| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. бхаяабхзравасуд̇д̇ам̣
4. Bhayabheravasuttaṃ
34. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ж̇аан̣уссон̣и б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ 1 вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘язмз, бхо г̇од̇ама, гулабуд̇д̇аа бхаванд̇ам̣ г̇од̇амам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа, бхавам̣ д̇зсам̣ г̇од̇амо буб̣б̣ан̇г̇амо, бхавам̣ д̇зсам̣ г̇од̇амо б̣ахугааро, бхавам̣ д̇зсам̣ г̇од̇амо самаад̣̇абзд̇аа 2; бход̇о жа бана г̇од̇амасса саа ж̇анад̇аа д̣̇идтаануг̇ад̇им̣ аабаж̇ж̇ад̇ий’’д̇и. ‘‘звамзд̇ам̣, б̣раахман̣а, звамзд̇ам̣, б̣раахман̣а! яз д̇з, б̣раахман̣а, гулабуд̇д̇аа мамам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа, ахам̣ д̇зсам̣ буб̣б̣ан̇г̇амо, ахам̣ д̇зсам̣ б̣ахугааро, ахам̣ д̇зсам̣ самаад̣̇абзд̇аа; мама жа бана саа ж̇анад̇аа д̣̇идтаануг̇ад̇им̣ аабаж̇ж̇ад̇ий’’д̇и. ‘‘д̣̇урабхисамбхаваани хи ко, бхо г̇од̇ама, аран̃н̃аванабад̇т̇аани банд̇аани сзнаасанаани, д̣̇уггарам̣ бавивзгам̣, д̣̇урабхирамам̣ згад̇д̇з, харанд̇и ман̃н̃з мано ванаани самаад̇хим̣ алабхамаанасса бхигкуно’’д̇и . ‘‘звамзд̇ам̣, б̣раахман̣а, звамзд̇ам̣, б̣раахман̣а! д̣̇урабхисамбхаваани хи ко, б̣раахман̣а, аран̃н̃аванабад̇т̇аани банд̇аани сзнаасанаани, д̣̇уггарам̣ бавивзгам̣, д̣̇урабхирамам̣ згад̇д̇з, харанд̇и ман̃н̃з мано ванаани самаад̇хим̣ алабхамаанасса бхигкуно’’д̇и.
34. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ 3 vītisāretvā ekamantaṃ nisīdi. Ekamantaṃ nisinno kho jāṇussoṇi brāhmaṇo bhagavantaṃ etadavoca – ‘‘yeme, bho gotama, kulaputtā bhavantaṃ gotamaṃ uddissa saddhā agārasmā anagāriyaṃ pabbajitā, bhavaṃ tesaṃ gotamo pubbaṅgamo, bhavaṃ tesaṃ gotamo bahukāro, bhavaṃ tesaṃ gotamo samādapetā 4; bhoto ca pana gotamassa sā janatā diṭṭhānugatiṃ āpajjatī’’ti. ‘‘Evametaṃ, brāhmaṇa, evametaṃ, brāhmaṇa! Ye te, brāhmaṇa, kulaputtā mamaṃ uddissa saddhā agārasmā anagāriyaṃ pabbajitā, ahaṃ tesaṃ pubbaṅgamo, ahaṃ tesaṃ bahukāro, ahaṃ tesaṃ samādapetā; mama ca pana sā janatā diṭṭhānugatiṃ āpajjatī’’ti. ‘‘Durabhisambhavāni hi kho, bho gotama, araññavanapatthāni pantāni senāsanāni, dukkaraṃ pavivekaṃ, durabhiramaṃ ekatte, haranti maññe mano vanāni samādhiṃ alabhamānassa bhikkhuno’’ti . ‘‘Evametaṃ, brāhmaṇa, evametaṃ, brāhmaṇa! Durabhisambhavāni hi kho, brāhmaṇa, araññavanapatthāni pantāni senāsanāni, dukkaraṃ pavivekaṃ, durabhiramaṃ ekatte, haranti maññe mano vanāni samādhiṃ alabhamānassa bhikkhuno’’ti.
