| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. бхаяасуд̇д̇аван̣н̣анаа
2. Bhayasuttavaṇṇanā
63. д̣̇уд̇ияз барид̇д̇аад̇ум̣ самад̇т̇абхаавзнаад̇и уббаннабхаяад̇о рагкид̇ум̣ самад̇т̇абхаавзна. над̇т̇и зд̇т̇а маад̇аабуд̇д̇ам̣ ан̃н̃аман̃н̃ам̣ д̇ааяид̇ум̣ самад̇т̇анд̇и амаад̇аабуд̇д̇аани, д̇ааниязва амаад̇аабуд̇д̇игаани. д̇знааха ‘‘над̇т̇и зд̇т̇аа’’д̇иаад̣̇и. яанд̇и бхуммад̇т̇з убаяог̇аважананд̇и ааха ‘‘яасмим̣ самаяз’’д̇и. маад̇ааби буд̇д̇ам̣ бассид̇ум̣ на лабхад̇и, барид̇д̇аад̇ум̣ на самад̇т̇анд̇и ад̇хиббааяо . буд̇д̇оби маад̇аранд̇и зд̇т̇ааби зсзва наяо. жид̇д̇уд̇раасоязва бхаяам̣ жид̇д̇уд̇раасабхаяам̣. иминаа од̇д̇аббабхаяаад̣̇им̣ нивад̇д̇зд̇и. адавиг̇г̇ахан̣зна адавиваасино вуд̇д̇аа ‘‘саб̣б̣о г̇аамо ааг̇ад̇о’’д̇иаад̣̇ийсу вияаад̇и ааха ‘‘адавийд̇и жзд̇т̇а адавиваасино жораа взд̣̇ид̇аб̣б̣аа’’д̇и. зд̇зд̇и адавиваасино жораа. зд̇ам̣ вуд̇д̇анд̇и ‘‘адависан̇гобо’’д̇и ид̣̇ам̣ вуд̇д̇ам̣. таанаг̇аманаад̣̇иирияаабат̇ажаггасаман̇г̇ино ирияаабат̇ажаггасамаарул̣хаа наама хонд̇ийд̇и ааха ‘‘ирияаабат̇ажаггамби ваддад̇ий’’д̇и. ирияаабат̇оязва бавад̇д̇анадтзна жагганд̇и ирияаабат̇ажаггам̣.
63. Dutiye parittātuṃ samatthabhāvenāti uppannabhayato rakkhituṃ samatthabhāvena. Natthi ettha mātāputtaṃ aññamaññaṃ tāyituṃ samatthanti amātāputtāni, tāniyeva amātāputtikāni. Tenāha ‘‘natthi etthā’’tiādi. Yanti bhummatthe upayogavacananti āha ‘‘yasmiṃ samaye’’ti. Mātāpi puttaṃ passituṃ na labhati, parittātuṃ na samatthanti adhippāyo . Puttopi mātaranti etthāpi eseva nayo. Cittutrāsoyeva bhayaṃ cittutrāsabhayaṃ. Iminā ottappabhayādiṃ nivatteti. Aṭaviggahaṇena aṭavivāsino vuttā ‘‘sabbo gāmo āgato’’tiādīsu viyāti āha ‘‘aṭavīti cettha aṭavivāsino corā veditabbā’’ti. Eteti aṭavivāsino corā. Etaṃ vuttanti ‘‘aṭavisaṅkopo’’ti idaṃ vuttaṃ. Ṭhānagamanādiiriyāpathacakkasamaṅgino iriyāpathacakkasamāruḷhā nāma hontīti āha ‘‘iriyāpathacakkampi vaṭṭatī’’ti. Iriyāpathoyeva pavattanaṭṭhena cakkanti iriyāpathacakkaṃ.
барияааяанд̇ийд̇и барид̇о д̇зна д̇зна д̣̇исаабхааг̇зна г̇ажчанд̇и. д̇знааха ‘‘ид̇о жид̇о жа г̇ажчанд̇ий’’д̇и. маад̇убзмзна г̇анд̇ум̣ ависахид̇ваа ад̇д̇ано санд̇игам̣ ааг̇ажчанд̇ам̣. ад̇д̇асинзхасса б̣алавабхаавад̇о маад̇арамби анабзгкид̇ваа ‘‘ад̇д̇аанам̣язва рагкиссаамий’’д̇и г̇ажчанд̇ам̣. згасмим̣ таанз нилийнанд̇и вуд̇д̇анаязнзва г̇анд̇ваа згасмим̣ кзмз бад̣̇зсз нисиннам̣. гуллз ваад̇иаад̣̇ийсу гуулам̣ барад̇ийрам̣ вахад̇и баабзд̇ийхи гулло, д̇аран̣ад̇т̇ааяа взл̣унал̣аад̣̇ийхи галаабам̣ гад̇ваа б̣ад̣̇д̇хо. бад̇т̇арид̇ваа б̣ад̣̇д̇хо бана ул̣умбо, жаадиаад̣̇и мад̇д̇игаабхааж̇анам̣. вуяхамаананд̇и уд̣̇агогхзна ад̇хосод̇ам̣ нийяамаанам̣.
Pariyāyantīti parito tena tena disābhāgena gacchanti. Tenāha ‘‘ito cito ca gacchantī’’ti. Mātupemena gantuṃ avisahitvā attano santikaṃ āgacchantaṃ. Attasinehassa balavabhāvato mātarampi anapekkhitvā ‘‘attānaṃyeva rakkhissāmī’’ti gacchantaṃ. Ekasmiṃ ṭhāne nilīnanti vuttanayeneva gantvā ekasmiṃ kheme padese nisinnaṃ. Kulle vātiādīsu kūlaṃ paratīraṃ vahati pāpetīhi kullo, taraṇatthāya veḷunaḷādīhi kalāpaṃ katvā baddho. Pattharitvā baddho pana uḷumpo, cāṭiādi mattikābhājanaṃ. Vuyhamānanti udakoghena adhosotaṃ nīyamānaṃ.
яат̇аавуд̇д̇аани д̇ийн̣и бхаяаани самаад̇аабуд̇д̇игааниязва ассуд̇авад̇о бут̇уж̇ж̇анасса васзна амаад̇аабуд̇д̇игаани д̣̇ассид̇аанийд̇и ааха ‘‘звам̣ барияааяад̇о амаад̇аабуд̇д̇игаани бхаяаани д̣̇ассзд̇ваа’’д̇и.
Yathāvuttāni tīṇi bhayāni samātāputtikāniyeva assutavato puthujjanassa vasena amātāputtikāni dassitānīti āha ‘‘evaṃ pariyāyato amātāputtikāni bhayāni dassetvā’’ti.
бхаяасуд̇д̇аван̣н̣анаа нидтид̇аа.
Bhayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. бхаяасуд̇д̇ам̣ • 2. Bhayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. бхаяасуд̇д̇аван̣н̣анаа • 2. Bhayasuttavaṇṇanā
