| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. бхаяасуд̇д̇ам̣
2. Bhayasuttaṃ
63. ‘‘д̇ийн̣имаани , бхигкавз, амаад̇аабуд̇д̇игаани бхаяаанийд̇и ассуд̇аваа бут̇уж̇ж̇ано бхаасад̇и. гад̇амаани д̇ийн̣и? ход̇и со, бхигкавз, самаяо яам̣ махаааг̇г̇ид̣аахо вудтаад̇и. махаааг̇г̇ид̣аахз ко бана, бхигкавз, вудтид̇з д̇зна г̇аамааби д̣аяханд̇и ниг̇амааби д̣аяханд̇и наг̇арааби д̣аяханд̇и. г̇аамзсуби д̣аяхамаанзсу ниг̇амзсуби д̣аяхамаанзсу наг̇арзсуби д̣аяхамаанзсу д̇ад̇т̇а маад̇ааби буд̇д̇ам̣ наббадилабхад̇и, буд̇д̇оби маад̇арам̣ наббадилабхад̇и . ид̣̇ам̣, бхигкавз, батамам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и.
63. ‘‘Tīṇimāni , bhikkhave, amātāputtikāni bhayānīti assutavā puthujjano bhāsati. Katamāni tīṇi? Hoti so, bhikkhave, samayo yaṃ mahāaggiḍāho vuṭṭhāti. Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti. Gāmesupi ḍayhamānesu nigamesupi ḍayhamānesu nagaresupi ḍayhamānesu tattha mātāpi puttaṃ nappaṭilabhati, puttopi mātaraṃ nappaṭilabhati . Idaṃ, bhikkhave, paṭhamaṃ amātāputtikaṃ bhayanti assutavā puthujjano bhāsati.
‘‘буна жабарам̣, бхигкавз, ход̇и со самаяо яам̣ махаамзгхо вудтаад̇и. махаамзгхз ко бана, бхигкавз, вудтид̇з махаауд̣̇агаваахаго сан̃ж̇ааяад̇и. махаауд̣̇агаваахагз ко бана, бхигкавз, сан̃ж̇ааяанд̇з д̇зна г̇аамааби вуяханд̇и ниг̇амааби вуяханд̇и наг̇арааби вуяханд̇и. г̇аамзсуби вуяхамаанзсу ниг̇амзсуби вуяхамаанзсу наг̇арзсуби вуяхамаанзсу д̇ад̇т̇а маад̇ааби буд̇д̇ам̣ наббадилабхад̇и, буд̇д̇оби маад̇арам̣ наббадилабхад̇и. ид̣̇ам̣, бхигкавз, д̣̇уд̇ияам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и.
‘‘Puna caparaṃ, bhikkhave, hoti so samayo yaṃ mahāmegho vuṭṭhāti. Mahāmeghe kho pana, bhikkhave, vuṭṭhite mahāudakavāhako sañjāyati. Mahāudakavāhake kho pana, bhikkhave, sañjāyante tena gāmāpi vuyhanti nigamāpi vuyhanti nagarāpi vuyhanti. Gāmesupi vuyhamānesu nigamesupi vuyhamānesu nagaresupi vuyhamānesu tattha mātāpi puttaṃ nappaṭilabhati, puttopi mātaraṃ nappaṭilabhati. Idaṃ, bhikkhave, dutiyaṃ amātāputtikaṃ bhayanti assutavā puthujjano bhāsati.
‘‘буна жабарам̣, бхигкавз, ход̇и со самаяо яам̣ бхаяам̣ ход̇и адависан̇гобо, жаггасамаарул̣хаа ж̇аанабад̣̇аа барияааяанд̇и. бхаяз ко бана, бхигкавз, сад̇и адависан̇гобз жаггасамаарул̣хзсу ж̇аанабад̣̇зсу барияааяанд̇зсу д̇ад̇т̇а маад̇ааби буд̇д̇ам̣ наббадилабхад̇и, буд̇д̇оби маад̇арам̣ наббадилабхад̇и. ид̣̇ам̣, бхигкавз, д̇ад̇ияам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и. имаани ко, бхигкавз, д̇ийн̣и амаад̇аабуд̇д̇игаани бхаяаанийд̇и ассуд̇аваа бут̇уж̇ж̇ано бхаасад̇и.
‘‘Puna caparaṃ, bhikkhave, hoti so samayo yaṃ bhayaṃ hoti aṭavisaṅkopo, cakkasamāruḷhā jānapadā pariyāyanti. Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu tattha mātāpi puttaṃ nappaṭilabhati, puttopi mātaraṃ nappaṭilabhati. Idaṃ, bhikkhave, tatiyaṃ amātāputtikaṃ bhayanti assutavā puthujjano bhāsati. Imāni kho, bhikkhave, tīṇi amātāputtikāni bhayānīti assutavā puthujjano bhāsati.
