| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਭਯਸੁਤ੍ਤવਣ੍ਣਨਾ
2. Bhayasuttavaṇṇanā
੬੩. ਦੁਤਿਯੇ ਪਰਿਤ੍ਤਾਤੁਂ ਸਮਤ੍ਥਭਾવੇਨਾਤਿ ਉਪ੍ਪਨ੍ਨਭਯਤੋ ਰਕ੍ਖਿਤੁਂ ਸਮਤ੍ਥਭਾવੇਨ। ਨਤ੍ਥਿ ਏਤ੍ਥ ਮਾਤਾਪੁਤ੍ਤਂ ਅਞ੍ਞਮਞ੍ਞਂ ਤਾਯਿਤੁਂ ਸਮਤ੍ਥਨ੍ਤਿ ਅਮਾਤਾਪੁਤ੍ਤਾਨਿ, ਤਾਨਿਯੇવ ਅਮਾਤਾਪੁਤ੍ਤਿਕਾਨਿ। ਤੇਨਾਹ ‘‘ਨਤ੍ਥਿ ਏਤ੍ਥਾ’’ਤਿਆਦਿ। ਯਨ੍ਤਿ ਭੁਮ੍ਮਤ੍ਥੇ ਉਪਯੋਗવਚਨਨ੍ਤਿ ਆਹ ‘‘ਯਸ੍ਮਿਂ ਸਮਯੇ’’ਤਿ। ਮਾਤਾਪਿ ਪੁਤ੍ਤਂ ਪਸ੍ਸਿਤੁਂ ਨ ਲਭਤਿ, ਪਰਿਤ੍ਤਾਤੁਂ ਨ ਸਮਤ੍ਥਨ੍ਤਿ ਅਧਿਪ੍ਪਾਯੋ । ਪੁਤ੍ਤੋਪਿ ਮਾਤਰਨ੍ਤਿ ਏਤ੍ਥਾਪਿ ਏਸੇવ ਨਯੋ। ਚਿਤ੍ਤੁਤ੍ਰਾਸੋਯੇવ ਭਯਂ ਚਿਤ੍ਤੁਤ੍ਰਾਸਭਯਂ। ਇਮਿਨਾ ਓਤ੍ਤਪ੍ਪਭਯਾਦਿਂ ਨਿવਤ੍ਤੇਤਿ। ਅਟવਿਗ੍ਗਹਣੇਨ ਅਟવਿવਾਸਿਨੋ વੁਤ੍ਤਾ ‘‘ਸਬ੍ਬੋ ਗਾਮੋ ਆਗਤੋ’’ਤਿਆਦੀਸੁ વਿਯਾਤਿ ਆਹ ‘‘ਅਟવੀਤਿ ਚੇਤ੍ਥ ਅਟવਿવਾਸਿਨੋ ਚੋਰਾ વੇਦਿਤਬ੍ਬਾ’’ਤਿ। ਏਤੇਤਿ ਅਟવਿવਾਸਿਨੋ ਚੋਰਾ। ਏਤਂ વੁਤ੍ਤਨ੍ਤਿ ‘‘ਅਟવਿਸਙ੍ਕੋਪੋ’’ਤਿ ਇਦਂ વੁਤ੍ਤਂ। ਠਾਨਗਮਨਾਦਿਇਰਿਯਾਪਥਚਕ੍ਕਸਮਙ੍ਗਿਨੋ ਇਰਿਯਾਪਥਚਕ੍ਕਸਮਾਰੁਲ਼੍ਹਾ ਨਾਮ ਹੋਨ੍ਤੀਤਿ ਆਹ ‘‘ਇਰਿਯਾਪਥਚਕ੍ਕਮ੍ਪਿ વਟ੍ਟਤੀ’’ਤਿ। ਇਰਿਯਾਪਥੋਯੇવ ਪવਤ੍ਤਨਟ੍ਠੇਨ ਚਕ੍ਕਨ੍ਤਿ ਇਰਿਯਾਪਥਚਕ੍ਕਂ।
63. Dutiye parittātuṃ samatthabhāvenāti uppannabhayato rakkhituṃ samatthabhāvena. Natthi ettha mātāputtaṃ aññamaññaṃ tāyituṃ samatthanti amātāputtāni, tāniyeva amātāputtikāni. Tenāha ‘‘natthi etthā’’tiādi. Yanti bhummatthe upayogavacananti āha ‘‘yasmiṃ samaye’’ti. Mātāpi puttaṃ passituṃ na labhati, parittātuṃ na samatthanti adhippāyo . Puttopi mātaranti etthāpi eseva nayo. Cittutrāsoyeva bhayaṃ cittutrāsabhayaṃ. Iminā ottappabhayādiṃ nivatteti. Aṭaviggahaṇena aṭavivāsino vuttā ‘‘sabbo gāmo āgato’’tiādīsu viyāti āha ‘‘aṭavīti cettha aṭavivāsino corā veditabbā’’ti. Eteti aṭavivāsino corā. Etaṃ vuttanti ‘‘aṭavisaṅkopo’’ti idaṃ vuttaṃ. Ṭhānagamanādiiriyāpathacakkasamaṅgino iriyāpathacakkasamāruḷhā nāma hontīti āha ‘‘iriyāpathacakkampi vaṭṭatī’’ti. Iriyāpathoyeva pavattanaṭṭhena cakkanti iriyāpathacakkaṃ.
