| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
නමො තස්‌ස භගවතො අරහතො සම්‌මාසම්‌බුද්‌ධස්‌ස
Namo tassa bhagavato arahato sammāsambuddhassa
අඞ්‌ගුත්‌තරනිකායෙ
Aṅguttaranikāye
තිකනිපාත-ටීකා
Tikanipāta-ṭīkā
1. පඨමපණ්‌ණාසකං
1. Paṭhamapaṇṇāsakaṃ
1. බාලවග්‌ගො
1. Bālavaggo
1. භයසුත්‌තවණ්‌ණනා
1. Bhayasuttavaṇṇanā
1. තිකනිපාතස්‌ස පඨමෙ භයන්‌ති භීති චෙතසො බ්‍යධොති ආහ ‘‘චිත්‌තුත්‍රාසො’’ති. උපද්‌දවොති අන්‌තරායො. තස්‌ස පන වික්‌ඛෙපකාරණත්‌තා වුත්‌තං ‘‘අනෙකග්‌ගතාකාරො’’ති. උපසග්‌ගොති උපසජ්‌ජනං, දෙවතොපපීළාදිනා අප්‌පටිකාරවිඝාතාපත්‌ති. සා පන යස්‌මා පටිකාරාභාවෙන විහඤ්‌ඤමානස්‌ස කිඤ්‌චි කාතුං අසමත්‌ථස්‌ස ඔසීදනකාරණං, තස්‌මා වුත්‌තං ‘‘තත්‌ථ තත්‌ථ ලග්‌ගනාකාරො’’ති. යථාවුත්‌තෙ දිවසෙ අනාගච්‌ඡන්‌තෙසූති වඤ්‌චෙත්‌වා ආගන්‌තුං නියමිතදිවසෙ අනාගච්‌ඡන්‌තෙසු. ද්‌වාරෙ අග්‌ගිං දත්‌වාති බහි අනික්‌ඛමනත්‌ථාය ද්‌වාරෙ අග්‌ගිං දත්‌වා.
1. Tikanipātassa paṭhame bhayanti bhīti cetaso byadhoti āha ‘‘cittutrāso’’ti. Upaddavoti antarāyo. Tassa pana vikkhepakāraṇattā vuttaṃ ‘‘anekaggatākāro’’ti. Upasaggoti upasajjanaṃ, devatopapīḷādinā appaṭikāravighātāpatti. Sā pana yasmā paṭikārābhāvena vihaññamānassa kiñci kātuṃ asamatthassa osīdanakāraṇaṃ, tasmā vuttaṃ ‘‘tattha tattha lagganākāro’’ti. Yathāvutte divase anāgacchantesūti vañcetvā āgantuṃ niyamitadivase anāgacchantesu. Dvāre aggiṃ datvāti bahi anikkhamanatthāya dvāre aggiṃ datvā.
නළෙහි ඡන්‌නපටිච්‌ඡන්‌නාති නළෙහි තිණච්‌ඡදනසඞ්‌ඛෙපෙන උපරි ඡාදෙත්‌වා තෙහියෙව දාරුකුටිකනියාමෙන පරිතොපි ඡාදිතා. එසෙව නයොති ඉමිනා තිණෙහි ඡන්‌නතං සෙසසම්‌භාරානං රුක්‌ඛමයතඤ්‌ච අතිදිසති.
Naḷehichannapaṭicchannāti naḷehi tiṇacchadanasaṅkhepena upari chādetvā tehiyeva dārukuṭikaniyāmena paritopi chāditā. Eseva nayoti iminā tiṇehi channataṃ sesasambhārānaṃ rukkhamayatañca atidisati.
විධවපුත්‌තෙති අන්‌තභාවොපලක්‌ඛණං. තෙ හි නිප්‌පිතිකා අවිනීතා අසංයතා යං කිඤ්‌චි කාරිනො. සෙසමෙත්‌ථ උත්‌තානමෙව.
Vidhavaputteti antabhāvopalakkhaṇaṃ. Te hi nippitikā avinītā asaṃyatā yaṃ kiñci kārino. Sesamettha uttānameva.
භයසුත්‌තවණ්‌ණනා නිට්‌ඨිතා.
Bhayasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. භයසුත්‌තං • 1. Bhayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. භයසුත්‌තවණ්‌ණනා • 1. Bhayasuttavaṇṇanā
