Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā)

    ੪. ਭਯਭੇਰવਸੁਤ੍ਤવਣ੍ਣਨਾ

    4. Bhayabheravasuttavaṇṇanā

    ੩੪. ਏવਂ ਮੇ ਸੁਤਨ੍ਤਿ ਭਯਭੇਰવਸੁਤ੍ਤਂ। ਤਤ੍ਰਾਯਂ ਅਪੁਬ੍ਬਪਦવਣ੍ਣਨਾ – ਅਥਾਤਿ ਅવਿਚ੍ਛੇਦਨਤ੍ਥੇ ਨਿਪਾਤੋ। ਖੋਤਿ ਅવਧਾਰਣਤ੍ਥੇ, ਭਗવਤੋ ਸਾવਤ੍ਥਿਯਂ વਿਹਾਰੇ ਅવਿਚ੍ਛਿਨ੍ਨੇਯੇવਾਤਿ વੁਤ੍ਤਂ ਹੋਤਿ। ਜਾਣੁਸ੍ਸੋਣੀਤਿ ਨੇਤਂ ਤਸ੍ਸ ਮਾਤਾਪਿਤੂਹਿ ਕਤਨਾਮਂ, ਅਪਿਚ ਖੋ ਠਾਨਨ੍ਤਰਪਟਿਲਾਭਲਦ੍ਧਂ। ਜਾਣੁਸ੍ਸੋਣਿਟ੍ਠਾਨਂ ਕਿਰ ਨਾਮੇਤਂ ਪੁਰੋਹਿਤਟ੍ਠਾਨਂ, ਤਂ ਤਸ੍ਸ ਰਞ੍ਞਾ ਦਿਨ੍ਨਂ, ਤਸ੍ਮਾ ‘‘ਜਾਨੁਸ੍ਸੋਣੀ’’ਤਿ વੁਚ੍ਚਤਿ। ਬ੍ਰਹ੍ਮਂ ਅਣਤੀਤਿ ਬ੍ਰਾਹ੍ਮਣੋ, ਮਨ੍ਤੇ ਸਜ੍ਝਾਯਤੀਤਿ ਅਤ੍ਥੋ। ਇਦਮੇવ ਹਿ ਜਾਤਿਬ੍ਰਾਹ੍ਮਣਾਨਂ ਨਿਰੁਤ੍ਤਿવਚਨਂ। ਅਰਿਯਾ ਪਨ ਬਾਹਿਤਪਾਪਤ੍ਤਾ ਬ੍ਰਾਹ੍ਮਣਾਤਿ વੁਚ੍ਚਨ੍ਤਿ।

    34.Evaṃme sutanti bhayabheravasuttaṃ. Tatrāyaṃ apubbapadavaṇṇanā – athāti avicchedanatthe nipāto. Khoti avadhāraṇatthe, bhagavato sāvatthiyaṃ vihāre avicchinneyevāti vuttaṃ hoti. Jāṇussoṇīti netaṃ tassa mātāpitūhi katanāmaṃ, apica kho ṭhānantarapaṭilābhaladdhaṃ. Jāṇussoṇiṭṭhānaṃ kira nāmetaṃ purohitaṭṭhānaṃ, taṃ tassa raññā dinnaṃ, tasmā ‘‘jānussoṇī’’ti vuccati. Brahmaṃ aṇatīti brāhmaṇo, mante sajjhāyatīti attho. Idameva hi jātibrāhmaṇānaṃ niruttivacanaṃ. Ariyā pana bāhitapāpattā brāhmaṇāti vuccanti.

    ਯੇਨ ਭਗવਾ ਤੇਨੁਪਸਙ੍ਕਮੀਤਿ ਯੇਨਾਤਿ ਭੁਮ੍ਮਤ੍ਥੇ ਕਰਣવਚਨਂ, ਤਸ੍ਮਾ ਯਤ੍ਥ ਭਗવਾ, ਤਤ੍ਥ ਉਪਸਙ੍ਕਮੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਯੇਨ વਾ ਕਾਰਣੇਨ ਭਗવਾ ਦੇવਮਨੁਸ੍ਸੇਹਿ ਉਪਸਙ੍ਕਮਿਤਬ੍ਬੋ, ਤੇਨ ਕਾਰਣੇਨ ਉਪਸਙ੍ਕਮੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਕੇਨ ਚ ਕਾਰਣੇਨ ਭਗવਾ ਉਪਸਙ੍ਕਮਿਤਬ੍ਬੋ? ਨਾਨਪ੍ਪਕਾਰਗੁਣવਿਸੇਸਾਧਿਗਮਾਧਿਪ੍ਪਾਯੇਨ, ਸਾਦੁਫਲੂਪਭੋਗਾਧਿਪ੍ਪਾਯੇਨ ਦਿਜਗਣੇਹਿ ਨਿਚ੍ਚਫਲਿਤਮਹਾਰੁਕ੍ਖੋ વਿਯ।

    Yenabhagavā tenupasaṅkamīti yenāti bhummatthe karaṇavacanaṃ, tasmā yattha bhagavā, tattha upasaṅkamīti evamettha attho daṭṭhabbo. Yena vā kāraṇena bhagavā devamanussehi upasaṅkamitabbo, tena kāraṇena upasaṅkamīti evamettha attho daṭṭhabbo. Kena ca kāraṇena bhagavā upasaṅkamitabbo? Nānappakāraguṇavisesādhigamādhippāyena, sāduphalūpabhogādhippāyena dijagaṇehi niccaphalitamahārukkho viya.

    ਉਪਸਙ੍ਕਮੀਤਿ ਚ ਗਤੋਤਿ વੁਤ੍ਤਂ ਹੋਤਿ। ਉਪਸਙ੍ਕਮਿਤ੍વਾਤਿ ਉਪਸਙ੍ਕਮਨਪਰਿਯੋਸਾਨਦੀਪਨਂ। ਅਥ વਾ ਏવਂ ਗਤੋ ਤਤੋ ਆਸਨ੍ਨਤਰਂ ਠਾਨਂ ਭਗવਤੋ ਸਮੀਪਸਙ੍ਖਾਤਂ ਗਨ੍ਤ੍વਾਤਿਪਿ વੁਤ੍ਤਂ ਹੋਤਿ। ਭਗવਤਾ ਸਦ੍ਧਿਂ ਸਮ੍ਮੋਦੀਤਿ ਯਥਾ ਖਮਨੀਯਾਦੀਨਿ ਪੁਚ੍ਛਨ੍ਤੋ ਭਗવਾ ਤੇਨ, ਏવਂ ਸੋਪਿ ਭਗવਤਾ ਸਦ੍ਧਿਂ ਸਮਪ੍ਪવਤ੍ਤਮੋਦੋ ਅਹੋਸਿ, ਸੀਤੋਦਕਂ વਿਯ ਉਣ੍ਹੋਦਕੇਨ ਸਮ੍ਮੋਦਿਤਂ ਏਕੀਭਾવਂ ਅਗਮਾਸਿ। ਯਾਯ ਚ ‘‘ਕਚ੍ਚਿ ਤੇ, ਭੋ ਗੋਤਮ, ਖਮਨੀਯਂ, ਕਚ੍ਚਿ ਯਾਪਨੀਯਂ, ਕਚ੍ਚਿ ਭੋਤੋ ਗੋਤਮਸ੍ਸ ਗੋਤਮਸਾવਕਾਨਞ੍ਚ ਅਪ੍ਪਾਬਾਧਂ ਅਪ੍ਪਾਤਙ੍ਕਂ ਲਹੁਟ੍ਠਾਨਂ ਬਲਂ ਫਾਸੁવਿਹਾਰੋ’’ਤਿਆਦਿਕਾਯ ਕਥਾਯ ਸਮ੍ਮੋਦਿ, ਤਂ ਪੀਤਿਪਾਮੋਜ੍ਜਸਙ੍ਖਾਤਸਮ੍ਮੋਦਜਨਨਤੋ ਸਮ੍ਮੋਦਿਤੁਂ ਯੁਤ੍ਤਭਾવਤੋ ਚ ਸਮ੍ਮੋਦਨੀਯਂ, ਅਤ੍ਥਬ੍ਯਞ੍ਜਨਮਧੁਰਤਾਯ ਸੁਚਿਰਮ੍ਪਿ ਕਾਲਂ ਸਾਰੇਤੁਂ ਨਿਰਨ੍ਤਰਂ ਪવਤ੍ਤੇਤੁਂ ਅਰਹਰੂਪਤੋ ਸਰਿਤਬ੍ਬਭਾવਤੋ ਚ ਸਾਰਾਣੀਯਂ। ਸੁਯ੍ਯਮਾਨਸੁਖਤੋ ਚ ਸਮ੍ਮੋਦਨੀਯਂ, ਅਨੁਸ੍ਸਰਿਯਮਾਨਸੁਖਤੋ ਚ ਸਾਰਣੀਯਂ। ਤਥਾ ਬ੍ਯਞ੍ਜਨਪਰਿਸੁਦ੍ਧਤਾਯ ਸਮ੍ਮੋਦਨੀਯਂ, ਅਤ੍ਥਪਰਿਸੁਦ੍ਧਤਾਯ ਸਾਰਣੀਯਨ੍ਤਿ ਏવਂ ਅਨੇਕੇਹਿ ਪਰਿਯਾਯੇਹਿ ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਪਰਿਯੋਸਾਪੇਤ੍વਾ ਨਿਟ੍ਠਾਪੇਤ੍વਾ ਯੇਨਤ੍ਥੇਨ ਆਗਤੋ, ਤਂ ਪੁਚ੍ਛਿਤੁਕਾਮੋ ਏਕਮਨ੍ਤਂ ਨਿਸੀਦਿ।

    Upasaṅkamīti ca gatoti vuttaṃ hoti. Upasaṅkamitvāti upasaṅkamanapariyosānadīpanaṃ. Atha vā evaṃ gato tato āsannataraṃ ṭhānaṃ bhagavato samīpasaṅkhātaṃ gantvātipi vuttaṃ hoti. Bhagavatā saddhiṃ sammodīti yathā khamanīyādīni pucchanto bhagavā tena, evaṃ sopi bhagavatā saddhiṃ samappavattamodo ahosi, sītodakaṃ viya uṇhodakena sammoditaṃ ekībhāvaṃ agamāsi. Yāya ca ‘‘kacci te, bho gotama, khamanīyaṃ, kacci yāpanīyaṃ, kacci bhoto gotamassa gotamasāvakānañca appābādhaṃ appātaṅkaṃ lahuṭṭhānaṃ balaṃ phāsuvihāro’’tiādikāya kathāya sammodi, taṃ pītipāmojjasaṅkhātasammodajananato sammodituṃ yuttabhāvato ca sammodanīyaṃ, atthabyañjanamadhuratāya sucirampi kālaṃ sāretuṃ nirantaraṃ pavattetuṃ araharūpato saritabbabhāvato ca sārāṇīyaṃ. Suyyamānasukhato ca sammodanīyaṃ, anussariyamānasukhato ca sāraṇīyaṃ. Tathā byañjanaparisuddhatāya sammodanīyaṃ, atthaparisuddhatāya sāraṇīyanti evaṃ anekehi pariyāyehi sammodanīyaṃ kathaṃ sāraṇīyaṃ vītisāretvā pariyosāpetvā niṭṭhāpetvā yenatthena āgato, taṃ pucchitukāmo ekamantaṃ nisīdi.

    ਏਕਮਨ੍ਤਨ੍ਤਿ ਭਾવਨਪੁਂਸਕਨਿਦ੍ਦੇਸੋ, ‘‘વਿਸਮਂ ਚਨ੍ਦਿਮਸੂਰਿਯਾ ਪਰਿવਤ੍ਤਨ੍ਤੀ’’ਤਿਆਦੀਸੁ (ਅ॰ ਨਿ॰ ੪.੭੦) વਿਯ। ਤਸ੍ਮਾ ਯਥਾ ਨਿਸਿਨ੍ਨੋ ਏਕਮਨ੍ਤਂ ਨਿਸਿਨ੍ਨੋ ਹੋਤਿ, ਤਥਾ ਨਿਸੀਦੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਭੁਮ੍ਮਤ੍ਥੇ વਾ ਏਤਂ ਉਪਯੋਗવਚਨਂ। ਨਿਸੀਦੀਤਿ ਉਪਾવਿਸਿ। ਪਣ੍ਡਿਤਾ ਹਿ ਪੁਰਿਸਾ ਗਰੁਟ੍ਠਾਨਿਯਂ ਉਪਸਙ੍ਕਮਿਤ੍વਾ ਆਸਨਕੁਸਲਤਾਯ ਏਕਮਨ੍ਤਂ ਨਿਸੀਦਨ੍ਤਿ, ਅਯਞ੍ਚ ਨੇਸਂ ਅਞ੍ਞਤਰੋ, ਤਸ੍ਮਾ ਏਕਮਨ੍ਤਂ ਨਿਸੀਦਿ।

    Ekamantanti bhāvanapuṃsakaniddeso, ‘‘visamaṃ candimasūriyā parivattantī’’tiādīsu (a. ni. 4.70) viya. Tasmā yathā nisinno ekamantaṃ nisinno hoti, tathā nisīdīti evamettha attho daṭṭhabbo. Bhummatthe vā etaṃ upayogavacanaṃ. Nisīdīti upāvisi. Paṇḍitā hi purisā garuṭṭhāniyaṃ upasaṅkamitvā āsanakusalatāya ekamantaṃ nisīdanti, ayañca nesaṃ aññataro, tasmā ekamantaṃ nisīdi.

    ਕਥਂ ਨਿਸਿਨ੍ਨੋ ਪਨ ਏਕਮਨ੍ਤਂ ਨਿਸਿਨ੍ਨੋ ਹੋਤੀਤਿ। ਛ ਨਿਸਜ੍ਜਦੋਸੇ વਜ੍ਜੇਤ੍વਾ। ਸੇਯ੍ਯਥਿਦਂ, ਅਤਿਦੂਰਂ ਅਚ੍ਚਾਸਨ੍ਨਂ ਉਪਰਿવਾਤਂ ਉਨ੍ਨਤਪਦੇਸਂ ਅਤਿਸਮ੍ਮੁਖਂ ਅਤਿਪਚ੍ਛਾਤਿ। ਅਤਿਦੂਰੇ ਨਿਸਿਨ੍ਨੋ ਹਿ ਸਚੇ ਕਥੇਤੁਕਾਮੋ ਹੋਤਿ, ਉਚ੍ਚਾਸਦ੍ਦੇਨ ਕਥੇਤਬ੍ਬਂ ਹੋਤਿ। ਅਚ੍ਚਾਸਨ੍ਨੇ ਨਿਸਿਨ੍ਨੋ ਸਙ੍ਘਟ੍ਟਨਂ ਕਰੋਤਿ। ਉਪਰਿવਾਤੇ ਨਿਸਿਨ੍ਨੋ ਸਰੀਰਗਨ੍ਧੇਨ ਬਾਧਤਿ। ਉਨ੍ਨਤਪ੍ਪਦੇਸੇ ਨਿਸਿਨ੍ਨੋ ਅਗਾਰવਂ ਪਕਾਸੇਤਿ। ਅਤਿਸਮ੍ਮੁਖਾ ਨਿਸਿਨ੍ਨੋ ਸਚੇ ਦਟ੍ਠੁਕਾਮੋ ਹੋਤਿ, ਚਕ੍ਖੁਨਾ ਚਕ੍ਖੁਂ ਆਹਚ੍ਚ ਦਟ੍ਠਬ੍ਬਂ ਹੋਤਿ। ਅਤਿਪਚ੍ਛਾ ਨਿਸਿਨ੍ਨੋ ਸਚੇ ਦਟ੍ਠੁਕਾਮੋ ਹੋਤਿ, ਗੀવਂ ਪਸਾਰੇਤ੍વਾ ਦਟ੍ਠਬ੍ਬਂ ਹੋਤਿ। ਤਸ੍ਮਾ ਅਯਮ੍ਪਿ ਏਤੇ ਛ ਨਿਸਜ੍ਜਦੋਸੇ વਜ੍ਜੇਤ੍વਾ ਨਿਸੀਦਿ, ਤੇਨ વੁਤ੍ਤਂ ‘‘ਏਕਮਨ੍ਤਂ ਨਿਸੀਦੀ’’ਤਿ।

    Kathaṃ nisinno pana ekamantaṃ nisinno hotīti. Cha nisajjadose vajjetvā. Seyyathidaṃ, atidūraṃ accāsannaṃ uparivātaṃ unnatapadesaṃ atisammukhaṃ atipacchāti. Atidūre nisinno hi sace kathetukāmo hoti, uccāsaddena kathetabbaṃ hoti. Accāsanne nisinno saṅghaṭṭanaṃ karoti. Uparivāte nisinno sarīragandhena bādhati. Unnatappadese nisinno agāravaṃ pakāseti. Atisammukhā nisinno sace daṭṭhukāmo hoti, cakkhunā cakkhuṃ āhacca daṭṭhabbaṃ hoti. Atipacchā nisinno sace daṭṭhukāmo hoti, gīvaṃ pasāretvā daṭṭhabbaṃ hoti. Tasmā ayampi ete cha nisajjadose vajjetvā nisīdi, tena vuttaṃ ‘‘ekamantaṃ nisīdī’’ti.

    ਯੇਮੇਤਿ ਯੇ ਇਮੇ। ਕੁਲਪੁਤ੍ਤਾਤਿ ਦੁવਿਧਾ ਕੁਲਪੁਤ੍ਤਾ ਜਾਤਿਕੁਲਪੁਤ੍ਤਾ ਆਚਾਰਕੁਲਪੁਤ੍ਤਾ। ਤਤ੍ਥ ‘‘ਤੇਨ ਖੋ ਪਨ ਸਮਯੇਨ ਰਟ੍ਠਪਾਲੋ ਨਾਮ ਕੁਲਪੁਤ੍ਤੋ ਤਸ੍ਮਿਂਯੇવ ਥੁਲ੍ਲਕੋਟ੍ਠਿਕੇ ਅਗ੍ਗਕੁਲਸ੍ਸ ਪੁਤ੍ਤੋ’’ਤਿ (ਮ॰ ਨਿ॰ ੨.੨੯੪) ਏવਂ ਆਗਤਾ ਉਚ੍ਚਾਕੁਲਪ੍ਪਸੁਤਾ ਜਾਤਿਕੁਲਪੁਤ੍ਤਾ ਨਾਮ। ‘‘ਯੇ ਤੇ ਕੁਲਪੁਤ੍ਤਾ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ’’ਤਿ (ਮ॰ ਨਿ॰ ੩.੭੮) ਏવਂ ਆਗਤਾ ਪਨ ਯਤ੍ਥ ਕਤ੍ਥਚਿ ਕੁਲੇ ਪਸੁਤਾਪਿ ਆਚਾਰਸਮ੍ਪਨ੍ਨਾ ਆਚਾਰਕੁਲਪੁਤ੍ਤਾ ਨਾਮ। ਇਧ ਪਨ ਦ੍વੀਹਿਪਿ ਕਾਰਣੇਹਿ ਕੁਲਪੁਤ੍ਤਾਯੇવ।

    Yemeti ye ime. Kulaputtāti duvidhā kulaputtā jātikulaputtā ācārakulaputtā. Tattha ‘‘tena kho pana samayena raṭṭhapālo nāma kulaputto tasmiṃyeva thullakoṭṭhike aggakulassa putto’’ti (ma. ni. 2.294) evaṃ āgatā uccākulappasutā jātikulaputtā nāma. ‘‘Ye te kulaputtā saddhā agārasmā anagāriyaṃ pabbajitā’’ti (ma. ni. 3.78) evaṃ āgatā pana yattha katthaci kule pasutāpi ācārasampannā ācārakulaputtā nāma. Idha pana dvīhipi kāraṇehi kulaputtāyeva.

    ਸਦ੍ਧਾਤਿ ਸਦ੍ਧਾਯ। ਅਗਾਰਸ੍ਮਾਤਿ ਅਗਾਰਤੋ। ਅਨਗਾਰਿਯਨ੍ਤਿ ਪਬ੍ਬਜ੍ਜਂ ਭਿਕ੍ਖੁਭਾવਞ੍ਚ। ਪਬ੍ਬਜ੍ਜਾਪਿ ਹਿ ਨਤ੍ਥੇਤ੍ਥ ਅਗਾਰਿਯਨ੍ਤਿ ਅਨਗਾਰਿਯਾ, ਅਗਾਰਸ੍ਸ ਹਿਤਂ ਕਸਿਗੋਰਕ੍ਖਾਦਿਕਮ੍ਮਮੇਤ੍ਥ ਨਤ੍ਥੀਤਿ ਅਤ੍ਥੋ। ਭਿਕ੍ਖੁਪਿ ਨਤ੍ਥੇਤਸ੍ਸ ਅਗਾਰਨ੍ਤਿ ਅਨਗਾਰੋ, ਅਨਗਾਰਸ੍ਸ ਭਾવੋ ਅਨਗਾਰਿਯਂ। ਪਬ੍ਬਜਿਤਾਤਿ ਉਪਗਤਾ, ਏવਂ ਸਬ੍ਬਥਾਪਿ ਅਨਗਾਰਿਯਸਙ੍ਖਾਤਂ ਪਬ੍ਬਜ੍ਜਂ ਭਿਕ੍ਖੁਭਾવਂ વਾ ਉਪਗਤਾਤਿ વੁਤ੍ਤਂ ਹੋਤਿ। ਪੁਬ੍ਬਙ੍ਗਮੋਤਿ ਪੁਰਤੋ ਗਾਮੀ ਨਾਯਕੋ। ਬਹੁਕਾਰੋਤਿ ਹਿਤਕਿਰਿਯਾਯ ਬਹੂਪਕਾਰੋ। ਭવਂ ਤੇਸਂ ਗੋਤਮੋ ਸਮਾਦਪੇਤਾਤਿ ਤੇ ਕੁਲਪੁਤ੍ਤੇ ਭવਂ ਗੋਤਮੋ ਅਧਿਸੀਲਾਦੀਨਿ ਗਾਹੇਤਾ ਸਿਕ੍ਖਾਪੇਤਾ। ਸਾ ਜਨਤਾਤਿ ਸੋ ਜਨਸਮੂਹੋ। ਦਿਟ੍ਠਾਨੁਗਤਿਂ ਆਪਜ੍ਜਤੀਤਿ ਦਸ੍ਸਨਾਨੁਗਤਿਂ ਪਟਿਪਜ੍ਜਤਿ, ਯਨ੍ਦਿਟ੍ਠਿਕੋ ਭવਂ ਗੋਤਮੋ ਯਂਖਨ੍ਤਿਕੋ ਯਂਰੁਚਿਕੋ, ਤੇਪਿ ਤਨ੍ਦਿਟ੍ਠਿਕਾ ਹੋਨ੍ਤਿ ਤਂਖਨ੍ਤਿਕਾ ਤਂਰੁਚਿਕਾਤਿ ਅਤ੍ਥੋ।

    Saddhāti saddhāya. Agārasmāti agārato. Anagāriyanti pabbajjaṃ bhikkhubhāvañca. Pabbajjāpi hi natthettha agāriyanti anagāriyā, agārassa hitaṃ kasigorakkhādikammamettha natthīti attho. Bhikkhupi natthetassa agāranti anagāro, anagārassa bhāvo anagāriyaṃ. Pabbajitāti upagatā, evaṃ sabbathāpi anagāriyasaṅkhātaṃ pabbajjaṃ bhikkhubhāvaṃ vā upagatāti vuttaṃ hoti. Pubbaṅgamoti purato gāmī nāyako. Bahukāroti hitakiriyāya bahūpakāro. Bhavaṃ tesaṃ gotamo samādapetāti te kulaputte bhavaṃ gotamo adhisīlādīni gāhetā sikkhāpetā. Sā janatāti so janasamūho. Diṭṭhānugatiṃ āpajjatīti dassanānugatiṃ paṭipajjati, yandiṭṭhiko bhavaṃ gotamo yaṃkhantiko yaṃruciko, tepi tandiṭṭhikā honti taṃkhantikā taṃrucikāti attho.

    ਕਸ੍ਮਾ ਪਨਾਯਂ ਏવਮਾਹਾਤਿ? ਏਸ ਕਿਰ ਪੁਬ੍ਬੇ ਅਨੇਕੇ ਕੁਲਪੁਤ੍ਤੇ ਅਗਾਰਮਜ੍ਝੇ વਸਨ੍ਤੇ ਦੇવਪੁਤ੍ਤੇ વਿਯ ਪਞ੍ਚਹਿ ਕਾਮਗੁਣੇਹਿ ਪਰਿਚਾਰਿਯਮਾਨੇ ਅਨ੍ਤੋ ਚ ਬਹਿ ਚ ਸੁਸਂવਿਹਿਤਾਰਕ੍ਖੇ ਦਿਸ੍વਾ, ਤੇ ਅਪਰੇਨ ਸਮਯੇਨ ਭਗવਤੋ ਮਧੁਰਰਸਂ ਧਮ੍ਮਦੇਸਨਂ ਸੁਤ੍વਾ ਸਦ੍ਧਾਯ ਘਰਾ ਨਿਕ੍ਖਮ੍ਮ ਪਬ੍ਬਜਿਤ੍વਾ ਘਾਸਚ੍ਛਾਦਨਪਰਮਤਾਯ ਸਨ੍ਤੁਟ੍ਠੇ ਆਰਞ੍ਞਕੇਸੁ ਸੇਨਾਸਨੇਸੁ ਕੇਨਚਿ ਅਰਕ੍ਖਿਯਮਾਨੇਪਿ ਅਨੁਸ੍ਸਙ੍ਕਿਤਾਪਰਿਸਙ੍ਕਿਤੇ ਹਟ੍ਠਪਹਟ੍ਠੇ ਉਦਗ੍ਗੁਦਗ੍ਗੇ ਅਦ੍ਦਸ, ਦਿਸ੍વਾ ਚ ਇਮੇਸਂ ਕੁਲਪੁਤ੍ਤਾਨਂ ‘‘ਅਯਂ ਫਾਸੁવਿਹਾਰੋ ਕਂ ਨਿਸ੍ਸਾਯ ਉਪ੍ਪਨ੍ਨੋ’’ਤਿ ਚਿਨ੍ਤੇਨ੍ਤੋ ‘‘ਸਮਣਂ ਗੋਤਮ’’ਨ੍ਤਿ ਭਗવਤਿ ਪਸਾਦਂ ਅਲਤ੍ਥ। ਸੋ ਤਂ ਪਸਾਦਂ ਨਿવੇਦੇਤੁਂ ਭਗવਤੋ ਸਨ੍ਤਿਕਂ ਆਗਤੋ, ਤਸ੍ਮਾ ਏવਮਾਹ।

    Kasmā panāyaṃ evamāhāti? Esa kira pubbe aneke kulaputte agāramajjhe vasante devaputte viya pañcahi kāmaguṇehi paricāriyamāne anto ca bahi ca susaṃvihitārakkhe disvā, te aparena samayena bhagavato madhurarasaṃ dhammadesanaṃ sutvā saddhāya gharā nikkhamma pabbajitvā ghāsacchādanaparamatāya santuṭṭhe āraññakesu senāsanesu kenaci arakkhiyamānepi anussaṅkitāparisaṅkite haṭṭhapahaṭṭhe udaggudagge addasa, disvā ca imesaṃ kulaputtānaṃ ‘‘ayaṃ phāsuvihāro kaṃ nissāya uppanno’’ti cintento ‘‘samaṇaṃ gotama’’nti bhagavati pasādaṃ alattha. So taṃ pasādaṃ nivedetuṃ bhagavato santikaṃ āgato, tasmā evamāha.

    ਅਥਸ੍ਸ ਭਗવਾ ਤਂ વਚਨਂ ਸਮ੍ਪਟਿਚ੍ਛਨ੍ਤੋ ਅਬ੍ਭਨੁਮੋਦਨ੍ਤੋ ਚ ਏવਮੇਤਂ ਬ੍ਰਾਹ੍ਮਣਾਤਿਆਦਿਮਾਹ। વਚਨਸਮ੍ਪਟਿਚ੍ਛਨਾਨੁਮੋਦਨਤ੍ਥੋਯੇવ ਹਿ ਏਤ੍ਥ ਅਯਂ ਏવਨ੍ਤਿ ਨਿਪਾਤੋ। ਮਮਂ ਉਦ੍ਦਿਸ੍ਸਾਤਿ ਮਂ ਉਦ੍ਦਿਸ੍ਸ। ਸਦ੍ਧਾਤਿ ਸਦ੍ਧਾਯੇવ। ਨ ਇਣਟ੍ਠਾ ਨ ਭਯਟ੍ਟਾਤਿਆਦੀਨਿ ਸਨ੍ਧਾਯਾਹ। ਈਦਿਸਾਨਂਯੇવ ਹਿ ਭਗવਾ ਪੁਬ੍ਬਙ੍ਗਮੋ, ਨ ਇਤਰੇਸਂ। ਦੁਰਭਿਸਮ੍ਭવਾਨਿ ਹੀਤਿ ਸਮ੍ਭવਿਤੁਂ ਦੁਕ੍ਖਾਨਿ ਦੁਸ੍ਸਹਾਨਿ, ਨ ਸਕ੍ਕਾ ਅਪ੍ਪੇਸਕ੍ਖੇਹਿ ਅਜ੍ਝੋਗਾਹਿਤੁਨ੍ਤਿ વੁਤ੍ਤਂ ਹੋਤਿ। ਅਰਞ੍ਞવਨਪਤ੍ਥਾਨੀਤਿ ਅਰਞ੍ਞਾਨਿ ਚ વਨਪਤ੍ਥਾਨਿ ਚ। ਤਤ੍ਥ ਕਿਞ੍ਚਾਪਿ ਅਭਿਧਮ੍ਮੇ ਨਿਪ੍ਪਰਿਯਾਯੇਨ, ‘‘ਨਿਕ੍ਖਮਿਤ੍વਾ ਬਹਿ ਇਨ੍ਦਖਿਲਾ ਸਬ੍ਬਮੇਤਂ ਅਰਞ੍ਞ’’ਨ੍ਤਿ વੁਤ੍ਤਂ, ਤਥਾਪਿ ਯਨ੍ਤਂ ‘‘ਪਞ੍ਚਧਨੁਸਤਿਕਂ ਪਚ੍ਛਿਮ’’ਨ੍ਤਿ ਆਰਞ੍ਞਿਕਙ੍ਗਨਿਪ੍ਫਾਦਕਂ ਸੇਨਾਸਨਂ વੁਤ੍ਤਂ, ਤਦੇવ ਅਧਿਪ੍ਪੇਤਨ੍ਤਿ વੇਦਿਤਬ੍ਬਂ।

    Athassa bhagavā taṃ vacanaṃ sampaṭicchanto abbhanumodanto ca evametaṃ brāhmaṇātiādimāha. Vacanasampaṭicchanānumodanatthoyeva hi ettha ayaṃ evanti nipāto. Mamaṃ uddissāti maṃ uddissa. Saddhāti saddhāyeva. Na iṇaṭṭhā na bhayaṭṭātiādīni sandhāyāha. Īdisānaṃyeva hi bhagavā pubbaṅgamo, na itaresaṃ. Durabhisambhavāni hīti sambhavituṃ dukkhāni dussahāni, na sakkā appesakkhehi ajjhogāhitunti vuttaṃ hoti. Araññavanapatthānīti araññāni ca vanapatthāni ca. Tattha kiñcāpi abhidhamme nippariyāyena, ‘‘nikkhamitvā bahi indakhilā sabbametaṃ arañña’’nti vuttaṃ, tathāpi yantaṃ ‘‘pañcadhanusatikaṃ pacchima’’nti āraññikaṅganipphādakaṃ senāsanaṃ vuttaṃ, tadeva adhippetanti veditabbaṃ.

    વਨਪਤ੍ਥਨ੍ਤਿ ਗਾਮਨ੍ਤਂ ਅਤਿਕ੍ਕਮਿਤ੍વਾ ਮਨੁਸ੍ਸਾਨਂ ਅਨੁਪਚਾਰਟ੍ਠਾਨਂ, ਯਤ੍ਥ ਨ ਕਸੀਯਤਿ ਨ વਪੀਯਤਿ। વੁਤ੍ਤਮ੍ਪਿ ਚੇਤਂ ‘‘વਨਪਤ੍ਥਨ੍ਤਿ ਦੂਰਾਨਮੇਤਂ ਸੇਨਾਸਨਾਨਂ ਅਧਿવਚਨਂ, વਨਪਤ੍ਥਨ੍ਤਿ વਨਸਣ੍ਡਾਨਮੇਤਂ ਸੇਨਾਸਨਾਨਂ, વਨਪਤ੍ਥਨ੍ਤਿ ਭਿਂਸਨਕਾਨਮੇਤਂ, વਨਪਤ੍ਥਨ੍ਤਿ ਸਲੋਮਹਂਸਾਨਮੇਤਂ, વਨਪਤ੍ਥਨ੍ਤਿ ਪਰਿਯਨ੍ਤਾਨਮੇਤਂ, વਨਪਤ੍ਥਨ੍ਤਿ ਨ ਮਨੁਸ੍ਸੂਪਚਾਰਾਨਮੇਤਂ ਸੇਨਾਸਨਾਨਂ ਅਧਿવਚਨ’’ਨ੍ਤਿ। ਏਤ੍ਥ ਚ ਪਰਿਯਨ੍ਤਾਨਨ੍ਤਿ ਇਮਮੇਕਂ ਪਰਿਯਾਯਂ ਠਪੇਤ੍વਾ ਸੇਸਪਰਿਯਾਯੇਹਿ વਨਪਤ੍ਥਾਨਿ વੇਦਿਤਬ੍ਬਾਨੀ। ਪਨ੍ਤਾਨੀਤਿ ਪਰਿਯਨ੍ਤਾਨਿ ਅਤਿਦੂਰਾਨਿ। ਦੁਕ੍ਕਰਂ ਪવਿવੇਕਨ੍ਤਿ ਕਾਯવਿવੇਕਂ ਦੁਕ੍ਕਰਂ। ਦੁਰਭਿਰਮਨ੍ਤਿ ਅਭਿਰਮਿਤੁਂ ਨ ਸੁਖਂ। ਏਕਤ੍ਤੇਤਿ ਏਕੀਭਾવੇ। ਕਿਂ ਦਸ੍ਸੇਤਿ? ਕਾਯવਿવੇਕੇ ਕਤੇਪਿ ਤਤ੍ਥ ਚਿਤ੍ਤਂ ਅਭਿਰਮਾਪੇਤੁਂ ਦੁਕ੍ਕਰਂ। ਦ੍વਯਂਦ੍વਯਾਰਾਮੋ ਹਿ ਅਯਂ ਲੋਕੋਤਿ। ਹਰਨ੍ਤਿ ਮਞ੍ਞੇਤਿ ਹਰਨ੍ਤਿ વਿਯ ਘਸਨ੍ਤਿ વਿਯ। ਮਨੋਤਿ ਮਨਂ। ਸਮਾਧਿਂ ਅਲਭਮਾਨਸ੍ਸਾਤਿ ਉਪਚਾਰਸਮਾਧਿਂ વਾ ਅਪ੍ਪਨਾਸਮਾਧਿਂ વਾ ਅਲਭਨ੍ਤਸ੍ਸ। ਕਿਂ ਦਸ੍ਸੇਤਿ? ਈਦਿਸਸ੍ਸ ਭਿਕ੍ਖੁਨੋ ਤਿਣਪਣ੍ਣਮਿਗਾਦਿਸਦ੍ਦੇਹਿ વਿવਿਧੇਹਿ ਚ ਭਿਂਸਨਕੇਹਿ વਨਾਨਿ ਚਿਤ੍ਤਂ વਿਕ੍ਖਿਪਨ੍ਤਿ ਮਞ੍ਞੇਤਿ, ਸਬ੍ਬਂ ਬ੍ਰਾਹ੍ਮਣੋ ਸਦ੍ਧਾਪਬ੍ਬਜਿਤਾਨਂ ਕੁਲਪੁਤ੍ਤਾਨਂ ਅਰਞ੍ਞવਾਸੇ (વਿਭ॰ ੫੨੯) વਿਮ੍ਹਿਤੋ ਆਹ।

    Vanapatthanti gāmantaṃ atikkamitvā manussānaṃ anupacāraṭṭhānaṃ, yattha na kasīyati na vapīyati. Vuttampi cetaṃ ‘‘vanapatthanti dūrānametaṃ senāsanānaṃ adhivacanaṃ, vanapatthanti vanasaṇḍānametaṃ senāsanānaṃ, vanapatthanti bhiṃsanakānametaṃ, vanapatthanti salomahaṃsānametaṃ, vanapatthanti pariyantānametaṃ, vanapatthanti na manussūpacārānametaṃ senāsanānaṃ adhivacana’’nti. Ettha ca pariyantānanti imamekaṃ pariyāyaṃ ṭhapetvā sesapariyāyehi vanapatthāni veditabbānī. Pantānīti pariyantāni atidūrāni. Dukkaraṃ pavivekanti kāyavivekaṃ dukkaraṃ. Durabhiramanti abhiramituṃ na sukhaṃ. Ekatteti ekībhāve. Kiṃ dasseti? Kāyaviveke katepi tattha cittaṃ abhiramāpetuṃ dukkaraṃ. Dvayaṃdvayārāmo hi ayaṃ lokoti. Haranti maññeti haranti viya ghasanti viya. Manoti manaṃ. Samādhiṃ alabhamānassāti upacārasamādhiṃ vā appanāsamādhiṃ vā alabhantassa. Kiṃ dasseti? Īdisassa bhikkhuno tiṇapaṇṇamigādisaddehi vividhehi ca bhiṃsanakehi vanāni cittaṃ vikkhipanti maññeti, sabbaṃ brāhmaṇo saddhāpabbajitānaṃ kulaputtānaṃ araññavāse (vibha. 529) vimhito āha.

