| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. бхаяасуд̇д̇аван̣н̣анаа
6. Bhayasuttavaṇṇanā
56. чадтз г̇аб̣бход̇и г̇аб̣бхаваасо. д̣̇идтад̇хаммигаабийд̇и санд̣̇идтигаа г̇аб̣бхаваасасад̣̇исаа бунаби мануссаг̇аб̣бхаа. самбарааяигаабийд̇и табзд̇ваа мануссаг̇аб̣бхз сзсаг̇аб̣бхаа. убхаяам̣ зд̇з гаамаа бавужжанд̇ийд̇и бхаяан̃жа д̣̇угкан̃жа, бхаяан̃жа рог̇о жа, бхаяан̃жа г̇ан̣д̣о жа, бхаяан̃жа саллан̃жа, бхаяан̃жа сан̇г̇о жа, бхаяан̃жа бан̇го жа, бхаяан̃жа г̇аб̣бхо жаад̇и звам̣ убхаяам̣ зд̇з гаамаа бавужжанд̇и. саад̇аруубзнаад̇и гаамасукзна. балибат̇анд̇и ваддабалибат̇ам̣. ад̇иггаммаад̇и имасмим̣ таанз вибассанам̣ вад̣дхзд̇ваа асса бхигкуно арахад̇д̇аббад̇д̇абхааво г̇ахид̇о. зваруубам̣ баж̇ам̣ ж̇аад̇иж̇аруубзд̇ам̣ д̇ийсу бхавзсу панд̣̇амаанам̣ авзгкад̇ийд̇и суд̇д̇з ваддам̣ гат̇зд̇ваа г̇аат̇аасу виваддам̣ гат̇ид̇анд̇и. сад̇д̇амадтамаани уд̇д̇аанад̇т̇аанзва.
56. Chaṭṭhe gabbhoti gabbhavāso. Diṭṭhadhammikāpīti sandiṭṭhikā gabbhavāsasadisā punapi manussagabbhā. Samparāyikāpīti ṭhapetvā manussagabbhe sesagabbhā. Ubhayaṃ ete kāmā pavuccantīti bhayañca dukkhañca, bhayañca rogo ca, bhayañca gaṇḍo ca, bhayañca sallañca, bhayañca saṅgo ca, bhayañca paṅko ca, bhayañca gabbho cāti evaṃ ubhayaṃ ete kāmā pavuccanti. Sātarūpenāti kāmasukhena. Palipathanti vaṭṭapalipathaṃ. Atikkammāti imasmiṃ ṭhāne vipassanaṃ vaḍḍhetvā assa bhikkhuno arahattappattabhāvo gahito. Evarūpaṃ pajaṃ jātijarūpetaṃ tīsu bhavesu phandamānaṃ avekkhatīti sutte vaṭṭaṃ kathetvā gāthāsu vivaṭṭaṃ kathitanti. Sattamaṭṭhamāni uttānatthāneva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. бхаяасуд̇д̇ам̣ • 6. Bhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. бхаяасуд̇д̇аад̣̇иван̣н̣анаа • 6-8. Bhayasuttādivaṇṇanā
