Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā)

    4. бхаяабхзравасуд̇д̇аван̣н̣анаа

    4. Bhayabheravasuttavaṇṇanā

    34. звам̣ мз суд̇анд̇и бхаяабхзравасуд̇д̇ам̣. го нигкзбо? гзжи д̇аава звамааху ‘‘бужчаавасиго нигкзбо’’д̇и. д̣̇увид̇хаа хи бужчаа баагадаабаагадабхзд̣̇ад̇о. д̇ад̇т̇а яассаа д̣̇зсанааяа нимид̇д̇абхууд̇о н̃аад̇ум̣ ижчид̇о ад̇т̇о гим̣-сад̣̇д̣̇абуб̣б̣агзна багаасийяад̇и, саа баагадаа бужчаа яат̇аа ‘‘гим̣сууд̇ха вид̇д̇ам̣ бурисасса сздта’’нд̇и звамаад̣̇и (сам̣. ни. 1.246; су. ни. 183). яассаа бана д̣̇зсанааяа нимид̇д̇абхууд̇о н̃аад̇ум̣ ижчид̇о ад̇т̇о гим̣-сад̣̇д̣̇арахид̇зна гзвалзнзва сад̣̇д̣̇абаяог̇зна багаасийяад̇и, саа абаагадаа бужчаа. н̃аад̇ум̣ ижчид̇о хи ад̇т̇о ‘‘бан̃хаа, бужчаа’’д̇и вужжад̇и, д̇асмааязва ид̇ха ‘‘яз мз бхо г̇од̇амаа’’д̇иаад̣̇игаа абаагадаад̇и ‘‘бужчаавасиго нигкзбо’’д̇и. д̇аяид̣̇ам̣ агааран̣ам̣, яасмаа со б̣раахман̣о ‘‘язмз бхо г̇од̇амаа’’д̇иаад̣̇ийни вад̣̇анд̇о на д̇ад̇т̇а ган̇кий вижигижчий сам̣саяамаабанно авожа, ат̇а ко ад̇д̇анаа яат̇аанижчид̇амад̇т̇ам̣ бхаг̇авад̇и басаад̣̇абхааваб̣ахумаанам̣ бавзд̣̇знд̇о гат̇зси. д̇знааха ‘‘бхаг̇авад̇и басаад̣̇ам̣ алад̇т̇аа’’д̇иаад̣̇и (ма. ни. адта. 1.34). вихаарзд̇и вихаарагз ниваасз. авижчиннзязваад̇и бавад̇д̇амаанзязва. бад̣̇ад̣̇ваяассаби васанд̇з зваад̇и ад̇т̇о. зд̇ам̣ бурохид̇адтаанам̣ ун̣хийсаад̣̇игагуд̇хабхан̣д̣зхи сад̣̇д̇хим̣ лад̣̇д̇хам̣, д̇ат̇аа жа ‘‘асса ран̃н̃аа д̣̇инна’’нд̇и вад̣̇анд̇и. д̇знааха ‘‘д̇ам̣ д̇асса ран̃н̃аа д̣̇инна’’нд̇и. б̣рахманд̇и взд̣̇ам̣. со бана манд̇аб̣рахмагаббавасзна д̇ивид̇хо. д̇ад̇т̇а манд̇аа бад̇хаанам̣ муулабхаавад̇о, яз адтагаад̣̇ийхи бавуд̇д̇аа, ид̇арз д̇анниссаязна ж̇аад̇аа, д̇зна д̇зсам̣язва г̇ахан̣ам̣ ‘‘манд̇з саж̇жхааяад̇ий’’д̇и . д̇з хи г̇уд̇д̇абхаасид̇аб̣б̣ад̇ааяа ‘‘манд̇аа’’д̇и вужжанд̇и. ид̣̇амзва хийд̇и авад̇хааран̣зна ‘‘б̣рахмад̇о ж̇аад̇аа’’д̇иаад̣̇игам̣ нируд̇д̇им̣ бадигкибад̇и.

    34.Evaṃme sutanti bhayabheravasuttaṃ. Ko nikkhepo? Keci tāva evamāhu ‘‘pucchāvasiko nikkhepo’’ti. Duvidhā hi pucchā pākaṭāpākaṭabhedato. Tattha yassā desanāya nimittabhūto ñātuṃ icchito attho kiṃ-saddapubbakena pakāsīyati, sā pākaṭā pucchā yathā ‘‘kiṃsūdha vittaṃ purisassa seṭṭha’’nti evamādi (saṃ. ni. 1.246; su. ni. 183). Yassā pana desanāya nimittabhūto ñātuṃ icchito attho kiṃ-saddarahitena kevaleneva saddapayogena pakāsīyati, sā apākaṭā pucchā. Ñātuṃ icchito hi attho ‘‘pañhā, pucchā’’ti vuccati, tasmāyeva idha ‘‘ye me bho gotamā’’tiādikā apākaṭāti ‘‘pucchāvasiko nikkhepo’’ti. Tayidaṃ akāraṇaṃ, yasmā so brāhmaṇo ‘‘yeme bho gotamā’’tiādīni vadanto na tattha kaṅkhī vicikicchī saṃsayamāpanno avoca, atha kho attanā yathānicchitamatthaṃ bhagavati pasādabhāvabahumānaṃ pavedento kathesi. Tenāha ‘‘bhagavati pasādaṃ alatthā’’tiādi (ma. ni. aṭṭha. 1.34). Vihāreti vihārake nivāse. Avicchinneyevāti pavattamāneyeva. Padadvayassapi vasante evāti attho. Etaṃ purohitaṭṭhānaṃ uṇhīsādikakudhabhaṇḍehi saddhiṃ laddhaṃ, tathā ca ‘‘assa raññā dinna’’nti vadanti. Tenāha ‘‘taṃ tassa raññā dinna’’nti. Brahmanti vedaṃ. So pana mantabrahmakappavasena tividho. Tattha mantā padhānaṃ mūlabhāvato, ye aṭṭhakādīhi pavuttā, itare tannissayena jātā, tena tesaṃyeva gahaṇaṃ ‘‘mante sajjhāyatī’’ti . Te hi guttabhāsitabbatāya ‘‘mantā’’ti vuccanti. Idameva hīti avadhāraṇena ‘‘brahmato jātā’’tiādikaṃ niruttiṃ paṭikkhipati.

    язна ваа гааран̣знаад̇и (саарад̇т̇а. дий. взран̃ж̇аган̣д̣аван̣н̣анааяам̣ 2; сам̣. ни. дий. 1.1.1; а. ни. дий. 2.2.16) хзд̇умхи ид̣̇ам̣ гаран̣аважанам̣. хзд̇уад̇т̇о хи гирияаагааран̣ам̣, на гаран̣ам̣ вияа гирияад̇т̇о, д̇асмаа наанаббагаараг̇ун̣ависзсаад̇хиг̇амад̇т̇аа ид̇ха убасан̇гаманагирияаад̇и ‘‘аннзна васад̇ий’’д̇иаад̣̇ийсу вияа хзд̇уад̇т̇амзвзд̇ам̣ гаран̣аважанам̣ яуд̇д̇ам̣, на гаран̣ад̇т̇ам̣ д̇асса аяуж̇ж̇амаанад̇д̇аад̇и вуд̇д̇ам̣ ‘‘язна ваа гааран̣знаа’’д̇иаад̣̇и. бхаг̇авад̇о сад̇ад̇аббавад̇д̇анирад̇исаяасаад̣̇увибулаамад̇арасасад̣̇д̇хаммапалад̇ааяа саад̣̇упаланижжапалид̇амахааругкзна бхаг̇аваа убамид̇о, саад̣̇упалуубабхог̇аад̇хиббааяаг̇г̇ахан̣знзва хи махааругкасса саад̣̇упалад̇аа г̇ахид̇аад̇и.

    Yena vā kāraṇenāti (sārattha. ṭī. verañjakaṇḍavaṇṇanāyaṃ 2; saṃ. ni. ṭī. 1.1.1; a. ni. ṭī. 2.2.16) hetumhi idaṃ karaṇavacanaṃ. Hetuattho hi kiriyākāraṇaṃ, na karaṇaṃ viya kiriyattho, tasmā nānappakāraguṇavisesādhigamatthā idha upasaṅkamanakiriyāti ‘‘annena vasatī’’tiādīsu viya hetuatthamevetaṃ karaṇavacanaṃ yuttaṃ, na karaṇatthaṃ tassa ayujjamānattāti vuttaṃ ‘‘yena vā kāraṇenā’’tiādi. Bhagavato satatappavattaniratisayasāduvipulāmatarasasaddhammaphalatāya sāduphalaniccaphalitamahārukkhena bhagavā upamito, sāduphalūpabhogādhippāyaggahaṇeneva hi mahārukkhassa sāduphalatā gahitāti.

    убасан̇гамийд̇и убасан̇ганд̇о. самбад̇д̇угаамад̇ааяа хи гин̃жи таанам̣ г̇ажчанд̇о д̇ам̣д̇ам̣бад̣̇зсаад̇иггаманзна убасан̇гами, убасан̇ганд̇од̇и ваа вад̇д̇аб̣б̣ад̇ам̣ лабхад̇и. д̇знааха ‘‘г̇ад̇од̇и вуд̇д̇ам̣ ход̇ий’’д̇и, убаг̇ад̇од̇и ад̇т̇о. убасан̇гамид̇ваад̇и буб̣б̣агаалагирияаанид̣̇д̣̇зсод̇и ааха ‘‘убасан̇гаманабарияосаанад̣̇ийбана’’нд̇и. д̇ад̇од̇и яам̣ таанам̣ бад̇д̇о ‘‘убасан̇гамий’’д̇и вуд̇д̇о, д̇ад̇о убаг̇ад̇адтаанад̇о. яат̇аа каманийяаад̣̇ийни бужчанд̇од̇и (сам̣. ни. дий. 1.1.112) яат̇аа бхаг̇аваа ‘‘гажжи д̇з б̣раахман̣а каманийяам̣, гажжи яаабанийяа’’нд̇иаад̣̇инаа каманийяаад̣̇ийни бужчанд̇о д̇зна б̣раахман̣зна сад̣̇д̇хим̣ самаббавад̇д̇амод̣̇о ахоси буб̣б̣абхаасид̇ааяа, д̇ад̣̇анугаран̣зна звам̣ соби б̣раахман̣о бхаг̇авад̇аа сад̣̇д̇хим̣ самаббавад̇д̇амод̣̇о ахосийд̇и яож̇анаа. д̇ам̣ бана самаббавад̇д̇амод̣̇ад̇ам̣ убамааяа д̣̇ассзд̇ум̣ ‘‘сийд̇од̣̇агам̣ вияаа’’д̇иаад̣̇и вуд̇д̇ам̣. д̇ад̇т̇а саммод̣̇ид̇анд̇и сам̣санд̣̇ид̇ам̣. згийбхааванд̇и саммод̣̇анагирияааяа самаанад̇ам̣ згаруубад̇ам̣. каманийяанд̇и ‘‘ид̣̇ам̣ жад̇ужаггам̣ навад̣̇ваарам̣ сарийраяанд̇ам̣ кан̣абхан̇г̇урад̇ааяа сабхаавад̇о д̣̇уссахам̣, гажжи камид̇ум̣ саггун̣зяяа’’нд̇и бужчад̇и. яаабанийяанд̇и бажжаяааяад̇д̇авуд̇д̇игам̣ жираббаб̣анд̇хасан̇каад̇ааяа яаабанааяа гажжи яаабзд̇ум̣ саггун̣зяяам̣. сийсарог̇аад̣̇иааб̣аад̇хаабхаавзна гажжи аббааб̣аад̇хам̣. д̣̇угкаж̇ийвигаабхаавзна гажжи аббаад̇ан̇гам̣. д̇ам̣д̇ам̣гижжагаран̣з удтаанасукад̇ааяа гажжи лахудтаанам̣. д̇ад̣̇анаруубаб̣алаяог̇ад̇о гажжи б̣алам̣. сукавихаарасаб̣бхаавзна гажжи паасувихааро ад̇т̇ийд̇и д̇ад̇т̇а д̇ад̇т̇а гажжи-сад̣̇д̣̇ам̣ яож̇зд̇ваа ад̇т̇о взд̣̇ид̇аб̣б̣о.

    Upasaṅkamīti upasaṅkanto. Sampattukāmatāya hi kiñci ṭhānaṃ gacchanto taṃtaṃpadesātikkamanena upasaṅkami, upasaṅkantoti vā vattabbataṃ labhati. Tenāha ‘‘gatoti vuttaṃ hotī’’ti, upagatoti attho. Upasaṅkamitvāti pubbakālakiriyāniddesoti āha ‘‘upasaṅkamanapariyosānadīpana’’nti. Tatoti yaṃ ṭhānaṃ patto ‘‘upasaṅkamī’’ti vutto, tato upagataṭṭhānato. Yathā khamanīyādīni pucchantoti (saṃ. ni. ṭī. 1.1.112) yathā bhagavā ‘‘kacci te brāhmaṇa khamanīyaṃ, kacci yāpanīya’’ntiādinā khamanīyādīni pucchanto tena brāhmaṇena saddhiṃ samappavattamodo ahosi pubbabhāsitāya, tadanukaraṇena evaṃ sopi brāhmaṇo bhagavatā saddhiṃ samappavattamodo ahosīti yojanā. Taṃ pana samappavattamodataṃ upamāya dassetuṃ ‘‘sītodakaṃ viyā’’tiādi vuttaṃ. Tattha sammoditanti saṃsanditaṃ. Ekībhāvanti sammodanakiriyāya samānataṃ ekarūpataṃ. Khamanīyanti ‘‘idaṃ catucakkaṃ navadvāraṃ sarīrayantaṃ khaṇabhaṅguratāya sabhāvato dussahaṃ, kacci khamituṃ sakkuṇeyya’’nti pucchati. Yāpanīyanti paccayāyattavuttikaṃ cirappabandhasaṅkhātāya yāpanāya kacci yāpetuṃ sakkuṇeyyaṃ. Sīsarogādiābādhābhāvena kacci appābādhaṃ. Dukkhajīvikābhāvena kacci appātaṅkaṃ. Taṃtaṃkiccakaraṇe uṭṭhānasukhatāya kacci lahuṭṭhānaṃ. Tadanarūpabalayogato kacci balaṃ. Sukhavihārasabbhāvena kacci phāsuvihāro atthīti tattha tattha kacci-saddaṃ yojetvā attho veditabbo.

    б̣алаваббад̇д̇аа бийд̇и бийд̇иязва. д̇арун̣абийд̇и баамож̇ж̇ам̣. саммод̣̇анам̣ ж̇анзд̇и гарод̇ийд̇и саммод̣̇анигам̣, д̇ад̣̇зва саммод̣̇анийяанд̇и ааха ‘‘саммод̣̇аж̇ананад̇о’’д̇и. саммод̣̇ид̇аб̣б̣ад̇о саммод̣̇анийяанд̇и имам̣ бана ад̇т̇ам̣ д̣̇ассзнд̇о ‘‘саммод̣̇ид̇ум̣ яуд̇д̇абхаавад̇о’’д̇и ааха. сарид̇аб̣б̣абхаавад̇од̇и ануссарид̇аб̣б̣абхаавад̇о. ‘‘саран̣ийяа’’нд̇и вад̇д̇аб̣б̣з д̣̇ийгхам̣ гад̇ваа ‘‘сааран̣ийяа’’нд̇и вуд̇д̇ам̣. суяяамаанасукад̇од̇и аабаат̇амад̇хурад̇ам̣ ааха, ануссарияамаанасукад̇од̇и вимад̣̇д̣̇араман̣ийяад̇ам̣. б̣яан̃ж̇анабарисуд̣̇д̇хад̇ааяаад̇и сабхааванируд̇д̇ибхаавзна д̇ассаа гат̇ааяа важанажаад̇урияамааха, ад̇т̇абарисуд̣̇д̇хад̇ааяаад̇и ад̇т̇асса нирубаггилзсад̇ам̣. анзгзхи барияааязхийд̇и анзгзхи гааран̣зхи.

    Balavappattā pīti pītiyeva. Taruṇapīti pāmojjaṃ. Sammodanaṃ janeti karotīti sammodanikaṃ, tadeva sammodanīyanti āha ‘‘sammodajananato’’ti. Sammoditabbato sammodanīyanti imaṃ pana atthaṃ dassento ‘‘sammodituṃ yuttabhāvato’’ti āha. Saritabbabhāvatoti anussaritabbabhāvato. ‘‘Saraṇīya’’nti vattabbe dīghaṃ katvā ‘‘sāraṇīya’’nti vuttaṃ. Suyyamānasukhatoti āpāthamadhurataṃ āha, anussariyamānasukhatoti vimaddaramaṇīyataṃ. Byañjanaparisuddhatāyāti sabhāvaniruttibhāvena tassā kathāya vacanacāturiyamāha, atthaparisuddhatāyāti atthassa nirupakkilesataṃ. Anekehi pariyāyehīti anekehi kāraṇehi.

    абхид̣̇уураажжаасаннабадигкзбзна наад̇ид̣̇ууранаажжаасаннам̣ наама г̇ахид̇ам̣, д̇ам̣ бана авагам̣сад̇о убхиннам̣ басаарид̇ахад̇т̇асан̇гхадданзна д̣̇адтаб̣б̣ам̣. г̇ийвам̣ басаарзд̇ваад̇и г̇ийвам̣ баривад̇д̇анавасзна басаарзд̇ваа.

    Abhidūraaccāsannapaṭikkhepena nātidūranāccāsannaṃ nāma gahitaṃ, taṃ pana avakaṃsato ubhinnaṃ pasāritahatthasaṅghaṭṭanena daṭṭhabbaṃ. Gīvaṃ pasāretvāti gīvaṃ parivattanavasena pasāretvā.

    язмзд̇и зд̇т̇а санд̇хивасзна игааралобод̇и д̣̇ассзнд̇о ‘‘яз имз’’д̇иаад̣̇имааха. ужжаагулийнад̇ааяа ж̇аад̇ивасзна абхиж̇аад̇аа ж̇аад̇игулабуд̇д̇аа. д̇знааха ‘‘ужжаагулаббасуд̇аа’’д̇и. аажаарасамбад̇д̇ияаа абхиж̇аад̇аа аажаарагулабуд̇д̇аа. д̇знааха ‘‘аажаарасамбаннаа’’д̇и. яад̇т̇а гад̇т̇ажи абаагадзби гулз. д̇зна б̣раахман̣зна ад̇хиббзд̇аа бхигкуусу д̣̇увид̇хааби сам̣виж̇ж̇анд̇ийд̇и ааха ‘‘ид̇ха бана д̣̇вийхиби гааран̣зхи гулабуд̇д̇ааязваа’’д̇и.

    Yemeti ettha sandhivasena ikāralopoti dassento ‘‘ye ime’’tiādimāha. Uccākulīnatāya jātivasena abhijātā jātikulaputtā. Tenāha ‘‘uccākulappasutā’’ti. Ācārasampattiyā abhijātā ācārakulaputtā. Tenāha ‘‘ācārasampannā’’ti. Yattha katthaci apākaṭepi kule. Tena brāhmaṇena adhippetā bhikkhūsu duvidhāpi saṃvijjantīti āha ‘‘idha pana dvīhipi kāraṇehi kulaputtāyevā’’ti.

    сад̣̇д̇хаад̇и ид̣̇ам̣ гаран̣ад̇т̇з бажжад̇д̇аважананд̇и ааха ‘‘сад̣̇д̇хааяаа’’д̇и, сад̣̇д̇хаад̇и ваа сад̣̇д̣̇ахид̇ваад̇и ад̇т̇о. имасмим̣ багкз баал̣ияам̣ яа-гааралобзна нид̣̇д̣̇зсод̇и д̣̇адтаб̣б̣ам̣. аг̇аарад̇од̇и аг̇аараваасад̇о, уд̇д̇арабад̣̇алобзна, ниссаяуубажаарзна ваа аяам̣ нид̣̇д̣̇зсод̇и. бхигканасийлад̇аад̣̇илагкан̣о бхигкубхааво баб̣б̣аж̇ж̇аасахажарид̇ааяа сад̣̇д̇хим̣ бхигкубхаавам̣ анваажинанд̇од̇и ааха ‘‘баб̣б̣аж̇ж̇ам̣ бхигкубхааван̃жаа’’д̇и. гаммаваажаалагкан̣з бана бхигкубхаавз ад̇хиббзд̇з самужжаяад̇т̇о жа-сад̣̇д̣̇о д̣̇адтаб̣б̣о. анаг̇аарасса бхаавод̇и зд̇зна баб̣б̣аж̇ж̇ааниссид̇о сувисуд̣̇д̇хо сийлаажаараг̇ун̣ависзсо г̇ахид̇о, гасиг̇орагкаад̣̇игаммабадигкзбо ид̇ха ануббаад̣̇аад̣̇ийхи взд̣̇ид̇аб̣б̣о. сзсаг̇г̇ахан̣з бана саран̣аг̇аманаад̣̇ивасзна баб̣б̣аж̇ж̇ааяа, саран̣аг̇аманаад̣̇ивасзна убасамбад̣̇ааяа жа анзгабхзд̣̇ад̇д̇аа ааха ‘‘саб̣б̣ат̇аабий’’д̇и, д̇зна д̇зна багаарзнаад̇и ад̇т̇о. бурад̇ог̇аамид̇аа бадибад̇д̇иг̇аманзна, на гааяаг̇аманзнаад̇и ааха ‘‘нааяаго’’д̇и , саммаабадибад̇д̇ияаа ниб̣б̣аанасамбаабагод̇и ад̇т̇о. хид̇агирияааяаад̇и д̣̇идтад̇хаммигаад̣̇ихид̇ажарияааяа. г̇аахан̣ам̣ ад̇хисийлаад̣̇ийсу ажжанд̇ааяа нияож̇анам̣, на гат̇анамад̇д̇анд̇и д̣̇ассзнд̇о ‘‘г̇аахзд̇аа’’д̇и вад̇ваа ‘‘сигкаабзд̇аа’’д̇и ааха. д̣̇идтаануг̇ад̇инд̇и д̣̇идтияаа ануг̇амананд̇и д̣̇ассзнд̇о ‘‘д̣̇ассанаануг̇ад̇и’’нд̇и вад̇ваа сигкаад̇д̇аяасан̇г̇ахам̣ бхаг̇авад̇о саасанам̣ д̇зна д̣̇идтад̇д̇аа д̣̇идти, д̇асса д̇ассзва каманавасзна канд̇и, ружжанавасзна ружи, д̇ам̣д̣̇идтиканд̇иружигаава бхаг̇авад̇о саавагаад̇и ааха ‘‘яам̣д̣̇идтиго’’д̇иаад̣̇и.

    Saddhāti idaṃ karaṇatthe paccattavacananti āha ‘‘saddhāyā’’ti, saddhāti vā saddahitvāti attho. Imasmiṃ pakkhe pāḷiyaṃ ya-kāralopena niddesoti daṭṭhabbaṃ. Agāratoti agāravāsato, uttarapadalopena, nissayūpacārena vā ayaṃ niddesoti. Bhikkhanasīlatādilakkhaṇo bhikkhubhāvo pabbajjāsahacaritāya saddhiṃ bhikkhubhāvaṃ anvācinantoti āha ‘‘pabbajjaṃ bhikkhubhāvañcā’’ti. Kammavācālakkhaṇe pana bhikkhubhāve adhippete samuccayattho ca-saddo daṭṭhabbo. Anagārassa bhāvoti etena pabbajjānissito suvisuddho sīlācāraguṇaviseso gahito, kasigorakkhādikammapaṭikkhepo idha anuppādādīhi veditabbo. Sesaggahaṇe pana saraṇagamanādivasena pabbajjāya, saraṇagamanādivasena upasampadāya ca anekabhedattā āha ‘‘sabbathāpī’’ti, tena tena pakārenāti attho. Puratogāmitā paṭipattigamanena, na kāyagamanenāti āha ‘‘nāyako’’ti , sammāpaṭipattiyā nibbānasampāpakoti attho. Hitakiriyāyāti diṭṭhadhammikādihitacariyāya. Gāhaṇaṃ adhisīlādīsu accantāya niyojanaṃ, na kathanamattanti dassento ‘‘gāhetā’’ti vatvā ‘‘sikkhāpetā’’ti āha. Diṭṭhānugatinti diṭṭhiyā anugamananti dassento ‘‘dassanānugati’’nti vatvā sikkhāttayasaṅgahaṃ bhagavato sāsanaṃ tena diṭṭhattā diṭṭhi, tassa tasseva khamanavasena khanti, ruccanavasena ruci, taṃdiṭṭhikhantirucikāva bhagavato sāvakāti āha ‘‘yaṃdiṭṭhiko’’tiādi.

    зса гира алад̇т̇аад̇и самб̣анд̇хо. д̣̇звабуд̇д̇з вияаад̇иаад̣̇и гассажи баариж̇ун̃н̃асса абхаавад̣̇ийбанад̇о ‘‘сад̣̇д̇хааяаа’’д̇иаад̣̇инаа вуд̇д̇асса баб̣б̣аж̇ид̇абхаавасса баагадийгаран̣ам̣. сад̣̇д̇хааяа гхараа нигкамма баб̣б̣аж̇ид̇ваад̇и ид̣̇ам̣ хадтабахадтаад̣̇ибхаавасса гааран̣аважанам̣. гхаасажчаад̣̇анабарамад̇ааяа санд̇удтзд̇и ид̣̇ам̣ ануссан̇гид̇аабарисан̇гид̇ад̇ааяа гааран̣аважананд̇и д̣̇адтаб̣б̣ам̣.

    Esa kira alatthāti sambandho. Devaputte viyātiādi kassaci pārijuññassa abhāvadīpanato ‘‘saddhāyā’’tiādinā vuttassa pabbajitabhāvassa pākaṭīkaraṇaṃ. Saddhāya gharā nikkhamma pabbajitvāti idaṃ haṭṭhapahaṭṭhādibhāvassa kāraṇavacanaṃ. Ghāsacchādanaparamatāya santuṭṭheti idaṃ anussaṅkitāparisaṅkitatāya kāraṇavacananti daṭṭhabbaṃ.

    звамзд̇анд̇иаад̣̇инаа аамзд̣ид̇аважанам̣ самбахам̣санавасзна, басаад̣̇авасзна ваа гад̇анд̇и д̣̇адтаб̣б̣ам̣. д̇ат̇аа хи звам̣-сад̣̇д̣̇о самбадижчанад̇т̇о аб̣бханумод̣̇анад̇т̇о жа вуд̇д̇о. маманд̇и убаяог̇ад̇т̇з саамиважанам̣, нибаад̇абад̣̇ам̣ ваа зд̇ам̣ ‘‘ма’’нд̇и иминаа самаанад̇т̇анд̇и д̣̇адтаб̣б̣ам̣. аад̣̇ийнийд̇и аад̣̇и-сад̣̇д̣̇зна наж̇ийвигаабагад̇аад̣̇им̣ сан̇г̇ан̣хаад̇и ийд̣̇исаанам̣язваад̇и сад̣̇д̇хаабаб̣б̣аж̇ж̇ааяа вибхаавид̇аанабхиж̇жхаалуаад̣̇исабхааваанам̣язва, на ид̇арзсам̣ абхиж̇жхаалусабхааваанам̣. вуд̇д̇ан̃хзд̇ам̣ –

    Evametantiādinā āmeḍitavacanaṃ sampahaṃsanavasena, pasādavasena vā katanti daṭṭhabbaṃ. Tathā hi evaṃ-saddo sampaṭicchanattho abbhanumodanattho ca vutto. Mamanti upayogatthe sāmivacanaṃ, nipātapadaṃ vā etaṃ ‘‘ma’’nti iminā samānatthanti daṭṭhabbaṃ. Ādīnīti ādi-saddena najīvikāpakatādiṃ saṅgaṇhāti īdisānaṃyevāti saddhāpabbajjāya vibhāvitaanabhijjhāluādisabhāvānaṃyeva, na itaresaṃ abhijjhālusabhāvānaṃ. Vuttañhetaṃ –

    ‘‘сан̇гхаадиган̣н̣з жзби мз, бхигкавз, бхигку г̇ахзд̇ваа бидтид̇о бидтид̇о ануб̣анд̇хо асса бад̣̇з бад̣̇ам̣ нигкибанд̇о, со жа ход̇и абхиж̇жхаалу гаамзсу д̇иб̣б̣асаарааг̇о б̣яаабаннажид̇д̇о бад̣̇удтаманасан̇габбо мудтассад̇и асамбаж̇аано асамаахид̇о виб̣бханд̇ажид̇д̇о баагадинд̣̇рияо, ат̇а ко аарагаава мама ахан̃жа д̇ассаа’’д̇и (ид̇иву. 92).

    ‘‘Saṅghāṭikaṇṇe cepi me, bhikkhave, bhikkhu gahetvā piṭṭhito piṭṭhito anubandho assa pade padaṃ nikkhipanto, so ca hoti abhijjhālu kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākaṭindriyo, atha kho ārakāva mama ahañca tassā’’ti (itivu. 92).

    аж̇жхог̇аахзд̇ваа ад̇хиббзд̇ад̇т̇ам̣ самбхавид̇ум̣ саад̇хзд̇ум̣ д̣̇угкаанийд̇и д̣̇урабхисамбхаваани. адтагат̇ааяам̣ бана д̇ад̇т̇а ниваасоязва д̣̇угкод̇и д̣̇ассзд̇ум̣ ‘‘самбхавид̇ум̣ д̣̇угкаани д̣̇уссахааний’’д̇и вуд̇д̇ам̣. аран̃н̃аванабад̇т̇аанийд̇и аран̃н̃алагкан̣аббад̇д̇аани ванасан̣д̣аани. ванабад̇т̇а-сад̣̇д̣̇о хи сан̣д̣абхууд̇з ругкасамуухзби вад̇д̇ад̇ийд̇и аран̃н̃аг̇г̇ахан̣ам̣. гин̃жаабийд̇и ануж̇аананасамбхааванад̇т̇з нибаад̇о. гим̣ ануж̇аанаад̇и? ниббарияааяад̇о аран̃н̃аабхаавам̣ ‘‘г̇аамад̇о б̣ахи аран̃н̃а’’нд̇и. д̇знааха ‘‘ниббарияааязнаа’’д̇иаад̣̇и. гим̣ самбхаавзд̇и? ааран̃н̃аган̇г̇анибпаад̣̇агад̇д̇ам̣. яан̃хи ааран̃н̃аган̇г̇анибпаад̣̇агам̣, д̇ам̣ висзсад̇о ‘‘аран̃н̃а’’нд̇и вуд̇д̇анд̇и. д̇знзвааха ‘‘яам̣ д̇ам̣ бан̃жад̇ханусад̇ига’’нд̇иаад̣̇и. нигкамид̇ваа б̣ахи инд̣̇акийлаад̇и инд̣̇акийлад̇о б̣ахи нигкамид̇ваа, д̇ад̇о б̣ахи бадтааяаад̇и ад̇т̇о. б̣ахи инд̣̇акийлаад̇и яад̇т̇а д̣̇вз д̇ийн̣и инд̣̇акийлаани, д̇ад̇т̇а б̣ахид̣̇д̇хаа инд̣̇акийлад̇о бадтааяа, яад̇т̇а д̇ам̣ над̇т̇и, д̇ад̇т̇а д̇ад̣̇арахадтаанад̇о бадтааяаад̇и вад̣̇анд̇и. яасмаа б̣ахи инд̣̇акийлад̇о бадтааяа мануссуубажаарз бхаяабхзравам̣ над̇т̇и, д̇асмаа ид̇ха наад̇хиббзд̇анд̇и д̣̇адтаб̣б̣ам̣.

    Ajjhogāhetvā adhippetatthaṃ sambhavituṃ sādhetuṃ dukkhānīti durabhisambhavāni. Aṭṭhakathāyaṃ pana tattha nivāsoyeva dukkhoti dassetuṃ ‘‘sambhavituṃ dukkhāni dussahānī’’ti vuttaṃ. Araññavanapatthānīti araññalakkhaṇappattāni vanasaṇḍāni. Vanapattha-saddo hi saṇḍabhūte rukkhasamūhepi vattatīti araññaggahaṇaṃ. Kiñcāpīti anujānanasambhāvanatthe nipāto. Kiṃ anujānāti? Nippariyāyato araññābhāvaṃ ‘‘gāmato bahi arañña’’nti. Tenāha ‘‘nippariyāyenā’’tiādi. Kiṃ sambhāveti? Āraññakaṅganipphādakattaṃ. Yañhi āraññakaṅganipphādakaṃ, taṃ visesato ‘‘arañña’’nti vuttanti. Tenevāha ‘‘yaṃ taṃ pañcadhanusatika’’ntiādi. Nikkhamitvā bahiindakhīlāti indakhīlato bahi nikkhamitvā, tato bahi paṭṭhāyāti attho. Bahi indakhīlāti yattha dve tīṇi indakhīlāni, tattha bahiddhā indakhīlato paṭṭhāya, yattha taṃ natthi, tattha tadarahaṭṭhānato paṭṭhāyāti vadanti. Yasmā bahi indakhīlato paṭṭhāya manussūpacāre bhayabheravaṃ natthi, tasmā idha nādhippetanti daṭṭhabbaṃ.

    г̇ааманд̇анд̇и г̇аамасамийбам̣. анубажаарадтаананд̇и нижжагижжавасзна нубажарид̇аб̣б̣адтаанам̣. д̇знааха ‘‘яад̇т̇а на гасийяад̇и на вабийяад̇ий’’д̇и. банд̇аанийд̇и иминаа ‘‘барияанд̇аана’’нд̇и имасса барияааяасса ид̇ха баал̣ияам̣ г̇ахид̇ад̇д̇аа вуд̇д̇ам̣ ‘‘барияанд̇аананд̇и имамзгам̣ барияааяам̣ табзд̇ваа’’д̇и. д̣̇уураананд̇и бана аяам̣ барияааяо табзд̇аб̣б̣о сияаа д̇ассааби ‘‘банд̇ааний’’д̇и иминаава ад̇т̇ад̇о г̇ахид̇ад̇д̇аа, д̇ат̇аа сад̇и ‘‘на мануссуубажаараана’’нд̇и зд̣̇исаанамби табзд̇аб̣б̣ад̇аа аабаж̇ж̇ад̇и, д̇асмаа сад̣̇д̣̇ад̇о зва табанам̣ д̣̇адтаб̣б̣ам̣. бавивзганд̇и багаарад̇о, багаарзхи ваа вивзжанам̣, руубаад̣̇ибут̇уд̇д̇аарамман̣з багаарад̇о г̇аманаад̣̇иирияаабат̇аббагаарзхи ад̇д̇ано гааяасса вивзжанам̣ г̇ажчад̇оби д̇идтад̇оби нисаж̇ж̇ад̇оби згассзва бавад̇д̇ад̇и. д̇знзва хи вивзжзд̇аб̣б̣аанам̣ вивзжанаагаарасса жа бхзд̣̇ад̇о б̣ахувид̇хад̇д̇аа д̇з згад̇д̇зна г̇ахзд̇ваа ‘‘бавивзга’’нд̇и згаважанзна вуд̇д̇ам̣. д̣̇уггарам̣ бавивзганд̇и ваа бавивзгам̣ гад̇д̇ум̣ на суканд̇и ад̇т̇о. згийбхаавзд̇и згигабхаавз. д̣̇ваяам̣д̣̇ваяаараамод̇и д̣̇виннам̣ д̣̇виннам̣ бхааваабхирад̇о. харанд̇и вияаад̇и сам̣харанд̇и вияа вигхаад̇уббаад̣̇анзна. д̇знааха ‘‘гхасанд̇и вияаа’’д̇и, бхаяасанд̇аасуббаад̣̇анзна каад̣̇ид̇ум̣ ааг̇ад̇аа яагкарагкасабисаажаад̣̇аяо вияаад̇и ад̇хиббааяо. ийд̣̇исассаад̇и алад̣̇д̇хасамаад̇хино. д̇ин̣абан̣н̣амиг̇аад̣̇исад̣̇д̣̇зхийд̇и ваад̇зрид̇аанам̣ д̇ин̣абан̣н̣аад̣̇ийнам̣ миг̇абагкиаад̣̇ийнан̃жа бхим̣санагзхи бхзравзхи сад̣̇д̣̇зхи вивид̇хзхи жа ан̃н̃зхи каан̣уаад̣̇ийхи яагкаад̣̇иаагаарзхи убадтид̇зхи бхим̣санагзхи. звам̣ д̣̇уггарам̣ д̣̇урабхисамбхавам̣ наама гаронд̇о ахо ажчарияаа зд̇зд̇и вимхид̇о.