    ਕਾਯਕਮ੍ਮਨ੍ਤવਾਰਕਥਾ

    Kāyakammantavārakathā

    ੩੫. ਅਥਸ੍ਸ ਭਗવਾ ਪੁਰਿਮਨਯੇਨੇવ ‘‘ਏવਮੇਤਂ ਬ੍ਰਾਹ੍ਮਣਾ’’ਤਿਆਦੀਹਿ ਤਂ ਤਂ વਚਨਂ ਸਮ੍ਪਟਿਚ੍ਛਿਤ੍વਾ ਅਬ੍ਭਨੁਮੋਦਿਤ੍વਾ ਚ ਯਸ੍ਮਾ ਸੋਲ਼ਸਸੁ ਠਾਨੇਸੁ ਆਰਮ੍ਮਣਪਰਿਗ੍ਗਹਰਹਿਤਾਨਂਯੇવ ਤਾਦਿਸਾਨਿ ਸੇਨਾਸਨਾਨਿ ਦੁਰਭਿਸਮ੍ਭવਾਨਿ, ਨ ਤੇਸੁ ਆਰਮ੍ਮਣਪਰਿਗ੍ਗਾਹਯੁਤ੍ਤਾਨਂ, ਅਤ੍ਤਨਾ ਚ ਬੋਧਿਸਤ੍ਤੋ ਸਮਾਨੋ ਤਾਦਿਸੋ ਅਹੋਸਿ, ਤਸ੍ਮਾ ਅਤ੍ਤਨੋ ਤਾਦਿਸਾਨਂ ਸੇਨਾਸਨਾਨਂ ਦੁਰਭਿਸਮ੍ਭવਤਂ ਦਸ੍ਸੇਤੁਂ, ਮਯ੍ਹਮ੍ਪਿ ਖੋਤਿਆਦਿਮਾਹ।

    35. Athassa bhagavā purimanayeneva ‘‘evametaṃ brāhmaṇā’’tiādīhi taṃ taṃ vacanaṃ sampaṭicchitvā abbhanumoditvā ca yasmā soḷasasu ṭhānesu ārammaṇapariggaharahitānaṃyeva tādisāni senāsanāni durabhisambhavāni, na tesu ārammaṇapariggāhayuttānaṃ, attanā ca bodhisatto samāno tādiso ahosi, tasmā attano tādisānaṃ senāsanānaṃ durabhisambhavataṃ dassetuṃ, mayhampi khotiādimāha.

    ਤਤ੍ਥ ਪੁਬ੍ਬੇવ ਸਮ੍ਬੋਧਾਤਿ ਸਮ੍ਬੋਧਤੋ ਪੁਬ੍ਬੇવ, ਅਰਿਯਮਗ੍ਗਪ੍ਪਤ੍ਤਿਤੋ ਅਪਰਭਾਗੇਯੇવਾਤਿ વੁਤ੍ਤਂ ਹੋਤਿ। ਅਨਭਿਸਮ੍ਬੁਦ੍ਧਸ੍ਸਾਤਿ ਅਪ੍ਪਟਿવਿਦ੍ਧਚਤੁਸਚ੍ਚਸ੍ਸ। ਬੋਧਿਸਤ੍ਤਸ੍ਸੇવ ਸਤੋਤਿ ਬੁਜ੍ਝਨਕਸਤ੍ਤਸ੍ਸੇવ ਸਮ੍ਮਾਸਮ੍ਬੋਧਿਂ ਅਧਿਗਨ੍ਤੁਂ ਅਰਹਸਤ੍ਤਸ੍ਸੇવ ਸਤੋ, ਬੋਧਿਯਾ વਾ ਸਤ੍ਤਸ੍ਸੇવ ਲਗ੍ਗਸ੍ਸੇવ ਸਤੋ। ਦੀਪਙ੍ਕਰਸ੍ਸ ਹਿ ਭਗવਤੋ ਪਾਦਮੂਲੇ ਅਟ੍ਠਧਮ੍ਮਸਮੋਧਾਨੇਨ ਅਭਿਨੀਹਾਰਸਮਿਦ੍ਧਿਤੋ ਪਭੁਤਿ ਤਥਾਗਤੋ ਬੋਧਿਯਾ ਸਤ੍ਤੋ ਲਗ੍ਗੋ ‘‘ਪਤ੍ਤਬ੍ਬਾ ਮਯਾ ਏਸਾ’’ਤਿ ਤਦਧਿਗਮਾਯ ਪਰਕ੍ਕਮਂ ਅਮੁਞ੍ਚਨ੍ਤੋਯੇવ ਆਗਤੋ, ਤਸ੍ਮਾ ਬੋਧਿਸਤ੍ਤੋਤਿ વੁਚ੍ਚਤਿ। ਤਸ੍ਸ ਮਯ੍ਹਨ੍ਤਿ ਤਸ੍ਸ ਏવਂ ਬੋਧਿਸਤ੍ਤਸ੍ਸੇવ ਸਤੋ ਮਯ੍ਹਂ। ਯੇ ਖੋ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾਤਿ ਯੇ ਕੇਚਿ ਪਬ੍ਬਜ੍ਜੂਪਗਤਾ વਾ ਭੋવਾਦਿਨੋ વਾ।

    Tattha pubbeva sambodhāti sambodhato pubbeva, ariyamaggappattito aparabhāgeyevāti vuttaṃ hoti. Anabhisambuddhassāti appaṭividdhacatusaccassa. Bodhisattasseva satoti bujjhanakasattasseva sammāsambodhiṃ adhigantuṃ arahasattasseva sato, bodhiyā vā sattasseva laggasseva sato. Dīpaṅkarassa hi bhagavato pādamūle aṭṭhadhammasamodhānena abhinīhārasamiddhito pabhuti tathāgato bodhiyā satto laggo ‘‘pattabbā mayā esā’’ti tadadhigamāya parakkamaṃ amuñcantoyeva āgato, tasmā bodhisattoti vuccati. Tassa mayhanti tassa evaṃ bodhisattasseva sato mayhaṃ. Ye kho keci samaṇā vā brāhmaṇā vāti ye keci pabbajjūpagatā vā bhovādino vā.

    ਅਪਰਿਸੁਦ੍ਧਕਾਯਕਮ੍ਮਨ੍ਤਾਤਿ ਅਪਰਿਸੁਦ੍ਧੇਨ ਪਾਣਾਤਿਪਾਤਾਦਿਨਾ ਕਾਯਕਮ੍ਮਨ੍ਤੇਨ ਸਮਨ੍ਨਾਗਤਾ। ਅਪਰਿਸੁਦ੍ਧਕਾਯਕਮ੍ਮਨ੍ਤਸਨ੍ਦੋਸਹੇਤੂਤਿ ਅਪਰਿਸੁਦ੍ਧਸ੍ਸ ਕਾਯਕਮ੍ਮਨ੍ਤਸਙ੍ਖਾਤਸ੍ਸ ਅਤ੍ਤਨੋ ਦੋਸਸ੍ਸ ਹੇਤੁ, ਅਪਰਿਸੁਦ੍ਧਕਾਯਕਮ੍ਮਨ੍ਤਕਾਰਣਾਤਿ વੁਤ੍ਤਂ ਹੋਤਿ। ਹવੇਤਿ ਏਕਂਸવਚਨੇ ਨਿਪਾਤੋ। ਅਕੁਸਲਨ੍ਤਿ ਸਾવਜ੍ਜਂ ਅਕ੍ਖੇਮਞ੍ਚ। ਭਯਭੇਰવਨ੍ਤਿ ਭਯਞ੍ਚ ਭੇਰવਞ੍ਚ। ਚਿਤ੍ਤੁਤ੍ਰਾਸਸ੍ਸ ਚ ਭਯਾਨਕਾਰਮ੍ਮਣਸ੍ਸ ਚੇਤਂ ਅਧਿવਚਨਂ। ਤਤ੍ਰ ਭਯਂ ਸਾવਜ੍ਜਟ੍ਠੇਨ ਅਕੁਸਲਂ, ਭੇਰવਂ ਅਕ੍ਖੇਮਟ੍ਠੇਨਾਤਿ વੇਦਿਤਬ੍ਬਂ। ਅવ੍ਹਾਯਨ੍ਤੀਤਿ ਪਕ੍ਕੋਸਨ੍ਤਿ। ਕਥਂ? ਤੇ ਹਿ ਪਾਣਾਤਿਪਾਤਾਦੀਨਿ ਕਤ੍વਾ ‘‘ਮਯਂ ਅਯੁਤ੍ਤਮਕਮ੍ਹਾ, ਸਚੇ ਨੋ ਤੇ ਜਾਨੇਯ੍ਯੁਂ, ਯੇਸਂ ਅਪਰਜ੍ਝਿਮ੍ਹਾ, ਇਦਾਨਿ ਅਨੁਬਨ੍ਧਿਤ੍વਾ ਅਨਯਬ੍ਯਸਨਂ ਆਪਾਦੇਯ੍ਯੁ’’ਨ੍ਤਿ ਅਰਞ੍ਞਂ ਪવਿਸਿਤ੍વਾ ਗਚ੍ਛਨ੍ਤਰੇ વਾ ਗੁਮ੍ਬਨ੍ਤਰੇ વਾ ਨਿਸੀਦਨ੍ਤਿ। ਤੇ ‘‘ਅਪ੍ਪਮਤ੍ਤਕਮ੍ਪਿ ਤਿਣਸਦ੍ਦਂ વਾ ਪਣ੍ਣਸਦ੍ਦਂ વਾ ਸੁਤ੍વਾ, ਇਦਾਨਿਮ੍ਹਾ ਨਟ੍ਠਾ’’ਤਿ ਤਸਨ੍ਤਿ વਿਤ੍ਤਸਨ੍ਤਿ, ਆਗਨ੍ਤ੍વਾ ਪਰੇਹਿ ਪਰਿવਾਰਿਤਾ વਿਯ ਬਦ੍ਧਾ વਧਿਤਾ વਿਯ ਚ ਹੋਨ੍ਤਿ। ਏવਂ ਤਂ ਭਯਭੇਰવਂ ਅਤ੍ਤਨਿ ਸਮਾਰੋਪਨਟ੍ਠੇਨ ਅવ੍ਹਾਯਨ੍ਤਿ ਪਕ੍ਕੋਸਨ੍ਤਿ।

    Aparisuddhakāyakammantāti aparisuddhena pāṇātipātādinā kāyakammantena samannāgatā. Aparisuddhakāyakammantasandosahetūti aparisuddhassa kāyakammantasaṅkhātassa attano dosassa hetu, aparisuddhakāyakammantakāraṇāti vuttaṃ hoti. Haveti ekaṃsavacane nipāto. Akusalanti sāvajjaṃ akkhemañca. Bhayabheravanti bhayañca bheravañca. Cittutrāsassa ca bhayānakārammaṇassa cetaṃ adhivacanaṃ. Tatra bhayaṃ sāvajjaṭṭhena akusalaṃ, bheravaṃ akkhemaṭṭhenāti veditabbaṃ. Avhāyantīti pakkosanti. Kathaṃ? Te hi pāṇātipātādīni katvā ‘‘mayaṃ ayuttamakamhā, sace no te jāneyyuṃ, yesaṃ aparajjhimhā, idāni anubandhitvā anayabyasanaṃ āpādeyyu’’nti araññaṃ pavisitvā gacchantare vā gumbantare vā nisīdanti. Te ‘‘appamattakampi tiṇasaddaṃ vā paṇṇasaddaṃ vā sutvā, idānimhā naṭṭhā’’ti tasanti vittasanti, āgantvā parehi parivāritā viya baddhā vadhitā viya ca honti. Evaṃ taṃ bhayabheravaṃ attani samāropanaṭṭhena avhāyanti pakkosanti.

    ਨ ਖੋ ਪਨਾਹਂ…ਪੇ॰… ਪਟਿਸੇવਾਮੀਤਿ ਅਹਂ ਖੋ ਪਨ ਅਪਰਿਸੁਦ੍ਧਕਾਯਕਮ੍ਮਨ੍ਤੋ ਹੁਤ੍વਾ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਨ ਪਟਿਸੇવਾਮਿ। ਯੇ ਹਿ વੋਤਿ ਏਤ੍ਥ વੋਤਿ ਨਿਪਾਤਮਤ੍ਤਂ। ਅਰਿਯਾ વੁਚ੍ਚਨ੍ਤਿ ਬੁਦ੍ਧਾ ਚ ਬੁਦ੍ਧਸਾવਕਾ ਚ। ਪਰਿਸੁਦ੍ਧਕਾਯਕਮ੍ਮਨ੍ਤਾਤਿ ਈਦਿਸਾ ਹੁਤ੍વਾ। ਤੇਸਮਹਂ ਅਞ੍ਞਤਰੋਤਿ ਤੇਸਂ ਅਹਮ੍ਪਿ ਏਕੋ ਅਞ੍ਞਤਰੋ। ਬੋਧਿਸਤ੍ਤੋ ਹਿ ਗਹਟ੍ਠੋਪਿ ਪਬ੍ਬਜਿਤੋਪਿ ਪਰਿਸੁਦ੍ਧਕਾਯਕਮ੍ਮਨ੍ਤੋવ ਹੋਤਿ। ਭਿਯ੍ਯੋਤਿ ਅਤਿਰੇਕਤ੍ਥੇ ਨਿਪਾਤੋ। ਪਲ੍ਲੋਮਨ੍ਤਿ ਪਨ੍ਨਲੋਮਤਂ, ਖੇਮਂ ਸੋਤ੍ਥਿਭਾવਨ੍ਤਿ ਅਤ੍ਥੋ। ਆਪਾਦਿਨ੍ਤਿ ਆਪਜ੍ਜਿਂ, ਅਤਿਰੇਕਂ ਸੋਤ੍ਥਿਭਾવਂ ਅਤਿਰੇਕੇਨ વਾ ਸੋਤ੍ਥਿਭਾવਮਾਪਜ੍ਜਿਨ੍ਤਿ વੁਤ੍ਤਂ ਹੋਤਿ। ਅਰਞ੍ਞੇ વਿਹਾਰਾਯਾਤਿ ਅਰਞ੍ਞੇ વਿਹਾਰਤ੍ਥਾਯ।

    Nakho panāhaṃ…pe… paṭisevāmīti ahaṃ kho pana aparisuddhakāyakammanto hutvā araññavanapatthāni pantāni senāsanāni na paṭisevāmi. Ye hi voti ettha voti nipātamattaṃ. Ariyā vuccanti buddhā ca buddhasāvakā ca. Parisuddhakāyakammantāti īdisā hutvā. Tesamahaṃ aññataroti tesaṃ ahampi eko aññataro. Bodhisatto hi gahaṭṭhopi pabbajitopi parisuddhakāyakammantova hoti. Bhiyyoti atirekatthe nipāto. Pallomanti pannalomataṃ, khemaṃ sotthibhāvanti attho. Āpādinti āpajjiṃ, atirekaṃ sotthibhāvaṃ atirekena vā sotthibhāvamāpajjinti vuttaṃ hoti. Araññe vihārāyāti araññe vihāratthāya.

    ਕਾਯਕਮ੍ਮਨ੍ਤવਾਰਕਥਾ ਨਿਟ੍ਠਿਤਾ।

    Kāyakammantavārakathā niṭṭhitā.

    વਚੀਕਮ੍ਮਨ੍ਤવਾਰਾਦਿવਣ੍ਣਨਾ

    Vacīkammantavārādivaṇṇanā

    ੩੬. ਏਸ ਨਯੋ ਸਬ੍ਬਤ੍ਥ। ਅਯਂ ਪਨ વਿਸੇਸੋ, વਚੀਕਮ੍ਮਨ੍ਤવਾਰੇ ਤਾવ ਅਪਰਿਸੁਦ੍ਧવਚੀਕਮ੍ਮਨ੍ਤਾਤਿ ਅਪਰਿਸੁਦ੍ਧੇਨ ਮੁਸਾવਾਦਾਦਿਨਾ વਚੀਕਮ੍ਮਨ੍ਤੇਨ ਸਮਨ੍ਨਾਗਤਾ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਮੁਸਾવਾਦੇਨ ਪਰਸ੍ਸ ਅਤ੍ਥਂ ਭਞ੍ਜਿਤ੍વਾ, ਪਿਸੁਣવਾਚਾਯ ਮਿਤ੍ਤਭੇਦਂ ਕਤ੍વਾ ਫਰੁਸવਾਚਾਯ ਪਰੇਸਂ ਪਰਿਸਮਜ੍ਝੇ ਮਮ੍ਮਾਨਿ ਤੁਦਿਤ੍વਾ ਨਿਰਤ੍ਥਕવਾਚਾਯ ਪਰਸਤ੍ਤਾਨਂ ਕਮ੍ਮਨ੍ਤੇ ਨਾਸੇਤ੍વਾ ‘‘ਮਯਂ ਅਯੁਤ੍ਤਮਕਮ੍ਹਾ, ਸਚੇ ਨੋ ਤੇ ਜਾਨੇਯ੍ਯੁਂ, ਯੇਸਂ ਅਪਰਜ੍ਝਿਮ੍ਹਾ, ਇਦਾਨਿ ਅਨੁਬਨ੍ਧਿਤ੍વਾ ਅਨਯਬ੍ਯਸਨਂ ਪਾਪੇਯ੍ਯੁ’’ਨ੍ਤਿ ਅਰਞ੍ਞਂ ਪવਿਸਿਤ੍વਾ ਗਚ੍ਛਨ੍ਤਰੇ વਾ ਗੁਮ੍ਬਨ੍ਤਰੇ વਾ ਨਿਸੀਦਨ੍ਤਿ। ਤੇ ‘‘ਅਪ੍ਪਮਤ੍ਤਕਮ੍ਪਿ ਤਿਣਸਦ੍ਦਂ વਾ ਪਣ੍ਣਸਦ੍ਦਂ વਾ ਸੁਤ੍વਾ ਇਦਾਨਿਮ੍ਹਾ ਨਟ੍ਠਾ’’ਤਿ ਤਸਨ੍ਤਿ વਿਤ੍ਤਸਨ੍ਤਿ ਆਗਨ੍ਤ੍વਾ ਪਰੇਹਿ ਪਰਿવਾਰਿਤਾ વਿਯ ਬਦ੍ਧਾ વਧਿਤਾ વਿਯ ਚ ਹੋਨ੍ਤਿ। ਏવਂ ਤਂ ਭਯਭੇਰવਂ ਅਤ੍ਤਨਿ ਸਮਾਰੋਪਨਟ੍ਠੇਨ ਅવ੍ਹਾਯਨ੍ਤਿ, ਪਕ੍ਕੋਸਨ੍ਤਿ।

    36. Esa nayo sabbattha. Ayaṃ pana viseso, vacīkammantavāre tāva aparisuddhavacīkammantāti aparisuddhena musāvādādinā vacīkammantena samannāgatā. Te kathaṃ bhayabheravaṃ avhāyanti? Te musāvādena parassa atthaṃ bhañjitvā, pisuṇavācāya mittabhedaṃ katvā pharusavācāya paresaṃ parisamajjhe mammāni tuditvā niratthakavācāya parasattānaṃ kammante nāsetvā ‘‘mayaṃ ayuttamakamhā, sace no te jāneyyuṃ, yesaṃ aparajjhimhā, idāni anubandhitvā anayabyasanaṃ pāpeyyu’’nti araññaṃ pavisitvā gacchantare vā gumbantare vā nisīdanti. Te ‘‘appamattakampi tiṇasaddaṃ vā paṇṇasaddaṃ vā sutvā idānimhā naṭṭhā’’ti tasanti vittasanti āgantvā parehi parivāritā viya baddhā vadhitā viya ca honti. Evaṃ taṃ bhayabheravaṃ attani samāropanaṭṭhena avhāyanti, pakkosanti.

    ਮਨੋਕਮ੍ਮਨ੍ਤવਾਰੇ ਅਪਰਿਸੁਦ੍ਧਮਨੋਕਮ੍ਮਨ੍ਤਾਤਿ ਅਪਰਿਸੁਦ੍ਧੇਨ ਅਭਿਜ੍ਝਾਦਿਨਾ ਮਨੋਕਮ੍ਮਨ੍ਤੇਨ ਸਮਨ੍ਨਾਗਤਾ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਪਰੇਸਂ ਰਕ੍ਖਿਤਗੋਪਿਤੇਸੁ ਭਣ੍ਡੇਸੁ ਅਭਿਜ੍ਝਾવਿਸਮਲੋਭਂ ਉਪ੍ਪਾਦੇਤ੍વਾ ਪਰਸ੍ਸ ਕੁਜ੍ਝਿਤ੍વਾ ਪਰਸਤ੍ਤੇ ਮਿਚ੍ਛਾਦਸ੍ਸਨਂ ਗਾਹਾਪੇਤ੍વਾ ਮਯਂ ਅਯੁਤ੍ਤਮਕਮ੍ਹਾ…ਪੇ॰… ਅਤ੍ਤਨਿ ਸਮਾਰੋਪਨਟ੍ਠੇਨ ਅવ੍ਹਾਯਨ੍ਤਿ ਪਕ੍ਕੋਸਨ੍ਤਿ।

    Manokammantavāre aparisuddhamanokammantāti aparisuddhena abhijjhādinā manokammantena samannāgatā. Te kathaṃ bhayabheravaṃ avhāyanti? Te paresaṃ rakkhitagopitesu bhaṇḍesu abhijjhāvisamalobhaṃ uppādetvā parassa kujjhitvā parasatte micchādassanaṃ gāhāpetvā mayaṃ ayuttamakamhā…pe… attani samāropanaṭṭhena avhāyanti pakkosanti.

    ਆਜੀવવਾਰੇ ਅਪਰਿਸੁਦ੍ਧਾਜੀવਾਤਿ ਅਪਰਿਸੁਦ੍ਧੇਨ વੇਜ੍ਜਕਮ੍ਮਦੂਤਕਮ੍ਮવਡ੍ਢਿਪਯੋਗਾਦਿਨਾ ਏਕવੀਸਤਿਅਨੇਸਨਭੇਦੇਨ ਆਜੀવੇਨ ਸਮਨ੍ਨਾਗਤਾ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਏવਂ ਜੀવਿਕਂ ਕਪ੍ਪੇਤ੍વਾ ਸੁਣਨ੍ਤਿ – ‘‘ਸਾਸਨਸੋਧਕਾ ਕਿਰ ਤੇਪਿਟਕਾ ਭਿਕ੍ਖੂ ਸਾਸਨਂ ਸੋਧੇਤੁਂ ਨਿਕ੍ਖਨ੍ਤਾ, ਅਜ੍ਜ વਾ ਸ੍વੇ વਾ ਇਧਾਗਮਿਸ੍ਸਨ੍ਤੀ’’ਤਿ ਅਰਞ੍ਞਂ ਪવਿਸਿਤ੍વਾ ਗਚ੍ਛਨ੍ਤਰੇ વਾ…ਪੇ॰… ਤਸਨ੍ਤਿ વਿਤ੍ਤਸਨ੍ਤਿ। ਤੇ ਹਿ ਆਗਨ੍ਤ੍વਾ ਪਰਿવਾਰੇਤ੍વਾ ਗਹਿਤਾ વਿਯ ਓਦਾਤવਤ੍ਥਨਿવਾਸਿਤਾ વਿਯ ਚ ਹੋਨ੍ਤੀਤਿ। ਸੇਸਂ ਤਾਦਿਸਮੇવ।

    Ājīvavāre aparisuddhājīvāti aparisuddhena vejjakammadūtakammavaḍḍhipayogādinā ekavīsatianesanabhedena ājīvena samannāgatā. Te kathaṃ bhayabheravaṃ avhāyanti? Te evaṃ jīvikaṃ kappetvā suṇanti – ‘‘sāsanasodhakā kira tepiṭakā bhikkhū sāsanaṃ sodhetuṃ nikkhantā, ajja vā sve vā idhāgamissantī’’ti araññaṃ pavisitvā gacchantare vā…pe… tasanti vittasanti. Te hi āgantvā parivāretvā gahitā viya odātavatthanivāsitā viya ca hontīti. Sesaṃ tādisameva.

    ੩੭. ਇਤੋ ਪਰਂ ਅਭਿਜ੍ਝਾਲੂਤਿਆਦੀਸੁ ਕਿਞ੍ਚਾਪਿ ਅਭਿਜ੍ਝਾਬ੍ਯਾਪਾਦਾ ਮਨੋਕਮ੍ਮਨ੍ਤੇਨ ਸਙ੍ਗਹਿਤਾ ਤਥਾਪਿ ਨੀવਰਣવਸੇਨ ਪੁਨ વੁਤ੍ਤਾਤਿ વੇਦਿਤਬ੍ਬਾ। ਤਤ੍ਥ ਅਭਿਜ੍ਝਾਲੂਤਿ ਪਰਭਣ੍ਡਾਦਿਅਭਿਜ੍ਝਾਯਨਸੀਲਾ। ਕਾਮੇਸੁ ਤਿਬ੍ਬਸਾਰਾਗਾਤਿ વਤ੍ਥੁਕਾਮੇਸੁ ਬਹਲਕਿਲੇਸਰਾਗਾ, ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਅવવਤ੍ਥਿਤਾਰਮ੍ਮਣਾ ਹੋਨ੍ਤਿ, ਤੇਸਂ ਅવવਤ੍ਥਿਤਾਰਮ੍ਮਣਾਨਂ ਅਰਞ੍ਞੇ વਿਹਰਨ੍ਤਾਨਂ ਦਿવਾ ਦਿਟ੍ਠਂ ਰਤ੍ਤਿਂ ਭਯਭੇਰવਂ ਹੁਤ੍વਾ ਉਪਟ੍ਠਾਤਿ – ‘‘ਤੇ ਆਕੁਲਚਿਤ੍ਤਾ ਅਪ੍ਪਮਤ੍ਤਕੇਨਪਿ ਤਸਨ੍ਤਿ વਿਤ੍ਤਸਨ੍ਤਿ, ਰਜ੍ਜੁਂ વਾ ਲਤਂ વਾ ਦਿਸ੍વਾ ਸਪ੍ਪਸਞ੍ਞਿਨੋ ਹੋਨ੍ਤਿ, ਖਾਣੁਂ ਦਿਸ੍વਾ ਯਕ੍ਖਸਞ੍ਞਿਨੋ, ਥਲਂ વਾ ਪਬ੍ਬਤਂ વਾ ਦਿਸ੍વਾ ਹਤ੍ਥਿਸਞ੍ਞਿਨੋ ਸਪ੍ਪਾਦੀਹਿ ਅਨਯਬ੍ਯਸਨਂ ਆਪਾਦਿਤਾ વਿਯ ਹੋਨ੍ਤੀ’’ਤਿ। ਸੇਸਂ ਤਾਦਿਸਮੇવ।

    37. Ito paraṃ abhijjhālūtiādīsu kiñcāpi abhijjhābyāpādā manokammantena saṅgahitā tathāpi nīvaraṇavasena puna vuttāti veditabbā. Tattha abhijjhālūti parabhaṇḍādiabhijjhāyanasīlā. Kāmesu tibbasārāgāti vatthukāmesu bahalakilesarāgā, te kathaṃ bhayabheravaṃ avhāyanti? Te avavatthitārammaṇā honti, tesaṃ avavatthitārammaṇānaṃ araññe viharantānaṃ divā diṭṭhaṃ rattiṃ bhayabheravaṃ hutvā upaṭṭhāti – ‘‘te ākulacittā appamattakenapi tasanti vittasanti, rajjuṃ vā lataṃ vā disvā sappasaññino honti, khāṇuṃ disvā yakkhasaññino, thalaṃ vā pabbataṃ vā disvā hatthisaññino sappādīhi anayabyasanaṃ āpāditā viya hontī’’ti. Sesaṃ tādisameva.

    ੩੮. ਬ੍ਯਾਪਨ੍ਨਚਿਤ੍ਤਾਤਿ ਪਕਤਿਭਾવવਿਜਹਨੇਨ વਿਪਨ੍ਨਚਿਤ੍ਤਾ। ਕਿਲੇਸਾਨੁਗਤਞ੍ਹਿ ਚਿਤ੍ਤਂ ਪਕਤਿਭਾવਂ વਿਜਹਤਿ, ਪੁਰਾਣਭਤ੍ਤਬ੍ਯਞ੍ਜਨਂ વਿਯ ਪੂਤਿਕਂ ਹੋਤਿ। ਪਦੁਟ੍ਠਮਨਸਙ੍ਕਪ੍ਪਾਤਿ ਪਦੁਟ੍ਠਚਿਤ੍ਤਸਙ੍ਕਪ੍ਪਾ, ਅਭਦ੍ਰਕੇਨ ਪਰੇਸਂ ਅਨਤ੍ਥਜਨਕੇਨ ਚਿਤ੍ਤਸਙ੍ਕਪ੍ਪੇਨ ਸਮਨ੍ਨਾਗਤਾਤਿ વੁਤ੍ਤਂ ਹੋਤਿ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਭਯਭੇਰવਾવ੍ਹਾਯਨਂ ਇਤੋ ਪਭੁਤਿ ਅਭਿਜ੍ਝਾਲੁવਾਰੇ વੁਤ੍ਤਨਯੇਨੇવ વੇਦਿਤਬ੍ਬਂ। ਯਤ੍ਥ ਪਨ વਿਸੇਸੋ ਭવਿਸ੍ਸਤਿ, ਤਤ੍ਥ વਕ੍ਖਾਮ। ਨ ਖੋ ਪਨਾਹਂ ਬ੍ਯਾਪਨ੍ਨਚਿਤ੍ਤੋਤਿ ਏਤ੍ਥ ਪਨ ਮੇਤ੍ਤਚਿਤ੍ਤੋ ਅਹਂ ਹਿਤਚਿਤ੍ਤੋਤਿ ਦਸ੍ਸੇਤਿ, ਈਦਿਸਾ ਹਿ ਬੋਧਿਸਤ੍ਤਾ ਹੋਨ੍ਤਿ। ਏવਂ ਸਬ੍ਬਤ੍ਥ વੁਤ੍ਤਦੋਸਪਟਿਪਕ੍ਖવਸੇਨ ਬੋਧਿਸਤ੍ਤਸ੍ਸ ਗੁਣਾ વਣ੍ਣੇਤਬ੍ਬਾ।

    38.Byāpannacittāti pakatibhāvavijahanena vipannacittā. Kilesānugatañhi cittaṃ pakatibhāvaṃ vijahati, purāṇabhattabyañjanaṃ viya pūtikaṃ hoti. Paduṭṭhamanasaṅkappāti paduṭṭhacittasaṅkappā, abhadrakena paresaṃ anatthajanakena cittasaṅkappena samannāgatāti vuttaṃ hoti. Te kathaṃ bhayabheravaṃ avhāyanti? Bhayabheravāvhāyanaṃ ito pabhuti abhijjhāluvāre vuttanayeneva veditabbaṃ. Yattha pana viseso bhavissati, tattha vakkhāma. Na kho panāhaṃ byāpannacittoti ettha pana mettacitto ahaṃ hitacittoti dasseti, īdisā hi bodhisattā honti. Evaṃ sabbattha vuttadosapaṭipakkhavasena bodhisattassa guṇā vaṇṇetabbā.

    ੩੯. ਥਿਨਮਿਦ੍ਧਪਰਿਯੁਟ੍ਠਿਤਾਤਿ ਚਿਤ੍ਤਗੇਲਞ੍ਞਭੂਤੇਨ ਥਿਨੇਨ ਸੇਸਨਾਮਕਾਯਗੇਲਞ੍ਞਭੂਤੇਨ ਮਿਦ੍ਧੇਨ ਚ ਪਰਿਯੁਟ੍ਠਿਤਾ, ਅਭਿਭੂਤਾ ਗਹਿਤਾਤਿ વੁਤ੍ਤਂ ਹੋਤਿ। ਤੇ ਨਿਦ੍ਦਾਬਹੁਲਾ ਹੋਨ੍ਤਿ।

    39.Thinamiddhapariyuṭṭhitāti cittagelaññabhūtena thinena sesanāmakāyagelaññabhūtena middhena ca pariyuṭṭhitā, abhibhūtā gahitāti vuttaṃ hoti. Te niddābahulā honti.

    ੪੦. ਉਦ੍ਧਤਾਤਿ ਉਦ੍ਧਚ੍ਚਪਕਤਿਕਾ વਿਪ੍ਫਨ੍ਦਮਾਨਚਿਤ੍ਤਾ, ਉਦ੍ਧਚ੍ਚੇਨ ਹਿ ਏਕਾਰਮ੍ਮਣੇ ਚਿਤ੍ਤਂ વਿਪ੍ਫਨ੍ਦਤਿ ਧਜਯਟ੍ਠਿਯਂ વਾਤੇਨ ਪਟਾਕਾ વਿਯ। ਅવੂਪਸਨ੍ਤਚਿਤ੍ਤਾਤਿ ਅਨਿਬ੍ਬੁਤਚਿਤ੍ਤਾ, ਇਧ ਕੁਕ੍ਕੁਚ੍ਚਂ ਗਹੇਤੁਂ વਟ੍ਟਤਿ।

    40.Uddhatāti uddhaccapakatikā vipphandamānacittā, uddhaccena hi ekārammaṇe cittaṃ vipphandati dhajayaṭṭhiyaṃ vātena paṭākā viya. Avūpasantacittāti anibbutacittā, idha kukkuccaṃ gahetuṃ vaṭṭati.

    ੪੧. ਕਙ੍ਖੀ વਿਚਿਕਿਚ੍ਛੀਤਿ ਏਤ੍ਥ ਏਕਮੇવਿਦਂ ਪਞ੍ਚਮਂ ਨੀવਰਣਂ। ਕਿਂ ਨੁ ਖੋ ਇਦਨ੍ਤਿ ਆਰਮ੍ਮਣਂ ਕਙ੍ਖਨਤੋ ਕਙ੍ਖਾ, ਇਦਮੇવਿਦਨ੍ਤਿ ਨਿਚ੍ਛੇਤੁਂ ਅਸਮਤ੍ਥਭਾવਤੋ વਿਚਿਕਿਚ੍ਛਾਤਿ વੁਚ੍ਚਤਿ, ਤੇਨ ਸਮਨ੍ਨਾਗਤਾ ਸਮਣਬ੍ਰਾਹ੍ਮਣਾ ‘‘ਕਙ੍ਖੀ વਿਚਿਕਿਚ੍ਛੀ’’ਤਿ વੁਤ੍ਤਾ।

    41.Kaṅkhī vicikicchīti ettha ekamevidaṃ pañcamaṃ nīvaraṇaṃ. Kiṃ nu kho idanti ārammaṇaṃ kaṅkhanato kaṅkhā, idamevidanti nicchetuṃ asamatthabhāvato vicikicchāti vuccati, tena samannāgatā samaṇabrāhmaṇā ‘‘kaṅkhī vicikicchī’’ti vuttā.

    ੪੨. ਅਤ੍ਤੁਕ੍ਕਂਸਨਕਾ ਪਰવਮ੍ਭੀਤਿ ਯੇ ਅਤ੍ਤਾਨਂ ਉਕ੍ਕਂਸੇਨ੍ਤਿ ਉਕ੍ਖਿਪਨ੍ਤਿ, ਉਚ੍ਚੇ ਠਾਨੇ ਠਪੇਨ੍ਤਿ, ਪਰਞ੍ਚ વਮ੍ਭੇਨ੍ਤਿ ਗਰਹਨ੍ਤਿ ਨਿਨ੍ਦਨ੍ਤਿ, ਨੀਚੇ ਠਾਨੇ ਠਪੇਨ੍ਤਿ, ਤੇਸਮੇਤਂ ਅਧਿવਚਨਂ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਪਰੇਹਿ ‘‘ਅਸੁਕੋ ਚ ਕਿਰ ਅਸੁਕੋ ਚ ਅਤ੍ਤਾਨਂ ਉਕ੍ਕਂਸੇਨ੍ਤਿ, ਅਮ੍ਹੇ ਗਰਹਨ੍ਤਿ, ਦਾਸੇ વਿਯ ਕਰੋਨ੍ਤਿ, ਗਣ੍ਹਥ ਨੇ’’ਤਿ ਅਨੁਬਦ੍ਧਾ ਪਲਾਯਿਤ੍વਾ ਅਰਞ੍ਞਂ ਪવਿਸਿਤ੍વਾ ਗਚ੍ਛਨ੍ਤਰੇ વਾ ਗੁਮ੍ਬਨ੍ਤਰੇ વਾਤਿ ਕਾਯਕਮ੍ਮਨ੍ਤਸਦਿਸਂ વਿਤ੍ਥਾਰੇਤਬ੍ਬਂ।

    42.Attukkaṃsanakā paravambhīti ye attānaṃ ukkaṃsenti ukkhipanti, ucce ṭhāne ṭhapenti, parañca vambhenti garahanti nindanti, nīce ṭhāne ṭhapenti, tesametaṃ adhivacanaṃ. Te kathaṃ bhayabheravaṃ avhāyanti? Te parehi ‘‘asuko ca kira asuko ca attānaṃ ukkaṃsenti, amhe garahanti, dāse viya karonti, gaṇhatha ne’’ti anubaddhā palāyitvā araññaṃ pavisitvā gacchantare vā gumbantare vāti kāyakammantasadisaṃ vitthāretabbaṃ.

    ੪੩. ਛਮ੍ਭੀਤਿ ਕਾਯਥਮ੍ਭਨਲੋਮਹਂਸਨਕਰੇਨ ਥਮ੍ਭੇਨ ਸਮਨ੍ਨਾਗਤਾ। ਭੀਰੁਕਜਾਤਿਕਾਤਿ ਭੀਰੁਕਪਕਤਿਕਾ, ਗਾਮਦਾਰਕਾ વਿਯ ਭਯਬਹੁਲਾ ਅਸੂਰਾ ਕਾਤਰਾਤਿ વੁਤ੍ਤਂ ਹੋਤਿ।

    43.Chambhīti kāyathambhanalomahaṃsanakarena thambhena samannāgatā. Bhīrukajātikāti bhīrukapakatikā, gāmadārakā viya bhayabahulā asūrā kātarāti vuttaṃ hoti.

