| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
ан̇г̇уд̇д̇аранигааяз
Aṅguttaranikāye
д̇иганибаад̇а-дийгаа
Tikanipāta-ṭīkā
1. батамабан̣н̣аасагам̣
1. Paṭhamapaṇṇāsakaṃ
1. б̣аалаваг̇г̇о
1. Bālavaggo
1. бхаяасуд̇д̇аван̣н̣анаа
1. Bhayasuttavaṇṇanā
1. д̇иганибаад̇асса батамз бхаяанд̇и бхийд̇и жзд̇асо б̣яад̇ход̇и ааха ‘‘жид̇д̇уд̇раасо’’д̇и. убад̣̇д̣̇авод̇и анд̇арааяо. д̇асса бана вигкзбагааран̣ад̇д̇аа вуд̇д̇ам̣ ‘‘анзгаг̇г̇ад̇аагааро’’д̇и. убасаг̇г̇од̇и убасаж̇ж̇анам̣, д̣̇звад̇обабийл̣аад̣̇инаа аббадигааравигхаад̇аабад̇д̇и. саа бана яасмаа бадигаараабхаавзна вихан̃н̃амаанасса гин̃жи гаад̇ум̣ асамад̇т̇асса осийд̣̇анагааран̣ам̣, д̇асмаа вуд̇д̇ам̣ ‘‘д̇ад̇т̇а д̇ад̇т̇а лаг̇г̇анаагааро’’д̇и. яат̇аавуд̇д̇з д̣̇ивасз анааг̇ажчанд̇зсууд̇и ван̃жзд̇ваа ааг̇анд̇ум̣ нияамид̇ад̣̇ивасз анааг̇ажчанд̇зсу. д̣̇ваарз аг̇г̇им̣ д̣̇ад̇ваад̇и б̣ахи анигкаманад̇т̇ааяа д̣̇ваарз аг̇г̇им̣ д̣̇ад̇ваа.
1. Tikanipātassa paṭhame bhayanti bhīti cetaso byadhoti āha ‘‘cittutrāso’’ti. Upaddavoti antarāyo. Tassa pana vikkhepakāraṇattā vuttaṃ ‘‘anekaggatākāro’’ti. Upasaggoti upasajjanaṃ, devatopapīḷādinā appaṭikāravighātāpatti. Sā pana yasmā paṭikārābhāvena vihaññamānassa kiñci kātuṃ asamatthassa osīdanakāraṇaṃ, tasmā vuttaṃ ‘‘tattha tattha lagganākāro’’ti. Yathāvutte divase anāgacchantesūti vañcetvā āgantuṃ niyamitadivase anāgacchantesu. Dvāre aggiṃ datvāti bahi anikkhamanatthāya dvāre aggiṃ datvā.
нал̣зхи чаннабадижчаннаад̇и нал̣зхи д̇ин̣ажчад̣̇анасан̇кзбзна убари чаад̣̇зд̇ваа д̇зхиязва д̣̇ааругудиганияаамзна барид̇оби чаад̣̇ид̇аа. зсзва наяод̇и иминаа д̇ин̣зхи чаннад̇ам̣ сзсасамбхаараанам̣ ругкамаяад̇ан̃жа ад̇ид̣̇исад̇и.
Naḷehichannapaṭicchannāti naḷehi tiṇacchadanasaṅkhepena upari chādetvā tehiyeva dārukuṭikaniyāmena paritopi chāditā. Eseva nayoti iminā tiṇehi channataṃ sesasambhārānaṃ rukkhamayatañca atidisati.
вид̇хавабуд̇д̇зд̇и анд̇абхаавобалагкан̣ам̣. д̇з хи ниббид̇игаа авинийд̇аа асам̣яад̇аа яам̣ гин̃жи гаарино. сзсамзд̇т̇а уд̇д̇аанамзва.
Vidhavaputteti antabhāvopalakkhaṇaṃ. Te hi nippitikā avinītā asaṃyatā yaṃ kiñci kārino. Sesamettha uttānameva.
бхаяасуд̇д̇аван̣н̣анаа нидтид̇аа.
Bhayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. бхаяасуд̇д̇ам̣ • 1. Bhayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. бхаяасуд̇д̇аван̣н̣анаа • 1. Bhayasuttavaṇṇanā