    Gāmantanti gāmasamīpaṃ. Anupacāraṭṭhānanti niccakiccavasena nupacaritabbaṭṭhānaṃ. Tenāha ‘‘yattha na kasīyati na vapīyatī’’ti. Pantānīti iminā ‘‘pariyantāna’’nti imassa pariyāyassa idha pāḷiyaṃ gahitattā vuttaṃ ‘‘pariyantānanti imamekaṃ pariyāyaṃ ṭhapetvā’’ti. Dūrānanti pana ayaṃ pariyāyo ṭhapetabbo siyā tassāpi ‘‘pantānī’’ti imināva atthato gahitattā, tathā sati ‘‘na manussūpacārāna’’nti edisānampi ṭhapetabbatā āpajjati, tasmā saddato eva ṭhapanaṃ daṭṭhabbaṃ. Pavivekanti pakārato, pakārehi vā vivecanaṃ, rūpādiputhuttārammaṇe pakārato gamanādiiriyāpathappakārehi attano kāyassa vivecanaṃ gacchatopi tiṭṭhatopi nisajjatopi ekasseva pavattati. Teneva hi vivecetabbānaṃ vivecanākārassa ca bhedato bahuvidhattā te ekattena gahetvā ‘‘paviveka’’nti ekavacanena vuttaṃ. Dukkaraṃ pavivekanti vā pavivekaṃ kattuṃ na sukhanti attho. Ekībhāveti ekikabhāve. Dvayaṃdvayārāmoti dvinnaṃ dvinnaṃ bhāvābhirato. Haranti viyāti saṃharanti viya vighātuppādanena. Tenāha ‘‘ghasanti viyā’’ti, bhayasantāsuppādanena khādituṃ āgatā yakkharakkhasapisācādayo viyāti adhippāyo. Īdisassāti aladdhasamādhino. Tiṇapaṇṇamigādisaddehīti vāteritānaṃ tiṇapaṇṇādīnaṃ migapakkhiādīnañca bhiṃsanakehi bheravehi saddehi vividhehi ca aññehi khāṇuādīhi yakkhādiākārehi upaṭṭhitehi bhiṃsanakehi. Evaṃ dukkaraṃ durabhisambhavaṃ nāma karonto aho acchariyā eteti vimhito.

    гааяагамманд̇аваарагат̇ааван̣н̣анаа

    Kāyakammantavārakathāvaṇṇanā

    35. сол̣асасу таанзсууд̇и ‘‘яз ко гзжий’’д̇иаад̣̇инаа баал̣ияам̣ вагкамаанзсу сол̣асасу гааран̣зсу. абарисуд̣̇д̇хагааяагамманд̇ад̇аад̣̇аяо аран̃н̃з вихаранд̇аанам̣ жид̇д̇уд̇раасанимид̇д̇ад̇ааяа висзсад̇о вигкзбаавахаа, барисуд̣̇д̇хагааяагамманд̇ад̇аад̣̇аяо бана д̇ад̣̇абхаавад̇о д̇зсам̣ авигкзбаавахаа. д̇знааха ‘‘абарисуд̣̇д̇хагааяагамманд̇асанд̣̇осахзд̇уу’’д̇иаад̣̇и. сол̣асасууд̇и жа вод̣̇аанабагкам̣язва г̇ахзд̇ваа вуд̇д̇ам̣. сам̣гилзсаг̇г̇ахан̣амби яаавад̣̇зва вод̣̇аанад̣̇ассанад̇т̇анд̇и. аарамман̣абариг̇г̇ахарахид̇аананд̇и абарисуд̣̇д̇хагааяагамманд̇аад̣̇игасса аран̃н̃з д̣̇идтасса д̇асса аарамман̣асса ‘‘яз ко гзжий’’д̇иаад̣̇инаа баал̣ияам̣ ааг̇ад̇анаязна бариг̇г̇ан̣ханан̃аан̣арахид̇аанам̣. аарамман̣абариг̇г̇ахаяуд̇д̇аананд̇и зд̇т̇а вуд̇д̇авибарияааязна ад̇т̇о взд̣̇ид̇аб̣б̣о. ад̇д̇анаад̇и бхаг̇аванд̇ам̣ санд̇хааяа вад̣̇ад̇и, саяанд̇и ад̇т̇о. д̇аад̣̇исод̇и аарамман̣абариг̇г̇ахаяуд̇д̇о.

    35.Soḷasasuṭhānesūti ‘‘ye kho kecī’’tiādinā pāḷiyaṃ vakkhamānesu soḷasasu kāraṇesu. Aparisuddhakāyakammantatādayo araññe viharantānaṃ cittutrāsanimittatāya visesato vikkhepāvahā, parisuddhakāyakammantatādayo pana tadabhāvato tesaṃ avikkhepāvahā. Tenāha ‘‘aparisuddhakāyakammantasandosahetū’’tiādi. Soḷasasūti ca vodānapakkhaṃyeva gahetvā vuttaṃ. Saṃkilesaggahaṇampi yāvadeva vodānadassanatthanti. Ārammaṇapariggaharahitānanti aparisuddhakāyakammantādikassa araññe diṭṭhassa tassa ārammaṇassa ‘‘ye kho kecī’’tiādinā pāḷiyaṃ āgatanayena pariggaṇhanañāṇarahitānaṃ. Ārammaṇapariggahayuttānanti ettha vuttavipariyāyena attho veditabbo. Attanāti bhagavantaṃ sandhāya vadati, sayanti attho. Tādisoti ārammaṇapariggahayutto.

    самб̣уж̇жхад̇и зд̇знаад̇и самб̣од̇хо, арияамаг̇г̇од̇и ааха ‘‘арияамаг̇г̇аббад̇д̇ид̇о’’д̇и. аг̇г̇амаг̇г̇аад̇хиг̇амаад̇хийно б̣уд̣̇д̇хаанам̣ саб̣б̣ан̃н̃уд̇ан̃н̃аан̣аад̇хиг̇амод̇и ааха ‘‘анабхисамб̣уд̣̇д̇хассаад̇и аббадивид̣̇д̇хажад̇усажжассаа’’д̇и. анавасзсад̇о н̃зяяам̣, б̣уж̇жхид̇ум̣ арахад̇ийд̇и б̣од̇хи, махаавийрияад̇аад̣̇инаа д̇ад̇т̇а висзсаяог̇ад̇о сад̇д̇од̇и ааха ‘‘б̣уж̇жханагасад̇д̇ассаа’’д̇и. д̇знааха ‘‘саммаасамб̣од̇хи’’нд̇иаад̣̇и. нияад̇абхааваббад̇д̇ид̇о бадтааяа махаасад̇д̇аа яат̇аа махааб̣од̇хияаанабадибад̣̇аа хаанабхааг̇ияаа, тид̇ибхааг̇ияаа ваа на ход̇и, ат̇а ко висзсабхааг̇ияаа ниб̣б̣зд̇хабхааг̇ияаа жа ход̇и, д̇ат̇аа бадибаж̇ж̇анад̇о б̣од̇хияам̣ ниннаг̇он̣абаб̣бхаараа зваад̇и ааха ‘‘б̣од̇хияаа ваа сад̇д̇ассзва лаг̇г̇ассзваа’’д̇и. д̇знааха ‘‘д̣̇ийбан̇гарасса хий’’д̇иаад̣̇и. адтад̇хаммасамод̇хаанзнаад̇и –

    Sambujjhati etenāti sambodho, ariyamaggoti āha ‘‘ariyamaggappattito’’ti. Aggamaggādhigamādhīno buddhānaṃ sabbaññutaññāṇādhigamoti āha ‘‘anabhisambuddhassāti appaṭividdhacatusaccassā’’ti. Anavasesato ñeyyaṃ, bujjhituṃ arahatīti bodhi, mahāvīriyatādinā tattha visesayogato sattoti āha ‘‘bujjhanakasattassā’’ti. Tenāha ‘‘sammāsambodhi’’ntiādi. Niyatabhāvappattito paṭṭhāya mahāsattā yathā mahābodhiyānapaṭipadā hānabhāgiyā, ṭhitibhāgiyā vā na hoti, atha kho visesabhāgiyā nibbedhabhāgiyā ca hoti, tathā paṭipajjanato bodhiyaṃ ninnagoṇapabbhārā evāti āha ‘‘bodhiyā vā sattasseva laggassevā’’ti. Tenāha ‘‘dīpaṅkarassa hī’’tiādi. Aṭṭhadhammasamodhānenāti –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа’’д̇и. (б̣у. вам̣. 2.59) –

    Pabbajjā guṇasampatti, adhikāro ca chandatā’’ti. (bu. vaṃ. 2.59) –

    имзсам̣ абхинийхаарасса ан̇г̇абхууд̇аанам̣ адтаннам̣ д̇хаммаанам̣ самод̇хаанзна самавад̇хаанзна.

    Imesaṃ abhinīhārassa aṅgabhūtānaṃ aṭṭhannaṃ dhammānaṃ samodhānena samavadhānena.

    баб̣б̣аж̇ж̇уубаг̇ад̇аад̇и баб̣б̣аж̇ж̇ам̣ убаг̇ад̇аа. д̇зна баб̣б̣аж̇ж̇аамад̇д̇зна саман̣аа, на самид̇абаабад̇ааяаад̇и д̣̇ассзд̇и. ж̇аад̇имад̇д̇зна ид̇ха б̣раахман̣аад̇и ад̇хиббзд̇аад̇и ааха ‘‘бховаад̣̇ино ваа’’д̇и. д̇з хи ‘‘бхо бхо’’д̇и вад̣̇анасийлаа, д̇знааха ‘‘бховаад̣̇ий наама со ход̇и, сажз ход̇и сагин̃жано’’д̇и (д̇ха. ба. 396; су. ни. 625). баан̣аад̇ибаад̇аад̣̇инаад̇и аад̣̇и-сад̣̇д̣̇зна ад̣̇иннаад̣̇аанам̣ аб̣рахмажарияан̃жа сан̇г̇ан̣хаад̇и. абарисуд̣̇д̇хзнаад̇и жа висзсанам̣ гааяагамманд̇аабзгкааяа, на баан̣аад̇ибаад̇аад̣̇иабзгкааяа. на хи баан̣аад̇ибаад̇аад̣̇иго д̇асса буб̣б̣абхааг̇абаяог̇о жа гожи барисуд̣̇д̇хо наама ад̇т̇и. бхааяанадтзна бхаяам̣, бхийруд̇аавахадтзна бхзравам̣. санд̣̇осахзд̇ууд̇и сад̣̇осахзд̇у. са-сад̣̇д̣̇о хи ид̇ха саанусааро вуд̇д̇о. д̇знааха ‘‘ад̇д̇ано д̣̇осасса хзд̇уу’’д̇и. зганд̇зна жид̇д̇уд̇раасалагкан̣асса бхаяасса васзна ‘‘сааваж̇ж̇а’’нд̇и вуд̇д̇ам̣. жид̇д̇уд̇раасо хи зганд̇асааваж̇ж̇о бхааяанадтзна бхаяан̃жаад̇и. агкзманд̇и ид̣̇ам̣ убхаяавасзна. жид̇д̇уд̇раасоби хи сарийражид̇д̇аанам̣ анад̇т̇аавахад̇о агкзма, д̇ат̇аа бхаяаанагаарамман̣амбийд̇и. адтагат̇ааяам̣ бана ад̇т̇ад̣̇ваяам̣ яат̇аасан̇кяам̣ яож̇ид̇ам̣. саяам̣ баригаббид̇абхаяаанагаарамман̣анимид̇д̇ам̣ жид̇д̇уд̇раасасамуббаад̣̇анавасзна аанзнд̇аа бхаяабхзравам̣ авхааяанд̇и вияа хонд̇ийд̇и вуд̇д̇ам̣ ‘‘авхааяанд̇ийд̇и баггосанд̇ий’’д̇и. д̇зд̇и маарид̇амануссаанам̣ н̃аад̇имид̇д̇аад̣̇аяо. г̇ажчам̣ г̇аханабхууд̇ам̣ маханд̇ам̣ ган̣дагасан̣д̣ам̣, г̇умб̣ам̣ наад̇имаханд̇анд̇и вад̣̇анд̇и. г̇ажчанд̇и бана д̇ин̣аванам̣ взд̣̇ид̇аб̣б̣ам̣, ‘‘г̇ажчз рул̣хад̇ин̣з’’д̇и вуд̇д̇ам̣, г̇умб̣ам̣ ган̣дагалад̇аад̣̇ибхарид̇аавирул̣хам̣. б̣ад̣̇д̇хаа вад̇хид̇аа вияаад̇и б̣ад̣̇д̇хаа худ̇ваа д̇аал̣ияамаанаа вияа.

    Pabbajjūpagatāti pabbajjaṃ upagatā. Tena pabbajjāmattena samaṇā, na samitapāpatāyāti dasseti. Jātimattena idha brāhmaṇāti adhippetāti āha ‘‘bhovādino vā’’ti. Te hi ‘‘bho bho’’ti vadanasīlā, tenāha ‘‘bhovādī nāma so hoti, sace hoti sakiñcano’’ti (dha. pa. 396; su. ni. 625). Pāṇātipātādināti ādi-saddena adinnādānaṃ abrahmacariyañca saṅgaṇhāti. Aparisuddhenāti ca visesanaṃ kāyakammantāpekkhāya, na pāṇātipātādiapekkhāya. Na hi pāṇātipātādiko tassa pubbabhāgapayogo ca koci parisuddho nāma atthi. Bhāyanaṭṭhena bhayaṃ, bhīrutāvahaṭṭhena bheravaṃ. Sandosahetūti sadosahetu. Sa-saddo hi idha sānusāro vutto. Tenāha ‘‘attano dosassa hetū’’ti. Ekantena cittutrāsalakkhaṇassa bhayassa vasena ‘‘sāvajja’’nti vuttaṃ. Cittutrāso hi ekantasāvajjo bhāyanaṭṭhena bhayañcāti. Akkhemanti idaṃ ubhayavasena. Cittutrāsopi hi sarīracittānaṃ anatthāvahato akkhema, tathā bhayānakārammaṇampīti. Aṭṭhakathāyaṃ pana atthadvayaṃ yathāsaṅkhyaṃ yojitaṃ. Sayaṃ parikappitabhayānakārammaṇanimittaṃ cittutrāsasamuppādanavasena ānentā bhayabheravaṃ avhāyanti viya hontīti vuttaṃ ‘‘avhāyantīti pakkosantī’’ti. Teti māritamanussānaṃ ñātimittādayo. Gacchaṃ gahanabhūtaṃ mahantaṃ kaṇṭakasaṇḍaṃ, gumbaṃ nātimahantanti vadanti. Gacchanti pana tiṇavanaṃ veditabbaṃ, ‘‘gacche ruḷhatiṇe’’ti vuttaṃ, gumbaṃ kaṇṭakalatādibharitāviruḷhaṃ. Baddhā vadhitā viyāti baddhā hutvā tāḷiyamānā viya.

    ‘‘на ко банаад̇и зд̇т̇а код̇и авад̇хааран̣ад̇т̇з нибаад̇о, банаа’’д̇и висзсад̇т̇з. д̇знзд̇ам̣ д̣̇ассзд̇и ‘‘ан̃н̃з саман̣аб̣раахман̣аа вияа ахам̣ абарисуд̣̇д̇хагааяагамманд̇о худ̇ваа аран̃н̃аванабад̇т̇аани банд̇аани сзнаасанаани на ко бана бадисзваами, барисуд̣̇д̇хагааяагамманд̇оязва бана худ̇ваа д̇аани бадисзваамий’’д̇и. звам̣ ваа зд̇т̇а ад̇т̇аяож̇анаа взд̣̇ид̇аб̣б̣аа. ‘‘барисуд̣̇д̇хагааяагамманд̇охамасмий’’д̇и хи д̇зна авад̇хааран̣зна вибхаавид̇ад̇т̇ад̣̇ассанам̣. д̇зсамахам̣ ан̃н̃ад̇арод̇и д̇ааяа барисуд̣̇д̇хагааяагаммад̇ааяа д̇зсам̣ арияаанам̣ ахам̣ ан̃н̃ад̇арод̇и гааяагаммабаарисуд̣̇д̇хияаа махаасад̇д̇о ад̇д̇аанам̣ ариязсу багкибад̇и. барамасаллзкабхааваббад̇д̇аа хи д̇ад̣̇аа б̣од̇хисад̇д̇асса гааяагаммабаарисуд̣̇д̇хи , д̇ат̇аа важийгаммаад̣̇ибаарисуд̣̇д̇хи, яад̇о мааро ранд̇хаг̇авзсий худ̇ваа чаб̣б̣ассаани ниранд̇арам̣ ануб̣анд̇хо анд̇арам̣ на лабхад̇и. д̇знааха –

    ‘‘Na kho panāti ettha khoti avadhāraṇatthe nipāto, panā’’ti visesatthe. Tenetaṃ dasseti ‘‘aññe samaṇabrāhmaṇā viya ahaṃ aparisuddhakāyakammanto hutvā araññavanapatthāni pantāni senāsanāni na kho pana paṭisevāmi, parisuddhakāyakammantoyeva pana hutvā tāni paṭisevāmī’’ti. Evaṃ vā ettha atthayojanā veditabbā. ‘‘Parisuddhakāyakammantohamasmī’’ti hi tena avadhāraṇena vibhāvitatthadassanaṃ. Tesamahaṃ aññataroti tāya parisuddhakāyakammatāya tesaṃ ariyānaṃ ahaṃ aññataroti kāyakammapārisuddhiyā mahāsatto attānaṃ ariyesu pakkhipati. Paramasallekhabhāvappattā hi tadā bodhisattassa kāyakammapārisuddhi , tathā vacīkammādipārisuddhi, yato māro randhagavesī hutvā chabbassāni nirantaraṃ anubandho antaraṃ na labhati. Tenāha –

    ‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;

    ‘‘Satta vassāni bhagavantaṃ, anubandhiṃ padāpadaṃ;

    од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о’’д̇и. (су. ни. 448);

    Otāraṃ nādhigacchissaṃ, sambuddhassa satīmato’’ti. (su. ni. 448);

    бхияяод̇и ад̇хигам̣ сависзсам̣, убаруубари ваа. бхийд̇ад̇асид̇аа бхаяуубад̣̇д̣̇авзна чамбхид̇асарийраа хадталомаа хонд̇и, абхийд̇аад̇асид̇аа бана бхаяуубад̣̇д̣̇аваабхаавад̇о ахадталомаа кзмзна сод̇т̇инаа д̇идтанд̇ийд̇и д̇зсам̣ кзмаббад̇д̇и сод̇т̇ибхааво ваа банналомад̇ааяа баагадо ход̇ийд̇и баал̣ияам̣ ‘‘баллома’’нд̇и вуд̇д̇ам̣. д̇знааха ‘‘банналомад̇а’’нд̇иаад̣̇и. зд̇т̇а жа бхияяо балломамаабаад̣̇им̣ аран̃н̃з вихаарааяаад̇и бадин̃н̃аанид̣̇д̣̇зсо. барисуд̣̇д̇хагааяагамманд̇охамасмийд̇и хзд̇уд̣̇ассанам̣. ‘‘яз хи во арияаа’’д̇и сад̣̇исууд̣̇аахаран̣ад̣̇ассанам̣. яз ко гзжи саман̣аа ваа б̣раахман̣аа ваад̇и висад̣̇исууд̣̇аахаран̣ад̣̇ассанам̣. сзсаани анваяаб̣яад̇ирзгавибхааванаанийд̇и д̣̇адтаб̣б̣анд̇и аяамзд̇т̇а яуд̇д̇ивибхааванаа. иминаа наязна сзсаваарзсуби яуд̇д̇ивибхааванаа взд̣̇ид̇аб̣б̣аа.

    Bhiyyoti adhikaṃ savisesaṃ, uparūpari vā. Bhītatasitā bhayūpaddavena chambhitasarīrā haṭṭhalomā honti, abhītātasitā pana bhayūpaddavābhāvato ahaṭṭhalomā khemena sotthinā tiṭṭhantīti tesaṃ khemappatti sotthibhāvo vā pannalomatāya pākaṭo hotīti pāḷiyaṃ ‘‘palloma’’nti vuttaṃ. Tenāha ‘‘pannalomata’’ntiādi. Ettha ca bhiyyo pallomamāpādiṃ araññe vihārāyāti paṭiññāniddeso. Parisuddhakāyakammantohamasmīti hetudassanaṃ. ‘‘Ye hi vo ariyā’’ti sadisūdāharaṇadassanaṃ. Ye kho keci samaṇā vā brāhmaṇā vāti visadisūdāharaṇadassanaṃ. Sesāni anvayabyatirekavibhāvanānīti daṭṭhabbanti ayamettha yuttivibhāvanā. Iminā nayena sesavāresupi yuttivibhāvanā veditabbā.

    гааяагамманд̇аваарагат̇ааван̣н̣анаа нидтид̇аа.

    Kāyakammantavārakathāvaṇṇanā niṭṭhitā.

    важийгамманд̇аваараад̣̇игат̇ааван̣н̣анаа

    Vacīkammantavārādikathāvaṇṇanā

    36. абарисуд̣̇д̇хзна мусааваад̣̇аад̣̇инаад̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇анаяамзва. аад̣̇и-сад̣̇д̣̇зна бана сан̇г̇ахид̇ам̣ д̇зсан̃жа мусааваад̣̇аад̣̇ийнам̣ бавад̇д̇ибхзд̣̇ам̣ бхаяабхзраваавхаанамукзна д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. д̇ад̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва.

    36.Aparisuddhena musāvādādināti ettha yaṃ vattabbaṃ, taṃ heṭṭhā vuttanayameva. Ādi-saddena pana saṅgahitaṃ tesañca musāvādādīnaṃ pavattibhedaṃ bhayabheravāvhānamukhena dassetuṃ ‘‘katha’’ntiādi vuttaṃ. Tattha yaṃ vattabbaṃ, taṃ heṭṭhā vuttameva.

    бхан̣д̣зсууд̇и савин̃н̃аан̣агаавин̃н̃аан̣агзсу бхан̣д̣зсу. уббаад̣̇зд̇ваад̇и ад̇д̇ано барин̣аамавасзна абхиж̇жхаасан̇каад̇ам̣ висамалобхам̣ уббаад̣̇зд̇ваа. гуж̇жхид̇ваад̇и винаасажинд̇аавасзна барасса гуж̇жхид̇ваа. зван̃хи нзсам̣ ‘‘язсам̣ абараж̇жхимхаа, д̇з ид̣̇аани ануб̣анд̇хид̇ваа’’д̇иаад̣̇инаа бажчаа аасан̇губбад̇д̇и сияаа. ‘‘зд̇з амхаагам̣ бариг̇г̇ахавад̇т̇ум̣ г̇ахзд̇угаамаа ман̃н̃з, винаасам̣ гаад̇угаамаа ман̃н̃з’’д̇и яат̇аа барз барад̇о д̇зсам̣ абхиж̇жхааб̣яаабаад̣̇аббавад̇д̇им̣ бариг̇г̇ан̣ханд̇и, д̇аад̣̇исам̣ маногамманд̇ам̣ санд̇хааяа ‘‘д̇з барзса’’нд̇иаад̣̇и вуд̇д̇анд̇и д̣̇адтаб̣б̣ам̣. гаамам̣ агусалагааяагаммаважийгаммабавад̇д̇игаалзби абхиж̇жхаад̣̇аяо бавад̇д̇анд̇иязва, д̇ад̣̇аа бана д̇з жзд̇анаабагкигаа ваа аб̣б̣охааригаа ваад̇и маногамманд̇аваарз зва абхиж̇жхаад̣̇ивасзна яож̇анаа гад̇аа. ат̇а ваа д̣̇вааранд̇арз бавад̇д̇аанамби баан̣аад̇ибаад̇аад̣̇ийнам̣ важийгаммаад̣̇ибхааваабхааво вияа д̣̇вааранд̇арз бавад̇д̇аанамби абхиж̇жхаад̣̇ийнам̣ гааяагаммаад̣̇ибхааваабхааво, маногаммабхааво зва бана сид̣̇д̇ход̇и гад̇ваа маногамманд̇аваарз зва абхиж̇жхаад̣̇аяо уд̣̇д̇хадаа. д̇ат̇аа хи вуд̇д̇ам̣ –

    Bhaṇḍesūti saviññāṇakāviññāṇakesu bhaṇḍesu. Uppādetvāti attano pariṇāmavasena abhijjhāsaṅkhātaṃ visamalobhaṃ uppādetvā. Kujjhitvāti vināsacintāvasena parassa kujjhitvā. Evañhi nesaṃ ‘‘yesaṃ aparajjhimhā, te idāni anubandhitvā’’tiādinā pacchā āsaṅkuppatti siyā. ‘‘Ete amhākaṃ pariggahavatthuṃ gahetukāmā maññe, vināsaṃ kātukāmā maññe’’ti yathā pare parato tesaṃ abhijjhābyāpādappavattiṃ pariggaṇhanti, tādisaṃ manokammantaṃ sandhāya ‘‘te paresa’’ntiādi vuttanti daṭṭhabbaṃ. Kāmaṃ akusalakāyakammavacīkammapavattikālepi abhijjhādayo pavattantiyeva, tadā pana te cetanāpakkhikā vā abbohārikā vāti manokammantavāre eva abhijjhādivasena yojanā katā. Atha vā dvārantare pavattānampi pāṇātipātādīnaṃ vacīkammādibhāvābhāvo viya dvārantare pavattānampi abhijjhādīnaṃ kāyakammādibhāvābhāvo, manokammabhāvo eva pana siddhoti katvā manokammantavāre eva abhijjhādayo uddhaṭā. Tathā hi vuttaṃ –

    ‘‘д̣̇ваарз жаранд̇и гаммаани, на д̣̇ваараа д̣̇вааражаарино;

    ‘‘Dvāre caranti kammāni, na dvārā dvāracārino;

    д̇асмаа д̣̇ваарзхи гаммаани, ан̃н̃аман̃н̃ам̣ вавад̇т̇ид̇аа’’д̇и. (д̇ха. са. адта. 1.гааяагаммад̣̇ваара);

    Tasmā dvārehi kammāni, aññamaññaṃ vavatthitā’’ti. (dha. sa. aṭṭha. 1.kāyakammadvāra);

    гин̃жааби адтагат̇ааяам̣ саасанз баб̣б̣аж̇ид̇авасзна ааж̇ийваваарз бхаяабхзраваавхаанам̣ яож̇ид̇ам̣, ‘‘яз ко гзжи саман̣аа ваа б̣раахман̣аа ваа’’д̇и бана важанад̇о б̣аахирагавасзна г̇ахадтавасзна жа яож̇анаа взд̣̇ид̇аб̣б̣аа. г̇ахадтаанамби хи ж̇аад̇ид̇хаммагулад̇хаммад̣̇зсад̇хаммавиломанавасзна ан̃н̃ат̇ааби мижчааж̇ийво лаб̣бхад̇зва, д̇ааяа зва жа ааж̇ийвавибад̇д̇ияаа ан̃н̃ат̇аа ваа нзсам̣ аран̃н̃аваасо самбхавзяяаад̇и.

    Kiñcāpi aṭṭhakathāyaṃ sāsane pabbajitavasena ājīvavāre bhayabheravāvhānaṃ yojitaṃ, ‘‘ye kho keci samaṇā vā brāhmaṇā vā’’ti pana vacanato bāhirakavasena gahaṭṭhavasena ca yojanā veditabbā. Gahaṭṭhānampi hi jātidhammakuladhammadesadhammavilomanavasena aññathāpi micchājīvo labbhateva, tāya eva ca ājīvavipattiyā aññathā vā nesaṃ araññavāso sambhaveyyāti.

    37. звам̣ ааж̇ийвадтамагасийлавасзна бхаяабхзравам̣ д̣̇ассзд̇ваа д̇ад̇о барам̣ нийваран̣аббахаанаад̣̇ивасзна д̇ам̣ д̣̇ассзд̇ум̣ д̣̇зсанаа вад̣дхид̇аад̇и д̇ад̣̇ад̇т̇ам̣ виваранд̇о ‘‘ид̇о бара’’нд̇иаад̣̇имааха. д̇ад̇т̇а нийваран̣авасзна буна вуд̇д̇аад̇и аяамад̇хиббааяо – звам̣ сийлависуд̣̇д̇химад̇д̇амби аран̃н̃з вихарад̇о бхаяабхзраваабхаавам̣ аавахад̇и, гиман̇г̇ам̣ бана нийваран̣аани бахааяа аббанаасамаад̇хим̣, убажаарасамаад̇химзва ваа самбаад̣̇аяад̇од̇и самаад̇хисамбад̣̇ааяа бхаяабхзраваабхаавахзд̇угам̣ д̣̇ассзд̇ум̣ убари д̣̇зсанаа вад̣дхид̇аад̇и агусаламаногамманд̇абхаавзна г̇ахид̇ааби абхиж̇жхааб̣яаабаад̣̇аа нийваран̣авасзна буна вуд̇д̇аад̇и ад̇хиббааяо. абхи-буб̣б̣о жхаа-сад̣̇д̣̇о абхиж̇жхааяанад̇т̇од̇и ааха ‘‘барабхан̣д̣аад̣̇иабхиж̇жхааяанасийлаа’’д̇и. вад̇т̇угаамзсууд̇и руубаад̣̇ийсу гилзсагаамасса вад̇т̇убхууд̇зсу гаамзсу. б̣ахалагилзсарааг̇аад̇и т̇ирамуулад̣̇умможанийяад̇аахи аж̇жхосаанз бабхууд̇агилзсагаамаа. абхиж̇жхаа жзд̇т̇а аббад̇д̇ависаяабад̇т̇анаа, д̇иб̣б̣асаарааг̇о самбад̇д̇ивисаяаабхинивзсо. д̇з хи лобхаабхибхууд̇аа буг̇г̇алаа ад̇д̇ани д̇иб̣б̣асаабзгкад̇ааяа зва лобхаабхибхууд̇ад̇ааяа ававад̇т̇ид̇аарамман̣аа авинижчид̇ависаяаа аран̃н̃з д̇ам̣ д̇ам̣ висаяам̣ анубад̇хаарид̇ваа вихаранд̇и, раж̇ж̇уаад̣̇ийни яаат̇аавад̇о на саллагкзнд̇и. д̇знааха ‘‘д̇зса’’нд̇иаад̣̇и. убадтаад̇и санд̇ажид̇д̇ад̇ааяа. д̇ат̇аа хи вуд̇д̇ам̣ ‘‘аагулажид̇д̇аа’’д̇и. ‘‘ид̣̇аанимха надтаа’’д̇и д̇асанд̇и вид̇асанд̇и, ааг̇анд̇ваа б̣аад̇хияамаанаа вияа хонд̇и, звам̣ д̇ам̣ бхаяабхзравам̣ ад̇д̇ани самааробанадтзна авхааяанд̇и баггосанд̇ийд̇и яож̇анам̣ санд̇хааяааха ‘‘сзсам̣ д̇аад̣̇исамзваа’’д̇и. ‘‘анабхиж̇жхаалухамасмий’’д̇и баал̣ибад̣̇з жирабарижид̇аалобхаж̇жхаасаяад̇ааяа гамалад̣̇алз ж̇алаб̣инд̣̇у вияа алаг̇г̇амаанасад̇д̇аа саб̣б̣ад̇т̇а анабзгкохамасмийд̇и ад̇т̇о.

    37. Evaṃ ājīvaṭṭhamakasīlavasena bhayabheravaṃ dassetvā tato paraṃ nīvaraṇappahānādivasena taṃ dassetuṃ desanā vaḍḍhitāti tadatthaṃ vivaranto ‘‘ito para’’ntiādimāha. Tattha nīvaraṇavasena puna vuttāti ayamadhippāyo – evaṃ sīlavisuddhimattampi araññe viharato bhayabheravābhāvaṃ āvahati, kimaṅgaṃ pana nīvaraṇāni pahāya appanāsamādhiṃ, upacārasamādhimeva vā sampādayatoti samādhisampadāya bhayabheravābhāvahetukaṃ dassetuṃ upari desanā vaḍḍhitāti akusalamanokammantabhāvena gahitāpi abhijjhābyāpādā nīvaraṇavasena puna vuttāti adhippāyo. Abhi-pubbo jhā-saddo abhijjhāyanatthoti āha ‘‘parabhaṇḍādiabhijjhāyanasīlā’’ti. Vatthukāmesūti rūpādīsu kilesakāmassa vatthubhūtesu kāmesu. Bahalakilesarāgāti thiramūladummocanīyatāhi ajjhosāne pabhūtakilesakāmā. Abhijjhā cettha appattavisayapatthanā, tibbasārāgo sampattivisayābhiniveso. Te hi lobhābhibhūtā puggalā attani tibbasāpekkhatāya eva lobhābhibhūtatāya avavatthitārammaṇā avinicchitavisayā araññe taṃ taṃ visayaṃ anupadhāritvā viharanti, rajjuādīni yāthāvato na sallakkhenti. Tenāha ‘‘tesa’’ntiādi. Upaṭṭhāti santacittatāya. Tathā hi vuttaṃ ‘‘ākulacittā’’ti. ‘‘Idānimha naṭṭhā’’ti tasanti vitasanti, āgantvā bādhiyamānā viya honti, evaṃ taṃ bhayabheravaṃ attani samāropanaṭṭhena avhāyanti pakkosantīti yojanaṃ sandhāyāha ‘‘sesaṃ tādisamevā’’ti. ‘‘Anabhijjhāluhamasmī’’ti pāḷipade ciraparicitaalobhajjhāsayatāya kamaladale jalabindu viya alaggamānasattā sabbattha anapekkhohamasmīti attho.

    38. багад̇ибхаававиж̇аханзнаад̇и барисуд̣̇д̇хабхаавасан̇каад̇асса жа багад̇ибхаавасса виж̇аханзна. сааваж̇ж̇ад̇хаммасамуббад̇д̇ияаа хи жид̇д̇асса анаваж̇ж̇абхааво ж̇ахид̇о ход̇ийд̇и. вибаннажид̇д̇аад̇и гилзсаасужид̣̇уусид̇ад̇ааяа гут̇ид̇ажид̇д̇аа. д̇знааха ‘‘гилзсаануг̇ад̇ам̣…бз… бууд̇игам̣ ход̇ий’’д̇и. бад̣̇удтаманасан̇габбаад̇и висасам̣садтамуд̇д̇ам̣ вияа д̣̇осзна бад̣̇уусид̇ажид̇д̇асан̇габбаа. вуд̇д̇анаязнзваад̇и ‘‘д̇з ававад̇т̇ид̇аарамман̣аа хонд̇ий’’д̇иаад̣̇инаа абхиж̇жхаалуваарз вуд̇д̇анаязнзва. яат̇аа хи лобхавасзна, звам̣ д̣̇осаад̣̇ивасзнаби ававад̇т̇ид̇аарамман̣аа хонд̇ийд̇и. саб̣б̣ад̇т̇аад̇и хздтаа убари жаад̇и саб̣б̣ад̇т̇а таанзсу ван̣н̣зд̇аб̣б̣аа.

    38.Pakatibhāvavijahanenāti parisuddhabhāvasaṅkhātassa ca pakatibhāvassa vijahanena. Sāvajjadhammasamuppattiyā hi cittassa anavajjabhāvo jahito hotīti. Vipannacittāti kilesāsucidūsitatāya kuthitacittā. Tenāha ‘‘kilesānugataṃ…pe… pūtikaṃ hotī’’ti. Paduṭṭhamanasaṅkappāti visasaṃsaṭṭhamuttaṃ viya dosena padūsitacittasaṅkappā. Vuttanayenevāti ‘‘te avavatthitārammaṇā hontī’’tiādinā abhijjhāluvāre vuttanayeneva. Yathā hi lobhavasena, evaṃ dosādivasenapi avavatthitārammaṇā hontīti. Sabbatthāti heṭṭhā upari cāti sabbattha ṭhānesu vaṇṇetabbā.

    39. ‘‘яаа жид̇д̇асса агаллад̇аа агамман̃н̃ад̇аа’’д̇и важанад̇о т̇инам̣ жид̇д̇асса г̇злан̃н̃абхаавзна г̇ахан̣ам̣ г̇ажчад̇ийд̇и ааха ‘‘жид̇д̇аг̇злан̃н̃абхууд̇зна т̇инзнаа’’д̇и. д̇ат̇аа ‘‘яаа гааяасса агаллад̇аа агамман̃н̃ад̇аа’’д̇и (д̇ха. са. 1163) важанад̇о мид̣̇д̇хам̣ висзсад̇о наамагааяасса г̇злан̃н̃абхаавзна г̇ахан̣ам̣ г̇ажчад̇ийд̇и ааха ‘‘сзсанаамагааяаг̇злан̃н̃абхууд̇зна мид̣̇д̇хзнаа’’д̇и. сзсаг̇г̇ахан̣ан̃жзд̇т̇а жид̇д̇анивад̇д̇анад̇т̇ам̣. ид̣̇ан̃жа мид̣̇д̇хам̣ руубагааяассаби г̇злан̃н̃ааваханд̇и д̣̇адтаб̣б̣ам̣ нид̣̇д̣̇ааяа хзд̇убхаавад̇о. д̇ат̇аа хи д̇ам̣ ‘‘нид̣̇д̣̇аа жабалааяигаа’’д̇и нид̣̇д̣̇идтам̣. д̇знааха ‘‘д̇з нид̣̇д̣̇ааб̣ахулаа хонд̇ий’’д̇и.

    39. ‘‘Yā cittassa akallatā akammaññatā’’ti vacanato thinaṃ cittassa gelaññabhāvena gahaṇaṃ gacchatīti āha ‘‘cittagelaññabhūtena thinenā’’ti. Tathā ‘‘yā kāyassa akallatā akammaññatā’’ti (dha. sa. 1163) vacanato middhaṃ visesato nāmakāyassa gelaññabhāvena gahaṇaṃ gacchatīti āha ‘‘sesanāmakāyagelaññabhūtena middhenā’’ti. Sesaggahaṇañcettha cittanivattanatthaṃ. Idañca middhaṃ rūpakāyassapi gelaññāvahanti daṭṭhabbaṃ niddāya hetubhāvato. Tathā hi taṃ ‘‘niddā capalāyikā’’ti niddiṭṭhaṃ. Tenāha ‘‘te niddābahulā hontī’’ti.

    40. уд̣̇д̇хажжабагад̇игаад̇и уд̣̇д̇хажжасийлаа анавадтид̇асабхааваа. анавадтаанарасан̃хи уд̣̇д̇хажжам̣. д̇знааха ‘‘вибпанд̣̇амаанажид̇д̇аа’’д̇иаад̣̇и. ид̇хаад̇и ‘‘авуубасанд̇ажид̇д̇аа’’д̇и имасмим̣ бад̣̇з. гуггужжам̣ г̇ахзд̇ум̣ ваддад̇и сам̣ван̣н̣анаавасзна бажчаануд̇аабассаби жид̇д̇асса авуубасамагарад̇д̇аа. уд̣̇д̇хажжам̣ бана саруубзнзва г̇ахид̇анд̇и ад̇хиббааяо.

    40.Uddhaccapakatikāti uddhaccasīlā anavaṭṭhitasabhāvā. Anavaṭṭhānarasañhi uddhaccaṃ. Tenāha ‘‘vipphandamānacittā’’tiādi. Idhāti ‘‘avūpasantacittā’’ti imasmiṃ pade. Kukkuccaṃ gahetuṃ vaṭṭati saṃvaṇṇanāvasena pacchānutāpassapi cittassa avūpasamakarattā. Uddhaccaṃ pana sarūpeneva gahitanti adhippāyo.

    41. згамзвид̣̇ам̣ бан̃жамам̣ нийваран̣ам̣ яад̣̇ид̣̇ам̣ ган̇каа вижигижчаад̇и жа. яад̣̇и звам̣ гасмаа д̣̇вид̇хаа гад̇ваа вуд̇д̇анд̇и ааха ‘‘гим̣ ну ко’’д̇иаад̣̇и. ган̇канад̇од̇и сам̣саяанад̇о. вижигижчаад̇и вужжад̇и ‘‘д̇хаммасабхаавам̣ вижинанд̇о зд̇ааяа гижчад̇и, виг̇ад̇аа д̇игижчаа ваа’’д̇и гад̇ваа.

    41.Ekamevidaṃ pañcamaṃ nīvaraṇaṃ yadidaṃ kaṅkhā vicikicchāti ca. Yadi evaṃ kasmā dvidhā katvā vuttanti āha ‘‘kiṃ nu kho’’tiādi. Kaṅkhanatoti saṃsayanato. Vicikicchāti vuccati ‘‘dhammasabhāvaṃ vicinanto etāya kicchati, vigatā tikicchā vā’’ti katvā.

    42. звам̣ нийваран̣аабхаавагид̇д̇анамукзна самаад̇хисамбад̣̇ааяа бхаяабхзраваабхаавам̣ д̣̇ассзд̇ваа ид̣̇аани ад̇д̇уггам̣санаад̣̇иабхаавагид̇д̇анамукзна бан̃н̃аасамбад̣̇ааяа бхаяабхзраваабхаавам̣ д̣̇ассзд̇ум̣ ‘‘яз ко гзжий’’д̇иаад̣̇инаа убари д̣̇зсанаа вад̣дхид̇аа, д̇ад̣̇ад̇т̇ам̣ виварид̇ум̣ ‘‘ад̇д̇уггам̣санагаа’’д̇иаад̣̇и вуд̇д̇ам̣. уггам̣сзнд̇и маанавасзна баг̇г̇ан̣ханзна. д̇знааха ‘‘ужжз таанз табзнд̇ий’’д̇и. т̇инамид̣̇д̇хауд̣̇д̇хажжагуггужжавижигижчааваарзсу г̇аяхамаанам̣ абхиж̇жхаалуваарасад̣̇исанд̇и д̇ад̇т̇а д̇ам̣ анаамасид̇ваа ад̇д̇уггам̣сагаваарз гин̃жи висад̣̇исам̣ ад̇т̇ийд̇и д̇ам̣ д̣̇ассзд̇ум̣ ‘‘д̇з гат̇а’’нд̇иаад̣̇и вуд̇д̇ам̣.

    42. Evaṃ nīvaraṇābhāvakittanamukhena samādhisampadāya bhayabheravābhāvaṃ dassetvā idāni attukkaṃsanādiabhāvakittanamukhena paññāsampadāya bhayabheravābhāvaṃ dassetuṃ ‘‘ye kho kecī’’tiādinā upari desanā vaḍḍhitā, tadatthaṃ vivarituṃ ‘‘attukkaṃsanakā’’tiādi vuttaṃ. Ukkaṃsenti mānavasena paggaṇhanena. Tenāha ‘‘ucce ṭhāne ṭhapentī’’ti. Thinamiddhauddhaccakukkuccavicikicchāvāresu gayhamānaṃ abhijjhāluvārasadisanti tattha taṃ anāmasitvā attukkaṃsakavāre kiñci visadisaṃ atthīti taṃ dassetuṃ ‘‘te katha’’ntiādi vuttaṃ.

    43. чамбханам̣ чамбхо, гааяасса чамбхид̇ад̇д̇ахзд̇убхууд̇о б̣алаважид̇д̇уд̇раасо. со зд̇зсам̣ ад̇т̇ийд̇и чамбхий. д̇знааха ‘‘гааяат̇амбханаа’’д̇иаад̣̇и. бхийругаж̇аад̇игаад̇и бхааяанагасийлаа. згамзва жзд̇ам̣ сааваж̇ж̇абхаяам̣ гааяз чамбхид̇ад̇д̇асса, жид̇д̇з жа гааяз жа т̇ад̣̇д̇хабхаавасса уббаад̣̇анавасзна ‘‘чамбхо бхийруд̇аа’’д̇и жа вужжад̇ийд̇и д̇ам̣саман̇г̇ино саман̣аб̣раахман̣аа ‘‘чамбхий бхийругаж̇аад̇игаа’’д̇и вуд̇д̇аа, ид̇ха бхаяабхзравам̣ саруубзнзва г̇ахид̇ам̣.

    43. Chambhanaṃ chambho, kāyassa chambhitattahetubhūto balavacittutrāso. So etesaṃ atthīti chambhī. Tenāha ‘‘kāyathambhanā’’tiādi. Bhīrukajātikāti bhāyanakasīlā. Ekameva cetaṃ sāvajjabhayaṃ kāye chambhitattassa, citte ca kāye ca thaddhabhāvassa uppādanavasena ‘‘chambho bhīrutā’’ti ca vuccatīti taṃsamaṅgino samaṇabrāhmaṇā ‘‘chambhī bhīrukajātikā’’ti vuttā, idha bhayabheravaṃ sarūpeneva gahitaṃ.

    44. лаб̣бхад̇и баабун̣ийяад̇ийд̇и лаабхасад̣̇д̣̇асса гаммасаад̇ханад̇д̇амааха. саггажжам̣ гаад̇аб̣б̣о д̣̇аад̇аб̣б̣од̇и саггааро. д̇ад̣̇ад̇т̇ад̣̇ийбаганд̇и лаабхаад̣̇им̣ бахааяа аран̃н̃з васад̇о бхаяабхзраваавхааяанам̣ над̇т̇ийд̇и д̣̇ийбагам̣. со гира лаабхаг̇аруд̇ааязва бияо г̇аамо зд̇ассаад̇и ‘‘бияаг̇аамиго’’д̇и наамам̣ лабхад̇и. гаммамуд̇д̇од̇и ж̇арааж̇ин̣н̣ад̇д̇аа гаммам̣ гаад̇ум̣ на саггод̇ийд̇и саамигзхи виссадто.

    44.Labbhati pāpuṇīyatīti lābhasaddassa kammasādhanattamāha. Sakkaccaṃ kātabbo dātabboti sakkāro. Tadatthadīpakanti lābhādiṃ pahāya araññe vasato bhayabheravāvhāyanaṃ natthīti dīpakaṃ. So kira lābhagarutāyeva piyo gāmo etassāti ‘‘piyagāmiko’’ti nāmaṃ labhati. Kammamuttoti jarājiṇṇattā kammaṃ kātuṃ na sakkotīti sāmikehi vissaṭṭho.

    45. аласабхаавзна саммаавааяаамасса агаран̣ад̇о гужчид̇ам̣ сийд̣̇анд̇ийд̇и гусийд̇аа. вийрасса бхааво, гаммам̣ ваа вийрияам̣, вид̇хинаа ваа ийрзд̇аб̣б̣ам̣ бавад̇д̇зд̇аб̣б̣анд̇и вийрияам̣, саммаавааяаамо. д̇зна хийнаа хийнавийрияаа. гааяавин̃н̃ад̇д̇ияаа самудтаанавасзна бавад̇д̇авийрияам̣ гааяигавийрияам̣, вад̇д̇агаран̣ажан̇гаманаад̣̇ийсу д̣̇адтаб̣б̣ам̣. нисаж̇ж̇а саяид̇ваа жа гаммадтаанаманасигааравасзна бавад̇д̇авийрияам̣ жзд̇асигавийрияам̣. д̇ад̇т̇а буримам̣ висзсад̇о госаж̇ж̇абадибагкад̇аавасзна, д̣̇уд̇ияам̣ вийрияаарамбхад̇аавасзна баагадам̣ ход̇ийд̇и д̣̇ассзнд̇о ‘‘гусийд̇аа’’д̇иаад̣̇имааха. д̇з хи хийнавийрияаа аласад̇ааязва аарамман̣ававад̇т̇аанамад̇д̇амби гаад̇ум̣ на саггонд̇и.

    45. Alasabhāvena sammāvāyāmassa akaraṇato kucchitaṃ sīdantīti kusītā. Vīrassa bhāvo, kammaṃ vā vīriyaṃ, vidhinā vā īretabbaṃ pavattetabbanti vīriyaṃ, sammāvāyāmo. Tena hīnā hīnavīriyā. Kāyaviññattiyā samuṭṭhānavasena pavattavīriyaṃ kāyikavīriyaṃ, vattakaraṇacaṅkamanādīsu daṭṭhabbaṃ. Nisajja sayitvā ca kammaṭṭhānamanasikāravasena pavattavīriyaṃ cetasikavīriyaṃ. Tattha purimaṃ visesato kosajjapaṭipakkhatāvasena, dutiyaṃ vīriyārambhatāvasena pākaṭaṃ hotīti dassento ‘‘kusītā’’tiādimāha. Te hi hīnavīriyā alasatāyeva ārammaṇavavatthānamattampi kātuṃ na sakkonti.

    46. надтассад̇ийд̇и алаб̣бхамаанассад̇и, бажжаяавзгаллзна виж̇ж̇амаанааяаби сад̇ияаа сад̇игижжам̣ гаад̇ум̣ асамад̇т̇ад̇ааяа звам̣ вуд̇д̇ам̣. на самбаж̇аанаад̇и асамбаж̇аанаа. д̇ам̣яог̇анивад̇д̇ияан̃жааяам̣ а-гааро ‘‘ахзд̇угаа д̇хаммаа (д̇ха. са. 2.д̣̇угамаад̇игаа), абхигкуго ааваасо’’д̇иаад̣̇ийсу (жуул̣ава. 76) вияаад̇и ааха ‘‘бан̃н̃аарахид̇аа’’д̇и. нану сол̣асамо бан̃н̃аавааро, аяам̣ сад̇ивааро, д̇ад̇т̇а гасмаа сам̣гилзсабагкз бан̃н̃аа г̇ахид̇аад̇и жод̣̇анам̣ санд̇хааяааха ‘‘имасса жаа’’д̇иаад̣̇и. сад̇ибхааж̇анийяамзвзд̇ам̣, яад̣̇ид̣̇ам̣ жуд̣̇д̣̇асамо вааро, бан̃н̃аа банзд̇т̇а жуд̣̇д̣̇асамз ваарз гзвалаа сад̇и д̣̇уб̣б̣алаад̇и сад̇ид̣̇уб̣б̣аляад̣̇ийбанад̇т̇ам̣ ‘‘асамбаж̇аанаа’’д̇и бадигкзбамукзна вуд̇д̇аа. ид̣̇аани вуд̇д̇амзвад̇т̇ам̣ баагадад̇арам̣ гаад̇ум̣ ‘‘д̣̇увид̇хаа хий’’д̇иаад̣̇и вуд̇д̇ам̣.

    46.Naṭṭhassatīti alabbhamānassati, paccayavekallena vijjamānāyapi satiyā satikiccaṃ kātuṃ asamatthatāya evaṃ vuttaṃ. Na sampajānāti asampajānā. Taṃyoganivattiyañcāyaṃ a-kāro ‘‘ahetukā dhammā (dha. sa. 2.dukamātikā), abhikkhuko āvāso’’tiādīsu (cūḷava. 76) viyāti āha ‘‘paññārahitā’’ti. Nanu soḷasamo paññāvāro, ayaṃ sativāro, tattha kasmā saṃkilesapakkhe paññā gahitāti codanaṃ sandhāyāha ‘‘imassa cā’’tiādi. Satibhājanīyamevetaṃ, yadidaṃ cuddasamo vāro, paññā panettha cuddasame vāre kevalā sati dubbalāti satidubbalyadīpanatthaṃ ‘‘asampajānā’’ti paṭikkhepamukhena vuttā. Idāni vuttamevatthaṃ pākaṭataraṃ kātuṃ ‘‘duvidhā hī’’tiādi vuttaṃ.

    47. аббанаасамаад̇хинаа, убажаарасамаад̇хинаа ваа жид̇д̇ам̣ аарамман̣з самам̣, саммаа ваа аахид̇ам̣ наама ход̇и, наан̃н̃ат̇аад̇и д̣̇ассзнд̇о ‘‘асамаахид̇аад̇и убажаараббанаасамаад̇хивирахид̇аа’’д̇и ааха . виб̣бханд̇ажид̇д̇аад̇и анавадтид̇ажид̇д̇аа. буб̣б̣з нийваран̣абхаавасааман̃н̃зна уд̣̇д̇хажжам̣ г̇ахид̇ам̣ ‘‘уд̣̇д̇хад̇аа авуубасанд̇ажид̇д̇аа’’д̇и, ид̇ха самаад̇хаанаабхаавзна уд̣̇д̇хажжахзд̇уго жид̇д̇авиб̣бхамо вуд̇д̇о ‘‘асамаахид̇аа виб̣бханд̇ажид̇д̇аа’’д̇и, аяамзд̇зсам̣ висзсо. буб̣б̣з вуд̇д̇анаязнаад̇и буб̣б̣з ‘‘уд̣̇д̇хажжзна хи згаарамман̣з жид̇д̇ам̣ вибпанд̣̇ад̇и д̇хаж̇аяадтияам̣ ваад̇зна бадаагаа вияаа’’д̇и (ма. ни. адта. 1.40) вуд̇д̇анаязна. саб̣б̣ам̣ буб̣б̣асад̣̇исамзваад̇и бхаяабхзраваавхааяанасса абхиж̇жхаалуваарз вуд̇д̇асад̣̇исад̇ам̣ санд̇хааяа вад̣̇ад̇и.

    47. Appanāsamādhinā, upacārasamādhinā vā cittaṃ ārammaṇe samaṃ, sammā vā āhitaṃ nāma hoti, nāññathāti dassento ‘‘asamāhitāti upacārappanāsamādhivirahitā’’ti āha . Vibbhantacittāti anavaṭṭhitacittā. Pubbe nīvaraṇabhāvasāmaññena uddhaccaṃ gahitaṃ ‘‘uddhatā avūpasantacittā’’ti, idha samādhānābhāvena uddhaccahetuko cittavibbhamo vutto ‘‘asamāhitā vibbhantacittā’’ti, ayametesaṃ viseso. Pubbe vuttanayenāti pubbe ‘‘uddhaccena hi ekārammaṇe cittaṃ vipphandati dhajayaṭṭhiyaṃ vātena paṭākā viyā’’ti (ma. ni. aṭṭha. 1.40) vuttanayena. Sabbaṃ pubbasadisamevāti bhayabheravāvhāyanassa abhijjhāluvāre vuttasadisataṃ sandhāya vadati.

    48. д̣̇уббан̃н̃аад̇и зд̇т̇а д̣̇у-сад̣̇д̣̇о ‘‘д̣̇уссийло’’д̇иаад̣̇ийсу вияа абхаавад̇т̇о, на ‘‘д̣̇уг̇г̇ад̇и, д̣̇уббадибанно’’д̇иаад̣̇ийсу вияа г̇арахад̇т̇од̇и д̣̇ассзд̇ум̣ ‘‘ниббан̃н̃аанамзд̇ам̣ ад̇хиважана’’нд̇и вад̇ваа ‘‘бан̃н̃аа бана д̣̇удтаа наама над̇т̇ий’’д̇и вуд̇д̇ам̣. д̇зд̇и д̣̇уббан̃н̃аа. саб̣б̣ад̇т̇аад̇и жад̇уусуби баатавигаббзсу. зланд̇и ваа д̣̇осо вужжад̇и. д̇знааха ‘‘яаа саа ваажаа нзлаа ган̣н̣асукаа’’д̇и. д̇ат̇аа хи сийлам̣ ‘‘нзлан̇г̇а’’нд̇и вуд̇д̇ам̣. д̣̇уббан̃н̃аа жа гат̇знд̇аа сад̣̇осамзва гат̇ам̣ гат̇знд̇и абан̣д̣ид̇абхаавад̇о. д̇знзвааха ‘‘д̣̇уб̣бхаасид̇абхаасий’’д̇и. д̇асмаа зласаб̣бхаавад̇о злам̣ мукам̣ зд̇зсанд̇и зламууг̇аад̇и вуд̇д̇аад̇и звамби ваа зд̇т̇а ад̇т̇о д̣̇адтаб̣б̣о. яааяа бан̃н̃ааяа васзна ‘‘бан̃н̃аасамбанно’’д̇и вуд̇д̇ам̣, д̇ам̣ б̣яад̇ирзгамукзна д̣̇ассзд̇ум̣ ‘‘но жа ко’’д̇иаад̣̇и вуд̇д̇ам̣. нану жа б̣од̇хисад̇д̇аа б̣ахулавибассанаабан̃н̃ааяа саманнааг̇ад̇аа хонд̇ийд̇и? хонд̇и, д̇ад̣̇аа бана б̣од̇хисад̇д̇зна на вибассанаарамбхо гад̇о, но жа вибассанаабан̃н̃аа ад̇хиббзд̇аад̇и вуд̇д̇ам̣ ‘‘но жа ко вибассанаабан̃н̃ааяаа’’д̇и.

    48.Duppaññāti ettha du-saddo ‘‘dussīlo’’tiādīsu viya abhāvattho, na ‘‘duggati, duppaṭipanno’’tiādīsu viya garahatthoti dassetuṃ ‘‘nippaññānametaṃ adhivacana’’nti vatvā ‘‘paññā pana duṭṭhā nāma natthī’’ti vuttaṃ. Teti duppaññā. Sabbatthāti catūsupi pāṭhavikappesu. Elanti vā doso vuccati. Tenāha ‘‘yā sā vācā nelā kaṇṇasukhā’’ti. Tathā hi sīlaṃ ‘‘nelaṅga’’nti vuttaṃ. Duppaññā ca kathentā sadosameva kathaṃ kathenti apaṇḍitabhāvato. Tenevāha ‘‘dubbhāsitabhāsī’’ti. Tasmā elasabbhāvato elaṃ mukhaṃ etesanti elamūgāti vuttāti evampi vā ettha attho daṭṭhabbo. Yāya paññāya vasena ‘‘paññāsampanno’’ti vuttaṃ, taṃ byatirekamukhena dassetuṃ ‘‘no ca kho’’tiādi vuttaṃ. Nanu ca bodhisattā bahulavipassanāpaññāya samannāgatā hontīti? Honti, tadā pana bodhisattena na vipassanārambho kato, no ca vipassanāpaññā adhippetāti vuttaṃ ‘‘no ca kho vipassanāpaññāyā’’ti.

    гзжи банзд̇т̇а ‘‘сад̣̇д̇хаавирахид̇аа абарисуд̣̇д̇хагааяагамманд̇аад̣̇аяо вияа бхаяабхзраваавхааяанасса висзсагааран̣ам̣, нааби сад̣̇д̇хаалуд̇аа балломад̇ааяаад̇и сад̣̇д̇хаавааро ануд̣̇д̇хадо’’д̇и вад̣̇анд̇и, д̇ам̣ агааран̣ам̣. гаммапалз хи сад̣̇д̣̇аханд̇о гаммабадисаран̣ад̇ам̣язва ниссааяа бхаяабхзравам̣ д̇ин̣ааяаби аман̃н̃амаано балломад̇амаабаж̇ж̇зяяа. яасмаа бана вийрияаад̣̇аяо сад̣̇д̇хааяа винаа наббавад̇д̇анд̇ийд̇и д̇зсам̣ убаниссаяабхууд̇аа сахаж̇аад̇аа жа саа д̇аг̇г̇ахан̣знзва г̇ахид̇аа ход̇ийд̇и висум̣ на уд̣̇д̇хадаа. д̇ат̇аа хи саа жхаанасса буб̣б̣абхааг̇абадибад̣̇ааяамби на уд̣̇д̇хадаа, гим̣ ваа зд̇ааяа сад̣̇д̇хааяа, ад̣̇д̇хаа саа имасмим̣ аарамман̣абариг̇г̇ахадтаанз на г̇ахзд̇аб̣б̣аава, д̇ад̇о д̇хаммассааминаа ид̇ха на уд̣̇д̇хадаа, звам̣ ан̃н̃зсуби зд̣̇исзсу таанзсу нижчаяо гаад̇аб̣б̣о. яат̇аануломад̣̇зсанаа хи суд̇д̇анд̇агат̇аад̇и.

    Keci panettha ‘‘saddhāvirahitā aparisuddhakāyakammantādayo viya bhayabheravāvhāyanassa visesakāraṇaṃ, nāpi saddhālutā pallomatāyāti saddhāvāro anuddhaṭo’’ti vadanti, taṃ akāraṇaṃ. Kammaphale hi saddahanto kammapaṭisaraṇataṃyeva nissāya bhayabheravaṃ tiṇāyapi amaññamāno pallomatamāpajjeyya. Yasmā pana vīriyādayo saddhāya vinā nappavattantīti tesaṃ upanissayabhūtā sahajātā ca sā taggahaṇeneva gahitā hotīti visuṃ na uddhaṭā. Tathā hi sā jhānassa pubbabhāgapaṭipadāyampi na uddhaṭā, kiṃ vā etāya saddhāya, addhā sā imasmiṃ ārammaṇapariggahaṭṭhāne na gahetabbāva, tato dhammassāminā idha na uddhaṭā, evaṃ aññesupi edisesu ṭhānesu nicchayo kātabbo. Yathānulomadesanā hi suttantakathāti.

    важийгамманд̇аваараад̣̇игат̇ааван̣н̣анаа нидтид̇аа.

    Vacīkammantavārādikathāvaṇṇanā niṭṭhitā.

    сол̣асадтаанаарамман̣абариг̇г̇ахо нидтид̇о.

    Soḷasaṭṭhānārammaṇapariggaho niṭṭhito.

    бхаяабхзравасзнаасанаад̣̇иван̣н̣анаа

    Bhayabheravasenāsanādivaṇṇanā

    49. сол̣асаарамман̣аанийд̇и сол̣асадтаанаани аарамман̣аани. зваруубаасу рад̇д̇ийсууд̇и жаад̇уд̣̇д̣̇асийаад̣̇игаа убари вагкамаанаа рад̇д̇ияо санд̇хааяа вад̣̇ад̇и . зваруубз сзнаасанзд̇и зд̇т̇ааби зсзва наяо. яаад̇и анияамад̇о уд̣̇д̣̇идтаанам̣ буна ‘‘д̇аа’’д̇и важанам̣ нид̣̇д̣̇зсо вияа ход̇ийд̇и вуд̇д̇ам̣ ‘‘яаа д̇аад̇и убхаяамзд̇ам̣ рад̇д̇ийнам̣язва уд̣̇д̣̇зсанид̣̇д̣̇зсаважана’’нд̇и. абхийд̇и лагкан̣ад̇т̇з ‘‘ан̃н̃з жа абхин̃н̃аад̇аа б̣раахман̣амахаасаалаа’’д̇иаад̣̇ийсу вияа. гат̇ам̣ банзд̇т̇а лагкан̣ад̇т̇ад̇аа взд̣̇ид̇аб̣б̣аа? лагкийяад̇и зд̇знаад̇и лагкан̣анд̇и ааха ‘‘жанд̣̇абаарибуурияаа’’д̇иаад̣̇и. бун̣н̣амаасияам̣ жанд̣̇абаарибуурияаа амааваасияам̣ жанд̣̇абаригкаязна. аад̣̇и-сад̣̇д̣̇зна жанд̣̇асса убад̣дхаман̣д̣алад̇аараахуг̇г̇ахад̇аад̣̇ийнам̣ сан̇г̇ахо д̣̇адтаб̣б̣о. убасаг̇г̇амад̇д̇амзва абхи-сад̣̇д̣̇о лагкид̇асад̣̇д̣̇знзва лагкан̣ад̇т̇асса вин̃н̃ааяамаанад̇д̇аад̇и ад̇хиббааяо.

    49.Soḷasārammaṇānīti soḷasaṭṭhānāni ārammaṇāni. Evarūpāsu rattīsūti cātuddasīādikā upari vakkhamānā rattiyo sandhāya vadati . Evarūpe senāsaneti etthāpi eseva nayo. Yāti aniyamato uddiṭṭhānaṃ puna ‘‘tā’’ti vacanaṃ niddeso viya hotīti vuttaṃ ‘‘yā tāti ubhayametaṃ rattīnaṃyeva uddesaniddesavacana’’nti. Abhīti lakkhaṇatthe ‘‘aññe ca abhiññātā brāhmaṇamahāsālā’’tiādīsu viya. Kathaṃ panettha lakkhaṇatthatā veditabbā? Lakkhīyati etenāti lakkhaṇanti āha ‘‘candapāripūriyā’’tiādi. Puṇṇamāsiyaṃ candapāripūriyā amāvāsiyaṃ candaparikkhayena. Ādi-saddena candassa upaḍḍhamaṇḍalatārāhuggahatādīnaṃ saṅgaho daṭṭhabbo. Upasaggamattameva abhi-saddo lakkhitasaddeneva lakkhaṇatthassa viññāyamānattāti adhippāyo.

    батамад̣̇ивасад̇о бабхуд̇ийд̇и батамабаадибад̣̇ад̣̇ивасад̇о бадтааяа. яасмаа жод̣̇аго бхаг̇авад̇о гаалз анабхилагкид̇ааби абарабхааг̇з абхилагкид̇аа ж̇аад̇аа, д̇асмаа д̇ам̣ абхилагкан̣ийяад̇ам̣ убаад̣̇ааяа ‘‘саб̣б̣ад̣̇ассинаа бхаг̇авад̇аа бан̃жамий гасмаа на г̇ахид̇аа’’д̇и жод̣̇зд̇и, ид̇аро саб̣б̣агаалигаасу жаад̇уд̣̇д̣̇асийаад̣̇ийсу г̇аяхамаанаасу асаб̣б̣агаалигааяа гат̇ам̣ г̇ахан̣анд̇и ад̇хиббааязна ‘‘асаб̣б̣агаалигад̇д̇аа’’д̇и барихарад̇и.

    Paṭhamadivasato pabhutīti paṭhamapāṭipadadivasato paṭṭhāya. Yasmā codako bhagavato kāle anabhilakkhitāpi aparabhāge abhilakkhitā jātā, tasmā taṃ abhilakkhaṇīyataṃ upādāya ‘‘sabbadassinā bhagavatā pañcamī kasmā na gahitā’’ti codeti, itaro sabbakālikāsu cātuddasīādīsu gayhamānāsu asabbakālikāya kathaṃ gahaṇanti adhippāyena ‘‘asabbakālikattā’’ti pariharati.

    д̇ат̇аавид̇хаасууд̇и ‘‘абхин̃н̃аад̇аа’’д̇иаад̣̇инаа яат̇аа вуд̇д̇аа, д̇ат̇аавид̇хаасу. д̣̇звад̇аад̇хидтид̇абхаавзна аараамаад̣̇ийнам̣ логасса жзд̇ияабхаавод̇и ааха ‘‘бууж̇анийяадтзнаа’’д̇и. мануссаа язбхуяязна г̇аамаад̣̇ийнам̣ д̣̇ваарзсу д̇ат̇ааруубз ругкз жзд̇ияадтаанияз гад̇ваа вохаранд̇ийд̇и ааха ‘‘г̇ааманиг̇амаад̣̇ид̣̇ваарзсуу’’д̇иаад̣̇и. д̣̇ассанамад̇д̇знаби саванамад̇д̇знаби бхаяуббаад̣̇анзна баагад̇игасад̇д̇з бхим̣сзнд̇ийд̇и бхим̣санагаани. д̇знааха ‘‘бхаяаж̇анагааний’’д̇иаад̣̇и. бхааяад̇и зд̇асмаад̇и бхаяам̣, ад̇ивияа саббадибхаяам̣ бхзравам̣.

    Tathāvidhāsūti ‘‘abhiññātā’’tiādinā yathā vuttā, tathāvidhāsu. Devatādhiṭṭhitabhāvena ārāmādīnaṃ lokassa cetiyabhāvoti āha ‘‘pūjanīyaṭṭhenā’’ti. Manussā yebhuyyena gāmādīnaṃ dvāresu tathārūpe rukkhe cetiyaṭṭhāniye katvā voharantīti āha ‘‘gāmanigamādidvāresū’’tiādi. Dassanamattenapi savanamattenapi bhayuppādanena pākatikasatte bhiṃsentīti bhiṃsanakāni. Tenāha ‘‘bhayajanakānī’’tiādi. Bhāyati etasmāti bhayaṃ, ativiya sappaṭibhayaṃ bheravaṃ.

