| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਤਿਕਨਿਪਾਤ-ਅਟ੍ਠਕਥਾ
Tikanipāta-aṭṭhakathā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਬਾਲવਗ੍ਗੋ
1. Bālavaggo
੧. ਭਯਸੁਤ੍ਤવਣ੍ਣਨਾ
1. Bhayasuttavaṇṇanā
੧. ਤਿਕਨਿਪਾਤਸ੍ਸ ਪਠਮੇ ਭਯਾਨੀਤਿਆਦੀਸੁ ਭਯਨ੍ਤਿ ਚਿਤ੍ਤੁਤ੍ਰਾਸੋ। ਉਪਦ੍ਦવੋਤਿ ਅਨੇਕਗ੍ਗਤਾਕਾਰੋ। ਉਪਸਗ੍ਗੋਤਿ ਉਪਸਟ੍ਠਾਕਾਰੋ ਤਤ੍ਥ ਤਤ੍ਥ ਲਗ੍ਗਨਾਕਾਰੋ।
1. Tikanipātassa paṭhame bhayānītiādīsu bhayanti cittutrāso. Upaddavoti anekaggatākāro. Upasaggoti upasaṭṭhākāro tattha tattha lagganākāro.
ਤੇਸਂ ਏવਂ ਨਾਨਤ੍ਤਂ વੇਦਿਤਬ੍ਬਂ – ਪਬ੍ਬਤવਿਸਮਨਿਸ੍ਸਿਤਾ ਚੋਰਾ ਜਨਪਦવਾਸੀਨਂ ਪੇਸੇਨ੍ਤਿ – ‘‘ਮਯਂ ਅਸੁਕਦਿવਸੇ ਨਾਮ ਤੁਮ੍ਹਾਕਂ ਗਾਮਂ ਪਹਰਿਸ੍ਸਾਮਾ’’ਤਿ। ਤੇ ਤਂ ਪવਤ੍ਤਿਂ ਸੁਤਕਾਲਤੋ ਪਟ੍ਠਾਯ ਭਯਂ ਸਨ੍ਤਾਸਂ ਆਪਜ੍ਜਨ੍ਤਿ। ਅਯਂ ਚਿਤ੍ਤੁਤ੍ਰਾਸੋ ਨਾਮ। ‘‘ਯਥਾ ਨੋ ਤੇ ਚੋਰਾ ਕੁਪਿਤਾ ਅਨਤ੍ਥਮ੍ਪਿ ਆવਹੇਯ੍ਯੁ’’ਨ੍ਤਿ ਹਤ੍ਥਸਾਰਂ ਗਹੇਤ੍વਾ ਦ੍વਿਪਦਚਤੁਪ੍ਪਦੇਹਿ ਸਦ੍ਧਿਂ ਅਰਞ੍ਞਂ ਪવਿਸਿਤ੍વਾ ਤਤ੍ਥ ਤਤ੍ਥ ਭੂਮਿਯਂ ਨਿਪਜ੍ਜਨ੍ਤਿ ਡਂਸਮਕਸਾਦੀਹਿ ਖਜ੍ਜਮਾਨਾ, ਗੁਮ੍ਬਨ੍ਤਰਾਨਿ ਪવਿਸਨ੍ਤਾ ਖਾਣੁਕਣ੍ਟਕੇ ਮਦ੍ਦਨ੍ਤਿ। ਤੇਸਂ ਏવਂ વਿਚਰਨ੍ਤਾਨਂ વਿਕ੍ਖਿਤ੍ਤਭਾવੋ ਅਨੇਕਗ੍ਗਤਾਕਾਰੋ ਨਾਮ। ਤਤੋ ਚੋਰੇਸੁ ਯਥਾવੁਤ੍ਤੇ ਦਿવਸੇ ਅਨਾਗਚ੍ਛਨ੍ਤੇਸੁ ‘‘ਤੁਚ੍ਛਕਸਾਸਨਂ ਭવਿਸ੍ਸਤਿ, ਗਾਮਂ ਪવਿਸਿਸ੍ਸਾਮਾ’’ਤਿ ਸਪਰਿਕ੍ਖਾਰਾ ਗਾਮਂ ਪવਿਸਨ੍ਤਿ। ਅਥ ਤੇਸਂ ਪવਿਟ੍ਠਭਾવਂ ਞਤ੍વਾ ਗਾਮਂ ਪਰਿવਾਰੇਤ੍વਾ ਦ੍વਾਰੇ ਅਗ੍ਗਿਂ ਦਤ੍વਾ ਮਨੁਸ੍ਸੇ ਘਾਤੇਤ੍વਾ ਚੋਰਾ ਸਬ੍ਬਂ વਿਭવਂ વਿਲੁਮ੍ਪਿਤ੍વਾ ਗਚ੍ਛਨ੍ਤਿ। ਤੇਸੁ ਘਾਤਿਤਾવਸੇਸਾ ਅਗ੍ਗਿਂ ਨਿਬ੍ਬਾਪੇਤ੍વਾ ਕੋਟ੍ਠਕਚ੍ਛਾਯਾਭਿਤ੍ਤਿਚ੍ਛਾਯਾਦੀਸੁ ਤਤ੍ਥ ਤਤ੍ਥ ਲਗ੍ਗਿਤ੍વਾ ਨਿਸੀਦਨ੍ਤਿ ਨਟ੍ਠਂ ਅਨੁਸੋਚਮਾਨਾ। ਅਯਂ ਉਪਸਟ੍ਠਾਕਾਰੋ ਲਗ੍ਗਨਾਕਾਰੋ ਨਾਮ।
Tesaṃ evaṃ nānattaṃ veditabbaṃ – pabbatavisamanissitā corā janapadavāsīnaṃ pesenti – ‘‘mayaṃ asukadivase nāma tumhākaṃ gāmaṃ paharissāmā’’ti. Te taṃ pavattiṃ sutakālato paṭṭhāya bhayaṃ santāsaṃ āpajjanti. Ayaṃ cittutrāso nāma. ‘‘Yathā no te corā kupitā anatthampi āvaheyyu’’nti hatthasāraṃ gahetvā dvipadacatuppadehi saddhiṃ araññaṃ pavisitvā tattha tattha bhūmiyaṃ nipajjanti ḍaṃsamakasādīhi khajjamānā, gumbantarāni pavisantā khāṇukaṇṭake maddanti. Tesaṃ evaṃ vicarantānaṃ vikkhittabhāvo anekaggatākāro nāma. Tato coresu yathāvutte divase anāgacchantesu ‘‘tucchakasāsanaṃ bhavissati, gāmaṃ pavisissāmā’’ti saparikkhārā gāmaṃ pavisanti. Atha tesaṃ paviṭṭhabhāvaṃ ñatvā gāmaṃ parivāretvā dvāre aggiṃ datvā manusse ghātetvā corā sabbaṃ vibhavaṃ vilumpitvā gacchanti. Tesu ghātitāvasesā aggiṃ nibbāpetvā koṭṭhakacchāyābhitticchāyādīsu tattha tattha laggitvā nisīdanti naṭṭhaṃ anusocamānā. Ayaṃ upasaṭṭhākāro lagganākāro nāma.