‘‘д̇аани ко банимаани 1, бхигкавз, д̇ийн̣и самаад̇аабуд̇д̇игааниязва бхаяаани амаад̇аабуд̇д̇игаани бхаяаанийд̇и ассуд̇аваа бут̇уж̇ж̇ано бхаасад̇и. гад̇амаани д̇ийн̣и? ход̇и со, бхигкавз, самаяо яам̣ махаааг̇г̇ид̣аахо вудтаад̇и. махаааг̇г̇ид̣аахз ко бана, бхигкавз, вудтид̇з д̇зна г̇аамааби д̣аяханд̇и ниг̇амааби д̣аяханд̇и наг̇арааби д̣аяханд̇и. г̇аамзсуби д̣аяхамаанзсу ниг̇амзсуби д̣аяхамаанзсу наг̇арзсуби д̣аяхамаанзсу ход̇и со самаяо яам̣ гад̣̇аажи гарахажи маад̇ааби буд̇д̇ам̣ бадилабхад̇и, буд̇д̇оби маад̇арам̣ бадилабхад̇и. ид̣̇ам̣, бхигкавз, батамам̣ самаад̇аабуд̇д̇игам̣язва бхаяам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и.
‘‘Tāni kho panimāni 2, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati. Katamāni tīṇi? Hoti so, bhikkhave, samayo yaṃ mahāaggiḍāho vuṭṭhāti. Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti. Gāmesupi ḍayhamānesu nigamesupi ḍayhamānesu nagaresupi ḍayhamānesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, paṭhamaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati.
‘‘буна жабарам̣, бхигкавз, ход̇и со самаяо яам̣ махаамзгхо вудтаад̇и. махаамзгхз ко бана, бхигкавз, вудтид̇з махаауд̣̇агаваахаго сан̃ж̇ааяад̇и. махаауд̣̇агаваахагз ко бана, бхигкавз, сан̃ж̇аад̇з д̇зна г̇аамааби вуяханд̇и ниг̇амааби вуяханд̇и наг̇арааби вуяханд̇и. г̇аамзсуби вуяхамаанзсу ниг̇амзсуби вуяхамаанзсу наг̇арзсуби вуяхамаанзсу ход̇и со самаяо яам̣ гад̣̇аажи гарахажи маад̇ааби буд̇д̇ам̣ бадилабхад̇и, буд̇д̇оби маад̇арам̣ бадилабхад̇и. ид̣̇ам̣, бхигкавз, д̣̇уд̇ияам̣ самаад̇аабуд̇д̇игам̣язва бхаяам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и.
‘‘Puna caparaṃ, bhikkhave, hoti so samayo yaṃ mahāmegho vuṭṭhāti. Mahāmeghe kho pana, bhikkhave, vuṭṭhite mahāudakavāhako sañjāyati. Mahāudakavāhake kho pana, bhikkhave, sañjāte tena gāmāpi vuyhanti nigamāpi vuyhanti nagarāpi vuyhanti. Gāmesupi vuyhamānesu nigamesupi vuyhamānesu nagaresupi vuyhamānesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, dutiyaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati.
‘‘буна жабарам̣, бхигкавз, ход̇и со самаяо яам̣ бхаяам̣ ход̇и адависан̇гобо, жаггасамаарул̣хаа ж̇аанабад̣̇аа барияааяанд̇и. бхаяз ко бана, бхигкавз, сад̇и адависан̇гобз жаггасамаарул̣хзсу ж̇аанабад̣̇зсу барияааяанд̇зсу ход̇и со самаяо яам̣ гад̣̇аажи гарахажи маад̇ааби буд̇д̇ам̣ бадилабхад̇и, буд̇д̇оби маад̇арам̣ бадилабхад̇и. ид̣̇ам̣, бхигкавз, д̇ад̇ияам̣ самаад̇аабуд̇д̇игам̣язва бхаяам̣ амаад̇аабуд̇д̇игам̣ бхаяанд̇и ассуд̇аваа бут̇уж̇ж̇ано бхаасад̇и. ‘‘имаани ко, бхигкавз, д̇ийн̣и самаад̇аабуд̇д̇игааниязва бхаяаани амаад̇аабуд̇д̇игаани бхаяаанийд̇и ассуд̇аваа бут̇уж̇ж̇ано бхаасад̇и’’.
‘‘Puna caparaṃ, bhikkhave, hoti so samayo yaṃ bhayaṃ hoti aṭavisaṅkopo, cakkasamāruḷhā jānapadā pariyāyanti. Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, tatiyaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati. ‘‘Imāni kho, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati’’.
