| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๓. ภยสุตฺตํ
3. Bhayasuttaṃ
๒๓. ‘‘‘ภย’นฺติ, ภิกฺขเว, กามานเมตํ อธิวจนํ; ‘ทุกฺข’นฺติ, ภิกฺขเว, กามานเมตํ อธิวจนํ; ‘โรโค’ติ, ภิกฺขเว, กามานเมตํ อธิวจนํ; ‘คโณฺฑ’ติ, ภิกฺขเว , กามานเมตํ อธิวจนํ; ‘สโงฺค’ติ, ภิกฺขเว, กามานเมตํ อธิวจนํ; ‘ปโงฺก’ติ, ภิกฺขเว, กามานเมตํ อธิวจนํฯ
23. ‘‘‘Bhaya’nti, bhikkhave, kāmānametaṃ adhivacanaṃ; ‘dukkha’nti, bhikkhave, kāmānametaṃ adhivacanaṃ; ‘rogo’ti, bhikkhave, kāmānametaṃ adhivacanaṃ; ‘gaṇḍo’ti, bhikkhave , kāmānametaṃ adhivacanaṃ; ‘saṅgo’ti, bhikkhave, kāmānametaṃ adhivacanaṃ; ‘paṅko’ti, bhikkhave, kāmānametaṃ adhivacanaṃ.
‘‘กสฺมา จ, ภิกฺขเว, ‘ภย’นฺติ กามานเมตํ อธิวจนํ? กามราครตฺตายํ, ภิกฺขเว, ฉนฺทราควินิพโทฺธ ทิฎฺฐธมฺมิกาปิ ภยา น ปริมุจฺจติ, สมฺปรายิกาปิ ภยา น ปริมุจฺจติ, ตสฺมา ‘ภย’นฺติ กามานเมตํ อธิวจนํฯ กสฺมา จ, ภิกฺขเว, ทุกฺขนฺติ…เป.… โรโคติ… คโณฺฑติ… สโงฺคติ… ปโงฺกติ กามานเมตํ อธิวจนํ? กามราครตฺตายํ, ภิกฺขเว, ฉนฺทราควินิพโทฺธ ทิฎฺฐธมฺมิกาปิ ปงฺกา น ปริมุจฺจติ, สมฺปรายิกาปิ ปงฺกา น ปริมุจฺจติ, ตสฺมา ‘ปโงฺก’ติ กามานเมตํ อธิวจน’’นฺติฯ
‘‘Kasmā ca, bhikkhave, ‘bhaya’nti kāmānametaṃ adhivacanaṃ? Kāmarāgarattāyaṃ, bhikkhave, chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati, tasmā ‘bhaya’nti kāmānametaṃ adhivacanaṃ. Kasmā ca, bhikkhave, dukkhanti…pe… rogoti… gaṇḍoti… saṅgoti… paṅkoti kāmānametaṃ adhivacanaṃ? Kāmarāgarattāyaṃ, bhikkhave, chandarāgavinibaddho diṭṭhadhammikāpi paṅkā na parimuccati, samparāyikāpi paṅkā na parimuccati, tasmā ‘paṅko’ti kāmānametaṃ adhivacana’’nti.
‘‘ภยํ ทุกฺขํ โรโค คโณฺฑ, สโงฺค ปโงฺก จ อุภยํ;
‘‘Bhayaṃ dukkhaṃ rogo gaṇḍo, saṅgo paṅko ca ubhayaṃ;
เอเต กามา ปวุจฺจนฺติ, ยตฺถ สโตฺต ปุถุชฺชโนฯ
Ete kāmā pavuccanti, yattha satto puthujjano.
‘‘อุปาทาเน ภยํ ทิสฺวา, ชาติมรณสมฺภเว;
‘‘Upādāne bhayaṃ disvā, jātimaraṇasambhave;
อนุปาทา วิมุจฺจนฺติ, ชาติมรณสงฺขเยฯ
Anupādā vimuccanti, jātimaraṇasaṅkhaye.
‘‘เต เขมปฺปตฺตา สุขิโน, ทิฎฺฐธมฺมาภินิพฺพุตา;
‘‘Te khemappattā sukhino, diṭṭhadhammābhinibbutā;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓. ภยสุตฺตวณฺณนา • 3. Bhayasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓. ภยสุตฺตวณฺณนา • 3. Bhayasuttavaṇṇanā