    ааяаажанаубахаарагаран̣аараханд̇и д̇ам̣д̇ам̣б̣алигаммабан̣ид̇хигаммагаран̣аяог̇г̇ам̣. бубпад̇хууба…бз… д̇харан̣ид̇аланд̇и ид̣̇ам̣ яат̇аабадисууд̇зна суббаад̣̇инаа убахаарагаран̣ад̣̇ассанам̣. годдзнд̇од̇и бахаранд̇о, син̇г̇аббахааракураббахаарзхи сад̣̇д̣̇ам̣ гаронд̇од̇и ад̇хиббааяо. саб̣б̣ажад̇уббад̣̇аанам̣ ид̇ха маг̇од̇и наамам̣, на ‘‘ажчажаммам̣ миг̇ажаммам̣ зл̣агажамма’’нд̇иаад̣̇ийсу (махаава. 259) вияа, рохид̇од̇иаад̣̇и миг̇ависзсаананд̇и ад̇хиббааяо. жаалзд̇ваад̇и аг̇г̇амад̣̇д̣̇анзна жаалзд̇ваа. мораг̇г̇ахан̣ан̃жзд̇т̇а убалагкан̣анд̇и д̣̇ассзнд̇о ааха ‘‘ид̇ха саб̣б̣абагкиг̇ахан̣ам̣ ад̇хиббзд̇а’’нд̇и. зса наяод̇и ид̣̇ам̣ яат̇аа ‘‘моро ваа’’д̇и зд̇т̇а ваа-сад̣̇д̣̇о авуд̇д̇авигаббанад̇т̇о, звам̣ ‘‘миг̇о ваа’’д̇и зд̇т̇аабийд̇и миг̇асад̣̇д̣̇асса висзсад̇т̇авуд̇д̇ид̇ам̣ санд̇хааяааха. ид̇о бабхууд̇ийд̇и ‘‘яам̣нуунаахам̣ яаа д̇аа рад̇д̇ияо’’д̇иаад̣̇инаа бхаяабхзравасса г̇авзсанажинд̇анад̇о бабхуд̇и, на г̇авзсанаарамбхад̇о бабхуд̇и. ‘‘аббзва наамаахам̣ бхаяабхзравам̣ бассзяяа’’нд̇и зд̇т̇ааби хи аарамман̣амзва бхаяабхзравам̣. сукаарамман̣ам̣ руубам̣ сукамива ‘‘руубам̣ сукам̣ сукаанубад̇ид̇ам̣ сукаавагганд̇а’’нд̇иаад̣̇ийсу (сам̣. ни. 3.60). гат̇ам̣ бхаяаг̇г̇ахан̣зна жа руубаарамман̣аг̇г̇ахан̣анд̇и ааха ‘‘барид̇д̇асса жаа’’д̇иаад̣̇и. ‘‘ааг̇ажчад̇ий’’д̇и важанад̇о г̇авзсанаарамбхад̇о бабхуд̇и ‘‘зд̇ам̣ бхаяа’’нд̇и аарамман̣ам̣ ад̇хиббзд̇анд̇и гзжи ‘‘д̇ам̣ на бассзяяа’’нд̇и жагкунаа д̣̇ассанасса ад̇хиббзд̇ад̇д̇аа, д̇асмаа вуд̇д̇анаязнзва ад̇т̇о г̇ахзд̇аб̣б̣о. бхаяам̣ ааган̇камаанод̇и убабаригканавасзна ахам̣ бхаяавад̇т̇ум̣ ааган̇канд̇о вихараами, д̇ам̣ гимад̇т̇ияам̣, зд̇д̇агоби бхаяасаманнаахааро маяхам̣ аяуд̇д̇од̇и ад̇хиббааяо.

    Āyācanaupahārakaraṇārahanti taṃtaṃbalikammapaṇidhikammakaraṇayoggaṃ. Pupphadhūpa…pe… dharaṇitalanti idaṃ yathāpaṭisūtena suppādinā upahārakaraṇadassanaṃ. Koṭṭentoti paharanto, siṅgappahārakhurappahārehi saddaṃ karontoti adhippāyo. Sabbacatuppadānaṃ idha magoti nāmaṃ, na ‘‘acchacammaṃ migacammaṃ eḷakacamma’’ntiādīsu (mahāva. 259) viya, rohitotiādi migavisesānanti adhippāyo. Cāletvāti aggamaddanena cāletvā. Moraggahaṇañcettha upalakkhaṇanti dassento āha ‘‘idha sabbapakkhigahaṇaṃ adhippeta’’nti. Esa nayoti idaṃ yathā ‘‘moro vā’’ti ettha vā-saddo avuttavikappanattho, evaṃ ‘‘migo vā’’ti etthāpīti migasaddassa visesatthavuttitaṃ sandhāyāha. Ito pabhūtīti ‘‘yaṃnūnāhaṃ yā tā rattiyo’’tiādinā bhayabheravassa gavesanacintanato pabhuti, na gavesanārambhato pabhuti. ‘‘Appeva nāmāhaṃ bhayabheravaṃ passeyya’’nti etthāpi hi ārammaṇameva bhayabheravaṃ. Sukhārammaṇaṃ rūpaṃ sukhamiva ‘‘rūpaṃ sukhaṃ sukhānupatitaṃ sukhāvakkanta’’ntiādīsu (saṃ. ni. 3.60). Kathaṃ bhayaggahaṇena ca rūpārammaṇaggahaṇanti āha ‘‘parittassa cā’’tiādi. ‘‘Āgacchatī’’ti vacanato gavesanārambhato pabhuti ‘‘etaṃ bhaya’’nti ārammaṇaṃ adhippetanti keci ‘‘taṃ na passeyya’’nti cakkhunā dassanassa adhippetattā, tasmā vuttanayeneva attho gahetabbo. Bhayaṃ ākaṅkhamānoti upaparikkhanavasena ahaṃ bhayavatthuṃ ākaṅkhanto viharāmi, taṃ kimatthiyaṃ, ettakopi bhayasamannāhāro mayhaṃ ayuttoti adhippāyo.

    яам̣ багаарам̣ бхууд̇о яат̇аабхууд̇о, со банзд̇т̇а багааро ирияаабат̇авасзна яуд̇д̇о баал̣ияам̣ д̇ат̇аа ааг̇ад̇ад̇д̇аад̇и ааха ‘‘язна язна ирияаабат̇зна бхууд̇ассаа’’д̇и. бхавид̇ассаад̇и ид̣̇ам̣ ‘‘бхууд̇ассаа’’д̇и иминаа самаанад̇т̇ам̣ бад̣̇анд̇и д̣̇адтаб̣б̣ам̣. ‘‘саман̇г̇ийбхууд̇ассаа’’д̇и бад̣̇ам̣ буримабад̣̇алобзна бхууд̇ассаад̇и вуд̇д̇анд̇и д̣̇ассзнд̇о ‘‘саман̇г̇ийбхууд̇асса ваа’’д̇и ааха. бхаяабхзраваарамман̣зд̇и бхаяабхзраваабхимад̇з аарамман̣з. нзва махаасад̇д̇о д̇идтад̇ийд̇иаад̣̇и ‘‘д̇ат̇аабхууд̇о жа д̇ам̣ бадивинзяяа’’нд̇и яат̇аа жинд̇ид̇ам̣, д̇ат̇аа бадибаннабхаавад̣̇ассанам̣. ирияаабат̇абадибаади наама таанаг̇амананисаж̇ж̇аанибаж̇ж̇аад̇и вад̣̇анд̇и, уббадибаади бана батамам̣ нибаж̇ж̇аа, буна нисаж̇ж̇аа, буна таанам̣, бажчаа г̇амананд̇и звам̣ взд̣̇ид̇аб̣б̣аа. аасаннабадибаадияаад̇и г̇аманасса д̇аава таанам̣ аасаннам̣, таанасса нисаж̇ж̇аа г̇аманан̃жа, нисаж̇ж̇ааяа нибаж̇ж̇аа таанан̃жа, нибаж̇ж̇ааяа нисаж̇ж̇аа аасаннаа. ид̇ха бана г̇аманасса таанам̣, таанасса жа г̇аманам̣, нисаж̇ж̇ааяа жа нибаж̇ж̇аа, нибаж̇ж̇ааяа жа нисаж̇ж̇аа аасаннабхаавзна г̇ахид̇аа, ид̇арз барамбараавасзнаад̇и взд̣̇ид̇аб̣б̣аа. бхигкусса бана ирияаабат̇аа самбад̇д̇абадибаадияаа вияа абараабаруббад̇д̇ивасзна вужжанд̇и.

    Yaṃ pakāraṃ bhūto yathābhūto, so panettha pakāro iriyāpathavasena yutto pāḷiyaṃ tathā āgatattāti āha ‘‘yena yena iriyāpathena bhūtassā’’ti. Bhavitassāti idaṃ ‘‘bhūtassā’’ti iminā samānatthaṃ padanti daṭṭhabbaṃ. ‘‘Samaṅgībhūtassā’’ti padaṃ purimapadalopena bhūtassāti vuttanti dassento ‘‘samaṅgībhūtassa vā’’ti āha. Bhayabheravārammaṇeti bhayabheravābhimate ārammaṇe. Neva mahāsatto tiṭṭhatītiādi ‘‘tathābhūto ca taṃ paṭivineyya’’nti yathā cintitaṃ, tathā paṭipannabhāvadassanaṃ. Iriyāpathapaṭipāṭi nāma ṭhānagamananisajjānipajjāti vadanti, uppaṭipāṭi pana paṭhamaṃ nipajjā, puna nisajjā, puna ṭhānaṃ, pacchā gamananti evaṃ veditabbā. Āsannapaṭipāṭiyāti gamanassa tāva ṭhānaṃ āsannaṃ, ṭhānassa nisajjā gamanañca, nisajjāya nipajjā ṭhānañca, nipajjāya nisajjā āsannā. Idha pana gamanassa ṭhānaṃ, ṭhānassa ca gamanaṃ, nisajjāya ca nipajjā, nipajjāya ca nisajjā āsannabhāvena gahitā, itare paramparāvasenāti veditabbā. Bhikkhussa pana iriyāpathā sampattapaṭipāṭiyā viya aparāparuppattivasena vuccanti.

    бхаяабхзравасзнаасанаад̣̇иван̣н̣анаа нидтид̇аа.

    Bhayabheravasenāsanādivaṇṇanā niṭṭhitā.

    асаммохавихаараван̣н̣анаа

    Asammohavihāravaṇṇanā

    50. аяан̃жа мз саб̣б̣асо бхаяабхзраваабхааво висзсад̇о асаммохад̇хаммад̇д̇аад̇и д̣̇ассзд̇ум̣ ‘‘санд̇и ко банаа’’д̇иаад̣̇инаа убари д̣̇зсанаа вад̣дхид̇аад̇и аяам̣ ваа зд̇т̇а анусанд̇хи. жхааяийнам̣ саммохадтаанзсууд̇и иминаа аж̇жхааяийнам̣ саммохадтаанзсу вад̇д̇аб̣б̣амзва над̇т̇ийд̇и д̣̇ассзд̇и. ад̇т̇ийд̇и ид̣̇ам̣ нибаад̇абад̣̇ам̣ бут̇уважанамби ход̇и ‘‘ад̇т̇и имасмим̣ гааяз гзсаа’’д̇иаад̣̇ийсу (д̣̇ий. ни. 2.373-374; ма. ни. 1.110; 3.154; сам̣. ни. 4.127; ку. баа. 3.д̣̇вад̇им̣саагаара) вияаад̇и ‘‘санд̇ий’’д̇и бад̣̇асса ад̇т̇ад̣̇ассанавасзна вуд̇д̇ам̣. гим̣ кан̣ад̇д̇аяасаман̇г̇ид̇ааяа д̇з ад̇т̇и, нод̇и ааха ‘‘сам̣виж̇ж̇анд̇и убалаб̣бханд̇ий’’д̇и, махад̇и логасанниваасз зд̣̇исааби сам̣виж̇ж̇анд̇и н̃аан̣зна г̇ахзд̇аб̣б̣ад̇ааяа убалаб̣бханд̇ийд̇и. од̣̇аад̇агасин̣алаабхийд̇и аббамаан̣аод̣̇аад̇агасин̣алаабхий. звам̣ хисса саманд̇ад̇о аалого вияа убадтаад̇и. баригамманд̇и самаабад̇д̇ибуб̣б̣абхааг̇амааха. зд̇д̇агам̣ суурияз г̇ад̇з вудтахаамийд̇и, но жа ко ад̣̇д̇хаанабарижчзд̣̇з гусало ход̇и, гзвалам̣ ‘‘д̣̇иваа зва вудтахаамий’’д̇и манасигаарам̣ уббаад̣̇зси. висад̣̇ам̣ ход̇и саб̣б̣ам̣ аарамман̣аж̇аад̇ам̣, д̣̇иб̣б̣ажагкунаа бассанд̇асса вияа вибхууд̇ам̣. ависад̣̇анд̇и зд̇т̇а вуд̇д̇авибарияааязна ад̇т̇о взд̣̇ид̇аб̣б̣о. звам̣сан̃н̃инод̇и рад̇д̇им̣ ‘‘д̣̇иваа’’д̇и, д̣̇иваа жа ‘‘рад̇д̇ий’’д̇и звам̣сан̃н̃ино.

    50. Ayañca me sabbaso bhayabheravābhāvo visesato asammohadhammattāti dassetuṃ ‘‘santikho panā’’tiādinā upari desanā vaḍḍhitāti ayaṃ vā ettha anusandhi. Jhāyīnaṃ sammohaṭṭhānesūti iminā ajjhāyīnaṃ sammohaṭṭhānesu vattabbameva natthīti dasseti. Atthīti idaṃ nipātapadaṃ puthuvacanampi hoti ‘‘atthi imasmiṃ kāye kesā’’tiādīsu (dī. ni. 2.373-374; ma. ni. 1.110; 3.154; saṃ. ni. 4.127; khu. pā. 3.dvatiṃsākāra) viyāti ‘‘santī’’ti padassa atthadassanavasena vuttaṃ. Kiṃ khaṇattayasamaṅgitāya te atthi, noti āha ‘‘saṃvijjanti upalabbhantī’’ti, mahati lokasannivāse edisāpi saṃvijjanti ñāṇena gahetabbatāya upalabbhantīti. Odātakasiṇalābhīti appamāṇaodātakasiṇalābhī. Evaṃ hissa samantato āloko viya upaṭṭhāti. Parikammanti samāpattipubbabhāgamāha. Ettakaṃ sūriye gate vuṭṭhahāmīti,no ca kho addhānaparicchede kusalo hoti, kevalaṃ ‘‘divā eva vuṭṭhahāmī’’ti manasikāraṃ uppādesi. Visadaṃ hoti sabbaṃ ārammaṇajātaṃ, dibbacakkhunā passantassa viya vibhūtaṃ. Avisadanti ettha vuttavipariyāyena attho veditabbo. Evaṃsaññinoti rattiṃ ‘‘divā’’ti, divā ca ‘‘rattī’’ti evaṃsaññino.

    анд̇осзнаасанз рад̇д̇им̣ нисинно ход̇ийд̇и рад̇д̇и-сад̣̇д̣̇о аж̇жхаахарид̇аб̣б̣о. барид̇д̇аасанаад̣̇ийхи, ан̃н̃зхи ваа гааран̣зхи. г̇амбхийрааяа бхуумиг̇аб̣бхасад̣̇исааяа гханаванабадижчаннааяа б̣ахалад̇араж̇аалаванабадалабадижчаннааяа. анд̇арахид̇асуурияаалогз гаалзд̇и зд̇знзва д̣̇иваад̇и авуд̇д̇асид̣̇д̇хо. саммохавихааро наама б̣ахувид̇ход̇и ааха ‘‘саммохавихаараанам̣ ан̃н̃ад̇ара’’нд̇и.

    Antosenāsane rattiṃ nisinno hotīti ratti-saddo ajjhāharitabbo. Parittāsanādīhi, aññehi vā kāraṇehi. Gambhīrāya bhūmigabbhasadisāya ghanavanapaṭicchannāya bahalatarajālavanapaṭalapaṭicchannāya. Antarahitasūriyāloke kāleti eteneva divāti avuttasiddho. Sammohavihāro nāma bahuvidhoti āha ‘‘sammohavihārānaṃ aññatara’’nti.

    баагадо б̣од̇хисад̇д̇асса рад̇д̇инд̣̇ивабарижчзд̣̇о анд̇амасо лавад̇удикан̣ассаби убаад̣̇ааяа сувавад̇т̇ид̇ад̇д̇аа, д̇ат̇аа рад̇д̇ид̣̇ивасагодтаасабарижчзд̣̇о ад̇д̇анаа гаад̇аб̣б̣агижжавасзна гаалан̃аан̣авасзна жа.

    Pākaṭo bodhisattassa rattindivaparicchedo antamaso lavatuṭikhaṇassapi upādāya suvavatthitattā, tathā rattidivasakoṭṭhāsaparicchedo attanā kātabbakiccavasena kālañāṇavasena ca.

    гаалат̇амбхз лад̣̇д̇хаб̣б̣ачааяаавасзна д̣̇ван̇г̇улагаалз. яаамагхан̣дигам̣ бахарад̇и сан̇гхасса д̇ам̣д̇ам̣вад̇д̇агаран̣ад̇т̇ам̣. муг̇г̇аранд̇и гхан̣дигаббахаран̣амуг̇г̇арам̣. яаамаяанд̇ам̣ бад̇ад̇и ан̃н̃зхи бхигкуухи яож̇ид̇анд̇и ад̇хиббааяо. яаава ан̃н̃з бхигкуу бхож̇анасаалам̣ убаг̇ажчанд̇и, д̇аава д̣̇иваавихаарадтаанам̣ г̇анд̇ваа саман̣ад̇хаммам̣ гарод̇и.

    Kālathambhe laddhabbachāyāvasena dvaṅgulakāle. Yāmaghaṇṭikaṃ paharati saṅghassa taṃtaṃvattakaraṇatthaṃ. Muggaranti ghaṇṭikappaharaṇamuggaraṃ. Yāmayantaṃ patati aññehi bhikkhūhi yojitanti adhippāyo. Yāva aññe bhikkhū bhojanasālaṃ upagacchanti, tāva divāvihāraṭṭhānaṃ gantvā samaṇadhammaṃ karoti.

    яам̣ ко д̇анд̇и зд̇т̇а яанд̇и анияамуд̣̇д̣̇зсо, код̇и авад̇хааран̣з, яамзва буг̇г̇аланд̇и ад̇т̇о. д̇анд̇и вужжамаанаагаараважанам̣. мамзваад̇и мам̣ зва. асаммохасабхаавод̇и сабхаавабхууд̇аасаммохо. ‘‘уббанно’’д̇и вуд̇д̇ад̇д̇аа ‘‘мануссалогз’’д̇и вуд̇д̇ам̣. бан̃н̃аасамбад̇д̇ияаад̇и яаат̇аавад̇о хид̇асса ж̇аананасамад̇т̇зна ад̇д̇ано бан̃н̃ааг̇ун̣зна, на гзвалам̣ аж̇жхаасаязнзва хид̇зсид̇аа, ат̇а ко баяог̇знаад̇и д̣̇ассзнд̇о ‘‘хид̇уубад̣̇зсаго’’д̇и ааха. аж̇жхаасаязна бана хид̇зсид̇аа ‘‘логаанугамбааяаа’’д̇и иминаа д̣̇ассид̇аа. убагаран̣зхи винаа на гад̣̇аажи бхог̇асукам̣ убагаран̣ад̣̇аанан̃жа жааг̇асамбад̇д̇ихзд̇уганд̇и ааха ‘‘жааг̇асамбад̇д̇ияаа…бз… д̣̇ааяаго’’д̇и. мзд̇д̇аасамбад̇д̇ияаа хид̇уубасам̣хаарзна рагкид̇аа. гарун̣аасамбад̇д̇ияаа д̣̇угкаабанаяанзна г̇обааяид̇аа. нану жа буб̣б̣зби вуд̇д̇ам̣ ‘‘хид̇ааяа сукааяаа’’д̇и, ат̇а гасмаа буна д̇ам̣ г̇ахид̇анд̇и жод̣̇анам̣ санд̇хааяааха ‘‘ид̇ха д̣̇звамануссаг̇г̇ахан̣знаа’’д̇иаад̣̇и. д̇зна буб̣б̣з ависзсад̇о хид̇аад̣̇ийни д̣̇ассид̇аани, ид̣̇аани висзсад̇о саха баяож̇анзна д̇аани д̣̇ассид̇аанийд̇и д̣̇ийбзд̇и. ниб̣б̣аанад̇о баро барамо ад̇т̇о наама над̇т̇ийд̇и ааха ‘‘барамад̇т̇ад̇д̇ааяаа’’д̇и. хинод̇и ниб̣б̣аанам̣ г̇ажчад̇ийд̇и хид̇ам̣, маг̇г̇о. уггам̣сад̇о сукад̇т̇ам̣ арияапаланд̇и ааха ‘‘д̇ад̇о уд̇д̇ари сукаабхаавад̇о’’д̇и.

    Yaṃ kho tanti ettha yanti aniyamuddeso, khoti avadhāraṇe, yameva puggalanti attho. Tanti vuccamānākāravacanaṃ. Mamevāti maṃ eva. Asammohasabhāvoti sabhāvabhūtaasammoho. ‘‘Uppanno’’ti vuttattā ‘‘manussaloke’’ti vuttaṃ. Paññāsampattiyāti yāthāvato hitassa jānanasamatthena attano paññāguṇena, na kevalaṃ ajjhāsayeneva hitesitā, atha kho payogenāti dassento ‘‘hitūpadesako’’ti āha. Ajjhāsayena pana hitesitā ‘‘lokānukampāyā’’ti iminā dassitā. Upakaraṇehi vinā na kadāci bhogasukhaṃ upakaraṇadānañca cāgasampattihetukanti āha ‘‘cāgasampattiyā…pe… dāyako’’ti. Mettāsampattiyā hitūpasaṃhārena rakkhitā. Karuṇāsampattiyā dukkhāpanayanena gopāyitā. Nanu ca pubbepi vuttaṃ ‘‘hitāya sukhāyā’’ti, atha kasmā puna taṃ gahitanti codanaṃ sandhāyāha ‘‘idha devamanussaggahaṇenā’’tiādi. Tena pubbe avisesato hitādīni dassitāni, idāni visesato saha payojanena tāni dassitānīti dīpeti. Nibbānato paro paramo attho nāma natthīti āha ‘‘paramatthattāyā’’ti. Hinoti nibbānaṃ gacchatīti hitaṃ, maggo. Ukkaṃsato sukhatthaṃ ariyaphalanti āha ‘‘tato uttari sukhābhāvato’’ti.

    асаммохавихаараван̣н̣анаа нидтид̇аа.

    Asammohavihāravaṇṇanā niṭṭhitā.

    буб̣б̣абхааг̇абадибад̣̇аад̣̇иван̣н̣анаа

    Pubbabhāgapaṭipadādivaṇṇanā

    51. асаммохавихааранд̇и асаммохавуд̇д̇им̣, асаммохасамб̣од̇хинд̇и ваа ад̇т̇о. д̇анд̇и самат̇авибассанаабхааванаасан̇каад̇ам̣ бадибад̣̇ам̣. буб̣б̣абхааг̇ад̇о бабхуд̇ийд̇и бхааванааяа буб̣б̣абхааг̇авийрияаарамбхаад̣̇ид̇о бадтааяа. гзжийд̇и уд̇д̇аравихаараваасино.

    51.Asammohavihāranti asammohavuttiṃ, asammohasambodhinti vā attho. Tanti samathavipassanābhāvanāsaṅkhātaṃ paṭipadaṃ. Pubbabhāgato pabhutīti bhāvanāya pubbabhāgavīriyārambhādito paṭṭhāya. Kecīti uttaravihāravāsino.

    б̣од̇химан̣д̣зд̇и (саарад̇т̇а. дий. 1.11.взран̃ж̇аган̣д̣аван̣н̣анаа; а. ни. дий. 3.8.11) б̣од̇хисан̇каад̇асса н̃аан̣асса ман̣д̣абхааваббад̇д̇з таанз. жад̇уран̇г̇анд̇и ‘‘гаамам̣ д̇ажо жа нхаару жа, адти жа авасиссад̇уу’’д̇иаад̣̇инаа (ма. ни. 2.184; сам̣. ни. 2.237; а. ни. 2.5; 8.13; махаани. 17, 196) вуд̇д̇ажад̇уран̇г̇асаманнааг̇ад̇ам̣. баг̇г̇ахид̇анд̇и аарамбхам̣ сит̇илам̣ агад̇ваа д̣̇ал̣хабараггамасан̇каад̇уссаханабхаавзна г̇ахид̇ам̣. д̇знааха ‘‘асит̇илаббавад̇д̇ид̇анд̇и вуд̇д̇ам̣ ход̇ий’’д̇и. асаллийнанд̇и асан̇гужид̇ам̣ госаж̇ж̇авасзна сан̇гожам̣ анаабаннам̣.

    Bodhimaṇḍeti (sārattha. ṭī. 1.11.verañjakaṇḍavaṇṇanā; a. ni. ṭī. 3.8.11) bodhisaṅkhātassa ñāṇassa maṇḍabhāvappatte ṭhāne. Caturaṅganti ‘‘kāmaṃ taco ca nhāru ca, aṭṭhi ca avasissatū’’tiādinā (ma. ni. 2.184; saṃ. ni. 2.237; a. ni. 2.5; 8.13; mahāni. 17, 196) vuttacaturaṅgasamannāgataṃ. Paggahitanti ārambhaṃ sithilaṃ akatvā daḷhaparakkamasaṅkhātussahanabhāvena gahitaṃ. Tenāha ‘‘asithilappavattitanti vuttaṃ hotī’’ti. Asallīnanti asaṅkucitaṃ kosajjavasena saṅkocaṃ anāpannaṃ.

    убадтид̇аад̇и ог̇ааханасан̇каад̇зна абилаабанабхаавзна аарамман̣ам̣ убаг̇анд̇ваа тид̇аа. д̇знааха ‘‘аарамман̣аабхимукийбхаавзнаа’’д̇и. саммосасса вид̣̇д̇хам̣санавасзна бавад̇д̇ияаа на саммудтаад̇и асаммудтаа. гин̃жааби жид̇д̇амива жид̇д̇абассад̣̇д̇хивасзна гааяабассад̣̇д̇хивасзнзва гааяо бассад̣̇д̇хо ход̇и, д̇ат̇ааби яасмаа гааяабассад̣̇д̇хи уббаж̇ж̇амаанаа жид̇д̇абассад̣̇д̇хияаа сахзва уббаж̇ж̇ад̇и, на винаа, д̇асмаа вуд̇д̇ам̣ ‘‘гааяажид̇д̇абассад̣̇д̇хисамбхавзнаа’’д̇и . руубагааяоби бассад̣̇д̇хоязва ход̇и гааяабассад̣̇д̇хияаа убхаязсамби гааяаанам̣ бассамбханаавахад̇д̇аа. со жа ко гааяо. виг̇ад̇ад̣̇арат̇од̇и виг̇ад̇агилзсад̣̇арат̇о. наамагааяз хи виг̇ад̇ад̣̇арат̇з руубагааяоби вуубасанд̇ад̣̇арат̇абарил̣аахо ход̇и. саммаа аахид̇анд̇и наанаарамман̣зсу вид̇хааванасан̇каад̇авигкзбам̣ вижчинд̣̇ид̇ваа згасмим̣язва аарамман̣з авигкид̇д̇абхааваабаад̣̇аанзна саммад̣̇зва аахид̇ам̣. д̇знааха ‘‘судту табид̇а’’нд̇иаад̣̇и. жид̇д̇асса анзгаг̇г̇абхааво вигкзбавасзна жан̃жалад̇аа, саа сад̇и згаг̇г̇ад̇ааяа на ход̇ийд̇и ааха ‘‘згаг̇г̇ам̣ ажалам̣ нибпанд̣̇ана’’нд̇и. зд̇д̇аавад̇аад̇и ‘‘аарад̣̇д̇хам̣ ко банаа’’д̇иаад̣̇инаа вийрияасад̇ибассад̣̇д̇хисамаад̇хийнам̣ гижжасид̣̇д̇хид̣̇ассанзна. нану жа сад̣̇д̇хаабан̃н̃аанамби гижжасид̣̇д̇хи жхаанасса буб̣б̣абадибад̣̇ааяа ижчид̇аб̣б̣аад̇и? сажжам̣ ижчид̇аб̣б̣аа, саа бана наананд̇арияабхаавзна авуд̇д̇асид̣̇д̇хаад̇и на г̇ахид̇аа. асад̇и хи сад̣̇д̇хааяа вийрияаарамбхаад̣̇ийнам̣ асамбхавоязва, бан̃н̃аабариг̇г̇ахз жа нзсам̣ асад̇и бан̃н̃ааяаарамбхаад̣̇ибхааво на сияаа. д̇ат̇аа асаллийнаасаммосад̇аад̣̇аяо вийрияаад̣̇ийнанд̇и асаллийнад̇аад̣̇иг̇г̇ахан̣знзвзд̇т̇а бан̃н̃аагижжасид̣̇д̇хи г̇ахид̇аад̇и д̣̇адтаб̣б̣ам̣. жхаанабхааванааяам̣ ваа самаад̇хигижжам̣ ад̇хигам̣ ижчид̇аб̣б̣анд̇и д̣̇ассзд̇ум̣ самаад̇хибарияосаанаава жхаанасса буб̣б̣абадибад̣̇аа гат̇ид̇аад̇и д̣̇адтаб̣б̣ам̣.

    Upaṭṭhitāti ogāhanasaṅkhātena apilāpanabhāvena ārammaṇaṃ upagantvā ṭhitā. Tenāha ‘‘ārammaṇābhimukhībhāvenā’’ti. Sammosassa viddhaṃsanavasena pavattiyā na sammuṭṭhāti asammuṭṭhā. Kiñcāpi cittamiva cittapassaddhivasena kāyapassaddhivaseneva kāyo passaddho hoti, tathāpi yasmā kāyapassaddhi uppajjamānā cittapassaddhiyā saheva uppajjati, na vinā, tasmā vuttaṃ ‘‘kāyacittapassaddhisambhavenā’’ti . Rūpakāyopi passaddhoyeva hoti kāyapassaddhiyā ubhayesampi kāyānaṃ passambhanāvahattā. So ca kho kāyo. Vigatadarathoti vigatakilesadaratho. Nāmakāye hi vigatadarathe rūpakāyopi vūpasantadarathapariḷāho hoti. Sammā āhitanti nānārammaṇesu vidhāvanasaṅkhātavikkhepaṃ vicchinditvā ekasmiṃyeva ārammaṇe avikkhittabhāvāpādānena sammadeva āhitaṃ. Tenāha ‘‘suṭṭhu ṭhapita’’ntiādi. Cittassa anekaggabhāvo vikkhepavasena cañcalatā, sā sati ekaggatāya na hotīti āha ‘‘ekaggaṃ acalaṃ nipphandana’’nti. Ettāvatāti ‘‘āraddhaṃ kho panā’’tiādinā vīriyasatipassaddhisamādhīnaṃ kiccasiddhidassanena. Nanu ca saddhāpaññānampi kiccasiddhi jhānassa pubbapaṭipadāya icchitabbāti? Saccaṃ icchitabbā, sā pana nānantariyabhāvena avuttasiddhāti na gahitā. Asati hi saddhāya vīriyārambhādīnaṃ asambhavoyeva, paññāpariggahe ca nesaṃ asati paññāyārambhādibhāvo na siyā. Tathā asallīnāsammosatādayo vīriyādīnanti asallīnatādiggahaṇenevettha paññākiccasiddhi gahitāti daṭṭhabbaṃ. Jhānabhāvanāyaṃ vā samādhikiccaṃ adhikaṃ icchitabbanti dassetuṃ samādhipariyosānāva jhānassa pubbapaṭipadā kathitāti daṭṭhabbaṃ.

    вуд̇д̇ам̣, д̇асмаа ид̇ха на вад̇д̇аб̣б̣ам̣. висуд̣̇д̇химаг̇г̇о хи имиссаа сам̣ван̣н̣анааяа згад̣̇зсабхууд̇од̇и вуд̇д̇овааяамад̇т̇од̇и. вихарад̇ийд̇и ааг̇ад̇ам̣ баруд̣̇д̣̇зсигад̇д̇аа вихаарасса. ид̇ха вихаасинд̇и ааг̇ад̇ам̣ ад̇т̇уд̣̇д̣̇зсигад̇д̇аа. ид̣̇ам̣ гира саб̣б̣аб̣уд̣̇д̇хаанам̣ авиж̇ахид̇анд̇и ааха ‘‘аанаабаанассад̇игаммадтаана’’нд̇и. руубавирааг̇абхааванаавасзна (саарад̇т̇а. дий. 1.12.нзран̃ж̇аган̣д̣аван̣н̣анаа) бавад̇д̇о жад̇уб̣б̣ид̇хоби аруубаж̇жхаанависзсо жад̇уд̇т̇аж̇жхаанасан̇г̇ахо зваад̇и ааха ‘‘жад̇д̇аари жхаанааний’’д̇и. яуд̇д̇ам̣ д̇аава жид̇д̇згаг̇г̇ад̇аа бхавоггаманад̇т̇ад̇аа вияа вибассанаабаад̣̇агад̇ааби жад̇уннам̣ жхаанаанам̣ саад̇хааран̣аад̇и д̇зсам̣ васзна ‘‘жад̇д̇аари жхаанааний’’д̇и важанам̣, абхин̃н̃аабаад̣̇агад̇аа бана нирод̇хабаад̣̇агад̇аа жа жад̇уд̇т̇ассзва жхаанасса аавзн̣игаа, саа гат̇ам̣ жад̇уннам̣ жхаанаанам̣ саад̇хааран̣аа вуд̇д̇аад̇и? барамбараад̇хидтаанабхаавад̇о. бад̣̇адтаанабад̣̇адтаанамби хи бад̣̇адтаананд̇зва вужжад̇и, гааран̣агааран̣амби гааран̣анд̇и яат̇аа ‘‘д̇ин̣зхи сад̇д̇ам̣ сид̣̇д̇ха’’нд̇и, зван̃жа гад̇ваа баяож̇ананид̣̇д̣̇зсз адтасамаабад̇д̇иг̇г̇ахан̣ам̣ самад̇т̇ид̇ам̣ ход̇и. жид̇д̇згаг̇г̇ад̇ад̇т̇аанийд̇и жид̇д̇асамаад̇хаанад̇т̇аани, д̣̇идтад̇хаммасукавихаарад̇т̇аанийд̇и ад̇т̇о. жид̇д̇згаг̇г̇ад̇аасийсзна хи д̣̇идтад̇хаммасукавихааро вуд̇д̇о, сугкавибассагакийн̣аасававасзна жзд̇ам̣ вуд̇д̇ам̣. д̇знааха ‘‘згаг̇г̇ажид̇д̇аа сукам̣ д̣̇ивасам̣ вихариссаамаа’’д̇и. бхавоггаманад̇т̇аанийд̇и бхавзсу ниб̣б̣ад̇д̇иад̇т̇аани.

    Vuttaṃ, tasmā idha na vattabbaṃ. Visuddhimaggo hi imissā saṃvaṇṇanāya ekadesabhūtoti vuttovāyamatthoti. Viharatīti āgataṃ paruddesikattā vihārassa. Idha vihāsinti āgataṃ atthuddesikattā. Idaṃ kira sabbabuddhānaṃ avijahitanti āha ‘‘ānāpānassatikammaṭṭhāna’’nti. Rūpavirāgabhāvanāvasena (sārattha. ṭī. 1.12.nerañjakaṇḍavaṇṇanā) pavatto catubbidhopi arūpajjhānaviseso catutthajjhānasaṅgaho evāti āha ‘‘cattāri jhānānī’’ti. Yuttaṃ tāva cittekaggatā bhavokkamanatthatā viya vipassanāpādakatāpi catunnaṃ jhānānaṃ sādhāraṇāti tesaṃ vasena ‘‘cattāri jhānānī’’ti vacanaṃ, abhiññāpādakatā pana nirodhapādakatā ca catutthasseva jhānassa āveṇikā, sā kathaṃ catunnaṃ jhānānaṃ sādhāraṇā vuttāti? Paramparādhiṭṭhānabhāvato. Padaṭṭhānapadaṭṭhānampi hi padaṭṭhānanteva vuccati, kāraṇakāraṇampi kāraṇanti yathā ‘‘tiṇehi sattaṃ siddha’’nti, evañca katvā payojananiddese aṭṭhasamāpattiggahaṇaṃ samatthitaṃ hoti. Cittekaggatatthānīti cittasamādhānatthāni, diṭṭhadhammasukhavihāratthānīti attho. Cittekaggatāsīsena hi diṭṭhadhammasukhavihāro vutto, sukkhavipassakakhīṇāsavavasena cetaṃ vuttaṃ. Tenāha ‘‘ekaggacittā sukhaṃ divasaṃ viharissāmā’’ti. Bhavokkamanatthānīti bhavesu nibbattiatthāni.

