| Tipiṭaka / Tipiṭaka (English) / Aṅguttara Nikāya, English translation |
अङ्गुत्तर निकाय ६।२३
Aṅguttara Nikāya 6.23
Numbered Discourses 6.23
३। अनुत्तरियवग्ग
3. Anuttariyavagga
3. Unsurpassable
भयसुत्त
Bhayasutta
Dangers
“‘भयन्ऽति, भिक्खवे, कामानमेतं अधिवचनं; ‘दुक्खन्ऽति, भिक्खवे, कामानमेतं अधिवचनं; ‘रोगोऽति, भिक्खवे, कामानमेतं अधिवचनं; ‘गण्डोऽति, भिक्खवे, कामानमेतं अधिवचनं; ‘सङ्गोऽति, भिक्खवे, कामानमेतं अधिवचनं; ‘पङ्कोऽति, भिक्खवे, कामानमेतं अधिवचनं।
“‘Bhayan’ti, bhikkhave, kāmānametaṁ adhivacanaṁ; ‘dukkhan’ti, bhikkhave, kāmānametaṁ adhivacanaṁ; ‘rogo’ti, bhikkhave, kāmānametaṁ adhivacanaṁ; ‘gaṇḍo’ti, bhikkhave, kāmānametaṁ adhivacanaṁ; ‘saṅgo’ti, bhikkhave, kāmānametaṁ adhivacanaṁ; ‘paṅko’ti, bhikkhave, kāmānametaṁ adhivacanaṁ.
“‘Danger’, bhikkhus, is a term for sensual pleasures. ‘Suffering’, ‘disease’, ‘boil’, ‘snare’, and ‘bog’ are terms for sensual pleasures.
कस्मा च, भिक्खवे, ‘भयन्ऽति कामानमेतं अधिवचनं? कामरागरत्तायं, भिक्खवे, छन्दरागविनिबद्धो दिट्ठधम्मिकापि भया न परिमुच्चति, सम्परायिकापि भया न परिमुच्चति, तस्मा ‘भयन्ऽति कामानमेतं अधिवचनं।
Kasmā ca, bhikkhave, ‘bhayan’ti kāmānametaṁ adhivacanaṁ? Kāmarāgarattāyaṁ, bhikkhave, chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati, tasmā ‘bhayan’ti kāmānametaṁ adhivacanaṁ.
And why is ‘danger’ a term for sensual pleasures? Someone who is besotted by sensual greed and shackled by lustful desire is not freed from dangers in the present life or in lives to come. That is why ‘danger’ is a term for sensual pleasures.
कस्मा च, भिक्खवे, दुक्खन्ति …पे… रोगोति … गण्डोति … सङ्गोति … पङ्कोति कामानमेतं अधिवचनं? कामरागरत्तायं, भिक्खवे, छन्दरागविनिबद्धो दिट्ठधम्मिकापि पङ्का न परिमुच्चति, सम्परायिकापि पङ्का न परिमुच्चति, तस्मा ‘पङ्कोऽति कामानमेतं अधिवचनन्ति।
Kasmā ca, bhikkhave, dukkhanti …pe… rogoti … gaṇḍoti … saṅgoti … paṅkoti kāmānametaṁ adhivacanaṁ? Kāmarāgarattāyaṁ, bhikkhave, chandarāgavinibaddho diṭṭhadhammikāpi paṅkā na parimuccati, samparāyikāpi paṅkā na parimuccati, tasmā ‘paṅko’ti kāmānametaṁ adhivacananti.
And why are ‘suffering’, ‘disease’, ‘boil’, ‘snare’, and ‘bog’ terms for sensual pleasures? Someone who is besotted by sensual greed and shackled by lustful desire is not freed from suffering, disease, boils, chains, or bogs in the present life or in lives to come. That is why these are terms for sensual pleasures.
भयं दुक्खं रोगो गण्डो, सङ्गो पङ्को च उभयं; एते कामा पवुच्चन्ति, यत्थ सत्तो पुथुज्जनो।
Bhayaṁ dukkhaṁ rogo gaṇḍo, saṅgo paṅko ca ubhayaṁ; Ete kāmā pavuccanti, yattha satto puthujjano.
Danger, suffering, disease, boils, and snares and bogs both. These describe the sensual pleasures to which ordinary people are attached.
उपादाने भयं दिस्वा, जातिमरणसम्भवे; अनुपादा विमुच्चन्ति, जातिमरणसङ्खये।
Upādāne bhayaṁ disvā, jātimaraṇasambhave; Anupādā vimuccanti, jātimaraṇasaṅkhaye.
Seeing the danger in grasping, the origin of birth and death, the unattached are freed with the ending of birth and death.
ते खेमप्पत्ता सुखिनो, दिट्ठधम्माभिनिब्बुता; सब्बवेरभयातीता, सब्बदुक्खं उपच्चगुन्”ति।
Te khemappattā sukhino, diṭṭhadhammābhinibbutā; Sabbaverabhayātītā, sabbadukkhaṁ upaccagun”ti.
Happy, they’ve come to a safe place, extinguished in this very life. They’ve gone beyond all threats and dangers, and risen above all suffering.”
ततियं।
Tatiyaṁ.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