35. ‘‘маяхамби ко, б̣раахман̣а, буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘д̣̇урабхисамбхаваани хи ко аран̃н̃аванабад̇т̇аани банд̇аани сзнаасанаани, д̣̇уггарам̣ бавивзгам̣, д̣̇урабхирамам̣ згад̇д̇з, харанд̇и ман̃н̃з мано ванаани самаад̇хим̣ алабхамаанасса бхигкуно’д̇и. д̇асса маяхам̣ б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа абарисуд̣̇д̇хагааяагамманд̇аа аран̃н̃аванабад̇т̇аани банд̇аани сзнаасанаани бадисзванд̇и, абарисуд̣̇д̇хагааяагамманд̇асанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ абарисуд̣̇д̇хагааяагамманд̇о аран̃н̃аванабад̇т̇аани банд̇аани сзнаасанаани бадисзваами; барисуд̣̇д̇хагааяагамманд̇охамасми. яз хи во арияаа барисуд̣̇д̇хагааяагамманд̇аа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, барисуд̣̇д̇хагааяагаммад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
35. ‘‘Mayhampi kho, brāhmaṇa, pubbeva sambodhā anabhisambuddhassa bodhisattasseva sato etadahosi – ‘durabhisambhavāni hi kho araññavanapatthāni pantāni senāsanāni, dukkaraṃ pavivekaṃ, durabhiramaṃ ekatte, haranti maññe mano vanāni samādhiṃ alabhamānassa bhikkhuno’ti. Tassa mayhaṃ brāhmaṇa, etadahosi – ‘ye kho keci samaṇā vā brāhmaṇā vā aparisuddhakāyakammantā araññavanapatthāni pantāni senāsanāni paṭisevanti, aparisuddhakāyakammantasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ aparisuddhakāyakammanto araññavanapatthāni pantāni senāsanāni paṭisevāmi; parisuddhakāyakammantohamasmi. Ye hi vo ariyā parisuddhakāyakammantā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, parisuddhakāyakammataṃ attani sampassamāno bhiyyo pallomamāpādiṃ araññe vihārāya.
36. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа абарисуд̣̇д̇хаважийгамманд̇аа…бз… абарисуд̣̇д̇хаманогамманд̇аа …бз… абарисуд̣̇д̇хааж̇ийваа аран̃н̃аванабад̇т̇аани банд̇аани сзнаасанаани бадисзванд̇и, абарисуд̣̇д̇хааж̇ийвасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ абарисуд̣̇д̇хааж̇ийво аран̃н̃аванабад̇т̇аани банд̇аани сзнаасанаани бадисзваами; барисуд̣̇д̇хааж̇ийвохамасми. яз хи во арияаа барисуд̣̇д̇хааж̇ийваа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, барисуд̣̇д̇хааж̇ийвад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
36. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā aparisuddhavacīkammantā…pe… aparisuddhamanokammantā …pe… aparisuddhājīvā araññavanapatthāni pantāni senāsanāni paṭisevanti, aparisuddhājīvasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ aparisuddhājīvo araññavanapatthāni pantāni senāsanāni paṭisevāmi; parisuddhājīvohamasmi. Ye hi vo ariyā parisuddhājīvā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, parisuddhājīvataṃ attani sampassamāno bhiyyo pallomamāpādiṃ araññe vihārāya.
37. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа абхиж̇жхаалуу гаамзсу д̇иб̣б̣асаарааг̇аа аран̃н̃аванабад̇т̇аани банд̇аани сзнаасанаани бадисзванд̇и, абхиж̇жхаалугаамзсуд̇иб̣б̣асаарааг̇асанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ абхиж̇жхаалу гаамзсу д̇иб̣б̣асаарааг̇о аран̃н̃аванабад̇т̇аани банд̇аани сзнаасанаани бадисзваами; анабхиж̇жхаалуухамасми. яз хи во арияаа анабхиж̇жхаалуу аран̃н̃аванабад̇т̇аани банд̇аани сзнаасанаани бадисзванд̇и , д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, анабхиж̇жхаалуд̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
37. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā abhijjhālū kāmesu tibbasārāgā araññavanapatthāni pantāni senāsanāni paṭisevanti, abhijjhālukāmesutibbasārāgasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ abhijjhālu kāmesu tibbasārāgo araññavanapatthāni pantāni senāsanāni paṭisevāmi; anabhijjhālūhamasmi. Ye hi vo ariyā anabhijjhālū araññavanapatthāni pantāni senāsanāni paṭisevanti , tesamahaṃ aññataro’ti. Etamahaṃ, brāhmaṇa, anabhijjhālutaṃ attani sampassamāno bhiyyo pallomamāpādiṃ araññe vihārāya.
38. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа б̣яаабаннажид̇д̇аа бад̣̇удтаманасан̇габбаа аран̃н̃аванабад̇т̇аани банд̇аани сзнаасанаани бадисзванд̇и, б̣яаабаннажид̇д̇абад̣̇удтаманасан̇габбасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ б̣яаабаннажид̇д̇о бад̣̇удтаманасан̇габбо аран̃н̃аванабад̇т̇аани банд̇аани сзнаасанаани бадисзваами; мзд̇д̇ажид̇д̇охамасми. яз хи во арияаа мзд̇д̇ажид̇д̇аа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, мзд̇д̇ажид̇д̇ад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
38. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā byāpannacittā paduṭṭhamanasaṅkappā araññavanapatthāni pantāni senāsanāni paṭisevanti, byāpannacittapaduṭṭhamanasaṅkappasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ byāpannacitto paduṭṭhamanasaṅkappo araññavanapatthāni pantāni senāsanāni paṭisevāmi; mettacittohamasmi. Ye hi vo ariyā mettacittā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, mettacittataṃ attani sampassamāno bhiyyo pallomamāpādiṃ araññe vihārāya.
39. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа т̇ийнамид̣̇д̇хабарияудтид̇аа аран̃н̃аванабад̇т̇аани банд̇аани сзнаасанаани бадисзванд̇и, т̇ийнамид̣̇д̇хабарияудтаанасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ т̇ийнамид̣̇д̇хабарияудтид̇о аран̃н̃аванабад̇т̇аани банд̇аани сзнаасанаани бадисзваами; виг̇ад̇ат̇ийнамид̣̇д̇хохамасми. яз хи во арияаа виг̇ад̇ат̇ийнамид̣̇д̇хаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, виг̇ад̇ат̇ийнамид̣̇д̇хад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
39. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā thīnamiddhapariyuṭṭhitā araññavanapatthāni pantāni senāsanāni paṭisevanti, thīnamiddhapariyuṭṭhānasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ thīnamiddhapariyuṭṭhito araññavanapatthāni pantāni senāsanāni paṭisevāmi; vigatathīnamiddhohamasmi. Ye hi vo ariyā vigatathīnamiddhā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, vigatathīnamiddhataṃ attani sampassamāno bhiyyo pallomamāpādiṃ araññe vihārāya.
40. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа уд̣̇д̇хад̇аа авуубасанд̇ажид̇д̇аа аран̃н̃аванабад̇т̇аани банд̇аани сзнаасанаани бадисзванд̇и, уд̣̇д̇хад̇аавуубасанд̇ажид̇д̇асанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ уд̣̇д̇хад̇о авуубасанд̇ажид̇д̇о аран̃н̃аванабад̇т̇аани банд̇аани сзнаасанаани бадисзваами; вуубасанд̇ажид̇д̇охамасми. яз хи во арияаа вуубасанд̇ажид̇д̇аа аран̃н̃аванабад̇т̇аани банд̇аани сзнаасанаани бадисзванд̇и, д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, вуубасанд̇ажид̇д̇ад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
40. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā uddhatā avūpasantacittā araññavanapatthāni pantāni senāsanāni paṭisevanti, uddhataavūpasantacittasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ uddhato avūpasantacitto araññavanapatthāni pantāni senāsanāni paṭisevāmi; vūpasantacittohamasmi. Ye hi vo ariyā vūpasantacittā araññavanapatthāni pantāni senāsanāni paṭisevanti, tesamahaṃ aññataro’ti. Etamahaṃ, brāhmaṇa, vūpasantacittataṃ attani sampassamāno bhiyyo pallomamāpādiṃ araññe vihārāya.
41. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа ган̇кий вижигижчий аран̃н̃аванабад̇т̇аани банд̇аани сзнаасанаани бадисзванд̇и, ган̇кивижигижчисанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ ган̇кий вижигижчий аран̃н̃аванабад̇т̇аани банд̇аани сзнаасанаани бадисзваами; д̇ин̣н̣авижигижчохамасми. яз хи во арияаа д̇ин̣н̣авижигижчаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, д̇ин̣н̣авижигижчад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
41. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā kaṅkhī vicikicchī araññavanapatthāni pantāni senāsanāni paṭisevanti, kaṅkhivicikicchisandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ kaṅkhī vicikicchī araññavanapatthāni pantāni senāsanāni paṭisevāmi; tiṇṇavicikicchohamasmi. Ye hi vo ariyā tiṇṇavicikicchā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, tiṇṇavicikicchataṃ attani sampassamāno bhiyyo pallomamāpādiṃ araññe vihārāya.
42. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа ад̇д̇уггам̣сагаа баравамбхий аран̃н̃аванабад̇т̇аани банд̇аани сзнаасанаани бадисзванд̇и, ад̇д̇уггам̣санабаравамбханасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и . на ко банаахам̣ ад̇д̇уггам̣саго баравамбхий аран̃н̃аванабад̇т̇аани банд̇аани сзнаасанаани бадисзваами ; анад̇д̇уггам̣саго абаравамбхийхамасми. яз хи во арияаа анад̇д̇уггам̣сагаа абаравамбхий аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, анад̇д̇уггам̣сагад̇ам̣ абаравамбхид̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
42. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā attukkaṃsakā paravambhī araññavanapatthāni pantāni senāsanāni paṭisevanti, attukkaṃsanaparavambhanasandosahetu have te bhonto samaṇabrāhmaṇā akusalaṃ bhayabheravaṃ avhāyanti . Na kho panāhaṃ attukkaṃsako paravambhī araññavanapatthāni pantāni senāsanāni paṭisevāmi ; anattukkaṃsako aparavambhīhamasmi. Ye hi vo ariyā anattukkaṃsakā aparavambhī araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, anattukkaṃsakataṃ aparavambhitaṃ attani sampassamāno bhiyyo pallomamāpādiṃ araññe vihārāya.
43. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа чамбхий бхийругаж̇аад̇игаа аран̃н̃аванабад̇т̇аани банд̇аани сзнаасанаани бадисзванд̇и, чамбхибхийругаж̇аад̇игасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ чамбхий бхийругаж̇аад̇иго аран̃н̃аванабад̇т̇аани банд̇аани сзнаасанаани бадисзваами; виг̇ад̇аломахам̣сохамасми. яз хи во арияаа виг̇ад̇аломахам̣саа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, виг̇ад̇аломахам̣сад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
43. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā chambhī bhīrukajātikā araññavanapatthāni pantāni senāsanāni paṭisevanti, chambhibhīrukajātikasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ chambhī bhīrukajātiko araññavanapatthāni pantāni senāsanāni paṭisevāmi; vigatalomahaṃsohamasmi. Ye hi vo ariyā vigatalomahaṃsā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, vigatalomahaṃsataṃ attani sampassamāno bhiyyo pallomamāpādiṃ araññe vihārāya.
44. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа лаабхасаггаарасилогам̣ нигаамаяамаанаа аран̃н̃аванабад̇т̇аани банд̇аани сзнаасанаани бадисзванд̇и, лаабхасаггаарасилоганигаамана 5 санд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ лаабхасаггаарасилогам̣ нигаамаяамаано аран̃н̃аванабад̇т̇аани банд̇аани сзнаасанаани бадисзваами; аббижчохамасми. яз хи во арияаа аббижчаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, аббижчад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
44. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā lābhasakkārasilokaṃ nikāmayamānā araññavanapatthāni pantāni senāsanāni paṭisevanti, lābhasakkārasilokanikāmana 6 sandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ lābhasakkārasilokaṃ nikāmayamāno araññavanapatthāni pantāni senāsanāni paṭisevāmi; appicchohamasmi. Ye hi vo ariyā appicchā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, appicchataṃ attani sampassamāno bhiyyo pallomamāpādiṃ araññe vihārāya.
45. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа гусийд̇аа хийнавийрияаа аран̃н̃аванабад̇т̇аани банд̇аани сзнаасанаани бадисзванд̇и , гусийд̇ахийнавийрияасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ гусийд̇о хийнавийрияо аран̃н̃аванабад̇т̇аани банд̇аани сзнаасанаани бадисзваами; аарад̣̇д̇хавийрияохамасми. яз хи во арияаа аарад̣̇д̇хавийрияаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, аарад̣̇д̇хавийрияад̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
45. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā kusītā hīnavīriyā araññavanapatthāni pantāni senāsanāni paṭisevanti , kusītahīnavīriyasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ kusīto hīnavīriyo araññavanapatthāni pantāni senāsanāni paṭisevāmi; āraddhavīriyohamasmi. Ye hi vo ariyā āraddhavīriyā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, āraddhavīriyataṃ attani sampassamāno bhiyyo pallomamāpādiṃ araññe vihārāya.
46. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа мудтассад̇ий асамбаж̇аанаа аран̃н̃аванабад̇т̇аани банд̇аани сзнаасанаани бадисзванд̇и, мудтассад̇иасамбаж̇аанасанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ мудтассад̇и асамбаж̇аано аран̃н̃аванабад̇т̇аани банд̇аани сзнаасанаани бадисзваами; убадтид̇ассад̇ихамасми. яз хи во арияаа убадтид̇ассад̇ий аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, убадтид̇ассад̇ид̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
46. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā muṭṭhassatī asampajānā araññavanapatthāni pantāni senāsanāni paṭisevanti, muṭṭhassatiasampajānasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ muṭṭhassati asampajāno araññavanapatthāni pantāni senāsanāni paṭisevāmi; upaṭṭhitassatihamasmi. Ye hi vo ariyā upaṭṭhitassatī araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, upaṭṭhitassatitaṃ attani sampassamāno bhiyyo pallomamāpādiṃ araññe vihārāya.
47. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа асамаахид̇аа виб̣бханд̇ажид̇д̇аа аран̃н̃аванабад̇т̇аани банд̇аани сзнаасанаани бадисзванд̇и, асамаахид̇авиб̣бханд̇ажид̇д̇асанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ асамаахид̇о виб̣бханд̇ажид̇д̇о аран̃н̃аванабад̇т̇аани банд̇аани сзнаасанаани бадисзваами; самаад̇хисамбаннохамасми. яз хи во арияаа самаад̇хисамбаннаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, самаад̇хисамбад̣̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
47. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā asamāhitā vibbhantacittā araññavanapatthāni pantāni senāsanāni paṭisevanti, asamāhitavibbhantacittasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ asamāhito vibbhantacitto araññavanapatthāni pantāni senāsanāni paṭisevāmi; samādhisampannohamasmi. Ye hi vo ariyā samādhisampannā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, samādhisampadaṃ attani sampassamāno bhiyyo pallomamāpādiṃ araññe vihārāya.
