| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
ан̇г̇уд̇д̇аранигааяз
Aṅguttaranikāye
д̇иганибаад̇а-адтагат̇аа
Tikanipāta-aṭṭhakathā
1. батамабан̣н̣аасагам̣
1. Paṭhamapaṇṇāsakaṃ
1. б̣аалаваг̇г̇о
1. Bālavaggo
1. бхаяасуд̇д̇аван̣н̣анаа
1. Bhayasuttavaṇṇanā
1. д̇иганибаад̇асса батамз бхаяаанийд̇иаад̣̇ийсу бхаяанд̇и жид̇д̇уд̇раасо. убад̣̇д̣̇авод̇и анзгаг̇г̇ад̇аагааро. убасаг̇г̇од̇и убасадтаагааро д̇ад̇т̇а д̇ад̇т̇а лаг̇г̇анаагааро.
1. Tikanipātassa paṭhame bhayānītiādīsu bhayanti cittutrāso. Upaddavoti anekaggatākāro. Upasaggoti upasaṭṭhākāro tattha tattha lagganākāro.
д̇зсам̣ звам̣ наанад̇д̇ам̣ взд̣̇ид̇аб̣б̣ам̣ – баб̣б̣ад̇ависаманиссид̇аа жораа ж̇анабад̣̇аваасийнам̣ бзсзнд̇и – ‘‘маяам̣ асугад̣̇ивасз наама д̇умхаагам̣ г̇аамам̣ бахариссаамаа’’д̇и. д̇з д̇ам̣ бавад̇д̇им̣ суд̇агаалад̇о бадтааяа бхаяам̣ санд̇аасам̣ аабаж̇ж̇анд̇и. аяам̣ жид̇д̇уд̇раасо наама. ‘‘яат̇аа но д̇з жораа губид̇аа анад̇т̇амби аавахзяяу’’нд̇и хад̇т̇асаарам̣ г̇ахзд̇ваа д̣̇вибад̣̇ажад̇уббад̣̇зхи сад̣̇д̇хим̣ аран̃н̃ам̣ бависид̇ваа д̇ад̇т̇а д̇ад̇т̇а бхуумияам̣ нибаж̇ж̇анд̇и д̣ам̣самагасаад̣̇ийхи каж̇ж̇амаанаа, г̇умб̣анд̇араани бависанд̇аа каан̣уган̣дагз мад̣̇д̣̇анд̇и. д̇зсам̣ звам̣ вижаранд̇аанам̣ вигкид̇д̇абхааво анзгаг̇г̇ад̇аагааро наама. д̇ад̇о жорзсу яат̇аавуд̇д̇з д̣̇ивасз анааг̇ажчанд̇зсу ‘‘д̇ужчагасаасанам̣ бхависсад̇и, г̇аамам̣ бависиссаамаа’’д̇и сабаригкаараа г̇аамам̣ бависанд̇и. ат̇а д̇зсам̣ бавидтабхаавам̣ н̃ад̇ваа г̇аамам̣ бариваарзд̇ваа д̣̇ваарз аг̇г̇им̣ д̣̇ад̇ваа мануссз гхаад̇зд̇ваа жораа саб̣б̣ам̣ вибхавам̣ вилумбид̇ваа г̇ажчанд̇и. д̇зсу гхаад̇ид̇аавасзсаа аг̇г̇им̣ ниб̣б̣аабзд̇ваа годтагажчааяаабхид̇д̇ижчааяаад̣̇ийсу д̇ад̇т̇а д̇ад̇т̇а лаг̇г̇ид̇ваа нисийд̣̇анд̇и надтам̣ анусожамаанаа. аяам̣ убасадтаагааро лаг̇г̇анаагааро наама.
Tesaṃ evaṃ nānattaṃ veditabbaṃ – pabbatavisamanissitā corā janapadavāsīnaṃ pesenti – ‘‘mayaṃ asukadivase nāma tumhākaṃ gāmaṃ paharissāmā’’ti. Te taṃ pavattiṃ sutakālato paṭṭhāya bhayaṃ santāsaṃ āpajjanti. Ayaṃ cittutrāso nāma. ‘‘Yathā no te corā kupitā anatthampi āvaheyyu’’nti hatthasāraṃ gahetvā dvipadacatuppadehi saddhiṃ araññaṃ pavisitvā tattha tattha bhūmiyaṃ nipajjanti ḍaṃsamakasādīhi khajjamānā, gumbantarāni pavisantā khāṇukaṇṭake maddanti. Tesaṃ evaṃ vicarantānaṃ vikkhittabhāvo anekaggatākāro nāma. Tato coresu yathāvutte divase anāgacchantesu ‘‘tucchakasāsanaṃ bhavissati, gāmaṃ pavisissāmā’’ti saparikkhārā gāmaṃ pavisanti. Atha tesaṃ paviṭṭhabhāvaṃ ñatvā gāmaṃ parivāretvā dvāre aggiṃ datvā manusse ghātetvā corā sabbaṃ vibhavaṃ vilumpitvā gacchanti. Tesu ghātitāvasesā aggiṃ nibbāpetvā koṭṭhakacchāyābhitticchāyādīsu tattha tattha laggitvā nisīdanti naṭṭhaṃ anusocamānā. Ayaṃ upasaṭṭhākāro lagganākāro nāma.
