| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. ப⁴யஸுத்தவண்ணனா
2. Bhayasuttavaṇṇanā
63. து³தியே பரித்தாதுங் ஸமத்த²பா⁴வேனாதி உப்பன்னப⁴யதோ ரக்கி²துங் ஸமத்த²பா⁴வேன. நத்தி² எத்த² மாதாபுத்தங் அஞ்ஞமஞ்ஞங் தாயிதுங் ஸமத்த²ந்தி அமாதாபுத்தானி, தானியேவ அமாதாபுத்திகானி. தேனாஹ ‘‘நத்தி² எத்தா²’’திஆதி³. யந்தி பு⁴ம்மத்தே² உபயோக³வசனந்தி ஆஹ ‘‘யஸ்மிங் ஸமயே’’தி. மாதாபி புத்தங் பஸ்ஸிதுங் ந லப⁴தி, பரித்தாதுங் ந ஸமத்த²ந்தி அதி⁴ப்பாயோ . புத்தோபி மாதரந்தி எத்தா²பி ஏஸேவ நயோ. சித்துத்ராஸோயேவ ப⁴யங் சித்துத்ராஸப⁴யங். இமினா ஒத்தப்பப⁴யாதி³ங் நிவத்தேதி. அடவிக்³க³ஹணேன அடவிவாஸினோ வுத்தா ‘‘ஸப்³போ³ கா³மோ ஆக³தோ’’திஆதீ³ஸு வியாதி ஆஹ ‘‘அடவீதி செத்த² அடவிவாஸினோ சோரா வேதி³தப்³பா³’’தி. ஏதேதி அடவிவாஸினோ சோரா. ஏதங் வுத்தந்தி ‘‘அடவிஸங்கோபோ’’தி இத³ங் வுத்தங். டா²னக³மனாதி³இரியாபத²சக்கஸமங்கி³னோ இரியாபத²சக்கஸமாருள்ஹா நாம ஹொந்தீதி ஆஹ ‘‘இரியாபத²சக்கம்பி வட்டதீ’’தி. இரியாபதோ²யேவ பவத்தனட்டே²ன சக்கந்தி இரியாபத²சக்கங்.
63. Dutiye parittātuṃ samatthabhāvenāti uppannabhayato rakkhituṃ samatthabhāvena. Natthi ettha mātāputtaṃ aññamaññaṃ tāyituṃ samatthanti amātāputtāni, tāniyeva amātāputtikāni. Tenāha ‘‘natthi etthā’’tiādi. Yanti bhummatthe upayogavacananti āha ‘‘yasmiṃ samaye’’ti. Mātāpi puttaṃ passituṃ na labhati, parittātuṃ na samatthanti adhippāyo . Puttopi mātaranti etthāpi eseva nayo. Cittutrāsoyeva bhayaṃ cittutrāsabhayaṃ. Iminā ottappabhayādiṃ nivatteti. Aṭaviggahaṇena aṭavivāsino vuttā ‘‘sabbo gāmo āgato’’tiādīsu viyāti āha ‘‘aṭavīti cettha aṭavivāsino corā veditabbā’’ti. Eteti aṭavivāsino corā. Etaṃ vuttanti ‘‘aṭavisaṅkopo’’ti idaṃ vuttaṃ. Ṭhānagamanādiiriyāpathacakkasamaṅgino iriyāpathacakkasamāruḷhā nāma hontīti āha ‘‘iriyāpathacakkampi vaṭṭatī’’ti. Iriyāpathoyeva pavattanaṭṭhena cakkanti iriyāpathacakkaṃ.
பரியாயந்தீதி பரிதோ தேன தேன தி³ஸாபா⁴கே³ன க³ச்ச²ந்தி. தேனாஹ ‘‘இதோ சிதோ ச க³ச்ச²ந்தீ’’தி. மாதுபேமேன க³ந்துங் அவிஸஹித்வா அத்தனோ ஸந்திகங் ஆக³ச்ச²ந்தங். அத்தஸினேஹஸ்ஸ ப³லவபா⁴வதோ மாதரம்பி அனபெக்கி²த்வா ‘‘அத்தானங்யேவ ரக்கி²ஸ்ஸாமீ’’தி க³ச்ச²ந்தங். ஏகஸ்மிங் டா²னே நிலீனந்தி வுத்தனயேனேவ க³ந்த்வா ஏகஸ்மிங் கே²மே பதே³ஸே நிஸின்னங். குல்லே வாதிஆதீ³ஸு கூலங் பரதீரங் வஹதி பாபேதீஹி குல்லோ, தரணத்தா²ய வேளுனளாதீ³ஹி கலாபங் கத்வா ப³த்³தோ⁴. பத்த²ரித்வா ப³த்³தோ⁴ பன உளும்போ, சாடிஆதி³ மத்திகாபா⁴ஜனங். வுய்ஹமானந்தி உத³கோகே⁴ன அதோ⁴ஸோதங் நீயமானங்.
Pariyāyantīti parito tena tena disābhāgena gacchanti. Tenāha ‘‘ito cito ca gacchantī’’ti. Mātupemena gantuṃ avisahitvā attano santikaṃ āgacchantaṃ. Attasinehassa balavabhāvato mātarampi anapekkhitvā ‘‘attānaṃyeva rakkhissāmī’’ti gacchantaṃ. Ekasmiṃ ṭhāne nilīnanti vuttanayeneva gantvā ekasmiṃ kheme padese nisinnaṃ. Kulle vātiādīsu kūlaṃ paratīraṃ vahati pāpetīhi kullo, taraṇatthāya veḷunaḷādīhi kalāpaṃ katvā baddho. Pattharitvā baddho pana uḷumpo, cāṭiādi mattikābhājanaṃ. Vuyhamānanti udakoghena adhosotaṃ nīyamānaṃ.
யதா²வுத்தானி தீணி ப⁴யானி ஸமாதாபுத்திகானியேவ அஸ்ஸுதவதோ புது²ஜ்ஜனஸ்ஸ வஸேன அமாதாபுத்திகானி த³ஸ்ஸிதானீதி ஆஹ ‘‘ஏவங் பரியாயதோ அமாதாபுத்திகானி ப⁴யானி த³ஸ்ஸெத்வா’’தி.
Yathāvuttāni tīṇi bhayāni samātāputtikāniyeva assutavato puthujjanassa vasena amātāputtikāni dassitānīti āha ‘‘evaṃ pariyāyato amātāputtikāni bhayāni dassetvā’’ti.
ப⁴யஸுத்தவண்ணனா நிட்டி²தா.
Bhayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ப⁴யஸுத்தங் • 2. Bhayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. ப⁴யஸுத்தவண்ணனா • 2. Bhayasuttavaṇṇanā
