| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. ภยสุตฺตวณฺณนา
6. Bhayasuttavaṇṇanā
๕๖. ฉเฎฺฐ คโพฺภติ คพฺภวาโสฯ ทิฎฺฐธมฺมิกาปีติ สนฺทิฎฺฐิกา คพฺภวาสสทิสา ปุนปิ มนุสฺสคพฺภาฯ สมฺปรายิกาปีติ ฐเปตฺวา มนุสฺสคเพฺภ เสสคพฺภาฯ อุภยํ เอเต กามา ปวุจฺจนฺตีติ ภยญฺจ ทุกฺขญฺจ, ภยญฺจ โรโค จ, ภยญฺจ คโณฺฑ จ, ภยญฺจ สลฺลญฺจ, ภยญฺจ สโงฺค จ, ภยญฺจ ปโงฺก จ, ภยญฺจ คโพฺภ จาติ เอวํ อุภยํ เอเต กามา ปวุจฺจนฺติฯ สาตรูเปนาติ กามสุเขนฯ ปลิปถนฺติ วฎฺฎปลิปถํฯ อติกฺกมฺมาติ อิมสฺมิํ ฐาเน วิปสฺสนํ วเฑฺฒตฺวา อสฺส ภิกฺขุโน อรหตฺตปฺปตฺตภาโว คหิโตฯ เอวรูปํ ปชํ ชาติชรูเปตํ ตีสุ ภเวสุ ผนฺทมานํ อเวกฺขตีติ สุเตฺต วฎฺฎํ กเถตฺวา คาถาสุ วิวฎฺฎํ กถิตนฺติฯ สตฺตมฎฺฐมานิ อุตฺตานตฺถาเนวฯ
56. Chaṭṭhe gabbhoti gabbhavāso. Diṭṭhadhammikāpīti sandiṭṭhikā gabbhavāsasadisā punapi manussagabbhā. Samparāyikāpīti ṭhapetvā manussagabbhe sesagabbhā. Ubhayaṃ ete kāmā pavuccantīti bhayañca dukkhañca, bhayañca rogo ca, bhayañca gaṇḍo ca, bhayañca sallañca, bhayañca saṅgo ca, bhayañca paṅko ca, bhayañca gabbho cāti evaṃ ubhayaṃ ete kāmā pavuccanti. Sātarūpenāti kāmasukhena. Palipathanti vaṭṭapalipathaṃ. Atikkammāti imasmiṃ ṭhāne vipassanaṃ vaḍḍhetvā assa bhikkhuno arahattappattabhāvo gahito. Evarūpaṃ pajaṃ jātijarūpetaṃ tīsu bhavesu phandamānaṃ avekkhatīti sutte vaṭṭaṃ kathetvā gāthāsu vivaṭṭaṃ kathitanti. Sattamaṭṭhamāni uttānatthāneva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. ภยสุตฺตํ • 6. Bhayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๘. ภยสุตฺตาทิวณฺณนา • 6-8. Bhayasuttādivaṇṇanā