    яасмаа (саарад̇т̇а. дий. 1.12.нзран̃ж̇аган̣д̣аван̣н̣анаа) б̣од̇хисад̇д̇зна б̣од̇химан̣д̣уубасан̇гаманад̇о буб̣б̣зби жаримабхавз жад̇уд̇т̇аж̇жхаанам̣ ниб̣б̣ад̇д̇ид̇абуб̣б̣ам̣, д̇ад̣̇аа бана д̇ам̣ ниб̣б̣ад̇д̇ид̇амад̇д̇амзва ахоси, на вибассанаад̣̇ибаад̣̇агам̣ , д̇асмаа ‘‘б̣од̇хиругкамуулз ниб̣б̣ад̇д̇ид̇а’’нд̇и д̇ад̇о висзсзд̇ваа вуд̇д̇ам̣. вибассанаабаад̣̇аганд̇и вибассанаарамбхз вибассанааяа баад̣̇агам̣. абхин̃н̃аабаад̣̇аганд̇и зд̇т̇ааби зсзва наяо. б̣уд̣̇д̇хаанан̃хи батамаарамбхз зва баад̣̇агаж̇жхаанзна баяож̇анам̣ ахоси, на д̇ад̇о барам̣ убаримаг̇г̇аад̇хиг̇амапаласамаабад̇д̇иабхин̃н̃аавал̣ан̃ж̇анаад̣̇иад̇т̇ам̣. абхисамб̣од̇хисамад̇хиг̇амад̇о бадтааяа хи саб̣б̣ам̣ н̃аан̣асамаад̇хигижжам̣ ааган̇камад̇д̇абадиб̣ад̣̇д̇хамзваад̇и. саб̣б̣агижжасаад̇хаганд̇и анубуб̣б̣авихаараад̣̇исаб̣б̣агижжасаад̇хагам̣. саб̣б̣алогияалогуд̇д̇араг̇ун̣ад̣̇ааяаганд̇и зд̇т̇а вибассанаабхин̃н̃аабаад̣̇агад̇д̇аа зва жад̇уд̇т̇асса жхаанасса бхаг̇авад̇о саб̣б̣алогияалогуд̇д̇араг̇ун̣ад̣̇ааяагад̇аа взд̣̇ид̇аб̣б̣аа. саб̣б̣ан̃н̃уд̇ан̃н̃аан̣абад̣̇адтаанан̃хи маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа саб̣б̣ан̃н̃уд̇ан̃н̃аан̣ам̣ абхисамб̣од̇хи, д̇ад̣̇ад̇хиг̇амасамагааламзва бхаг̇авад̇о саб̣б̣з б̣уд̣̇д̇хаг̇ун̣аа хад̇т̇аг̇ад̇аа ахзсум̣, жад̇уд̇т̇аж̇жхаанасанниссаяо жа маг̇г̇аад̇хиг̇амод̇и.

    Yasmā (sārattha. ṭī. 1.12.nerañjakaṇḍavaṇṇanā) bodhisattena bodhimaṇḍūpasaṅkamanato pubbepi carimabhave catutthajjhānaṃ nibbattitapubbaṃ, tadā pana taṃ nibbattitamattameva ahosi, na vipassanādipādakaṃ , tasmā ‘‘bodhirukkhamūle nibbattita’’nti tato visesetvā vuttaṃ. Vipassanāpādakanti vipassanārambhe vipassanāya pādakaṃ. Abhiññāpādakanti etthāpi eseva nayo. Buddhānañhi paṭhamārambhe eva pādakajjhānena payojanaṃ ahosi, na tato paraṃ uparimaggādhigamaphalasamāpattiabhiññāvaḷañjanādiatthaṃ. Abhisambodhisamadhigamato paṭṭhāya hi sabbaṃ ñāṇasamādhikiccaṃ ākaṅkhamattapaṭibaddhamevāti. Sabbakiccasādhakanti anupubbavihārādisabbakiccasādhakaṃ. Sabbalokiyalokuttaraguṇadāyakanti ettha vipassanābhiññāpādakattā eva catutthassa jhānassa bhagavato sabbalokiyalokuttaraguṇadāyakatā veditabbā. Sabbaññutaññāṇapadaṭṭhānañhi maggañāṇaṃ, maggañāṇapadaṭṭhānañca sabbaññutaññāṇaṃ abhisambodhi, tadadhigamasamakālameva bhagavato sabbe buddhaguṇā hatthagatā ahesuṃ, catutthajjhānasannissayo ca maggādhigamoti.

    буб̣б̣абхааг̇абадибад̣̇аад̣̇иван̣н̣анаа нидтид̇аа.

    Pubbabhāgapaṭipadādivaṇṇanā niṭṭhitā.

    буб̣б̣зниваасагат̇ааван̣н̣анаа

    Pubbenivāsakathāvaṇṇanā

    52. д̣̇виннам̣ виж̇ж̇аананд̇и буб̣б̣зниваасан̃аан̣ад̣̇иб̣б̣ажагкун̃аан̣асан̇каад̇аанам̣ д̣̇виннам̣ виж̇ж̇аанам̣. анубад̣̇аван̣н̣анаад̇и д̇аасам̣ виж̇ж̇аанам̣ нид̣̇д̣̇зсабаал̣ияаа анубад̣̇аван̣н̣анаа. бхааванаанаяод̇и уббаад̣̇анавид̇хи. ‘‘со’’д̇и бажжад̇д̇аважанасса ахам̣-сад̣̇д̣̇зна самб̣анд̇ханз гааран̣ам̣ д̣̇ассзд̇ум̣ ‘‘абхининнаамзси’’нд̇иаад̣̇и вуд̇д̇ам̣. баал̣ияам̣ ваа ‘‘абхининнаамзси’’нд̇и уд̇д̇амабурисасса яог̇од̇и ахам̣-сад̣̇д̣̇зна аанзд̇ваа вужжамаанз д̇ад̣̇ад̇т̇о баагадо ход̇ийд̇и ‘‘со аха’’нд̇и вуд̇д̇ам̣. абхинийхаринд̇и жид̇д̇ам̣ жхаанаарамман̣ад̇о абанзд̇ваа буб̣б̣зниваасаабхимукам̣ бзсзсим̣, буб̣б̣зниваасаниннам̣ буб̣б̣зниваасабон̣ам̣ буб̣б̣зниваасабаб̣бхаарам̣ агаасинд̇и ад̇т̇о.

    52.Dvinnaṃvijjānanti pubbenivāsañāṇadibbacakkhuñāṇasaṅkhātānaṃ dvinnaṃ vijjānaṃ. Anupadavaṇṇanāti tāsaṃ vijjānaṃ niddesapāḷiyā anupadavaṇṇanā. Bhāvanānayoti uppādanavidhi. ‘‘So’’ti paccattavacanassa ahaṃ-saddena sambandhane kāraṇaṃ dassetuṃ ‘‘abhininnāmesi’’ntiādi vuttaṃ. Pāḷiyaṃ vā ‘‘abhininnāmesi’’nti uttamapurisassa yogoti ahaṃ-saddena ānetvā vuccamāne tadattho pākaṭo hotīti ‘‘so aha’’nti vuttaṃ. Abhinīharinti cittaṃ jhānārammaṇato apanetvā pubbenivāsābhimukhaṃ pesesiṃ, pubbenivāsaninnaṃ pubbenivāsapoṇaṃ pubbenivāsapabbhāraṃ akāsinti attho.

    буб̣б̣зад̇ийд̇аж̇аад̇ийсу нивуд̇т̇агканд̇хаа буб̣б̣зниваасо. нивуд̇т̇аад̇и жа аж̇жхаавуд̇т̇аа анубхууд̇аа ад̇д̇ано санд̇аанз уббаж̇ж̇ид̇ваа нируд̣̇д̇хаа, г̇ожараниваасзна нивуд̇т̇ад̇хаммаа ваа ад̇д̇ано вин̃н̃аан̣знавин̃н̃аад̇аа, баравин̃н̃аан̣авин̃н̃аад̇ааби ваа чиннавадумагаануссаран̣аад̣̇ийсу, д̇ам̣ буб̣б̣зниваасам̣ яааяа сад̇ияаа ануссарад̇и, д̇ааяа самбаяуд̇д̇ам̣ н̃аан̣ам̣ буб̣б̣зниваасаануссад̇ин̃н̃аан̣ам̣. бадинивад̇д̇анд̇ассаад̇и буб̣б̣зниваасам̣ ануссаран̣авасзна яаавад̣̇ижчагам̣ г̇анд̇ваа бажжааг̇ажчанд̇асса. д̇асмаад̇и вуд̇д̇ассзвад̇т̇асса гааран̣абхаавзна бажжаамасанам̣, бадинивад̇д̇анд̇асса бажжавзгкан̣абхаавад̇од̇и вуд̇д̇ам̣ ход̇и. ид̇хуубабад̇д̇ияаад̇и ид̇ха жаримабхавз убабад̇д̇ияаа. ананд̇аранд̇и ад̇ийд̇аананд̇арамааха. амуд̇раад̇и амугасмим̣ бхавзд̇и ад̇т̇о. уд̣̇абаад̣̇инд̇и уббаж̇ж̇им̣. д̇аахи д̣̇звад̇аахийд̇и д̇усид̇аад̣̇звад̇аахи. згаг̇од̇д̇од̇и д̇усид̇аг̇од̇д̇зна згаг̇од̇д̇о. махааб̣од̇хисад̇д̇аанам̣ санд̇аанасса барияосаанаавад̇т̇ааяа д̣̇звалогуубабад̇д̇иж̇анагам̣ наама агусалзна гаммунаа анубад̣̇д̣̇уд̇амзва ход̇ийд̇и ад̇хиббааязна ‘‘д̣̇угкам̣ бана сан̇каарад̣̇угкамзваа’’д̇и вуд̇д̇ам̣. махаабун̃н̃аанамби бана д̣̇звабуд̇д̇аанам̣ буб̣б̣анимид̇д̇уббад̇д̇игаалаад̣̇ийсу анидтаарамман̣асамааяог̇о ход̇иязваад̇и ‘‘гад̣̇аажи д̣̇угкад̣̇угкассаби самбхаво над̇т̇ий’’д̇и на саггаа вад̇д̇ум̣. сад̇д̇абан̃н̃ааса…бз… барияанд̇од̇и ид̣̇ам̣ мануссаанам̣ вассаг̇ан̣анаавасзна вуд̇д̇ам̣. д̇ад̇т̇а д̣̇зваанам̣ вассаг̇ан̣анааяа бана жад̇усахассамзва.

    Pubbeatītajātīsu nivutthakkhandhā pubbenivāso. Nivutthāti ca ajjhāvutthā anubhūtā attano santāne uppajjitvā niruddhā, gocaranivāsena nivutthadhammā vā attano viññāṇenaviññātā, paraviññāṇaviññātāpi vā chinnavaṭumakānussaraṇādīsu, taṃ pubbenivāsaṃ yāya satiyā anussarati, tāya sampayuttaṃ ñāṇaṃ pubbenivāsānussatiññāṇaṃ. Paṭinivattantassāti pubbenivāsaṃ anussaraṇavasena yāvadicchakaṃ gantvā paccāgacchantassa. Tasmāti vuttassevatthassa kāraṇabhāvena paccāmasanaṃ, paṭinivattantassa paccavekkhaṇabhāvatoti vuttaṃ hoti. Idhūpapattiyāti idha carimabhave upapattiyā. Anantaranti atītānantaramāha. Amutrāti amukasmiṃ bhaveti attho. Udapādinti uppajjiṃ. Tāhi devatāhīti tusitādevatāhi. Ekagottoti tusitagottena ekagotto. Mahābodhisattānaṃ santānassa pariyosānāvatthāya devalokūpapattijanakaṃ nāma akusalena kammunā anupaddutameva hotīti adhippāyena ‘‘dukkhaṃ pana saṅkhāradukkhamevā’’ti vuttaṃ. Mahāpuññānampi pana devaputtānaṃ pubbanimittuppattikālādīsu aniṭṭhārammaṇasamāyogo hotiyevāti ‘‘kadāci dukkhadukkhassapi sambhavo natthī’’ti na sakkā vattuṃ. Sattapaññāsa…pe… pariyantoti idaṃ manussānaṃ vassagaṇanāvasena vuttaṃ. Tattha devānaṃ vassagaṇanāya pana catusahassameva.

    ад̇ийд̇абхавз (саарад̇т̇а. дий. 1.12.буб̣б̣зниваасагат̇ааяам̣) канд̇хаа д̇аббадиб̣ад̣̇д̇ханаамаг̇од̇д̇аани жа саб̣б̣ам̣ буб̣б̣зниваасанд̇зва сан̇г̇ахид̇анд̇и ааха ‘‘гим̣ вид̣̇ид̇ам̣ гарод̇и? буб̣б̣знивааса’’нд̇и. мохо бадижчаад̣̇агадтзна ‘‘д̇амо’’д̇и вужжад̇и ‘‘д̇амо вияаа’’д̇и гад̇ваа. обхаасагаран̣адтзнаад̇и гаад̇аб̣б̣ад̇о гаран̣ам̣, обхаасова гаран̣ам̣, ад̇д̇ано бажжаязна обхаасабхаавзна ниб̣б̣ад̇д̇зд̇аб̣б̣адтзнаад̇и ад̇т̇о. сзсам̣ басам̣сааважананд̇и бадибагкавид̇хаманабавад̇д̇ивисзсаанам̣ б̣од̇ханад̇о вуд̇д̇ам̣. авиж̇ж̇аа вихад̇аад̇и зд̇зна виж̇ж̇анадтзна виж̇ж̇аад̇и аяамби ад̇т̇о д̣̇ийбид̇од̇и д̣̇адтаб̣б̣ам̣. яасмаа виж̇ж̇аа уббаннаад̇и зд̇зна виж̇ж̇аабадибагкаа авиж̇ж̇аа, бадибагкад̇аа жассаа бахаад̇аб̣б̣абхаавзна виж̇ж̇ааяа жа бахааяагабхаавзнаад̇и д̣̇ассзд̇и. зса наяо ид̇арасмимби бад̣̇ад̣̇ваязд̇и иминаа д̇амо вихад̇о винадто. гасмаа? яасмаа аалого уббаннод̇и имамад̇т̇ам̣ ад̇ид̣̇исад̇и. бзсид̇ад̇д̇ассаад̇и яат̇аад̇хиббзд̇ад̇т̇асид̣̇д̇хим̣ бад̇и виссадтажид̇д̇асса. яат̇аа аббамад̇д̇ассаад̇и ан̃н̃ассаби гассажи маад̣̇исассаад̇и ад̇хиббааяо.

    Atītabhave (sārattha. ṭī. 1.12.pubbenivāsakathāyaṃ) khandhā tappaṭibaddhanāmagottāni ca sabbaṃ pubbenivāsanteva saṅgahitanti āha ‘‘kiṃ viditaṃ karoti? Pubbenivāsa’’nti. Moho paṭicchādakaṭṭhena‘‘tamo’’ti vuccati ‘‘tamo viyā’’ti katvā. Obhāsakaraṇaṭṭhenāti kātabbato karaṇaṃ, obhāsova karaṇaṃ, attano paccayena obhāsabhāvena nibbattetabbaṭṭhenāti attho. Sesaṃ pasaṃsāvacananti paṭipakkhavidhamanapavattivisesānaṃ bodhanato vuttaṃ. Avijjā vihatāti etena vijjanaṭṭhena vijjāti ayampi attho dīpitoti daṭṭhabbaṃ. Yasmā vijjā uppannāti etena vijjāpaṭipakkhā avijjā, paṭipakkhatā cassā pahātabbabhāvena vijjāya ca pahāyakabhāvenāti dasseti. Esa nayo itarasmimpi padadvayeti iminā tamo vihato vinaṭṭho. Kasmā? Yasmā āloko uppannoti imamatthaṃ atidisati. Pesitattassāti yathādhippetatthasiddhiṃ pati vissaṭṭhacittassa. Yathā appamattassāti aññassapi kassaci mādisassāti adhippāyo.

    буб̣б̣зниваасагат̇ааван̣н̣анаа нидтид̇аа.

    Pubbenivāsakathāvaṇṇanā niṭṭhitā.

    д̣̇иб̣б̣ажагкун̃аан̣агат̇ааван̣н̣анаа

    Dibbacakkhuñāṇakathāvaṇṇanā

    53. ид̇хаад̇и бхаяабхзравасуд̇д̇з вуд̇д̇ам̣. ид̇ха аяам̣ висзсод̇и яож̇анаа. вуд̇д̇асад̣̇исамзва ‘‘мзд̇и маяаа’’д̇иаад̣̇инаа. баригаммагижжанд̇и ‘‘абхин̃н̃аабаад̣̇агажад̇уд̇т̇аж̇жхаанад̇о вудтааяа саб̣б̣абажчимаа нисаж̇ж̇аа ааваж̇ж̇ид̇аб̣б̣аа’’д̇иаад̣̇инаа, гасин̣аарамман̣ам̣ абхин̃н̃аабаад̣̇агаж̇жхаанам̣ саб̣б̣аагаарзна абхинийхаарагкамам̣ гад̇ваа’’д̇иаад̣̇инаа жа вуд̇д̇зна баригаммзна гижжам̣ баяож̇анам̣ над̇т̇и. на д̇зна ид̇ха ад̇т̇од̇и д̇зна бхааванаанаязна ид̇ха баал̣ияаа ад̇т̇аван̣н̣анааяам̣ ад̇т̇о над̇т̇и д̇ат̇аабхааванааяа ид̇ха анад̇хиббзд̇ад̇д̇аад̇и ад̇хиббааяо.

    53.Idhāti bhayabheravasutte vuttaṃ. Idha ayaṃ visesoti yojanā. Vuttasadisameva ‘‘meti mayā’’tiādinā. Parikammakiccanti ‘‘abhiññāpādakacatutthajjhānato vuṭṭhāya sabbapacchimā nisajjā āvajjitabbā’’tiādinā, kasiṇārammaṇaṃ abhiññāpādakajjhānaṃ sabbākārena abhinīhārakkhamaṃ katvā’’tiādinā ca vuttena parikammena kiccaṃ payojanaṃ natthi. Natena idha atthoti tena bhāvanānayena idha pāḷiyā atthavaṇṇanāyaṃ attho natthi tathābhāvanāya idha anadhippetattāti adhippāyo.

    д̣̇иб̣б̣ажагкун̃аан̣агат̇ааван̣н̣анаа нидтид̇аа.

    Dibbacakkhuñāṇakathāvaṇṇanā niṭṭhitā.

    аасавагкаяан̃аан̣агат̇ааван̣н̣анаа

    Āsavakkhayañāṇakathāvaṇṇanā

    54. вибассанаабаад̣̇аганд̇и (саарад̇т̇а. дий. 1.14.аасавагкаяан̃аан̣агат̇ааяам̣; д̣̇ий. ни. дий. 1.248; а. ни. дий. 2.3.59) вибассанааяа бад̣̇адтаанабхууд̇ам̣. вибассанаа жа д̇ивид̇хаа вибассанагабуг̇г̇алабхзд̣̇зна. махааб̣од̇хисад̇д̇аанан̃хи бажжзгаб̣од̇хисад̇д̇аанан̃жа вибассанаа жинд̇аамаяан̃аан̣асам̣вад̣̇д̇хид̇ад̇д̇аа саяамбхун̃аан̣абхууд̇аа, ид̇арзсам̣ суд̇амаяан̃аан̣асам̣вад̣̇д̇хид̇ад̇д̇аа баробад̣̇зсасамбхууд̇аа, саа ‘‘табзд̇ваа нзвасан̃н̃аанаасан̃н̃ааяад̇анам̣ авасзсаруубааруубаж̇жхаанаанам̣ ан̃н̃ад̇арад̇о вудтааяаа’’д̇иаад̣̇инаа анзгад̇хаа аруубамукавасзна жад̇уд̇хаад̇увавад̇т̇аанз вуд̇д̇аанам̣ д̇зсам̣ д̇зсам̣ д̇хаад̇убариг̇г̇ахамукаанам̣ ан̃н̃ад̇арамукавасзна анзгад̇хаава висуд̣̇д̇химаг̇г̇з (висуд̣̇д̇хи. 1.306) наанаанаяад̇о вибхаавид̇аа. махааб̣од̇хисад̇д̇аанам̣ бана жад̇увийсад̇игодисад̇асахассамукзна бабхзд̣̇аг̇аманад̇о наанаанаяам̣ саб̣б̣ан̃н̃уд̇ан̃н̃аан̣асанниссаяасса арияамаг̇г̇ан̃аан̣асса ад̇хидтаанабхууд̇ам̣ буб̣б̣абхааг̇ан̃аан̣аг̇аб̣бхам̣ г̇ан̣хаабзнд̇ам̣ барибаагам̣ г̇ажчанд̇ам̣ барамаг̇амбхийрасан̣хасукумад̇арам̣ анан̃н̃асаад̇хааран̣ам̣ вибассанаан̃аан̣ам̣ ход̇и, яам̣ адтагат̇аасу махааваж̇иран̃аан̣анд̇и вужжад̇и. яасса жа бавад̇д̇ивибхааг̇зна жад̇увийсад̇игодисад̇асахассаббабхзд̣̇асса баад̣̇агабхаавзна самаабаж̇ж̇ияамаанаа жад̇увийсад̇игодисад̇асахассасан̇каа д̣̇звасигам̣ сад̇т̇у вал̣ан̃ж̇анагасамаабад̇д̇ияо вужжанд̇и, свааяам̣ б̣уд̣̇д̇хаанам̣ вибассанаажааро барамад̇т̇аман̃ж̇уусааяа висуд̣̇д̇химаг̇г̇асам̣ван̣н̣анааяа (висуд̣̇д̇хи. махаадий. 1.144) уд̣̇д̣̇зсад̇о д̣̇ассид̇о, ад̇т̇игзхи д̇ад̇о г̇ахзд̇аб̣б̣од̇и.

    54.Vipassanāpādakanti (sārattha. ṭī. 1.14.āsavakkhayañāṇakathāyaṃ; dī. ni. ṭī. 1.248; a. ni. ṭī. 2.3.59) vipassanāya padaṭṭhānabhūtaṃ. Vipassanā ca tividhā vipassanakapuggalabhedena. Mahābodhisattānañhi paccekabodhisattānañca vipassanā cintāmayañāṇasaṃvaddhitattā sayambhuñāṇabhūtā, itaresaṃ sutamayañāṇasaṃvaddhitattā paropadesasambhūtā, sā ‘‘ṭhapetvā nevasaññānāsaññāyatanaṃ avasesarūpārūpajjhānānaṃ aññatarato vuṭṭhāyā’’tiādinā anekadhā arūpamukhavasena catudhātuvavatthāne vuttānaṃ tesaṃ tesaṃ dhātupariggahamukhānaṃ aññataramukhavasena anekadhāva visuddhimagge (visuddhi. 1.306) nānānayato vibhāvitā. Mahābodhisattānaṃ pana catuvīsatikoṭisatasahassamukhena pabhedagamanato nānānayaṃ sabbaññutaññāṇasannissayassa ariyamaggañāṇassa adhiṭṭhānabhūtaṃ pubbabhāgañāṇagabbhaṃ gaṇhāpentaṃ paripākaṃ gacchantaṃ paramagambhīrasaṇhasukhumataraṃ anaññasādhāraṇaṃ vipassanāñāṇaṃ hoti, yaṃ aṭṭhakathāsu mahāvajirañāṇanti vuccati. Yassa ca pavattivibhāgena catuvīsatikoṭisatasahassappabhedassa pādakabhāvena samāpajjiyamānā catuvīsatikoṭisatasahassasaṅkhā devasikaṃ satthu vaḷañjanakasamāpattiyo vuccanti, svāyaṃ buddhānaṃ vipassanācāro paramatthamañjūsāya visuddhimaggasaṃvaṇṇanāya (visuddhi. mahāṭī. 1.144) uddesato dassito, atthikehi tato gahetabboti.

    аасаваанам̣ кзбанад̇о самужчинд̣̇анад̇о аасавагкаяо, арияамаг̇г̇о, уггадтанид̣̇д̣̇зсавасзна арахад̇д̇амаг̇г̇аг̇г̇ахан̣ам̣. аасаваанам̣ каяз н̃аан̣ам̣ аасавагкаяан̃аан̣анд̇и д̣̇ассзнд̇о ‘‘д̇ад̇ра жзд̇ам̣ н̃аан̣а’’нд̇и вад̇ваа каязд̇и жа аад̇хаарз бхуммам̣, на висаязд̇и д̣̇ассзнд̇о ‘‘д̇аббарияаа баннад̇д̇аа’’д̇и ааха. ид̣̇ам̣ д̣̇угканд̇и д̣̇угкасса арияасажжасса д̇ад̣̇аа бажжагкад̇о г̇ахид̇абхаавад̣̇ассанам̣. зд̇д̇агам̣ д̣̇угканд̇и д̣̇угкасса арияасажжасса д̇ад̣̇аа бажжагкад̇о г̇ахид̇абхаавад̣̇ассанам̣. зд̇д̇агам̣ д̣̇угканд̇и д̇асса барижчиж̇ж̇а г̇ахид̇абхаавад̣̇ассанам̣. на ид̇о бхияяод̇и анавасзсзд̇ваа г̇ахид̇абхаавад̣̇ассанам̣. д̇знааха ‘‘саб̣б̣амби д̣̇угкасажжа’’нд̇иаад̣̇и. сарасалагкан̣абадивзд̇хзнаад̇и сабхаавасан̇каад̇асса лагкан̣асса асаммохад̇о бадивиж̇жханзна. асаммохабадивзд̇ход̇и жа яат̇аа д̇асмим̣ н̃аан̣з бавад̇д̇з бажчаа д̣̇угкасса саруубаад̣̇ибарижчзд̣̇з саммохо на ход̇и, д̇ат̇аа бавад̇д̇и. д̇знааха ‘‘яат̇аабхууд̇ам̣ аб̣бхан̃н̃ааси’’нд̇и. яам̣ таанам̣ бад̇ваад̇и яам̣ ниб̣б̣аанам̣ маг̇г̇асса аарамман̣абажжаяадтзна гааран̣абхууд̇ам̣ ааг̇амма. д̇ад̣̇убхаяавад̇о хи буг̇г̇аласса бад̇д̇и д̇ад̣̇убхаяасса бад̇д̇ийд̇и вуд̇д̇ам̣. бад̇ваад̇и ваа баабун̣анахзд̇у. аббавад̇д̇инд̇и аббавад̇д̇инимид̇д̇ам̣. д̇з ваа наббавад̇д̇анд̇и зд̇т̇аад̇и аббавад̇д̇и, ниб̣б̣аанам̣. д̇ассаад̇и д̣̇угканирод̇хасса. самбаабаганд̇и сажчигирияаавасзна саммад̣̇зва баабагам̣.

    Āsavānaṃ khepanato samucchindanato āsavakkhayo, ariyamaggo, ukkaṭṭhaniddesavasena arahattamaggaggahaṇaṃ. Āsavānaṃ khaye ñāṇaṃ āsavakkhayañāṇanti dassento ‘‘tatra cetaṃ ñāṇa’’nti vatvā khayeti ca ādhāre bhummaṃ, na visayeti dassento ‘‘tappariyā pannattā’’ti āha. Idaṃ dukkhanti dukkhassa ariyasaccassa tadā paccakkhato gahitabhāvadassanaṃ. Ettakaṃ dukkhanti dukkhassa ariyasaccassa tadā paccakkhato gahitabhāvadassanaṃ. Ettakaṃ dukkhanti tassa paricchijja gahitabhāvadassanaṃ. Na ito bhiyyoti anavasesetvā gahitabhāvadassanaṃ. Tenāha ‘‘sabbampidukkhasacca’’ntiādi. Sarasalakkhaṇapaṭivedhenāti sabhāvasaṅkhātassa lakkhaṇassa asammohato paṭivijjhanena. Asammohapaṭivedhoti ca yathā tasmiṃ ñāṇe pavatte pacchā dukkhassa sarūpādiparicchede sammoho na hoti, tathā pavatti. Tenāha ‘‘yathābhūtaṃ abbhaññāsi’’nti. Yaṃ ṭhānaṃ patvāti yaṃ nibbānaṃ maggassa ārammaṇapaccayaṭṭhena kāraṇabhūtaṃ āgamma. Tadubhayavato hi puggalassa patti tadubhayassa pattīti vuttaṃ. Patvāti vā pāpuṇanahetu. Appavattinti appavattinimittaṃ. Te vā nappavattanti etthāti appavatti, nibbānaṃ. Tassāti dukkhanirodhassa. Sampāpakanti sacchikiriyāvasena sammadeva pāpakaṃ.

    гилзсавасзнаад̇и аасавасан̇каад̇агилзсавасзна. яасмаа аасаваанам̣ д̣̇угкасажжабарияааяо д̇аббарияаабаннад̇д̇аа, сзсасажжаанан̃жа д̇ам̣самуд̣̇аяаад̣̇ибарияааяо ад̇т̇и, д̇асмаа вуд̇д̇ам̣. ‘‘барияааяад̇о’’д̇и. д̣̇ассзнд̇о сажжаанийд̇и яож̇анаа. аасаваанам̣язва жзд̇т̇а г̇ахан̣ам̣ ‘‘аасаваанам̣ каяан̃аан̣ааяаа’’д̇и аарад̣̇д̇хад̇д̇аа. д̇ат̇аа хи аасававимуд̇д̇и сийсзнзва саб̣б̣асам̣гилзсавимуд̇д̇и вуд̇д̇аа. ‘‘ид̣̇ам̣ д̣̇угканд̇и яат̇аабхууд̇ам̣ аб̣бхан̃н̃ааси’’нд̇иаад̣̇инаа миссагамаг̇г̇о ид̇ха гат̇ид̇од̇и ‘‘саха вибассанааяа годиббад̇д̇ам̣ маг̇г̇ам̣ гат̇зд̇ий’’д̇и вуд̇д̇ам̣. зд̇т̇а жа сажжабадивзд̇хасса д̇ад̣̇аа ад̇ийд̇агаалигад̇д̇аа ‘‘яат̇аабхууд̇ам̣ аб̣бхан̃н̃ааси’’нд̇и вад̇вааби абхисамаяагаалз д̇асса бажжуббаннад̇ам̣ убаад̣̇ааяа ‘‘звам̣ ж̇аанад̇о звам̣ бассад̇о’’д̇и вад̇д̇амаанагаалзна нид̣̇д̣̇зсо гад̇о. со жа гаамам̣ маг̇г̇агкан̣ад̇о барам̣ яааваж̇ж̇ад̇анаа ад̇ийд̇агаалиго зва, саб̣б̣абатамам̣ банасса ад̇ийд̇агаалигад̇д̇ам̣ палагкан̣зна взд̣̇ид̇аб̣б̣анд̇и ааха ‘‘вимужжид̇т̇аад̇и иминаа палагкан̣ам̣ д̣̇ассзд̇ий’’д̇и. ж̇аанад̇о бассад̇од̇и ваа хзд̇унид̣̇д̣̇зсояам̣. ж̇аананахзд̇у д̣̇ассанахзд̇у гаамаасаваа жид̇д̇ам̣ вимужжид̇т̇аад̇и яож̇анаа. бхаваасаваг̇г̇ахан̣знзва жзд̇т̇а бхаварааг̇асса вияа бхавад̣̇идтияааби самаварод̇ход̇и д̣̇идтаасавассаби сан̇г̇ахо д̣̇адтаб̣б̣о.

    Kilesavasenāti āsavasaṅkhātakilesavasena. Yasmā āsavānaṃ dukkhasaccapariyāyo tappariyāpannattā, sesasaccānañca taṃsamudayādipariyāyo atthi, tasmā vuttaṃ. ‘‘Pariyāyato’’ti. Dassento saccānīti yojanā. Āsavānaṃyeva cettha gahaṇaṃ ‘‘āsavānaṃ khayañāṇāyā’’ti āraddhattā. Tathā hi āsavavimutti sīseneva sabbasaṃkilesavimutti vuttā. ‘‘Idaṃ dukkhanti yathābhūtaṃ abbhaññāsi’’ntiādinā missakamaggo idha kathitoti ‘‘saha vipassanāya koṭippattaṃ maggaṃ kathetī’’ti vuttaṃ. Ettha ca saccapaṭivedhassa tadā atītakālikattā ‘‘yathābhūtaṃ abbhaññāsi’’nti vatvāpi abhisamayakāle tassa paccuppannataṃ upādāya ‘‘evaṃ jānato evaṃ passato’’ti vattamānakālena niddeso kato. So ca kāmaṃ maggakkhaṇato paraṃ yāvajjatanā atītakāliko eva, sabbapaṭhamaṃ panassa atītakālikattaṃ phalakkhaṇena veditabbanti āha ‘‘vimuccitthāti iminā phalakkhaṇaṃ dassetī’’ti. Jānato passatoti vā hetuniddesoyaṃ. Jānanahetu dassanahetu kāmāsavā cittaṃ vimuccitthāti yojanā. Bhavāsavaggahaṇeneva cettha bhavarāgassa viya bhavadiṭṭhiyāpi samavarodhoti diṭṭhāsavassapi saṅgaho daṭṭhabbo.

    кийн̣ааж̇аад̇ийд̇иаад̣̇ийхи бад̣̇зхи. д̇ассаад̇и бажжавзгкан̣ан̃аан̣асса. бхуумийнд̇и бавад̇д̇идтаанам̣. на д̇аавасса ад̇ийд̇аа ж̇аад̇и кийн̣аа маг̇г̇абхааванааяаад̇и ад̇хиббааяо. д̇ад̇т̇а гааран̣амааха ‘‘буб̣б̣зва кийн̣ад̇д̇аа’’д̇и. на анааг̇ад̇аа ассаж̇аад̇и кийн̣аад̇и яож̇анаа. на анааг̇ад̇аад̇и жа анааг̇ад̇ад̇д̇асааман̃н̃ам̣ г̇ахзд̇ваа лзсзна жод̣̇зд̇и. д̇знааха ‘‘анааг̇ад̇з вааяаамаабхаавад̇о’’д̇и, анааг̇ад̇ависзсо банзд̇т̇а ад̇хиббзд̇о, д̇асса жа кзбанз вааяаамоби лаб̣бхад̇зва. д̇знааха ‘‘яаа бана маг̇г̇ассаа’’д̇иаад̣̇и. згажад̇убан̃жавогаарабхавзсууд̇и бхавад̇д̇аяаг̇г̇ахан̣ам̣ вуд̇д̇анаязна анавасзсад̇о ж̇аад̇ияаа кийн̣абхаавад̣̇ассанад̇т̇ам̣. д̇анд̇и яат̇аавуд̇д̇ам̣ ж̇аад̇им̣. сод̇и бхаг̇аваа.