    ੪੪. ਲਾਭਸਕ੍ਕਾਰਸਿਲੋਕਨ੍ਤਿ ਏਤ੍ਥ ਲਬ੍ਭਤੀਤਿ ਲਾਭੋ, ਚਤੁਨ੍ਨਂ ਪਚ੍ਚਯਾਨਮੇਤਂ ਅਧਿવਚਨਂ। ਸਕ੍ਕਾਰੋਤਿ ਸੁਨ੍ਦਰਕਾਰੋ, ਪਚ੍ਚਯਾ ਏવ ਹਿ ਪਣੀਤਪਣੀਤਾ ਸੁਨ੍ਦਰਸੁਨ੍ਦਰਾ ਚ ਅਭਿਸਙ੍ਖਰਿਤ੍વਾ ਕਤਾ ਸਕ੍ਕਾਰਾਤਿ વੁਚ੍ਚਨ੍ਤਿ। ਯਾ ਚ ਪਰੇਹਿ ਅਤ੍ਤਨੋ ਗਾਰવਕਿਰਿਯਾ ਪੁਪ੍ਫਾਦੀਹਿ વਾ ਪੂਜਾ। ਸਿਲੋਕੋਤਿ વਣ੍ਣਭਣਨਂ ਏਤਂ , ਲਾਭਞ੍ਚ ਸਕ੍ਕਾਰਞ੍ਚ ਸਿਲੋਕਞ੍ਚ ਲਾਭਸਕ੍ਕਾਰਸਿਲੋਕਂ। ਨਿਕਾਮਯਮਾਨਾਤਿ ਪਤ੍ਥਯਮਾਨਾ। ਭਯਭੇਰવਾવ੍ਹਾਯਨਂ ਅਭਿਜ੍ਝਾਲੁવਾਰਸਦਿਸਮੇવ। ਤਦਤ੍ਥਦੀਪਕਂ ਪਨੇਤ੍ਥ ਪਿਯਗਾਮਿਕવਤ੍ਥੁਂ ਕਥੇਨ੍ਤਿ –

    44.Lābhasakkārasilokanti ettha labbhatīti lābho, catunnaṃ paccayānametaṃ adhivacanaṃ. Sakkāroti sundarakāro, paccayā eva hi paṇītapaṇītā sundarasundarā ca abhisaṅkharitvā katā sakkārāti vuccanti. Yā ca parehi attano gāravakiriyā pupphādīhi vā pūjā. Silokoti vaṇṇabhaṇanaṃ etaṃ , lābhañca sakkārañca silokañca lābhasakkārasilokaṃ. Nikāmayamānāti patthayamānā. Bhayabheravāvhāyanaṃ abhijjhāluvārasadisameva. Tadatthadīpakaṃ panettha piyagāmikavatthuṃ kathenti –

    ਏਕੋ ਕਿਰ ਪਿਯਗਾਮਿਕੋ ਨਾਮ ਭਿਕ੍ਖੁ ਸਮਾਦਿਨ੍ਨਧੁਤਙ੍ਗਾਨਂ ਭਿਕ੍ਖੂਨਂ ਲਾਭਂ ਦਿਸ੍વਾ ‘‘ਅਹਮ੍ਪਿ ਧੁਤਙ੍ਗਂ ਸਮਾਦਿਯਿਤ੍વਾ ਲਾਭਂ ਉਪ੍ਪਾਦੇਮੀ’’ਤਿ ਚਿਨ੍ਤੇਤ੍વਾ ਸੋਸਾਨਿਕਙ੍ਗਂ ਸਮਾਦਾਯ ਸੁਸਾਨੇ વਸਤਿ। ਅਥੇਕਦਿવਸਂ ਏਕੋ ਕਮ੍ਮਮੁਤ੍ਤੋ ਜਰਗ੍ਗવੋ ਦਿવਾ ਗੋਚਰੇ ਚਰਿਤ੍વਾ ਰਤ੍ਤਿਂ ਤਸ੍ਮਿਂ ਸੁਸਾਨੇ ਪੁਪ੍ਫਗੁਮ੍ਬੇ ਸੀਸਂ ਕਤ੍વਾ ਰੋਮਨ੍ਥਯਮਾਨੋ ਅਟ੍ਠਾਸਿ। ਪਿਯਗਾਮਿਕੋ ਰਤ੍ਤਿਂ ਚਙ੍ਕਮਨਾ ਨਿਕ੍ਖਨ੍ਤੋ ਤਸ੍ਸ ਹਨੁਸਦ੍ਦਂ ਸੁਤ੍વਾ ਚਿਨ੍ਤੇਸਿ ‘‘ਅਦ੍ਧਾ ਮਂ ਲਾਭਗਿਦ੍ਧੋ ਏਸ ਸੁਸਾਨੇ વਸਤੀਤਿ ਞਤ੍વਾ ਦੇવਰਾਜਾ વਿਹੇਠੇਤੁਂ ਆਗਤੋ’’ਤਿ, ਸੋ ਜਰਗ੍ਗવਸ੍ਸ ਪੁਰਤੋ ਅਞ੍ਜਲਿਂ ਪਗ੍ਗਹੇਤ੍વਾ ‘‘ਸਪ੍ਪੁਰਿਸ ਦੇવਰਾਜ ਅਜ੍ਜ ਮੇ ਏਕਰਤ੍ਤਿਂ ਖਮ, ਸ੍વੇ ਪਟ੍ਠਾਯ ਨ ਏવਂ ਕਰਿਸ੍ਸਾਮੀ’’ਤਿ ਨਮਸ੍ਸਮਾਨੋ ਸਬ੍ਬਰਤ੍ਤਿਂ ਯਾਚਨ੍ਤੋ ਅਟ੍ਠਾਸਿ। ਤਤੋ ਸੂਰਿਯੇ ਉਟ੍ਠਿਤੇ ਤਂ ਦਿਸ੍વਾ ਕਤ੍ਤਰਯਟ੍ਠਿਯਾ ਪਹਰਿਤ੍વਾ ਪਲਾਪੇਸਿ ‘‘ਸਬ੍ਬਰਤ੍ਤਿਂ ਮਂ ਭਿਂਸਾਪੇਸੀ’’ਤਿ।

    Eko kira piyagāmiko nāma bhikkhu samādinnadhutaṅgānaṃ bhikkhūnaṃ lābhaṃ disvā ‘‘ahampi dhutaṅgaṃ samādiyitvā lābhaṃ uppādemī’’ti cintetvā sosānikaṅgaṃ samādāya susāne vasati. Athekadivasaṃ eko kammamutto jaraggavo divā gocare caritvā rattiṃ tasmiṃ susāne pupphagumbe sīsaṃ katvā romanthayamāno aṭṭhāsi. Piyagāmiko rattiṃ caṅkamanā nikkhanto tassa hanusaddaṃ sutvā cintesi ‘‘addhā maṃ lābhagiddho esa susāne vasatīti ñatvā devarājā viheṭhetuṃ āgato’’ti, so jaraggavassa purato añjaliṃ paggahetvā ‘‘sappurisa devarāja ajja me ekarattiṃ khama, sve paṭṭhāya na evaṃ karissāmī’’ti namassamāno sabbarattiṃ yācanto aṭṭhāsi. Tato sūriye uṭṭhite taṃ disvā kattarayaṭṭhiyā paharitvā palāpesi ‘‘sabbarattiṃ maṃ bhiṃsāpesī’’ti.

    ੪੫. ਕੁਸੀਤਾਤਿ ਕੋਸਜ੍ਜਾਨੁਗਤਾ। ਹੀਨવੀਰਿਯਾਤਿ ਹੀਨਾ વੀਰਿਯੇਨ વਿਰਹਿਤਾ વਿਯੁਤ੍ਤਾ, ਨਿਬ੍ਬੀਰਿਯਾਤਿ વੁਤ੍ਤਂ ਹੋਤਿ। ਤਤ੍ਥ ਕੁਸੀਤਾ ਕਾਯਿਕવੀਰਿਯਾਰਮ੍ਭવਿਰਹਿਤਾ ਹੋਨ੍ਤਿ, ਹੀਨવੀਰਿਯਾ ਚੇਤਸਿਕવੀਰਿਯਾਰਮ੍ਭવਿਰਹਿਤਾ। ਤੇ ਆਰਮ੍ਮਣવવਤ੍ਥਾਨਮਤ੍ਤਮ੍ਪਿ ਕਾਤੁਂ ਨ ਸਕ੍ਕੋਨ੍ਤਿ। ਤੇਸਂ ਅવવਤ੍ਥਿਤਾਰਮ੍ਮਣਾਨਨ੍ਤਿ ਸਬ੍ਬਂ ਪੁਬ੍ਬਸਦਿਸਮੇવ।

    45.Kusītāti kosajjānugatā. Hīnavīriyāti hīnā vīriyena virahitā viyuttā, nibbīriyāti vuttaṃ hoti. Tattha kusītā kāyikavīriyārambhavirahitā honti, hīnavīriyā cetasikavīriyārambhavirahitā. Te ārammaṇavavatthānamattampi kātuṃ na sakkonti. Tesaṃ avavatthitārammaṇānanti sabbaṃ pubbasadisameva.

    ੪੬. ਮੁਟ੍ਠਸ੍ਸਤੀਤਿ ਨਟ੍ਠਸ੍ਸਤੀ। ਅਸਮ੍ਪਜਾਨਾਤਿ ਪਞ੍ਞਾਰਹਿਤਾ, ਇਮਸ੍ਸ ਚ ਪਟਿਪਕ੍ਖੇ ‘‘ਉਪਟ੍ਠਿਤਸ੍ਸਤੀਹਮਸ੍ਮੀ’’ਤਿ વਚਨਤੋ ਸਤਿਭਾਜਨਿਯਮੇવੇਤਂ। ਪਞ੍ਞਾ ਪਨੇਤ੍ਥ ਸਤਿਦੁਬ੍ਬਲ੍ਯਦੀਪਨਤ੍ਥਂ વੁਤ੍ਤਾ। ਦੁવਿਧਾ ਹਿ ਸਤਿ ਪਞ੍ਞਾਸਮ੍ਪਯੁਤ੍ਤਾ ਪਞ੍ਞਾવਿਪ੍ਪਯੁਤ੍ਤਾ ਚ। ਤਤ੍ਥ ਪਞ੍ਞਾਸਮ੍ਪਯੁਤ੍ਤਾ ਬਲવਤੀ, વਿਪ੍ਪਯੁਤ੍ਤਾ ਦੁਬ੍ਬਲਾ, ਤਸ੍ਮਾ ਯਦਾਪਿ ਤੇਸਂ ਸਤਿ ਹੋਤਿ, ਤਦਾਪਿ ਅਸਮ੍ਪਜਾਨਨ੍ਤਾ ਮੁਟ੍ਠਸ੍ਸਤੀਯੇવ ਤੇ, ਦੁਬ੍ਬਲਾਯ ਸਤਿਯਾ ਸਤਿਕਿਚ੍ਚਾਭਾવਤੋਤਿ ਏਤਮਤ੍ਥਂ ਦੀਪੇਤੁਂ ‘‘ਅਸਮ੍ਪਜਾਨਾ’’ਤਿ વੁਤ੍ਤਂ। ਤੇ ਏવਂ ਮੁਟ੍ਠਸ੍ਸਤੀ ਅਸਮ੍ਪਜਾਨਾ ਆਰਮ੍ਮਣવવਤ੍ਥਾਨਮਤ੍ਤਮ੍ਪਿ ਕਾਤੁਂ ਨ ਸਕ੍ਕੋਨ੍ਤੀਤਿ ਸਬ੍ਬਂ ਪੁਬ੍ਬਸਦਿਸਮੇવ।

    46.Muṭṭhassatīti naṭṭhassatī. Asampajānāti paññārahitā, imassa ca paṭipakkhe ‘‘upaṭṭhitassatīhamasmī’’ti vacanato satibhājaniyamevetaṃ. Paññā panettha satidubbalyadīpanatthaṃ vuttā. Duvidhā hi sati paññāsampayuttā paññāvippayuttā ca. Tattha paññāsampayuttā balavatī, vippayuttā dubbalā, tasmā yadāpi tesaṃ sati hoti, tadāpi asampajānantā muṭṭhassatīyeva te, dubbalāya satiyā satikiccābhāvatoti etamatthaṃ dīpetuṃ ‘‘asampajānā’’ti vuttaṃ. Te evaṃ muṭṭhassatī asampajānā ārammaṇavavatthānamattampi kātuṃ na sakkontīti sabbaṃ pubbasadisameva.

    ੪੭. ਅਸਮਾਹਿਤਾਤਿ ਉਪਚਾਰਪ੍ਪਨਾਸਮਾਧਿવਿਰਹਿਤਾ। વਿਬ੍ਭਨ੍ਤਚਿਤ੍ਤਾਤਿ ਉਬ੍ਭਨ੍ਤਚਿਤ੍ਤਾ। ਸਮਾਧਿવਿਰਹੇਨ ਲਦ੍ਧੋਕਾਸੇਨ ਉਦ੍ਧਚ੍ਚੇਨ ਤੇਸਂ ਸਮਾਧਿવਿਰਹਾਨਂ ਚਿਤ੍ਤਂ ਨਾਨਾਰਮ੍ਮਣੇਸੁ ਪਰਿਬ੍ਭਮਤਿ, વਨਮਕ੍ਕਟੋ વਿਯ વਨਸਾਖਾਸੁ ਉਦ੍ਧਚ੍ਚੇਨ ਏਕਾਰਮ੍ਮਣੇ વਿਪ੍ਫਨ੍ਦਤਿ। ਪੁਬ੍ਬੇ વੁਤ੍ਤਨਯੇਨੇਨ ਤੇ ਏવਂ ਅਸਮਾਹਿਤਾ વਿਬ੍ਭਨ੍ਤਚਿਤ੍ਤਾ ਆਰਮ੍ਮਣવવਤ੍ਥਾਨਮਤ੍ਤਮ੍ਪਿ ਕਾਤੁਂ ਨ ਸਕ੍ਕੋਨ੍ਤੀਤਿ ਸਬ੍ਬਂ ਪੁਬ੍ਬਸਦਿਸਮੇવ।

    47.Asamāhitāti upacārappanāsamādhivirahitā. Vibbhantacittāti ubbhantacittā. Samādhivirahena laddhokāsena uddhaccena tesaṃ samādhivirahānaṃ cittaṃ nānārammaṇesu paribbhamati, vanamakkaṭo viya vanasākhāsu uddhaccena ekārammaṇe vipphandati. Pubbe vuttanayenena te evaṃ asamāhitā vibbhantacittā ārammaṇavavatthānamattampi kātuṃ na sakkontīti sabbaṃ pubbasadisameva.

    ੪੮. ਦੁਪ੍ਪਞ੍ਞਾਤਿ ਨਿਪ੍ਪਞ੍ਞਾਨਮੇਤਂ ਅਧਿવਚਨਂ। ਪਞ੍ਞਾ ਪਨ ਦੁਟ੍ਠਾ ਨਾਮ ਨਤ੍ਥਿ। ਏਲ਼ਮੂਗਾਤਿ ਏਲਮੁਖਾ, ਖ-ਕਾਰਸ੍ਸ ਗ-ਕਾਰੋ ਕਤੋ। ਲਾਲਮੁਖਾਤਿ વੁਤ੍ਤਂ ਹੋਤਿ। ਦੁਪ੍ਪਞ੍ਞਾਨਞ੍ਹਿ ਕਥੇਨ੍ਤਾਨਂ ਲਾਲਾ ਮੁਖਤੋ ਗਲਤਿ, ਲਾਲਾ ਚ ਏਲਾਤਿ વੁਚ੍ਚਤਿ। ਯਥਾਹ ‘‘ਪਸ੍ਸੇਲਮੂਗਂ ਉਰਗਂ ਦੁਜ੍ਜਿવ੍ਹ’’ਨ੍ਤਿ। ਤਸ੍ਮਾ ਤੇ ‘‘ਏਲ਼ਮੂਗਾ’’ਤਿ વੁਚ੍ਚਨ੍ਤਿ। ‘‘ਏਲਮੁਖਾ’’ਤਿਪਿ ਪਾਠੋ। ‘‘ਏਲਮੁਗਾ’’ਤਿ ਕੇਚਿ ਪਠਨ੍ਤਿ, ਅਪਰੇ ‘‘ਏਲਮੁਕਾ’’ਤਿਪਿ, ਸਬ੍ਬਤ੍ਥ ‘‘ਏਲਮੁਖਾ’’ਤਿ ਅਤ੍ਥੋ। ਤੇ ਕਥਂ ਭਯਭੇਰવਂ ਅવ੍ਹਾਯਨ੍ਤਿ? ਤੇ ਦੁਪ੍ਪਞ੍ਞਾ ਏਲ਼ਮੂਗਾ ਆਰਮ੍ਮਣવવਤ੍ਥਾਨਮਤ੍ਤਮ੍ਪਿ ਕਾਤੁਂ ਨ ਸਕ੍ਕੋਨ੍ਤਿ। ਤੇਸਂ ਅવવਤ੍ਥਿਤਾਰਮ੍ਮਣਾਨਂ ਅਰਞ੍ਞੇ વਿਹਰਨ੍ਤਾਨਂ ਦਿવਾ ਦਿਟ੍ਠਂ ਰਤ੍ਤਿਂ ਭਯਭੇਰવਂ ਹੁਤ੍વਾ ਉਪਟ੍ਠਾਤਿ ‘‘ਤੇ ਆਕੁਲਚਿਤ੍ਤਾ ਅਪ੍ਪਮਤ੍ਤਕੇਨਪਿ ਤਸਨ੍ਤਿ વਿਤ੍ਤਸਨ੍ਤਿ, ਰਜ੍ਜੁਂ વਾ ਲਤਂ વਾ ਦਿਸ੍વਾ ਸਪ੍ਪਸਞ੍ਞਿਨੋ ਹੋਨ੍ਤਿ, ਖਾਣੁਂ ਦਿਸ੍વਾ ਯਕ੍ਖਸਞ੍ਞਿਨੋ, ਥਲਂ વਾ ਪਬ੍ਬਤਂ વਾ ਦਿਸ੍વਾ ਹਤ੍ਥਿਸਞ੍ਞਿਨੋ ਸਪ੍ਪਾਦੀਹਿ ਅਨਯવ੍ਯਸਨਂ ਆਪਾਦਿਤਾ વਿਯ ਹੋਨ੍ਤੀ’’ਤਿ। ਏવਂ ਤਂ ਭਯਭੇਰવਂ ਅਤ੍ਤਨਿ ਸਮਾਰੋਪਨਟ੍ਠੇਨ ਅવ੍ਹਾਯਨ੍ਤਿ ਪਕ੍ਕੋਸਨ੍ਤਿ। ਪਞ੍ਞਾਸਮ੍ਪਨ੍ਨੋਹਮਸ੍ਮੀਤਿ ਏਤ੍ਥ ਪਞ੍ਞਾਸਮ੍ਪਨ੍ਨੋਤਿ ਪਞ੍ਞਾਯ ਸਮ੍ਪਨ੍ਨੋ ਸਮਨ੍ਨਾਗਤੋ, ਨੋ ਚ ਖੋ વਿਪਸ੍ਸਨਾਪਞ੍ਞਾਯ, ਨ ਮਗ੍ਗਪਞ੍ਞਾਯ, ਅਪਿਚ ਖੋ ਪਨ ਇਮੇਸੁ ਸੋਲ਼ਸਸੁ ਠਾਨੇਸੁ ਆਰਮ੍ਮਣવવਤ੍ਥਾਨਪਞ੍ਞਾਯਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ વੁਤ੍ਤਨਯਮੇવਾਤਿ।

    48.Duppaññāti nippaññānametaṃ adhivacanaṃ. Paññā pana duṭṭhā nāma natthi. Eḷamūgāti elamukhā, kha-kārassa ga-kāro kato. Lālamukhāti vuttaṃ hoti. Duppaññānañhi kathentānaṃ lālā mukhato galati, lālā ca elāti vuccati. Yathāha ‘‘passelamūgaṃ uragaṃ dujjivha’’nti. Tasmā te ‘‘eḷamūgā’’ti vuccanti. ‘‘Elamukhā’’tipi pāṭho. ‘‘Elamugā’’ti keci paṭhanti, apare ‘‘elamukā’’tipi, sabbattha ‘‘elamukhā’’ti attho. Te kathaṃ bhayabheravaṃ avhāyanti? Te duppaññā eḷamūgā ārammaṇavavatthānamattampi kātuṃ na sakkonti. Tesaṃ avavatthitārammaṇānaṃ araññe viharantānaṃ divā diṭṭhaṃ rattiṃ bhayabheravaṃ hutvā upaṭṭhāti ‘‘te ākulacittā appamattakenapi tasanti vittasanti, rajjuṃ vā lataṃ vā disvā sappasaññino honti, khāṇuṃ disvā yakkhasaññino, thalaṃ vā pabbataṃ vā disvā hatthisaññino sappādīhi anayavyasanaṃ āpāditā viya hontī’’ti. Evaṃ taṃ bhayabheravaṃ attani samāropanaṭṭhena avhāyanti pakkosanti. Paññāsampannohamasmīti ettha paññāsampannoti paññāya sampanno samannāgato, no ca kho vipassanāpaññāya, na maggapaññāya, apica kho pana imesu soḷasasu ṭhānesu ārammaṇavavatthānapaññāyāti attho. Sesaṃ sabbattha vuttanayamevāti.

    વਚੀਕਮ੍ਮਨ੍ਤવਾਰਾਦਿવਣ੍ਣਨਾ ਨਿਟ੍ਠਿਤਾ।

    Vacīkammantavārādivaṇṇanā niṭṭhitā.

    ਸੋਲ਼ਸਟ੍ਠਾਨਾਰਮ੍ਮਣਪਰਿਗ੍ਗਹੋ ਨਿਟ੍ਠਿਤੋ।

    Soḷasaṭṭhānārammaṇapariggaho niṭṭhito.

    ਭਯਭੇਰવਸੇਨਾਸਨਾਦਿવਣ੍ਣਨਾ

    Bhayabheravasenāsanādivaṇṇanā

    ੪੯. ਤਸ੍ਸ ਮਯ੍ਹਨ੍ਤਿ ਕੋ ਅਨੁਸਨ੍ਧਿ? ਬੋਧਿਸਤ੍ਤੋ ਕਿਰ ਇਮਾਨਿ ਸੋਲ਼ਸਾਰਮ੍ਮਣਾਨਿ ਪਰਿਗ੍ਗਣ੍ਹਨ੍ਤੋ ਚ ਭਯਭੇਰવਂ ਅਦਿਸ੍વਾ ਭਯਭੇਰવਂ ਨਾਮ ਏવਰੂਪਾਸੁ ਰਤ੍ਤੀਸੁ ਏવਰੂਪੇ ਸੇਨਾਸਨੇ ਚ ਪਞ੍ਞਾਯਤਿ, ਹਨ੍ਦ ਨਂ ਤਤ੍ਥਾਪਿ ਗવੇਸਿਸ੍ਸਾਮੀਤਿ ਭਯਭੇਰવਗવੇਸਨਮਕਾਸਿ, ਏਤਮਤ੍ਥਂ ਭਗવਾ ਇਦਾਨਿ ਬ੍ਰਾਹ੍ਮਣਸ੍ਸ ਦਸ੍ਸੇਨ੍ਤੋ ਤਸ੍ਸ ਮਯ੍ਹਨ੍ਤਿਆਦਿਮਾਹ।

    49.Tassamayhanti ko anusandhi? Bodhisatto kira imāni soḷasārammaṇāni pariggaṇhanto ca bhayabheravaṃ adisvā bhayabheravaṃ nāma evarūpāsu rattīsu evarūpe senāsane ca paññāyati, handa naṃ tatthāpi gavesissāmīti bhayabheravagavesanamakāsi, etamatthaṃ bhagavā idāni brāhmaṇassa dassento tassa mayhantiādimāha.

    ਤਤ੍ਥ ਯਾ ਤਾਤਿ ਉਭਯਮੇਤਂ ਰਤ੍ਤੀਨਂਯੇવ ਉਦ੍ਦੇਸਨਿਦ੍ਦੇਸવਚਨਂ। ਅਭਿਞ੍ਞਾਤਾਤਿ ਏਤ੍ਥ ਅਭੀਤਿ ਲਕ੍ਖਣਤ੍ਥੇ ਉਪਸਗ੍ਗੋ। ਤਸ੍ਮਾ ਅਭਿਞ੍ਞਾਤਾਤਿ ਚਨ੍ਦਪਾਰਿਪੂਰਿਯਾ ਚਨ੍ਦਪਰਿਕ੍ਖਯੇਨਾਤਿ ਏવਮਾਦੀਹਿ ਲਕ੍ਖਣੇਹਿ ਞਾਤਾਤਿ વੇਦਿਤਬ੍ਬਾ। ਅਭਿਲਕ੍ਖਿਤਾਤਿ ਏਤ੍ਥ ਉਪਸਗ੍ਗਮਤ੍ਤਮੇવ, ਤਸ੍ਮਾ ਅਭਿਲਕ੍ਖਿਤਾਤਿ ਲਕ੍ਖਣੀਯਾ ਇਚ੍ਚੇવ ਅਤ੍ਥੋ, ਉਪੋਸਥਸਮਾਦਾਨਧਮ੍ਮਸ੍ਸવਨਪੂਜਾਸਕ੍ਕਾਰਾਦਿਕਰਣਤ੍ਥਂ ਲਕ੍ਖੇਤਬ੍ਬਾ ਸਲ੍ਲਕ੍ਖੇਤਬ੍ਬਾ ਉਪਲਕ੍ਖੇਤਬ੍ਬਾਤਿ વੁਤ੍ਤਂ ਹੋਤਿ।

    Tattha yā tāti ubhayametaṃ rattīnaṃyeva uddesaniddesavacanaṃ. Abhiññātāti ettha abhīti lakkhaṇatthe upasaggo. Tasmā abhiññātāti candapāripūriyā candaparikkhayenāti evamādīhi lakkhaṇehi ñātāti veditabbā. Abhilakkhitāti ettha upasaggamattameva, tasmā abhilakkhitāti lakkhaṇīyā icceva attho, uposathasamādānadhammassavanapūjāsakkārādikaraṇatthaṃ lakkhetabbā sallakkhetabbā upalakkhetabbāti vuttaṃ hoti.

    ਚਾਤੁਦ੍ਦਸੀਤਿ ਪਕ੍ਖਸ੍ਸ ਪਠਮਦਿવਸਤੋ ਪਭੁਤਿ ਚਤੁਦ੍ਦਸਨ੍ਨਂ ਪੂਰਣੀ ਏਕਾ ਰਤ੍ਤਿ। ਏવਂ ਪਞ੍ਚਦਸੀ ਅਟ੍ਠਮੀ ਚ। ਪਕ੍ਖਸ੍ਸਾਤਿ ਸੁਕ੍ਕਪਕ੍ਖਸ੍ਸ ਕਣ੍ਹਪਕ੍ਖਸ੍ਸ ਚ। ਏਤਾ ਤਿਸ੍ਸੋ ਤਿਸ੍ਸੋ ਕਤ੍વਾ ਛ ਰਤ੍ਤਿਯੋ, ਤਸ੍ਮਾ ਸਬ੍ਬਤ੍ਥ ਪਕ੍ਖવਚਨਂ ਯੋਜੇਤਬ੍ਬਂ ‘‘ਪਕ੍ਖਸ੍ਸ ਚਾਤੁਦ੍ਦਸੀ ਪਕ੍ਖਸ੍ਸ ਪਞ੍ਚਦਸੀ ਪਕ੍ਖਸ੍ਸ ਅਟ੍ਠਮੀ’’ਤਿ। ਅਥ ਪਞ੍ਚਮੀ ਕਸ੍ਮਾ ਨ ਗਹਿਤਾਤਿ? ਅਸਬ੍ਬਕਾਲਿਕਤ੍ਤਾ। ਬੁਦ੍ਧੇ ਕਿਰ ਭਗવਤਿ ਅਨੁਪ੍ਪਨ੍ਨੇਪਿ ਉਪ੍ਪਜ੍ਜਿਤ੍વਾ ਅਪਰਿਨਿਬ੍ਬੁਤੇਪਿ ਪਞ੍ਚਮੀ ਅਨਭਿਲਕ੍ਖਿਤਾਯੇવ, ਪਰਿਨਿਬ੍ਬੁਤੇ ਪਨ ਧਮ੍ਮਸਙ੍ਗਾਹਕਤ੍ਥੇਰਾ ਚਿਨ੍ਤੇਸੁਂ ‘‘ਧਮ੍ਮਸ੍ਸવਨਂ ਚਿਰੇਨ ਹੋਤੀ’’ਤਿ। ਤਤੋ ਸਮ੍ਮਨ੍ਨਿਤ੍વਾ ਪਞ੍ਚਮੀਤਿ ਧਮ੍ਮਸ੍ਸવਨਦਿવਸਂ ਠਪੇਸੁਂ, ਤਤੋ ਪਭੁਤਿ ਸਾ ਅਭਿਲਕ੍ਖਿਤਾ ਜਾਤਾ, ਏવਂ ਅਸਬ੍ਬਕਾਲਿਕਤ੍ਤਾ ਏਤ੍ਥ ਨ ਗਹਿਤਾਤਿ।

    Cātuddasīti pakkhassa paṭhamadivasato pabhuti catuddasannaṃ pūraṇī ekā ratti. Evaṃ pañcadasī aṭṭhamī ca. Pakkhassāti sukkapakkhassa kaṇhapakkhassa ca. Etā tisso tisso katvā cha rattiyo, tasmā sabbattha pakkhavacanaṃ yojetabbaṃ ‘‘pakkhassa cātuddasī pakkhassa pañcadasī pakkhassa aṭṭhamī’’ti. Atha pañcamī kasmā na gahitāti? Asabbakālikattā. Buddhe kira bhagavati anuppannepi uppajjitvā aparinibbutepi pañcamī anabhilakkhitāyeva, parinibbute pana dhammasaṅgāhakattherā cintesuṃ ‘‘dhammassavanaṃ cirena hotī’’ti. Tato sammannitvā pañcamīti dhammassavanadivasaṃ ṭhapesuṃ, tato pabhuti sā abhilakkhitā jātā, evaṃ asabbakālikattā ettha na gahitāti.

    ਤਥਾਰੂਪਾਸੂਤਿ ਤਥਾવਿਧਾਸੁ। ਆਰਾਮਚੇਤਿਯਾਨੀਤਿ ਪੁਪ੍ਫਾਰਾਮਫਲਾਰਾਮਾਦਯੋ ਆਰਾਮਾ ਏવ ਆਰਾਮਚੇਤਿਯਾਨਿ। ਚਿਤ੍ਤੀਕਤਟ੍ਠੇਨ ਹਿ ਚੇਤਿਯਾਨੀਤਿ વੁਚ੍ਚਨ੍ਤਿ, ਪੂਜਨੀਯਟ੍ਠੇਨਾਤਿ વੁਤ੍ਤਂ ਹੋਤਿ। વਨਚੇਤਿਯਾਨੀਤਿ ਬਲਿਹਰਣવਨਸਣ੍ਡਸੁਭਗવਨਦੇવਸਾਲવਨਾਦੀਨਿ વਨਾਨਿਯੇવ વਨਚੇਤਿਯਾਨਿ। ਰੁਕ੍ਖਚੇਤਿਯਾਨੀਤਿ ਗਾਮਨਿਗਮਾਦਿਦ੍વਾਰੇਸੁ ਪੂਜਨੀਯਰੁਕ੍ਖਾਯੇવ ਰੁਕ੍ਖਚੇਤਿਯਾਨਿ। ਲੋਕਿਯਾ ਹਿ ਦਿਬ੍ਬਾਧਿવਤ੍ਥਾਤਿ વਾ ਮਞ੍ਞਮਾਨਾ ਤੇਸੁਯੇવ વਾ ਦਿਬ੍ਬਸਞ੍ਞਿਨੋ ਹੁਤ੍વਾ ਆਰਾਮવਨਰੁਕ੍ਖੇ ਚਿਤ੍ਤੀਕਰੋਨ੍ਤਿ , ਪੂਜੇਨ੍ਤਿ, ਤੇਨ ਤੇ ਸਬ੍ਬੇਪਿ ਚੇਤਿਯਾਨੀਤਿ વੁਚ੍ਚਨ੍ਤਿ। ਭਿਂਸਨਕਾਨੀਤਿ ਭਯਜਨਕਾਨਿ, ਪਸ੍ਸਤੋਪਿ ਸੁਣਤੋਪਿ ਭਯਂ ਜਨੇਨ੍ਤਿ। ਸਲੋਮਹਂਸਾਨੀਤਿ ਸਹੇવ ਲੋਮਹਂਸੇਨ વਤ੍ਤਨ੍ਤਿ, ਪવਿਸਮਾਨਸ੍ਸੇવ ਲੋਮਹਂਸਜਨਨਤੋ। ਅਪ੍ਪੇવ ਨਾਮ ਪਸ੍ਸੇਯ੍ਯਨ੍ਤਿ ਅਪਿ ਨਾਮ ਤਂ ਭਯਭੇਰવਂ ਪਸ੍ਸੇਯ੍ਯਮੇવ। ਅਪਰੇਨ ਸਮਯੇਨਾਤਿ, ‘‘ਏਤਦਹੋਸਿ ਯਂਨੂਨਾਹ’’ਨ੍ਤਿ ਏવਂ ਚਿਨ੍ਤਿਤਕਾਲਤੋ ਪਟ੍ਠਾਯ ਅਞ੍ਞੇਨ ਕਾਲੇਨ।

    Tathārūpāsūti tathāvidhāsu. Ārāmacetiyānīti pupphārāmaphalārāmādayo ārāmā eva ārāmacetiyāni. Cittīkataṭṭhena hi cetiyānīti vuccanti, pūjanīyaṭṭhenāti vuttaṃ hoti. Vanacetiyānīti baliharaṇavanasaṇḍasubhagavanadevasālavanādīni vanāniyeva vanacetiyāni. Rukkhacetiyānīti gāmanigamādidvāresu pūjanīyarukkhāyeva rukkhacetiyāni. Lokiyā hi dibbādhivatthāti vā maññamānā tesuyeva vā dibbasaññino hutvā ārāmavanarukkhe cittīkaronti , pūjenti, tena te sabbepi cetiyānīti vuccanti. Bhiṃsanakānīti bhayajanakāni, passatopi suṇatopi bhayaṃ janenti. Salomahaṃsānīti saheva lomahaṃsena vattanti, pavisamānasseva lomahaṃsajananato. Appeva nāma passeyyanti api nāma taṃ bhayabheravaṃ passeyyameva. Aparena samayenāti, ‘‘etadahosi yaṃnūnāha’’nti evaṃ cintitakālato paṭṭhāya aññena kālena.

