| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๖. ภยสุตฺตํ
6. Bhayasuttaṃ
๕๖. ‘‘‘ภย’นฺติ 1, ภิกฺขเว, กามานเมตํ อธิวจนํฯ ‘ทุกฺข’นฺติ, ภิกฺขเว, กามานเมตํ อธิวจนํฯ ‘โรโค’ติ, ภิกฺขเว, กามานเมตํ อธิวจนํฯ ‘คโณฺฑ’ติ, ภิกฺขเว, กามานเมตํ อธิวจนํฯ ‘สลฺล’นฺติ, ภิกฺขเว, กามานเมตํ อธิวจนํฯ ‘สโงฺค’ติ, ภิกฺขเว, กามานเมตํ อธิวจนํฯ ‘ปโงฺก’ติ, ภิกฺขเว, กามานเมตํ อธิวจนํ ฯ ‘คโพฺภ’ติ, ภิกฺขเว, กามานเมตํ อธิวจนํฯ กสฺมา จ, ภิกฺขเว, ‘ภย’นฺติ กามานเมตํ อธิวจนํ? ยสฺมา จ กามราครตฺตายํ, ภิกฺขเว, ฉนฺทราควินิพโทฺธ ทิฎฺฐธมฺมิกาปิ ภยา น ปริมุจฺจติ, สมฺปรายิกาปิ ภยา น ปริมุจฺจติ, ตสฺมา ‘ภย’นฺติ กามานเมตํ อธิวจนํฯ กสฺมา จ, ภิกฺขเว, ‘ทุกฺข’นฺติ…เป.… ‘โรโค’ติ… ‘คโณฺฑ’ติ… ‘สลฺล’นฺติ… ‘สโงฺค’ติ… ‘ปโงฺก’ติ… ‘คโพฺภ’ติ กามานเมตํ อธิวจนํ? ยสฺมา จ กามราครตฺตายํ, ภิกฺขเว, ฉนฺทราควินิพโทฺธ ทิฎฺฐธมฺมิกาปิ คพฺภา น ปริมุจฺจติ, สมฺปรายิกาปิ คพฺภา น ปริมุจฺจติ, ตสฺมา ‘คโพฺภ’ติ กามานเมตํ อธิวจนํ’’ฯ
56. ‘‘‘Bhaya’nti 2, bhikkhave, kāmānametaṃ adhivacanaṃ. ‘Dukkha’nti, bhikkhave, kāmānametaṃ adhivacanaṃ. ‘Rogo’ti, bhikkhave, kāmānametaṃ adhivacanaṃ. ‘Gaṇḍo’ti, bhikkhave, kāmānametaṃ adhivacanaṃ. ‘Salla’nti, bhikkhave, kāmānametaṃ adhivacanaṃ. ‘Saṅgo’ti, bhikkhave, kāmānametaṃ adhivacanaṃ. ‘Paṅko’ti, bhikkhave, kāmānametaṃ adhivacanaṃ . ‘Gabbho’ti, bhikkhave, kāmānametaṃ adhivacanaṃ. Kasmā ca, bhikkhave, ‘bhaya’nti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati, tasmā ‘bhaya’nti kāmānametaṃ adhivacanaṃ. Kasmā ca, bhikkhave, ‘dukkha’nti…pe… ‘rogo’ti… ‘gaṇḍo’ti… ‘salla’nti… ‘saṅgo’ti… ‘paṅko’ti… ‘gabbho’ti kāmānametaṃ adhivacanaṃ? Yasmā ca kāmarāgarattāyaṃ, bhikkhave, chandarāgavinibaddho diṭṭhadhammikāpi gabbhā na parimuccati, samparāyikāpi gabbhā na parimuccati, tasmā ‘gabbho’ti kāmānametaṃ adhivacanaṃ’’.
‘‘ภยํ ทุกฺขญฺจ โรโค จ, คโณฺฑ สลฺลญฺจ สโงฺค จ;
‘‘Bhayaṃ dukkhañca rogo ca, gaṇḍo sallañca saṅgo ca;
ปโงฺก คโพฺภ จ อุภยํ, เอเต กามา ปวุจฺจนฺติ;
Paṅko gabbho ca ubhayaṃ, ete kāmā pavuccanti;
ยตฺถ สโตฺต ปุถุชฺชโนฯ
Yattha satto puthujjano.
‘‘โอติโณฺณ สาตรูเปน, ปุน คพฺภาย คจฺฉติ;
‘‘Otiṇṇo sātarūpena, puna gabbhāya gacchati;
‘‘โส อิมํ ปลิปถํ ทุคฺคํ, อติกฺกมฺม ตถาวิโธ;
‘‘So imaṃ palipathaṃ duggaṃ, atikkamma tathāvidho;
ปชํ ชาติชรูเปตํ, ผนฺทมานํ อเวกฺขตี’’ติฯ ฉฎฺฐํ;
Pajaṃ jātijarūpetaṃ, phandamānaṃ avekkhatī’’ti. chaṭṭhaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๖. ภยสุตฺตวณฺณนา • 6. Bhayasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๘. ภยสุตฺตาทิวณฺณนา • 6-8. Bhayasuttādivaṇṇanā
