| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਭਯਸੁਤ੍ਤવਣ੍ਣਨਾ
2. Bhayasuttavaṇṇanā
੬੩. ਦੁਤਿਯੇ ਅਮਾਤਾਪੁਤ੍ਤਿਕਾਨੀਤਿ ਮਾਤਾ ਚ ਪੁਤ੍ਤੋ ਚ ਮਾਤਾਪੁਤ੍ਤਂ, ਪਰਿਤ੍ਤਾਤੁਂ ਸਮਤ੍ਥਭਾવੇਨ ਨਤ੍ਥਿ ਏਤ੍ਥ ਮਾਤਾਪੁਤ੍ਤਨ੍ਤਿ ਅਮਾਤਾਪੁਤ੍ਤਿਕਾਨਿ। ਯਨ੍ਤਿ ਯਸ੍ਮਿਂ ਸਮਯੇ। ਤਤ੍ਥ ਮਾਤਾਪਿ ਪੁਤ੍ਤਂ ਨਪ੍ਪਟਿਲਭਤੀਤਿ ਤਸ੍ਮਿਂ ਅਗ੍ਗਿਭਯੇ ਉਪ੍ਪਨ੍ਨੇ ਮਾਤਾਪਿ ਪੁਤ੍ਤਂ ਪਸ੍ਸਿਤੁਂ ਨ ਲਭਤਿ, ਪੁਤ੍ਤੋਪਿ ਮਾਤਰਂ ਪਸ੍ਸਿਤੁਂ ਨ ਲਭਤੀਤਿ ਅਤ੍ਥੋ। ਭਯਂ ਹੋਤੀਤਿ ਚਿਤ੍ਤੁਤ੍ਰਾਸਭਯਂ ਹੋਤਿ। ਅਟવਿਸਙ੍ਕੋਪੋਤਿ ਅਟવਿਯਾ ਸਙ੍ਕੋਪੋ। ਅਟવੀਤਿ ਚੇਤ੍ਥ ਅਟવਿવਾਸਿਨੋ ਚੋਰਾ વੇਦਿਤਬ੍ਬਾ। ਯਦਾ ਹਿ ਤੇ ਅਟવਿਤੋ ਜਨਪਦਂ ਓਤਰਿਤ੍વਾ ਗਾਮਨਿਗਮਰਾਜਧਾਨਿਯੋ ਪਹਰਿਤ੍વਾ વਿਲੁਮ੍ਪਨ੍ਤਿ, ਤਦਾ ਅਟવਿਸਙ੍ਕੋਪੋ ਨਾਮ ਹੋਤਿ, ਤਂ ਸਨ੍ਧਾਯੇਤਂ વੁਤ੍ਤਂ। ਚਕ੍ਕਸਮਾਰੂਲ਼੍ਹਾਤਿ ਏਤ੍ਥ ਇਰਿਯਾਪਥਚਕ੍ਕਮ੍ਪਿ વਟ੍ਟਤਿ ਯਾਨਚਕ੍ਕਮ੍ਪਿ। ਭਯਸ੍ਮਿਂ ਹਿ ਸਮ੍ਪਤ੍ਤੇ ਯੇਸਂ ਯਾਨਕਾਨਿ ਅਤ੍ਥਿ, ਤੇ ਅਤ੍ਤਨੋ ਪਰਿਕ੍ਖਾਰਭਣ੍ਡਂ ਤੇਸੁ ਆਰੋਪੇਤ੍વਾ ਪਲਾਯਨ੍ਤਿ। ਯੇਸਂ ਨਤ੍ਥਿ , ਤੇ ਕਾਜੇਨ વਾ ਆਦਾਯ ਸੀਸੇਨ વਾ ਉਕ੍ਖਿਪਿਤ੍વਾ ਪਲਾਯਨ੍ਤਿਯੇવ। ਤੇ ਚਕ੍ਕਸਮਾਰੂਲ਼੍ਹਾ ਨਾਮ ਹੋਨ੍ਤਿ। ਪਰਿਯਾਯਨ੍ਤੀਤਿ ਇਤੋ ਚਿਤੋ ਚ ਗਚ੍ਛਨ੍ਤਿ। ਕਦਾਚੀਤਿ ਕਿਸ੍ਮਿਞ੍ਚਿਦੇવ ਕਾਲੇ। ਕਰਹਚੀਤਿ ਤਸ੍ਸੇવ વੇવਚਨਂ। ਮਾਤਾਪਿ ਪੁਤ੍ਤਂ ਪਟਿਲਭਤੀਤਿ ਆਗਚ੍ਛਨ੍ਤਂ વਾ ਗਚ੍ਛਨ੍ਤਂ વਾ ਏਕਸ੍ਮਿਂ ਠਾਨੇ ਨਿਲੀਨਂ વਾ ਪਸ੍ਸਿਤੁਂ ਲਭਤਿ। ਉਦਕવਾਹਕੋਤਿ ਨਦੀਪੂਰੋ। ਮਾਤਾਪਿ ਪੁਤ੍ਤਂ ਪਟਿਲਭਤੀਤਿ ਕੁਲ੍ਲੇ વਾ ਉਲ਼ੁਮ੍ਪੇ વਾ ਮਤ੍ਤਿਕਾਭਾਜਨੇ વਾ ਦਾਰੁਕ੍ਖਣ੍ਡੇ વਾ ਲਗ੍ਗਂ વੁਯ੍ਹਮਾਨਂ ਪਸ੍ਸਿਤੁਂ ਪਟਿਲਭਤਿ, ਸੋਤ੍ਥਿਨਾ વਾ ਪੁਨ ਉਤ੍ਤਰਿਤ੍વਾ ਗਾਮੇ વਾ ਅਰਞ੍ਞੇ વਾ ਠਿਤਂ ਪਸ੍ਸਿਤੁਂ ਲਭਤੀਤਿ।
63. Dutiye amātāputtikānīti mātā ca putto ca mātāputtaṃ, parittātuṃ samatthabhāvena natthi ettha mātāputtanti amātāputtikāni. Yanti yasmiṃ samaye. Tattha mātāpi puttaṃ nappaṭilabhatīti tasmiṃ aggibhaye uppanne mātāpi puttaṃ passituṃ na labhati, puttopi mātaraṃ passituṃ na labhatīti attho. Bhayaṃ hotīti cittutrāsabhayaṃ hoti. Aṭavisaṅkopoti aṭaviyā saṅkopo. Aṭavīti cettha aṭavivāsino corā veditabbā. Yadā hi te aṭavito janapadaṃ otaritvā gāmanigamarājadhāniyo paharitvā vilumpanti, tadā aṭavisaṅkopo nāma hoti, taṃ sandhāyetaṃ vuttaṃ. Cakkasamārūḷhāti ettha iriyāpathacakkampi vaṭṭati yānacakkampi. Bhayasmiṃ hi sampatte yesaṃ yānakāni atthi, te attano parikkhārabhaṇḍaṃ tesu āropetvā palāyanti. Yesaṃ natthi , te kājena vā ādāya sīsena vā ukkhipitvā palāyantiyeva. Te cakkasamārūḷhā nāma honti. Pariyāyantīti ito cito ca gacchanti. Kadācīti kismiñcideva kāle. Karahacīti tasseva vevacanaṃ. Mātāpi puttaṃ paṭilabhatīti āgacchantaṃ vā gacchantaṃ vā ekasmiṃ ṭhāne nilīnaṃ vā passituṃ labhati. Udakavāhakoti nadīpūro. Mātāpi puttaṃ paṭilabhatīti kulle vā uḷumpe vā mattikābhājane vā dārukkhaṇḍe vā laggaṃ vuyhamānaṃ passituṃ paṭilabhati, sotthinā vā puna uttaritvā gāme vā araññe vā ṭhitaṃ passituṃ labhatīti.
ਏવਂ ਪਰਿਯਾਯਤੋ ਅਮਾਤਾਪੁਤ੍ਤਿਕਾਨਿ ਭਯਾਨਿ ਦਸ੍ਸੇਤ੍વਾ ਇਦਾਨਿ ਨਿਪ੍ਪਰਿਯਾਯੇਨ ਦਸ੍ਸੇਨ੍ਤੋ ਤੀਣਿਮਾਨੀਤਿਆਦਿਮਾਹ। ਤਤ੍ਥ ਜਰਾਭਯਨ੍ਤਿ ਜਰਂ ਪਟਿਚ੍ਚ ਉਪ੍ਪਜ੍ਜਨਕਭਯਂ। ਇਤਰੇਸੁਪਿ ਏਸੇવ ਨਯੋ। વੁਤ੍ਤਮ੍ਪਿ ਚੇਤਂ – ‘‘ਜਰਂ ਪਟਿਚ੍ਚ ਉਪ੍ਪਜ੍ਜਤਿ ਭਯਂ ਭਯਾਨਕਂ ਛਮ੍ਭਿਤਤ੍ਤਂ ਲੋਮਹਂਸੋ ਚੇਤਸੋ ਉਤ੍ਰਾਸੋ। ਬ੍ਯਾਧਿਂ ਪਟਿਚ੍ਚ, ਮਰਣਂ ਪਟਿਚ੍ਚ ਉਪ੍ਪਜ੍ਜਤਿ ਭਯਂ ਭਯਾਨਕਂ ਛਮ੍ਭਿਤਤ੍ਤਂ ਲੋਮਹਂਸੋ ਚੇਤਸੋ ਉਤ੍ਰਾਸੋ’’ਤਿ (વਿਭ॰ ੯੨੧)। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Evaṃ pariyāyato amātāputtikāni bhayāni dassetvā idāni nippariyāyena dassento tīṇimānītiādimāha. Tattha jarābhayanti jaraṃ paṭicca uppajjanakabhayaṃ. Itaresupi eseva nayo. Vuttampi cetaṃ – ‘‘jaraṃ paṭicca uppajjati bhayaṃ bhayānakaṃ chambhitattaṃ lomahaṃso cetaso utrāso. Byādhiṃ paṭicca, maraṇaṃ paṭicca uppajjati bhayaṃ bhayānakaṃ chambhitattaṃ lomahaṃso cetaso utrāso’’ti (vibha. 921). Sesaṃ sabbattha uttānamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਭਯਸੁਤ੍ਤਂ • 2. Bhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਭਯਸੁਤ੍ਤવਣ੍ਣਨਾ • 2. Bhayasuttavaṇṇanā