    ਤਤ੍ਥ ਚ ਮੇ ਬ੍ਰਾਹ੍ਮਣ વਿਹਰਤੋਤਿ ਤਥਾਰੂਪੇਸੁ ਸੇਨਾਸਨੇਸੁ ਯਂ ਯਂ ਮਨੁਸ੍ਸਾਨਂ ਆਯਾਚਨਉਪਹਾਰਕਰਣਾਰਹਂ ਯਕ੍ਖਟ੍ਠਾਨਂ ਪੁਪ੍ਫਧੂਪਮਂਸਰੁਹਿਰવਸਾਮੇਦਪਿਹਕਪਪ੍ਫਾਸਸੁਰਾਮੇਰਯਾਦੀਹਿ ਓਕਿਣ੍ਣਕਿਲਿਨ੍ਨਧਰਣਿਤਲਂ ਏਕਨਿਪਾਤਂ વਿਯ ਯਕ੍ਖਰਕ੍ਖਸਪਿਸਾਚਾਨਂ, ਯਂ ਦਿવਾਪਿ ਪਸ੍ਸਨ੍ਤਾਨਂ ਹਦਯਂ ਮਞ੍ਞੇ ਫਲਤਿ, ਤਂ ਠਾਨਂ ਸਨ੍ਧਾਯਾਹ ‘‘ਤਤ੍ਥ ਚ ਮੇ, ਬ੍ਰਾਹ੍ਮਣ, વਿਹਰਤੋ’’ਤਿ। ਮਗੋ વਾ ਆਗਚ੍ਛਤੀਤਿ ਸਿਙ੍ਗਾਨਿ વਾ ਖੁਰਾਨਿ વਾ ਕੋਟ੍ਟੇਨ੍ਤੋ ਗੋਕਣ੍ਣਖਗ੍ਗਦੀਪਿવਰਾਹਾਦਿਭੇਦੋ ਮਗੋ વਾ ਆਗਚ੍ਛਤਿ, ਸਬ੍ਬਚਤੁਪ੍ਪਦਾਨਞ੍ਹਿ ਇਧ ਮਗੋਤਿ ਨਾਮਂ। ਕਤ੍ਥਚਿ ਪਨ ਕਾਲ਼ਸਿਙ੍ਗਾਲੋਪਿ વੁਚ੍ਚਤਿ। ਯਥਾਹ –

    Tattha ca me brāhmaṇa viharatoti tathārūpesu senāsanesu yaṃ yaṃ manussānaṃ āyācanaupahārakaraṇārahaṃ yakkhaṭṭhānaṃ pupphadhūpamaṃsaruhiravasāmedapihakapapphāsasurāmerayādīhi okiṇṇakilinnadharaṇitalaṃ ekanipātaṃ viya yakkharakkhasapisācānaṃ, yaṃ divāpi passantānaṃ hadayaṃ maññe phalati, taṃ ṭhānaṃ sandhāyāha ‘‘tattha ca me, brāhmaṇa, viharato’’ti. Mago vā āgacchatīti siṅgāni vā khurāni vā koṭṭento gokaṇṇakhaggadīpivarāhādibhedo mago vā āgacchati, sabbacatuppadānañhi idha magoti nāmaṃ. Katthaci pana kāḷasiṅgālopi vuccati. Yathāha –

    ‘‘ਉਸਭਸ੍ਸੇવ ਤੇ ਖਨ੍ਧੋ, ਸੀਹਸ੍ਸੇવ વਿਜਮ੍ਭਿਤਂ।

    ‘‘Usabhasseva te khandho, sīhasseva vijambhitaṃ;

    ਮਗਰਾਜ ਨਮੋ ਤ੍ਯਤ੍ਥੁ, ਅਪਿ ਕਿਞ੍ਚਿ ਲਭਾਮਸੇ’’ਤਿ॥ (ਜਾ॰ ੧.੩.੧੩੩)।

    Magarāja namo tyatthu, api kiñci labhāmase’’ti. (jā. 1.3.133);

    ਮੋਰੋ વਾ ਕਟ੍ਠਂ ਪਾਤੇਤੀਤਿ ਮੋਰੋ વਾ ਸੁਕ੍ਖਕਟ੍ਠਂ ਰੁਕ੍ਖਤੋ ਚਾਲੇਤ੍વਾ ਪਾਤੇਤਿ। ਮੋਰਗ੍ਗਹਣੇਨ ਚ ਇਧ ਸਬ੍ਬਪਕ੍ਖਿਗ੍ਗਹਣਂ ਅਧਿਪ੍ਪੇਤਂ, ਤੇਨ ਯੋ ਕੋਚਿ ਪਕ੍ਖੀਤਿ વੁਤ੍ਤਂ ਹੋਤਿ। ਅਥ વਾ ਮੋਰੋ વਾਤਿ વਾ ਸਦ੍ਦੇਨ ਅਞ੍ਞੋ વਾ ਕੋਚਿ ਪਕ੍ਖੀਤਿ। ਏਸ ਨਯੋ ਪੁਰਿਮੇ ਮਗਗ੍ਗਹਣੇਪਿ। વਾਤੋ વਾ ਪਣ੍ਣਕਸਟਂ ਏਰੇਤੀਤਿ વਾਤੋ વਾ ਪਣ੍ਣਕਚવਰਂ ਘਟ੍ਟੇਤਿ। ਏਤਂ ਨੂਨ ਤਂ ਭਯਭੇਰવਂ ਆਗਚ੍ਛਤੀਤਿ ਯਮੇਤਂ ਆਗਚ੍ਛਤਿ, ਤਂ ਭਯਭੇਰવਂ ਨੂਨਾਤਿ। ਇਤੋ ਪਭੁਤਿ ਚ ਆਰਮ੍ਮਣਮੇવ ਭਯਭੇਰવਨ੍ਤਿ વੇਦਿਤਬ੍ਬਂ। ਪਰਿਤ੍ਤਸ੍ਸ ਚ ਅਧਿਮਤ੍ਤਸ੍ਸ ਚ ਭਯਸ੍ਸ ਆਰਮ੍ਮਣਤ੍ਤਾ ਸੁਖਾਰਮ੍ਮਣਂ ਰੂਪਂ ਸੁਖਮਿવ। ਕਿਂ ਨੁ ਖੋ ਅਹਂ ਅਞ੍ਞਦਤ੍ਥੁ ਭਯਪਟਿਕਙ੍ਖੀ વਿਹਰਾਮੀਤਿ ਅਹਂ ਖੋ ਕਿਂ ਕਾਰਣਂ ਏਕਂਸੇਨੇવ ਭਯਂ ਆਕਙ੍ਖਮਾਨੋ ਇਚ੍ਛਮਾਨੋ ਹੁਤ੍વਾ વਿਹਰਾਮਿ।

    Moro vā kaṭṭhaṃ pātetīti moro vā sukkhakaṭṭhaṃ rukkhato cāletvā pāteti. Moraggahaṇena ca idha sabbapakkhiggahaṇaṃ adhippetaṃ, tena yo koci pakkhīti vuttaṃ hoti. Atha vā moro vāti vā saddena añño vā koci pakkhīti. Esa nayo purime magaggahaṇepi. Vāto vā paṇṇakasaṭaṃ eretīti vāto vā paṇṇakacavaraṃ ghaṭṭeti. Etaṃ nūna taṃ bhayabheravaṃ āgacchatīti yametaṃ āgacchati, taṃ bhayabheravaṃ nūnāti. Ito pabhuti ca ārammaṇameva bhayabheravanti veditabbaṃ. Parittassa ca adhimattassa ca bhayassa ārammaṇattā sukhārammaṇaṃ rūpaṃ sukhamiva. Kiṃ nu kho ahaṃ aññadatthu bhayapaṭikaṅkhī viharāmīti ahaṃ kho kiṃ kāraṇaṃ ekaṃseneva bhayaṃ ākaṅkhamāno icchamāno hutvā viharāmi.

    ਯਥਾਭੂਤਂ ਯਥਾਭੂਤਸ੍ਸਾਤਿ ਯੇਨ ਯੇਨ ਇਰਿਯਾਪਥੇਨ ਭੂਤਸ੍ਸ ਭવਿਤਸ੍ਸ ਸਤੋ વਤ੍ਤਮਾਨਸ੍ਸ ਸਮਙ੍ਗੀਭੂਤਸ੍ਸ વਾ। ਮੇਤਿ ਮਮ ਸਨ੍ਤਿਕੇ। ਤਥਾਭੂਤਂ ਤਥਾਭੂਤੋ વਾਤਿ ਤੇਨ ਤੇਨੇવ ਇਰਿਯਾਪਥੇਨ ਭੂਤੋ ਭવਿਤੋ ਸਨ੍ਤੋ વਤ੍ਤਮਾਨੋ ਸਮਙ੍ਗੀਭੂਤੋ વਾਤਿ ਅਤ੍ਥੋ। ਸੋ ਖੋ ਅਹਂ…ਪੇ॰… ਪਟਿવਿਨੇਮੀਤਿ ਬੋਧਿਸਤ੍ਤਸ੍ਸ ਕਿਰ ਚਙ੍ਕਮਨ੍ਤਸ੍ਸ ਤਸ੍ਮਿਂ ਮਗਸਿਙ੍ਗਖੁਰਸਦ੍ਦਾਦਿਭੇਦੇ ਭਯਭੇਰવਾਰਮ੍ਮਣੇ ਆਗਤੇ ਨੇવ ਮਹਾਸਤ੍ਤੋ ਤਿਟ੍ਠਤਿ, ਨ ਨਿਸੀਦਤਿ ਨ ਸਯਤਿ, ਅਥ ਖੋ ਚਙ੍ਕਮਨ੍ਤੋવ ਪਰਿવੀਮਂਸਨ੍ਤੋ ਪਰਿવਿਚਿਨਨ੍ਤੋ ਭਯਭੇਰવਂ ਨ ਪਸ੍ਸਤਿ, ਮਗਸਿਙ੍ਗਖੁਰਸਦ੍ਦਾਦਿਮਤ੍ਤਮੇવ ਚੇਤਂ ਹੋਤਿ, ਸੋ ਤਂ ਞਤ੍વਾ ਇਦਂ ਨਾਮੇਤਂ, ਨ ਭਯਭੇਰવਨ੍ਤਿ ਤਤੋ ਤਿਟ੍ਠਤਿ વਾ ਨਿਸੀਦਤਿ વਾ ਸਯਤਿ વਾ। ਏਤਮਤ੍ਥਂ ਦਸ੍ਸੇਨ੍ਤੋ ‘‘ਸੋ ਖੋ ਅਹ’’ਨ੍ਤਿਆਦਿਮਾਹ। ਏਸ ਨਯੋ ਸਬ੍ਬਪੇਯ੍ਯਾਲੇਸੁ। ਇਤੋ ਪਰਞ੍ਚ ਇਰਿਯਾਪਥਪਟਿਪਾਟਿਯਾ ਅવਤ੍વਾ ਆਸਨ੍ਨਪਟਿਪਾਟਿਯਾ ਇਰਿਯਾਪਥਾ વੁਤ੍ਤਾਤਿ વੇਦਿਤਬ੍ਬਾ, ਚਙ੍ਕਮਨ੍ਤਸ੍ਸ ਹਿ ਭਯਭੇਰવੇ ਆਗਤੇ ਨ ਠਿਤੋ ਨ ਨਿਸਿਨ੍ਨੋ ਨ ਨਿਪਨ੍ਨੋ ਠਿਤਸ੍ਸਾਪਿ ਆਗਤੇ ਨ ਚਙ੍ਕਮੀਤਿ ਏવਂ ਤਸ੍ਸ ਆਸਨ੍ਨਪਟਿਪਾਟਿਯਾ વੁਤ੍ਤਾਤਿ।

    Yathābhūtaṃ yathābhūtassāti yena yena iriyāpathena bhūtassa bhavitassa sato vattamānassa samaṅgībhūtassa vā. Meti mama santike. Tathābhūtaṃ tathābhūto vāti tena teneva iriyāpathena bhūto bhavito santo vattamāno samaṅgībhūto vāti attho. So kho ahaṃ…pe… paṭivinemīti bodhisattassa kira caṅkamantassa tasmiṃ magasiṅgakhurasaddādibhede bhayabheravārammaṇe āgate neva mahāsatto tiṭṭhati, na nisīdati na sayati, atha kho caṅkamantova parivīmaṃsanto parivicinanto bhayabheravaṃ na passati, magasiṅgakhurasaddādimattameva cetaṃ hoti, so taṃ ñatvā idaṃ nāmetaṃ, na bhayabheravanti tato tiṭṭhati vā nisīdati vā sayati vā. Etamatthaṃ dassento ‘‘so kho aha’’ntiādimāha. Esa nayo sabbapeyyālesu. Ito parañca iriyāpathapaṭipāṭiyā avatvā āsannapaṭipāṭiyā iriyāpathā vuttāti veditabbā, caṅkamantassa hi bhayabherave āgate na ṭhito na nisinno na nipanno ṭhitassāpi āgate na caṅkamīti evaṃ tassa āsannapaṭipāṭiyā vuttāti.

    ਭਯਭੇਰવਸੇਨਾਸਨਾਦਿવਣ੍ਣਨਾ ਨਿਟ੍ਠਿਤਾ।

    Bhayabheravasenāsanādivaṇṇanā niṭṭhitā.

    ਅਸਮ੍ਮੋਹવਿਹਾਰવਣ੍ਣਨਾ

    Asammohavihāravaṇṇanā

    ੫੦. ਏવਂ ਭਿਂਸਨਕੇਸੁਪਿ ਠਾਨੇਸੁ ਅਤ੍ਤਨੋ ਭਯਭੇਰવਾਭਾવਂ ਦਸ੍ਸੇਤ੍વਾ ਇਦਾਨਿ ਝਾਯੀਨਂ ਸਮ੍ਮੋਹਟ੍ਠਾਨੇਸੁ ਅਤ੍ਤਨੋ ਅਸਮ੍ਮੋਹવਿਹਾਰਂ ਦਸ੍ਸੇਤੁਂ ਸਨ੍ਤਿ ਖੋ ਪਨ, ਬ੍ਰਾਹ੍ਮਣਾਤਿਆਦਿਮਾਹ।

    50. Evaṃ bhiṃsanakesupi ṭhānesu attano bhayabheravābhāvaṃ dassetvā idāni jhāyīnaṃ sammohaṭṭhānesu attano asammohavihāraṃ dassetuṃ santi kho pana, brāhmaṇātiādimāha.

    ਤਤ੍ਥ ਸਨ੍ਤੀਤਿ ਅਤ੍ਥਿ ਸਂવਿਜ੍ਜਨ੍ਤਿ ਉਪਲਬ੍ਭਨ੍ਤਿ। ਰਤ੍ਤਿਂਯੇવ ਸਮਾਨਨ੍ਤਿ ਰਤ੍ਤਿਂਯੇવ ਸਨ੍ਤਂ, ਦਿવਾਤਿ ਸਞ੍ਜਾਨਨ੍ਤੀਤਿ ‘‘ਦਿવਸੋ ਅਯ’’ਨ੍ਤਿ ਸਞ੍ਜਾਨਨ੍ਤਿ। ਦਿવਾਯੇવ ਸਮਾਨਨ੍ਤਿ ਦਿવਸਂਯੇવ ਸਨ੍ਤਂ। ਰਤ੍ਤੀਤਿ ਸਞ੍ਜਾਨਨ੍ਤੀਤਿ ‘‘ਰਤ੍ਤਿ ਅਯ’’ਨ੍ਤਿ ਸਞ੍ਜਾਨਨ੍ਤਿ। ਕਸ੍ਮਾ ਪਨੇਤੇ ਏવਂਸਞ੍ਞਿਨੋ ਹੋਨ੍ਤੀਤਿ। વੁਟ੍ਠਾਨਕੋਸਲ੍ਲਾਭਾવਤੋ વਾ ਸਕੁਣਰੁਤਤੋ વਾ। ਕਥਂ? ਇਧੇਕਚ੍ਚੋ ਓਦਾਤਕਸਿਣਲਾਭੀ ਦਿવਾ ਪਰਿਕਮ੍ਮਂ ਕਤ੍વਾ ਦਿવਾ ਸਮਾਪਨ੍ਨੋ ਦਿવਾਯੇવ વੁਟ੍ਠਹਾਮੀਤਿ ਮਨਸਿਕਾਰਂ ਉਪ੍ਪਾਦੇਤਿ, ਨੋ ਚ ਖੋ ਅਦ੍ਧਾਨਪਰਿਚ੍ਛੇਦੇ ਕੁਸਲੋ ਹੋਤਿ। ਸੋ ਦਿવਸਂ ਅਤਿਕ੍ਕਮਿਤ੍વਾ ਰਤ੍ਤਿਭਾਗੇ વੁਟ੍ਠਾਤਿ। ਓਦਾਤਕਸਿਣਫਰਣવਸੇਨ ਚਸ੍ਸ વਿਸਦਂ ਹੋਤਿ વਿਭੂਤਂ ਸੁવਿਭੂਤਂ। ਸੋ, ਦਿવਾ વੁਟ੍ਠਹਾਮੀਤਿ ਉਪ੍ਪਾਦਿਤਮਨਸਿਕਾਰਤਾਯ ਓਦਾਤਕਸਿਣਫਰਣવਿਸਦવਿਭੂਤਤਾਯ ਚ ਰਤ੍ਤਿਂਯੇવ ਸਮਾਨਂ ਦਿવਾਤਿ ਸਞ੍ਜਾਨਾਤਿ। ਇਧ ਪਨੇਕਚ੍ਚੋ ਨੀਲਕਸਿਣਲਾਭੀ ਰਤ੍ਤਿਂ ਪਰਿਕਮ੍ਮਂ ਕਤ੍વਾ ਰਤ੍ਤਿਂ ਸਮਾਪਨ੍ਨੋ ਰਤ੍ਤਿਂਯੇવ વੁਟ੍ਠਹਾਮੀਤਿ ਮਨਸਿਕਾਰਂ ਉਪ੍ਪਾਦੇਤਿ, ਨੋ ਚ ਖੋ ਅਦ੍ਧਾਨਪਰਿਚ੍ਛੇਦੇ ਕੁਸਲੋ ਹੋਤਿ। ਸੋ ਰਤ੍ਤਿਂ ਅਤਿਕ੍ਕਮਿਤ੍વਾ ਦਿવਸਭਾਗੇ વੁਟ੍ਠਾਤਿ। ਨੀਲਕਸਿਣਫਰਣવਸੇਨ ਚਸ੍ਸ ਅવਿਸਦਂ ਹੋਤਿ ਅવਿਭੂਤਂ। ਸੋ ਰਤ੍ਤਿਂ વੁਟ੍ਠਹਾਮੀਤਿ ਉਪ੍ਪਾਦਿਤਮਨਸਿਕਾਰਤਾਯ ਨੀਲਕਸਿਣਫਰਣਾવਿਸਦਾવਿਭੂਤਤਾਯ ਚ ਦਿવਾਯੇવ ਸਮਾਨਂ ਰਤ੍ਤੀਤਿ ਸਞ੍ਜਾਨਾਤਿ। ਏવਂ ਤਾવ વੁਟ੍ਠਾਨਕੋਸਲ੍ਲਾਭਾવਤੋ ਏવਂਸਞ੍ਞਿਨੋ ਹੋਨ੍ਤਿ।

    Tattha santīti atthi saṃvijjanti upalabbhanti. Rattiṃyeva samānanti rattiṃyeva santaṃ, divāti sañjānantīti ‘‘divaso aya’’nti sañjānanti. Divāyeva samānanti divasaṃyeva santaṃ. Rattīti sañjānantīti ‘‘ratti aya’’nti sañjānanti. Kasmā panete evaṃsaññino hontīti. Vuṭṭhānakosallābhāvato vā sakuṇarutato vā. Kathaṃ? Idhekacco odātakasiṇalābhī divā parikammaṃ katvā divā samāpanno divāyeva vuṭṭhahāmīti manasikāraṃ uppādeti, no ca kho addhānaparicchede kusalo hoti. So divasaṃ atikkamitvā rattibhāge vuṭṭhāti. Odātakasiṇapharaṇavasena cassa visadaṃ hoti vibhūtaṃ suvibhūtaṃ. So, divā vuṭṭhahāmīti uppāditamanasikāratāya odātakasiṇapharaṇavisadavibhūtatāya ca rattiṃyeva samānaṃ divāti sañjānāti. Idha panekacco nīlakasiṇalābhī rattiṃ parikammaṃ katvā rattiṃ samāpanno rattiṃyeva vuṭṭhahāmīti manasikāraṃ uppādeti, no ca kho addhānaparicchede kusalo hoti. So rattiṃ atikkamitvā divasabhāge vuṭṭhāti. Nīlakasiṇapharaṇavasena cassa avisadaṃ hoti avibhūtaṃ. So rattiṃ vuṭṭhahāmīti uppāditamanasikāratāya nīlakasiṇapharaṇāvisadāvibhūtatāya ca divāyeva samānaṃ rattīti sañjānāti. Evaṃ tāva vuṭṭhānakosallābhāvato evaṃsaññino honti.

    ਸਕੁਣਰੁਤਤੋ ਪਨ ਇਧੇਕਚ੍ਚੋ ਅਨ੍ਤੋਸੇਨਾਸਨੇ ਨਿਸਿਨ੍ਨੋ ਹੋਤਿ। ਅਥ ਦਿવਾ ਰવਨਕਸਕੁਣਾ ਕਾਕਾਦਯੋ ਚਨ੍ਦਾਲੋਕੇਨ ਦਿવਾਤਿ ਮਞ੍ਞਮਾਨਾ ਰਤ੍ਤਿਂ ਰવਨ੍ਤਿ, ਅਞ੍ਞੇਹਿ વਾ ਕਾਰਣੇਹਿ। ਸੋ ਤੇਸਂ ਸਦ੍ਦਂ ਸੁਤ੍વਾ ਰਤ੍ਤਿਂਯੇવ ਸਮਾਨਂ ਦਿવਾਤਿ ਸਞ੍ਜਾਨਾਤਿ। ਇਧ ਪਨੇਕਚ੍ਚੋ ਪਬ੍ਬਤਨ੍ਤਰੇ ਗਮ੍ਭੀਰਾਯ ਘਨવਨਪ੍ਪਟਿਚ੍ਛਨ੍ਨਾਯ ਗਿਰਿਗੁਹਾਯ ਸਤ੍ਤਾਹવਦ੍ਦਲਿਕਾਯ વਤ੍ਤਮਾਨਾਯ ਅਨ੍ਤਰਹਿਤਸੂਰਿਯਾਲੋਕੇ ਕਾਲੇ ਨਿਸਿਨ੍ਨੋ ਹੋਤਿ। ਅਥ ਰਤ੍ਤਿਂ ਰવਨਕਸਕੁਣਾ ਉਲੂਕਾਦਯੋ ਮਜ੍ਝਨ੍ਹਿਕਸਮਯੇਪਿ ਤਤ੍ਥ ਤਤ੍ਥ ਸਮਨ੍ਧਕਾਰੇ ਨਿਲੀਨਾ ਰਤ੍ਤਿਸਞ੍ਞਾਯ વਾ ਅਞ੍ਞੇਹਿ વਾ ਕਾਰਣੇਹਿ ਰવਨ੍ਤਿ। ਸੋ ਤੇਸਂ ਸਦ੍ਦਂ ਸੁਤ੍વਾ ਦਿવਾਯੇવ ਸਮਾਨਂ ਰਤ੍ਤੀਤਿ ਸਞ੍ਜਾਨਾਤਿ। ਏવਂ ਸਕੁਣਰੁਤਤੋ ਏવਂਸਞ੍ਞਿਨੋ ਹੋਨ੍ਤੀਤਿ। ਇਦਮਹਨ੍ਤਿ ਇਦਂ ਅਹਂ ਏવਂ ਸਞ੍ਜਾਨਨਂ । ਸਮ੍ਮੋਹવਿਹਾਰਸ੍ਮਿਂ વਦਾਮੀਤਿ ਸਮ੍ਮੋਹવਿਹਾਰਪਰਿਯਾਪਨ੍ਨਂ ਅਨ੍ਤੋਗਧਂ, ਸਮ੍ਮੋਹવਿਹਾਰਾਨਂ ਅਞ੍ਞਤਰਂ વਦਾਮੀਤਿ વੁਤ੍ਤਂ ਹੋਤਿ।

    Sakuṇarutato pana idhekacco antosenāsane nisinno hoti. Atha divā ravanakasakuṇā kākādayo candālokena divāti maññamānā rattiṃ ravanti, aññehi vā kāraṇehi. So tesaṃ saddaṃ sutvā rattiṃyeva samānaṃ divāti sañjānāti. Idha panekacco pabbatantare gambhīrāya ghanavanappaṭicchannāya giriguhāya sattāhavaddalikāya vattamānāya antarahitasūriyāloke kāle nisinno hoti. Atha rattiṃ ravanakasakuṇā ulūkādayo majjhanhikasamayepi tattha tattha samandhakāre nilīnā rattisaññāya vā aññehi vā kāraṇehi ravanti. So tesaṃ saddaṃ sutvā divāyeva samānaṃ rattīti sañjānāti. Evaṃ sakuṇarutato evaṃsaññino hontīti. Idamahanti idaṃ ahaṃ evaṃ sañjānanaṃ . Sammohavihārasmiṃ vadāmīti sammohavihārapariyāpannaṃ antogadhaṃ, sammohavihārānaṃ aññataraṃ vadāmīti vuttaṃ hoti.

    ਅਹਂ ਖੋ ਪਨ ਬ੍ਰਾਹ੍ਮਣ…ਪੇ॰… ਸਞ੍ਜਾਨਾਮੀਤਿ ਪਾਕਟੋ ਬੋਧਿਸਤ੍ਤਸ੍ਸ ਰਤ੍ਤਿਨ੍ਦਿવਪਰਿਚ੍ਛੇਦੋ ਸਤ੍ਤਾਹવਦ੍ਦਲੇਪਿ ਚਨ੍ਦਿਮਸੂਰਿਯੇਸੁ ਅਦਿਸ੍ਸਮਾਨੇਸੁਪਿ ਜਾਨਾਤਿਯੇવ ‘‘ਏਤ੍ਤਕਂ ਪੁਰੇਭਤ੍ਤਕਾਲੋ ਗਤੋ, ਏਤ੍ਤਕਂ ਪਚ੍ਛਾਭਤ੍ਤਕਾਲੋ, ਏਤ੍ਤਕਂ ਪਠਮਯਾਮੋ, ਏਤ੍ਤਕਂ ਮਜ੍ਝਿਮਯਾਮੋ, ਏਤ੍ਤਕਂ ਪਚ੍ਛਿਮਯਾਮੋ’’ਤਿ, ਤਸ੍ਮਾ ਏવਮਾਹ। ਅਨਚ੍ਛਰਿਯਞ੍ਚੇਤਂ ਯਂ ਪੂਰਿਤਪਾਰਮੀ ਬੋਧਿਸਤ੍ਤੋ ਏવਂ ਜਾਨਾਤਿ। ਪਦੇਸਞਾਣੇ ਠਿਤਾਨਂ ਸਾવਕਾਨਮ੍ਪਿ ਹਿ ਰਤ੍ਤਿਨ੍ਦਿવਪਰਿਚ੍ਛੇਦੋ ਪਾਕਟੋ ਹੋਤਿ।

    Ahaṃ kho pana brāhmaṇa…pe… sañjānāmīti pākaṭo bodhisattassa rattindivaparicchedo sattāhavaddalepi candimasūriyesu adissamānesupi jānātiyeva ‘‘ettakaṃ purebhattakālo gato, ettakaṃ pacchābhattakālo, ettakaṃ paṭhamayāmo, ettakaṃ majjhimayāmo, ettakaṃ pacchimayāmo’’ti, tasmā evamāha. Anacchariyañcetaṃ yaṃ pūritapāramī bodhisatto evaṃ jānāti. Padesañāṇe ṭhitānaṃ sāvakānampi hi rattindivaparicchedo pākaṭo hoti.

    ਕਲ੍ਯਾਣਿਯਮਹਾવਿਹਾਰੇ ਕਿਰ ਗੋਦਤ੍ਤਤ੍ਥੇਰੋ ਦ੍વਙ੍ਗੁਲਕਾਲੇ ਭਤ੍ਤਂ ਗਹੇਤ੍વਾ ਅਙ੍ਗੁਲਕਾਲੇ ਭੁਞ੍ਜਤਿ। ਸੂਰਿਯੇ ਅਦਿਸ੍ਸਮਾਨੇਪਿ ਪਾਤੋਯੇવ ਸੇਨਾਸਨਂ ਪવਿਸਿਤ੍વਾ ਤਾਯ વੇਲਾਯ ਨਿਕ੍ਖਮਤਿ। ਏਕਦਿવਸਂ ਆਰਾਮਿਕਾ ‘‘ਸ੍વੇ ਥੇਰਸ੍ਸ ਨਿਕ੍ਖਮਨਕਾਲੇ ਪਸ੍ਸਾਮਾ’’ਤਿ ਭਤ੍ਤਂ ਸਮ੍ਪਾਦੇਤ੍વਾ ਕਾਲਤ੍ਥਮ੍ਭਮੂਲੇ ਨਿਸੀਦਿਂਸੁ। ਥੇਰੋ ਦ੍વਙ੍ਗੁਲਕਾਲੇਯੇવ ਨਿਕ੍ਖਮਤਿ। ਤਤੋ ਪਭੁਤਿ ਕਿਰ ਸੂਰਿਯੇ ਅਦਿਸ੍ਸਮਾਨੇਪਿ ਥੇਰਸ੍ਸ ਨਿਕ੍ਖਮਨਸਞ੍ਞਾਯ ਏવ ਭੇਰਿਂ ਆਕੋਟੇਨ੍ਤਿ।

    Kalyāṇiyamahāvihāre kira godattatthero dvaṅgulakāle bhattaṃ gahetvā aṅgulakāle bhuñjati. Sūriye adissamānepi pātoyeva senāsanaṃ pavisitvā tāya velāya nikkhamati. Ekadivasaṃ ārāmikā ‘‘sve therassa nikkhamanakāle passāmā’’ti bhattaṃ sampādetvā kālatthambhamūle nisīdiṃsu. Thero dvaṅgulakāleyeva nikkhamati. Tato pabhuti kira sūriye adissamānepi therassa nikkhamanasaññāya eva bheriṃ ākoṭenti.

    ਅਜਗਰવਿਹਾਰੇਪਿ ਕਾਲ਼ਦੇવਤ੍ਥੇਰੋ ਅਨ੍ਤੋવਸ੍ਸੇ ਯਾਮਗਣ੍ਡਿਕਂ ਪਹਰਤਿ, ਆਚਿਣ੍ਣਮੇਤਂ ਥੇਰਸ੍ਸ। ਨ ਚ ਯਾਮਯਨ੍ਤਨਾਲ਼ਿਕਂ ਪਯੋਜੇਤਿ, ਅਞ੍ਞੇ ਭਿਕ੍ਖੂ ਪਯੋਜੇਨ੍ਤਿ। ਅਥ ਨਿਕ੍ਖਨ੍ਤੇ ਪਠਮੇ ਯਾਮੇ ਥੇਰੇ ਮੁਗ੍ਗਰਂ ਗਹੇਤ੍વਾ ਠਿਤਮਤ੍ਤੇਯੇવ ਏਕਂ ਦ੍વੇ વਾਰੇ ਪਹਰਨ੍ਤੇਯੇવ વਾ ਯਾਮਯਨ੍ਤਂ ਪਤਤਿ, ਏવਂ ਤੀਸੁ ਯਾਮੇਸੁ ਸਮਣਧਮ੍ਮਂ ਕਤ੍વਾ ਥੇਰੋ ਪਾਤੋਯੇવ ਗਾਮਂ ਪવਿਸਿਤ੍વਾ ਪਿਣ੍ਡਪਾਤਂ ਆਦਾਯ વਿਹਾਰਂ ਆਗਨ੍ਤ੍વਾ ਭੋਜਨવੇਲਾਯ ਪਤ੍ਤਂ ਗਹੇਤ੍વਾ ਦਿવਾ વਿਹਾਰਟ੍ਠਾਨਂ ਗਨ੍ਤ੍વਾ ਸਮਣਧਮ੍ਮਂ ਕਰੋਤਿ। ਭਿਕ੍ਖੂ ਕਾਲਤ੍ਥਮ੍ਭਂ ਦਿਸ੍વਾ ਥੇਰਸ੍ਸ ਅਦਿਸ੍વਾ ਆਗਮਨਤ੍ਥਾਯ ਪੇਸੇਨ੍ਤਿ। ਸੋ ਭਿਕ੍ਖੁ ਥੇਰਂ ਦਿવਾ વਿਹਾਰਟ੍ਠਾਨਾ ਨਿਕ੍ਖਮਨ੍ਤਮੇવ વਾ ਅਨ੍ਤਰਾਮਗ੍ਗੇ વਾ ਪਸ੍ਸਤਿ। ਏવਂ ਪਦੇਸਞਾਣੇ ਠਿਤਾਨਂ ਸਾવਕਾਨਮ੍ਪਿ ਰਤ੍ਤਿਨ੍ਦਿવਪਰਿਚ੍ਛੇਦੋ ਪਾਕਟੋ ਹੋਤਿ, ਕਿਮਙ੍ਗਂ ਪਨ ਬੋਧਿਸਤ੍ਤਾਨਨ੍ਤਿ।

    Ajagaravihārepi kāḷadevatthero antovasse yāmagaṇḍikaṃ paharati, āciṇṇametaṃ therassa. Na ca yāmayantanāḷikaṃ payojeti, aññe bhikkhū payojenti. Atha nikkhante paṭhame yāme there muggaraṃ gahetvā ṭhitamatteyeva ekaṃ dve vāre paharanteyeva vā yāmayantaṃ patati, evaṃ tīsu yāmesu samaṇadhammaṃ katvā thero pātoyeva gāmaṃ pavisitvā piṇḍapātaṃ ādāya vihāraṃ āgantvā bhojanavelāya pattaṃ gahetvā divā vihāraṭṭhānaṃ gantvā samaṇadhammaṃ karoti. Bhikkhū kālatthambhaṃ disvā therassa adisvā āgamanatthāya pesenti. So bhikkhu theraṃ divā vihāraṭṭhānā nikkhamantameva vā antarāmagge vā passati. Evaṃ padesañāṇe ṭhitānaṃ sāvakānampi rattindivaparicchedo pākaṭo hoti, kimaṅgaṃ pana bodhisattānanti.

    ਯਂ ਖੋ ਤਂ ਬ੍ਰਾਹ੍ਮਣ…ਪੇ॰… વਦੇਯ੍ਯਾਤਿ ਏਤ੍ਥ ਪਨ ‘‘ਯਂ ਖੋ ਤਂ, ਬ੍ਰਾਹ੍ਮਣ, ਅਸਮ੍ਮੋਹਧਮ੍ਮੋ ਸਤ੍ਤੋ ਲੋਕੇ ਉਪ੍ਪਨ੍ਨੋ…ਪੇ॰… ਸੁਖਾਯ ਦੇવਮਨੁਸ੍ਸਾਨ’’ਨ੍ਤਿ વਚਨਂ વਦਮਾਨੋ ਕੋਚਿ ਸਮ੍ਮਾ વਦੇਯ੍ਯ, ਸਮ੍ਮਾ વਦਮਾਨੋ ਸਿਯਾ, ਨ વਿਤਥવਾਦੀ ਅਸ੍ਸ। ਮਮੇવ ਤਂ વਚਨਂ વਦਮਾਨੋ ਸਮ੍ਮਾ વਦੇਯ੍ਯ, ਸਮ੍ਮਾ વਦਮਾਨੋ ਸਿਯਾ, ਨ વਿਤਥવਾਦੀ ਅਸ੍ਸਾਤਿ ਏવਂ ਪਦਸਮ੍ਬਨ੍ਧੋ વੇਦਿਤਬ੍ਬੋ।

    Yaṃ kho taṃ brāhmaṇa…pe… vadeyyāti ettha pana ‘‘yaṃ kho taṃ, brāhmaṇa, asammohadhammo satto loke uppanno…pe… sukhāya devamanussāna’’nti vacanaṃ vadamāno koci sammā vadeyya, sammā vadamāno siyā, na vitathavādī assa. Mameva taṃ vacanaṃ vadamāno sammā vadeyya, sammā vadamāno siyā, na vitathavādī assāti evaṃ padasambandho veditabbo.

    ਤਤ੍ਥ ਅਸਮ੍ਮੋਹਧਮ੍ਮੋਤਿ ਅਸਮ੍ਮੋਹਸਭਾવੋ। ਲੋਕੇਤਿ ਮਨੁਸ੍ਸਲੋਕੇ। ਬਹੁਜਨਹਿਤਾਯਾਤਿ ਬਹੁਜਨਸ੍ਸ ਹਿਤਤ੍ਥਾਯ, ਪਞ੍ਞਾਸਮ੍ਪਤ੍ਤਿਯਾ ਦਿਟ੍ਠਧਮ੍ਮਿਕਸਮ੍ਪਰਾਯਿਕਹਿਤੂਪਦੇਸਕੋਤਿ। ਬਹੁਜਨਸੁਖਾਯਾਤਿ ਬਹੁਜਨਸ੍ਸ ਸੁਖਤ੍ਥਾਯ, ਚਾਗਸਮ੍ਪਤ੍ਤਿਯਾ ਉਪਕਰਣਸੁਖਸ੍ਸ ਦਾਯਕੋਤਿ। ਲੋਕਾਨੁਕਮ੍ਪਾਯਾਤਿ ਲੋਕਸ੍ਸ ਅਨੁਕਮ੍ਪਤ੍ਥਾਯ, ਮੇਤ੍ਤਾਕਰੁਣਾਸਮ੍ਪਤ੍ਤਿਯਾ ਮਾਤਾਪਿਤਰੋ વਿਯ ਲੋਕਸ੍ਸ ਰਕ੍ਖਿਤਾ ਗੋਪਯਿਤਾਤਿ। ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਨ੍ਤਿ ਇਧ ਦੇવਮਨੁਸ੍ਸਗ੍ਗਹਣੇਨ ਚ ਭਬ੍ਬਪੁਗ੍ਗਲવੇਨੇਯ੍ਯਸਤ੍ਤੇਯੇવ ਗਹੇਤ੍વਾ ਤੇਸਂ ਨਿਬ੍ਬਾਨਮਗ੍ਗਫਲਾਧਿਗਮਾਯ ਅਤ੍ਤਨੋ ਉਪ੍ਪਤ੍ਤਿਂ ਦਸ੍ਸੇਤੀਤਿ વੇਦਿਤਬ੍ਬੋ। ਅਤ੍ਥਾਯਾਤਿ ਹਿ વੁਤ੍ਤੇ ਪਰਮਤ੍ਥਤ੍ਥਾਯ ਨਿਬ੍ਬਾਨਾਯਾਤਿ વੁਤ੍ਤਂ ਹੋਤਿ। ਹਿਤਾਯਾਤਿ વੁਤ੍ਤੇ ਤਂ ਸਮ੍ਪਾਪਕਮਗ੍ਗਤ੍ਥਾਯਾਤਿ વੁਤ੍ਤਂ ਹੋਤਿ, ਨਿਬ੍ਬਾਨਸਮ੍ਪਾਪਕਮਗ੍ਗਤੋ ਹਿ ਉਤ੍ਤਰਿ ਹਿਤਂ ਨਾਮ ਨਤ੍ਥਿ। ਸੁਖਾਯਾਤਿ વੁਤ੍ਤੇ ਫਲਸਮਾਪਤ੍ਤਿਸੁਖਤ੍ਥਾਯਾਤਿ વੁਤ੍ਤਂ ਹੋਤਿ, ਤਤੋ ਉਤ੍ਤਰਿ ਸੁਖਾਭਾવਤੋ। વੁਤ੍ਤਞ੍ਚੇਤਂ ‘‘ਅਯਂ ਸਮਾਧਿ ਪਚ੍ਚੁਪ੍ਪਨ੍ਨਸੁਖੋ ਚੇવ ਆਯਤਿਞ੍ਚ ਸੁਖવਿਪਾਕੋ’’ਤਿ (ਦੀ॰ ਨਿ॰ ੩.੩੫੫; ਅ॰ ਨਿ॰ ੫.੨੭; વਿਭ॰ ੮੦੪)।

    Tattha asammohadhammoti asammohasabhāvo. Loketi manussaloke. Bahujanahitāyāti bahujanassa hitatthāya, paññāsampattiyā diṭṭhadhammikasamparāyikahitūpadesakoti. Bahujanasukhāyāti bahujanassa sukhatthāya, cāgasampattiyā upakaraṇasukhassa dāyakoti. Lokānukampāyāti lokassa anukampatthāya, mettākaruṇāsampattiyā mātāpitaro viya lokassa rakkhitā gopayitāti. Atthāya hitāya sukhāya devamanussānanti idha devamanussaggahaṇena ca bhabbapuggalaveneyyasatteyeva gahetvā tesaṃ nibbānamaggaphalādhigamāya attano uppattiṃ dassetīti veditabbo. Atthāyāti hi vutte paramatthatthāya nibbānāyāti vuttaṃ hoti. Hitāyāti vutte taṃ sampāpakamaggatthāyāti vuttaṃ hoti, nibbānasampāpakamaggato hi uttari hitaṃ nāma natthi. Sukhāyāti vutte phalasamāpattisukhatthāyāti vuttaṃ hoti, tato uttari sukhābhāvato. Vuttañcetaṃ ‘‘ayaṃ samādhi paccuppannasukho ceva āyatiñca sukhavipāko’’ti (dī. ni. 3.355; a. ni. 5.27; vibha. 804).

    ਅਸਮ੍ਮੋਹવਿਹਾਰવਣ੍ਣਨਾ ਨਿਟ੍ਠਿਤਾ।

    Asammohavihāravaṇṇanā niṭṭhitā.

