| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਭਯਸੁਤ੍ਤਂ
2. Bhayasuttaṃ
੬੩. ‘‘ਤੀਣਿਮਾਨਿ , ਭਿਕ੍ਖવੇ, ਅਮਾਤਾਪੁਤ੍ਤਿਕਾਨਿ ਭਯਾਨੀਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ। ਕਤਮਾਨਿ ਤੀਣਿ? ਹੋਤਿ ਸੋ, ਭਿਕ੍ਖવੇ, ਸਮਯੋ ਯਂ ਮਹਾਅਗ੍ਗਿਡਾਹੋ વੁਟ੍ਠਾਤਿ। ਮਹਾਅਗ੍ਗਿਡਾਹੇ ਖੋ ਪਨ, ਭਿਕ੍ਖવੇ, વੁਟ੍ਠਿਤੇ ਤੇਨ ਗਾਮਾਪਿ ਡਯ੍ਹਨ੍ਤਿ ਨਿਗਮਾਪਿ ਡਯ੍ਹਨ੍ਤਿ ਨਗਰਾਪਿ ਡਯ੍ਹਨ੍ਤਿ। ਗਾਮੇਸੁਪਿ ਡਯ੍ਹਮਾਨੇਸੁ ਨਿਗਮੇਸੁਪਿ ਡਯ੍ਹਮਾਨੇਸੁ ਨਗਰੇਸੁਪਿ ਡਯ੍ਹਮਾਨੇਸੁ ਤਤ੍ਥ ਮਾਤਾਪਿ ਪੁਤ੍ਤਂ ਨਪ੍ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਨਪ੍ਪਟਿਲਭਤਿ । ਇਦਂ, ਭਿਕ੍ਖવੇ, ਪਠਮਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ।
63. ‘‘Tīṇimāni , bhikkhave, amātāputtikāni bhayānīti assutavā puthujjano bhāsati. Katamāni tīṇi? Hoti so, bhikkhave, samayo yaṃ mahāaggiḍāho vuṭṭhāti. Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti. Gāmesupi ḍayhamānesu nigamesupi ḍayhamānesu nagaresupi ḍayhamānesu tattha mātāpi puttaṃ nappaṭilabhati, puttopi mātaraṃ nappaṭilabhati . Idaṃ, bhikkhave, paṭhamaṃ amātāputtikaṃ bhayanti assutavā puthujjano bhāsati.
‘‘ਪੁਨ ਚਪਰਂ, ਭਿਕ੍ਖવੇ, ਹੋਤਿ ਸੋ ਸਮਯੋ ਯਂ ਮਹਾਮੇਘੋ વੁਟ੍ਠਾਤਿ। ਮਹਾਮੇਘੇ ਖੋ ਪਨ, ਭਿਕ੍ਖવੇ, વੁਟ੍ਠਿਤੇ ਮਹਾਉਦਕવਾਹਕੋ ਸਞ੍ਜਾਯਤਿ। ਮਹਾਉਦਕવਾਹਕੇ ਖੋ ਪਨ, ਭਿਕ੍ਖવੇ, ਸਞ੍ਜਾਯਨ੍ਤੇ ਤੇਨ ਗਾਮਾਪਿ વੁਯ੍ਹਨ੍ਤਿ ਨਿਗਮਾਪਿ વੁਯ੍ਹਨ੍ਤਿ ਨਗਰਾਪਿ વੁਯ੍ਹਨ੍ਤਿ। ਗਾਮੇਸੁਪਿ વੁਯ੍ਹਮਾਨੇਸੁ ਨਿਗਮੇਸੁਪਿ વੁਯ੍ਹਮਾਨੇਸੁ ਨਗਰੇਸੁਪਿ વੁਯ੍ਹਮਾਨੇਸੁ ਤਤ੍ਥ ਮਾਤਾਪਿ ਪੁਤ੍ਤਂ ਨਪ੍ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਨਪ੍ਪਟਿਲਭਤਿ। ਇਦਂ, ਭਿਕ੍ਖવੇ, ਦੁਤਿਯਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ।
‘‘Puna caparaṃ, bhikkhave, hoti so samayo yaṃ mahāmegho vuṭṭhāti. Mahāmeghe kho pana, bhikkhave, vuṭṭhite mahāudakavāhako sañjāyati. Mahāudakavāhake kho pana, bhikkhave, sañjāyante tena gāmāpi vuyhanti nigamāpi vuyhanti nagarāpi vuyhanti. Gāmesupi vuyhamānesu nigamesupi vuyhamānesu nagaresupi vuyhamānesu tattha mātāpi puttaṃ nappaṭilabhati, puttopi mātaraṃ nappaṭilabhati. Idaṃ, bhikkhave, dutiyaṃ amātāputtikaṃ bhayanti assutavā puthujjano bhāsati.