48. ‘‘д̇асса маяхам̣, б̣раахман̣а, зд̇ад̣̇ахоси – ‘яз ко гзжи саман̣аа ваа б̣раахман̣аа ваа д̣̇уббан̃н̃аа зл̣амууг̇аа аран̃н̃аванабад̇т̇аани банд̇аани сзнаасанаани бадисзванд̇и, д̣̇уббан̃н̃азл̣амууг̇асанд̣̇осахзд̇у хавз д̇з бхонд̇о саман̣аб̣раахман̣аа агусалам̣ бхаяабхзравам̣ авхааяанд̇и. на ко банаахам̣ д̣̇уббан̃н̃о зл̣амууг̇о аран̃н̃аванабад̇т̇аани банд̇аани сзнаасанаани бадисзваами; бан̃н̃аасамбаннохамасми. яз хи во арияаа бан̃н̃аасамбаннаа аран̃н̃аванабад̇т̇аани банд̇аани сзнаасанаани бадисзванд̇и д̇зсамахам̣ ан̃н̃ад̇аро’д̇и. зд̇амахам̣, б̣раахман̣а, бан̃н̃аасамбад̣̇ам̣ ад̇д̇ани самбассамаано бхияяо балломамаабаад̣̇им̣ аран̃н̃з вихаарааяа.
48. ‘‘Tassa mayhaṃ, brāhmaṇa, etadahosi – ‘ye kho keci samaṇā vā brāhmaṇā vā duppaññā eḷamūgā araññavanapatthāni pantāni senāsanāni paṭisevanti, duppaññaeḷamūgasandosahetu have te bhonto samaṇabrāhmaṇā akusalaṃ bhayabheravaṃ avhāyanti. Na kho panāhaṃ duppañño eḷamūgo araññavanapatthāni pantāni senāsanāni paṭisevāmi; paññāsampannohamasmi. Ye hi vo ariyā paññāsampannā araññavanapatthāni pantāni senāsanāni paṭisevanti tesamahaṃ aññataro’ti. Etamahaṃ, brāhmaṇa, paññāsampadaṃ attani sampassamāno bhiyyo pallomamāpādiṃ araññe vihārāya.
сол̣асабарияааяам̣ нидтид̇ам̣.
Soḷasapariyāyaṃ niṭṭhitaṃ.
49. ‘‘д̇асса маяхам̣, б̣раахман̣а, зд̇ад̣̇ахоси – ‘яам̣нуунаахам̣ яаа д̇аа рад̇д̇ияо абхин̃н̃аад̇аа абхилагкид̇аа – жаад̇уд̣̇д̣̇асий бан̃жад̣̇асий адтамий жа багкасса – д̇ат̇ааруубаасу рад̇д̇ийсу яаани д̇аани аараамажзд̇ияаани ванажзд̇ияаани ругкажзд̇ияаани бхим̣санагаани саломахам̣саани д̇ат̇ааруубзсу сзнаасанзсу вихарзяяам̣ аббзва наамаахам̣ бхаяабхзравам̣ бассзяяа’нд̇и. со ко ахам̣, б̣раахман̣а, абарзна самаязна яаа д̇аа рад̇д̇ияо абхин̃н̃аад̇аа абхилагкид̇аа – жаад̇уд̣̇д̣̇асий бан̃жад̣̇асий адтамий жа багкасса – д̇ат̇ааруубаасу рад̇д̇ийсу яаани д̇аани аараамажзд̇ияаани ванажзд̇ияаани ругкажзд̇ияаани бхим̣санагаани саломахам̣саани д̇ат̇ааруубзсу сзнаасанзсу вихараами. д̇ад̇т̇а жа мз, б̣раахман̣а, вихарад̇о маг̇о ваа ааг̇ажчад̇и, моро ваа гадтам̣ баад̇зд̇и, ваад̇о ваа бан̣н̣агасадам̣ 7 зрзд̇и; д̇асса маяхам̣ б̣раахман̣а зд̇ад̣̇ахоси 8 – ‘зд̇ам̣ нууна д̇ам̣ бхаяабхзравам̣ ааг̇ажчад̇ий’д̇и. д̇асса маяхам̣, б̣раахман̣а, зд̇ад̣̇ахоси – ‘гим̣ ну ко ахам̣ ан̃н̃ад̣̇ад̇т̇у бхаяабадиган̇кий 9 вихараами? яам̣нуунаахам̣ яат̇аабхууд̇ам̣ яат̇аабхууд̇асса 10 мз д̇ам̣ бхаяабхзравам̣ ааг̇ажчад̇и, д̇ат̇аабхууд̇ам̣ д̇ат̇аабхууд̇ова 11 д̇ам̣ бхаяабхзравам̣ бадивинзяяа’нд̇и. д̇асса маяхам̣, б̣раахман̣а, жан̇гаманд̇асса