| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
11. бхзд̣̇аанувад̇д̇агасигкаабад̣̇ам̣
11. Bhedānuvattakasikkhāpadaṃ
417. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна д̣̇звад̣̇ад̇д̇о сан̇гхабхзд̣̇ааяа бараггамад̇и жаггабхзд̣̇ааяа. бхигкуу звамаахам̣су – ‘‘ад̇хаммаваад̣̇ий д̣̇звад̣̇ад̇д̇о, авинаяаваад̣̇ий д̣̇звад̣̇ад̇д̇о. гат̇ан̃хи наама д̣̇звад̣̇ад̇д̇о сан̇гхабхзд̣̇ааяа бараггамиссад̇и жаггабхзд̣̇ааяаа’’д̇и! звам̣ вуд̇д̇з гогаалиго гадамод̣̇агад̇иссаго кан̣д̣ад̣̇звияаа буд̇д̇о самуд̣̇д̣̇ад̣̇ад̇д̇о д̇з бхигкуу зд̇ад̣̇авожум̣ – ‘‘мааяасманд̇о звам̣ аважуд̇т̇а. д̇хаммаваад̣̇ий д̣̇звад̣̇ад̇д̇о, винаяаваад̣̇ий д̣̇звад̣̇ад̇д̇о. амхааган̃жа д̣̇звад̣̇ад̇д̇о чанд̣̇ан̃жа ружин̃жа аад̣̇ааяа вохарад̇и ж̇аанаад̇и но бхаасад̇и амхаагам̣бзд̇ам̣ камад̇ий’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу д̣̇звад̣̇ад̇д̇асса сан̇гхабхзд̣̇ааяа бараггаманд̇асса анувад̇д̇агаа бхависсанд̇и ваг̇г̇аваад̣̇агаа’’д̇и! ат̇а ко д̇з бхигкуу д̇з анувад̇д̇агз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, бхигкуу д̣̇звад̣̇ад̇д̇асса сан̇гхабхзд̣̇ааяа бараггаманд̇асса анувад̇д̇агаа хонд̇и ваг̇г̇аваад̣̇агаа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа д̣̇звад̣̇ад̇д̇асса сан̇гхабхзд̣̇ааяа бараггаманд̇асса анувад̇д̇агаа бхависсанд̇и ваг̇г̇аваад̣̇агаа ! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
417. Tena samayena buddho bhagavā rājagahe viharati veḷuvane kalandakanivāpe. Tena kho pana samayena devadatto saṅghabhedāya parakkamati cakkabhedāya. Bhikkhū evamāhaṃsu – ‘‘adhammavādī devadatto, avinayavādī devadatto. Kathañhi nāma devadatto saṅghabhedāya parakkamissati cakkabhedāyā’’ti! Evaṃ vutte kokāliko kaṭamodakatissako khaṇḍadeviyā putto samuddadatto te bhikkhū etadavocuṃ – ‘‘māyasmanto evaṃ avacuttha. Dhammavādī devadatto, vinayavādī devadatto. Amhākañca devadatto chandañca ruciñca ādāya voharati jānāti no bhāsati amhākaṃpetaṃ khamatī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū devadattassa saṅghabhedāya parakkamantassa anuvattakā bhavissanti vaggavādakā’’ti! Atha kho te bhikkhū te anuvattake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira, bhikkhave, bhikkhū devadattassa saṅghabhedāya parakkamantassa anuvattakā honti vaggavādakā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā devadattassa saṅghabhedāya parakkamantassa anuvattakā bhavissanti vaggavādakā ! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
418. ‘‘д̇ассзва ко бана бхигкусса бхигкуу хонд̇и анувад̇д̇агаа ваг̇г̇аваад̣̇агаа зго ваа д̣̇вз ваа д̇аяо ваа. д̇з звам̣ вад̣̇зяяум̣ – ‘мааяасманд̇о зд̇ам̣ бхигкум̣ гин̃жи аважуд̇т̇а. д̇хаммаваад̣̇ий жзсо бхигку, винаяаваад̣̇ий жзсо бхигку. амхааган̃жзсо бхигку чанд̣̇ан̃жа ружин̃жа аад̣̇ааяа вохарад̇и ж̇аанаад̇и но бхаасад̇и амхаагамбзд̇ам̣ камад̇ий’д̇и, д̇з бхигкуу бхигкуухи звамассу важанийяаа – ‘мааяасманд̇о звам̣ аважуд̇т̇а, на жзсо бхигку д̇хаммаваад̣̇ий, на жзсо бхигку винаяаваад̣̇ий, мааяасманд̇аанамби сан̇гхабхзд̣̇о ружжид̇т̇а, самзд̇ааяасманд̇аанам̣ сан̇гхзна, самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’д̇и. зван̃жа д̇з бхигкуу бхигкуухи вужжамаанаа д̇ат̇зва баг̇г̇ан̣хзяяум̣, д̇з бхигкуу бхигкуухи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа. яаавад̇ад̇ияан̃жз саманубхаасияамаанаа д̇ам̣ бадиниссаж̇ж̇зяяум̣, ижжзд̇ам̣ гусалам̣, но жз бадиниссаж̇ж̇зяяум̣, сан̇гхаад̣̇исзсо’’д̇и.
418.‘‘Tasseva kho pana bhikkhussa bhikkhū honti anuvattakā vaggavādakā eko vā dve vā tayo vā. Te evaṃ vadeyyuṃ – ‘māyasmanto etaṃ bhikkhuṃ kiñci avacuttha. Dhammavādī ceso bhikkhu, vinayavādī ceso bhikkhu. Amhākañceso bhikkhu chandañca ruciñca ādāya voharati jānāti no bhāsati amhākampetaṃ khamatī’ti, te bhikkhū bhikkhūhi evamassu vacanīyā – ‘māyasmanto evaṃ avacuttha, na ceso bhikkhu dhammavādī, na ceso bhikkhu vinayavādī, māyasmantānampi saṅghabhedo ruccittha, sametāyasmantānaṃ saṅghena, samaggo hi saṅgho sammodamāno avivadamāno ekuddeso phāsu viharatī’ti. Evañca te bhikkhū bhikkhūhi vuccamānā tatheva paggaṇheyyuṃ, te bhikkhū bhikkhūhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsiyamānā taṃ paṭinissajjeyyuṃ, iccetaṃ kusalaṃ, no ce paṭinissajjeyyuṃ, saṅghādiseso’’ti.
419. д̇ассзва ко банаад̇и д̇асса сан̇гхабхзд̣̇агасса бхигкуно.
419.Tasseva kho panāti tassa saṅghabhedakassa bhikkhuno.
бхигкуу хонд̇ийд̇и ан̃н̃з бхигкуу хонд̇и.
Bhikkhū hontīti aññe bhikkhū honti.
анувад̇д̇агаад̇и яам̣д̣̇идтиго со ход̇и яам̣канд̇иго яам̣ружиго д̇зби д̇ам̣д̣̇идтигаа хонд̇и д̇ам̣канд̇игаа д̇ам̣ружигаа.
Anuvattakāti yaṃdiṭṭhiko so hoti yaṃkhantiko yaṃruciko tepi taṃdiṭṭhikā honti taṃkhantikā taṃrucikā.
ваг̇г̇аваад̣̇агаад̇и д̇асса ван̣н̣ааяа багкааяа тид̇аа хонд̇и.
Vaggavādakāti tassa vaṇṇāya pakkhāya ṭhitā honti.
зго ваа д̣̇вз ваа д̇аяо ваад̇и зго ваа ход̇и д̣̇вз ваа д̇аяо ваа. д̇з звам̣ вад̣̇зяяум̣ – ‘‘мааяасманд̇о зд̇ам̣ бхигкум̣ гин̃жи аважуд̇т̇а, д̇хаммаваад̣̇ий жзсо бхигку, винаяаваад̣̇ий жзсо бхигку, амхааган̃жзсо бхигку чанд̣̇ан̃жа ружин̃жа аад̣̇ааяа вохарад̇и ж̇аанаад̇и но бхаасад̇и амхаагам̣бзд̇ам̣ камад̇ий’д̇и.
Eko vā dve vā tayo vāti eko vā hoti dve vā tayo vā. Te evaṃ vadeyyuṃ – ‘‘māyasmanto etaṃ bhikkhuṃ kiñci avacuttha, dhammavādī ceso bhikkhu, vinayavādī ceso bhikkhu, amhākañceso bhikkhu chandañca ruciñca ādāya voharati jānāti no bhāsati amhākaṃpetaṃ khamatī’ti.
д̇з бхигкууд̇и яз д̇з анувад̇д̇агаа бхигкуу.
Te bhikkhūti ye te anuvattakā bhikkhū.
бхигкуухийд̇и ан̃н̃зхи бхигкуухи.
Bhikkhūhīti aññehi bhikkhūhi.
яз бассанд̇и яз сун̣анд̇и д̇зхи вад̇д̇аб̣б̣аа – ‘‘мааяасманд̇о звам̣ аважуд̇т̇а. на жзсо бхигку д̇хаммаваад̣̇ий, на жзсо бхигку винаяаваад̣̇ий. мааяасманд̇аанамби сан̇гхабхзд̣̇о ружжид̇т̇а. самзд̇ааяасманд̇аанам̣ сан̇гхзна. самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇анд̇и, ижжзд̇ам̣ гусалам̣; но жз бадиниссаж̇ж̇анд̇и, аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. д̇з бхигкуу сан̇гхамаж̇жхамби аагад̣дхид̇ваа вад̇д̇аб̣б̣аа – ‘‘мааяасманд̇о звам̣ аважуд̇т̇а. на жзсо бхигку д̇хаммаваад̣̇ий, на жзсо бхигку винаяаваад̣̇ий. мааяасманд̇аанамби сан̇гхабхзд̣̇о ружжид̇т̇а. самзд̇ааяасманд̇аанам̣ сан̇гхзна. самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇анд̇и, ижжзд̇ам̣ гусалам̣; но жз бадиниссаж̇ж̇анд̇и, аабад̇д̇и д̣̇уггадасса. д̇з бхигкуу саманубхаасид̇аб̣б̣аа. зван̃жа бана, бхигкавз, саманубхаасид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Ye passanti ye suṇanti tehi vattabbā – ‘‘māyasmanto evaṃ avacuttha. Na ceso bhikkhu dhammavādī, na ceso bhikkhu vinayavādī. Māyasmantānampi saṅghabhedo ruccittha. Sametāyasmantānaṃ saṅghena. Samaggo hi saṅgho sammodamāno avivadamāno ekuddeso phāsu viharatī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Sutvā na vadanti, āpatti dukkaṭassa. Te bhikkhū saṅghamajjhampi ākaḍḍhitvā vattabbā – ‘‘māyasmanto evaṃ avacuttha. Na ceso bhikkhu dhammavādī, na ceso bhikkhu vinayavādī. Māyasmantānampi saṅghabhedo ruccittha. Sametāyasmantānaṃ saṅghena. Samaggo hi saṅgho sammodamāno avivadamāno ekuddeso phāsu viharatī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Te bhikkhū samanubhāsitabbā. Evañca pana, bhikkhave, samanubhāsitabbā. Byattena bhikkhunā paṭibalena saṅgho ñāpetabbo –
420. ‘‘сун̣аад̇у мз, бханд̇з, сан̇гхо. ид̇т̇аннаамо жа ид̇т̇анаамо жа бхигкуу ид̇т̇аннаамасса бхигкуно сан̇гхабхзд̣̇ааяа бараггаманд̇асса анувад̇д̇агаа ваг̇г̇аваад̣̇агаа . д̇з д̇ам̣ вад̇т̇ум̣ на бадиниссаж̇ж̇анд̇и. яад̣̇и сан̇гхасса бад̇д̇агаллам̣, сан̇гхо ид̇т̇аннааман̃жа ид̇т̇аннааман̃жа бхигкуу саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
420. ‘‘Suṇātu me, bhante, saṅgho. Itthannāmo ca itthanāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā . Te taṃ vatthuṃ na paṭinissajjanti. Yadi saṅghassa pattakallaṃ, saṅgho itthannāmañca itthannāmañca bhikkhū samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, бханд̇з, сан̇гхо. ид̇т̇аннаамо жа ид̇т̇аннаамо жа бхигкуу ид̇т̇аннаамасса бхигкуно сан̇гхабхзд̣̇ааяа бараггаманд̇асса анувад̇д̇агаа ваг̇г̇аваад̣̇агаа. д̇з д̇ам̣ вад̇т̇ум̣ на бадиниссаж̇ж̇анд̇и. сан̇гхо ид̇т̇аннааман̃жа ид̇т̇аннааман̃жа бхигкуу саманубхаасад̇и д̇асса вад̇т̇усса бадиниссаг̇г̇ааяа. яассааяасмад̇о камад̇и ид̇т̇аннаамасса жа ид̇т̇аннаамасса жа бхигкуунам̣ саманубхаасанаа д̇асса вад̇т̇усса бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Itthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā. Te taṃ vatthuṃ na paṭinissajjanti. Saṅgho itthannāmañca itthannāmañca bhikkhū samanubhāsati tassa vatthussa paṭinissaggāya. Yassāyasmato khamati itthannāmassa ca itthannāmassa ca bhikkhūnaṃ samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. ид̇т̇аннаамо жа ид̇т̇аннаамо жа бхигкуу ид̇т̇аннаамасса бхигкуно сан̇гхабхзд̣̇ааяа бараггаманд̇асса анувад̇д̇агаа ваг̇г̇аваад̣̇агаа. д̇з д̇ам̣ вад̇т̇ум̣ на бадиниссаж̇ж̇анд̇и. сан̇гхо ид̇т̇аннааман̃жа ид̇т̇аннааман̃жа бхигкуу саманубхаасад̇и д̇асса вад̇т̇усса бадиниссаг̇г̇ааяа. яассааяасмад̇о камад̇и ид̇т̇аннаамасса жа ид̇т̇аннаамасса жа бхигкуунам̣ саманубхаасанаа д̇асса вад̇т̇усса бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Itthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā. Te taṃ vatthuṃ na paṭinissajjanti. Saṅgho itthannāmañca itthannāmañca bhikkhū samanubhāsati tassa vatthussa paṭinissaggāya. Yassāyasmato khamati itthannāmassa ca itthannāmassa ca bhikkhūnaṃ samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
‘‘саманубхадтаа сан̇гхзна ид̇т̇аннаамо жа ид̇т̇аннаамо жа бхигкуу д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭhā saṅghena itthannāmo ca itthannāmo ca bhikkhū tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
421. н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаабарияосаанз аабад̇д̇и сан̇гхаад̣̇исзсасса. сан̇гхаад̣̇исзсам̣ аж̇жхаабаж̇ж̇анд̇аанам̣ н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇и. д̣̇вз д̇аяо згад̇о саманубхаасид̇аб̣б̣аа, д̇ад̣̇уд̇д̇ари на саманубхаасид̇аб̣б̣аа.
421. Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantānaṃ ñattiyā dukkaṭaṃ, dvīhi kammavācāhi thullaccayā paṭippassambhanti. Dve tayo ekato samanubhāsitabbā, taduttari na samanubhāsitabbā.
сан̇гхаад̣̇исзсод̇и…бз… д̇знаби вужжад̇и ‘‘сан̇гхаад̣̇исзсо’’д̇и.
Saṅghādisesoti…pe… tenapi vuccati ‘‘saṅghādiseso’’ti.
422. д̇хаммагаммз д̇хаммагаммасан̃н̃ий на бадиниссаж̇ж̇анд̇и, аабад̇д̇и сан̇гхаад̣̇исзсасса.
422. Dhammakamme dhammakammasaññī na paṭinissajjanti, āpatti saṅghādisesassa.
д̇хаммагаммз взмад̇игаа на бадиниссаж̇ж̇анд̇и, аабад̇д̇и сан̇гхаад̣̇исзсасса.
Dhammakamme vematikā na paṭinissajjanti, āpatti saṅghādisesassa.
д̇хаммагаммз ад̇хаммагаммасан̃н̃ий на бадиниссаж̇ж̇анд̇и, аабад̇д̇и сан̇гхаад̣̇исзсасса.
Dhammakamme adhammakammasaññī na paṭinissajjanti, āpatti saṅghādisesassa.
ад̇хаммагаммз д̇хаммагаммасан̃н̃ий, аабад̇д̇и д̣̇уггадасса.
Adhammakamme dhammakammasaññī, āpatti dukkaṭassa.
ад̇хаммагаммз взмад̇игаа, аабад̇д̇и д̣̇уггадасса.
Adhammakamme vematikā, āpatti dukkaṭassa.
ад̇хаммагаммз ад̇хаммагаммасан̃н̃ий, аабад̇д̇и д̣̇уггадасса.
Adhammakamme adhammakammasaññī, āpatti dukkaṭassa.
423. анаабад̇д̇и асаманубхаасанд̇аанам̣, бадиниссаж̇ж̇анд̇аанам̣, уммад̇д̇агаанам̣, кид̇д̇ажид̇д̇аанам̣, взд̣̇анааддаанам̣, аад̣̇игаммигаананд̇и.
423. Anāpatti asamanubhāsantānaṃ, paṭinissajjantānaṃ, ummattakānaṃ, khittacittānaṃ, vedanāṭṭānaṃ, ādikammikānanti.
бхзд̣̇аанувад̇д̇агасигкаабад̣̇ам̣ нидтид̇ам̣ згаад̣̇асамам̣.
Bhedānuvattakasikkhāpadaṃ niṭṭhitaṃ ekādasamaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