‘‘ਪੁਨ ਚਪਰਂ, ਭਿਕ੍ਖવੇ, ਹੋਤਿ ਸੋ ਸਮਯੋ ਯਂ ਭਯਂ ਹੋਤਿ ਅਟવਿਸਙ੍ਕੋਪੋ, ਚਕ੍ਕਸਮਾਰੁਲ਼੍ਹਾ ਜਾਨਪਦਾ ਪਰਿਯਾਯਨ੍ਤਿ। ਭਯੇ ਖੋ ਪਨ, ਭਿਕ੍ਖવੇ, ਸਤਿ ਅਟવਿਸਙ੍ਕੋਪੇ ਚਕ੍ਕਸਮਾਰੁਲ਼੍ਹੇਸੁ ਜਾਨਪਦੇਸੁ ਪਰਿਯਾਯਨ੍ਤੇਸੁ ਤਤ੍ਥ ਮਾਤਾਪਿ ਪੁਤ੍ਤਂ ਨਪ੍ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਨਪ੍ਪਟਿਲਭਤਿ। ਇਦਂ, ਭਿਕ੍ਖવੇ, ਤਤਿਯਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ। ਇਮਾਨਿ ਖੋ, ਭਿਕ੍ਖવੇ, ਤੀਣਿ ਅਮਾਤਾਪੁਤ੍ਤਿਕਾਨਿ ਭਯਾਨੀਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ।
‘‘Puna caparaṃ, bhikkhave, hoti so samayo yaṃ bhayaṃ hoti aṭavisaṅkopo, cakkasamāruḷhā jānapadā pariyāyanti. Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu tattha mātāpi puttaṃ nappaṭilabhati, puttopi mātaraṃ nappaṭilabhati. Idaṃ, bhikkhave, tatiyaṃ amātāputtikaṃ bhayanti assutavā puthujjano bhāsati. Imāni kho, bhikkhave, tīṇi amātāputtikāni bhayānīti assutavā puthujjano bhāsati.
‘‘ਤਾਨਿ ਖੋ ਪਨਿਮਾਨਿ 1, ਭਿਕ੍ਖવੇ, ਤੀਣਿ ਸਮਾਤਾਪੁਤ੍ਤਿਕਾਨਿਯੇવ ਭਯਾਨਿ ਅਮਾਤਾਪੁਤ੍ਤਿਕਾਨਿ ਭਯਾਨੀਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ। ਕਤਮਾਨਿ ਤੀਣਿ? ਹੋਤਿ ਸੋ, ਭਿਕ੍ਖવੇ, ਸਮਯੋ ਯਂ ਮਹਾਅਗ੍ਗਿਡਾਹੋ વੁਟ੍ਠਾਤਿ। ਮਹਾਅਗ੍ਗਿਡਾਹੇ ਖੋ ਪਨ, ਭਿਕ੍ਖવੇ, વੁਟ੍ਠਿਤੇ ਤੇਨ ਗਾਮਾਪਿ ਡਯ੍ਹਨ੍ਤਿ ਨਿਗਮਾਪਿ ਡਯ੍ਹਨ੍ਤਿ ਨਗਰਾਪਿ ਡਯ੍ਹਨ੍ਤਿ। ਗਾਮੇਸੁਪਿ ਡਯ੍ਹਮਾਨੇਸੁ ਨਿਗਮੇਸੁਪਿ ਡਯ੍ਹਮਾਨੇਸੁ ਨਗਰੇਸੁਪਿ ਡਯ੍ਹਮਾਨੇਸੁ ਹੋਤਿ ਸੋ ਸਮਯੋ ਯਂ ਕਦਾਚਿ ਕਰਹਚਿ ਮਾਤਾਪਿ ਪੁਤ੍ਤਂ ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਪਟਿਲਭਤਿ। ਇਦਂ, ਭਿਕ੍ਖવੇ, ਪਠਮਂ ਸਮਾਤਾਪੁਤ੍ਤਿਕਂਯੇવ ਭਯਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ।
‘‘Tāni kho panimāni 2, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati. Katamāni tīṇi? Hoti so, bhikkhave, samayo yaṃ mahāaggiḍāho vuṭṭhāti. Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti. Gāmesupi ḍayhamānesu nigamesupi ḍayhamānesu nagaresupi ḍayhamānesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, paṭhamaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati.