нал̣ааг̇аараад̇и нал̣зхи чаннабадижчаннааг̇аараа. сзсасамбхаараа банзд̇т̇а ругкамаяаа хонд̇и. д̇ин̣ааг̇аарзби зсзва наяо. гуудааг̇аараанийд̇и гуудасан̇г̇ахид̇аани аг̇аараани. уллид̇д̇аавалид̇д̇аанийд̇и анд̇о жа б̣ахи жа лид̇д̇аани. ниваад̇аанийд̇и ниваарид̇аваад̇аббавзсаани. пусид̇аг̇г̇ал̣аанийд̇и чзгзхи вад̣дхагийхи гад̇ад̇д̇аа бидтасан̇гхаадамхи судту пусид̇агаваадаани. бихид̇аваад̇абаанаанийд̇и яуд̇д̇аваад̇абаанаани. иминаа бад̣̇ад̣̇ваязна гаваадаваад̇абаанаанам̣ нижжабихид̇ад̇ам̣ агат̇зд̇ваа самбад̇д̇иязва гат̇ид̇аа. ижчид̇ижчид̇агкан̣з бана д̇аани бид̇хийяанд̇и жа виварийяанд̇и жа.
Naḷāgārāti naḷehi channapaṭicchannaagārā. Sesasambhārā panettha rukkhamayā honti. Tiṇāgārepi eseva nayo. Kūṭāgārānīti kūṭasaṅgahitāni agārāni. Ullittāvalittānīti anto ca bahi ca littāni. Nivātānīti nivāritavātappavesāni. Phusitaggaḷānīti chekehi vaḍḍhakīhi katattā piṭṭhasaṅghāṭamhi suṭṭhu phusitakavāṭāni. Pihitavātapānānīti yuttavātapānāni. Iminā padadvayena kavāṭavātapānānaṃ niccapihitataṃ akathetvā sampattiyeva kathitā. Icchiticchitakkhaṇe pana tāni pidhīyanti ca vivarīyanti ca.
б̣аалад̇о уббаж̇ж̇анд̇ийд̇и б̣ааламзва ниссааяа уббаж̇ж̇анд̇и. б̣аало хи абан̣д̣ид̇абурисо раж̇ж̇ам̣ ваа обараж̇ж̇ам̣ ваа ан̃н̃ам̣ ваа бана маханд̇ам̣ таанам̣ бад̇т̇знд̇о гад̇ибаяз ад̇д̇анаа сад̣̇исз вид̇хавабуд̇д̇з махаад̇худ̇д̇з г̇ахзд̇ваа ‘‘зт̇а ахам̣ д̇умхз иссарз гариссаамий’’д̇и баб̣б̣ад̇аг̇аханаад̣̇ийни ниссааяа анд̇аманд̇з г̇аамз бахаранд̇о д̣̇аамаригабхаавам̣ ж̇аанаабзд̇ваа анубуб̣б̣зна ниг̇амзби ж̇анабад̣̇зби бахарад̇и. мануссаа г̇зхаани чад̣д̣зд̇ваа кзмадтаанам̣ бад̇т̇аяамаанаа баггаманд̇и. д̇з ниссааяа васанд̇аа бхигкууби бхигкунияоби ад̇д̇ано ад̇д̇ано васанадтаанаани бахааяа баггаманд̇и. г̇ад̇аг̇ад̇адтаанз бхигкааби сзнаасанамби д̣̇уллабхам̣ ход̇и. звам̣ жад̇уннамби барисаанам̣ бхаяам̣ ааг̇ад̇амзва ход̇и. баб̣б̣аж̇ж̇ид̇зсуби д̣̇вз б̣аалаа бхигкуу ан̃н̃аман̃н̃ам̣ виваад̣̇ам̣ бадтабзд̇ваа жод̣̇анам̣ аарабханд̇и. ид̇и госамб̣иваасигаанам̣ вияа махаагалахо уббаж̇ж̇ад̇и. жад̇уннам̣ барисаанам̣ бхаяам̣ ааг̇ад̇амзва ход̇ийд̇и звам̣ яаани гаанижи бхаяаани уббаж̇ж̇анд̇и, саб̣б̣аани д̇аани б̣аалад̇о уббаж̇ж̇анд̇ийд̇и яат̇аанусанд̇хинаа д̣̇зсанам̣ нидтабзси.
Bālato uppajjantīti bālameva nissāya uppajjanti. Bālo hi apaṇḍitapuriso rajjaṃ vā oparajjaṃ vā aññaṃ vā pana mahantaṃ ṭhānaṃ patthento katipaye attanā sadise vidhavaputte mahādhutte gahetvā ‘‘etha ahaṃ tumhe issare karissāmī’’ti pabbatagahanādīni nissāya antamante gāme paharanto dāmarikabhāvaṃ jānāpetvā anupubbena nigamepi janapadepi paharati. Manussā gehāni chaḍḍetvā khemaṭṭhānaṃ patthayamānā pakkamanti. Te nissāya vasantā bhikkhūpi bhikkhuniyopi attano attano vasanaṭṭhānāni pahāya pakkamanti. Gatagataṭṭhāne bhikkhāpi senāsanampi dullabhaṃ hoti. Evaṃ catunnampi parisānaṃ bhayaṃ āgatameva hoti. Pabbajjitesupi dve bālā bhikkhū aññamaññaṃ vivādaṃ paṭṭhapetvā codanaṃ ārabhanti. Iti kosambivāsikānaṃ viya mahākalaho uppajjati. Catunnaṃ parisānaṃ bhayaṃ āgatameva hotīti evaṃ yāni kānici bhayāni uppajjanti, sabbāni tāni bālato uppajjantīti yathānusandhinā desanaṃ niṭṭhapesi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. бхаяасуд̇д̇ам̣ • 1. Bhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. бхаяасуд̇д̇аван̣н̣анаа • 1. Bhayasuttavaṇṇanā