    Khīṇājātītiādīhi padehi. Tassāti paccavekkhaṇañāṇassa. Bhūmīnti pavattiṭṭhānaṃ. Na tāvassa atītā jāti khīṇā maggabhāvanāyāti adhippāyo. Tattha kāraṇamāha ‘‘pubbeva khīṇattā’’ti. Na anāgatā assajāti khīṇāti yojanā. Na anāgatāti ca anāgatattasāmaññaṃ gahetvā lesena codeti. Tenāha ‘‘anāgate vāyāmābhāvato’’ti, anāgataviseso panettha adhippeto, tassa ca khepane vāyāmopi labbhateva. Tenāha ‘‘yā pana maggassā’’tiādi. Ekacatupañcavokārabhavesūti bhavattayaggahaṇaṃ vuttanayena anavasesato jātiyā khīṇabhāvadassanatthaṃ. Tanti yathāvuttaṃ jātiṃ. Soti bhagavā.

    б̣рахмажарияаваасо наама ид̇ха маг̇г̇аб̣рахмажарияасса ниб̣б̣ад̇д̇анамзваад̇и ааха ‘‘нидтид̇а’’нд̇и. саммаад̣̇идтияаа жад̇уусу сажжзсу барин̃н̃аад̣̇игижжасаад̇ханавасзна бавад̇д̇амаанааяа саммаа сан̇габбаад̣̇ийнамби д̣̇угкасажжз барин̃н̃аабхисамаяаануг̇ун̣аа бавад̇д̇и, ид̇арасажжзсу жа нзсам̣ бахаанаабхисамаяаад̣̇ивасзна бавад̇д̇и баагадаа зва. д̇зна вуд̇д̇ам̣ ‘‘жад̇уухи маг̇г̇зхи барин̃н̃аабахаанасажчигирияаабхааванаавасзнаа’’д̇и. ид̇т̇ад̇д̇ааяаад̇и имз багаараа ид̇т̇ам̣, д̇аб̣бхааво ид̇т̇ад̇д̇ам̣, д̇ад̣̇ад̇т̇анд̇и вуд̇д̇ам̣ ход̇и. д̇з бана багаараа арияамаг̇г̇аб̣яаабаарабхууд̇аа барин̃н̃аад̣̇аяо ид̇хаад̇хиббзд̇аад̇и ааха ‘‘звам̣сол̣асагижжабхаавааяаа’’д̇и. д̇з хи маг̇г̇ам̣ бажжавзгкад̇о маг̇г̇аанубхаавзна баагадаа худ̇ваа убадтаханд̇и, барин̃н̃аад̣̇ийсу жа бахаанамзва бад̇хаанам̣ д̇ад̣̇ад̇т̇ад̇д̇аа ид̇арзсанд̇и ааха ‘‘гилзсагкаяааяаваа’’д̇и. бахийнагилзсабажжавзгкан̣авасзна ваа зд̇ам̣ вуд̇д̇ам̣. ид̇т̇ад̇д̇ааяаад̇и ниссаггз самбад̣̇аанаважананд̇и ааха ‘‘ид̇т̇абхаавад̇о’’д̇и. абарам̣ анааг̇ад̇ам̣. имз бана жаримад̇д̇абхаавасан̇каад̇аа бан̃жагканд̇хаа. барин̃н̃аад̇аа д̇идтанд̇ийд̇и зд̇зна д̇зсам̣ аббад̇идтад̇ам̣ д̣̇ассзд̇и. абарин̃н̃аамуулагаа хи бад̇идтаа. яат̇ааха ‘‘габ̣ал̣ийгаарз жз, бхигкавз, аахаарз ад̇т̇и рааг̇о ад̇т̇и нанд̣̇ий ад̇т̇и д̇ан̣хаа, бад̇идтид̇ам̣ д̇ад̇т̇а вин̃н̃аан̣ам̣ вируул̣ха’’нд̇иаад̣̇и (сам̣. ни. 2.64; махаани. 7; гат̇аа. 296). д̇знзвааха ‘‘чиннамуулагаа ругкаа вияаа’’д̇иаад̣̇и.

    Brahmacariyavāso nāma idha maggabrahmacariyassa nibbattanamevāti āha ‘‘niṭṭhita’’nti. Sammādiṭṭhiyā catūsu saccesu pariññādikiccasādhanavasena pavattamānāya sammā saṅkappādīnampi dukkhasacce pariññābhisamayānuguṇā pavatti, itarasaccesu ca nesaṃ pahānābhisamayādivasena pavatti pākaṭā eva. Tena vuttaṃ ‘‘catūhi maggehi pariññāpahānasacchikiriyābhāvanāvasenā’’ti. Itthattāyāti ime pakārā itthaṃ, tabbhāvo itthattaṃ, tadatthanti vuttaṃ hoti. Te pana pakārā ariyamaggabyāpārabhūtā pariññādayo idhādhippetāti āha ‘‘evaṃsoḷasakiccabhāvāyā’’ti. Te hi maggaṃ paccavekkhato maggānubhāvena pākaṭā hutvā upaṭṭhahanti, pariññādīsu ca pahānameva padhānaṃ tadatthattā itaresanti āha ‘‘kilesakkhayāyavā’’ti. Pahīnakilesapaccavekkhaṇavasena vā etaṃ vuttaṃ. Itthattāyāti nissakke sampadānavacananti āha ‘‘itthabhāvato’’ti. Aparaṃ anāgataṃ. Ime pana carimattabhāvasaṅkhātā pañcakkhandhā. Pariññātā tiṭṭhantīti etena tesaṃ appatiṭṭhataṃ dasseti. Apariññāmūlakā hi patiṭṭhā. Yathāha ‘‘kabaḷīkāre ce, bhikkhave, āhāre atthi rāgo atthi nandī atthi taṇhā, patiṭṭhitaṃ tattha viññāṇaṃ virūḷha’’ntiādi (saṃ. ni. 2.64; mahāni. 7; kathā. 296). Tenevāha ‘‘chinnamūlakā rukkhā viyā’’tiādi.

    бажжавзгкан̣ан̃аан̣абариг̇г̇ахид̇ам̣, на батамад̣̇уд̇ияан̃аан̣ад̣̇ваяаад̇хиг̇амам̣ вияа гзваланд̇и ад̇хиббааяо. д̣̇ассзнд̇о ниг̇аманавасзнаад̇и ад̇хиббааяо. саруубад̇о хи д̇ам̣ буб̣б̣з д̣̇ассид̇амзваад̇и. буб̣б̣зниваасан̃аан̣зна ад̇ийд̇аарамман̣асабхааг̇ад̇ааяа д̇аб̣бхаавийбхаавад̇о жа ад̇ийд̇ам̣сан̃аан̣ам̣ сан̇г̇ахзд̇ваад̇и яож̇анаа. д̇ад̇т̇а ад̇ийд̇ам̣сан̃аан̣анд̇и ад̇ийд̇аканд̇хааяад̇анад̇хаад̇усан̇каад̇з ад̇ийд̇агодтаасз аббадихад̇ам̣ н̃аан̣ам̣. д̣̇иб̣б̣ажагкунаад̇и сабарибхан̣д̣зна д̣̇иб̣б̣ажагкун̃аан̣зна. бажжуббаннам̣со жа анааг̇ад̇ам̣со жа бажжуббаннаанааг̇ад̇ам̣сам̣, д̇ад̇т̇а н̃аан̣ам̣ бажжуббаннаанааг̇ад̇ам̣сан̃аан̣ам̣. сагалалогияалогуд̇д̇араг̇ун̣анд̇и зд̇зна саб̣б̣ам̣ логам̣ уд̇д̇арид̇ваа абхибхуяяа тид̇ад̇д̇аа саб̣б̣ан̃н̃уд̇ан̃н̃аан̣асса вияа сзсаасаад̇хааран̣ан̃аан̣асса б̣алан̃аан̣ааавзн̣игаб̣уд̣̇д̇хад̇хаммаад̣̇ийнамби анан̃н̃асаад̇хааран̣аанам̣ б̣уд̣̇д̇хаг̇ун̣аанам̣ сан̇г̇ахо взд̣̇ид̇аб̣б̣о. д̇знааха ‘‘саб̣б̣зби саб̣б̣ан̃н̃уг̇ун̣з сан̇г̇ахзд̇ваа’’д̇и.

    Paccavekkhaṇañāṇapariggahitaṃ, na paṭhamadutiyañāṇadvayādhigamaṃ viya kevalanti adhippāyo. Dassento nigamanavasenāti adhippāyo. Sarūpato hi taṃ pubbe dassitamevāti. Pubbenivāsañāṇena atītārammaṇasabhāgatāya tabbhāvībhāvato ca atītaṃsañāṇaṃ saṅgahetvāti yojanā. Tattha atītaṃsañāṇanti atītakhandhāyatanadhātusaṅkhāte atītakoṭṭhāse appaṭihataṃ ñāṇaṃ. Dibbacakkhunāti saparibhaṇḍena dibbacakkhuñāṇena. Paccuppannaṃso ca anāgataṃso ca paccuppannānāgataṃsaṃ, tattha ñāṇaṃ paccuppannānāgataṃsañāṇaṃ. Sakalalokiyalokuttaraguṇanti etena sabbaṃ lokaṃ uttaritvā abhibhuyya ṭhitattā sabbaññutaññāṇassa viya sesāsādhāraṇañāṇassa balañāṇaāveṇikabuddhadhammādīnampi anaññasādhāraṇānaṃ buddhaguṇānaṃ saṅgaho veditabbo. Tenāha ‘‘sabbepi sabbaññuguṇe saṅgahetvā’’ti.

    аасавагкаяан̃аан̣агат̇ааван̣н̣анаа нидтид̇аа.

    Āsavakkhayañāṇakathāvaṇṇanā niṭṭhitā.

    аран̃н̃аваасагааран̣аван̣н̣анаа

    Araññavāsakāraṇavaṇṇanā

    55. сияаа ко бана д̇з б̣раахман̣аад̇и зд̇т̇а сияаад̇и ‘‘аббзваа’’д̇и иминаа самаанад̇т̇о нибаад̇о , д̇асмаа ‘б̣раахман̣а, аббзва ко бана д̇з звамассаа’д̇и ад̇т̇о. яам̣ бана адтагат̇ааяам̣ ‘‘гад̣̇аажий’’д̇и вуд̇д̇ам̣, д̇амби имамзвад̇т̇ам̣ санд̇хааяа вуд̇д̇ам̣ агааран̣ам̣ б̣раахман̣зна баригаббид̇амад̇т̇ам̣ бадибагкибид̇ваа ад̇д̇ано ад̇хиббзд̇ам̣ гааран̣ам̣ д̣̇ассзнд̇о. ад̇т̇ова палам̣ д̇ад̣̇ад̇хийнавуд̇д̇ид̇ааяа васо зд̇ассаад̇и ад̇т̇авасо, хзд̇ууд̇и звам̣ ваа зд̇т̇а ад̇т̇о д̣̇адтаб̣б̣о. ад̇д̇ано жа д̣̇идтад̇хаммасукавихааранд̇и зд̇зна сад̇т̇аа ад̇д̇ано вивзгаабхирад̇им̣ багаасзд̇ийд̇и д̣̇ассзнд̇о ‘‘д̣̇идтад̇хаммо наамаа’’д̇иаад̣̇имааха. д̇ад̇т̇а ирияаабат̇авихаараананд̇и ирияаабат̇абавад̇д̇ийнам̣. д̇аббавад̇д̇ияо хи згасмим̣ ирияаабат̇з уббаннад̣̇угкам̣ ан̃н̃зна ирияаабат̇зна вижчинд̣̇ид̇ваа харан̣ад̇о вихаараад̇и вужжанд̇и. бажчиман̃жа ж̇анад̇ам̣ анугамбамаанод̇и зд̇зна яо аад̣̇ид̇о б̣раахман̣зна ‘‘бхавам̣ д̇зсам̣ г̇од̇амо буб̣б̣ан̇г̇амо…бз… д̣̇идтаануг̇ад̇им̣ аабаж̇ж̇ад̇ий’’д̇и вуд̇д̇о, яо жа д̇ат̇аа ‘‘звамзд̇ам̣ б̣раахман̣аа’’д̇иаад̣̇инаа ад̇д̇анаа самбадижчид̇о, д̇амзва ад̇т̇ам̣ ниг̇аманавасзна д̣̇ассзнд̇о яат̇аанусанд̇хинаава сад̇т̇аа д̣̇зсанам̣ нидтаабзси.

    55.Siyā kho pana te brāhmaṇāti ettha siyāti ‘‘appevā’’ti iminā samānattho nipāto , tasmā ‘brāhmaṇa, appeva kho pana te evamassā’ti attho. Yaṃ pana aṭṭhakathāyaṃ ‘‘kadācī’’ti vuttaṃ, tampi imamevatthaṃ sandhāya vuttaṃ akāraṇaṃ brāhmaṇena parikappitamatthaṃ paṭipakkhipitvā attano adhippetaṃ kāraṇaṃ dassento. Atthova phalaṃ tadadhīnavuttitāya vaso etassāti atthavaso, hetūti evaṃ vā ettha attho daṭṭhabbo. Attano ca diṭṭhadhammasukhavihāranti etena satthā attano vivekābhiratiṃ pakāsetīti dassento ‘‘diṭṭhadhammo nāmā’’tiādimāha. Tattha iriyāpathavihārānanti iriyāpathapavattīnaṃ. Tappavattiyo hi ekasmiṃ iriyāpathe uppannadukkhaṃ aññena iriyāpathena vicchinditvā haraṇato vihārāti vuccanti. Pacchimañca janataṃ anukampamānoti etena yo ādito brāhmaṇena ‘‘bhavaṃ tesaṃ gotamo pubbaṅgamo…pe… diṭṭhānugatiṃ āpajjatī’’ti vutto, yo ca tathā ‘‘evametaṃ brāhmaṇā’’tiādinā attanā sampaṭicchito, tameva atthaṃ nigamanavasena dassento yathānusandhināva satthā desanaṃ niṭṭhāpesi.

    аран̃н̃аваасагааран̣аван̣н̣анаа нидтид̇аа.

    Araññavāsakāraṇavaṇṇanā niṭṭhitā.

    д̣̇зсанаанумод̣̇анааван̣н̣анаа

    Desanānumodanāvaṇṇanā

    56. звам̣ нидтаабид̇ааяа д̣̇зсанааяа б̣раахман̣о д̇ад̇т̇а бхаг̇авад̇и басаад̣̇ам̣ бавзд̣̇знд̇о ‘‘абхигганд̇а’’нд̇иаад̣̇имааха. абхигганд̇аад̇и (саарад̇т̇а. дий. 1.15.д̣̇зсанаанумод̣̇анагат̇аа; д̣̇ий. ни. дий. 1.250; сам̣. ни. дий. 1.1.1; а. ни. дий. 2.2.16) ад̇игганд̇аа, виг̇ад̇аад̇и ад̇т̇од̇и ааха ‘‘каяз д̣̇иссад̇ий’’д̇и. д̇знзва хи ‘‘нигканд̇о батамо яаамо’’д̇и вуд̇д̇ам̣. абхигганд̇ад̇арод̇и ад̇ивияа ганд̇ад̇аро манорамо. д̇аад̣̇исо жа сунд̣̇аро бхад̣̇д̣̇аго наама ход̇ийд̇и ааха ‘‘сунд̣̇арз д̣̇иссад̇ий’’д̇и.

    56. Evaṃ niṭṭhāpitāya desanāya brāhmaṇo tattha bhagavati pasādaṃ pavedento ‘‘abhikkanta’’ntiādimāha. Abhikkantāti (sārattha. ṭī. 1.15.desanānumodanakathā; dī. ni. ṭī. 1.250; saṃ. ni. ṭī. 1.1.1; a. ni. ṭī. 2.2.16) atikkantā, vigatāti atthoti āha ‘‘khaye dissatī’’ti. Teneva hi ‘‘nikkhanto paṭhamo yāmo’’ti vuttaṃ. Abhikkantataroti ativiya kantataro manoramo. Tādiso ca sundaro bhaddako nāma hotīti āha ‘‘sundare dissatī’’ti.

    год̇и д̣̇званааг̇аяагкаг̇анд̇хаб̣б̣аад̣̇ийсу го гад̇амо. мзд̇и мама. баад̣̇аанийд̇и баад̣̇з. ид̣̇д̇хияаад̇и имааяа зваруубааяа д̣̇звид̣̇д̇хияаа. яасасаад̇и иминаа зд̣̇исзна бариваарзна бариж̇анзна. ж̇аланд̇и виж̇ж̇од̇амаано. абхигганд̇знаад̇и ад̇ивияа ганд̇зна гаманийязна абхируубзна. ван̣н̣знаад̇и чавиван̣н̣зна сарийраван̣н̣анибхааяа. саб̣б̣аа обхаасаяам̣ д̣̇исаад̇и д̣̇асаби д̣̇исаа обхаасзнд̇о бабхаасзнд̇о, жанд̣̇о вияа суурияо вияа жа згобхаасам̣ згаалогам̣ гаронд̇од̇и г̇аат̇ааяа ад̇т̇о. абхируубзд̇и ул̣аараруубз самбаннаруубз.

    Koti devanāgayakkhagandhabbādīsu ko katamo. Meti mama. Pādānīti pāde. Iddhiyāti imāya evarūpāya deviddhiyā. Yasasāti iminā edisena parivārena parijanena. Jalanti vijjotamāno. Abhikkantenāti ativiya kantena kamanīyena abhirūpena. Vaṇṇenāti chavivaṇṇena sarīravaṇṇanibhāya. Sabbā obhāsayaṃ disāti dasapi disā obhāsento pabhāsento, cando viya sūriyo viya ca ekobhāsaṃ ekālokaṃ karontoti gāthāya attho. Abhirūpeti uḷārarūpe sampannarūpe.

    ‘‘жоро жоро, саббо саббо’’д̇иаад̣̇ийсу бхаяз аамзд̣ид̇ам̣. ‘‘виж̇жха виж̇жха, бахара бахараа’’д̇иаад̣̇ийсу год̇хз, ‘‘саад̇ху саад̇хууд̇иаад̣̇ийсу (ма. ни. 1.327; сам̣. ни. 2.127; 3.35; 5.1085) басам̣сааяам̣, ‘‘г̇ажча г̇ажча, лунаахи лунаахий’’д̇иаад̣̇ийсу д̇урид̇з, ‘‘ааг̇ажча ааг̇ажчаа’’д̇иаад̣̇ийсу год̇уухалз, ‘‘б̣уд̣̇д̇хо б̣уд̣̇д̇ход̇и жинд̇знд̇о’’д̇иаад̣̇ийсу (б̣у. вам̣. 2.44) ажчарз, ‘‘абхиггамат̇ааяасманд̇о, абхиггамат̇ааяасманд̇о’’д̇иаад̣̇ийсу (д̣̇ий. ни. 3.20; а. ни. 9.11) хаасз, ‘‘гахам̣ згабуд̇д̇ага, гахам̣ згабуд̇д̇агаа’’д̇иаад̣̇ийсу (ма. ни. 2.353; сам̣. ни. 2.63) согз, ‘‘ахо сукам̣ ахо сука’’нд̇иаад̣̇ийсу (уд̣̇аа. 20; д̣̇ий. ни. 3.305; жуул̣ава. 332) басаад̣̇з. жа-сад̣̇д̣̇о авуд̇д̇асамужжаяад̇т̇о. д̇зна г̇арахааасаммаанаад̣̇ийнам̣ сан̇г̇ахо д̣̇адтаб̣б̣о. д̇ад̇т̇а ‘‘баабо баабо’’д̇иаад̣̇ийсу г̇арахааяам̣. ‘‘абхируубага абхируубагаа’’д̇иаад̣̇ийсу асаммаанз д̣̇адтаб̣б̣ам̣.

    ‘‘Coro coro, sappo sappo’’tiādīsu bhaye āmeḍitaṃ. ‘‘Vijjha vijjha, pahara paharā’’tiādīsu kodhe, ‘‘sādhu sādhūtiādīsu (ma. ni. 1.327; saṃ. ni. 2.127; 3.35; 5.1085) pasaṃsāyaṃ, ‘‘gaccha gaccha, lunāhi lunāhī’’tiādīsu turite, ‘‘āgaccha āgacchā’’tiādīsu kotūhale, ‘‘buddho buddhoti cintento’’tiādīsu (bu. vaṃ. 2.44) acchare, ‘‘abhikkamathāyasmanto, abhikkamathāyasmanto’’tiādīsu (dī. ni. 3.20; a. ni. 9.11) hāse, ‘‘kahaṃ ekaputtaka, kahaṃ ekaputtakā’’tiādīsu (ma. ni. 2.353; saṃ. ni. 2.63) soke, ‘‘aho sukhaṃ aho sukha’’ntiādīsu (udā. 20; dī. ni. 3.305; cūḷava. 332) pasāde. Ca-saddo avuttasamuccayattho. Tena garahāasammānādīnaṃ saṅgaho daṭṭhabbo. Tattha ‘‘pāpo pāpo’’tiādīsu garahāyaṃ. ‘‘Abhirūpaka abhirūpakā’’tiādīsu asammāne daṭṭhabbaṃ.

    наяид̣̇ам̣ аамзд̣ид̇авасзна д̣̇вигкад̇д̇ум̣ вуд̇д̇ам̣, ат̇а ко ад̇т̇ад̣̇ваяавасзнаад̇и д̣̇ассзнд̇о ‘‘ат̇а ваа’’д̇иаад̣̇имааха. абхигганд̇анд̇и важанам̣ абзгкид̇ваа набум̣сагалин̇г̇авасзна вуд̇д̇ам̣, д̇ам̣ бана бхаг̇авад̇о важанам̣ д̇хаммасса д̣̇зсанаад̇и гад̇ваа д̇ат̇аа вуд̇д̇ам̣. ад̇т̇амад̇д̇ад̣̇ассанам̣ ваа зд̇ам̣, д̇асмаа ад̇т̇авасзна лин̇г̇авибхад̇д̇ивибарин̣аамо взд̣̇ид̇аб̣б̣о. д̣̇уд̇ияабад̣̇зби зсзва наяо. д̣̇осанаасанад̇од̇и рааг̇аад̣̇игилзсад̣̇осавид̇хаманад̇о, г̇ун̣аад̇хиг̇аманад̇од̇и сийлаад̣̇иг̇ун̣аанам̣ самбаабанад̇о. яз г̇ун̣з д̣̇зсанаа ад̇хиг̇амзд̇и, д̇зсу бад̇хаанабхууд̇аа д̣̇ассзд̇аб̣б̣аад̇и д̇з бад̇хаанабхууд̇з д̇аава д̣̇ассзд̇ум̣ ‘‘сад̣̇д̇хааж̇ананад̇о бан̃н̃ааж̇ананад̇о’’д̇и вуд̇д̇ам̣. сад̣̇д̇хаабамукаа хи логияаа г̇ун̣аа, бан̃н̃аабамукаа логуд̇д̇араа. сийлаад̣̇иад̇т̇асамбад̇д̇ияаа саад̇т̇ад̇о, сабхааванируд̇д̇исамбад̇д̇ияаа саб̣яан̃ж̇анад̇о. сувин̃н̃зяяасад̣̇д̣̇абаяог̇ад̇ааяа уд̇д̇аанабад̣̇ад̇о, сан̣хасукумабхаавзна д̣̇уб̣б̣ин̃н̃зяяад̇т̇ад̇ааяа г̇амбхийрад̇т̇ад̇о. синид̣̇д̇хамуд̣̇умад̇хурасад̣̇д̣̇абаяог̇ад̇ааяа ган̣н̣асукад̇о, вибулависуд̣̇д̇хабзманийяад̇т̇ад̇ааяа хад̣̇аяан̇г̇амад̇о. маанаад̇имаанавид̇хаманзна анад̇д̇уггам̣санад̇о, т̇амбхасаарамбхамад̣̇д̣̇анзна абаравамбханад̇о. хид̇аад̇хиббааяабавад̇д̇ияаа барзсам̣ рааг̇абарил̣аахаад̣̇ивуубасаманзна жа гарун̣аасийд̇алад̇о, гилзсанд̇хагааравид̇хаманзна бан̃н̃аавад̣̇аад̇ад̇о. гаравийгаруд̇аман̃ж̇уд̇ааяа аабаат̇араман̣ийяад̇о, буб̣б̣аабараавируд̣̇д̇хасувисуд̣̇д̇хад̇т̇ад̇ааяа вимад̣̇д̣̇агкамад̇о. аабаат̇араман̣ийяад̇ааяа зва суяяамаанасукад̇о, вимад̣̇д̣̇агкамад̇ааяа хид̇аж̇жхаасаяаббавад̇д̇ид̇ад̇ааяа жа виймам̣сияамаанахид̇ад̇о. звамаад̣̇ийхийд̇и аад̣̇исад̣̇д̣̇зна сам̣сааражагганивад̇д̇анад̇о, сад̣̇д̇хаммажаггаббавад̇д̇анад̇о, мижчааваад̣̇авид̇хаманад̇о, саммааваад̣̇абад̇идтаабанад̇о, агусаламууласамуд̣̇д̇харан̣ад̇о, гусаламууласам̣робанад̇о, абааяад̣̇ваарабид̇хаанад̇о, саг̇г̇амаг̇г̇ад̣̇вааравиваран̣ад̇о, барияудтаанавуубасаманад̇о, анусаяасамуг̇гхаад̇анад̇од̇и звамаад̣̇ийнам̣ сан̇г̇ахо д̣̇адтаб̣б̣о.

    Nayidaṃ āmeḍitavasena dvikkhattuṃ vuttaṃ, atha kho atthadvayavasenāti dassento ‘‘atha vā’’tiādimāha. Abhikkantanti vacanaṃ apekkhitvā napuṃsakaliṅgavasena vuttaṃ, taṃ pana bhagavato vacanaṃ dhammassa desanāti katvā tathā vuttaṃ. Atthamattadassanaṃ vā etaṃ, tasmā atthavasena liṅgavibhattivipariṇāmo veditabbo. Dutiyapadepi eseva nayo. Dosanāsanatoti rāgādikilesadosavidhamanato, guṇādhigamanatoti sīlādiguṇānaṃ sampāpanato. Ye guṇe desanā adhigameti, tesu padhānabhūtā dassetabbāti te padhānabhūte tāva dassetuṃ ‘‘saddhājananato paññājananato’’ti vuttaṃ. Saddhāpamukhā hi lokiyā guṇā, paññāpamukhā lokuttarā. Sīlādiatthasampattiyā sātthato, sabhāvaniruttisampattiyā sabyañjanato. Suviññeyyasaddapayogatāya uttānapadato, saṇhasukhumabhāvena dubbiññeyyatthatāya gambhīratthato. Siniddhamudumadhurasaddapayogatāya kaṇṇasukhato, vipulavisuddhapemanīyatthatāya hadayaṅgamato. Mānātimānavidhamanena anattukkaṃsanato, thambhasārambhamaddanena aparavambhanato. Hitādhippāyapavattiyā paresaṃ rāgapariḷāhādivūpasamanena ca karuṇāsītalato, kilesandhakāravidhamanena paññāvadātato. Karavīkarutamañjutāya āpātharamaṇīyato, pubbāparāviruddhasuvisuddhatthatāya vimaddakkhamato. Āpātharamaṇīyatāya eva suyyamānasukhato, vimaddakkhamatāya hitajjhāsayappavattitatāya ca vīmaṃsiyamānahitato. Evamādīhīti ādisaddena saṃsāracakkanivattanato, saddhammacakkappavattanato, micchāvādavidhamanato, sammāvādapatiṭṭhāpanato, akusalamūlasamuddharaṇato, kusalamūlasaṃropanato, apāyadvārapidhānato, saggamaggadvāravivaraṇato, pariyuṭṭhānavūpasamanato, anusayasamugghātanatoti evamādīnaṃ saṅgaho daṭṭhabbo.

    ад̇хомукадтабид̇анд̇и гзнажи ад̇хомукам̣ табид̇ам̣. хздтаамукаж̇аад̇анд̇и сабхаавзнзва хздтаамукаж̇аад̇ам̣. уг̇гхаадзяяаад̇и вивадам̣ гарзяяа. хад̇т̇з г̇ахзд̇ваад̇и ‘‘бурад̇т̇аабхимуко, уд̇д̇араабхимуко ваа г̇ажчаа’’д̇иаад̣̇ийни авад̇ваа хад̇т̇з г̇ахзд̇ваа ‘‘ниссанд̣̇зхам̣ зса маг̇г̇о, звам̣ г̇ажчаа’’д̇и вад̣̇зяяа. гаал̣абагкажаад̇уд̣̇д̣̇асийд̇и гаал̣абагкз жаад̇уд̣̇д̣̇асий.

    Adhomukhaṭṭhapitanti kenaci adhomukhaṃ ṭhapitaṃ. Heṭṭhāmukhajātanti sabhāveneva heṭṭhāmukhajātaṃ. Ugghāṭeyyāti vivaṭaṃ kareyya. Hatthe gahetvāti ‘‘puratthābhimukho, uttarābhimukho vā gacchā’’tiādīni avatvā hatthe gahetvā ‘‘nissandehaṃ esa maggo, evaṃ gacchā’’ti vadeyya. Kāḷapakkhacātuddasīti kāḷapakkhe cātuddasī.

    нигуж̇ж̇ид̇ам̣ аад̇хзяяасса анаад̇хаарабхууд̇ам̣ бхааж̇анам̣ аад̇хаарабхааваабаад̣̇анавасзна уггуж̇ж̇зяяа. хздтаамукаж̇аад̇ад̇ааяа сад̣̇д̇хаммавимукам̣, ад̇хомукадтабид̇ад̇ааяа асад̣̇д̇хаммз бад̇ид̇анд̇и звам̣ бад̣̇ад̣̇ваяам̣ яат̇аарахам̣ яож̇зд̇аб̣б̣ам̣, на яат̇аасан̇кяам̣. гаамам̣ гаамажчанд̣̇аад̣̇аяоби бадижчаад̣̇агаа, мижчаад̣̇идти бана сависзсам̣ бадижчаад̣̇игаад̇и ааха ‘‘мижчаад̣̇идтиг̇аханабадижчанна’’нд̇и. д̇знааха бхаг̇аваа ‘‘мижчаад̣̇идтибарамаахам̣, бхигкавз, важ̇ж̇ам̣ вад̣̇аамий’’д̇и (а. ни. 1.310). саб̣б̣о абааяаг̇аамимаг̇г̇о гуммаг̇г̇о ‘‘гужчид̇о маг̇г̇о’’д̇и гад̇ваа. саммаад̣̇идтиаад̣̇ийнам̣ уж̇убадибагкад̇ааяа мижчаад̣̇идтиаад̣̇аяо адта мижчад̇д̇ад̇хаммаа мижчаамаг̇г̇о. д̇знзва хи д̇ад̣̇убхаяабадибагкад̇ам̣ санд̇хааяа ‘‘саг̇г̇амогкамаг̇г̇ам̣ аажигканд̇знаа’’д̇и вуд̇д̇ам̣. саббиаад̣̇исанниссаяо бад̣̇ийбо на д̇ат̇аа уж̇ж̇ало, яат̇аа д̇зласанниссаяод̇и д̇злабаж̇ж̇од̇аг̇г̇ахан̣ам̣. зд̇зхи барияааязхийд̇и зд̇зхи нигуж̇ж̇ид̇уггуж̇ж̇анабадижчаннавиваран̣аад̣̇иубамобамид̇аб̣б̣абагаарзхи, зд̇зхи ваа яат̇аавуд̇д̇зхи сол̣асаарамман̣абариг̇г̇ахаасаммохавихаарад̣̇иб̣б̣авихааравибхааванабарияааязхи виж̇ж̇аад̇д̇аяавибхааванаабад̣̇зсзна ад̇д̇ано саб̣б̣ан̃н̃уг̇ун̣авибхааванабарияааязхи жа. д̇знааха ‘‘анзгабарияааязна д̇хаммо багаасид̇о’’д̇и.

    Nikujjitaṃ ādheyyassa anādhārabhūtaṃ bhājanaṃ ādhārabhāvāpādanavasena ukkujjeyya. Heṭṭhāmukhajātatāya saddhammavimukhaṃ, adhomukhaṭṭhapitatāya asaddhamme patitanti evaṃ padadvayaṃ yathārahaṃ yojetabbaṃ, na yathāsaṅkhyaṃ. Kāmaṃ kāmacchandādayopi paṭicchādakā, micchādiṭṭhi pana savisesaṃ paṭicchādikāti āha ‘‘micchādiṭṭhigahanapaṭicchanna’’nti. Tenāha bhagavā ‘‘micchādiṭṭhiparamāhaṃ, bhikkhave, vajjaṃ vadāmī’’ti (a. ni. 1.310). Sabbo apāyagāmimaggo kummaggo ‘‘kucchito maggo’’ti katvā. Sammādiṭṭhiādīnaṃ ujupaṭipakkhatāya micchādiṭṭhiādayo aṭṭha micchattadhammā micchāmaggo. Teneva hi tadubhayapaṭipakkhataṃ sandhāya ‘‘saggamokkhamaggaṃ ācikkhantenā’’ti vuttaṃ. Sappiādisannissayo padīpo na tathā ujjalo, yathā telasannissayoti telapajjotaggahaṇaṃ. Etehi pariyāyehīti etehi nikujjitukkujjanapaṭicchannavivaraṇādiupamopamitabbapakārehi, etehi vā yathāvuttehi soḷasārammaṇapariggahaasammohavihāradibbavihāravibhāvanapariyāyehi vijjāttayavibhāvanāpadesena attano sabbaññuguṇavibhāvanapariyāyehi ca. Tenāha ‘‘anekapariyāyena dhammo pakāsito’’ti.

    д̣̇зсанаанумод̣̇анааван̣н̣анаа нидтид̇аа.

    Desanānumodanāvaṇṇanā niṭṭhitā.

    басаннагаараван̣н̣анаа

    Pasannakāravaṇṇanā

    басаннагааранд̇и басаннзхи гаад̇аб̣б̣ам̣ саггаарам̣. саран̣анд̇и бадисаран̣ам̣. д̇знааха ‘‘барааяан̣а’’нд̇и. барааяан̣абхааво жа анад̇т̇анисзд̇ханзна ад̇т̇асамбадибаад̣̇анзна жа ход̇ийд̇и ааха ‘‘агхасса д̇аад̇аа хид̇асса жа вид̇хаад̇аа’’д̇и. агхассаад̇и д̣̇угкад̇од̇и вад̣̇анд̇и, баабад̇од̇и бана яуд̇д̇ам̣. ниссаггз жзд̇ам̣ саамиважанам̣. зд̇т̇а жа нааяам̣ г̇ами-сад̣̇д̣̇о ний-сад̣̇д̣̇аад̣̇аяо вияа д̣̇вигаммаго, д̇асмаа яат̇аа ‘‘аж̇ам̣ г̇аамам̣ нзд̇ий’’д̇и вужжад̇и, звам̣ ‘‘г̇од̇амам̣ саран̣ам̣ г̇ажчаамий’’д̇и вад̇д̇ум̣ на саггаа, ‘‘саран̣анд̇и г̇ажчаамий’’д̇и бана вад̇д̇аб̣б̣ам̣. ид̇и-сад̣̇д̣̇о жзд̇т̇а луд̇д̇анид̣̇д̣̇идто, д̇асса жааяамад̇т̇о – г̇аманан̃жа д̇ад̣̇ад̇хиббааязна бхаж̇анам̣, д̇ат̇аа ж̇аананам̣ ваад̇и д̣̇ассзнд̇о ‘‘ид̇и иминаа ад̇хиббааязнаа’’д̇иаад̣̇имааха . д̇ад̇т̇а бхаж̇аамийд̇иаад̣̇ийсу буримасса буримасса бажчимам̣ бажчимам̣ ад̇т̇аважанам̣. бхаж̇анам̣ ваа саран̣аад̇хиббааязна убасан̇гаманам̣, сзванам̣ санд̇игааважарад̇аа, баяирубаасанам̣ вад̇д̇абадивад̇д̇агаран̣зна убадтаананд̇и звам̣ саб̣б̣ат̇ааби анан̃н̃асаран̣ад̇ам̣язва д̣̇ийбзд̇и. ‘‘г̇ажчаамий’’д̇и бад̣̇асса гат̇ам̣ ‘‘б̣уж̇жхаамий’’д̇и аяамад̇т̇о лаб̣бхад̇ийд̇и ааха ‘‘язсан̃хий’’д̇иаад̣̇и.