‘‘ਪੁਨ ਚਪਰਂ, ਭਿਕ੍ਖવੇ, ਹੋਤਿ ਸੋ ਸਮਯੋ ਯਂ ਮਹਾਮੇਘੋ વੁਟ੍ਠਾਤਿ। ਮਹਾਮੇਘੇ ਖੋ ਪਨ, ਭਿਕ੍ਖવੇ, વੁਟ੍ਠਿਤੇ ਮਹਾਉਦਕવਾਹਕੋ ਸਞ੍ਜਾਯਤਿ। ਮਹਾਉਦਕવਾਹਕੇ ਖੋ ਪਨ, ਭਿਕ੍ਖવੇ, ਸਞ੍ਜਾਤੇ ਤੇਨ ਗਾਮਾਪਿ વੁਯ੍ਹਨ੍ਤਿ ਨਿਗਮਾਪਿ વੁਯ੍ਹਨ੍ਤਿ ਨਗਰਾਪਿ વੁਯ੍ਹਨ੍ਤਿ। ਗਾਮੇਸੁਪਿ વੁਯ੍ਹਮਾਨੇਸੁ ਨਿਗਮੇਸੁਪਿ વੁਯ੍ਹਮਾਨੇਸੁ ਨਗਰੇਸੁਪਿ વੁਯ੍ਹਮਾਨੇਸੁ ਹੋਤਿ ਸੋ ਸਮਯੋ ਯਂ ਕਦਾਚਿ ਕਰਹਚਿ ਮਾਤਾਪਿ ਪੁਤ੍ਤਂ ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਪਟਿਲਭਤਿ। ਇਦਂ, ਭਿਕ੍ਖવੇ, ਦੁਤਿਯਂ ਸਮਾਤਾਪੁਤ੍ਤਿਕਂਯੇવ ਭਯਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ।
‘‘Puna caparaṃ, bhikkhave, hoti so samayo yaṃ mahāmegho vuṭṭhāti. Mahāmeghe kho pana, bhikkhave, vuṭṭhite mahāudakavāhako sañjāyati. Mahāudakavāhake kho pana, bhikkhave, sañjāte tena gāmāpi vuyhanti nigamāpi vuyhanti nagarāpi vuyhanti. Gāmesupi vuyhamānesu nigamesupi vuyhamānesu nagaresupi vuyhamānesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, dutiyaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati.
‘‘ਪੁਨ ਚਪਰਂ, ਭਿਕ੍ਖવੇ, ਹੋਤਿ ਸੋ ਸਮਯੋ ਯਂ ਭਯਂ ਹੋਤਿ ਅਟવਿਸਙ੍ਕੋਪੋ, ਚਕ੍ਕਸਮਾਰੁਲ਼੍ਹਾ ਜਾਨਪਦਾ ਪਰਿਯਾਯਨ੍ਤਿ। ਭਯੇ ਖੋ ਪਨ, ਭਿਕ੍ਖવੇ, ਸਤਿ ਅਟવਿਸਙ੍ਕੋਪੇ ਚਕ੍ਕਸਮਾਰੁਲ਼੍ਹੇਸੁ ਜਾਨਪਦੇਸੁ ਪਰਿਯਾਯਨ੍ਤੇਸੁ ਹੋਤਿ ਸੋ ਸਮਯੋ ਯਂ ਕਦਾਚਿ ਕਰਹਚਿ ਮਾਤਾਪਿ ਪੁਤ੍ਤਂ ਪਟਿਲਭਤਿ, ਪੁਤ੍ਤੋਪਿ ਮਾਤਰਂ ਪਟਿਲਭਤਿ। ਇਦਂ, ਭਿਕ੍ਖવੇ, ਤਤਿਯਂ ਸਮਾਤਾਪੁਤ੍ਤਿਕਂਯੇવ ਭਯਂ ਅਮਾਤਾਪੁਤ੍ਤਿਕਂ ਭਯਨ੍ਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ। ‘‘ਇਮਾਨਿ ਖੋ, ਭਿਕ੍ਖવੇ, ਤੀਣਿ ਸਮਾਤਾਪੁਤ੍ਤਿਕਾਨਿਯੇવ ਭਯਾਨਿ ਅਮਾਤਾਪੁਤ੍ਤਿਕਾਨਿ ਭਯਾਨੀਤਿ ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤਿ’’।
‘‘Puna caparaṃ, bhikkhave, hoti so samayo yaṃ bhayaṃ hoti aṭavisaṅkopo, cakkasamāruḷhā jānapadā pariyāyanti. Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu hoti so samayo yaṃ kadāci karahaci mātāpi puttaṃ paṭilabhati, puttopi mātaraṃ paṭilabhati. Idaṃ, bhikkhave, tatiyaṃ samātāputtikaṃyeva bhayaṃ amātāputtikaṃ bhayanti assutavā puthujjano bhāsati. ‘‘Imāni kho, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati’’.