    ਪੁਬ੍ਬਭਾਗਪਟਿਪਦਾਦਿવਣ੍ਣਨਾ

    Pubbabhāgapaṭipadādivaṇṇanā

    ੫੧. ਏવਂ ਭਗવਾ ਬੁਦ੍ਧਗੁਣਪਟਿਲਾਭਾવਸਾਨਂ ਅਤ੍ਤਨੋ ਅਸਮ੍ਮੋਹવਿਹਾਰਂ ਬ੍ਰਾਹ੍ਮਣਸ੍ਸ ਦਸ੍ਸੇਤ੍વਾ ਇਦਾਨਿ ਯਾਯ ਪਟਿਪਦਾਯ ਤਂ ਕੋਟਿਪ੍ਪਤ੍ਤਂ ਅਸਮ੍ਮੋਹવਿਹਾਰਂ ਅਧਿਗਤੋ, ਤਂ ਪੁਬ੍ਬਭਾਗਤੋ ਪਭੁਤਿ ਦਸ੍ਸੇਤੁਂ ਆਰਦ੍ਧਂ ਖੋ ਪਨ ਮੇ ਬ੍ਰਾਹ੍ਮਣਾਤਿਆਦਿਮਾਹ।

    51. Evaṃ bhagavā buddhaguṇapaṭilābhāvasānaṃ attano asammohavihāraṃ brāhmaṇassa dassetvā idāni yāya paṭipadāya taṃ koṭippattaṃ asammohavihāraṃ adhigato, taṃ pubbabhāgato pabhuti dassetuṃ āraddhaṃ kho pana me brāhmaṇātiādimāha.

    ਕੇਚਿ ਪਨਾਹੁ ‘‘ਇਮਂ ਅਸਮ੍ਮੋਹવਿਹਾਰਂ ਸੁਤ੍વਾ ਬ੍ਰਾਹ੍ਮਣਸ੍ਸ ਚਿਤ੍ਤਮੇવਂ ਉਪ੍ਪਨ੍ਨਂ ‘ਕਾਯ ਨੁ ਖੋ ਪਟਿਪਦਾਯ ਇਮਂ ਪਤ੍ਤੋ’ਤਿ, ਤਸ੍ਸ ਚਿਤ੍ਤਮਞ੍ਞਾਯ ਇਮਾਯਾਹਂ ਪਟਿਪਦਾਯ ਇਮਂ ਉਤ੍ਤਮਂ ਅਸਮ੍ਮੋਹવਿਹਾਰਂ ਪਤ੍ਤੋਤਿ ਦਸ੍ਸੇਨ੍ਤੋ ਏવਮਾਹਾ’’ਤਿ।

    Keci panāhu ‘‘imaṃ asammohavihāraṃ sutvā brāhmaṇassa cittamevaṃ uppannaṃ ‘kāya nu kho paṭipadāya imaṃ patto’ti, tassa cittamaññāya imāyāhaṃ paṭipadāya imaṃ uttamaṃ asammohavihāraṃ pattoti dassento evamāhā’’ti.

    ਤਤ੍ਥ ਆਰਦ੍ਧਂ ਖੋ ਪਨ ਮੇ, ਬ੍ਰਾਹ੍ਮਣ, વੀਰਿਯਂ ਅਹੋਸੀਤਿ, ਬ੍ਰਾਹ੍ਮਣ, ਨ ਮਯਾ ਅਯਂ ਉਤ੍ਤਮੋ ਅਸਮ੍ਮੋਹવਿਹਾਰੋ ਕੁਸੀਤੇਨ ਮੁਟ੍ਠਸ੍ਸਤਿਨਾ ਸਾਰਦ੍ਧਕਾਯੇਨ વਿਕ੍ਖਿਤ੍ਤਚਿਤ੍ਤੇਨ વਾ ਅਧਿਗਤੋ, ਅਪਿਚ ਖੋ ਤਦਧਿਗਮਾਯ ਆਰਦ੍ਧਂ ਖੋ ਪਨ ਮੇ વੀਰਿਯਂ ਅਹੋਸਿ, ਬੋਧਿਮਣ੍ਡੇ ਨਿਸਿਨ੍ਨੇਨ ਮਯਾ ਚਤੁਰਙ੍ਗવੀਰਿਯਂ ਆਰਦ੍ਧਂ ਅਹੋਸਿ, ਪਗ੍ਗਹਿਤਂ ਅਸਿਥਿਲਪ੍ਪવਤ੍ਤਿਤਨ੍ਤਿ વੁਤ੍ਤਂ ਹੋਤਿ। ਆਰਦ੍ਧਤ੍ਤਾਯੇવ ਚ ਮੇਤਂ ਅਸਲ੍ਲੀਨਂ ਅਹੋਸਿ।

    Tattha āraddhaṃ kho pana me, brāhmaṇa, vīriyaṃ ahosīti, brāhmaṇa, na mayā ayaṃ uttamo asammohavihāro kusītena muṭṭhassatinā sāraddhakāyena vikkhittacittena vā adhigato, apica kho tadadhigamāya āraddhaṃ kho pana me vīriyaṃ ahosi, bodhimaṇḍe nisinnena mayā caturaṅgavīriyaṃ āraddhaṃ ahosi, paggahitaṃ asithilappavattitanti vuttaṃ hoti. Āraddhattāyeva ca metaṃ asallīnaṃ ahosi.

    ਉਪਟ੍ਠਿਤਾ ਸਤਿ ਅਸਮ੍ਮੁਟ੍ਠਾਤਿ ਨ ਕੇવਲਞ੍ਚ વੀਰਿਯਮੇવ, ਸਤਿਪਿ ਮੇ ਆਰਮ੍ਮਣਾਭਿਮੁਖੀਭਾવੇਨ ਉਪਟ੍ਠਿਤਾ ਅਹੋਸਿ। ਉਪਟ੍ਠਿਤਤ੍ਤਾਯੇવ ਚ ਅਸਮ੍ਮੁਟ੍ਠਾ। ਪਸ੍ਸਦ੍ਧੋ ਕਾਯੋਤਿ ਕਾਯਚਿਤ੍ਤਪ੍ਪਸ੍ਸਦ੍ਧਿਸਮ੍ਭવੇਨ ਕਾਯੋਪਿ ਮੇ ਪਸ੍ਸਦ੍ਧੋ ਅਹੋਸਿ। ਤਤ੍ਥ ਯਸ੍ਮਾ ਨਾਮਕਾਯੇ ਪਸ੍ਸਦ੍ਧੇ ਰੂਪਕਾਯੋਪਿ ਪਸ੍ਸਦ੍ਧੋਯੇવ ਹੋਤਿ, ਤਸ੍ਮਾ ਨਾਮਕਾਯੋ ਰੂਪਕਾਯੋਤਿ ਅવਿਸੇਸੇਤ੍વਾવ ਪਸ੍ਸਦ੍ਧੋ ਕਾਯੋਤਿ વੁਤ੍ਤਂ। ਅਸਾਰਦ੍ਧੋਤਿ ਸੋ ਚ ਖੋ ਪਸ੍ਸਦ੍ਧਤ੍ਤਾਯੇવ ਅਸਾਰਦ੍ਧੋ, વਿਗਤਦਰਥੋਤਿ વੁਤ੍ਤਂ ਹੋਤਿ। ਸਮਾਹਿਤਂ ਚਿਤ੍ਤਂ ਏਕਗ੍ਗਨ੍ਤਿ ਚਿਤ੍ਤਮ੍ਪਿ ਮੇ ਸਮ੍ਮਾ ਆਹਿਤਂ ਸੁਟ੍ਠੁ ਠਪਿਤਂ ਅਪ੍ਪਿਤਂ વਿਯ ਅਹੋਸਿ। ਸਮਾਹਿਤਤ੍ਤਾ ਏવ ਚ ਏਕਗ੍ਗਂ ਅਚਲਂ ਨਿਪ੍ਫਨ੍ਦਨਨ੍ਤਿ, ਏਤ੍ਤਾવਤਾ ਝਾਨਸ੍ਸ ਪੁਬ੍ਬਭਾਗਪਟਿਪਦਾ ਕਥਿਤਾ ਹੋਤਿ।

    Upaṭṭhitā sati asammuṭṭhāti na kevalañca vīriyameva, satipi me ārammaṇābhimukhībhāvena upaṭṭhitā ahosi. Upaṭṭhitattāyeva ca asammuṭṭhā. Passaddho kāyoti kāyacittappassaddhisambhavena kāyopi me passaddho ahosi. Tattha yasmā nāmakāye passaddhe rūpakāyopi passaddhoyeva hoti, tasmā nāmakāyo rūpakāyoti avisesetvāva passaddho kāyoti vuttaṃ. Asāraddhoti so ca kho passaddhattāyeva asāraddho, vigatadarathoti vuttaṃ hoti. Samāhitaṃ cittaṃ ekagganti cittampi me sammā āhitaṃ suṭṭhu ṭhapitaṃ appitaṃ viya ahosi. Samāhitattā eva ca ekaggaṃ acalaṃ nipphandananti, ettāvatā jhānassa pubbabhāgapaṭipadā kathitā hoti.

    ਇਦਾਨਿ ਇਮਾਯ ਪਟਿਪਦਾਯ ਅਧਿਗਤਂ ਪਠਮਜ੍ਝਾਨਂ ਆਦਿਂ ਕਤ੍વਾ વਿਜ੍ਜਾਤ੍ਤਯਪਰਿਯੋਸਾਨਂ વਿਸੇਸਂ ਦਸ੍ਸੇਨ੍ਤੋ ਸੋ ਖੋ ਅਹਨ੍ਤਿਆਦਿਮਾਹ। ਤਤ੍ਥ વਿવਿਚ੍ਚੇવ ਕਾਮੇਹਿ…ਪੇ॰… ਚਤੁਤ੍ਥਜ੍ਝਾਨਂ ਉਪਸਮ੍ਪਜ੍ਜ વਿਹਾਸਿਨ੍ਤਿ ਏਤ੍ਥ ਤਾવ ਯਂ વਤ੍ਤਬ੍ਬਂ ਸਿਯਾ, ਤਂ ਸਬ੍ਬਂ વਿਸੁਦ੍ਧਿਮਗ੍ਗੇ ਪਥવੀਕਸਿਣਕਥਾਯਂ વੁਤ੍ਤਂ। ਕੇવਲਞ੍ਹਿ ਤਤ੍ਥ ‘‘ਉਪਸਮ੍ਪਜ੍ਜ વਿਹਰਤੀ’’ਤਿ ਆਗਤਂ, ਇਧ ‘‘વਿਹਾਸਿ’’ਨ੍ਤਿ, ਅਯਮੇવ વਿਸੇਸੋ। ਕਿਂ ਕਤ੍વਾ ਪਨ ਭਗવਾ ਇਮਾਨਿ ਝਾਨਾਨਿ ਉਪਸਮ੍ਪਜ੍ਜ વਿਹਾਸੀਤਿ, ਕਮ੍ਮਟ੍ਠਾਨਂ ਭਾવੇਤ੍વਾ। ਕਤਰਂ? ਆਨਾਪਾਨਸ੍ਸਤਿਕਮ੍ਮਟ੍ਠਾਨਂ।

    Idāni imāya paṭipadāya adhigataṃ paṭhamajjhānaṃ ādiṃ katvā vijjāttayapariyosānaṃ visesaṃ dassento so kho ahantiādimāha. Tattha vivicceva kāmehi…pe… catutthajjhānaṃ upasampajjavihāsinti ettha tāva yaṃ vattabbaṃ siyā, taṃ sabbaṃ visuddhimagge pathavīkasiṇakathāyaṃ vuttaṃ. Kevalañhi tattha ‘‘upasampajja viharatī’’ti āgataṃ, idha ‘‘vihāsi’’nti, ayameva viseso. Kiṃ katvā pana bhagavā imāni jhānāni upasampajja vihāsīti, kammaṭṭhānaṃ bhāvetvā. Kataraṃ? Ānāpānassatikammaṭṭhānaṃ.

    ਇਮਾਨਿ ਚ ਪਨ ਚਤ੍ਤਾਰਿ ਝਾਨਾਨਿ ਕੇਸਞ੍ਚਿ ਚਿਤ੍ਤੇਕਗ੍ਗਤਤ੍ਥਾਨਿ ਹੋਨ੍ਤਿ, ਕੇਸਞ੍ਚਿ વਿਪਸ੍ਸਨਾਪਾਦਕਾਨਿ, ਕੇਸਞ੍ਚਿ ਅਭਿਞ੍ਞਾਪਾਦਕਾਨਿ, ਕੇਸਞ੍ਚਿ ਨਿਰੋਧਪਾਦਕਾਨਿ, ਕੇਸਞ੍ਚਿ ਭવੋਕ੍ਕਮਨਤ੍ਥਾਨਿ। ਤਤ੍ਥ ਖੀਣਾਸવਾਨਂ ਚਿਤ੍ਤੇਕਗ੍ਗਤਤ੍ਥਾਨਿ ਹੋਨ੍ਤਿ। ਤੇ ਹਿ ਸਮਾਪਜ੍ਜਿਤ੍વਾ ਏਕਗ੍ਗਚਿਤ੍ਤਾ ਸੁਖਂ ਦਿવਸਂ વਿਹਰਿਸ੍ਸਾਮਾਤਿ ਇਚ੍ਚੇવਂ ਕਸਿਣਪਰਿਕਮ੍ਮਂ ਕਤ੍વਾ ਅਟ੍ਠ ਸਮਾਪਤ੍ਤਿਯੋ ਨਿਬ੍ਬਤ੍ਤੇਨ੍ਤਿ। ਸੇਕ੍ਖਪੁਥੁਜ੍ਜਨਾਨਂ ਸਮਾਪਤ੍ਤਿਤੋ વੁਟ੍ਠਾਯ ਸਮਾਹਿਤੇਨ ਚਿਤ੍ਤੇਨ વਿਪਸ੍ਸਿਸ੍ਸਾਮਾਤਿ ਨਿਬ੍ਬਤ੍ਤੇਨ੍ਤਾਨਂ વਿਪਸ੍ਸਨਾਪਾਦਕਾਨਿ ਹੋਨ੍ਤਿ। ਯੇ ਪਨ ਅਟ੍ਠ ਸਮਾਪਤ੍ਤਿਯੋ ਨਿਬ੍ਬਤ੍ਤੇਤ੍વਾ ਅਭਿਞ੍ਞਾਪਾਦਕਜ੍ਝਾਨਂ ਸਮਾਪਜ੍ਜਿਤ੍વਾ ਸਮਾਪਤ੍ਤਿਤੋ વੁਟ੍ਠਾਯ ‘‘ਏਕੋਪਿ ਹੁਤ੍વਾ ਬਹੁਧਾ ਹੋਤੀ’’ਤਿ (ਦੀ॰ ਨਿ॰ ੧.੨੩੮; ਪਟਿ॰ ਮ॰ ੧.੧੦੨) વੁਤ੍ਤਨਯਾ ਅਭਿਞ੍ਞਾਯੋ ਪਤ੍ਥੇਨ੍ਤਾ ਨਿਬ੍ਬਤ੍ਤੇਨ੍ਤਿ, ਤੇਸਂ ਅਭਿਞ੍ਞਾਪਾਦਕਾਨਿ ਹੋਨ੍ਤਿ। ਯੇ ਪਨ ਅਟ੍ਠ ਸਮਾਪਤ੍ਤਿਯੋ ਨਿਬ੍ਬਤ੍ਤੇਤ੍વਾ ਨਿਰੋਧਸਮਾਪਤ੍ਤਿਂ ਸਮਾਪਜ੍ਜਿਤ੍વਾ ਸਤ੍ਤਾਹਂ ਅਚਿਤ੍ਤਾ ਹੁਤ੍વਾ ਦਿਟ੍ਠੇવ ਧਮ੍ਮੇ ਨਿਰੋਧਂ ਨਿਬ੍ਬਾਨਂ ਪਤ੍વਾ ਸੁਖਂ વਿਹਰਿਸ੍ਸਾਮਾਤਿ ਨਿਬ੍ਬਤ੍ਤੇਨ੍ਤਿ, ਤੇਸਂ ਨਿਰੋਧਪਾਦਕਾਨਿ ਹੋਨ੍ਤਿ। ਯੇ ਪਨ ਅਟ੍ਠ ਸਮਾਪਤ੍ਤਿਯੋ ਨਿਬ੍ਬਤ੍ਤੇਤ੍વਾ ਅਪਰਿਹੀਨਜ੍ਝਾਨਾ ਬ੍ਰਹ੍ਮਲੋਕੇ ਉਪ੍ਪਜ੍ਜਿਸ੍ਸਾਮਾਤਿ ਨਿਬ੍ਬਤ੍ਤੇਨ੍ਤਿ, ਤੇਸਂ ਭવੋਕ੍ਕਮਨਤ੍ਥਾਨਿ ਹੋਨ੍ਤਿ।

    Imāni ca pana cattāri jhānāni kesañci cittekaggatatthāni honti, kesañci vipassanāpādakāni, kesañci abhiññāpādakāni, kesañci nirodhapādakāni, kesañci bhavokkamanatthāni. Tattha khīṇāsavānaṃ cittekaggatatthāni honti. Te hi samāpajjitvā ekaggacittā sukhaṃ divasaṃ viharissāmāti iccevaṃ kasiṇaparikammaṃ katvā aṭṭha samāpattiyo nibbattenti. Sekkhaputhujjanānaṃ samāpattito vuṭṭhāya samāhitena cittena vipassissāmāti nibbattentānaṃ vipassanāpādakāni honti. Ye pana aṭṭha samāpattiyo nibbattetvā abhiññāpādakajjhānaṃ samāpajjitvā samāpattito vuṭṭhāya ‘‘ekopi hutvā bahudhā hotī’’ti (dī. ni. 1.238; paṭi. ma. 1.102) vuttanayā abhiññāyo patthentā nibbattenti, tesaṃ abhiññāpādakāni honti. Ye pana aṭṭha samāpattiyo nibbattetvā nirodhasamāpattiṃ samāpajjitvā sattāhaṃ acittā hutvā diṭṭheva dhamme nirodhaṃ nibbānaṃ patvā sukhaṃ viharissāmāti nibbattenti, tesaṃ nirodhapādakāni honti. Ye pana aṭṭha samāpattiyo nibbattetvā aparihīnajjhānā brahmaloke uppajjissāmāti nibbattenti, tesaṃ bhavokkamanatthāni honti.

    ਭਗવਤਾ ਪਨਿਦਂ ਚਤੁਤ੍ਥਜ੍ਝਾਨਂ ਬੋਧਿਰੁਕ੍ਖਮੂਲੇ ਨਿਬ੍ਬਤ੍ਤਿਤਂ, ਤਂ ਤਸ੍ਸ વਿਪਸ੍ਸਨਾਪਾਦਕਞ੍ਚੇવ ਅਹੋਸਿ ਅਭਿਞ੍ਞਾਪਾਦਕਞ੍ਚ ਸਬ੍ਬਕਿਚ੍ਚਸਾਧਕਞ੍ਚ, ਸਬ੍ਬਲੋਕਿਯਲੋਕੁਤ੍ਤਰਗੁਣਦਾਯਕਨ੍ਤਿ વੇਦਿਤਬ੍ਬਂ।

    Bhagavatā panidaṃ catutthajjhānaṃ bodhirukkhamūle nibbattitaṃ, taṃ tassa vipassanāpādakañceva ahosi abhiññāpādakañca sabbakiccasādhakañca, sabbalokiyalokuttaraguṇadāyakanti veditabbaṃ.

    ਪੁਬ੍ਬਭਾਗਪਟਿਪਦਾਦਿવਣ੍ਣਨਾ ਨਿਟ੍ਠਿਤਾ।

    Pubbabhāgapaṭipadādivaṇṇanā niṭṭhitā.

    ਪੁਬ੍ਬੇਨਿવਾਸਕਥਾવਣ੍ਣਨਾ

    Pubbenivāsakathāvaṇṇanā

    ੫੨. ਯੇਸਞ੍ਚ ਗੁਣਾਨਂ ਦਾਯਕਂ ਅਹੋਸਿ, ਤੇਸਂ ਏਕਦੇਸਂ ਦਸ੍ਸੇਨ੍ਤੋ ਸੋ ਏવਂ ਸਮਾਹਿਤੇ ਚਿਤ੍ਤੇਤਿਆਦਿਮਾਹ। ਤਤ੍ਥ ਦ੍વਿਨ੍ਨਂ વਿਜ੍ਜਾਨਂ ਅਨੁਪਦવਣ੍ਣਨਾ ਚੇવ ਭਾવਨਾਨਯੋ ਚ વਿਸੁਦ੍ਧਿਮਗ੍ਗੇ વਿਤ੍ਥਾਰਿਤੋ। ਕੇવਲਞ੍ਹਿ ਤਤ੍ਥ ‘‘ਸੋ ਏવਂ ਸਮਾਹਿਤੇ ਚਿਤ੍ਤੇ…ਪੇ॰… ਅਭਿਨਿਨ੍ਨਾਮੇਤੀ’’ਤਿ વੁਤ੍ਤਂ, ਇਧ ‘‘ਅਭਿਨਿਨ੍ਨਾਮੇਸਿ’’ਨ੍ਤਿ। ਅਯਂ ਖੋ ਮੇ ਬ੍ਰਾਹ੍ਮਣਾਤਿ ਅਯਞ੍ਚ ਅਪ੍ਪਨਾવਾਰੋ ਤਤ੍ਥ ਅਨਾਗਤੋਤਿ ਅਯਮੇવ વਿਸੇਸੋ। ਤਤ੍ਥ ਸੋਤਿ ਸੋ ਅਹਂ। ਅਭਿਨਿਨ੍ਨਾਮੇਸਿਨ੍ਤਿ ਅਭਿਨੀਹਰਿਂ। ਅਭਿਨਿਨ੍ਨਾਮੇਸਿਨ੍ਤਿ ਚ વਚਨਤੋ ਸੋਤਿ ਏਤ੍ਥ ਸੋ ਅਹਨ੍ਤਿ ਏવਮਤ੍ਥੋ વੇਦਿਤਬ੍ਬੋ।

    52. Yesañca guṇānaṃ dāyakaṃ ahosi, tesaṃ ekadesaṃ dassento so evaṃ samāhite cittetiādimāha. Tattha dvinnaṃ vijjānaṃ anupadavaṇṇanā ceva bhāvanānayo ca visuddhimagge vitthārito. Kevalañhi tattha ‘‘so evaṃ samāhite citte…pe… abhininnāmetī’’ti vuttaṃ, idha ‘‘abhininnāmesi’’nti. Ayaṃ kho me brāhmaṇāti ayañca appanāvāro tattha anāgatoti ayameva viseso. Tattha soti so ahaṃ. Abhininnāmesinti abhinīhariṃ. Abhininnāmesinti ca vacanato soti ettha so ahanti evamattho veditabbo.

    ਯਸ੍ਮਾ ਚਿਦਂ ਭਗવਤੋ વਸੇਨ ਪੁਬ੍ਬੇਨਿવਾਸਾਨੁਸ੍ਸਤਿਞਾਣਂ ਆਗਤਂ, ਤਸ੍ਮਾ ‘‘ਸੋ ਤਤੋ ਚੁਤੋ ਇਧੂਪਪਨ੍ਨੋ’’ਤਿ ਏਤ੍ਥ ਏવਂ ਯੋਜਨਾ વੇਦਿਤਬ੍ਬਾ। ਏਤ੍ਥ ਹਿ ਸੋ ਤਤੋ ਚੁਤੋਤਿ ਪਟਿਨਿવਤ੍ਤਨ੍ਤਸ੍ਸ ਪਚ੍ਚવੇਕ੍ਖਣਂ। ਤਸ੍ਮਾ ਇਧੂਪਪਨ੍ਨੋਤਿ ਇਮਿਸ੍ਸਾ ਇਧੂਪਪਤ੍ਤਿਯਾ ਅਨਨ੍ਤਰਂ। ਅਮੁਤ੍ਰ ਉਦਪਾਦਿਨ੍ਤਿ ਤੁਸਿਤਭવਨਂ ਸਨ੍ਧਾਯਾਹਾਤਿ વੇਦਿਤਬ੍ਬੋ। ਤਤ੍ਰਾਪਾਸਿਂ ਏવਂਨਾਮੋਤਿ ਤਤ੍ਰਾਪਿ ਤੁਸਿਤਭવਨੇ ਸੇਤਕੇਤੁ ਨਾਮ ਦੇવਪੁਤ੍ਤੋ ਅਹੋਸਿਂ। ਏવਂਗੋਤ੍ਤੋਤਿ ਤਾਹਿ ਦੇવਤਾਹਿ ਸਦ੍ਧਿਂ ਏਕਗੋਤ੍ਤੋ। ਏવਂવਣ੍ਣੋਤਿ ਸੁવਣ੍ਣવਣ੍ਣੋ। ਏવਮਾਹਾਰੋਤਿ ਦਿਬ੍ਬਸੁਧਾਹਾਰੋ। ਏવਂਸੁਖਦੁਕ੍ਖਪ੍ਪਟਿਸਂવੇਦੀਤਿ ਏવਂ ਦਿਬ੍ਬਸੁਖਪਟਿਸਂવੇਦੀ। ਦੁਕ੍ਖਂ ਪਨ ਸਙ੍ਖਾਰਦੁਕ੍ਖਮਤ੍ਤਮੇવ । ਏવਮਾਯੁਪਰਿਯਨ੍ਤੋਤਿ ਏવਂ ਸਤ੍ਤਪਞ੍ਞਾਸવਸ੍ਸਕੋਟਿਸਟ੍ਠਿવਸ੍ਸਸਤਸਹਸ੍ਸਾਯੁਪਰਿਯਨ੍ਤੋ। ਸੋ ਤਤੋ ਚੁਤੋਤਿ ਸੋ ਅਹਂ ਤਤੋ ਤੁਸਿਤਭવਨਤੋ ਚੁਤੋ। ਇਧੂਪਪਨ੍ਨੋਤਿ ਇਧ ਮਹਾਮਾਯਾਯ ਦੇવਿਯਾ ਕੁਚ੍ਛਿਮ੍ਹਿ ਨਿਬ੍ਬਤ੍ਤੋ।

    Yasmā cidaṃ bhagavato vasena pubbenivāsānussatiñāṇaṃ āgataṃ, tasmā ‘‘so tato cuto idhūpapanno’’ti ettha evaṃ yojanā veditabbā. Ettha hi so tato cutoti paṭinivattantassa paccavekkhaṇaṃ. Tasmā idhūpapannoti imissā idhūpapattiyā anantaraṃ. Amutra udapādinti tusitabhavanaṃ sandhāyāhāti veditabbo. Tatrāpāsiṃ evaṃnāmoti tatrāpi tusitabhavane setaketu nāma devaputto ahosiṃ. Evaṃgottoti tāhi devatāhi saddhiṃ ekagotto. Evaṃvaṇṇoti suvaṇṇavaṇṇo. Evamāhāroti dibbasudhāhāro. Evaṃsukhadukkhappaṭisaṃvedīti evaṃ dibbasukhapaṭisaṃvedī. Dukkhaṃ pana saṅkhāradukkhamattameva . Evamāyupariyantoti evaṃ sattapaññāsavassakoṭisaṭṭhivassasatasahassāyupariyanto. Sotato cutoti so ahaṃ tato tusitabhavanato cuto. Idhūpapannoti idha mahāmāyāya deviyā kucchimhi nibbatto.

    ਅਯਂ ਖੋ ਮੇ ਬ੍ਰਾਹ੍ਮਣਾਤਿਆਦੀਸੁ ਮੇਤਿ ਮਯਾ। વਿਜ੍ਜਾਤਿ વਿਦਿਤਕਰਣਟ੍ਠੇਨ વਿਜ੍ਜਾ। ਕਿਂ વਿਦਿਤਂ ਕਰੋਤਿ? ਪੁਬ੍ਬੇਨਿવਾਸਂ। ਅવਿਜ੍ਜਾਤਿ ਤਸ੍ਸੇવ ਪੁਬ੍ਬੇਨਿવਾਸਸ੍ਸ ਅવਿਦਿਤਕਰਣਟ੍ਠੇਨ ਤਪ੍ਪਟਿਚ੍ਛਾਦਕੋ ਮੋਹੋ વੁਚ੍ਚਤਿ। ਤਮੋਤਿ ਸ੍વੇવ ਮੋਹੋ ਪਟਿਚ੍ਛਾਦਕਟ੍ਠੇਨ ‘‘ਤਮੋ’’ਤਿ વੁਚ੍ਚਤਿ। ਆਲੋਕੋਤਿ ਸਾਯੇવ વਿਜ੍ਜਾ ਓਭਾਸਕਰਣਟ੍ਠੇਨ ‘‘ਆਲੋਕੋ’’ਤਿ વੁਚ੍ਚਤਿ। ਏਤ੍ਥ ਚ વਿਜ੍ਜਾ ਅਧਿਗਤਾਤਿ ਅਯਂ ਅਤ੍ਥੋ, ਸੇਸਂ ਪਸਂਸਾવਚਨਂ। ਯੋਜਨਾ ਪਨੇਤ੍ਥ ਅਯਂ ਖੋ ਮੇ વਿਜ੍ਜਾ ਅਧਿਗਤਾ, ਤਸ੍ਸ ਮੇ ਅਧਿਗਤવਿਜ੍ਜਸ੍ਸ ਅવਿਜ੍ਜਾ વਿਹਤਾ, વਿਨਟ੍ਠਾਤਿ ਅਤ੍ਥੋ। ਕਸ੍ਮਾ? ਯਸ੍ਮਾ વਿਜ੍ਜਾ ਉਪ੍ਪਨ੍ਨਾ। ਏਸ ਨਯੋ ਇਤਰਸ੍ਮਿਮ੍ਪਿ ਪਦਦ੍વਯੇ।

    Ayaṃ kho me brāhmaṇātiādīsu meti mayā. Vijjāti viditakaraṇaṭṭhena vijjā. Kiṃ viditaṃ karoti? Pubbenivāsaṃ. Avijjāti tasseva pubbenivāsassa aviditakaraṇaṭṭhena tappaṭicchādako moho vuccati. Tamoti sveva moho paṭicchādakaṭṭhena ‘‘tamo’’ti vuccati. Ālokoti sāyeva vijjā obhāsakaraṇaṭṭhena ‘‘āloko’’ti vuccati. Ettha ca vijjā adhigatāti ayaṃ attho, sesaṃ pasaṃsāvacanaṃ. Yojanā panettha ayaṃ kho me vijjā adhigatā, tassa me adhigatavijjassa avijjā vihatā, vinaṭṭhāti attho. Kasmā? Yasmā vijjā uppannā. Esa nayo itarasmimpi padadvaye.

    ਯਥਾ ਤਨ੍ਤਿ ਏਤ੍ਥ ਯਥਾਤਿ ਓਪਮ੍ਮੇ। ਤਨ੍ਤਿ ਨਿਪਾਤੋ। ਸਤਿਯਾ ਅવਿਪ੍ਪવਾਸੇਨ ਅਪ੍ਪਮਤ੍ਤਸ੍ਸ। વੀਰਿਯਾਤਾਪੇਨ ਆਤਾਪਿਨੋ। ਕਾਯੇ ਚ ਜੀવਿਤੇ ਚ ਅਨਪੇਕ੍ਖਤਾਯ ਪਹਿਤਤ੍ਤਸ੍ਸ, ਪੇਸਿਤਤ੍ਤਸ੍ਸਾਤਿ ਅਤ੍ਥੋ। ਇਦਂ વੁਤ੍ਤਂ ਹੋਤਿ ‘‘ਯਥਾ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ વਿਹਰਤੋ ਅવਿਜ੍ਜਾ વਿਹਞ੍ਞੇਯ੍ਯ, વਿਜ੍ਜਾ ਉਪ੍ਪਜ੍ਜੇਯ੍ਯ। ਤਮੋ વਿਹਞ੍ਞੇਯ੍ਯ, ਆਲੋਕੋ ਉਪ੍ਪਜ੍ਜੇਯ੍ਯ। ਏવਮੇવ ਮਮ ਅવਿਜ੍ਜਾ વਿਹਤਾ, વਿਜ੍ਜਾ ਉਪ੍ਪਨ੍ਨਾ। ਤਮੋ વਿਹਤੋ, ਆਲੋਕੋ ਉਪ੍ਪਨ੍ਨੋ। ਏਤਸ੍ਸ ਮੇ ਪਧਾਨਾਨੁਯੋਗਸ੍ਸ ਅਨੁਰੂਪਮੇવ ਫਲਂ ਲਦ੍ਧ’’ਨ੍ਤਿ।

    Yathātanti ettha yathāti opamme. Tanti nipāto. Satiyā avippavāsena appamattassa. Vīriyātāpena ātāpino. Kāye ca jīvite ca anapekkhatāya pahitattassa, pesitattassāti attho. Idaṃ vuttaṃ hoti ‘‘yathā appamattassa ātāpino pahitattassa viharato avijjā vihaññeyya, vijjā uppajjeyya. Tamo vihaññeyya, āloko uppajjeyya. Evameva mama avijjā vihatā, vijjā uppannā. Tamo vihato, āloko uppanno. Etassa me padhānānuyogassa anurūpameva phalaṃ laddha’’nti.

    ਪੁਬ੍ਬੇਨਿવਾਸਕਥਾવਣ੍ਣਨਾ ਨਿਟ੍ਠਿਤਾ।

    Pubbenivāsakathāvaṇṇanā niṭṭhitā.

    ਦਿਬ੍ਬਚਕ੍ਖੁਞਾਣਕਥਾવਣ੍ਣਨਾ

    Dibbacakkhuñāṇakathāvaṇṇanā

    ੫੩. ਚੁਤੂਪਪਾਤਕਥਾਯਂ ਯਸ੍ਮਾ ਇਧ ਭਗવਤੋ વਸੇਨ ਪਾਲ਼ਿ ਆਗਤਾ, ਤਸ੍ਮਾ ‘‘ਪਸ੍ਸਾਮਿ ਪਜਾਨਾਮੀ’’ਤਿ વੁਤ੍ਤਂ, ਅਯਂ વਿਸੇਸੋ। ਸੇਸਂ વਿਸੁਦ੍ਧਿਮਗ੍ਗੇ વੁਤ੍ਤਸਦਿਸਮੇવ।

    53. Cutūpapātakathāyaṃ yasmā idha bhagavato vasena pāḷi āgatā, tasmā ‘‘passāmi pajānāmī’’ti vuttaṃ, ayaṃ viseso. Sesaṃ visuddhimagge vuttasadisameva.

    ਏਤ੍ਥ ਪਨ વਿਜ੍ਜਾਤਿ ਦਿਬ੍ਬਚਕ੍ਖੁਞਾਣવਿਜ੍ਜਾ। ਅવਿਜ੍ਜਾਤਿ ਸਤ੍ਤਾਨਂ ਚੁਤਿਪਟਿਸਨ੍ਧਿਪਟਿਚ੍ਛਾਦਿਕਾ ਅવਿਜ੍ਜਾ। ਸੇਸਂ વੁਤ੍ਤਨਯਮੇવਾਤਿ। ਯਸ੍ਮਾ ਚ ਪੂਰਿਤਪਾਰਮੀਨਂ ਮਹਾਸਤ੍ਤਾਨਂ ਪਰਿਕਮ੍ਮਕਿਚ੍ਚਂ ਨਾਮ ਨਤ੍ਥਿ। ਤੇ ਹਿ ਚਿਤ੍ਤੇ ਅਭਿਨਿਨ੍ਨਾਮਿਤਮਤ੍ਤੇਯੇવ ਅਨੇਕવਿਹਿਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਨ੍ਤਿ, ਦਿਬ੍ਬੇਨ ਚਕ੍ਖੁਨਾ ਸਤ੍ਤੇ ਪਸ੍ਸਨ੍ਤਿ। ਤਸ੍ਮਾ ਯੋ ਤਤ੍ਥ ਪਰਿਕਮ੍ਮਂ ਆਦਿਂ ਕਤ੍વਾ ਭਾવਨਾਨਯੋ વੁਤ੍ਤੋ, ਨ ਤੇਨ ਇਧ ਅਤ੍ਥੋਤਿ।

    Ettha pana vijjāti dibbacakkhuñāṇavijjā. Avijjāti sattānaṃ cutipaṭisandhipaṭicchādikā avijjā. Sesaṃ vuttanayamevāti. Yasmā ca pūritapāramīnaṃ mahāsattānaṃ parikammakiccaṃ nāma natthi. Te hi citte abhininnāmitamatteyeva anekavihitaṃ pubbenivāsaṃ anussaranti, dibbena cakkhunā satte passanti. Tasmā yo tattha parikammaṃ ādiṃ katvā bhāvanānayo vutto, na tena idha atthoti.

    ਦਿਬ੍ਬਚਕ੍ਖੁਞਾਣਕਥਾવਣ੍ਣਨਾ ਨਿਟ੍ਠਿਤਾ।

    Dibbacakkhuñāṇakathāvaṇṇanā niṭṭhitā.