д̇ам̣ бхаяабхзравам̣ ааг̇ажчад̇и. со ко ахам̣, б̣раахман̣а, нзва д̇аава д̇идтаами на нисийд̣̇аами на нибаж̇ж̇аами, яаава жан̇гаманд̇ова д̇ам̣ бхаяабхзравам̣ бадивинзми. д̇асса маяхам̣, б̣раахман̣а, тид̇асса д̇ам̣ бхаяабхзравам̣ ааг̇ажчад̇и. со ко ахам̣, б̣раахман̣а, нзва д̇аава жан̇гамаами на нисийд̣̇аами на нибаж̇ж̇аами. яаава тид̇ова д̇ам̣ бхаяабхзравам̣ бадивинзми. д̇асса маяхам̣, б̣раахман̣а, нисиннасса д̇ам̣ бхаяабхзравам̣ ааг̇ажчад̇и. со ко ахам̣, б̣раахман̣а, нзва д̇аава нибаж̇ж̇аами на д̇идтаами на жан̇гамаами, яаава нисиннова д̇ам̣ бхаяабхзравам̣ бадивинзми. д̇асса маяхам̣, б̣раахман̣а, нибаннасса д̇ам̣ бхаяабхзравам̣ ааг̇ажчад̇и. со ко ахам̣, б̣раахман̣а, нзва д̇аава нисийд̣̇аами на д̇идтаами на жан̇гамаами, яаава нибаннова д̇ам̣ бхаяабхзравам̣ бадивинзми.
49. ‘‘Tassa mayhaṃ, brāhmaṇa, etadahosi – ‘yaṃnūnāhaṃ yā tā rattiyo abhiññātā abhilakkhitā – cātuddasī pañcadasī aṭṭhamī ca pakkhassa – tathārūpāsu rattīsu yāni tāni ārāmacetiyāni vanacetiyāni rukkhacetiyāni bhiṃsanakāni salomahaṃsāni tathārūpesu senāsanesu vihareyyaṃ appeva nāmāhaṃ bhayabheravaṃ passeyya’nti. So kho ahaṃ, brāhmaṇa, aparena samayena yā tā rattiyo abhiññātā abhilakkhitā – cātuddasī pañcadasī aṭṭhamī ca pakkhassa – tathārūpāsu rattīsu yāni tāni ārāmacetiyāni vanacetiyāni rukkhacetiyāni bhiṃsanakāni salomahaṃsāni tathārūpesu senāsanesu viharāmi. Tattha ca me, brāhmaṇa, viharato mago vā āgacchati, moro vā kaṭṭhaṃ pāteti, vāto vā paṇṇakasaṭaṃ 12 ereti; tassa mayhaṃ brāhmaṇa etadahosi 13 – ‘etaṃ nūna taṃ bhayabheravaṃ āgacchatī’ti. Tassa mayhaṃ, brāhmaṇa, etadahosi – ‘kiṃ nu kho ahaṃ aññadatthu bhayapaṭikaṅkhī 14 viharāmi? Yaṃnūnāhaṃ yathābhūtaṃ yathābhūtassa 15 me taṃ bhayabheravaṃ āgacchati, tathābhūtaṃ tathābhūtova 16 taṃ bhayabheravaṃ paṭivineyya’nti. Tassa mayhaṃ, brāhmaṇa, caṅkamantassa taṃ bhayabheravaṃ āgacchati. So kho ahaṃ, brāhmaṇa, neva tāva tiṭṭhāmi na nisīdāmi na nipajjāmi, yāva caṅkamantova taṃ bhayabheravaṃ paṭivinemi. Tassa mayhaṃ, brāhmaṇa, ṭhitassa taṃ bhayabheravaṃ āgacchati. So kho ahaṃ, brāhmaṇa, neva tāva caṅkamāmi na nisīdāmi na nipajjāmi. Yāva ṭhitova taṃ bhayabheravaṃ paṭivinemi. Tassa mayhaṃ, brāhmaṇa, nisinnassa taṃ bhayabheravaṃ āgacchati. So kho ahaṃ, brāhmaṇa, neva tāva nipajjāmi na tiṭṭhāmi na caṅkamāmi, yāva nisinnova taṃ bhayabheravaṃ paṭivinemi. Tassa mayhaṃ, brāhmaṇa, nipannassa taṃ bhayabheravaṃ āgacchati. So kho ahaṃ, brāhmaṇa, neva tāva nisīdāmi na tiṭṭhāmi na caṅkamāmi, yāva nipannova taṃ bhayabheravaṃ paṭivinemi.
50. ‘‘санд̇и ко бана, б̣раахман̣а, згз саман̣аб̣раахман̣аа рад̇д̇им̣язва самаанам̣ д̣̇иваад̇и сан̃ж̇аананд̇и, д̣̇ивааязва самаанам̣ рад̇д̇ийд̇и сан̃ж̇аананд̇и. ид̣̇амахам̣ д̇зсам̣ саман̣аб̣раахман̣аанам̣ саммохавихаарасмим̣ вад̣̇аами. ахам̣ ко бана, б̣раахман̣а, рад̇д̇им̣язва самаанам̣ рад̇д̇ийд̇и сан̃ж̇аанаами, д̣̇ивааязва самаанам̣ д̣̇иваад̇и сан̃ж̇аанаами. яам̣ ко д̇ам̣, б̣раахман̣а, саммаа вад̣̇амаано вад̣̇зяяа – ‘асаммохад̇хаммо сад̇д̇о логз уббанно б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и, мамзва д̇ам̣ саммаа вад̣̇амаано вад̣̇зяяа – ‘асаммохад̇хаммо сад̇д̇о логз уббанно б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и.
50. ‘‘Santi kho pana, brāhmaṇa, eke samaṇabrāhmaṇā rattiṃyeva samānaṃ divāti sañjānanti, divāyeva samānaṃ rattīti sañjānanti. Idamahaṃ tesaṃ samaṇabrāhmaṇānaṃ sammohavihārasmiṃ vadāmi. Ahaṃ kho pana, brāhmaṇa, rattiṃyeva samānaṃ rattīti sañjānāmi, divāyeva samānaṃ divāti sañjānāmi. Yaṃ kho taṃ, brāhmaṇa, sammā vadamāno vadeyya – ‘asammohadhammo satto loke uppanno bahujanahitāya bahujanasukhāya lokānukampāya atthāya hitāya sukhāya devamanussāna’nti, mameva taṃ sammā vadamāno vadeyya – ‘asammohadhammo satto loke uppanno bahujanahitāya bahujanasukhāya lokānukampāya atthāya hitāya sukhāya devamanussāna’nti.
51. ‘‘аарад̣̇д̇хам̣ ко бана мз, б̣раахман̣а, вийрияам̣ ахоси асаллийнам̣, убадтид̇аа сад̇и асаммудтаа 17, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. со ко ахам̣, б̣раахман̣а, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихаасим̣. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихаасим̣. бийд̇ияаа жа вирааг̇аа убзгкаго жа вихаасим̣, сад̇о жа самбаж̇аано сукан̃жа гааязна бадисам̣взд̣̇зсим̣; яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихаасим̣. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихаасим̣.
51. ‘‘Āraddhaṃ kho pana me, brāhmaṇa, vīriyaṃ ahosi asallīnaṃ, upaṭṭhitā sati asammuṭṭhā 18, passaddho kāyo asāraddho, samāhitaṃ cittaṃ ekaggaṃ. So kho ahaṃ, brāhmaṇa, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsiṃ. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihāsiṃ. Pītiyā ca virāgā upekkhako ca vihāsiṃ, sato ca sampajāno sukhañca kāyena paṭisaṃvedesiṃ; yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihāsiṃ. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihāsiṃ.
52. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзсим̣. со анзгавихид̇ам̣ буб̣б̣зниваасам̣ ануссараами, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссараами. аяам̣ ко мз, б̣раахман̣а, рад̇д̇ияаа батамз яаамз батамаа виж̇ж̇аа ад̇хиг̇ад̇аа, авиж̇ж̇аа вихад̇аа виж̇ж̇аа уббаннаа, д̇амо вихад̇о аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
52. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmesiṃ. So anekavihitaṃ pubbenivāsaṃ anussarāmi, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarāmi. Ayaṃ kho me, brāhmaṇa, rattiyā paṭhame yāme paṭhamā vijjā adhigatā, avijjā vihatā vijjā uppannā, tamo vihato āloko uppanno, yathā taṃ appamattassa ātāpino pahitattassa viharato.
53. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзсим̣. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами. аяам̣ ко мз, б̣раахман̣а, рад̇д̇ияаа маж̇жхимз яаамз д̣̇уд̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа виж̇ж̇аа уббаннаа, д̇амо вихад̇о аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
53. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmesiṃ. So dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā; te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā; te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi. Ayaṃ kho me, brāhmaṇa, rattiyā majjhime yāme dutiyā vijjā adhigatā, avijjā vihatā vijjā uppannā, tamo vihato āloko uppanno, yathā taṃ appamattassa ātāpino pahitattassa viharato.
54. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзсим̣. со ‘ид̣̇ам̣ д̣̇угка’нд̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угкасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣. ‘имз аасаваа’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасавасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣. д̇асса мз звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжид̇т̇а, бхаваасавааби жид̇д̇ам̣ вимужжид̇т̇а, авиж̇ж̇аасавааби жид̇д̇ам̣ вимужжид̇т̇а. вимуд̇д̇асмим̣ вимуд̇д̇амид̇и н̃аан̣ам̣ ахоси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃аасим̣. аяам̣ ко мз, б̣раахман̣а, рад̇д̇ияаа бажчимз яаамз д̇ад̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа виж̇ж̇аа уббаннаа, д̇амо вихад̇о аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
54. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmesiṃ. So ‘idaṃ dukkha’nti yathābhūtaṃ abbhaññāsiṃ, ‘ayaṃ dukkhasamudayo’ti yathābhūtaṃ abbhaññāsiṃ, ‘ayaṃ dukkhanirodho’ti yathābhūtaṃ abbhaññāsiṃ, ‘ayaṃ dukkhanirodhagāminī paṭipadā’ti yathābhūtaṃ abbhaññāsiṃ. ‘Ime āsavā’ti yathābhūtaṃ abbhaññāsiṃ, ‘ayaṃ āsavasamudayo’ti yathābhūtaṃ abbhaññāsiṃ, ‘ayaṃ āsavanirodho’ti yathābhūtaṃ abbhaññāsiṃ, ‘ayaṃ āsavanirodhagāminī paṭipadā’ti yathābhūtaṃ abbhaññāsiṃ. Tassa me evaṃ jānato evaṃ passato kāmāsavāpi cittaṃ vimuccittha, bhavāsavāpi cittaṃ vimuccittha, avijjāsavāpi cittaṃ vimuccittha. Vimuttasmiṃ vimuttamiti ñāṇaṃ ahosi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsiṃ. Ayaṃ kho me, brāhmaṇa, rattiyā pacchime yāme tatiyā vijjā adhigatā, avijjā vihatā vijjā uppannā, tamo vihato āloko uppanno, yathā taṃ appamattassa ātāpino pahitattassa viharato.
55. ‘‘сияаа ко бана д̇з, б̣раахман̣а, звамасса – ‘аж̇ж̇ааби нууна саман̣о г̇од̇амо авийд̇арааг̇о авийд̇ад̣̇осо авийд̇амохо, д̇асмаа аран̃н̃аванабад̇т̇аани банд̇аани сзнаасанаани бадисзвад̇ий’д̇и. на ко банзд̇ам̣, б̣раахман̣а, звам̣ д̣̇адтаб̣б̣ам̣. д̣̇вз ко ахам̣, б̣раахман̣а, ад̇т̇авасз самбассамаано аран̃н̃аванабад̇т̇аани банд̇аани сзнаасанаани бадисзваами – ад̇д̇ано жа д̣̇идтад̇хаммасукавихаарам̣ самбассамаано, бажчиман̃жа ж̇анад̇ам̣ анугамбамаано’’д̇и.
55. ‘‘Siyā kho pana te, brāhmaṇa, evamassa – ‘ajjāpi nūna samaṇo gotamo avītarāgo avītadoso avītamoho, tasmā araññavanapatthāni pantāni senāsanāni paṭisevatī’ti. Na kho panetaṃ, brāhmaṇa, evaṃ daṭṭhabbaṃ. Dve kho ahaṃ, brāhmaṇa, atthavase sampassamāno araññavanapatthāni pantāni senāsanāni paṭisevāmi – attano ca diṭṭhadhammasukhavihāraṃ sampassamāno, pacchimañca janataṃ anukampamāno’’ti.
56. ‘‘анугамбид̇аруубаа вад̇ааяам̣ бход̇аа г̇од̇амзна бажчимаа ж̇анад̇аа , яат̇аа д̇ам̣ арахад̇аа саммаасамб̣уд̣̇д̇хзна. абхигганд̇ам̣, бхо г̇од̇ама! абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
56. ‘‘Anukampitarūpā vatāyaṃ bhotā gotamena pacchimā janatā , yathā taṃ arahatā sammāsambuddhena. Abhikkantaṃ, bho gotama! Abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
бхаяабхзравасуд̇д̇ам̣ нидтид̇ам̣ жад̇уд̇т̇ам̣.
Bhayabheravasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. бхаяабхзравасуд̇д̇аван̣н̣анаа • 4. Bhayabheravasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. бхаяабхзравасуд̇д̇аван̣н̣анаа • 4. Bhayabheravasuttavaṇṇanā