‘‘ਤੀਣਿਮਾਨਿ, ਭਿਕ੍ਖવੇ, ਅਮਾਤਾਪੁਤ੍ਤਿਕਾਨਿ ਭਯਾਨਿ। ਕਤਮਾਨਿ ਤੀਣਿ? ਜਰਾਭਯਂ, ਬ੍ਯਾਧਿਭਯਂ, ਮਰਣਭਯਨ੍ਤਿ। ਨ, ਭਿਕ੍ਖવੇ, ਮਾਤਾ ਪੁਤ੍ਤਂ ਜੀਰਮਾਨਂ ਏવਂ ਲਭਤਿ – ‘ਅਹਂ ਜੀਰਾਮਿ, ਮਾ ਮੇ ਪੁਤ੍ਤੋ ਜੀਰੀ’ਤਿ; ਪੁਤ੍ਤੋ વਾ ਪਨ ਮਾਤਰਂ ਜੀਰਮਾਨਂ ਨ ਏવਂ ਲਭਤਿ – ‘ਅਹਂ ਜੀਰਾਮਿ, ਮਾ ਮੇ ਮਾਤਾ ਜੀਰੀ’’’ਤਿ।
‘‘Tīṇimāni, bhikkhave, amātāputtikāni bhayāni. Katamāni tīṇi? Jarābhayaṃ, byādhibhayaṃ, maraṇabhayanti. Na, bhikkhave, mātā puttaṃ jīramānaṃ evaṃ labhati – ‘ahaṃ jīrāmi, mā me putto jīrī’ti; putto vā pana mātaraṃ jīramānaṃ na evaṃ labhati – ‘ahaṃ jīrāmi, mā me mātā jīrī’’’ti.
‘‘ਨ, ਭਿਕ੍ਖવੇ, ਮਾਤਾ ਪੁਤ੍ਤਂ ਬ੍ਯਾਧਿਯਮਾਨਂ ਏવਂ ਲਭਤਿ – ‘ਅਹਂ ਬ੍ਯਾਧਿਯਾਮਿ, ਮਾ ਮੇ ਪੁਤ੍ਤੋ ਬ੍ਯਾਧਿਯੀ’ਤਿ; ਪੁਤ੍ਤੋ વਾ ਪਨ ਮਾਤਰਂ ਬ੍ਯਾਧਿਯਮਾਨਂ ਨ ਏવਂ ਲਭਤਿ – ‘ਅਹਂ ਬ੍ਯਾਧਿਯਾਮਿ, ਮਾ ਮੇ ਮਾਤਾ ਬ੍ਯਾਧਿਯੀ’’’ਤਿ।
‘‘Na, bhikkhave, mātā puttaṃ byādhiyamānaṃ evaṃ labhati – ‘ahaṃ byādhiyāmi, mā me putto byādhiyī’ti; putto vā pana mātaraṃ byādhiyamānaṃ na evaṃ labhati – ‘ahaṃ byādhiyāmi, mā me mātā byādhiyī’’’ti.