‘‘д̇ийн̣имаани, бхигкавз, амаад̇аабуд̇д̇игаани бхаяаани. гад̇амаани д̇ийн̣и? ж̇араабхаяам̣, б̣яаад̇хибхаяам̣, маран̣абхаяанд̇и. на, бхигкавз, маад̇аа буд̇д̇ам̣ ж̇ийрамаанам̣ звам̣ лабхад̇и – ‘ахам̣ ж̇ийраами, маа мз буд̇д̇о ж̇ийрий’д̇и; буд̇д̇о ваа бана маад̇арам̣ ж̇ийрамаанам̣ на звам̣ лабхад̇и – ‘ахам̣ ж̇ийраами, маа мз маад̇аа ж̇ийрий’’’д̇и.
‘‘Tīṇimāni, bhikkhave, amātāputtikāni bhayāni. Katamāni tīṇi? Jarābhayaṃ, byādhibhayaṃ, maraṇabhayanti. Na, bhikkhave, mātā puttaṃ jīramānaṃ evaṃ labhati – ‘ahaṃ jīrāmi, mā me putto jīrī’ti; putto vā pana mātaraṃ jīramānaṃ na evaṃ labhati – ‘ahaṃ jīrāmi, mā me mātā jīrī’’’ti.
‘‘на, бхигкавз, маад̇аа буд̇д̇ам̣ б̣яаад̇хияамаанам̣ звам̣ лабхад̇и – ‘ахам̣ б̣яаад̇хияаами, маа мз буд̇д̇о б̣яаад̇хияий’д̇и; буд̇д̇о ваа бана маад̇арам̣ б̣яаад̇хияамаанам̣ на звам̣ лабхад̇и – ‘ахам̣ б̣яаад̇хияаами, маа мз маад̇аа б̣яаад̇хияий’’’д̇и.
‘‘Na, bhikkhave, mātā puttaṃ byādhiyamānaṃ evaṃ labhati – ‘ahaṃ byādhiyāmi, mā me putto byādhiyī’ti; putto vā pana mātaraṃ byādhiyamānaṃ na evaṃ labhati – ‘ahaṃ byādhiyāmi, mā me mātā byādhiyī’’’ti.
‘‘на, бхигкавз, маад̇аа буд̇д̇ам̣ мийяамаанам̣ звам̣ лабхад̇и – ‘ахам̣ мийяаами, маа мз буд̇д̇о мийяий’д̇и; буд̇д̇о ваа бана маад̇арам̣ мийяамаанам̣ на звам̣ лабхад̇и – ‘ахам̣ мийяаами, маа мз маад̇аа мийяий’д̇и. имаани ко, бхигкавз, д̇ийн̣и амаад̇аабуд̇д̇игаани бхаяааний’’д̇и.
‘‘Na, bhikkhave, mātā puttaṃ mīyamānaṃ evaṃ labhati – ‘ahaṃ mīyāmi, mā me putto mīyī’ti; putto vā pana mātaraṃ mīyamānaṃ na evaṃ labhati – ‘ahaṃ mīyāmi, mā me mātā mīyī’ti. Imāni kho, bhikkhave, tīṇi amātāputtikāni bhayānī’’ti.
‘‘ад̇т̇и , бхигкавз, маг̇г̇о ад̇т̇и бадибад̣̇аа имзсан̃жа д̇ин̣н̣ам̣ самаад̇аабуд̇д̇игаанам̣ бхаяаанам̣ имзсан̃жа д̇ин̣н̣ам̣ амаад̇аабуд̇д̇игаанам̣ бхаяаанам̣ бахаанааяа самад̇иггамааяа сам̣вад̇д̇ад̇и. гад̇амо жа, бхигкавз, маг̇г̇о гад̇амаа жа бадибад̣̇аа имзсан̃жа д̇ин̣н̣ам̣ самаад̇аабуд̇д̇игаанам̣ бхаяаанам̣ имзсан̃жа д̇ин̣н̣ам̣ амаад̇аабуд̇д̇игаанам̣ бхаяаанам̣ бахаанааяа самад̇иггамааяа сам̣вад̇д̇ад̇и? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи. аяам̣ ко, бхигкавз, маг̇г̇о аяам̣ бадибад̣̇аа имзсан̃жа д̇ин̣н̣ам̣ самаад̇аабуд̇д̇игаанам̣ бхаяаанам̣ имзсан̃жа д̇ин̣н̣ам̣ амаад̇аабуд̇д̇игаанам̣ бхаяаанам̣ бахаанааяа самад̇иггамааяа сам̣вад̇д̇ад̇ий’’д̇и. д̣̇уд̇ияам̣.
‘‘Atthi , bhikkhave, maggo atthi paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattati. Katamo ca, bhikkhave, maggo katamā ca paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattati? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkapo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ kho, bhikkhave, maggo ayaṃ paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattatī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. бхаяасуд̇д̇аван̣н̣анаа • 2. Bhayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. бхаяасуд̇д̇аван̣н̣анаа • 2. Bhayasuttavaṇṇanā