ਪਰਿਯਾਯਨ੍ਤੀਤਿ ਪਰਿਤੋ ਤੇਨ ਤੇਨ ਦਿਸਾਭਾਗੇਨ ਗਚ੍ਛਨ੍ਤਿ। ਤੇਨਾਹ ‘‘ਇਤੋ ਚਿਤੋ ਚ ਗਚ੍ਛਨ੍ਤੀ’’ਤਿ। ਮਾਤੁਪੇਮੇਨ ਗਨ੍ਤੁਂ ਅવਿਸਹਿਤ੍વਾ ਅਤ੍ਤਨੋ ਸਨ੍ਤਿਕਂ ਆਗਚ੍ਛਨ੍ਤਂ। ਅਤ੍ਤਸਿਨੇਹਸ੍ਸ ਬਲવਭਾવਤੋ ਮਾਤਰਮ੍ਪਿ ਅਨਪੇਕ੍ਖਿਤ੍વਾ ‘‘ਅਤ੍ਤਾਨਂਯੇવ ਰਕ੍ਖਿਸ੍ਸਾਮੀ’’ਤਿ ਗਚ੍ਛਨ੍ਤਂ। ਏਕਸ੍ਮਿਂ ਠਾਨੇ ਨਿਲੀਨਨ੍ਤਿ વੁਤ੍ਤਨਯੇਨੇવ ਗਨ੍ਤ੍વਾ ਏਕਸ੍ਮਿਂ ਖੇਮੇ ਪਦੇਸੇ ਨਿਸਿਨ੍ਨਂ। ਕੁਲ੍ਲੇ વਾਤਿਆਦੀਸੁ ਕੂਲਂ ਪਰਤੀਰਂ વਹਤਿ ਪਾਪੇਤੀਹਿ ਕੁਲ੍ਲੋ, ਤਰਣਤ੍ਥਾਯ વੇਲ਼ੁਨਲ਼ਾਦੀਹਿ ਕਲਾਪਂ ਕਤ੍વਾ ਬਦ੍ਧੋ। ਪਤ੍ਥਰਿਤ੍વਾ ਬਦ੍ਧੋ ਪਨ ਉਲ਼ੁਮ੍ਪੋ, ਚਾਟਿਆਦਿ ਮਤ੍ਤਿਕਾਭਾਜਨਂ। વੁਯ੍ਹਮਾਨਨ੍ਤਿ ਉਦਕੋਘੇਨ ਅਧੋਸੋਤਂ ਨੀਯਮਾਨਂ।
Pariyāyantīti parito tena tena disābhāgena gacchanti. Tenāha ‘‘ito cito ca gacchantī’’ti. Mātupemena gantuṃ avisahitvā attano santikaṃ āgacchantaṃ. Attasinehassa balavabhāvato mātarampi anapekkhitvā ‘‘attānaṃyeva rakkhissāmī’’ti gacchantaṃ. Ekasmiṃ ṭhāne nilīnanti vuttanayeneva gantvā ekasmiṃ kheme padese nisinnaṃ. Kulle vātiādīsu kūlaṃ paratīraṃ vahati pāpetīhi kullo, taraṇatthāya veḷunaḷādīhi kalāpaṃ katvā baddho. Pattharitvā baddho pana uḷumpo, cāṭiādi mattikābhājanaṃ. Vuyhamānanti udakoghena adhosotaṃ nīyamānaṃ.
ਯਥਾવੁਤ੍ਤਾਨਿ ਤੀਣਿ ਭਯਾਨਿ ਸਮਾਤਾਪੁਤ੍ਤਿਕਾਨਿਯੇવ ਅਸ੍ਸੁਤવਤੋ ਪੁਥੁਜ੍ਜਨਸ੍ਸ વਸੇਨ ਅਮਾਤਾਪੁਤ੍ਤਿਕਾਨਿ ਦਸ੍ਸਿਤਾਨੀਤਿ ਆਹ ‘‘ਏવਂ ਪਰਿਯਾਯਤੋ ਅਮਾਤਾਪੁਤ੍ਤਿਕਾਨਿ ਭਯਾਨਿ ਦਸ੍ਸੇਤ੍વਾ’’ਤਿ।
Yathāvuttāni tīṇi bhayāni samātāputtikāniyeva assutavato puthujjanassa vasena amātāputtikāni dassitānīti āha ‘‘evaṃ pariyāyato amātāputtikāni bhayāni dassetvā’’ti.
ਭਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bhayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਭਯਸੁਤ੍ਤਂ • 2. Bhayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਭਯਸੁਤ੍ਤવਣ੍ਣਨਾ • 2. Bhayasuttavaṇṇanā