‘‘ਨ, ਭਿਕ੍ਖવੇ, ਮਾਤਾ ਪੁਤ੍ਤਂ ਮੀਯਮਾਨਂ ਏવਂ ਲਭਤਿ – ‘ਅਹਂ ਮੀਯਾਮਿ, ਮਾ ਮੇ ਪੁਤ੍ਤੋ ਮੀਯੀ’ਤਿ; ਪੁਤ੍ਤੋ વਾ ਪਨ ਮਾਤਰਂ ਮੀਯਮਾਨਂ ਨ ਏવਂ ਲਭਤਿ – ‘ਅਹਂ ਮੀਯਾਮਿ, ਮਾ ਮੇ ਮਾਤਾ ਮੀਯੀ’ਤਿ। ਇਮਾਨਿ ਖੋ, ਭਿਕ੍ਖવੇ, ਤੀਣਿ ਅਮਾਤਾਪੁਤ੍ਤਿਕਾਨਿ ਭਯਾਨੀ’’ਤਿ।
‘‘Na, bhikkhave, mātā puttaṃ mīyamānaṃ evaṃ labhati – ‘ahaṃ mīyāmi, mā me putto mīyī’ti; putto vā pana mātaraṃ mīyamānaṃ na evaṃ labhati – ‘ahaṃ mīyāmi, mā me mātā mīyī’ti. Imāni kho, bhikkhave, tīṇi amātāputtikāni bhayānī’’ti.
‘‘ਅਤ੍ਥਿ , ਭਿਕ੍ਖવੇ, ਮਗ੍ਗੋ ਅਤ੍ਥਿ ਪਟਿਪਦਾ ਇਮੇਸਞ੍ਚ ਤਿਣ੍ਣਂ ਸਮਾਤਾਪੁਤ੍ਤਿਕਾਨਂ ਭਯਾਨਂ ਇਮੇਸਞ੍ਚ ਤਿਣ੍ਣਂ ਅਮਾਤਾਪੁਤ੍ਤਿਕਾਨਂ ਭਯਾਨਂ ਪਹਾਨਾਯ ਸਮਤਿਕ੍ਕਮਾਯ ਸਂવਤ੍ਤਤਿ। ਕਤਮੋ ਚ, ਭਿਕ੍ਖવੇ, ਮਗ੍ਗੋ ਕਤਮਾ ਚ ਪਟਿਪਦਾ ਇਮੇਸਞ੍ਚ ਤਿਣ੍ਣਂ ਸਮਾਤਾਪੁਤ੍ਤਿਕਾਨਂ ਭਯਾਨਂ ਇਮੇਸਞ੍ਚ ਤਿਣ੍ਣਂ ਅਮਾਤਾਪੁਤ੍ਤਿਕਾਨਂ ਭਯਾਨਂ ਪਹਾਨਾਯ ਸਮਤਿਕ੍ਕਮਾਯ ਸਂવਤ੍ਤਤਿ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ, ਸਮ੍ਮਾਸਙ੍ਕਪੋ, ਸਮ੍ਮਾવਾਚਾ, ਸਮ੍ਮਾਕਮ੍ਮਨ੍ਤੋ, ਸਮ੍ਮਾਆਜੀવੋ, ਸਮ੍ਮਾવਾਯਾਮੋ, ਸਮ੍ਮਾਸਤਿ, ਸਮ੍ਮਾਸਮਾਧਿ। ਅਯਂ ਖੋ, ਭਿਕ੍ਖવੇ, ਮਗ੍ਗੋ ਅਯਂ ਪਟਿਪਦਾ ਇਮੇਸਞ੍ਚ ਤਿਣ੍ਣਂ ਸਮਾਤਾਪੁਤ੍ਤਿਕਾਨਂ ਭਯਾਨਂ ਇਮੇਸਞ੍ਚ ਤਿਣ੍ਣਂ ਅਮਾਤਾਪੁਤ੍ਤਿਕਾਨਂ ਭਯਾਨਂ ਪਹਾਨਾਯ ਸਮਤਿਕ੍ਕਮਾਯ ਸਂવਤ੍ਤਤੀ’’ਤਿ। ਦੁਤਿਯਂ।
‘‘Atthi , bhikkhave, maggo atthi paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattati. Katamo ca, bhikkhave, maggo katamā ca paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattati? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkapo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ kho, bhikkhave, maggo ayaṃ paṭipadā imesañca tiṇṇaṃ samātāputtikānaṃ bhayānaṃ imesañca tiṇṇaṃ amātāputtikānaṃ bhayānaṃ pahānāya samatikkamāya saṃvattatī’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਭਯਸੁਤ੍ਤવਣ੍ਣਨਾ • 2. Bhayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਭਯਸੁਤ੍ਤવਣ੍ਣਨਾ • 2. Bhayasuttavaṇṇanā