    ਆਸવਕ੍ਖਯਞਾਣਕਥਾવਣ੍ਣਨਾ

    Āsavakkhayañāṇakathāvaṇṇanā

    ੫੪. ਤਤਿਯવਿਜ੍ਜਾਯ ਸੋ ਏવਂ ਸਮਾਹਿਤੇ ਚਿਤ੍ਤੇਤਿ વਿਪਸ੍ਸਨਾਪਾਦਕਂ ਚਤੁਤ੍ਥਜ੍ਝਾਨਚਿਤ੍ਤਂ વੇਦਿਤਬ੍ਬਂ। ਆਸવਾਨਂ ਖਯਞਾਣਾਯਾਤਿ ਅਰਹਤ੍ਤਮਗ੍ਗਞਾਣਤ੍ਥਾਯ। ਅਰਹਤ੍ਤਮਗ੍ਗੋ ਹਿ ਆਸવવਿਨਾਸਨਤੋ ਆਸવਾਨਂ ਖਯੋਤਿ વੁਚ੍ਚਤਿ, ਤਤ੍ਰ ਚੇਤਂ ਞਾਣਂ, ਤਪ੍ਪਰਿਯਾਪਨ੍ਨਤ੍ਤਾਤਿ। ਚਿਤ੍ਤਂ ਅਭਿਨਿਨ੍ਨਾਮੇਸਿਨ੍ਤਿ વਿਪਸ੍ਸਨਾਚਿਤ੍ਤਂ ਅਭਿਨੀਹਰਿਂ। ਸੋ ਇਦਂ ਦੁਕ੍ਖਨ੍ਤਿ ਏવਮਾਦੀਸੁ ‘‘ਏਤ੍ਤਕਂ ਦੁਕ੍ਖਂ, ਨ ਇਤੋ ਭਿਯ੍ਯੋ’’ਤਿ ਸਬ੍ਬਮ੍ਪਿ ਦੁਕ੍ਖਸਚ੍ਚਂ ਸਰਸਲਕ੍ਖਣਪਟਿવੇਧੇਨ ਯਥਾਭੂਤਂ ਅਬ੍ਭਞ੍ਞਾਸਿਂ ਜਾਨਿਂ ਪਟਿવਿਜ੍ਝਿਂ। ਤਸ੍ਸ ਚ ਦੁਕ੍ਖਸ੍ਸ ਨਿਬ੍ਬਤ੍ਤਿਕਂ ਤਣ੍ਹਂ ਅਯਂ ਦੁਕ੍ਖਸਮੁਦਯੋਤਿ। ਤਦੁਭਯਮ੍ਪਿ ਯਂ ਠਾਨਂ ਪਤ੍વਾ ਨਿਰੁਜ੍ਝਤਿ, ਤਂ ਤੇਸਂ ਅਪ੍ਪવਤ੍ਤਿਂ ਨਿਬ੍ਬਾਨਂ ਅਯਂ ਦੁਕ੍ਖਨਿਰੋਧੋਤਿ। ਤਸ੍ਸ ਸਮ੍ਪਾਪਕਂ ਅਰਿਯਮਗ੍ਗਂ ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾਤਿ ਸਰਸਲਕ੍ਖਣਪਟਿવੇਧੇਨ ਯਥਾਭੂਤਂ ਅਬ੍ਭਞ੍ਞਾਸਿਂ ਜਾਨਿਂ ਪਟਿવਿਜ੍ਝਿਨ੍ਤਿ ਏવਮਤ੍ਥੋ વੇਦਿਤਬ੍ਬੋ।

    54. Tatiyavijjāya so evaṃ samāhite citteti vipassanāpādakaṃ catutthajjhānacittaṃ veditabbaṃ. Āsavānaṃ khayañāṇāyāti arahattamaggañāṇatthāya. Arahattamaggo hi āsavavināsanato āsavānaṃ khayoti vuccati, tatra cetaṃ ñāṇaṃ, tappariyāpannattāti. Cittaṃ abhininnāmesinti vipassanācittaṃ abhinīhariṃ. So idaṃ dukkhanti evamādīsu ‘‘ettakaṃ dukkhaṃ, na ito bhiyyo’’ti sabbampi dukkhasaccaṃ sarasalakkhaṇapaṭivedhena yathābhūtaṃ abbhaññāsiṃ jāniṃ paṭivijjhiṃ. Tassa ca dukkhassa nibbattikaṃ taṇhaṃ ayaṃ dukkhasamudayoti. Tadubhayampi yaṃ ṭhānaṃ patvā nirujjhati, taṃ tesaṃ appavattiṃ nibbānaṃ ayaṃ dukkhanirodhoti. Tassa sampāpakaṃ ariyamaggaṃ ayaṃ dukkhanirodhagāminī paṭipadāti sarasalakkhaṇapaṭivedhena yathābhūtaṃ abbhaññāsiṃ jāniṃ paṭivijjhinti evamattho veditabbo.

    ਏવਂ ਸਰੂਪਤੋ ਸਚ੍ਚਾਨਿ ਦਸ੍ਸੇਤ੍વਾ ਇਦਾਨਿ ਕਿਲੇਸવਸੇਨ ਪਰਿਯਾਯਤੋ ਦਸ੍ਸੇਨ੍ਤੋ ਇਮੇ ਆਸવਾਤਿਆਦਿਮਾਹ। ਤਸ੍ਸ ਮੇ ਏવਂ ਜਾਨਤੋ ਏવਂ ਪਸ੍ਸਤੋਤਿ ਤਸ੍ਸ ਮਯ੍ਹਂ ਏવਂ ਜਾਨਨ੍ਤਸ੍ਸ ਏવਂ ਪਸ੍ਸਨ੍ਤਸ੍ਸ। ਸਹ વਿਪਸ੍ਸਨਾਯ ਕੋਟਿਪ੍ਪਤ੍ਤਂ ਮਗ੍ਗਂ ਕਥੇਤਿ। ਕਾਮਾਸવਾਤਿ ਕਾਮਾਸવਤੋ। વਿਮੁਚ੍ਚਿਤ੍ਥਾਤਿ ਇਮਿਨਾ ਫਲਕ੍ਖਣਂ ਦਸ੍ਸੇਤਿ, ਮਗ੍ਗਕ੍ਖਣੇ ਹਿ ਚਿਤ੍ਤਂ વਿਮੁਚ੍ਚਤਿ, ਫਲਕ੍ਖਣੇ વਿਮੁਤ੍ਤਂ ਹੋਤਿ। વਿਮੁਤ੍ਤਸ੍ਮਿਂ વਿਮੁਤ੍ਤਮਿਤਿ ਞਾਣਨ੍ਤਿ ਇਮਿਨਾ ਪਚ੍ਚવੇਕ੍ਖਣਞਾਣਂ ਦਸ੍ਸੇਤਿ। ਖੀਣਾ ਜਾਤੀਤਿਆਦੀਹਿ ਤਸ੍ਸ ਭੂਮਿਂ, ਤੇਨ ਹਿ ਞਾਣੇਨ ਭਗવਾ ਪਚ੍ਚવੇਕ੍ਖਨ੍ਤੋ ‘‘ਖੀਣਾ ਜਾਤੀ’’ਤਿਆਦੀਨਿ ਅਬ੍ਭਞ੍ਞਾਸਿ। ਕਤਮਾ ਪਨ ਭਗવਤੋ ਜਾਤਿ ਖੀਣਾ, ਕਥਞ੍ਚ ਨਂ ਅਬ੍ਭਞ੍ਞਾਸੀਤਿ? ਨ ਤਾવਸ੍ਸ ਅਤੀਤਾ ਜਾਤਿ ਖੀਣਾ, ਪੁਬ੍ਬੇવ ਖੀਣਤ੍ਤਾ, ਨ ਅਨਾਗਤਾ, ਅਨਾਗਤੇ વਾਯਾਮਾਭਾવਤੋ, ਨ ਪਚ੍ਚੁਪ੍ਪਨ੍ਨਾ, વਿਜ੍ਜਮਾਨਤ੍ਤਾ। ਯਾ ਪਨ ਮਗ੍ਗਸ੍ਸ ਅਭਾવਿਤਤ੍ਤਾ ਉਪ੍ਪਜ੍ਜੇਯ੍ਯ ਏਕਚਤੁਪਞ੍ਚવੋਕਾਰਭવੇਸੁ ਏਕਚਤੁਪਞ੍ਚਕ੍ਖਨ੍ਧਭੇਦਾ ਜਾਤਿ, ਸਾ ਮਗ੍ਗਸ੍ਸ ਭਾવਿਤਤ੍ਤਾ ਅਨੁਪ੍ਪਾਦਧਮ੍ਮਤਂ ਆਪਜ੍ਜਨੇਨ ਖੀਣਾ, ਤਂ ਸੋ ਮਗ੍ਗਭਾવਨਾਯ ਪਹੀਨਕਿਲੇਸੇ ਪਚ੍ਚવੇਕ੍ਖਿਤ੍વਾ ‘‘ਕਿਲੇਸਾਭਾવੇ વਿਜ੍ਜਮਾਨਮ੍ਪਿ ਕਮ੍ਮਂ ਆਯਤਿਂ ਅਪ੍ਪਟਿਸਨ੍ਧਿਕਂ ਹੋਤੀ’’ਤਿ ਜਾਨਨ੍ਤੋ ਅਬ੍ਭਞ੍ਞਾਸਿ।

    Evaṃ sarūpato saccāni dassetvā idāni kilesavasena pariyāyato dassento ime āsavātiādimāha. Tassa me evaṃ jānato evaṃ passatoti tassa mayhaṃ evaṃ jānantassa evaṃ passantassa. Saha vipassanāya koṭippattaṃ maggaṃ katheti. Kāmāsavāti kāmāsavato. Vimuccitthāti iminā phalakkhaṇaṃ dasseti, maggakkhaṇe hi cittaṃ vimuccati, phalakkhaṇe vimuttaṃ hoti. Vimuttasmiṃ vimuttamiti ñāṇanti iminā paccavekkhaṇañāṇaṃ dasseti. Khīṇā jātītiādīhi tassa bhūmiṃ, tena hi ñāṇena bhagavā paccavekkhanto ‘‘khīṇā jātī’’tiādīni abbhaññāsi. Katamā pana bhagavato jāti khīṇā, kathañca naṃ abbhaññāsīti? Na tāvassa atītā jāti khīṇā, pubbeva khīṇattā, na anāgatā, anāgate vāyāmābhāvato, na paccuppannā, vijjamānattā. Yā pana maggassa abhāvitattā uppajjeyya ekacatupañcavokārabhavesu ekacatupañcakkhandhabhedā jāti, sā maggassa bhāvitattā anuppādadhammataṃ āpajjanena khīṇā, taṃ so maggabhāvanāya pahīnakilese paccavekkhitvā ‘‘kilesābhāve vijjamānampi kammaṃ āyatiṃ appaṭisandhikaṃ hotī’’ti jānanto abbhaññāsi.

    વੁਸਿਤਨ੍ਤਿ વੁਤ੍ਥਂ ਪਰਿવੁਤ੍ਥਂ, ਕਤਂ ਚਰਿਤਂ ਨਿਟ੍ਠਿਤਨ੍ਤਿ ਅਤ੍ਥੋ। ਬ੍ਰਹ੍ਮਚਰਿਯਨ੍ਤਿ ਮਗ੍ਗਬ੍ਰਹ੍ਮਚਰਿਯਂ, ਪੁਥੁਜ੍ਜਨਕਲ੍ਯਾਣਕੇਨ ਹਿ ਸਦ੍ਧਿਂ ਸਤ੍ਤਸੇਕ੍ਖਾ ਬ੍ਰਹ੍ਮਚਰਿਯવਾਸਂ વਸਨ੍ਤਿ ਨਾਮ, ਖੀਣਾਸવੋ વੁਤ੍ਥવਾਸੋ। ਤਸ੍ਮਾ ਭਗવਾ ਅਤ੍ਤਨੋ ਬ੍ਰਹ੍ਮਚਰਿਯવਾਸਂ ਪਚ੍ਚવੇਕ੍ਖਨ੍ਤੋ ‘‘વੁਸਿਤਂ ਬ੍ਰਹ੍ਮਚਰਿਯ’’ਨ੍ਤਿ ਅਬ੍ਭਞ੍ਞਾਸਿ। ਕਤਂ ਕਰਣੀਯਨ੍ਤਿ ਚਤੂਸੁ ਸਚ੍ਚੇਸੁ ਚਤੂਹਿ ਮਗ੍ਗੇਹਿ ਪਰਿਞ੍ਞਾਪਹਾਨਸਚ੍ਛਿਕਿਰਿਯਾਭਾવਨਾવਸੇਨ ਸੋਲ਼ਸવਿਧਮ੍ਪਿ ਕਿਚ੍ਚਂ ਨਿਟ੍ਠਾਪਿਤਨ੍ਤਿ ਅਤ੍ਥੋ। ਪੁਥੁਜ੍ਜਨਕਲ੍ਯਾਣਕਾਦਯੋ ਹਿ ਤਂ ਕਿਚ੍ਚਂ ਕਰੋਨ੍ਤਿ, ਖੀਣਾਸવੋ ਕਤਕਰਣੀਯੋ। ਤਸ੍ਮਾ ਭਗવਾ ਅਤ੍ਤਨੋ ਕਰਣੀਯਂ ਪਚ੍ਚવੇਕ੍ਖਨ੍ਤੋ ‘‘ਕਤਂ ਕਰਣੀਯ’’ਨ੍ਤਿ ਅਬ੍ਭਞ੍ਞਾਸਿ।

    Vusitanti vutthaṃ parivutthaṃ, kataṃ caritaṃ niṭṭhitanti attho. Brahmacariyanti maggabrahmacariyaṃ, puthujjanakalyāṇakena hi saddhiṃ sattasekkhā brahmacariyavāsaṃ vasanti nāma, khīṇāsavo vutthavāso. Tasmā bhagavā attano brahmacariyavāsaṃ paccavekkhanto ‘‘vusitaṃ brahmacariya’’nti abbhaññāsi. Kataṃ karaṇīyanti catūsu saccesu catūhi maggehi pariññāpahānasacchikiriyābhāvanāvasena soḷasavidhampi kiccaṃ niṭṭhāpitanti attho. Puthujjanakalyāṇakādayo hi taṃ kiccaṃ karonti, khīṇāsavo katakaraṇīyo. Tasmā bhagavā attano karaṇīyaṃ paccavekkhanto ‘‘kataṃ karaṇīya’’nti abbhaññāsi.

    ਨਾਪਰਂ ਇਤ੍ਥਤ੍ਤਾਯਾਤਿ ਇਦਾਨਿ ਪੁਨ ਇਤ੍ਥਭਾવਾਯ ਏવਂਸੋਲ਼ਸਕਿਚ੍ਚਭਾવਾਯ, ਕਿਲੇਸਕ੍ਖਯਾਯ વਾ ਮਗ੍ਗਭਾવਨਾਕਿਚ੍ਚਂ ਮੇ ਨਤ੍ਥੀਤਿ ਅਬ੍ਭਞ੍ਞਾਸਿ। ਅਥ વਾ ਇਤ੍ਥਤ੍ਤਾਯਾਤਿ ਇਤ੍ਥਭਾવਤੋ ਇਮਸ੍ਮਾ ਏવਂਪਕਾਰਾ ਇਦਾਨਿ વਤ੍ਤਮਾਨਕ੍ਖਨ੍ਧਸਨ੍ਤਾਨਾ ਅਪਰਂ ਖਨ੍ਧਸਨ੍ਤਾਨਂ ਮਯ੍ਹਂ ਨਤ੍ਥਿ। ਇਮੇ ਪਨ ਪਞ੍ਚਕ੍ਖਨ੍ਧਾ ਪਰਿਞ੍ਞਾਤਾ ਤਿਟ੍ਠਨ੍ਤਿ ਛਿਨ੍ਨਮੂਲਕਾ ਰੁਕ੍ਖਾ વਿਯ। ਤੇ ਚਰਿਮਕવਿਞ੍ਞਾਣਨਿਰੋਧੇਨ ਅਨੁਪਾਦਾਨੋ વਿਯ ਜਾਤવੇਦੋ ਨਿਬ੍ਬਾਯਿਸ੍ਸਨ੍ਤੀਤਿ ਅਬ੍ਭਞ੍ਞਾਸਿ।

    Nāparaṃitthattāyāti idāni puna itthabhāvāya evaṃsoḷasakiccabhāvāya, kilesakkhayāya vā maggabhāvanākiccaṃ me natthīti abbhaññāsi. Atha vā itthattāyāti itthabhāvato imasmā evaṃpakārā idāni vattamānakkhandhasantānā aparaṃ khandhasantānaṃ mayhaṃ natthi. Ime pana pañcakkhandhā pariññātā tiṭṭhanti chinnamūlakā rukkhā viya. Te carimakaviññāṇanirodhena anupādāno viya jātavedo nibbāyissantīti abbhaññāsi.

    ਇਦਾਨਿ ਏવਂ ਪਚ੍ਚવੇਕ੍ਖਣਞਾਣਪਰਿਗ੍ਗਹਿਤਂ ਆਸવਾਨਂ ਖਯਞਾਣਾਧਿਗਮਂ ਬ੍ਰਾਹ੍ਮਣਸ੍ਸ ਦਸ੍ਸੇਨ੍ਤੋ, ਅਯਂ ਖੋ ਮੇ ਬ੍ਰਾਹ੍ਮਣਾਤਿਆਦਿਮਾਹ। ਤਤ੍ਥ વਿਜ੍ਜਾਤਿ ਅਰਹਤ੍ਤਮਗ੍ਗਞਾਣવਿਜ੍ਜਾ। ਅવਿਜ੍ਜਾਤਿ ਚਤੁਸਚ੍ਚਪਟਿਚ੍ਛਾਦਿਕਾ ਅવਿਜ੍ਜਾ। ਸੇਸਂ વੁਤ੍ਤਨਯਮੇવ। ਏਤ੍ਤਾવਤਾ ਚ ਪੁਬ੍ਬੇਨਿવਾਸਞਾਣੇਨ ਅਤੀਤਂਸਞਾਣਂ, ਦਿਬ੍ਬਚਕ੍ਖੁਨਾ ਪਚ੍ਚੁਪ੍ਪਨ੍ਨਾਨਾਗਤਂਸਞਾਣਂ, ਆਸવਕ੍ਖਯੇਨ ਸਕਲਲੋਕਿਯਲੋਕੁਤ੍ਤਰਗੁਣਨ੍ਤਿ ਏવਂ ਤੀਹਿ વਿਜ੍ਜਾਹਿ ਸਬ੍ਬੇਪਿ ਸਬ੍ਬਞ੍ਞੁਗੁਣੇ ਸਙ੍ਗਹੇਤ੍વਾ ਪਕਾਸੇਨ੍ਤੋ ਅਤ੍ਤਨੋ ਅਸਮ੍ਮੋਹવਿਹਾਰਂ ਬ੍ਰਾਹ੍ਮਣਸ੍ਸ ਦਸ੍ਸੇਸਿ।

    Idāni evaṃ paccavekkhaṇañāṇapariggahitaṃ āsavānaṃ khayañāṇādhigamaṃ brāhmaṇassa dassento, ayaṃ kho me brāhmaṇātiādimāha. Tattha vijjāti arahattamaggañāṇavijjā. Avijjāti catusaccapaṭicchādikā avijjā. Sesaṃ vuttanayameva. Ettāvatā ca pubbenivāsañāṇena atītaṃsañāṇaṃ, dibbacakkhunā paccuppannānāgataṃsañāṇaṃ, āsavakkhayena sakalalokiyalokuttaraguṇanti evaṃ tīhi vijjāhi sabbepi sabbaññuguṇe saṅgahetvā pakāsento attano asammohavihāraṃ brāhmaṇassa dassesi.

    ਆਸવਕ੍ਖਯਞਾਣਕਥਾવਣ੍ਣਨਾ ਨਿਟ੍ਠਿਤਾ।

    Āsavakkhayañāṇakathāvaṇṇanā niṭṭhitā.

    ਅਰਞ੍ਞવਾਸਕਾਰਣવਣ੍ਣਨਾ

    Araññavāsakāraṇavaṇṇanā

    ੫੫. ਏવਂ વੁਤ੍ਤੇ ਕਿਰ ਬ੍ਰਾਹ੍ਮਣੋ ਚਿਨ੍ਤੇਸਿ – ‘‘ਸਮਣੋ ਗੋਤਮੋ ਸਬ੍ਬਞ੍ਞੁਤਂ ਪਟਿਜਾਨਾਤਿ, ਅਜ੍ਜਾਪਿ ਚ ਅਰਞ੍ਞવਾਸਂ ਨ વਿਜਹਤਿ, ਅਤ੍ਥਿ ਨੁ ਖ੍વਸ੍ਸ ਅਞ੍ਞਮ੍ਪਿ ਕਿਞ੍ਚਿ ਕਰਣੀਯ’’ਨ੍ਤਿ। ਅਥਸ੍ਸ ਭਗવਾ ਅਜ੍ਝਾਸਯਂ વਿਦਿਤ੍વਾ ਇਮਿਨਾ ਅਜ੍ਝਾਸਯਾਨੁਸਨ੍ਧਿਨਾ, ਸਿਯਾ ਖੋ ਪਨ ਤੇਤਿਆਦਿਮਾਹ। ਤਤ੍ਥ ਸਿਯਾ ਖੋ ਪਨ ਤੇ, ਬ੍ਰਾਹ੍ਮਣ, ਏવਮਸ੍ਸਾਤਿ, ਬ੍ਰਾਹ੍ਮਣ, ਕਦਾਚਿ ਤੁਯ੍ਹਂ ਏવਂ ਭવੇਯ੍ਯ। ਨ ਖੋ ਪਨੇਤਂ ਬ੍ਰਾਹ੍ਮਣ ਏવਂ ਦਟ੍ਠਬ੍ਬਨ੍ਤਿ ਏਤਂ ਖੋ ਪਨ, ਬ੍ਰਾਹ੍ਮਣ, ਤਯਾ ਮਯ੍ਹਂ ਪਨ੍ਤਸੇਨਾਸਨਪਟਿਸੇવਨਂ ਅવੀਤਰਾਗਾਦਿਤਾਯਾਤਿ ਏવਂ ਨ ਦਟ੍ਠਬ੍ਬਂ। ਏવਂ ਪਨ੍ਤਸੇਨਾਸਨਪਟਿਸੇવਨੇ ਅਕਾਰਣਂ ਪਟਿਕ੍ਖਿਪਿਤ੍વਾ ਕਾਰਣਂ ਦਸ੍ਸੇਨ੍ਤੋ ਦ੍વੇ ਖੋ ਅਹਨ੍ਤਿਆਦਿਮਾਹ। ਤਤ੍ਥ ਅਤ੍ਥੋਯੇવ ਅਤ੍ਥવਸੋ। ਤਸ੍ਮਾ ਦ੍વੇ ਖੋ ਅਹਂ, ਬ੍ਰਾਹ੍ਮਣ, ਅਤ੍ਥવਸੇਤਿ ਅਹਂ ਖੋ, ਬ੍ਰਾਹ੍ਮਣ, ਦ੍વੇ ਅਤ੍ਥੇ ਦ੍વੇ ਕਾਰਣਾਨਿ ਸਮ੍ਪਸ੍ਸਮਾਨੋਤਿ વੁਤ੍ਤਂ ਹੋਤਿ। ਅਤ੍ਤਨੋ ਚ ਦਿਟ੍ਠਧਮ੍ਮਸੁਖવਿਹਾਰਨ੍ਤਿ ਏਤ੍ਥ ਦਿਟ੍ਠਧਮ੍ਮੋ ਨਾਮ ਅਯਂ ਪਚ੍ਚਕ੍ਖੋ ਅਤ੍ਤਭਾવੋ। ਸੁਖવਿਹਾਰੋ ਨਾਮ ਚਤੁਨ੍ਨਮ੍ਪਿ ਇਰਿਯਾਪਥવਿਹਾਰਾਨਂ ਫਾਸੁਤਾ, ਏਕਕਸ੍ਸ ਹਿ ਅਰਞ੍ਞੇ ਅਨ੍ਤਮਸੋ ਉਚ੍ਚਾਰਪਸ੍ਸਾવਕਿਚ੍ਚਂ ਉਪਾਦਾਯ ਸਬ੍ਬੇવ ਇਰਿਯਾਪਥਾ ਫਾਸੁਕਾ ਹੋਨ੍ਤਿ, ਤਸ੍ਮਾ ਦਿਟ੍ਠਧਮ੍ਮਸ੍ਸ ਸੁਖવਿਹਾਰਨ੍ਤਿ ਅਯਮਤ੍ਥੋ વੇਦਿਤਬ੍ਬੋ। ਪਚ੍ਛਿਮਞ੍ਚ ਜਨਤਂ ਅਨੁਕਮ੍ਪਮਾਨੋਤਿ ਕਥਂ ਅਰਞ੍ਞવਾਸੇਨ ਪਚ੍ਛਿਮਾ ਜਨਤਾ ਅਨੁਕਮ੍ਪਿਤਾ ਹੋਤਿ? ਸਦ੍ਧਾਪਬ੍ਬਜਿਤਾ ਹਿ ਕੁਲਪੁਤ੍ਤਾ ਭਗવਤੋ ਅਰਞ੍ਞવਾਸਂ ਦਿਸ੍વਾ ਭਗવਾਪਿ ਨਾਮ ਅਰਞ੍ਞਸੇਨਾਸਨਾਨਿ ਨ ਮੁਞ੍ਚਤਿ, ਯਸ੍ਸ ਨੇવਤ੍ਥਿ ਪਰਿਞ੍ਞਾਤਬ੍ਬਂ ਨ ਪਹਾਤਬ੍ਬਂ ਨ ਭਾવੇਤਬ੍ਬਂ ਨ ਸਚ੍ਛਿਕਾਤਬ੍ਬਂ, ਕਿਮਙ੍ਗਂ ਪਨ ਮਯਨ੍ਤਿ ਚਿਨ੍ਤੇਤ੍વਾ ਤਤ੍ਥ વਸਿਤਬ੍ਬਮੇવ ਮਞ੍ਞਿਸ੍ਸਨ੍ਤਿ। ਏવਂ ਖਿਪ੍ਪਮੇવ ਦੁਕ੍ਖਸ੍ਸਨ੍ਤਕਰਾ ਭવਿਸ੍ਸਨ੍ਤਿ। ਏવਂ ਪਚ੍ਛਿਮਾ ਜਨਤਾ ਅਨੁਕਮ੍ਪਿਤਾ ਹੋਤਿ। ਏਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਪਚ੍ਛਿਮਞ੍ਚ ਜਨਤਂ ਅਨੁਕਮ੍ਪਮਾਨੋ’’ਤਿ।

    55. Evaṃ vutte kira brāhmaṇo cintesi – ‘‘samaṇo gotamo sabbaññutaṃ paṭijānāti, ajjāpi ca araññavāsaṃ na vijahati, atthi nu khvassa aññampi kiñci karaṇīya’’nti. Athassa bhagavā ajjhāsayaṃ viditvā iminā ajjhāsayānusandhinā, siyā kho pana tetiādimāha. Tattha siyā kho pana te, brāhmaṇa, evamassāti, brāhmaṇa, kadāci tuyhaṃ evaṃ bhaveyya. Na kho panetaṃ brāhmaṇa evaṃ daṭṭhabbanti etaṃ kho pana, brāhmaṇa, tayā mayhaṃ pantasenāsanapaṭisevanaṃ avītarāgāditāyāti evaṃ na daṭṭhabbaṃ. Evaṃ pantasenāsanapaṭisevane akāraṇaṃ paṭikkhipitvā kāraṇaṃ dassento dve kho ahantiādimāha. Tattha atthoyeva atthavaso. Tasmā dve kho ahaṃ, brāhmaṇa, atthavaseti ahaṃ kho, brāhmaṇa, dve atthe dve kāraṇāni sampassamānoti vuttaṃ hoti. Attano ca diṭṭhadhammasukhavihāranti ettha diṭṭhadhammo nāma ayaṃ paccakkho attabhāvo. Sukhavihāro nāma catunnampi iriyāpathavihārānaṃ phāsutā, ekakassa hi araññe antamaso uccārapassāvakiccaṃ upādāya sabbeva iriyāpathā phāsukā honti, tasmā diṭṭhadhammassa sukhavihāranti ayamattho veditabbo. Pacchimañca janataṃ anukampamānoti kathaṃ araññavāsena pacchimā janatā anukampitā hoti? Saddhāpabbajitā hi kulaputtā bhagavato araññavāsaṃ disvā bhagavāpi nāma araññasenāsanāni na muñcati, yassa nevatthi pariññātabbaṃ na pahātabbaṃ na bhāvetabbaṃ na sacchikātabbaṃ, kimaṅgaṃ pana mayanti cintetvā tattha vasitabbameva maññissanti. Evaṃ khippameva dukkhassantakarā bhavissanti. Evaṃ pacchimā janatā anukampitā hoti. Etamatthaṃ dassento āha ‘‘pacchimañca janataṃ anukampamāno’’ti.

    ਅਰਞ੍ਞવਾਸਕਾਰਣવਣ੍ਣਨਾ ਨਿਟ੍ਠਿਤਾ।

    Araññavāsakāraṇavaṇṇanā niṭṭhitā.

    ਦੇਸਨਾਨੁਮੋਦਨਾવਣ੍ਣਨਾ

    Desanānumodanāvaṇṇanā

    ੫੬. ਤਂ ਸੁਤ੍વਾ ਅਤ੍ਤਮਨੋ ਬ੍ਰਾਹ੍ਮਣੋ ਅਨੁਕਮ੍ਪਿਤਰੂਪਾਤਿਆਦਿਮਾਹ। ਤਤ੍ਥ ਅਨੁਕਮ੍ਪਿਤਰੂਪਾਤਿ ਅਨੁਕਮ੍ਪਿਤਜਾਤਿਕਾ ਅਨੁਕਮ੍ਪਿਤਸਭਾવਾ। ਜਨਤਾਤਿ ਜਨਸਮੂਹੋ। ਯਥਾ ਤਂ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨਾਤਿ ਯਥਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਨੁਕਮ੍ਪੇਯ੍ਯ, ਤਥੇવ ਅਨੁਕਮ੍ਪਿਤਰੂਪਾਤਿ।

    56. Taṃ sutvā attamano brāhmaṇo anukampitarūpātiādimāha. Tattha anukampitarūpāti anukampitajātikā anukampitasabhāvā. Janatāti janasamūho. Yathā taṃ arahatā sammāsambuddhenāti yathā arahaṃ sammāsambuddho anukampeyya, tatheva anukampitarūpāti.

    ਏવਞ੍ਚ ਪਨ વਤ੍વਾ ਪੁਨ ਤਂ ਭਗવਤੋ ਧਮ੍ਮਦੇਸਨਂ ਅਬ੍ਭਨੁਮੋਦਮਾਨੋ ਭਗવਨ੍ਤਂ ਏਤਦવੋਚ ਅਭਿਕ੍ਕਨ੍ਤਂ, ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮਾਤਿ। ਤਤ੍ਥਾਯਂ ਅਭਿਕ੍ਕਨ੍ਤਸਦ੍ਦੋ ਖਯਸੁਨ੍ਦਰਾਭਿਰੂਪਅਬ੍ਭਨੁਮੋਦਨੇਸੁ ਦਿਸ੍ਸਤਿ। ‘‘ਅਭਿਕ੍ਕਨ੍ਤਾ, ਭਨ੍ਤੇ, ਰਤ੍ਤਿ, ਨਿਕ੍ਖਨ੍ਤੋ ਪਠਮੋ ਯਾਮੋ, ਚਿਰਨਿਸਿਨ੍ਨੋ ਭਿਕ੍ਖੁਸਙ੍ਘੋ’’ਤਿਆਦੀਸੁ (ਚੂਲ਼વ॰ ੩੮੩; ਅ॰ ਨਿ॰ ੮.੨੦) ਹਿ ਖਯੇ ਦਿਸ੍ਸਤਿ। ‘‘ਅਯਂ ਇਮੇਸਂ ਚਤੁਨ੍ਨਂ ਪੁਗ੍ਗਲਾਨਂ ਅਭਿਕ੍ਕਨ੍ਤਤਰੋ ਚ ਪਣੀਤਤਰੋ ਚਾ’’ਤਿਆਦੀਸੁ (ਅ॰ ਨਿ॰ ੪.੧੦੦) ਸੁਨ੍ਦਰੇ।

    Evañca pana vatvā puna taṃ bhagavato dhammadesanaṃ abbhanumodamāno bhagavantaṃ etadavoca abhikkantaṃ, bho gotama, abhikkantaṃ, bho gotamāti. Tatthāyaṃ abhikkantasaddo khayasundarābhirūpaabbhanumodanesu dissati. ‘‘Abhikkantā, bhante, ratti, nikkhanto paṭhamo yāmo, ciranisinno bhikkhusaṅgho’’tiādīsu (cūḷava. 383; a. ni. 8.20) hi khaye dissati. ‘‘Ayaṃ imesaṃ catunnaṃ puggalānaṃ abhikkantataro ca paṇītataro cā’’tiādīsu (a. ni. 4.100) sundare.

    ‘‘ਕੋ ਮੇ વਨ੍ਦਤਿ ਪਾਦਾਨਿ, ਇਦ੍ਧਿਯਾ ਯਸਸਾ ਜਲਂ।

    ‘‘Ko me vandati pādāni, iddhiyā yasasā jalaṃ;

    ਅਭਿਕ੍ਕਨ੍ਤੇਨ વਣ੍ਣੇਨ, ਸਬ੍ਬਾ ਓਭਾਸਯਂ ਦਿਸਾ’’ਤਿ॥ –

    Abhikkantena vaṇṇena, sabbā obhāsayaṃ disā’’ti. –

    ਆਦੀਸੁ (વਿ॰ વ॰ ੮੫੭) ਅਭਿਰੂਪੇ। ‘‘ਅਭਿਕ੍ਕਨ੍ਤਂ, ਭਨ੍ਤੇ’’ਤਿਆਦੀਸੁ (ਦੀ॰ ਨਿ॰ ੧.੨੫੦; ਪਾਰਾ॰ ੧੫) ਅਬ੍ਭਨੁਮੋਦਨੇ । ਇਧਾਪਿ ਅਬ੍ਭਨੁਮੋਦਨੇਯੇવ। ਯਸ੍ਮਾ ਚ ਅਬ੍ਭਨੁਮੋਦਨੇ, ਤਸ੍ਮਾ ਸਾਧੁ ਸਾਧੁ ਭੋ, ਗੋਤਮਾਤਿ વੁਤ੍ਤਂ ਹੋਤੀਤਿ વੇਦਿਤਬ੍ਬਂ।

    Ādīsu (vi. va. 857) abhirūpe. ‘‘Abhikkantaṃ, bhante’’tiādīsu (dī. ni. 1.250; pārā. 15) abbhanumodane . Idhāpi abbhanumodaneyeva. Yasmā ca abbhanumodane, tasmā sādhu sādhu bho, gotamāti vuttaṃ hotīti veditabbaṃ.

    ‘‘ਭਯੇ ਕੋਧੇ ਪਸਂਸਾਯਂ, ਤੁਰਿਤੇ ਕੋਤੂਹਲਚ੍ਛਰੇ।

    ‘‘Bhaye kodhe pasaṃsāyaṃ, turite kotūhalacchare;

    ਹਾਸੇ ਸੋਕੇ ਪਸਾਦੇ ਚ, ਕਰੇ ਆਮੇਡਿਤਂ ਬੁਧੋ’’ਤਿ॥ –

    Hāse soke pasāde ca, kare āmeḍitaṃ budho’’ti. –

    ਇਮਿਨਾ ਚ ਲਕ੍ਖਣੇਨ ਇਧ ਪਸਾਦવਸੇਨ ਪਸਂਸਾવਸੇਨ ਚਾਯਂ ਦ੍વਿਕ੍ਖਤ੍ਤੁਂ વੁਤ੍ਤੋਤਿ વੇਦਿਤਬ੍ਬੋ। ਅਥ વਾ ਅਭਿਕ੍ਕਨ੍ਤਨ੍ਤਿ ਅਭਿਕਨ੍ਤਂ। ਅਤਿਇਟ੍ਠਂ ਅਤਿਮਨਾਪਂ, ਅਤਿਸੁਨ੍ਦਰਨ੍ਤਿ વੁਤ੍ਤਂ ਹੋਤਿ।

    Iminā ca lakkhaṇena idha pasādavasena pasaṃsāvasena cāyaṃ dvikkhattuṃ vuttoti veditabbo. Atha vā abhikkantanti abhikantaṃ. Atiiṭṭhaṃ atimanāpaṃ, atisundaranti vuttaṃ hoti.

    ਤਤ੍ਥ ਏਕੇਨ ਅਭਿਕ੍ਕਨ੍ਤਸਦ੍ਦੇਨ ਦੇਸਨਂ ਥੋਮੇਤਿ, ਏਕੇਨ ਅਤ੍ਤਨੋ ਪਸਾਦਂ। ਅਯਞ੍ਹੇਤ੍ਥ ਅਧਿਪ੍ਪਾਯੋ – ਅਭਿਕ੍ਕਨ੍ਤਂ, ਭੋ ਗੋਤਮ, ਯਦਿਦਂ ਭੋਤੋ ਗੋਤਮਸ੍ਸ ਧਮ੍ਮਦੇਸਨਾ, ਅਭਿਕ੍ਕਨ੍ਤਂ ਯਦਿਦਂ ਭੋਤੋ ਗੋਤਮਸ੍ਸ ਧਮ੍ਮਦੇਸਨਂ ਆਗਮ੍ਮ ਮਮ ਪਸਾਦੋਤਿ। ਭਗવਤੋਯੇવ વਾ વਚਨਂ ਦ੍વੇ ਦ੍વੇ ਅਤ੍ਥੇ ਸਨ੍ਧਾਯ ਥੋਮੇਤਿ – ਭੋਤੋ ਗੋਤਮਸ੍ਸ વਚਨਂ ਅਭਿਕ੍ਕਨ੍ਤਂ ਦੋਸਨਾਸਨਤੋ, ਅਭਿਕ੍ਕਨ੍ਤਂ ਗੁਣਾਧਿਗਮਨਤੋ, ਤਥਾ ਸਦ੍ਧਾਜਨਨਤੋ, ਪਞ੍ਞਾਜਨਨਤੋ, ਸਾਤ੍ਥਤੋ, ਸਬ੍ਯਞ੍ਜਨਤੋ, ਉਤ੍ਤਾਨਪਦਤੋ, ਗਮ੍ਭੀਰਤ੍ਥਤੋ, ਕਣ੍ਣਸੁਖਤੋ, ਹਦਯਙ੍ਗਮਤੋ, ਅਨਤ੍ਤੁਕ੍ਕਂਸਨਤੋ, ਅਪਰવਮ੍ਭਨਤੋ, ਕਰੁਣਾਸੀਤਲਤੋ, ਪਞ੍ਞਾવਦਾਤਤੋ, ਆਪਾਥਰਮਣੀਯਤੋ, વਿਮਦ੍ਦਕ੍ਖਮਤੋ, ਸੁਯ੍ਯਮਾਨਸੁਖਤੋ, વੀਮਂਸੀਯਮਾਨਹਿਤਤੋਤਿ ਏવਮਾਦੀਹਿ ਯੋਜੇਤਬ੍ਬਂ।

    Tattha ekena abhikkantasaddena desanaṃ thometi, ekena attano pasādaṃ. Ayañhettha adhippāyo – abhikkantaṃ, bho gotama, yadidaṃ bhoto gotamassa dhammadesanā, abhikkantaṃ yadidaṃ bhoto gotamassa dhammadesanaṃ āgamma mama pasādoti. Bhagavatoyeva vā vacanaṃ dve dve atthe sandhāya thometi – bhoto gotamassa vacanaṃ abhikkantaṃ dosanāsanato, abhikkantaṃ guṇādhigamanato, tathā saddhājananato, paññājananato, sātthato, sabyañjanato, uttānapadato, gambhīratthato, kaṇṇasukhato, hadayaṅgamato, anattukkaṃsanato, aparavambhanato, karuṇāsītalato, paññāvadātato, āpātharamaṇīyato, vimaddakkhamato, suyyamānasukhato, vīmaṃsīyamānahitatoti evamādīhi yojetabbaṃ.