ਨਲ਼ਾਗਾਰਾਤਿ ਨਲ਼ੇਹਿ ਛਨ੍ਨਪਟਿਚ੍ਛਨ੍ਨਅਗਾਰਾ। ਸੇਸਸਮ੍ਭਾਰਾ ਪਨੇਤ੍ਥ ਰੁਕ੍ਖਮਯਾ ਹੋਨ੍ਤਿ। ਤਿਣਾਗਾਰੇਪਿ ਏਸੇવ ਨਯੋ। ਕੂਟਾਗਾਰਾਨੀਤਿ ਕੂਟਸਙ੍ਗਹਿਤਾਨਿ ਅਗਾਰਾਨਿ। ਉਲ੍ਲਿਤ੍ਤਾવਲਿਤ੍ਤਾਨੀਤਿ ਅਨ੍ਤੋ ਚ ਬਹਿ ਚ ਲਿਤ੍ਤਾਨਿ। ਨਿવਾਤਾਨੀਤਿ ਨਿવਾਰਿਤવਾਤਪ੍ਪવੇਸਾਨਿ। ਫੁਸਿਤਗ੍ਗਲ਼ਾਨੀਤਿ ਛੇਕੇਹਿ વਡ੍ਢਕੀਹਿ ਕਤਤ੍ਤਾ ਪਿਟ੍ਠਸਙ੍ਘਾਟਮ੍ਹਿ ਸੁਟ੍ਠੁ ਫੁਸਿਤਕવਾਟਾਨਿ। ਪਿਹਿਤવਾਤਪਾਨਾਨੀਤਿ ਯੁਤ੍ਤવਾਤਪਾਨਾਨਿ। ਇਮਿਨਾ ਪਦਦ੍વਯੇਨ ਕવਾਟવਾਤਪਾਨਾਨਂ ਨਿਚ੍ਚਪਿਹਿਤਤਂ ਅਕਥੇਤ੍વਾ ਸਮ੍ਪਤ੍ਤਿਯੇવ ਕਥਿਤਾ। ਇਚ੍ਛਿਤਿਚ੍ਛਿਤਕ੍ਖਣੇ ਪਨ ਤਾਨਿ ਪਿਧੀਯਨ੍ਤਿ ਚ વਿવਰੀਯਨ੍ਤਿ ਚ।
Naḷāgārāti naḷehi channapaṭicchannaagārā. Sesasambhārā panettha rukkhamayā honti. Tiṇāgārepi eseva nayo. Kūṭāgārānīti kūṭasaṅgahitāni agārāni. Ullittāvalittānīti anto ca bahi ca littāni. Nivātānīti nivāritavātappavesāni. Phusitaggaḷānīti chekehi vaḍḍhakīhi katattā piṭṭhasaṅghāṭamhi suṭṭhu phusitakavāṭāni. Pihitavātapānānīti yuttavātapānāni. Iminā padadvayena kavāṭavātapānānaṃ niccapihitataṃ akathetvā sampattiyeva kathitā. Icchiticchitakkhaṇe pana tāni pidhīyanti ca vivarīyanti ca.
ਬਾਲਤੋ ਉਪ੍ਪਜ੍ਜਨ੍ਤੀਤਿ ਬਾਲਮੇવ ਨਿਸ੍ਸਾਯ ਉਪ੍ਪਜ੍ਜਨ੍ਤਿ। ਬਾਲੋ ਹਿ ਅਪਣ੍ਡਿਤਪੁਰਿਸੋ ਰਜ੍ਜਂ વਾ ਓਪਰਜ੍ਜਂ વਾ ਅਞ੍ਞਂ વਾ ਪਨ ਮਹਨ੍ਤਂ ਠਾਨਂ ਪਤ੍ਥੇਨ੍ਤੋ ਕਤਿਪਯੇ ਅਤ੍ਤਨਾ ਸਦਿਸੇ વਿਧવਪੁਤ੍ਤੇ ਮਹਾਧੁਤ੍ਤੇ ਗਹੇਤ੍વਾ ‘‘ਏਥ ਅਹਂ ਤੁਮ੍ਹੇ ਇਸ੍ਸਰੇ ਕਰਿਸ੍ਸਾਮੀ’’ਤਿ ਪਬ੍ਬਤਗਹਨਾਦੀਨਿ ਨਿਸ੍ਸਾਯ ਅਨ੍ਤਮਨ੍ਤੇ ਗਾਮੇ ਪਹਰਨ੍ਤੋ ਦਾਮਰਿਕਭਾવਂ ਜਾਨਾਪੇਤ੍વਾ ਅਨੁਪੁਬ੍ਬੇਨ ਨਿਗਮੇਪਿ ਜਨਪਦੇਪਿ ਪਹਰਤਿ। ਮਨੁਸ੍ਸਾ ਗੇਹਾਨਿ ਛਡ੍ਡੇਤ੍વਾ ਖੇਮਟ੍ਠਾਨਂ ਪਤ੍ਥਯਮਾਨਾ ਪਕ੍ਕਮਨ੍ਤਿ। ਤੇ ਨਿਸ੍ਸਾਯ વਸਨ੍ਤਾ ਭਿਕ੍ਖੂਪਿ ਭਿਕ੍ਖੁਨਿਯੋਪਿ ਅਤ੍ਤਨੋ ਅਤ੍ਤਨੋ વਸਨਟ੍ਠਾਨਾਨਿ ਪਹਾਯ ਪਕ੍ਕਮਨ੍ਤਿ। ਗਤਗਤਟ੍ਠਾਨੇ ਭਿਕ੍ਖਾਪਿ ਸੇਨਾਸਨਮ੍ਪਿ ਦੁਲ੍ਲਭਂ ਹੋਤਿ। ਏવਂ ਚਤੁਨ੍ਨਮ੍ਪਿ ਪਰਿਸਾਨਂ ਭਯਂ ਆਗਤਮੇવ ਹੋਤਿ। ਪਬ੍ਬਜ੍ਜਿਤੇਸੁਪਿ ਦ੍વੇ ਬਾਲਾ ਭਿਕ੍ਖੂ ਅਞ੍ਞਮਞ੍ਞਂ વਿવਾਦਂ ਪਟ੍ਠਪੇਤ੍વਾ ਚੋਦਨਂ ਆਰਭਨ੍ਤਿ। ਇਤਿ ਕੋਸਮ੍ਬਿવਾਸਿਕਾਨਂ વਿਯ ਮਹਾਕਲਹੋ ਉਪ੍ਪਜ੍ਜਤਿ। ਚਤੁਨ੍ਨਂ ਪਰਿਸਾਨਂ ਭਯਂ ਆਗਤਮੇવ ਹੋਤੀਤਿ ਏવਂ ਯਾਨਿ ਕਾਨਿਚਿ ਭਯਾਨਿ ਉਪ੍ਪਜ੍ਜਨ੍ਤਿ, ਸਬ੍ਬਾਨਿ ਤਾਨਿ ਬਾਲਤੋ ਉਪ੍ਪਜ੍ਜਨ੍ਤੀਤਿ ਯਥਾਨੁਸਨ੍ਧਿਨਾ ਦੇਸਨਂ ਨਿਟ੍ਠਪੇਸਿ।
Bālato uppajjantīti bālameva nissāya uppajjanti. Bālo hi apaṇḍitapuriso rajjaṃ vā oparajjaṃ vā aññaṃ vā pana mahantaṃ ṭhānaṃ patthento katipaye attanā sadise vidhavaputte mahādhutte gahetvā ‘‘etha ahaṃ tumhe issare karissāmī’’ti pabbatagahanādīni nissāya antamante gāme paharanto dāmarikabhāvaṃ jānāpetvā anupubbena nigamepi janapadepi paharati. Manussā gehāni chaḍḍetvā khemaṭṭhānaṃ patthayamānā pakkamanti. Te nissāya vasantā bhikkhūpi bhikkhuniyopi attano attano vasanaṭṭhānāni pahāya pakkamanti. Gatagataṭṭhāne bhikkhāpi senāsanampi dullabhaṃ hoti. Evaṃ catunnampi parisānaṃ bhayaṃ āgatameva hoti. Pabbajjitesupi dve bālā bhikkhū aññamaññaṃ vivādaṃ paṭṭhapetvā codanaṃ ārabhanti. Iti kosambivāsikānaṃ viya mahākalaho uppajjati. Catunnaṃ parisānaṃ bhayaṃ āgatameva hotīti evaṃ yāni kānici bhayāni uppajjanti, sabbāni tāni bālato uppajjantīti yathānusandhinā desanaṃ niṭṭhapesi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਭਯਸੁਤ੍ਤਂ • 1. Bhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਭਯਸੁਤ੍ਤવਣ੍ਣਨਾ • 1. Bhayasuttavaṇṇanā