    Pasannakāranti pasannehi kātabbaṃ sakkāraṃ. Saraṇanti paṭisaraṇaṃ. Tenāha ‘‘parāyaṇa’’nti. Parāyaṇabhāvo ca anatthanisedhanena atthasampaṭipādanena ca hotīti āha ‘‘aghassa tātā hitassa ca vidhātā’’ti. Aghassāti dukkhatoti vadanti, pāpatoti pana yuttaṃ. Nissakke cetaṃ sāmivacanaṃ. Ettha ca nāyaṃ gami-saddo nī-saddādayo viya dvikammako, tasmā yathā ‘‘ajaṃ gāmaṃ netī’’ti vuccati, evaṃ ‘‘gotamaṃ saraṇaṃ gacchāmī’’ti vattuṃ na sakkā, ‘‘saraṇanti gacchāmī’’ti pana vattabbaṃ. Iti-saddo cettha luttaniddiṭṭho, tassa cāyamattho – gamanañca tadadhippāyena bhajanaṃ, tathā jānanaṃ vāti dassento ‘‘iti iminā adhippāyenā’’tiādimāha . Tattha bhajāmītiādīsu purimassa purimassa pacchimaṃ pacchimaṃ atthavacanaṃ. Bhajanaṃ vā saraṇādhippāyena upasaṅkamanaṃ, sevanaṃ santikāvacaratā, payirupāsanaṃ vattapaṭivattakaraṇena upaṭṭhānanti evaṃ sabbathāpi anaññasaraṇataṃyeva dīpeti. ‘‘Gacchāmī’’ti padassa kathaṃ ‘‘bujjhāmī’’ti ayamattho labbhatīti āha ‘‘yesañhī’’tiādi.

    ад̇хиг̇ад̇амаг̇г̇з, сажчигад̇анирод̇хзд̇и бад̣̇ад̣̇ваязнаби паладтаа зва д̣̇ассид̇аа, на маг̇г̇адтаад̇и д̇з д̣̇ассзнд̇о ‘‘яат̇аанусидтам̣ бадибаж̇ж̇амаанз жаа’’д̇и ааха. нану жа галяаан̣абут̇уж̇ж̇аноби яат̇аанусидтам̣ бадибаж̇ж̇ад̇ийд̇и вужжад̇ийд̇и? гин̃жааби вужжад̇и, ниббарияааязна бана маг̇г̇адтаа зва д̇ат̇аа вад̇д̇аб̣б̣аа, на ид̇арз нияаамоггаманаабхаавад̇о. д̇ат̇аа хи д̇з зва ‘‘абааязсу абад̇амаанз д̇хаарзд̇ий’’д̇и вуд̇д̇аа. саммад̇д̇анияаамоггаманзна хи абааяавинимуд̇д̇исамбхаво. агкааяад̇ийд̇и зд̇т̇а ид̇и-сад̣̇д̣̇о аад̣̇иад̇т̇о, багаарад̇т̇о ваа. д̇зна ‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇ий’’д̇и суд̇д̇абад̣̇ам̣ (а. ни. 4.34; ид̇иву. 90) сан̇г̇ан̣хаад̇и, вид̇т̇аарод̇и ваа иминаа. зд̇т̇а жа арияамаг̇г̇о нияяаанигад̇ааяа, ниб̣б̣аанам̣ д̇асса д̇ад̣̇ад̇т̇асид̣̇д̇хихзд̇уд̇ааяаад̇и убхаяамзвзд̇т̇а ниббарияааязна д̇хаммод̇и вуд̇д̇о. ниб̣б̣аанан̃хи аарамман̣абажжаяабхууд̇ам̣ лабхид̇ваа арияамаг̇г̇асса д̇ад̣̇ад̇т̇асид̣̇д̇хи, арияапалаанам̣ ‘‘яасмаа д̇ааяа сад̣̇д̇хааяа авуубасанд̇ааяаа’’д̇иаад̣̇иважанад̇о маг̇г̇зна самужчиннаанам̣ гилзсаанам̣ бадиббассад̣̇д̇хибахаанагижжад̇ааяа нияяаанаануг̇ун̣ад̇ааяа нияяаанабарияосаанад̇ааяа жа. барияад̇д̇ид̇хаммасса бана нияяаанад̇хаммасамад̇хиг̇амахзд̇уд̇ааяаад̇и иминаа барияааязна д̇хаммабхааво лаб̣бхад̇и зва, свааяамад̇т̇о баатаарул̣хо зваад̇и д̣̇ассзнд̇о ‘‘на гзвала’’нд̇иаад̣̇имааха.

    Adhigatamagge,sacchikatanirodheti padadvayenapi phalaṭṭhā eva dassitā, na maggaṭṭhāti te dassento ‘‘yathānusiṭṭhaṃ paṭipajjamāne cā’’ti āha. Nanu ca kalyāṇaputhujjanopi yathānusiṭṭhaṃ paṭipajjatīti vuccatīti? Kiñcāpi vuccati, nippariyāyena pana maggaṭṭhā eva tathā vattabbā, na itare niyāmokkamanābhāvato. Tathā hi te eva ‘‘apāyesu apatamāne dhāretī’’ti vuttā. Sammattaniyāmokkamanena hi apāyavinimuttisambhavo. Akkhāyatīti ettha iti-saddo ādiattho, pakārattho vā. Tena ‘‘yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyatī’’ti suttapadaṃ (a. ni. 4.34; itivu. 90) saṅgaṇhāti, vitthāroti vā iminā. Ettha ca ariyamaggo niyyānikatāya, nibbānaṃ tassa tadatthasiddhihetutāyāti ubhayamevettha nippariyāyena dhammoti vutto. Nibbānañhi ārammaṇapaccayabhūtaṃ labhitvā ariyamaggassa tadatthasiddhi, ariyaphalānaṃ ‘‘yasmā tāya saddhāya avūpasantāyā’’tiādivacanato maggena samucchinnānaṃ kilesānaṃ paṭippassaddhipahānakiccatāya niyyānānuguṇatāya niyyānapariyosānatāya ca. Pariyattidhammassa pana niyyānadhammasamadhigamahetutāyāti iminā pariyāyena dhammabhāvo labbhati eva, svāyamattho pāṭhāruḷho evāti dassento ‘‘na kevala’’ntiādimāha.

    гаамарааг̇о бхаварааг̇од̇и звамаад̣̇ибхзд̣̇о саб̣б̣оби рааг̇о вираж̇ж̇ад̇и бахийяад̇и зд̇знаад̇и рааг̇авирааг̇од̇и маг̇г̇о гат̇ид̇о. зж̇аасан̇каад̇ааяа д̇ан̣хааяа анд̇ониж̇жхааналагкан̣асса согасса жа д̇ад̣̇уббад̇д̇ияам̣ саб̣б̣асо баригкийн̣ад̇д̇аа анзж̇амасоганд̇и палам̣ гат̇ид̇ам̣. аббадигууланд̇и авирод̇хад̣̇ийбанад̇о гзнажи авируд̣̇д̇хам̣, идтам̣ бан̣ийд̇анд̇и ваа ад̇т̇о. баг̇ун̣аруубзна бавад̇д̇ид̇ад̇д̇аа, багадтаг̇ун̣авибхааванад̇о ваа баг̇ун̣ам̣. яат̇ааха ‘‘вихим̣сасан̃н̃ий баг̇ун̣ам̣ на бхаасим̣, д̇хаммам̣ бан̣ийд̇ам̣ мануж̇зсу б̣рахмз’’д̇и. саб̣б̣ад̇хаммагканд̇хаа гат̇ид̇аад̇и яож̇анаа.

    Kāmarāgo bhavarāgoti evamādibhedo sabbopi rāgo virajjati pahīyati etenāti rāgavirāgoti maggo kathito. Ejāsaṅkhātāya taṇhāya antonijjhānalakkhaṇassa sokassa ca taduppattiyaṃ sabbaso parikkhīṇattā anejamasokanti phalaṃ kathitaṃ. Appaṭikūlanti avirodhadīpanato kenaci aviruddhaṃ, iṭṭhaṃ paṇītanti vā attho. Paguṇarūpena pavattitattā, pakaṭṭhaguṇavibhāvanato vā paguṇaṃ. Yathāha ‘‘vihiṃsasaññī paguṇaṃ na bhāsiṃ, dhammaṃ paṇītaṃ manujesu brahme’’ti. Sabbadhammakkhandhā kathitāti yojanā.

    д̣̇идтисийласан̇гхаад̇знаад̇и ‘‘яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа, д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇ий’’д̇и (д̣̇ий. ни. 3.324, 356; ма. ни. 1.492; 3.54) звам̣ вуд̇д̇ааяа д̣̇идтияаа, ‘‘яаани д̇аани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани , д̇ат̇ааруубзхи сийлзхи сийласааман̃н̃аг̇ад̇о вихарад̇ий’’д̇и (д̣̇ий. ни. 3.324; ма. ни. 1.492; 3.54; а. ни. 6.12; бари. 274) звам̣ вуд̇д̇аанам̣ сийлаанан̃жа сам̣хад̇абхаавзна, д̣̇идтисийласааман̃н̃знаад̇и ад̇т̇о. сам̣хад̇од̇и гхадид̇о. арияабуг̇г̇алаа хи яад̇т̇а гад̇т̇ажи д̣̇уурз тид̇ааби ад̇д̇ано г̇ун̣асаамаг̇г̇ияаа сам̣хад̇аа зва. адта жа буг̇г̇ала д̇хаммад̣̇асаа д̇зд̇и д̇з бурисаяуг̇авасзна жад̇д̇аароби буг̇г̇алавасзна адтзва арияад̇хаммасса бажжагкад̣̇ассаавид̇ааяа д̇хаммад̣̇асаа. д̇ийн̣и вад̇т̇ууни саран̣анд̇и г̇аманзна д̇игкад̇д̇ум̣ г̇аманзна жа д̇ийн̣и саран̣аг̇аманаани. бадивзд̣̇зсийд̇и ад̇д̇ано хад̣̇аяаг̇ад̇ам̣ ваажааяа бавзд̣̇зси.

    Diṭṭhisīlasaṅghātenāti ‘‘yāyaṃ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharatī’’ti (dī. ni. 3.324, 356; ma. ni. 1.492; 3.54) evaṃ vuttāya diṭṭhiyā, ‘‘yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni , tathārūpehi sīlehi sīlasāmaññagato viharatī’’ti (dī. ni. 3.324; ma. ni. 1.492; 3.54; a. ni. 6.12; pari. 274) evaṃ vuttānaṃ sīlānañca saṃhatabhāvena, diṭṭhisīlasāmaññenāti attho. Saṃhatoti ghaṭito. Ariyapuggalā hi yattha katthaci dūre ṭhitāpi attano guṇasāmaggiyā saṃhatā eva. Aṭṭha ca puggala dhammadasā teti te purisayugavasena cattāropi puggalavasena aṭṭheva ariyadhammassa paccakkhadassāvitāya dhammadasā. Tīṇi vatthūni saraṇanti gamanena tikkhattuṃ gamanena ca tīṇi saraṇagamanāni. Paṭivedesīti attano hadayagataṃ vācāya pavedesi.

    басаннагаараван̣н̣анаа нидтид̇аа.

    Pasannakāravaṇṇanā niṭṭhitā.

    саран̣аг̇аманагат̇ааван̣н̣анаа

    Saraṇagamanakathāvaṇṇanā

    саран̣аг̇аманасса висаяабабхзд̣̇апаласам̣гилзсабхзд̣̇аанам̣ вияа гад̇д̇у жа вибхааванаа д̇ад̇т̇а госаллааяа ход̇ийд̇и ‘‘саран̣аг̇аманзсу госаллад̇т̇ам̣ саран̣ам̣…бз… взд̣̇ид̇аб̣б̣о’’д̇и вуд̇д̇ам̣ д̇зна винаа саран̣аг̇аманассзва асамбхавад̇о. гасмаа банзд̇т̇а вод̣̇аанам̣ на г̇ахид̇ам̣, нану вод̣̇аанавибхааванааби д̇ад̇т̇а госаллаавахаад̇и? сажжамзд̇ам̣, д̇ам̣ бана сам̣гилзсаг̇г̇ахан̣знзва ад̇т̇ад̇о д̣̇ийбид̇ам̣ ход̇ийд̇и на г̇ахид̇ам̣. яаани хи д̇зсам̣ сам̣гилзсагааран̣аани ан̃н̃аан̣аад̣̇ийни, д̇зсам̣ саб̣б̣зна саб̣б̣ам̣ ануббаннаанам̣ ануббаад̣̇анзна, уббаннаанан̃жа бахаанзна вод̣̇аанам̣ ход̇ийд̇и. хим̣сад̇т̇асса сара-сад̣̇д̣̇асса васзнзд̇ам̣ бад̣̇ам̣ д̣̇адтаб̣б̣анд̇и ‘‘хим̣сад̇ийд̇и саран̣а’’нд̇и вад̇ваа д̇ам̣ бана хим̣санам̣ гзсам̣, гат̇ам̣, гасса ваад̇и жод̣̇анам̣ сод̇хзнд̇о ‘‘саран̣аг̇ад̇аана’’нд̇иаад̣̇имааха. д̇ад̇т̇а бхаяанд̇и ваддабхаяам̣. санд̇аасанд̇и жид̇д̇уд̇раасам̣. д̇знзва жзд̇асигад̣̇угкасса г̇ахид̇ад̇д̇аа д̣̇угканд̇и ид̇ха гааяигам̣ д̣̇угкам̣. д̣̇уг̇г̇ад̇ибаригилзсанд̇и д̣̇уг̇г̇ад̇ибарияаабаннам̣ саб̣б̣ам̣ д̣̇угкам̣. д̇аяид̣̇ам̣ саб̣б̣ам̣ барад̇о палагат̇ааяам̣ аави бхависсад̇и. зд̇анд̇и ‘‘саран̣а’’нд̇и бад̣̇ам̣.

    Saraṇagamanassa visayapabhedaphalasaṃkilesabhedānaṃ viya kattu ca vibhāvanā tattha kosallāya hotīti ‘‘saraṇagamanesu kosallatthaṃsaraṇaṃ…pe… veditabbo’’ti vuttaṃ tena vinā saraṇagamanasseva asambhavato. Kasmā panettha vodānaṃ na gahitaṃ, nanu vodānavibhāvanāpi tattha kosallāvahāti? Saccametaṃ, taṃ pana saṃkilesaggahaṇeneva atthato dīpitaṃ hotīti na gahitaṃ. Yāni hi tesaṃ saṃkilesakāraṇāni aññāṇādīni, tesaṃ sabbena sabbaṃ anuppannānaṃ anuppādanena, uppannānañca pahānena vodānaṃ hotīti. Hiṃsatthassa sara-saddassa vasenetaṃ padaṃ daṭṭhabbanti ‘‘hiṃsatīti saraṇa’’nti vatvā taṃ pana hiṃsanaṃ kesaṃ, kathaṃ, kassa vāti codanaṃ sodhento ‘‘saraṇagatāna’’ntiādimāha. Tattha bhayanti vaṭṭabhayaṃ. Santāsanti cittutrāsaṃ. Teneva cetasikadukkhassa gahitattā dukkhanti idha kāyikaṃ dukkhaṃ. Duggatiparikilesanti duggatipariyāpannaṃ sabbaṃ dukkhaṃ. Tayidaṃ sabbaṃ parato phalakathāyaṃ āvi bhavissati. Etanti ‘‘saraṇa’’nti padaṃ.

    звам̣ ависзсад̇о саран̣асад̣̇д̣̇асса ад̇т̇ам̣ д̣̇ассзд̇ваа ид̣̇аани висзсад̇о д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. хид̇з бавад̇д̇амаанзнаад̇и ‘‘самбаннасийлаа, бхигкавз, вихарат̇аа’’д̇иаад̣̇инаа (ма. ни. 1.64, 69) ад̇т̇з нияож̇анзна. ахид̇аа жа нивад̇д̇анзнаад̇и ‘‘баан̣аад̇ибаад̇асса ко баабаго вибааго баабагам̣ абхисамбарааяа’’нд̇иаад̣̇инаа аад̣̇ийнавад̣̇ассанаад̣̇имукзна анад̇т̇ад̇о винивад̇д̇анзна. бхаяам̣ хим̣сад̇ийд̇и хид̇аахид̇зсу аббавад̇д̇ибавад̇д̇ихзд̇угам̣ б̣яасанам̣ аббавад̇д̇игаран̣зна винаасзд̇и . бхаваганд̇аараа уд̇д̇ааран̣зна маг̇г̇асан̇каад̇о д̇хаммо, ид̇аро ассаасад̣̇аанзна сад̇д̇аанам̣ бхаяам̣ хим̣сад̇ийд̇и яож̇анаа. гаараананд̇и д̣̇аанавасзна бууж̇аавасзна жа убанийд̇аанам̣ саггаараанам̣. вибулапалабадилаабхагаран̣зна сад̇д̇аанам̣ бхаяам̣ хим̣сад̇и ануд̇д̇арад̣̇агкин̣зяяабхаавад̇од̇и ад̇хиббааяо. иминааби барияааязнаад̇и иминааби вибхаж̇ид̇ваа вуд̇д̇зна гааран̣зна.

    Evaṃ avisesato saraṇasaddassa atthaṃ dassetvā idāni visesato dassetuṃ ‘‘atha vā’’tiādi vuttaṃ. Hite pavattamānenāti ‘‘sampannasīlā, bhikkhave, viharathā’’tiādinā (ma. ni. 1.64, 69) atthe niyojanena. Ahitā ca nivattanenāti ‘‘pāṇātipātassa kho pāpako vipāko pāpakaṃ abhisamparāya’’ntiādinā ādīnavadassanādimukhena anatthato vinivattanena. Bhayaṃ hiṃsatīti hitāhitesu appavattipavattihetukaṃ byasanaṃ appavattikaraṇena vināseti . Bhavakantārā uttāraṇena maggasaṅkhāto dhammo, itaro assāsadānena sattānaṃ bhayaṃ hiṃsatīti yojanā. Kārānanti dānavasena pūjāvasena ca upanītānaṃ sakkārānaṃ. Vipulaphalapaṭilābhakaraṇena sattānaṃ bhayaṃ hiṃsati anuttaradakkhiṇeyyabhāvatoti adhippāyo. Imināpi pariyāyenāti imināpi vibhajitvā vuttena kāraṇena.

    ‘‘саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гхо’’д̇и звам̣ бавад̇д̇о д̇ад̇т̇а рад̇анад̇д̇аяз басаад̣̇о д̇аббасаад̣̇о, д̇ад̣̇зва рад̇анад̇д̇аяам̣ г̇ару зд̇ассаад̇и д̇аг̇г̇ару, д̇асса бхааво д̇аг̇г̇аруд̇аа, д̇аббасаад̣̇о жа д̇аг̇г̇аруд̇аа жа д̇аббасаад̣̇ад̇аг̇г̇аруд̇аа, д̇аахи. вид̇худ̇ад̣̇идтивижигижчаасаммохаассад̣̇д̇хияаад̣̇ид̇ааяа вихад̇агилзсо. ‘‘д̇ад̣̇зва рад̇анад̇д̇аяам̣ барааяан̣ам̣ г̇ад̇и д̇аан̣ам̣ лзн̣а’’нд̇и звам̣ аагаарзна бавад̇д̇ияаа д̇аббарааяан̣ад̇аагаарабавад̇д̇о жид̇д̇уббаад̣̇о саран̣аг̇аманам̣ ‘‘саран̣анд̇и г̇ажчад̇и зд̇знаа’’д̇и. д̇ам̣саман̇г̇ийд̇и д̇зна яат̇аавуд̇д̇ажид̇д̇уббаад̣̇зна саманнааг̇ад̇о. звам̣ убзд̇ийд̇и звам̣ бхаж̇ад̇и сзвад̇и баяирубаасад̇и, звам̣ ваа ж̇аанаад̇и б̣уж̇жхад̇ийд̇и звамад̇т̇о взд̣̇ид̇аб̣б̣о. зд̇т̇а жа басаад̣̇аг̇г̇ахан̣зна логияасаран̣аг̇аманамааха. д̇ан̃хи басаад̣̇аббад̇хаанам̣, на н̃аан̣аббад̇хаанам̣. г̇аруд̇ааг̇ахан̣зна логуд̇д̇арам̣. арияаа хи рад̇анад̇д̇аяам̣ г̇ун̣аабхин̃н̃аад̇ааяа баасаан̣ажчад̇д̇ам̣ вияа г̇арум̣ гад̇ваа бассанд̇и, д̇асмаа д̇аббасаад̣̇зна вигкамбханавасзна вихад̇агилзсо д̇аг̇г̇аруд̇ааяа самужчзд̣̇авасзнаад̇и яож̇зд̇аб̣б̣ам̣. д̇аббарааяан̣ад̇аа банзд̇т̇а д̇аг̇г̇ад̇игад̇аад̇и д̇ааяа жад̇уб̣б̣ид̇хамби вагкамаанам̣ саран̣аг̇аманам̣ г̇ахид̇анд̇и д̣̇адтаб̣б̣ам̣. ависзсзна ваа басаад̣̇аг̇аруд̇аа ж̇од̇ид̇аад̇и басаад̣̇аг̇г̇ахан̣зна авзжжаббасаад̣̇асса ид̇арасса жа г̇ахан̣ам̣, д̇ат̇аа г̇аруд̇ааг̇ахан̣знаад̇и убхаязнаби убхаяам̣ саран̣аг̇аманам̣ яож̇зд̇аб̣б̣ам̣.

    ‘‘Sammāsambuddho bhagavā, svākkhāto dhammo, suppaṭipanno saṅgho’’ti evaṃ pavatto tattha ratanattaye pasādo tappasādo, tadeva ratanattayaṃ garu etassāti taggaru, tassa bhāvo taggarutā, tappasādo ca taggarutā ca tappasādataggarutā, tāhi. Vidhutadiṭṭhivicikicchāsammohaassaddhiyāditāya vihatakileso. ‘‘Tadeva ratanattayaṃ parāyaṇaṃ gati tāṇaṃ leṇa’’nti evaṃ ākārena pavattiyā tapparāyaṇatākārapavatto cittuppādo saraṇagamanaṃ ‘‘saraṇanti gacchati etenā’’ti. Taṃsamaṅgīti tena yathāvuttacittuppādena samannāgato. Evaṃ upetīti evaṃ bhajati sevati payirupāsati, evaṃ vā jānāti bujjhatīti evamattho veditabbo. Ettha ca pasādaggahaṇena lokiyasaraṇagamanamāha. Tañhi pasādappadhānaṃ, na ñāṇappadhānaṃ. Garutāgahaṇena lokuttaraṃ. Ariyā hi ratanattayaṃ guṇābhiññātāya pāsāṇacchattaṃ viya garuṃ katvā passanti, tasmā tappasādena vikkhambhanavasena vihatakileso taggarutāya samucchedavasenāti yojetabbaṃ. Tapparāyaṇatā panettha taggatikatāti tāya catubbidhampi vakkhamānaṃ saraṇagamanaṃ gahitanti daṭṭhabbaṃ. Avisesena vā pasādagarutā jotitāti pasādaggahaṇena aveccappasādassa itarassa ca gahaṇaṃ, tathā garutāgahaṇenāti ubhayenapi ubhayaṃ saraṇagamanaṃ yojetabbaṃ.

    маг̇г̇агкан̣з иж̇жхад̇ийд̇и яож̇анаа. ниб̣б̣аанаарамман̣ам̣ худ̇ваад̇и зд̇зна ад̇т̇ад̇о жад̇усажжаад̇хиг̇амоязва логуд̇д̇арам̣ саран̣аг̇амананд̇и д̣̇ассзд̇и. д̇ад̇т̇а хи ниб̣б̣аанад̇хаммо сажчигирияаабхисамаяавасзна, маг̇г̇ад̇хаммо бхааванаабхисамаяавасзна бадивиж̇жхияамааноязва саран̣аг̇аманад̇д̇ам̣ саад̇хзд̇и, б̣уд̣̇д̇хаг̇ун̣аа бана саавагаг̇ожарабхууд̇аа барин̃н̃аабхисамаяавасзна, д̇ат̇аа арияасан̇гхаг̇ун̣аа. д̇знааха ‘‘гижжад̇о сагалзби рад̇анад̇д̇аяз иж̇жхад̇ий’’д̇и, иж̇жханд̇ан̃жа сахзва иж̇жхад̇и, на логияам̣ вияа бадибаадияаа асаммохабадивзд̇хзна бадивид̣̇д̇хад̇д̇аад̇и ад̇хиббааяо. яз бана вад̣̇анд̇и ‘‘на саран̣аг̇аманам̣ ниб̣б̣аанаарамман̣ам̣ худ̇ваа бавад̇д̇ад̇и, маг̇г̇асса ад̇хиг̇ад̇ад̇д̇аа бана ад̇хиг̇ад̇амзва ход̇и згажжаанам̣ д̇звиж̇ж̇аад̣̇ийнам̣ логияавиж̇ж̇аад̣̇аяо вияаа’’д̇и, д̇зсам̣ логияамзва саран̣аг̇аманам̣ сияаа, на логуд̇д̇арам̣, д̇ан̃жа аяуд̇д̇ам̣ д̣̇увид̇хассаби ижчид̇аб̣б̣ад̇д̇аа. д̇анд̇и логияасаран̣аг̇аманам̣. сад̣̇д̇хаабадилаабхо ‘‘саммаасамб̣уд̣̇д̇хо бхаг̇аваа’’д̇иаад̣̇инаа. сад̣̇д̇хаамуулигаад̇и яат̇аавуд̇д̇асад̣̇д̇хаабуб̣б̣ан̇г̇амаа саммаад̣̇идти б̣уд̣̇д̇хасуб̣уд̣̇д̇хад̇ам̣ д̇хаммасуд̇хаммад̇ам̣ сан̇гхасуббадибад̇ин̃жа логияааваб̣од̇хавасзнзва саммаа н̃ааязна д̣̇ассанад̇о. ‘‘сад̣̇д̇хаамуулигаа саммаад̣̇идтий’’д̇и зд̇зна сад̣̇д̇хуубаниссаяаа яат̇аавуд̇д̇алагкан̣аа бан̃н̃аа логияасаран̣аг̇амананд̇и д̣̇ассзд̇и. д̇знааха ‘‘д̣̇идтиж̇угамманд̇и вужжад̇ий’’д̇и ‘‘д̣̇идти зва ад̇д̇ано бажжаязхи уж̇ум̣ гарийяад̇ий’’д̇и гад̇ваа. д̣̇идти ваа уж̇ум̣ гарийяад̇и зд̇знаад̇и д̣̇идтиж̇угаммам̣, д̇ат̇аа бавад̇д̇о жид̇д̇уббаад̣̇о . зван̃жа гад̇ваа ‘‘д̇аббарааяан̣ад̇аагаарабавад̇д̇о жид̇д̇уббаад̣̇о’’д̇и ид̣̇ан̃жа важанам̣ самад̇т̇ид̇ам̣ ход̇и. сад̣̇д̇хаабуб̣б̣ан̇г̇амасаммаад̣̇идтиг̇г̇ахан̣ам̣ бана жид̇д̇уббаад̣̇асса д̇аббад̇хаанад̇ааяаад̇и д̣̇адтаб̣б̣ам̣. ‘‘сад̣̇д̇хаабадилаабхо’’д̇и иминаа маад̇аад̣̇ийхи уссаахид̇ад̣̇аарагаад̣̇ийнам̣ вияа н̃аан̣авиббаяуд̇д̇асаран̣аг̇аманам̣ д̣̇ассзд̇и, ‘‘саммаад̣̇идтий’’д̇и иминаа н̃аан̣асамбаяуд̇д̇асаран̣аг̇аманам̣.

    Maggakkhaṇe ijjhatīti yojanā. Nibbānārammaṇaṃ hutvāti etena atthato catusaccādhigamoyeva lokuttaraṃ saraṇagamananti dasseti. Tattha hi nibbānadhammo sacchikiriyābhisamayavasena, maggadhammo bhāvanābhisamayavasena paṭivijjhiyamānoyeva saraṇagamanattaṃ sādheti, buddhaguṇā pana sāvakagocarabhūtā pariññābhisamayavasena, tathā ariyasaṅghaguṇā. Tenāha ‘‘kiccato sakalepi ratanattaye ijjhatī’’ti, ijjhantañca saheva ijjhati, na lokiyaṃ viya paṭipāṭiyā asammohapaṭivedhena paṭividdhattāti adhippāyo. Ye pana vadanti ‘‘na saraṇagamanaṃ nibbānārammaṇaṃ hutvā pavattati, maggassa adhigatattā pana adhigatameva hoti ekaccānaṃ tevijjādīnaṃ lokiyavijjādayo viyā’’ti, tesaṃ lokiyameva saraṇagamanaṃ siyā, na lokuttaraṃ, tañca ayuttaṃ duvidhassapi icchitabbattā. Tanti lokiyasaraṇagamanaṃ. Saddhāpaṭilābho ‘‘sammāsambuddho bhagavā’’tiādinā. Saddhāmūlikāti yathāvuttasaddhāpubbaṅgamā sammādiṭṭhi buddhasubuddhataṃ dhammasudhammataṃ saṅghasuppaṭipatiñca lokiyāvabodhavaseneva sammā ñāyena dassanato. ‘‘Saddhāmūlikā sammādiṭṭhī’’ti etena saddhūpanissayā yathāvuttalakkhaṇā paññā lokiyasaraṇagamananti dasseti. Tenāha ‘‘diṭṭhijukammanti vuccatī’’ti ‘‘diṭṭhi eva attano paccayehi ujuṃ karīyatī’’ti katvā. Diṭṭhi vā ujuṃ karīyati etenāti diṭṭhijukammaṃ, tathā pavatto cittuppādo . Evañca katvā ‘‘tapparāyaṇatākārapavatto cittuppādo’’ti idañca vacanaṃ samatthitaṃ hoti. Saddhāpubbaṅgamasammādiṭṭhiggahaṇaṃ pana cittuppādassa tappadhānatāyāti daṭṭhabbaṃ. ‘‘Saddhāpaṭilābho’’ti iminā mātādīhi ussāhitadārakādīnaṃ viya ñāṇavippayuttasaraṇagamanaṃ dasseti, ‘‘sammādiṭṭhī’’ti iminā ñāṇasampayuttasaraṇagamanaṃ.

    д̇аяид̣̇ам̣ логияам̣ саран̣аг̇аманам̣. ад̇д̇аа саннияяаад̇ийяад̇и аббийяад̇и барижжаж̇ийяад̇и зд̇знаад̇и ад̇д̇асаннияяаад̇анам̣, яат̇аавуд̇д̇ам̣ д̣̇идтиж̇угаммам̣. д̇ам̣ рад̇анад̇д̇аяам̣ барааяан̣ам̣ бадисаран̣ам̣ зд̇ассаад̇и д̇аббарааяан̣о, буг̇г̇ало, жид̇д̇уббаад̣̇о ваа, д̇асса бхааво д̇аббарааяан̣ад̇аа, яат̇аавуд̇д̇ад̣̇идтиж̇угаммамзва. саран̣анд̇и ад̇хиббааязна сиссабхаавам̣ анд̇зваасигабхаавам̣ убаг̇ажчад̇и зд̇знаад̇и сиссабхаавуубаг̇аманам̣. саран̣аг̇аманаад̇хиббааязнзва бан̣ибад̇ад̇и зд̇знаад̇и бан̣ибаад̇о. саб̣б̣ад̇т̇а яат̇аавуд̇д̇ад̣̇идтиж̇угаммавасзнзва ад̇т̇о взд̣̇ид̇аб̣б̣о. ад̇д̇абарижжаж̇ананд̇и сам̣саарад̣̇угканид̇т̇аран̣ад̇т̇ам̣ ад̇д̇ано ад̇д̇абхаавасса барижжаж̇анам̣. зса наяо сзсзсуби. б̣уд̣̇д̇хаад̣̇ийнам̣язваад̇и авад̇хааран̣ам̣ ид̇арзсуби саран̣аг̇аманависзсзсу яат̇аарахам̣ вад̇д̇аб̣б̣ам̣. зван̃хи д̇ад̣̇ан̃н̃анивад̇д̇анам̣ гад̇ам̣ ход̇и.

    Tayidaṃ lokiyaṃ saraṇagamanaṃ. Attā sanniyyātīyati appīyati pariccajīyati etenāti attasanniyyātanaṃ, yathāvuttaṃ diṭṭhijukammaṃ. Taṃ ratanattayaṃ parāyaṇaṃ paṭisaraṇaṃ etassāti tapparāyaṇo, puggalo, cittuppādo vā, tassa bhāvo tapparāyaṇatā, yathāvuttadiṭṭhijukammameva. Saraṇanti adhippāyena sissabhāvaṃ antevāsikabhāvaṃ upagacchati etenāti sissabhāvūpagamanaṃ. Saraṇagamanādhippāyeneva paṇipatati etenāti paṇipāto. Sabbattha yathāvuttadiṭṭhijukammavaseneva attho veditabbo. Attapariccajananti saṃsāradukkhanittharaṇatthaṃ attano attabhāvassa pariccajanaṃ. Esa nayo sesesupi. Buddhādīnaṃyevāti avadhāraṇaṃ itaresupi saraṇagamanavisesesu yathārahaṃ vattabbaṃ. Evañhi tadaññanivattanaṃ kataṃ hoti.

    звам̣ ад̇д̇асаннияаад̇анаад̣̇ийни згзна багаарзна д̣̇ассзд̇ваа ид̣̇аани абарзхиби багаарзхи д̣̇ассзд̇ум̣ ‘‘абижаа’’д̇иаад̣̇и аарад̣̇д̇хам̣. д̇зна барияааяанд̇арзхиби ад̇д̇асаннияяаад̇анаад̣̇и гад̇амзва ход̇и ад̇т̇асса абхиннад̇д̇аад̇и д̣̇ассзд̇и. аал̣авагаад̣̇ийнанд̇и аад̣̇и-сад̣̇д̣̇зна саад̇ааг̇ирихзмавад̇аад̣̇ийнам̣ сан̇г̇ахо д̣̇адтаб̣б̣о. нану жзд̇з аал̣авагаад̣̇аяо маг̇г̇знзва ааг̇ад̇асаран̣аг̇аманаа, гат̇ам̣ д̇зсам̣ д̇аббарааяан̣ад̇аасаран̣аг̇аманам̣ вуд̇д̇анд̇и? маг̇г̇знааг̇ад̇асаран̣аг̇аманзхиби ‘‘со ахам̣ вижариссаами г̇аамаа г̇аама’’нд̇иаад̣̇инаа (сам̣. ни. 1.246) д̇зхи д̇аббарааяан̣ад̇аагаарасса бавзд̣̇ид̇ад̇д̇аа д̇ат̇аа вуд̇д̇ам̣.