    ਤਤੋ ਪਰਮ੍ਪਿ ਚਤੂਹਿ ਉਪਮਾਹਿ ਦੇਸਨਂਯੇવ ਥੋਮੇਤਿ। ਤਤ੍ਥ ਨਿਕ੍ਕੁਜ੍ਜਿਤਨ੍ਤਿ ਅਧੋਮੁਖਠਪਿਤਂ, ਹੇਟ੍ਠਾਮੁਖਜਾਤਂ વਾ। ਉਕ੍ਕੁਜ੍ਜੇਯ੍ਯਾਤਿ ਉਪਰਿ ਮੁਖਂ ਕਰੇਯ੍ਯ। ਪਟਿਚ੍ਛਨ੍ਨਨ੍ਤਿ ਤਿਣਪਣ੍ਣਾਦਿਚ੍ਛਾਦਿਤਂ। વਿવਰੇਯ੍ਯਾਤਿ ਉਗ੍ਘਾਟੇਯ੍ਯ। ਮੂਲ਼੍ਹਸ੍ਸਾਤਿ ਦਿਸਾਮੂਲ਼੍ਹਸ੍ਸ। ਮਗ੍ਗਂ ਆਚਿਕ੍ਖੇਯ੍ਯਾਤਿ ਹਤ੍ਥੇ ਗਹੇਤ੍વਾ ‘‘ਏਸ ਮਗ੍ਗੋ’’ਤਿ વਦੇਯ੍ਯ। ਅਨ੍ਧਕਾਰੇਤਿ ਕਾਲ਼ਪਕ੍ਖਚਾਤੁਦ੍ਦਸੀਅਡ੍ਢਰਤ੍ਤਘਨવਨਸਣ੍ਡਮੇਘਪਟਲੇਹਿ ਚਤੁਰਙ੍ਗੇ ਤਮੇ, ਅਯਂ ਤਾવ ਅਨੁਤ੍ਤਾਨਪਦਤ੍ਥੋ।

    Tato parampi catūhi upamāhi desanaṃyeva thometi. Tattha nikkujjitanti adhomukhaṭhapitaṃ, heṭṭhāmukhajātaṃ vā. Ukkujjeyyāti upari mukhaṃ kareyya. Paṭicchannanti tiṇapaṇṇādicchāditaṃ. Vivareyyāti ugghāṭeyya. Mūḷhassāti disāmūḷhassa. Maggaṃ ācikkheyyāti hatthe gahetvā ‘‘esa maggo’’ti vadeyya. Andhakāreti kāḷapakkhacātuddasīaḍḍharattaghanavanasaṇḍameghapaṭalehi caturaṅge tame, ayaṃ tāva anuttānapadattho.

    ਅਯਂ ਪਨ ਅਧਿਪ੍ਪਾਯਯੋਜਨਾ – ਯਥਾ ਕੋਚਿ ਨਿਕ੍ਕੁਜ੍ਜਿਤਂ ਉਕ੍ਕੁਜ੍ਜੇਯ੍ਯ, ਏવਂ ਸਦ੍ਧਮ੍ਮવਿਮੁਖਂ ਅਸਦ੍ਧਮ੍ਮੇ ਪਤਿਤਂ ਮਂ ਅਸਦ੍ਧਮ੍ਮਾ વੁਟ੍ਠਾਪੇਨ੍ਤੇਨ, ਯਥਾ ਪਟਿਚ੍ਛਨ੍ਨਂ વਿવਰੇਯ੍ਯ । ਏવਂ ਕਸ੍ਸਪਸ੍ਸ ਭਗવਤੋ ਸਾਸਨਨ੍ਤਰਧਾਨਤੋ ਪਭੁਤਿ ਮਿਚ੍ਛਾਦਿਟ੍ਠਿਗਹਨਪਟਿਚ੍ਛਨ੍ਨਂ ਸਾਸਨਂ વਿવਰਨ੍ਤੇਨ, ਯਥਾ ਮੂਲ਼੍ਹਸ੍ਸ ਮਗ੍ਗਂ ਆਚਿਕ੍ਖੇਯ੍ਯ, ਏવਂ ਕੁਮ੍ਮਗ੍ਗਮਿਚ੍ਛਾਮਗ੍ਗਪ੍ਪਟਿਪਨ੍ਨਸ੍ਸ ਮੇ ਸਗ੍ਗਮੋਕ੍ਖਮਗ੍ਗਂ ਆਚਿਕ੍ਖਨ੍ਤੇਨ, ਯਥਾ ਅਨ੍ਧਕਾਰੇ ਤੇਲਪਜ੍ਜੋਤਂ ਧਾਰੇਯ੍ਯ, ਏવਂ ਮੋਹਨ੍ਧਕਾਰੇ ਨਿਮੁਗ੍ਗਸ੍ਸ ਮੇ ਬੁਦ੍ਧਾਦਿਰਤਨਰੂਪਾਨਿ ਅਪਸ੍ਸਤੋ ਤਪ੍ਪਟਿਚ੍ਛਾਦਕਮੋਹਨ੍ਧਕਾਰવਿਦ੍ਧਂਸਕਦੇਸਨਾਪਜ੍ਜੋਤਧਾਰਣੇਨ ਮਯ੍ਹਂ ਭੋਤਾ ਗੋਤਮੇਨ ਏਤੇਹਿ ਪਰਿਯਾਯੇਹਿ ਪਕਾਸਿਤਤ੍ਤਾ ਅਨੇਕਪਰਿਯਾਯੇਨ ਧਮ੍ਮੋ ਪਕਾਸਿਤੋਤਿ।

    Ayaṃ pana adhippāyayojanā – yathā koci nikkujjitaṃ ukkujjeyya, evaṃ saddhammavimukhaṃ asaddhamme patitaṃ maṃ asaddhammā vuṭṭhāpentena, yathā paṭicchannaṃ vivareyya . Evaṃ kassapassa bhagavato sāsanantaradhānato pabhuti micchādiṭṭhigahanapaṭicchannaṃ sāsanaṃ vivarantena, yathā mūḷhassa maggaṃ ācikkheyya, evaṃ kummaggamicchāmaggappaṭipannassa me saggamokkhamaggaṃ ācikkhantena, yathā andhakāre telapajjotaṃ dhāreyya, evaṃ mohandhakāre nimuggassa me buddhādiratanarūpāni apassato tappaṭicchādakamohandhakāraviddhaṃsakadesanāpajjotadhāraṇena mayhaṃ bhotā gotamena etehi pariyāyehi pakāsitattā anekapariyāyena dhammo pakāsitoti.

    ਦੇਸਨਾਨੁਮੋਦਨਾવਣ੍ਣਨਾ ਨਿਟ੍ਠਿਤਾ।

    Desanānumodanāvaṇṇanā niṭṭhitā.

    ਪਸਨ੍ਨਾਕਾਰવਣ੍ਣਨਾ

    Pasannākāravaṇṇanā

    ਏવਂ ਦੇਸਨਂ ਥੋਮੇਤ੍વਾ ਇਮਾਯ ਦੇਸਨਾਯ ਰਤਨਤ੍ਤਯਪਸਨ੍ਨਚਿਤ੍ਤੋ ਪਸਨ੍ਨਾਕਾਰਂ ਕਰੋਨ੍ਤੋ ਏਸਾਹਨ੍ਤਿਆਦਿਮਾਹ। ਤਤ੍ਥ ਏਸਾਹਨ੍ਤਿ ਏਸੋ ਅਹਂ। ਭવਨ੍ਤਂ ਗੋਤਮਂ ਸਰਣਂ ਗਚ੍ਛਾਮੀਤਿ ਭવਂ ਮੇ ਗੋਤਮੋ ਸਰਣਂ ਪਰਾਯਣਂ, ਅਘਸ੍ਸ ਤਾਤਾ , ਹਿਤਸ੍ਸ ਚ વਿਧਾਤਾਤਿ ਇਮਿਨਾ ਅਧਿਪ੍ਪਾਯੇਨ ਭવਨ੍ਤਂ ਗੋਤਮਂ ਗਚ੍ਛਾਮਿ, ਭਜਾਮਿ, ਸੇવਾਮਿ, ਪਯਿਰੁਪਾਸਾਮਿ, ਏવਂ વਾ ਜਾਨਾਮਿ, ਬੁਜ੍ਝਾਮੀਤਿ। ਯੇਸਞ੍ਹਿ ਧਾਤੂਨਂ ਗਤਿਅਤ੍ਥੋ, ਬੁਦ੍ਧਿਪਿ ਤੇਸਂ ਅਤ੍ਥੋ। ਤਸ੍ਮਾ ਗਚ੍ਛਾਮੀਤਿ ਇਮਸ੍ਸ ਜਾਨਾਮਿ, ਬੁਜ੍ਝਾਮੀਤਿ ਅਯਮਤ੍ਥੋ વੁਤ੍ਤੋ। ਧਮ੍ਮਞ੍ਚ ਭਿਕ੍ਖੁਸਙ੍ਘਞ੍ਚਾਤਿ ਏਤ੍ਥ ਪਨ ਅਧਿਗਤਮਗ੍ਗੇ ਸਚ੍ਛਿਕਤਨਿਰੋਧੇ ਯਥਾਨੁਸਿਟ੍ਠਂ ਪਟਿਪਜ੍ਜਮਾਨੇ ਚ ਅਪਾਯੇਸੁ ਅਪਤਮਾਨੇ ਧਾਰੇਤੀਤਿ ਧਮ੍ਮੋ, ਸੋ ਅਤ੍ਥਤੋ ਅਰਿਯਮਗ੍ਗੋ ਚੇવ ਨਿਬ੍ਬਾਨਞ੍ਚ। વੁਤ੍ਤਞ੍ਹੇਤਂ – ‘‘ਯਾવਤਾ, ਭਿਕ੍ਖવੇ, ਧਮ੍ਮਾ ਸਙ੍ਖਤਾ, ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਤੇਸਂ ਅਗ੍ਗਮਕ੍ਖਾਯਤੀ’’ਤਿ (ਅ॰ ਨਿ॰ ੪.੩੪) વਿਤ੍ਥਾਰੋ। ਨ ਕੇવਲਞ੍ਚ ਅਰਿਯਮਗ੍ਗੋ ਚੇવ ਨਿਬ੍ਬਾਨਞ੍ਚ, ਅਪਿਚ ਖੋ ਅਰਿਯਫਲੇਹਿ ਸਦ੍ਧਿਂ ਪਰਿਯਤ੍ਤਿਧਮ੍ਮੋਪਿ। વੁਤ੍ਤਞ੍ਹੇਤਂ ਛਤ੍ਤਮਾਣવਕવਿਮਾਨੇ –

    Evaṃ desanaṃ thometvā imāya desanāya ratanattayapasannacitto pasannākāraṃ karonto esāhantiādimāha. Tattha esāhanti eso ahaṃ. Bhavantaṃ gotamaṃ saraṇaṃ gacchāmīti bhavaṃ me gotamo saraṇaṃ parāyaṇaṃ, aghassa tātā , hitassa ca vidhātāti iminā adhippāyena bhavantaṃ gotamaṃ gacchāmi, bhajāmi, sevāmi, payirupāsāmi, evaṃ vā jānāmi, bujjhāmīti. Yesañhi dhātūnaṃ gatiattho, buddhipi tesaṃ attho. Tasmā gacchāmīti imassa jānāmi, bujjhāmīti ayamattho vutto. Dhammañca bhikkhusaṅghañcāti ettha pana adhigatamagge sacchikatanirodhe yathānusiṭṭhaṃ paṭipajjamāne ca apāyesu apatamāne dhāretīti dhammo, so atthato ariyamaggo ceva nibbānañca. Vuttañhetaṃ – ‘‘yāvatā, bhikkhave, dhammā saṅkhatā, ariyo aṭṭhaṅgiko maggo tesaṃ aggamakkhāyatī’’ti (a. ni. 4.34) vitthāro. Na kevalañca ariyamaggo ceva nibbānañca, apica kho ariyaphalehi saddhiṃ pariyattidhammopi. Vuttañhetaṃ chattamāṇavakavimāne –

    ‘‘ਰਾਗવਿਰਾਗਮਨੇਜਮਸੋਕਂ, ਧਮ੍ਮਮਸਙ੍ਖਤਮਪ੍ਪਟਿਕੂਲਂ।

    ‘‘Rāgavirāgamanejamasokaṃ, dhammamasaṅkhatamappaṭikūlaṃ;

    ਮਧੁਰਮਿਮਂ ਪਗੁਣਂ ਸੁવਿਭਤ੍ਤਂ, ਧਮ੍ਮਮਿਮਂ ਸਰਣਤ੍ਥਮੁਪੇਹੀ’’ਤਿ॥ (વਿ॰ વ॰ ੮੮੭)।

    Madhuramimaṃ paguṇaṃ suvibhattaṃ, dhammamimaṃ saraṇatthamupehī’’ti. (vi. va. 887);

    ਏਤ੍ਥ ਰਾਗવਿਰਾਗੋਤਿ ਮਗ੍ਗੋ ਕਥਿਤੋ। ਅਨੇਜਮਸੋਕਨ੍ਤਿ ਫਲਂ। ਧਮ੍ਮਮਸਙ੍ਖਤਨ੍ਤਿ ਨਿਬ੍ਬਾਨਂ। ਅਪ੍ਪਟਿਕੂਲਂ ਮਧੁਰਮਿਮਂ ਪਗੁਣਂ ਸੁવਿਭਤ੍ਤਨ੍ਤਿ ਪਿਟਕਤ੍ਤਯੇਨ વਿਭਤ੍ਤਾ ਸਬ੍ਬਧਮ੍ਮਕ੍ਖਨ੍ਧਾਤਿ। ਦਿਟ੍ਠਿਸੀਲਸਙ੍ਘਾਤੇਨ ਸਂਹਤੋਤਿ ਸਙ੍ਘੋ, ਸੋ ਅਤ੍ਥਤੋ ਅਟ੍ਠ ਅਰਿਯਪੁਗ੍ਗਲਸਮੂਹੋ। વੁਤ੍ਤਞ੍ਹੇਤਂ ਤਸ੍ਮਿਂਯੇવ વਿਮਾਨੇ।

    Ettha rāgavirāgoti maggo kathito. Anejamasokanti phalaṃ. Dhammamasaṅkhatanti nibbānaṃ. Appaṭikūlaṃ madhuramimaṃ paguṇaṃ suvibhattanti piṭakattayena vibhattā sabbadhammakkhandhāti. Diṭṭhisīlasaṅghātena saṃhatoti saṅgho, so atthato aṭṭha ariyapuggalasamūho. Vuttañhetaṃ tasmiṃyeva vimāne.

    ‘‘ਯਤ੍ਥ ਚ ਦਿਨ੍ਨਮਹਪ੍ਫਲਮਾਹੁ, ਚਤੂਸੁ ਸੁਚੀਸੁ ਪੁਰਿਸਯੁਗੇਸੁ।

    ‘‘Yattha ca dinnamahapphalamāhu, catūsu sucīsu purisayugesu;

    ਅਟ੍ਠ ਚ ਪੁਗ੍ਗਲ ਧਮ੍ਮਦਸਾ ਤੇ, ਸਙ੍ਘਮਿਮਂ ਸਰਣਤ੍ਥਮੁਪੇਹੀ’’ਤਿ॥ (વਿ॰ વ॰ ੮੮੮)।

    Aṭṭha ca puggala dhammadasā te, saṅghamimaṃ saraṇatthamupehī’’ti. (vi. va. 888);

    ਭਿਕ੍ਖੂਨਂ ਸਙ੍ਘੋ ਭਿਕ੍ਖੁਸਙ੍ਘੋ। ਏਤ੍ਤਾવਤਾ ਬ੍ਰਾਹ੍ਮਣੋ ਤੀਣਿ ਸਰਣਗਮਨਾਨਿ ਪਟਿવੇਦੇਸਿ।

    Bhikkhūnaṃ saṅgho bhikkhusaṅgho. Ettāvatā brāhmaṇo tīṇi saraṇagamanāni paṭivedesi.

    ਪਸਨ੍ਨਾਕਾਰવਣ੍ਣਨਾ ਨਿਟ੍ਠਿਤਾ।

    Pasannākāravaṇṇanā niṭṭhitā.

    ਸਰਣਗਮਨਕਥਾવਣ੍ਣਨਾ

    Saraṇagamanakathāvaṇṇanā

    ਇਦਾਨਿ ਤੇਸੁ ਸਰਣਗਮਨੇਸੁ ਕੋਸਲ੍ਲਤ੍ਥਂ ਸਰਣਂ, ਸਰਣਗਮਨਂ। ਯੋ ਚ ਸਰਣਂ ਗਚ੍ਛਤਿ, ਸਰਣਗਮਨਪ੍ਪਭੇਦੋ , ਸਰਣਗਮਨਸ੍ਸ ਫਲਂ, ਸਂਕਿਲੇਸੋ, ਭੇਦੋਤਿ ਅਯਂ વਿਧਿ વੇਦਿਤਬ੍ਬੋ। ਸੇਯ੍ਯਥਿਦਂ – ਪਦਤ੍ਥਤੋ ਤਾવ ਹਿਂਸਤੀਤਿ ਸਰਣਂ, ਸਰਣਗਤਾਨਂ ਤੇਨੇવ ਸਰਣਗਮਨੇਨ ਭਯਂ ਸਨ੍ਤਾਸਂ ਦੁਕ੍ਖਂ ਦੁਗ੍ਗਤਿਪਰਿਕਿਲੇਸਂ ਹਨਤਿ વਿਨਾਸੇਤੀਤਿ ਅਤ੍ਥੋ, ਰਤਨਤ੍ਤਯਸ੍ਸੇવੇਤਂ ਅਧਿવਚਨਂ।

    Idāni tesu saraṇagamanesu kosallatthaṃ saraṇaṃ, saraṇagamanaṃ. Yo ca saraṇaṃ gacchati, saraṇagamanappabhedo , saraṇagamanassa phalaṃ, saṃkileso, bhedoti ayaṃ vidhi veditabbo. Seyyathidaṃ – padatthato tāva hiṃsatīti saraṇaṃ, saraṇagatānaṃ teneva saraṇagamanena bhayaṃ santāsaṃ dukkhaṃ duggatiparikilesaṃ hanati vināsetīti attho, ratanattayassevetaṃ adhivacanaṃ.

    ਅਥ વਾ ਹਿਤੇ ਪવਤ੍ਤਨੇਨ ਅਹਿਤਾ ਚ ਨਿવਤ੍ਤਨੇਨ ਸਤ੍ਤਾਨਂ ਭਯਂ ਹਿਂਸਤਿ ਬੁਦ੍ਧੋ। ਭવਕਨ੍ਤਾਰਾ ਉਤ੍ਤਾਰਣੇਨ ਅਸ੍ਸਾਸਦਾਨੇਨ ਚ ਧਮ੍ਮੋ। ਅਪ੍ਪਕਾਨਮ੍ਪਿ ਕਾਰਾਨਂ વਿਪੁਲਫਲਪਟਿਲਾਭਕਰਣੇਨ ਸਙ੍ਘੋ। ਤਸ੍ਮਾ ਇਮਿਨਾਪਿ ਪਰਿਯਾਯੇਨ ਰਤਨਤ੍ਤਯਂ ਸਰਣਂ। ਤਪ੍ਪਸਾਦਤਗ੍ਗਰੁਤਾਹਿ વਿਹਤਕਿਲੇਸੋ ਤਪ੍ਪਰਾਯਣਤਾਕਾਰਪ੍ਪવਤ੍ਤੋ ਚਿਤ੍ਤੁਪ੍ਪਾਦੋ ਸਰਣਗਮਨਂ। ਤਂਸਮਙ੍ਗਿਸਤ੍ਤੋ ਸਰਣਂ ਗਚ੍ਛਤਿ, વੁਤ੍ਤਪ੍ਪਕਾਰੇਨ ਚਿਤ੍ਤੁਪ੍ਪਾਦੇਨ ਏਤਾਨਿ ਮੇ ਤੀਣਿ ਸਰਣਾਨਿ ਸਰਣਂ, ਏਤਾਨਿ ਪਰਾਯਣਨ੍ਤਿ ਏવਂ ਉਪੇਤੀਤਿ ਅਤ੍ਥੋ। ਏવਂ ਤਾવ ਸਰਣਂ ਸਰਣਗਮਨਂ ਯੋ ਚ ਸਰਣਂ ਗਚ੍ਛਤੀਤਿ ਇਦਂ ਤਯਂ વੇਦਿਤਬ੍ਬਂ।

    Atha vā hite pavattanena ahitā ca nivattanena sattānaṃ bhayaṃ hiṃsati buddho. Bhavakantārā uttāraṇena assāsadānena ca dhammo. Appakānampi kārānaṃ vipulaphalapaṭilābhakaraṇena saṅgho. Tasmā imināpi pariyāyena ratanattayaṃ saraṇaṃ. Tappasādataggarutāhi vihatakileso tapparāyaṇatākārappavatto cittuppādo saraṇagamanaṃ. Taṃsamaṅgisatto saraṇaṃ gacchati, vuttappakārena cittuppādena etāni me tīṇi saraṇāni saraṇaṃ, etāni parāyaṇanti evaṃ upetīti attho. Evaṃ tāva saraṇaṃ saraṇagamanaṃ yo ca saraṇaṃ gacchatīti idaṃ tayaṃ veditabbaṃ.

    ਸਰਣਗਮਨਪ੍ਪਭੇਦੇ ਪਨ ਦੁવਿਧਂ ਸਰਣਗਮਨਂ ਲੋਕੁਤ੍ਤਰਂ ਲੋਕਿਯਞ੍ਚ। ਤਤ੍ਥ ਲੋਕੁਤ੍ਤਰਂ ਦਿਟ੍ਠਸਚ੍ਚਾਨਂ ਮਗ੍ਗਕ੍ਖਣੇ ਸਰਣਗਮਨੁਪਕ੍ਕਿਲੇਸਸਮੁਚ੍ਛੇਦੇਨ ਆਰਮ੍ਮਣਤੋ ਨਿਬ੍ਬਾਨਾਰਮ੍ਮਣਂ ਹੁਤ੍વਾ ਕਿਚ੍ਚਤੋ ਸਕਲੇਪਿ ਰਤਨਤ੍ਤਯੇ ਇਜ੍ਝਤਿ। ਲੋਕਿਯਂ ਪੁਥੁਜ੍ਜਨਾਨਂ ਸਰਣਗਮਨੁਪਕ੍ਕਿਲੇਸવਿਕ੍ਖਮ੍ਭਨੇਨ ਆਰਮ੍ਮਣਤੋ ਬੁਦ੍ਧਾਦਿਗੁਣਾਰਮ੍ਮਣਂ ਹੁਤ੍વਾ ਇਜ੍ਝਤਿ, ਤਂ ਅਤ੍ਥਤੋ ਬੁਦ੍ਧਾਦੀਸੁ વਤ੍ਥੂਸੁ ਸਦ੍ਧਾਪਟਿਲਾਭੋ, ਸਦ੍ਧਾਮੂਲਿਕਾ ਚ ਸਮ੍ਮਾਦਿਟ੍ਠਿ ਦਸਸੁ ਪੁਞ੍ਞਕਿਰਿਯવਤ੍ਥੂਸੁ ਦਿਟ੍ਠਿਜੁਕਮ੍ਮਨ੍ਤਿ વੁਚ੍ਚਤਿ।

    Saraṇagamanappabhede pana duvidhaṃ saraṇagamanaṃ lokuttaraṃ lokiyañca. Tattha lokuttaraṃ diṭṭhasaccānaṃ maggakkhaṇe saraṇagamanupakkilesasamucchedena ārammaṇato nibbānārammaṇaṃ hutvā kiccato sakalepi ratanattaye ijjhati. Lokiyaṃ puthujjanānaṃ saraṇagamanupakkilesavikkhambhanena ārammaṇato buddhādiguṇārammaṇaṃ hutvā ijjhati, taṃ atthato buddhādīsu vatthūsu saddhāpaṭilābho, saddhāmūlikā ca sammādiṭṭhi dasasu puññakiriyavatthūsu diṭṭhijukammanti vuccati.

    ਤਯਿਦਂ ਚਤੁਧਾ ਪવਤ੍ਤਤਿ ਅਤ੍ਤਸਨ੍ਨਿਯ੍ਯਾਤਨੇਨ ਤਪ੍ਪਰਾਯਣਤਾਯ ਸਿਸ੍ਸਭਾવੂਪਗਮਨੇਨ ਪਣਿਪਾਤੇਨਾਤਿ। ਤਤ੍ਥ ਅਤ੍ਤਸਨ੍ਨਿਯ੍ਯਾਤਨਂ ਨਾਮ ‘‘ਅਜ੍ਜ ਆਦਿਂ ਕਤ੍વਾ ਅਹਂ ਅਤ੍ਤਾਨਂ ਬੁਦ੍ਧਸ੍ਸ ਨਿਯ੍ਯਾਤੇਮਿ, ਧਮ੍ਮਸ੍ਸ, ਸਙ੍ਘਸ੍ਸਾ’’ਤਿ ਏવਂ ਬੁਦ੍ਧਾਦੀਨਂ ਅਤ੍ਤਪਰਿਚ੍ਚਜਨਂ। ਤਪ੍ਪਰਾਯਣਤਾ ਨਾਮ ‘‘ਅਜ੍ਜ ਆਦਿਂ ਕਤ੍વਾ ਅਹਂ ਬੁਦ੍ਧਪਰਾਯਣੋ, ਧਮ੍ਮਪਰਾਯਣੋ, ਸਙ੍ਘਪਰਾਯਣੋ ਇਤਿ ਮਂ ਧਾਰੇਥਾ’’ਤਿ ਏવਂ ਤਪ੍ਪਰਾਯਣਭਾવੋ। ਸਿਸ੍ਸਭਾવੂਪਗਮਨਂ ਨਾਮ ‘‘ਅਜ੍ਜ ਆਦਿਂ ਕਤ੍વਾ ਅਹਂ ਬੁਦ੍ਧਸ੍ਸ ਅਨ੍ਤੇવਾਸਿਕੋ, ਧਮ੍ਮਸ੍ਸ, ਸਙ੍ਘਸ੍ਸਾਤਿ ਮਂ ਧਾਰੇਥਾ’’ਤਿ ਏવਂ ਸਿਸ੍ਸਭਾવੂਪਗਮੋ। ਪਣਿਪਾਤੋ ਨਾਮ ‘‘ਅਜ੍ਜ ਆਦਿਂ ਕਤ੍વਾ ਅਹਂ ਅਭਿવਾਦਨਪਚ੍ਚੁਟ੍ਠਾਨਅਞ੍ਜਲਿਕਮ੍ਮਸਾਮੀਚਿਕਮ੍ਮਂ ਬੁਦ੍ਧਾਦੀਨਂਯੇવ ਤਿਣ੍ਣਂ વਤ੍ਥੂਨਂ ਕਰੋਮਿ, ਇਤਿ ਮਂ ਧਾਰੇਥਾ’’ਤਿ ਏવਂ ਬੁਦ੍ਧਾਦੀਸੁ ਪਰਮਨਿਪਚ੍ਚਕਾਰੋ। ਇਮੇਸਞ੍ਹਿ ਚਤੁਨ੍ਨਂ ਆਕਾਰਾਨਂ ਅਞ੍ਞਤਰਮ੍ਪਿ ਕਰੋਨ੍ਤੇਨ ਗਹਿਤਂਯੇવ ਹੋਤਿ ਸਰਣਗਮਨਂ।

    Tayidaṃ catudhā pavattati attasanniyyātanena tapparāyaṇatāya sissabhāvūpagamanena paṇipātenāti. Tattha attasanniyyātanaṃ nāma ‘‘ajja ādiṃ katvā ahaṃ attānaṃ buddhassa niyyātemi, dhammassa, saṅghassā’’ti evaṃ buddhādīnaṃ attapariccajanaṃ. Tapparāyaṇatā nāma ‘‘ajja ādiṃ katvā ahaṃ buddhaparāyaṇo, dhammaparāyaṇo, saṅghaparāyaṇo iti maṃ dhārethā’’ti evaṃ tapparāyaṇabhāvo. Sissabhāvūpagamanaṃ nāma ‘‘ajja ādiṃ katvā ahaṃ buddhassa antevāsiko, dhammassa, saṅghassāti maṃ dhārethā’’ti evaṃ sissabhāvūpagamo. Paṇipāto nāma ‘‘ajja ādiṃ katvā ahaṃ abhivādanapaccuṭṭhānaañjalikammasāmīcikammaṃ buddhādīnaṃyeva tiṇṇaṃ vatthūnaṃ karomi, iti maṃ dhārethā’’ti evaṃ buddhādīsu paramanipaccakāro. Imesañhi catunnaṃ ākārānaṃ aññatarampi karontena gahitaṃyeva hoti saraṇagamanaṃ.

    ਅਪਿਚ ਭਗવਤੋ ਅਤ੍ਤਾਨਂ ਪਰਿਚ੍ਚਜਾਮਿ, ਧਮ੍ਮਸ੍ਸ, ਸਙ੍ਘਸ੍ਸ ਅਤ੍ਤਾਨਂ ਪਰਿਚ੍ਚਜਾਮਿ। ਜੀવਿਤਂ ਪਰਿਚ੍ਚਜਾਮਿ, ਪਰਿਚ੍ਚਤ੍ਤੋਯੇવ ਮੇ ਅਤ੍ਤਾ, ਪਰਿਚ੍ਚਤ੍ਤਂਯੇવ ਮੇ ਜੀવਿਤਂ, ਜੀવਿਤਪਰਿਯਨ੍ਤਿਕਂ ਬੁਦ੍ਧਂ ਸਰਣਂ ਗਚ੍ਛਾਮਿ, ਬੁਦ੍ਧੋ ਮੇ ਸਰਣਂ ਲੇਣਂ ਤਾਣਨ੍ਤਿ ਏવਮ੍ਪਿ ਅਤ੍ਤਸਨ੍ਨਿਯ੍ਯਾਤਨਂ વੇਦਿਤਬ੍ਬਂ। ‘‘ਸਤ੍ਥਾਰਞ੍ਚ વਤਾਹਂ ਪਸ੍ਸੇਯ੍ਯਂ ਭਗવਨ੍ਤਮੇવ ਪਸ੍ਸੇਯ੍ਯਂ, ਸੁਗਤਞ੍ਚ વਤਾਹਂ ਪਸ੍ਸੇਯ੍ਯਂ ਭਗવਨ੍ਤਮੇવ ਪਸ੍ਸੇਯ੍ਯਂ, ਸਮ੍ਮਾਸਮ੍ਬੁਦ੍ਧਞ੍ਚ વਤਾਹਂ ਪਸ੍ਸੇਯ੍ਯਂ ਭਗવਨ੍ਤਮੇવ ਪਸ੍ਸੇਯ੍ਯ’’ਨ੍ਤਿ (ਸਂ॰ ਨਿ॰ ੨.੧੫੪) ਏવਮ੍ਪਿ ਮਹਾਕਸ੍ਸਪਸ੍ਸ ਸਰਣਗਮਨਂ વਿਯ ਸਿਸ੍ਸਭਾવੂਪਗਮਨਂ ਦਟ੍ਠਬ੍ਬਂ।

    Apica bhagavato attānaṃ pariccajāmi, dhammassa, saṅghassa attānaṃ pariccajāmi. Jīvitaṃ pariccajāmi, pariccattoyeva me attā, pariccattaṃyeva me jīvitaṃ, jīvitapariyantikaṃ buddhaṃ saraṇaṃ gacchāmi, buddho me saraṇaṃ leṇaṃ tāṇanti evampi attasanniyyātanaṃ veditabbaṃ. ‘‘Satthārañca vatāhaṃ passeyyaṃ bhagavantameva passeyyaṃ, sugatañca vatāhaṃ passeyyaṃ bhagavantameva passeyyaṃ, sammāsambuddhañca vatāhaṃ passeyyaṃ bhagavantameva passeyya’’nti (saṃ. ni. 2.154) evampi mahākassapassa saraṇagamanaṃ viya sissabhāvūpagamanaṃ daṭṭhabbaṃ.

    ‘‘ਸੋ ਅਹਂ વਿਚਰਿਸ੍ਸਾਮਿ, ਗਾਮਾ ਗਾਮਂ ਪੁਰਾ ਪੁਰਂ।

    ‘‘So ahaṃ vicarissāmi, gāmā gāmaṃ purā puraṃ;

    ਨਮਸ੍ਸਮਾਨੋ ਸਮ੍ਬੁਦ੍ਧਂ, ਧਮ੍ਮਸ੍ਸ ਚ ਸੁਧਮ੍ਮਤ’’ਨ੍ਤਿ॥ (ਸੁ॰ ਨਿ॰ ੧੯੪; ਸਂ॰ ਨਿ॰ ੧.੨੪੬) –

    Namassamāno sambuddhaṃ, dhammassa ca sudhammata’’nti. (su. ni. 194; saṃ. ni. 1.246) –

    ਏવਮ੍ਪਿ ਆਲ਼વਕਾਦੀਨਂ ਸਰਣਗਮਨਂ વਿਯ ਤਪ੍ਪਰਾਯਣਤਾ વੇਦਿਤਬ੍ਬਾ। ‘‘ਅਥ ਖੋ ਬ੍ਰਹ੍ਮਾਯੁ ਬ੍ਰਾਹ੍ਮਣੋ ਉਟ੍ਠਾਯਾਸਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਭਗવਤੋ ਪਾਦੇਸੁ ਸਿਰਸਾ ਨਿਪਤਿਤ੍વਾ ਭਗવਤੋ ਪਾਦਾਨਿ ਮੁਖੇਨ ਚ ਪਰਿਚੁਮ੍ਬਤਿ, ਪਾਣੀਹਿ ਚ ਪਰਿਸਮ੍ਬਾਹਤਿ, ਨਾਮਞ੍ਚ ਸਾવੇਤਿ ਬ੍ਰਹ੍ਮਾਯੁ ਅਹਂ, ਭੋ ਗੋਤਮ, ਬ੍ਰਾਹ੍ਮਣੋ, ਬ੍ਰਹ੍ਮਾਯੁ ਅਹਂ, ਭੋ ਗੋਤਮ, ਬ੍ਰਾਹ੍ਮਣੋ’’ਤਿ (ਮ॰ ਨਿ॰ ੨.੩੯੪) ਏવਮ੍ਪਿ ਪਣਿਪਾਤੋ ਦਟ੍ਠਬ੍ਬੋ।

    Evampi āḷavakādīnaṃ saraṇagamanaṃ viya tapparāyaṇatā veditabbā. ‘‘Atha kho brahmāyu brāhmaṇo uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavato pādāni mukhena ca paricumbati, pāṇīhi ca parisambāhati, nāmañca sāveti brahmāyu ahaṃ, bho gotama, brāhmaṇo, brahmāyu ahaṃ, bho gotama, brāhmaṇo’’ti (ma. ni. 2.394) evampi paṇipāto daṭṭhabbo.

    ਸੋ ਪਨੇਸ ਞਾਤਿਭਯਾਚਰਿਯਦਕ੍ਖਿਣੇਯ੍ਯવਸੇਨ ਚਤੁਬ੍ਬਿਧੋ ਹੋਤਿ। ਤਤ੍ਥ ਦਕ੍ਖਿਣੇਯ੍ਯਪਣਿਪਾਤੇਨ ਸਰਣਗਮਨਂ ਹੋਤਿ, ਨ ਇਤਰੇਹਿ। ਸੇਟ੍ਠવਸੇਨੇવ ਹਿ ਸਰਣਂ ਗਯ੍ਹਤਿ, ਸੇਟ੍ਠવਸੇਨ ਭਿਜ੍ਜਤਿ, ਤਸ੍ਮਾ ਯੋ ਸਾਕਿਯੋ વਾ ਕੋਲਿਯੋ વਾ ‘‘ਬੁਦ੍ਧੋ ਅਮ੍ਹਾਕਂ ਞਾਤਕੋ’’ਤਿ વਨ੍ਦਤਿ, ਅਗ੍ਗਹਿਤਮੇવ ਹੋਤਿ ਸਰਣਂ। ਯੋ વਾ ‘‘ਸਮਣੋ ਗੋਤਮੋ ਰਾਜਪੂਜਿਤੋ ਮਹਾਨੁਭਾવੋ, ਅવਨ੍ਦਿਯਮਾਨੋ ਅਨਤ੍ਥਮ੍ਪਿ ਕਰੇਯ੍ਯਾ’’ਤਿ ਭਯੇਨ વਨ੍ਦਤਿ, ਅਗ੍ਗਹਿਤਮੇવ ਹੋਤਿ ਸਰਣਂ। ਯੋ વਾ ਬੋਧਿਸਤ੍ਤਕਾਲੇ ਭਗવਤੋ ਸਨ੍ਤਿਕੇ ਕਿਞ੍ਚਿ ਉਗ੍ਗਹਿਤਂ ਸਰਮਾਨੋ ਬੁਦ੍ਧਕਾਲੇ વਾ –

    So panesa ñātibhayācariyadakkhiṇeyyavasena catubbidho hoti. Tattha dakkhiṇeyyapaṇipātena saraṇagamanaṃ hoti, na itarehi. Seṭṭhavaseneva hi saraṇaṃ gayhati, seṭṭhavasena bhijjati, tasmā yo sākiyo vā koliyo vā ‘‘buddho amhākaṃ ñātako’’ti vandati, aggahitameva hoti saraṇaṃ. Yo vā ‘‘samaṇo gotamo rājapūjito mahānubhāvo, avandiyamāno anatthampi kareyyā’’ti bhayena vandati, aggahitameva hoti saraṇaṃ. Yo vā bodhisattakāle bhagavato santike kiñci uggahitaṃ saramāno buddhakāle vā –

    ‘‘ਏਕੇਨ ਭੋਗੇ ਭੁਞ੍ਜੇਯ੍ਯ, ਦ੍વੀਹਿ ਕਮ੍ਮਂ ਪਯੋਜਯੇ।

    ‘‘Ekena bhoge bhuñjeyya, dvīhi kammaṃ payojaye;

    ਚਤੁਤ੍ਥਞ੍ਚ ਨਿਧਾਪੇਯ੍ਯ, ਆਪਦਾਸੁ ਭવਿਸ੍ਸਤੀ’’ਤਿ॥ (ਦੀ॰ ਨਿ॰ ੩.੨੬੫) –

    Catutthañca nidhāpeyya, āpadāsu bhavissatī’’ti. (dī. ni. 3.265) –

    ਏવਰੂਪਂ ਅਨੁਸਾਸਨਿਂ ਉਗ੍ਗਹੇਤ੍વਾ ‘‘ਆਚਰਿਯੋ ਮੇ’’ਤਿ વਨ੍ਦਤਿ, ਅਗ੍ਗਹਿਤਮੇવ ਹੋਤਿ ਸਰਣਂ। ਯੋ ਪਨ ‘‘ਅਯਂ ਲੋਕੇ ਅਗ੍ਗਦਕ੍ਖਿਣੇਯ੍ਯੋ’’ਤਿ વਨ੍ਦਤਿ, ਤੇਨੇવ ਗਹਿਤਂ ਹੋਤਿ ਸਰਣਂ।

    Evarūpaṃ anusāsaniṃ uggahetvā ‘‘ācariyo me’’ti vandati, aggahitameva hoti saraṇaṃ. Yo pana ‘‘ayaṃ loke aggadakkhiṇeyyo’’ti vandati, teneva gahitaṃ hoti saraṇaṃ.

