| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. ভযসুত্তং
6. Bhayasuttaṃ
৫৬. ‘‘‘ভয’ন্তি 1, ভিক্খৰে, কামানমেতং অধিৰচনং। ‘দুক্খ’ন্তি, ভিক্খৰে, কামানমেতং অধিৰচনং। ‘রোগো’তি, ভিক্খৰে, কামানমেতং অধিৰচনং। ‘গণ্ডো’তি, ভিক্খৰে, কামানমেতং অধিৰচনং। ‘সল্ল’ন্তি, ভিক্খৰে, কামানমেতং অধিৰচনং। ‘সঙ্গো’তি, ভিক্খৰে, কামানমেতং অধিৰচনং। ‘পঙ্কো’তি, ভিক্খৰে, কামানমেতং অধিৰচনং । ‘গব্ভো’তি, ভিক্খৰে, কামানমেতং অধিৰচনং। কস্মা চ, ভিক্খৰে, ‘ভয’ন্তি কামানমেতং অধিৰচনং? যস্মা চ কামরাগরত্তাযং, ভিক্খৰে, ছন্দরাগৰিনিবদ্ধো দিট্ঠধম্মিকাপি ভযা ন পরিমুচ্চতি, সম্পরাযিকাপি ভযা ন পরিমুচ্চতি, তস্মা ‘ভয’ন্তি কামানমেতং অধিৰচনং। কস্মা চ, ভিক্খৰে, ‘দুক্খ’ন্তি…পে॰… ‘রোগো’তি… ‘গণ্ডো’তি… ‘সল্ল’ন্তি… ‘সঙ্গো’তি… ‘পঙ্কো’তি… ‘গব্ভো’তি কামানমেতং অধিৰচনং? যস্মা চ কামরাগরত্তাযং, ভিক্খৰে, ছন্দরাগৰিনিবদ্ধো দিট্ঠধম্মিকাপি গব্ভা ন পরিমুচ্চতি, সম্পরাযিকাপি গব্ভা ন পরিমুচ্চতি, তস্মা ‘গব্ভো’তি কামানমেতং অধিৰচনং’’।
56. ‘‘‘Bhaya’nti 2, bhikkhave, kāmānametaṃ adhivacanaṃ. ‘Dukkha’nti, bhikkhave, kāmānametaṃ adhivacanaṃ. ‘Rogo’ti, bhikkhave, kāmānametaṃ adhivacanaṃ. ‘Gaṇḍo’ti, bhikkhave, kāmānametaṃ adhivacanaṃ. ‘Salla’nti, bhikkhave, kāmānametaṃ adhivacanaṃ. ‘Saṅgo’ti, bhikkhave, kāmānametaṃ adhivacanaṃ. ‘Paṅko’ti, bhikkhave, kāmānametaṃ adhivacanaṃ . ‘Gabbho’ti, bhikkhave, kāmānametaṃ adhivacanaṃ. Kasmā ca, bhikkhave, ‘bhaya’nti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati, tasmā ‘bhaya’nti kāmānametaṃ adhivacanaṃ. Kasmā ca, bhikkhave, ‘dukkha’nti…pe… ‘rogo’ti… ‘gaṇḍo’ti… ‘salla’nti… ‘saṅgo’ti… ‘paṅko’ti… ‘gabbho’ti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi gabbhā na parimuccati, samparāyikāpi gabbhā na parimuccati, tasmā ‘gabbho’ti kāmānametaṃ adhivacanaṃ’’.
‘‘ভযং দুক্খঞ্চ রোগো চ, গণ্ডো সল্লঞ্চ সঙ্গো চ।
‘‘Bhayaṃ dukkhañca rogo ca, gaṇḍo sallañca saṅgo ca;
পঙ্কো গব্ভো চ উভযং, এতে কামা পৰুচ্চন্তি।
Paṅko gabbho ca ubhayaṃ, ete kāmā pavuccanti;
যত্থ সত্তো পুথুজ্জনো॥
Yattha satto puthujjano.
‘‘ওতিণ্ণো সাতরূপেন, পুন গব্ভায গচ্ছতি।
‘‘Otiṇṇo sātarūpena, puna gabbhāya gacchati;
‘‘সো ইমং পলিপথং দুগ্গং, অতিক্কম্ম তথাৰিধো।
‘‘So imaṃ palipathaṃ duggaṃ, atikkamma tathāvidho;
পজং জাতিজরূপেতং, ফন্দমানং অৰেক্খতী’’তি॥ ছট্ঠং।
Pajaṃ jātijarūpetaṃ, phandamānaṃ avekkhatī’’ti. chaṭṭhaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. ভযসুত্তৰণ্ণনা • 6. Bhayasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-৮. ভযসুত্তাদিৰণ্ণনা • 6-8. Bhayasuttādivaṇṇanā
