| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਭਯਸੁਤ੍ਤવਣ੍ਣਨਾ
6. Bhayasuttavaṇṇanā
੫੬. ਛਟ੍ਠੇ ਗਬ੍ਭੋਤਿ ਗਬ੍ਭવਾਸੋ। ਦਿਟ੍ਠਧਮ੍ਮਿਕਾਪੀਤਿ ਸਨ੍ਦਿਟ੍ਠਿਕਾ ਗਬ੍ਭવਾਸਸਦਿਸਾ ਪੁਨਪਿ ਮਨੁਸ੍ਸਗਬ੍ਭਾ। ਸਮ੍ਪਰਾਯਿਕਾਪੀਤਿ ਠਪੇਤ੍વਾ ਮਨੁਸ੍ਸਗਬ੍ਭੇ ਸੇਸਗਬ੍ਭਾ। ਉਭਯਂ ਏਤੇ ਕਾਮਾ ਪવੁਚ੍ਚਨ੍ਤੀਤਿ ਭਯਞ੍ਚ ਦੁਕ੍ਖਞ੍ਚ, ਭਯਞ੍ਚ ਰੋਗੋ ਚ, ਭਯਞ੍ਚ ਗਣ੍ਡੋ ਚ, ਭਯਞ੍ਚ ਸਲ੍ਲਞ੍ਚ, ਭਯਞ੍ਚ ਸਙ੍ਗੋ ਚ, ਭਯਞ੍ਚ ਪਙ੍ਕੋ ਚ, ਭਯਞ੍ਚ ਗਬ੍ਭੋ ਚਾਤਿ ਏવਂ ਉਭਯਂ ਏਤੇ ਕਾਮਾ ਪવੁਚ੍ਚਨ੍ਤਿ। ਸਾਤਰੂਪੇਨਾਤਿ ਕਾਮਸੁਖੇਨ। ਪਲਿਪਥਨ੍ਤਿ વਟ੍ਟਪਲਿਪਥਂ। ਅਤਿਕ੍ਕਮ੍ਮਾਤਿ ਇਮਸ੍ਮਿਂ ਠਾਨੇ વਿਪਸ੍ਸਨਂ વਡ੍ਢੇਤ੍વਾ ਅਸ੍ਸ ਭਿਕ੍ਖੁਨੋ ਅਰਹਤ੍ਤਪ੍ਪਤ੍ਤਭਾવੋ ਗਹਿਤੋ। ਏવਰੂਪਂ ਪਜਂ ਜਾਤਿਜਰੂਪੇਤਂ ਤੀਸੁ ਭવੇਸੁ ਫਨ੍ਦਮਾਨਂ ਅવੇਕ੍ਖਤੀਤਿ ਸੁਤ੍ਤੇ વਟ੍ਟਂ ਕਥੇਤ੍વਾ ਗਾਥਾਸੁ વਿવਟ੍ਟਂ ਕਥਿਤਨ੍ਤਿ। ਸਤ੍ਤਮਟ੍ਠਮਾਨਿ ਉਤ੍ਤਾਨਤ੍ਥਾਨੇવ।
56. Chaṭṭhe gabbhoti gabbhavāso. Diṭṭhadhammikāpīti sandiṭṭhikā gabbhavāsasadisā punapi manussagabbhā. Samparāyikāpīti ṭhapetvā manussagabbhe sesagabbhā. Ubhayaṃ ete kāmā pavuccantīti bhayañca dukkhañca, bhayañca rogo ca, bhayañca gaṇḍo ca, bhayañca sallañca, bhayañca saṅgo ca, bhayañca paṅko ca, bhayañca gabbho cāti evaṃ ubhayaṃ ete kāmā pavuccanti. Sātarūpenāti kāmasukhena. Palipathanti vaṭṭapalipathaṃ. Atikkammāti imasmiṃ ṭhāne vipassanaṃ vaḍḍhetvā assa bhikkhuno arahattappattabhāvo gahito. Evarūpaṃ pajaṃ jātijarūpetaṃ tīsu bhavesu phandamānaṃ avekkhatīti sutte vaṭṭaṃ kathetvā gāthāsu vivaṭṭaṃ kathitanti. Sattamaṭṭhamāni uttānatthāneva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਭਯਸੁਤ੍ਤਂ • 6. Bhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬-੮. ਭਯਸੁਤ੍ਤਾਦਿવਣ੍ਣਨਾ • 6-8. Bhayasuttādivaṇṇanā