    ਏવਂ ਗਹਿਤਸਰਣਸ੍ਸ ਚ ਉਪਾਸਕਸ੍ਸ વਾ ਉਪਾਸਿਕਾਯ વਾ ਅਞ੍ਞਤਿਤ੍ਥਿਯੇਸੁ ਪਬ੍ਬਜਿਤਮ੍ਪਿ ਞਾਤਿਂ ‘‘ਞਾਤਕੋ ਮੇ ਅਯ’’ਨ੍ਤਿ વਨ੍ਦਤੋ ਸਰਣਗਮਨਂ ਨ ਭਿਜ੍ਜਤਿ, ਪਗੇવ ਅਪਬ੍ਬਜਿਤਂ। ਤਥਾ ਰਾਜਾਨਂ ਭਯવਸੇਨ વਨ੍ਦਤੋ, ਸੋ ਹਿ ਰਟ੍ਠਪੂਜਿਤਤ੍ਤਾ ਅવਨ੍ਦਿਯਮਾਨੋ ਅਨਤ੍ਥਮ੍ਪਿ ਕਰੇਯ੍ਯਾਤਿ। ਤਥਾ ਯਂਕਿਞ੍ਚਿ ਸਿਪ੍ਪਂ ਸਿਕ੍ਖਾਪਕਂ ਤਿਤ੍ਥਿਯਂ ‘‘ਆਚਰਿਯੋ ਮੇ ਅਯ’’ਨ੍ਤਿ વਨ੍ਦਤੋਪਿ ਨ ਭਿਜ੍ਜਤੀਤਿ ਏવਂ ਸਰਣਗਮਨਪ੍ਪਭੇਦੋ વੇਦਿਤਬ੍ਬੋ।

    Evaṃ gahitasaraṇassa ca upāsakassa vā upāsikāya vā aññatitthiyesu pabbajitampi ñātiṃ ‘‘ñātako me aya’’nti vandato saraṇagamanaṃ na bhijjati, pageva apabbajitaṃ. Tathā rājānaṃ bhayavasena vandato, so hi raṭṭhapūjitattā avandiyamāno anatthampi kareyyāti. Tathā yaṃkiñci sippaṃ sikkhāpakaṃ titthiyaṃ ‘‘ācariyo me aya’’nti vandatopi na bhijjatīti evaṃ saraṇagamanappabhedo veditabbo.

    ਏਤ੍ਥ ਚ ਲੋਕੁਤ੍ਤਰਸ੍ਸ ਸਰਣਗਮਨਸ੍ਸ ਚਤ੍ਤਾਰਿ ਸਾਮਞ੍ਞਫਲਾਨਿ વਿਪਾਕਫਲਂ, ਸਬ੍ਬਦੁਕ੍ਖਕ੍ਖਯੋ ਆਨਿਸਂਸਫਲਂ। વੁਤ੍ਤਞ੍ਹੇਤਂ –

    Ettha ca lokuttarassa saraṇagamanassa cattāri sāmaññaphalāni vipākaphalaṃ, sabbadukkhakkhayo ānisaṃsaphalaṃ. Vuttañhetaṃ –

    ‘‘ਯੋ ਚ ਬੁਦ੍ਧਞ੍ਚ ਧਮ੍ਮਞ੍ਚ, ਸਙ੍ਘਞ੍ਚ ਸਰਣਂ ਗਤੋ।

    ‘‘Yo ca buddhañca dhammañca, saṅghañca saraṇaṃ gato;

    ਚਤ੍ਤਾਰਿ ਅਰਿਯਸਚ੍ਚਾਨਿ, ਸਮ੍ਮਪ੍ਪਞ੍ਞਾਯ ਪਸ੍ਸਤਿ॥

    Cattāri ariyasaccāni, sammappaññāya passati.

    ਦੁਕ੍ਖਂ ਦੁਕ੍ਖਸਮੁਪ੍ਪਾਦਂ, ਦੁਕ੍ਖਸ੍ਸ ਚ ਅਤਿਕ੍ਕਮਂ।

    Dukkhaṃ dukkhasamuppādaṃ, dukkhassa ca atikkamaṃ;

    ਅਰਿਯਞ੍ਚਟ੍ਠਙ੍ਗਿਕਂ ਮਗ੍ਗਂ, ਦੁਕ੍ਖੂਪਸਮਗਾਮਿਨਂ॥

    Ariyañcaṭṭhaṅgikaṃ maggaṃ, dukkhūpasamagāminaṃ.

    ਏਤਂ ਖੋ ਸਰਣਂ ਖੇਮਂ, ਏਤਂ ਸਰਣਮੁਤ੍ਤਮਂ।

    Etaṃ kho saraṇaṃ khemaṃ, etaṃ saraṇamuttamaṃ;

    ਏਤਂ ਸਰਣਮਾਗਮ੍ਮ, ਸਬ੍ਬਦੁਕ੍ਖਾ ਪਮੁਚ੍ਚਤੀ’’ਤਿ॥ (ਧ॰ ਪ॰ ੧੯੦-੧੯੨)।

    Etaṃ saraṇamāgamma, sabbadukkhā pamuccatī’’ti. (dha. pa. 190-192);

    ਅਪਿਚ ਨਿਚ੍ਚਤੋ ਅਨੁਪਗਮਨਾਦਿવਸੇਨ ਪੇਤਸ੍ਸ ਆਨਿਸਂਸਫਲਂ વੇਦਿਤਬ੍ਬਂ। વੁਤ੍ਤਞ੍ਹੇਤਂ, ‘‘ਅਟ੍ਠਾਨਮੇਤਂ, ਭਿਕ੍ਖવੇ, ਅਨવਕਾਸੋ, ਯਂ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਕਞ੍ਚਿ ਸਙ੍ਖਾਰਂ ਨਿਚ੍ਚਤੋ ਉਪਗਚ੍ਛੇਯ੍ਯ, ਸੁਖਤੋ ਉਪਗਚ੍ਛੇਯ੍ਯ, ਕਞ੍ਚਿ ਧਮ੍ਮਂ ਅਤ੍ਤਤੋ ਉਪਗਚ੍ਛੇਯ੍ਯ, ਮਾਤਰਂ ਜੀવਿਤਾ વੋਰੋਪੇਯ੍ਯ, ਪਿਤਰਂ ਅਰਹਨ੍ਤਂ ਜੀવਿਤਾ વੋਰੋਪੇਯ੍ਯ, ਦੁਟ੍ਠਚਿਤ੍ਤੋ ਤਥਾਗਤਸ੍ਸ ਲੋਹਿਤਂ ਉਪ੍ਪਾਦੇਯ੍ਯ, ਸਙ੍ਘਂ ਭਿਨ੍ਦੇਯ੍ਯ, ਅਞ੍ਞਂ ਸਤ੍ਥਾਰਂ ਉਦ੍ਦਿਸੇਯ੍ਯ, ਨੇਤਂ ਠਾਨਂ વਿਜ੍ਜਤੀ’’ਤਿ (ਮ॰ ਨਿ॰ ੩.੧੨੮; ਅ॰ ਨਿ॰ ੧.੨੬੮-੨੭੬)।

    Apica niccato anupagamanādivasena petassa ānisaṃsaphalaṃ veditabbaṃ. Vuttañhetaṃ, ‘‘aṭṭhānametaṃ, bhikkhave, anavakāso, yaṃ diṭṭhisampanno puggalo kañci saṅkhāraṃ niccato upagaccheyya, sukhato upagaccheyya, kañci dhammaṃ attato upagaccheyya, mātaraṃ jīvitā voropeyya, pitaraṃ arahantaṃ jīvitā voropeyya, duṭṭhacitto tathāgatassa lohitaṃ uppādeyya, saṅghaṃ bhindeyya, aññaṃ satthāraṃ uddiseyya, netaṃ ṭhānaṃ vijjatī’’ti (ma. ni. 3.128; a. ni. 1.268-276).

    ਲੋਕਿਯਸ੍ਸ ਪਨ ਸਰਣਗਮਨਸ੍ਸ ਭવਸਮ੍ਪਦਾਪਿ ਭੋਗਸਮ੍ਪਦਾਪਿ ਫਲਮੇવ। વੁਤ੍ਤਞ੍ਹੇਤਂ –

    Lokiyassa pana saraṇagamanassa bhavasampadāpi bhogasampadāpi phalameva. Vuttañhetaṃ –

    ‘‘ਯੇਕੇਚਿ ਬੁਦ੍ਧਂ ਸਰਣਂ ਗਤਾਸੇ,

    ‘‘Yekeci buddhaṃ saraṇaṃ gatāse,

    ਨ ਤੇ ਗਮਿਸ੍ਸਨ੍ਤਿ ਅਪਾਯਭੂਮਿਂ।

    Na te gamissanti apāyabhūmiṃ;

    ਪਹਾਯ ਮਾਨੁਸਂ ਦੇਹਂ,

    Pahāya mānusaṃ dehaṃ,

    ਦੇવਕਾਯਂ ਪਰਿਪੂਰੇਸ੍ਸਨ੍ਤੀ’’ਤਿ॥ (ਸਂ॰ ਨਿ॰ ੧.੩੭)।

    Devakāyaṃ paripūressantī’’ti. (saṃ. ni. 1.37);

    ਅਪਰਮ੍ਪਿ વੁਤ੍ਤਂ ‘‘ਅਥ ਖੋ ਸਕ੍ਕੋ ਦੇવਾਨਮਿਨ੍ਦੋ ਅਸੀਤਿਯਾ ਦੇવਤਾਸਹਸ੍ਸੇਹਿ ਸਦ੍ਧਿਂ ਯੇਨਾਯਸ੍ਮਾ ਮਹਾਮੋਗ੍ਗਲ੍ਲਾਨੋ, ਤੇਨੁਪਸਙ੍ਕਮਿ…ਪੇ॰… ਏਕਮਨ੍ਤਂ ਠਿਤਂ ਖੋ ਸਕ੍ਕਂ ਦੇવਾਨਮਿਨ੍ਦਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਏਤਦવੋਚ ‘ਸਾਧੁ ਖੋ ਦੇવਾਨਮਿਨ੍ਦ ਬੁਦ੍ਧਂ ਸਰਣਗਮਨਂ ਹੋਤਿ, ਬੁਦ੍ਧਂ ਸਰਣਗਮਨਹੇਤੁ ਖੋ ਦੇવਾਨਮਿਨ੍ਦ ਏવਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਨ੍ਤੀ’ਤਿ। ਤੇ ਅਞ੍ਞੇ ਦੇવੇ ਦਸਹਿ ਠਾਨੇਹਿ ਅਧਿਗਣ੍ਹਨ੍ਤਿ ਦਿਬ੍ਬੇਨ ਆਯੁਨਾ ਦਿਬ੍ਬੇਨ વਣ੍ਣੇਨ ਸੁਖੇਨ ਯਸੇਨ ਆਧਿਪਤੇਯ੍ਯੇਨ ਦਿਬ੍ਬੇਹਿ ਰੂਪੇਹਿ ਸਦ੍ਦੇਹਿ ਗਨ੍ਧੇਹਿ ਰਸੇਹਿ ਫੋਟ੍ਠਬ੍ਬੇਹੀ’’ਤਿ (ਸਂ॰ ਨਿ॰ ੪.੩੪੧)। ਏਸ ਨਯੋ ਧਮ੍ਮੇ ਸਙ੍ਘੇ ਚ। ਅਪਿਚ વੇਲਾਮਸੁਤ੍ਤਾਦਿવਸੇਨਾਪਿ (ਅ॰ ਨਿ॰ ੯.੨੦) ਸਰਣਗਮਨਸ੍ਸ ਫਲવਿਸੇਸੋ વੇਦਿਤਬ੍ਬੋ। ਏવਂ ਸਰਣਗਮਨਫਲਂ વੇਦਿਤਬ੍ਬਂ।

    Aparampi vuttaṃ ‘‘atha kho sakko devānamindo asītiyā devatāsahassehi saddhiṃ yenāyasmā mahāmoggallāno, tenupasaṅkami…pe… ekamantaṃ ṭhitaṃ kho sakkaṃ devānamindaṃ āyasmā mahāmoggallāno etadavoca ‘sādhu kho devānaminda buddhaṃ saraṇagamanaṃ hoti, buddhaṃ saraṇagamanahetu kho devānaminda evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’ti. Te aññe deve dasahi ṭhānehi adhigaṇhanti dibbena āyunā dibbena vaṇṇena sukhena yasena ādhipateyyena dibbehi rūpehi saddehi gandhehi rasehi phoṭṭhabbehī’’ti (saṃ. ni. 4.341). Esa nayo dhamme saṅghe ca. Apica velāmasuttādivasenāpi (a. ni. 9.20) saraṇagamanassa phalaviseso veditabbo. Evaṃ saraṇagamanaphalaṃ veditabbaṃ.

    ਤਤ੍ਥ ਲੋਕਿਯਸਰਣਗਮਨਂ ਤੀਸੁ વਤ੍ਥੂਸੁ ਅਞ੍ਞਾਣਸਂਸਯਮਿਚ੍ਛਾਞਾਣਾਦੀਹਿ ਸਂਕਿਲਿਸ੍ਸਤਿ, ਨ ਮਹਾਜੁਤਿਕਂ ਹੋਤਿ, ਨ ਮਹਾવਿਪ੍ਫਾਰਂ। ਲੋਕੁਤ੍ਤਰਸ੍ਸ ਨਤ੍ਥਿ ਸਂਕਿਲੇਸੋ। ਲੋਕਿਯਸ੍ਸ ਚ ਸਰਣਗਮਨਸ੍ਸ ਦੁવਿਧੋ ਭੇਦੋ ਸਾવਜ੍ਜੋ ਅਨવਜ੍ਜੋ ਚ। ਤਤ੍ਥ ਸਾવਜ੍ਜੋ ਅਞ੍ਞਸਤ੍ਥਾਰਾਦੀਸੁ ਅਤ੍ਤਸਨ੍ਨਿਯ੍ਯਾਤਨਾਦੀਹਿ ਹੋਤਿ, ਸੋ ਅਨਿਟ੍ਠਫਲੋ। ਅਨવਜ੍ਜੋ ਕਾਲਂ ਕਿਰਿਯਾਯ, ਸੋ ਅવਿਪਾਕਤ੍ਤਾ ਅਫਲੋ। ਲੋਕੁਤ੍ਤਰਸ੍ਸ ਪਨ ਨੇવਤ੍ਥਿ ਭੇਦੋ। ਭવਨ੍ਤਰੇਪਿ ਹਿ ਅਰਿਯਸਾવਕੋ ਅਞ੍ਞਸਤ੍ਥਾਰਂ ਨ ਉਦ੍ਦਿਸਤੀਤਿ ਏવਂ ਸਰਣਗਮਨਸ੍ਸ ਸਂਕਿਲੇਸੋ ਚ ਭੇਦੋ ਚ વੇਦਿਤਬ੍ਬੋਤਿ। ਉਪਾਸਕਂ ਮਂ ਭવਂ ਗੋਤਮੋ ਧਾਰੇਤੂਤਿ ਮਂ ਭવਂ ਗੋਤਮੋ ‘‘ਉਪਾਸਕੋ ਅਯ’’ਨ੍ਤਿ ਏવਂ ਧਾਰੇਤੁ, ਜਾਨਾਤੂਤਿ ਅਤ੍ਥੋ।

    Tattha lokiyasaraṇagamanaṃ tīsu vatthūsu aññāṇasaṃsayamicchāñāṇādīhi saṃkilissati, na mahājutikaṃ hoti, na mahāvipphāraṃ. Lokuttarassa natthi saṃkileso. Lokiyassa ca saraṇagamanassa duvidho bhedo sāvajjo anavajjo ca. Tattha sāvajjo aññasatthārādīsu attasanniyyātanādīhi hoti, so aniṭṭhaphalo. Anavajjo kālaṃ kiriyāya, so avipākattā aphalo. Lokuttarassa pana nevatthi bhedo. Bhavantarepi hi ariyasāvako aññasatthāraṃ na uddisatīti evaṃ saraṇagamanassa saṃkileso ca bhedo ca veditabboti. Upāsakaṃ maṃ bhavaṃ gotamo dhāretūti maṃ bhavaṃ gotamo ‘‘upāsako aya’’nti evaṃ dhāretu, jānātūti attho.

    ਸਰਣਗਮਨਕਥਾવਣ੍ਣਨਾ ਨਿਟ੍ਠਿਤਾ।

    Saraṇagamanakathāvaṇṇanā niṭṭhitā.

    ਉਪਾਸਕવਿਧਿਕਥਾવਣ੍ਣਨਾ

    Upāsakavidhikathāvaṇṇanā

    ਉਪਾਸਕવਿਧਿਕੋਸਲ੍ਲਤ੍ਥਂ ਪਨੇਤ੍ਥ ਕੋ ਉਪਾਸਕੋ, ਕਸ੍ਮਾ ਉਪਾਸਕੋਤਿ વੁਚ੍ਚਤਿ, ਕਿਮਸ੍ਸ ਸੀਲਂ, ਕੋ ਆਜੀવੋ, ਕਾ વਿਪਤ੍ਤਿ, ਕਾ ਸਮ੍ਪਤ੍ਤੀਤਿ ਇਦਂ ਪਕਿਣ੍ਣਕਂ વੇਦਿਤਬ੍ਬਂ।

    Upāsakavidhikosallatthaṃ panettha ko upāsako, kasmā upāsakoti vuccati, kimassa sīlaṃ, ko ājīvo, kā vipatti, kā sampattīti idaṃ pakiṇṇakaṃ veditabbaṃ.

    ਤਤ੍ਥ ਕੋ ਉਪਾਸਕੋਤਿ ਯੋ ਕੋਚਿ ਤਿਸਰਣਗਤੋ ਗਹਟ੍ਠੋ। વੁਤ੍ਤਞ੍ਹੇਤਂ – ‘‘ਯਤੋ ਖੋ ਮਹਾਨਾਮ ਉਪਾਸਕੋ ਬੁਦ੍ਧਂ ਸਰਣਂ ਗਤੋ ਹੋਤਿ, ਧਮ੍ਮਂ ਸਰਣਂ ਗਤੋ ਹੋਤਿ, ਸਙ੍ਘਂ ਸਰਣਂ ਗਤੋ ਹੋਤਿ। ਏਤ੍ਤਾવਤਾ ਖੋ ਮਹਾਨਾਮ ਉਪਾਸਕੋ ਹੋਤੀ’’ਤਿ (ਸਂ॰ ਨਿ॰ ੫.੧੦੩੩)।

    Tattha ko upāsakoti yo koci tisaraṇagato gahaṭṭho. Vuttañhetaṃ – ‘‘yato kho mahānāma upāsako buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti. Ettāvatā kho mahānāma upāsako hotī’’ti (saṃ. ni. 5.1033).

    ਕਸ੍ਮਾ ਉਪਾਸਕੋਤਿ ਰਤਨਤ੍ਤਯਸ੍ਸ ਉਪਾਸਨਤੋ। ਸੋ ਹਿ ਬੁਦ੍ਧਂ ਉਪਾਸਤੀਤਿ ਉਪਾਸਕੋ। ਧਮ੍ਮਂ, ਸਙ੍ਘਂ ਉਪਾਸਤੀਤਿ ਉਪਾਸਕੋ।

    Kasmā upāsakoti ratanattayassa upāsanato. So hi buddhaṃ upāsatīti upāsako. Dhammaṃ, saṅghaṃ upāsatīti upāsako.

    ਕਿਮਸ੍ਸ ਸੀਲਨ੍ਤਿ ਪਞ੍ਚ વੇਰਮਣਿਯੋ। ਯਥਾਹ ‘‘ਯਤੋ ਖੋ ਮਹਾਨਾਮ ਉਪਾਸਕੋ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ ਅਦਿਨ੍ਨਾਦਾਨਾ , ਕਾਮੇਸੁ ਮਿਚ੍ਛਾਚਾਰਾ, ਮੁਸਾવਾਦਾ, ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਪਟਿવਿਰਤੋ ਹੋਤਿ। ਏਤ੍ਤਾવਤਾ ਖੋ ਮਹਾਨਾਮ ਉਪਾਸਕੋ ਸੀਲવਾ ਹੋਤੀ’’ਤਿ (ਸਂ॰ ਨਿ॰ ੫.੧੦੩੩)।

    Kimassasīlanti pañca veramaṇiyo. Yathāha ‘‘yato kho mahānāma upāsako pāṇātipātā paṭivirato hoti adinnādānā , kāmesu micchācārā, musāvādā, surāmerayamajjapamādaṭṭhānā paṭivirato hoti. Ettāvatā kho mahānāma upāsako sīlavā hotī’’ti (saṃ. ni. 5.1033).

    ਕੋ ਆਜੀવੋਤਿ ਪਞ੍ਚ ਮਿਚ੍ਛਾવਣਿਜ੍ਜਾ ਪਹਾਯ ਧਮ੍ਮੇਨ ਸਮੇਨ ਜੀવਿਤਕਪ੍ਪਨਂ। વੁਤ੍ਤਞ੍ਹੇਤਂ ‘‘ਪਞ੍ਚਿਮਾ, ਭਿਕ੍ਖવੇ, વਣਿਜ੍ਜਾ ਉਪਾਸਕੇਨ ਅਕਰਣੀਯਾ। ਕਤਮਾ ਪਞ੍ਚ? ਸਤ੍ਥવਣਿਜ੍ਜਾ, ਸਤ੍ਤવਣਿਜ੍ਜਾ, ਮਂਸવਣਿਜ੍ਜਾ, ਮਜ੍ਜવਣਿਜ੍ਜਾ, વਿਸવਣਿਜ੍ਜਾ। ਇਮਾ ਖੋ, ਭਿਕ੍ਖવੇ, ਪਞ੍ਚ વਣਿਜ੍ਜਾ ਉਪਾਸਕੇਨ ਅਕਰਣੀਯਾ’’ਤਿ (ਅ॰ ਨਿ॰ ੫.੧੭੭)।

    Ko ājīvoti pañca micchāvaṇijjā pahāya dhammena samena jīvitakappanaṃ. Vuttañhetaṃ ‘‘pañcimā, bhikkhave, vaṇijjā upāsakena akaraṇīyā. Katamā pañca? Satthavaṇijjā, sattavaṇijjā, maṃsavaṇijjā, majjavaṇijjā, visavaṇijjā. Imā kho, bhikkhave, pañca vaṇijjā upāsakena akaraṇīyā’’ti (a. ni. 5.177).

    ਕਾ વਿਪਤ੍ਤੀਤਿ ਯਾ ਤਸ੍ਸੇવ ਸੀਲਸ੍ਸ ਚ ਆਜੀવਸ੍ਸ ਚ વਿਪਤ੍ਤਿ, ਅਯਮਸ੍ਸ વਿਪਤ੍ਤਿ। ਅਪਿਚ ਯਾਯ ਏਸ ਚਣ੍ਡਾਲੋ ਚੇવ ਹੋਤਿ ਮਲਞ੍ਚ ਪਤਿਕੁਟ੍ਠੋ ਚ। ਸਾਪਿਸ੍ਸ વਿਪਤ੍ਤੀਤਿ વੇਦਿਤਬ੍ਬਾ। ਤੇ ਚ ਅਤ੍ਥਤੋ ਅਸ੍ਸਦ੍ਧਿਯਾਦਯੋ ਪਞ੍ਚ ਧਮ੍ਮਾ ਹੋਨ੍ਤਿ। ਯਥਾਹ ‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਉਪਾਸਕੋ ਉਪਾਸਕਚਣ੍ਡਾਲੋ ਚ ਹੋਤਿ ਉਪਾਸਕਮਲਞ੍ਚ ਉਪਾਸਕਪਤਿਕੁਟ੍ਠੋ ਚ। ਕਤਮੇਹਿ ਪਞ੍ਚਹਿ? ਅਸ੍ਸਦ੍ਧੋ ਹੋਤਿ, ਦੁਸ੍ਸੀਲੋ ਹੋਤਿ, ਕੋਤੂਹਲਮਙ੍ਗਲਿਕੋ ਹੋਤਿ, ਮਙ੍ਗਲਂ ਪਚ੍ਚੇਤਿ ਨੋ ਕਮ੍ਮਂ, ਇਤੋ ਚ ਬਹਿਦ੍ਧਾ ਦਕ੍ਖਿਣੇਯ੍ਯਂ ਪਰਿਯੇਸਤਿ ਤਤ੍ਥ ਚ ਪੁਬ੍ਬਕਾਰਂ ਕਰੋਤੀ’’ਤਿ (ਅ॰ ਨਿ॰ ੫.੧੭੫)।

    Kā vipattīti yā tasseva sīlassa ca ājīvassa ca vipatti, ayamassa vipatti. Apica yāya esa caṇḍālo ceva hoti malañca patikuṭṭho ca. Sāpissa vipattīti veditabbā. Te ca atthato assaddhiyādayo pañca dhammā honti. Yathāha ‘‘pañcahi, bhikkhave, dhammehi samannāgato upāsako upāsakacaṇḍālo ca hoti upāsakamalañca upāsakapatikuṭṭho ca. Katamehi pañcahi? Assaddho hoti, dussīlo hoti, kotūhalamaṅgaliko hoti, maṅgalaṃ pacceti no kammaṃ, ito ca bahiddhā dakkhiṇeyyaṃ pariyesati tattha ca pubbakāraṃ karotī’’ti (a. ni. 5.175).

    ਕਾ ਸਮ੍ਪਤ੍ਤੀਤਿ ਯਾ ਚਸ੍ਸ ਸੀਲਸਮ੍ਪਦਾ ਚ ਆਜੀવਸਮ੍ਪਦਾ ਚ, ਸਾ ਸਮ੍ਪਤ੍ਤਿ। ਯੇ ਚਸ੍ਸ ਰਤਨਭਾવਾਦਿਕਰਾ ਸਦ੍ਧਾਦਯੋ ਪਞ੍ਚ ਧਮ੍ਮਾ। ਯਥਾਹ ‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਉਪਾਸਕੋ ਉਪਾਸਕਰਤਨਞ੍ਚ ਹੋਤਿ ਉਪਾਸਕਪਦੁਮਞ੍ਚ ਉਪਾਸਕਪੁਣ੍ਡਰੀਕਞ੍ਚ। ਕਤਮੇਹਿ ਪਞ੍ਚਹਿ? ਸਦ੍ਧੋ ਹੋਤਿ, ਸੀਲવਾ ਹੋਤਿ, ਨ ਕੋਤੂਹਲਮਙ੍ਗਲਿਕੋ ਹੋਤਿ, ਕਮ੍ਮਂ ਪਚ੍ਚੇਤਿ ਨੋ ਮਙ੍ਗਲਂ, ਨ ਇਤੋ ਬਹਿਦ੍ਧਾ ਦਕ੍ਖਿਣੇਯ੍ਯਂ ਗવੇਸਤਿ, ਇਧ ਚ ਪੁਬ੍ਬਕਾਰਂ ਕਰੋਤੀ’’ਤਿ (ਅ॰ ਨਿ॰ ੫.੧੭੫)।

    Kāsampattīti yā cassa sīlasampadā ca ājīvasampadā ca, sā sampatti. Ye cassa ratanabhāvādikarā saddhādayo pañca dhammā. Yathāha ‘‘pañcahi, bhikkhave, dhammehi samannāgato upāsako upāsakaratanañca hoti upāsakapadumañca upāsakapuṇḍarīkañca. Katamehi pañcahi? Saddho hoti, sīlavā hoti, na kotūhalamaṅgaliko hoti, kammaṃ pacceti no maṅgalaṃ, na ito bahiddhā dakkhiṇeyyaṃ gavesati, idha ca pubbakāraṃ karotī’’ti (a. ni. 5.175).

    ਅਜ੍ਜਤਗ੍ਗੇਤਿ ਏਤ੍ਥ ਅਯਂ ਅਗ੍ਗਸਦ੍ਦੋ ਆਦਿਕੋਟਿਕੋਟ੍ਠਾਸਸੇਟ੍ਠੇਸੁ ਦਿਸ੍ਸਤਿ। ‘‘ਅਜ੍ਜਤਗ੍ਗੇ, ਸਮ੍ਮ ਦੋવਾਰਿਕ, ਆવਰਾਮਿ ਦ੍વਾਰਂ ਨਿਗਣ੍ਠਾਨਂ ਨਿਗਣ੍ਠੀਨ’’ਨ੍ਤਿਆਦੀਸੁ (ਮ॰ ਨਿ॰ ੨.੭੦) ਹਿ ਆਦਿਮ੍ਹਿ ਦਿਸ੍ਸਤਿ। ‘‘ਤੇਨੇવ ਅਙ੍ਗੁਲਗ੍ਗੇਨ ਤਂ ਅਙ੍ਗੁਲਗ੍ਗਂ ਪਰਾਮਸੇਯ੍ਯ, (ਕਥਾ॰ ੪੪੧) ਉਚ੍ਛਗ੍ਗਂ વੇਲ਼ਗ੍ਗ’’ਨ੍ਤਿਆਦੀਸੁ ਕੋਟਿਯਂ। ‘‘ਅਮ੍ਬਿਲਗ੍ਗਂ વਾ ਮਧੁਰਗ੍ਗਂ વਾ ਤਿਤ੍ਤਕਗ੍ਗਂ વਾ (ਸਂ॰ ਨਿ॰ ੫.੩੭੪), ਅਨੁਜਾਨਾਮਿ, ਭਿਕ੍ਖવੇ, વਿਹਾਰਗ੍ਗੇਨ વਾ ਪਰਿવੇਣਗ੍ਗੇਨ વਾ ਭਾਜੇਤੁ’’ਨ੍ਤਿਆਦੀਸੁ (ਚੂਲ਼વ॰ ੩੧੮) ਕੋਟ੍ਠਾਸੇ। ‘‘ਯਾવਤਾ, ਭਿਕ੍ਖવੇ, ਸਤ੍ਤਾ ਅਪਦਾ વਾ…ਪੇ॰… ਤਥਾਗਤੋ ਤੇਸਂ ਅਗ੍ਗਮਕ੍ਖਾਯਤੀ’’ਤਿਆਦੀਸੁ (ਅ॰ ਨਿ॰ ੪.੩੪) ਸੇਟ੍ਠੇ। ਇਧ ਪਨਾਯਂ ਆਦਿਮ੍ਹਿ ਦਟ੍ਠਬ੍ਬੋ। ਤਸ੍ਮਾ ਅਜ੍ਜਤਗ੍ਗੇਤਿ ਅਜ੍ਜਤਂ ਆਦਿਂ ਕਤ੍વਾ, ਏવਮੇਤ੍ਥ ਅਤ੍ਥੋ વੇਦਿਤਬ੍ਬੋ। ਅਜ੍ਜਤਨ੍ਤਿ ਅਜ੍ਜਭਾવਂ। ਅਜ੍ਜਦਗ੍ਗੇਤਿ વਾ ਪਾਠੋ, ਦ-ਕਾਰੋ ਪਦਸਨ੍ਧਿਕਰੋ, ਅਜ੍ਜ ਅਗ੍ਗਂ ਕਤ੍વਾਤਿ ਅਤ੍ਥੋ।

    Ajjataggeti ettha ayaṃ aggasaddo ādikoṭikoṭṭhāsaseṭṭhesu dissati. ‘‘Ajjatagge, samma dovārika, āvarāmi dvāraṃ nigaṇṭhānaṃ nigaṇṭhīna’’ntiādīsu (ma. ni. 2.70) hi ādimhi dissati. ‘‘Teneva aṅgulaggena taṃ aṅgulaggaṃ parāmaseyya, (kathā. 441) ucchaggaṃ veḷagga’’ntiādīsu koṭiyaṃ. ‘‘Ambilaggaṃ vā madhuraggaṃ vā tittakaggaṃ vā (saṃ. ni. 5.374), anujānāmi, bhikkhave, vihāraggena vā pariveṇaggena vā bhājetu’’ntiādīsu (cūḷava. 318) koṭṭhāse. ‘‘Yāvatā, bhikkhave, sattā apadā vā…pe… tathāgato tesaṃ aggamakkhāyatī’’tiādīsu (a. ni. 4.34) seṭṭhe. Idha panāyaṃ ādimhi daṭṭhabbo. Tasmā ajjataggeti ajjataṃ ādiṃ katvā, evamettha attho veditabbo. Ajjatanti ajjabhāvaṃ. Ajjadaggeti vā pāṭho, da-kāro padasandhikaro, ajja aggaṃ katvāti attho.

    ਪਾਣੁਪੇਤਨ੍ਤਿ ਪਾਣੇਹਿ ਉਪੇਤਂ, ਯਾવ ਮੇ ਜੀવਿਤਂ ਪવਤ੍ਤਤਿ, ਤਾવ ਉਪੇਤਂ। ਅਨਞ੍ਞਸਤ੍ਥੁਕਂ ਤੀਹਿ ਸਰਣਗਮਨੇਹਿ ਸਰਣਂ ਗਤਂ ਉਪਾਸਕਂ ਕਪ੍ਪਿਯਕਾਰਕਂ ਮਂ ਭવਂ ਗੋਤਮੋ ਧਾਰੇਤੁ ਜਾਨਾਤੁ। ਅਹਞ੍ਹਿ ਸਚੇਪਿ ਮੇ ਤਿਖਿਣੇਨ ਅਸਿਨਾ ਸੀਸਂ ਛਿਨ੍ਦੇਯ੍ਯ, ਨੇવ ਬੁਦ੍ਧਂ ‘‘ਨ ਬੁਦ੍ਧੋ’’ਤਿ વਾ ਧਮ੍ਮਂ ‘‘ਨ ਧਮ੍ਮੋ’’ਤਿ વਾ, ਸਙ੍ਘਂ ‘‘ਨ ਸਙ੍ਘੋ’’ਤਿ વਾ વਦੇਯ੍ਯਨ੍ਤਿ। ਏવਂ ਅਤ੍ਤਸਨ੍ਨਿਯ੍ਯਾਤਨੇਨ ਸਰਣਂ ਗਨ੍ਤ੍વਾ ਚਤੂਹਿ ਚ ਪਚ੍ਚਯੇਹਿ ਪવਾਰੇਤ੍વਾ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਤਿਕ੍ਖਤ੍ਤੁਂ ਪਦਕ੍ਖਿਣਂ ਕਤ੍વਾ ਪਕ੍ਕਾਮੀਤਿ।

    Pāṇupetanti pāṇehi upetaṃ, yāva me jīvitaṃ pavattati, tāva upetaṃ. Anaññasatthukaṃ tīhi saraṇagamanehi saraṇaṃ gataṃ upāsakaṃ kappiyakārakaṃ maṃ bhavaṃ gotamo dhāretu jānātu. Ahañhi sacepi me tikhiṇena asinā sīsaṃ chindeyya, neva buddhaṃ ‘‘na buddho’’ti vā dhammaṃ ‘‘na dhammo’’ti vā, saṅghaṃ ‘‘na saṅgho’’ti vā vadeyyanti. Evaṃ attasanniyyātanena saraṇaṃ gantvā catūhi ca paccayehi pavāretvā uṭṭhāyāsanā bhagavantaṃ abhivādetvā tikkhattuṃ padakkhiṇaṃ katvā pakkāmīti.

    ਉਪਾਸਕવਿਧਿਕਥਾવਣ੍ਣਨਾ ਨਿਟ੍ਠਿਤਾ।

    Upāsakavidhikathāvaṇṇanā niṭṭhitā.

    ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ

    Papañcasūdaniyā majjhimanikāyaṭṭhakathāya

    ਭਯਭੇਰવਸੁਤ੍ਤવਣ੍ਣਨਾ ਨਿਟ੍ਠਿਤਾ।

    Bhayabheravasuttavaṇṇanā niṭṭhitā.




    Next: ੫. ਅਨਙ੍ਗਣਸੁਤ੍ਤવਣ੍ਣਨਾ • 5. Anaṅgaṇasuttavaṇṇanā




    Related texts:



    ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੪. ਭਯਭੇਰવਸੁਤ੍ਤਂ • 4. Bhayabheravasuttaṃ

    ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੪. ਭਯਭੇਰવਸੁਤ੍ਤવਣ੍ਣਨਾ • 4. Bhayabheravasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact