад̇и. имз бан̃жа анааг̇аамино суд̣̇д̇хааваасам̣ г̇ахзд̇ваа вуд̇д̇аа. анааг̇аамино бана руубарааг̇ааруубарааг̇аанам̣ аббахийнад̇д̇аа ааган̇камаанаа сзсаруубааруубабхавзсуби ниб̣б̣ад̇д̇анд̇и. суд̣̇д̇хааваасз ниб̣б̣ад̇д̇аа бана ан̃н̃ад̇т̇а на ниб̣б̣ад̇д̇анд̇и. авзжжаббасаннаад̇и арияамаг̇г̇авасзна ж̇аанид̇ваа б̣уж̇жхид̇ваа ажалаббасаад̣̇зна басаннаа. сод̇аабаннаад̇и арияамаг̇г̇асод̇ам̣ аабаннаа. иминаа саб̣б̣зби арияапаладтаа буг̇г̇алаа г̇ахид̇аад̇и.
Antarāparinibbāyissāti āyuvemajjhassa antarāyeva kilesaparinibbānena parinibbāyanato antarāparinibbāyī. So pana uppannasamanantarā parinibbāyī, āyuvemajjhaṃ appatvā parinibbāyī, āyuvemajjhaṃ patvā parinibbāyīti tividho hoti. Tassa antarāparinibbāyissa anāgāmino. Upahaccaparinibbāyissāti āyuvemajjhaṃ atikkamitvā vā kālakiriyaṃ upagantvā vā kilesaparinibbānena parinibbāyantassa anāgāmino. Asaṅkhāraparinibbāyissāti asaṅkhārena appayogena adhimattappayogaṃ akatvāva kilesaparinibbānena parinibbāyanadhammassa anāgāmino. Sasaṅkhāraparinibbāyissāti sasaṅkhārena dukkhena kasirena adhimattappayogaṃ katvāva kilesaparinibbānena parinibbāyanadhammassa anāgāmino. Uddhaṃsotassa akaniṭṭhagāminoti uddhaṃvāhibhāvena uddhamassa taṇhāsotaṃ vaṭṭasotaṃ vāti uddhaṃsoto, uddhaṃ vā gantvā paṭilabhitabbato uddhamassa maggasotanti uddhaṃsoto, akaniṭṭhaṃ gacchatīti akaniṭṭhagāmī. Tassa uddhaṃsotassa akaniṭṭhagāmino anāgāmissa. Ayaṃ pana anāgāmī catuppabhedo – yo avihato paṭṭhāya cattāro brahmaloke sodhetvā akaniṭṭhaṃ gantvā parinibbāyati, ayaṃ uddhaṃsoto akaniṭṭhagāmī nāma. Yo heṭṭhā tayo brahmaloke sodhetvā sudassībrahmaloke ṭhatvā parinibbāyati, ayaṃ uddhaṃsoto na akaniṭṭhagāmī nāma. Yo ito akaniṭṭhameva gantvā parinibbāyati, ayaṃ na uddhaṃsoto akaniṭṭhagāmī nāma. Yo heṭṭhā catūsu brahmalokesu tattha tattheva parinibbāyati, ayaṃ na uddhaṃsoto na akaniṭṭhagāmī nāmāti. Ime pañca anāgāmino suddhāvāsaṃ gahetvā vuttā. Anāgāmino pana rūparāgārūparāgānaṃ appahīnattā ākaṅkhamānā sesarūpārūpabhavesupi nibbattanti. Suddhāvāse nibbattā pana aññattha na nibbattanti. Aveccappasannāti ariyamaggavasena jānitvā bujjhitvā acalappasādena pasannā. Sotāpannāti ariyamaggasotaṃ āpannā. Iminā sabbepi ariyaphalaṭṭhā puggalā gahitāti.
бхававибхавад̣̇идтинид̣̇д̣̇зсаван̣н̣анаа нидтид̇аа.
Bhavavibhavadiṭṭhiniddesavaṇṇanā niṭṭhitā.
сад̣̇д̇хаммаббагаасинияаа бадисамбхид̣̇аамаг̇г̇адтагат̇ааяа
Saddhammappakāsiniyā paṭisambhidāmaggaṭṭhakathāya
д̣̇идтигат̇ааван̣н̣анаа нидтид̇аа.
Diṭṭhikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 15-16. бхава-вибхавад̣̇идтинид̣̇д̣̇зсо • 15-16. Bhava-vibhavadiṭṭhiniddeso