    Evaṃ attasanniyātanādīni ekena pakārena dassetvā idāni aparehipi pakārehi dassetuṃ ‘‘apicā’’tiādi āraddhaṃ. Tena pariyāyantarehipi attasanniyyātanādi katameva hoti atthassa abhinnattāti dasseti. Āḷavakādīnanti ādi-saddena sātāgirihemavatādīnaṃ saṅgaho daṭṭhabbo. Nanu cete āḷavakādayo maggeneva āgatasaraṇagamanā, kathaṃ tesaṃ tapparāyaṇatāsaraṇagamanaṃ vuttanti? Maggenāgatasaraṇagamanehipi ‘‘so ahaṃ vicarissāmi gāmā gāma’’ntiādinā (saṃ. ni. 1.246) tehi tapparāyaṇatākārassa paveditattā tathā vuttaṃ.

    н̃аад̇и…бз… васзнаад̇и зд̇т̇а н̃аад̇ивасзна бхаяавасзна аажарияавасзна д̣̇агкин̣зяяавасзнаад̇и бажжзгам̣ ‘‘васзнаа’’д̇и бад̣̇ам̣ яож̇зд̇аб̣б̣ам̣. д̇ад̇т̇а н̃аад̇ивасзнаад̇и н̃аад̇ибхаававасзна. звам̣ сзсзсуби. д̣̇агкин̣зяяабан̣ибаад̇знаад̇и д̣̇агкин̣зяяад̇аахзд̇угзна бан̣ибаад̇зна. ид̇арзхийд̇и н̃аад̇ибхааваад̣̇ивасаббавад̇д̇зхи д̇ийхи бан̣ибаад̇зхи. ид̇арзхийд̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘д̇асмаа’’д̇иаад̣̇и вуд̇д̇ам̣. ванд̣̇ад̇ийд̇и бан̣ибаад̇асса лагкан̣аважанам̣. зваруубанд̇и д̣̇идтад̇хаммигам̣ санд̇хааяа вад̣̇ад̇и. самбарааяиган̃хи нияяаанигам̣ ваа анусаасанам̣ бажжаасийсанд̇о д̣̇агкин̣зяяабан̣ибаад̇амзва гарод̇ийд̇и ад̇хиббааяо. саран̣аг̇аманаббабхзд̣̇од̇и саран̣аг̇аманавибхааг̇о.

    Ñāti…pe… vasenāti ettha ñātivasena bhayavasena ācariyavasena dakkhiṇeyyavasenāti paccekaṃ ‘‘vasenā’’ti padaṃ yojetabbaṃ. Tattha ñātivasenāti ñātibhāvavasena. Evaṃ sesesupi. Dakkhiṇeyyapaṇipātenāti dakkhiṇeyyatāhetukena paṇipātena. Itarehīti ñātibhāvādivasappavattehi tīhi paṇipātehi. Itarehītiādinā saṅkhepato vuttamatthaṃ vitthārato dassetuṃ ‘‘tasmā’’tiādi vuttaṃ. Vandatīti paṇipātassa lakkhaṇavacanaṃ. Evarūpanti diṭṭhadhammikaṃ sandhāya vadati. Samparāyikañhi niyyānikaṃ vā anusāsanaṃ paccāsīsanto dakkhiṇeyyapaṇipātameva karotīti adhippāyo. Saraṇagamanappabhedoti saraṇagamanavibhāgo.

    арияамаг̇г̇оязва логуд̇д̇арасаран̣аг̇амананд̇и ааха ‘‘жад̇д̇аари сааман̃н̃апалаани вибаагапала’’нд̇и. саб̣б̣ад̣̇угкагкаяод̇и сагаласса ваддад̣̇угкасса ануббаад̣̇анирод̇хо. зд̇анд̇и ‘‘жад̇д̇аари арияасажжаани, саммаббан̃н̃ааяа бассад̇ий’’д̇и (д̇ха. ба. 190) звам̣ вуд̇д̇ам̣ арияасажжад̣̇ассанам̣.

    Ariyamaggoyeva lokuttarasaraṇagamananti āha ‘‘cattāri sāmaññaphalāni vipākaphala’’nti. Sabbadukkhakkhayoti sakalassa vaṭṭadukkhassa anuppādanirodho. Etanti ‘‘cattāri ariyasaccāni, sammappaññāya passatī’’ti (dha. pa. 190) evaṃ vuttaṃ ariyasaccadassanaṃ.

    нижжад̇о анубаг̇аманаад̣̇ивасзнаад̇и нижжанд̇и аг̇г̇ахан̣аад̣̇ивасзна. адтаананд̇и хзд̇убадигкзбо. анавагаасод̇и бажжаяабадигкзбо. убхаязнаби гааран̣амзва бадигкибад̇и. яанд̇и язна гааран̣зна. д̣̇идтисамбаннод̇и маг̇г̇ад̣̇идтияаа самбанно сод̇аабанно. ган̃жи сан̇кааранд̇и жад̇убхуумагзсу сан̇кад̇асан̇каарзсу згасан̇каарамби. нижжад̇о убаг̇ажчзяяаад̇и ‘‘нижжо’’д̇и г̇ан̣хзяяа. сукад̇о убаг̇ажчзяяаад̇и ‘‘зганд̇асукий ад̇д̇аа ход̇и арог̇о барам̣ маран̣аа’’д̇и (д̣̇ий. ни. 1.76) звам̣ ад̇д̇ад̣̇идтивасзна сукад̇о г̇аахам̣ санд̇хааязд̇ам̣ вуд̇д̇ам̣. д̣̇идтивиббаяуд̇д̇ажид̇д̇зна бана арияасааваго барил̣аахавуубасаманад̇т̇ам̣ мад̇д̇ахад̇т̇ибарид̇д̇аасид̇о вияа жогкаб̣раахман̣о уггаарабхуумим̣ ган̃жи сан̇каарам̣ сукад̇о убаг̇ажчад̇и. ад̇д̇аваарз гасин̣аад̣̇ибан̃н̃ад̇д̇исан̇г̇ахан̣ад̇т̇ам̣ ‘‘сан̇каара’’нд̇и авад̇ваа ‘‘ган̃жи д̇хамма’’нд̇и вуд̇д̇ам̣. имзсуби ваарзсу жад̇убхуумагавасзнзва барижчзд̣̇о взд̣̇ид̇аб̣б̣о д̇збхуумагавасзнзва ваа. яам̣ яан̃хи бут̇уж̇ж̇ано г̇аахавасзна г̇ан̣хаад̇и, д̇ад̇о д̇ад̇о арияасааваго г̇аахам̣ винивзтзд̇и. маад̇аранд̇иаад̣̇ийсу ж̇анигаа маад̇аа, ж̇анаго бид̇аа, мануссабхууд̇о кийн̣аасаво арахаад̇и ад̇хиббзд̇о. гим̣ бана арияасааваго ан̃н̃ам̣ ж̇ийвид̇аа воробзяяаад̇и? зд̇амби адтаанам̣, бут̇уж̇ж̇анабхаавасса бана махаасааваж̇ж̇абхаавад̣̇ассанад̇т̇ам̣ арияасаавагасса палад̣̇ийбанад̇т̇ан̃жзвам̣ вуд̇д̇ам̣. д̣̇удтажид̇д̇о вад̇хагажид̇д̇зна бад̣̇удтажид̇д̇о. лохид̇ам̣ уббаад̣̇зяяаад̇и ж̇ийвамаанагасарийрз куд̣̇д̣̇агамагкигааяа биванамад̇д̇амби лохид̇ам̣ уббаад̣̇зяяа. сан̇гхам̣ бхинд̣̇зяяаад̇и самаанасам̣ваасагам̣ самаанасиймааяам̣ тид̇ам̣ сан̇гхам̣ ‘гаммзна уд̣̇д̣̇зсзна вохаранд̇о ануссааванзна салаагаг̇г̇аахзнаа’’д̇и (бари. 458) звам̣ вуд̇д̇зхи бан̃жахи гааран̣зхи бхинд̣̇зяяа . ан̃н̃ам̣ сад̇т̇ааранд̇и ан̃н̃ам̣ д̇ид̇т̇агарам̣ ‘‘аяам̣ мз сад̇т̇аа’’д̇и звам̣ г̇ан̣хзяяаад̇и нзд̇ам̣ таанам̣ виж̇ж̇ад̇ийд̇и ад̇т̇о.

    Niccato anupagamanādivasenāti niccanti aggahaṇādivasena. Aṭṭhānanti hetupaṭikkhepo. Anavakāsoti paccayapaṭikkhepo. Ubhayenapi kāraṇameva paṭikkhipati. Yanti yena kāraṇena. Diṭṭhisampannoti maggadiṭṭhiyā sampanno sotāpanno. Kañci saṅkhāranti catubhūmakesu saṅkhatasaṅkhāresu ekasaṅkhārampi. Niccato upagaccheyyāti ‘‘nicco’’ti gaṇheyya. Sukhato upagaccheyyāti ‘‘ekantasukhī attā hoti arogo paraṃ maraṇā’’ti (dī. ni. 1.76) evaṃ attadiṭṭhivasena sukhato gāhaṃ sandhāyetaṃ vuttaṃ. Diṭṭhivippayuttacittena pana ariyasāvako pariḷāhavūpasamanatthaṃ mattahatthiparittāsito viya cokkhabrāhmaṇo ukkārabhūmiṃ kañci saṅkhāraṃ sukhato upagacchati. Attavāre kasiṇādipaññattisaṅgahaṇatthaṃ ‘‘saṅkhāra’’nti avatvā ‘‘kañci dhamma’’nti vuttaṃ. Imesupi vāresu catubhūmakavaseneva paricchedo veditabbo tebhūmakavaseneva vā. Yaṃ yañhi puthujjano gāhavasena gaṇhāti, tato tato ariyasāvako gāhaṃ viniveṭheti. Mātarantiādīsu janikā mātā, janako pitā, manussabhūto khīṇāsavo arahāti adhippeto. Kiṃ pana ariyasāvako aññaṃ jīvitā voropeyyāti? Etampi aṭṭhānaṃ, puthujjanabhāvassa pana mahāsāvajjabhāvadassanatthaṃ ariyasāvakassa phaladīpanatthañcevaṃ vuttaṃ. Duṭṭhacitto vadhakacittena paduṭṭhacitto. Lohitaṃ uppādeyyāti jīvamānakasarīre khuddakamakkhikāya pivanamattampi lohitaṃ uppādeyya. Saṅghaṃ bhindeyyāti samānasaṃvāsakaṃ samānasīmāyaṃ ṭhitaṃ saṅghaṃ ‘kammena uddesena voharanto anussāvanena salākaggāhenā’’ti (pari. 458) evaṃ vuttehi pañcahi kāraṇehi bhindeyya . Aññaṃ satthāranti aññaṃ titthakaraṃ ‘‘ayaṃ me satthā’’ti evaṃ gaṇheyyāti netaṃ ṭhānaṃ vijjatīti attho.

    на д̇з г̇амиссанд̇и абааяабхууминд̇и д̇з б̣уд̣̇д̇хам̣ саран̣ам̣ г̇ад̇аа д̇аннимид̇д̇ам̣ абааяабхуумим̣ на г̇амиссанд̇и, д̣̇звагааяам̣ бана барибуурзссанд̇ийд̇и ад̇т̇о.

    Na te gamissanti apāyabhūminti te buddhaṃ saraṇaṃ gatā tannimittaṃ apāyabhūmiṃ na gamissanti, devakāyaṃ pana paripūressantīti attho.

    д̣̇асахи таанзхийд̇и д̣̇асахи гааран̣зхи. ад̇хиг̇г̇ан̣ханд̇ийд̇и ад̇хибхаванд̇и. взлаамасуд̇д̇аад̣̇ивасзнаабийд̇и зд̇т̇а ‘‘жад̇ураасийд̇исахассасан̇каанам̣ суван̣н̣абаад̇ируубияабаад̇игам̣сабаад̇ийнам̣ яат̇ааггамам̣ руубияасуван̣н̣ахиран̃н̃абуураанам̣ гарийсасса жад̇уд̇т̇абхааваббамаан̣аанам̣ саб̣б̣аалан̇гаарабадиман̣д̣ид̇аанам̣ жад̇ураасийд̇ияаа хад̇т̇исахассаанам̣ жад̇ураасийд̇ияаа ассасахассаанам̣ жад̇ураасийд̇ияаа рат̇асахассаанам̣ жад̇ураасийд̇ияаа д̇хзнусахассаанам̣ жад̇ураасийд̇ияаа ган̃н̃аасахассаанам̣ жад̇ураасийд̇ияаа баллан̇гасахассаанам̣ жад̇ураасийд̇ияаа вад̇т̇агодисахассаанам̣ абаримаан̣асса жа каж̇ж̇абхож̇ж̇аад̣̇ибхзд̣̇асса аахаарасса барижжаж̇анавасзна сад̇д̇амаасаад̇хигаани сад̇д̇а сам̣важчараани ниранд̇арам̣ бавад̇д̇авзлаамамахаад̣̇аанад̇о згасса сод̇аабаннасса д̣̇иннад̣̇аанам̣ махабпалад̇арам̣, д̇ад̇о сад̇ам̣ сод̇аабаннаанам̣ д̣̇иннад̣̇аанад̇о згасса сагад̣̇ааг̇аамисса, д̇ад̇о згасса анааг̇аамисса, д̇ад̇о згасса арахад̇о, д̇ад̇о згасса бажжзгаб̣уд̣̇д̇хасса, д̇ад̇о саммаасамб̣уд̣̇д̇хасса, д̇ад̇о б̣уд̣̇д̇хаббамукасса сан̇гхасса д̣̇иннад̣̇аанам̣ махабпалад̇арам̣, д̇ад̇о жаад̇уд̣̇д̣̇исам̣ сан̇гхам̣ уд̣̇д̣̇исса вихаарагаран̣ам̣, д̇ад̇о саран̣аг̇аманам̣ махабпалад̇ара’’нд̇и имамад̇т̇ам̣ д̣̇ийбзнд̇асса взлаамасуд̇д̇асса (а. ни. 9.20) васзна. вуд̇д̇ан̃хзд̇ам̣ ‘‘яам̣ г̇ахабад̇и, взлаамо б̣раахман̣о д̣̇аанам̣ ад̣̇ааси махаад̣̇аанам̣, яо згам̣ д̣̇идтисамбаннам̣ бхож̇зяяа, ид̣̇ам̣ д̇ад̇о махабпалад̇ара’’нд̇иаад̣̇и (а. ни. 9.20). взлаамасуд̇д̇аад̣̇ийд̇и аад̣̇и-сад̣̇д̣̇зна аг̇г̇аббасаад̣̇асуд̇д̇аад̣̇ийнам̣ (а. ни. 4.34; ид̇иву. 90) сан̇г̇ахо д̣̇адтаб̣б̣о.

    Dasahiṭhānehīti dasahi kāraṇehi. Adhiggaṇhantīti adhibhavanti. Velāmasuttādivasenāpīti ettha ‘‘caturāsītisahassasaṅkhānaṃ suvaṇṇapātirūpiyapātikaṃsapātīnaṃ yathākkamaṃ rūpiyasuvaṇṇahiraññapūrānaṃ karīsassa catutthabhāvappamāṇānaṃ sabbālaṅkārapaṭimaṇḍitānaṃ caturāsītiyā hatthisahassānaṃ caturāsītiyā assasahassānaṃ caturāsītiyā rathasahassānaṃ caturāsītiyā dhenusahassānaṃ caturāsītiyā kaññāsahassānaṃ caturāsītiyā pallaṅkasahassānaṃ caturāsītiyā vatthakoṭisahassānaṃ aparimāṇassa ca khajjabhojjādibhedassa āhārassa pariccajanavasena sattamāsādhikāni satta saṃvaccharāni nirantaraṃ pavattavelāmamahādānato ekassa sotāpannassa dinnadānaṃ mahapphalataraṃ, tato sataṃ sotāpannānaṃ dinnadānato ekassa sakadāgāmissa, tato ekassa anāgāmissa, tato ekassa arahato, tato ekassa paccekabuddhassa, tato sammāsambuddhassa, tato buddhappamukhassa saṅghassa dinnadānaṃ mahapphalataraṃ, tato cātuddisaṃ saṅghaṃ uddissa vihārakaraṇaṃ, tato saraṇagamanaṃ mahapphalatara’’nti imamatthaṃ dīpentassa velāmasuttassa (a. ni. 9.20) vasena. Vuttañhetaṃ ‘‘yaṃ gahapati, velāmo brāhmaṇo dānaṃ adāsi mahādānaṃ, yo ekaṃ diṭṭhisampannaṃ bhojeyya, idaṃ tato mahapphalatara’’ntiādi (a. ni. 9.20). Velāmasuttādīti ādi-saddena aggappasādasuttādīnaṃ (a. ni. 4.34; itivu. 90) saṅgaho daṭṭhabbo.

    ан̃н̃аан̣ам̣ вад̇т̇уд̇д̇аяасса г̇ун̣аанам̣ аж̇аананам̣ д̇ад̇т̇а саммохо, ‘‘б̣уд̣̇д̇хо ну ко, на ну ко б̣уд̣̇д̇хо’’д̇иаад̣̇инаа вижигижчаа сам̣саяо, мижчаан̃аан̣ам̣ д̇асса г̇ун̣аанам̣ аг̇ун̣абхаавабаригаббанзна вибарийд̇аг̇г̇аахо. аад̣̇и-сад̣̇д̣̇зна анаад̣̇арааг̇аараваад̣̇ийнам̣ сан̇г̇ахо. на махааж̇уд̇иганд̇и на уж̇ж̇алам̣, абарисуд̣̇д̇хам̣ абарияод̣̇аад̇анд̇и ад̇т̇о. на махаавибпааранд̇и анул̣аарам̣. сааваж̇ж̇од̇и д̣̇идтид̇ан̣хаад̣̇ивасзна сад̣̇осо. логияам̣ саран̣аг̇аманам̣ сигкаасамаад̣̇аанам̣ вияа аг̇г̇ахид̇агаалабарижчзд̣̇ам̣ ж̇ийвид̇абарияанд̇амзва ход̇и, д̇асмаа д̇асса канд̇хабхзд̣̇зна бхзд̣̇од̇и ааха ‘‘анаваж̇ж̇о гаалагирияааяаа’’д̇и. сод̇и анаваж̇ж̇о саран̣аг̇аманабхзд̣̇о. сад̇иби анаваж̇ж̇ад̇д̇з идтапалоби на ход̇ийд̇и ааха ‘‘апало’’д̇и.

    Aññāṇaṃ vatthuttayassa guṇānaṃ ajānanaṃ tattha sammoho, ‘‘buddho nu kho, na nu kho buddho’’tiādinā vicikicchā saṃsayo,micchāñāṇaṃ tassa guṇānaṃ aguṇabhāvaparikappanena viparītaggāho. Ādi-saddena anādarāgāravādīnaṃ saṅgaho. Na mahājutikanti na ujjalaṃ, aparisuddhaṃ apariyodātanti attho. Na mahāvipphāranti anuḷāraṃ. Sāvajjoti diṭṭhitaṇhādivasena sadoso. Lokiyaṃ saraṇagamanaṃ sikkhāsamādānaṃ viya aggahitakālaparicchedaṃ jīvitapariyantameva hoti, tasmā tassa khandhabhedena bhedoti āha ‘‘anavajjo kālakiriyāyā’’ti. Soti anavajjo saraṇagamanabhedo. Satipi anavajjatte iṭṭhaphalopi na hotīti āha ‘‘aphalo’’ti.

    саран̣аг̇аманагат̇ааван̣н̣анаа нидтид̇аа.

    Saraṇagamanakathāvaṇṇanā niṭṭhitā.

    убаасагавид̇хигат̇ааван̣н̣анаа

    Upāsakavidhikathāvaṇṇanā

    го убаасагод̇и саруубабужчаа, д̇асмаа гим̣лагкан̣о убаасагод̇и вуд̇д̇ам̣ ход̇и. гасмаад̇и хзд̇убужчаа. д̇зна гзна бавад̇д̇инимид̇д̇зна убаасагасад̣̇д̣̇о д̇асмим̣ буг̇г̇алз нирул̣ход̇и д̣̇ассзд̇и. гимасса сийланд̇и гийд̣̇исам̣ асса убаасагасса сийлам̣, гид̇д̇агзна сийлзнааяам̣ сийласамбанно наама ход̇ийд̇и ад̇т̇о. го ааж̇ийвод̇и го асса саммааааж̇ийво, со бана мижчааж̇ийвасса бариваж̇ж̇анзна ход̇ийд̇и соби вибхаж̇ийяад̇ийд̇и. гаа вибад̇д̇ийд̇и гаа асса сийласса, ааж̇ийвасса ваа вибад̇д̇и. ананд̇арасса хи вид̇хи ваа бадисзд̇хо ваа. гаа самбад̇д̇ийд̇и зд̇т̇ааби зсзва наяо.

    Koupāsakoti sarūpapucchā, tasmā kiṃlakkhaṇo upāsakoti vuttaṃ hoti. Kasmāti hetupucchā. Tena kena pavattinimittena upāsakasaddo tasmiṃ puggale niruḷhoti dasseti. Kimassa sīlanti kīdisaṃ assa upāsakassa sīlaṃ, kittakena sīlenāyaṃ sīlasampanno nāma hotīti attho. Ko ājīvoti ko assa sammāājīvo, so pana micchājīvassa parivajjanena hotīti sopi vibhajīyatīti. Kā vipattīti kā assa sīlassa, ājīvassa vā vipatti. Anantarassa hi vidhi vā paṭisedho vā. Kā sampattīti etthāpi eseva nayo.

    яо гожийд̇и кад̇д̇ияаад̣̇ийсу яо гожи. д̇зна саран̣аг̇аманамзвзд̇т̇а гааран̣ам̣, на ж̇аад̇иаад̣̇ивисзсод̇и д̣̇ассзд̇и. убаасанад̇од̇и д̇знзва саран̣аг̇аманзна д̇ад̇т̇а жа саггажжагаарид̇ааяа аад̣̇араг̇аараваб̣ахумаанаад̣̇ияог̇зна баяирубаасанад̇о. взраман̣ияод̇и взрам̣ вужжад̇и баан̣аад̇ибаад̇аад̣̇ид̣̇уссийляам̣, д̇асса ман̣анад̇о хананад̇о винаасанад̇о взраман̣ияо, бан̃жа вирад̇ияо вирад̇иббад̇хаанад̇д̇аа д̇асса сийласса. д̇знзвааха д̇ад̇т̇а д̇ад̇т̇а ‘‘бадивирад̇о ход̇ий’’д̇и.

    Yo kocīti khattiyādīsu yo koci. Tena saraṇagamanamevettha kāraṇaṃ, na jātiādivisesoti dasseti. Upāsanatoti teneva saraṇagamanena tattha ca sakkaccakāritāya ādaragāravabahumānādiyogena payirupāsanato. Veramaṇiyoti veraṃ vuccati pāṇātipātādidussīlyaṃ, tassa maṇanato hananato vināsanato veramaṇiyo, pañca viratiyo viratippadhānattā tassa sīlassa. Tenevāha tattha tattha ‘‘paṭivirato hotī’’ti.

    мижчааван̣иж̇ж̇аад̇и на саммааван̣иж̇ж̇аа аяуд̇д̇аван̣иж̇ж̇аа асааруббаван̣иж̇ж̇аа. бахааяаад̇и агаран̣знзва баж̇ахид̇ваа. д̇хаммзнаад̇и д̇хаммад̇о анабзд̇зна. д̇зна ан̃н̃амби ад̇хаммигам̣ ж̇ийвигам̣ бадигкибад̇и. самзнаад̇и ависамзна. д̇зна гааяависамаад̣̇ид̣̇ужжарид̇ам̣ важ̇ж̇зд̇ваа гааяасамаад̣̇инаа сужарид̇зна ж̇ийванам̣ д̣̇ассзд̇и. сад̇т̇аван̣иж̇ж̇аад̇и аавуд̇хабхан̣д̣ам̣ гад̇ваа ваа гаарзд̇ваа ваа яат̇аагад̇ам̣ ваа бадилабхид̇ваа д̇асса виггаяо. сад̇т̇аван̣иж̇ж̇аад̇и мануссавиггаяо . мам̣саван̣иж̇ж̇аад̇и суунагаараад̣̇аяо вияа миг̇асуугараад̣̇игз босзд̇ваа мам̣сам̣ самбаад̣̇зд̇ваа виггаяо. маж̇ж̇аван̣иж̇ж̇аад̇и яам̣ гин̃жи маж̇ж̇ам̣ яож̇зд̇ваа д̇асса виггаяо. висаван̣иж̇ж̇аад̇и висам̣ яож̇зд̇ваа, висам̣ г̇ахзд̇ваа ваа д̇асса виггаяо. д̇ад̇т̇а сад̇т̇аван̣иж̇ж̇аа баробарод̇ханимид̇д̇ад̇ааяа агаран̣ийяаа вуд̇д̇аа, сад̇д̇аван̣иж̇ж̇аа абхуж̇иссабхаавагаран̣ад̇о, мам̣сависаван̣иж̇ж̇аа вад̇хахзд̇уд̇о, маж̇ж̇аван̣иж̇ж̇аа бамаад̣̇адтаанад̇о.

    Micchāvaṇijjāti na sammāvaṇijjā ayuttavaṇijjā asāruppavaṇijjā. Pahāyāti akaraṇeneva pajahitvā. Dhammenāti dhammato anapetena. Tena aññampi adhammikaṃ jīvikaṃ paṭikkhipati. Samenāti avisamena. Tena kāyavisamādiduccaritaṃ vajjetvā kāyasamādinā sucaritena jīvanaṃ dasseti. Satthavaṇijjāti āvudhabhaṇḍaṃ katvā vā kāretvā vā yathākataṃ vā paṭilabhitvā tassa vikkayo. Satthavaṇijjāti manussavikkayo . Maṃsavaṇijjāti sūnakārādayo viya migasūkarādike posetvā maṃsaṃ sampādetvā vikkayo. Majjavaṇijjāti yaṃ kiñci majjaṃ yojetvā tassa vikkayo. Visavaṇijjāti visaṃ yojetvā, visaṃ gahetvā vā tassa vikkayo. Tattha satthavaṇijjā paroparodhanimittatāya akaraṇīyā vuttā, sattavaṇijjā abhujissabhāvakaraṇato, maṃsavisavaṇijjā vadhahetuto, majjavaṇijjā pamādaṭṭhānato.

    д̇ассзваад̇и бан̃жавзраман̣илагкан̣асса сийласса жзва бан̃жамижчааван̣иж̇ж̇аалагкан̣асса ааж̇ийвасса жа. вибад̇д̇ийд̇и бхзд̣̇о багобо жа. яааяаад̇и яааяа бадибад̇д̇ияаа. жан̣д̣аалод̇и убаасагажан̣д̣аало. маланд̇и убаасагамалам̣. бад̇игидтод̇и убаасаганихийно. б̣уд̣̇д̇хаад̣̇ийсу гаммагаммапалзсу жа сад̣̇д̇хаавибарияааяо ассад̣̇д̇хияам̣ мижчаад̇химогко. яат̇аавуд̇д̇зна ассад̣̇д̇хиязна саманнааг̇ад̇о ассад̣̇д̇хо. яат̇аавуд̇д̇а сийлавибад̇д̇и ааж̇ийвавибад̇д̇ивасзна д̣̇уссийло. ‘‘иминаа д̣̇идтаад̣̇инаа ид̣̇ам̣ наама ман̇г̇алам̣ бхависсад̇ий’’д̇и звам̣ б̣аалаж̇анабаригаббид̇агод̇уухаласан̇каад̇зна д̣̇идтасуд̇амуд̇аман̇г̇алзна саманнааг̇ад̇о год̇уухаламан̇г̇алиго. ман̇г̇алам̣ бажжзд̇ийд̇и д̣̇идтаман̇г̇алаад̣̇ибхзд̣̇ам̣ ман̇г̇аламзва бад̇д̇ияааяад̇и. но гамманд̇и гаммассагад̇ам̣ но бад̇д̇ияааяад̇и. ид̇о б̣ахид̣̇д̇хаад̇и ид̇о саб̣б̣ан̃н̃уб̣уд̣̇д̇хасаасанад̇о б̣ахид̣̇д̇хаа б̣аахирагасамаяз. д̣̇агкин̣зяяам̣ бариязсад̇ийд̇и д̣̇уббадибаннам̣ д̣̇агкин̣аарахасан̃н̃ий г̇авзсад̇и. буб̣б̣агаарам̣ гарод̇ийд̇и д̣̇аанамаананаад̣̇игам̣ гусалагирияам̣ батамам̣ гарод̇и. зд̇т̇а жа д̣̇агкин̣зяяабариязсанабуб̣б̣агаарз згам̣ гад̇ваа бан̃жа д̇хаммаа взд̣̇ид̇аб̣б̣аа.

    Tassevāti pañcaveramaṇilakkhaṇassa sīlassa ceva pañcamicchāvaṇijjālakkhaṇassa ājīvassa ca. Vipattīti bhedo pakopo ca. Yāyāti yāya paṭipattiyā. Caṇḍāloti upāsakacaṇḍālo. Malanti upāsakamalaṃ. Patikiṭṭhoti upāsakanihīno. Buddhādīsu kammakammaphalesu ca saddhāvipariyāyo assaddhiyaṃ micchādhimokkho. Yathāvuttena assaddhiyena samannāgato assaddho. Yathāvutta sīlavipatti ājīvavipattivasena dussīlo. ‘‘Iminā diṭṭhādinā idaṃ nāma maṅgalaṃ bhavissatī’’ti evaṃ bālajanaparikappitakotūhalasaṅkhātena diṭṭhasutamutamaṅgalena samannāgato kotūhalamaṅgaliko. Maṅgalaṃ paccetīti diṭṭhamaṅgalādibhedaṃ maṅgalameva pattiyāyati. No kammanti kammassakataṃ no pattiyāyati. Ito bahiddhāti ito sabbaññubuddhasāsanato bahiddhā bāhirakasamaye. Dakkhiṇeyyaṃ pariyesatīti duppaṭipannaṃ dakkhiṇārahasaññī gavesati. Pubbakāraṃ karotīti dānamānanādikaṃ kusalakiriyaṃ paṭhamaṃ karoti. Ettha ca dakkhiṇeyyapariyesanapubbakāre ekaṃ katvā pañca dhammā veditabbā.

    вибад̇д̇ияам̣ вуд̇д̇авибарияааязна самбад̇д̇и н̃аад̇аб̣б̣аа. аяам̣ бана висзсо – жад̇уннамби барисаанам̣ рад̇иж̇ананадтзна убаасагова рад̇анам̣ убаасагарад̇анам̣. г̇ун̣асобхаагид̇д̇исад̣̇д̣̇асуг̇анд̇хад̇аахи убаасагова бад̣̇умам̣ убаасагабад̣̇умам̣. д̇ат̇аа убаасагабун̣д̣арийго.

    Vipattiyaṃ vuttavipariyāyena sampatti ñātabbā. Ayaṃ pana viseso – catunnampi parisānaṃ ratijananaṭṭhena upāsakova ratanaṃ upāsakaratanaṃ. Guṇasobhākittisaddasugandhatāhi upāsakova padumaṃ upāsakapadumaṃ. Tathā upāsakapuṇḍarīko.

    аад̣̇имхийд̇и аад̣̇иад̇т̇з. годияанд̇и барияанд̇агодияам̣. вихаараг̇г̇знаад̇и оварагагодтаасзна, ‘‘имасмим̣ г̇аб̣бхз васанд̇аанам̣ ид̣̇ам̣ наама банасапалам̣ баабун̣аад̇ий’’д̇иаад̣̇инаа д̇ам̣д̇ам̣васанадтаанагодтаасзнаад̇и ад̇т̇о. аж̇ж̇ад̇анд̇и аж̇ж̇аижжзва ад̇т̇о.

    Ādimhīti ādiatthe. Koṭiyanti pariyantakoṭiyaṃ. Vihāraggenāti ovarakakoṭṭhāsena, ‘‘imasmiṃ gabbhe vasantānaṃ idaṃ nāma panasaphalaṃ pāpuṇātī’’tiādinā taṃtaṃvasanaṭṭhānakoṭṭhāsenāti attho. Ajjatanti ajjaicceva attho.

    баан̣зхи убзд̇анд̇и иминаа д̇асса саран̣аг̇аманасса аабаан̣агодигад̇ам̣ д̣̇ассзнд̇о ‘‘яаава мз ж̇ийвид̇ам̣ бавад̇д̇ад̇ий’’д̇иаад̣̇инаа вад̇ваа буна ж̇ийвид̇зна д̇ам̣ вад̇т̇уд̇д̇аяам̣ бадибууж̇знд̇о ‘‘саран̣аг̇аманам̣ рагкаамий’’д̇и уббаннам̣ д̇асса б̣раахман̣асса ад̇хиббааяам̣ вибхаавзнд̇о ‘‘ахан̃хий’’д̇иаад̣̇имааха. баан̣зхи убзд̇анд̇и хи яаава мз баан̣аа д̇харанд̇и, д̇аава саран̣ам̣ убзд̇ам̣, убзнд̇о жа на ваажаамад̇д̇зна, на згаваарам̣ жид̇д̇уббаад̣̇анамад̇д̇зна, ат̇а ко баан̣з барижжаж̇ид̇вааби яааваж̇ийвам̣ убзд̇анд̇и звамзд̇т̇а ад̇т̇о взд̣̇ид̇аб̣б̣од̇и.

    Pāṇehiupetanti iminā tassa saraṇagamanassa āpāṇakoṭikataṃ dassento ‘‘yāva me jīvitaṃ pavattatī’’tiādinā vatvā puna jīvitena taṃ vatthuttayaṃ paṭipūjento ‘‘saraṇagamanaṃ rakkhāmī’’ti uppannaṃ tassa brāhmaṇassa adhippāyaṃ vibhāvento ‘‘ahañhī’’tiādimāha. Pāṇehi upetanti hi yāva me pāṇā dharanti, tāva saraṇaṃ upetaṃ, upento ca na vācāmattena, na ekavāraṃ cittuppādanamattena, atha kho pāṇe pariccajitvāpi yāvajīvaṃ upetanti evamettha attho veditabboti.

    убаасагавид̇хигат̇ааван̣н̣анаа нидтид̇аа.

    Upāsakavidhikathāvaṇṇanā niṭṭhitā.

    бхаяабхзравасуд̇д̇аван̣н̣анааяа лийнад̇т̇аббагаасанаа самад̇д̇аа.

    Bhayabheravasuttavaṇṇanāya līnatthappakāsanā samattā.




    Next: 5. анан̇г̇ан̣асуд̇д̇аван̣н̣анаа • 5. Anaṅgaṇasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. бхаяабхзравасуд̇д̇ам̣ • 4. Bhayabheravasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. бхаяабхзравасуд̇д̇аван̣н̣анаа • 4. Bhayabheravasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact