| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
11. бхзд̣̇аанувад̇д̇агасигкаабад̣̇аван̣н̣анаа
11. Bhedānuvattakasikkhāpadavaṇṇanā
д̇ассзваад̇и бхзд̣̇ааяа бараггаманд̇ассзва. код̇и нибаад̇амад̇д̇ам̣. банаад̇и висзсз нибаад̇о. яам̣ важанам̣ самаг̇г̇зби ваг̇г̇з аваяавабхууд̇з гарод̇и бхинд̣̇ад̇и, д̇ам̣ галахагаарагаважанам̣ ид̇ха ‘‘ваг̇г̇а’’нд̇и вужжад̇ийд̇и ааха ‘‘ваг̇г̇ам̣ асаамаг̇г̇ибагкияаважанам̣ вад̣̇анд̇ий’’д̇и. асаамаг̇г̇ибагкз бхаваа асаамаг̇г̇ибагкияаа, галахагаарагаа, д̇зсам̣ важанам̣ асаамаг̇г̇ибагкияаважанам̣, асаамаг̇г̇ибагкз ваа бхавам̣ важанам̣ асаамаг̇г̇ибагкияаважанам̣. ‘‘на хи сан̇гхо сан̇гхасса гаммам̣ гарод̇ий’’д̇и ид̣̇ам̣ ниг̇г̇ахавасзна гад̇д̇аб̣б̣ам̣ гаммам̣ санд̇хааяа вуд̇д̇ам̣, уб̣б̣аахигаад̣̇игаммам̣ бана б̣ахуунамби гаад̇ум̣ ваддад̇иязва. д̇хаммаваад̣̇ийд̇и бхууд̇аваад̣̇ий. винаяаваад̣̇ийд̇и вуубасамаваад̣̇ий. ж̇аанаад̇и нод̇и зд̇т̇ааби ‘‘чанд̣̇ан̃жа ружин̃жаа’’д̇и ид̣̇ам̣ аанзд̇ваа самб̣анд̇хид̇аб̣б̣ам̣. д̇знааха ‘‘амхаагам̣ чанд̣̇аад̣̇ийни ж̇аанаад̇ий’’д̇и. бхаасад̇ийд̇и зд̇т̇а ‘‘но’’д̇и ид̣̇ам̣ вибхад̇д̇ивибарин̣аамзна яуж̇ж̇ад̇и. д̇знааха ‘‘звам̣ гаромаад̇и амхзхи сад̣̇д̇хим̣ бхаасад̇ий’’д̇и. ‘‘зд̇а’’нд̇и иминаа д̇асса гаммам̣ бажжаамадтанд̇и ааха ‘‘яам̣ со гарод̇ий’’д̇иаад̣̇и. сод̇и сан̇гхабхзд̣̇ааяа бараггаманд̇о. самзд̇ааяасманд̇аананд̇и зд̇т̇а ‘‘жид̇д̇а’’нд̇и аж̇жхаахарид̇аб̣б̣анд̇и ааха ‘‘ааяасманд̇аанам̣ жид̇д̇а’’нд̇и. вуд̇д̇асад̣̇исааязваад̇и зд̇т̇а яам̣ вад̇д̇аб̣б̣ам̣, д̇ам̣ хздтаа ан̃н̃абхааг̇ияасигкаабад̣̇адтагат̇ааяа ван̣н̣анааяам̣ (ган̇каа. адта. ан̃н̃абхааг̇ияасигкаабад̣̇аван̣н̣анаа) вуд̇д̇амзва.
Tassevāti bhedāya parakkamantasseva. Khoti nipātamattaṃ. Panāti visese nipāto. Yaṃ vacanaṃ samaggepi vagge avayavabhūte karoti bhindati, taṃ kalahakārakavacanaṃ idha ‘‘vagga’’nti vuccatīti āha ‘‘vaggaṃ asāmaggipakkhiyavacanaṃ vadantī’’ti. Asāmaggipakkhe bhavā asāmaggipakkhiyā, kalahakārakā, tesaṃ vacanaṃ asāmaggipakkhiyavacanaṃ, asāmaggipakkhe vā bhavaṃ vacanaṃ asāmaggipakkhiyavacanaṃ. ‘‘Na hi saṅgho saṅghassa kammaṃ karotī’’ti idaṃ niggahavasena kattabbaṃ kammaṃ sandhāya vuttaṃ, ubbāhikādikammaṃ pana bahūnampi kātuṃ vaṭṭatiyeva. Dhammavādīti bhūtavādī. Vinayavādīti vūpasamavādī. Jānāti noti etthāpi ‘‘chandañca ruciñcā’’ti idaṃ ānetvā sambandhitabbaṃ. Tenāha ‘‘amhākaṃ chandādīni jānātī’’ti. Bhāsatīti ettha ‘‘no’’ti idaṃ vibhattivipariṇāmena yujjati. Tenāha ‘‘evaṃ karomāti amhehi saddhiṃ bhāsatī’’ti. ‘‘Eta’’nti iminā tassa kammaṃ paccāmaṭṭhanti āha ‘‘yaṃ so karotī’’tiādi. Soti saṅghabhedāya parakkamanto. Sametāyasmantānanti ettha ‘‘citta’’nti ajjhāharitabbanti āha ‘‘āyasmantānaṃ citta’’nti. Vuttasadisāyevāti ettha yaṃ vattabbaṃ, taṃ heṭṭhā aññabhāgiyasikkhāpadaṭṭhakathāya vaṇṇanāyaṃ (kaṅkhā. aṭṭha. aññabhāgiyasikkhāpadavaṇṇanā) vuttameva.
бхзд̣̇аанувад̇д̇агасигкаабад̣̇аван̣н̣анаа нидтид̇аа.
Bhedānuvattakasikkhāpadavaṇṇanā niṭṭhitā.
