| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[59] 9. бхзриваад̣̇агаж̇аад̇агаван̣н̣анаа
[59] 9. Bherivādakajātakavaṇṇanā
д̇хамз д̇хамзд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ д̣̇уб̣б̣ажабхигкум̣ аараб̣бха гат̇зси. д̇ан̃хи бхигкум̣ сад̇т̇аа ‘‘сажжам̣ гира д̇вам̣ бхигку д̣̇уб̣б̣ажосий’’д̇и бужчид̇ваа ‘‘сажжам̣, бхаг̇аваа’’д̇и вуд̇д̇з ‘‘на д̇вам̣ бхигку ид̣̇аанзва д̣̇уб̣б̣ажо, буб̣б̣зби д̣̇уб̣б̣ажоязваа’’д̇и вад̇ваа ад̇ийд̇ам̣ аахари.
Dhame dhameti idaṃ satthā jetavane viharanto aññataraṃ dubbacabhikkhuṃ ārabbha kathesi. Tañhi bhikkhuṃ satthā ‘‘saccaṃ kira tvaṃ bhikkhu dubbacosī’’ti pucchitvā ‘‘saccaṃ, bhagavā’’ti vutte ‘‘na tvaṃ bhikkhu idāneva dubbaco, pubbepi dubbacoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бхзриваад̣̇агагулз ниб̣б̣ад̇д̇ид̇ваа г̇аамагз васад̇и. со ‘‘б̣аараан̣асияам̣ нагкад̇д̇ам̣ гхудта’’нд̇и суд̇ваа ‘‘самаж̇ж̇аман̣д̣алз бхзрим̣ ваад̣̇зд̇ваа д̇ханам̣ аахариссаамий’’д̇и буд̇д̇ам̣ аад̣̇ааяа д̇ад̇т̇а г̇анд̇ваа бхзрим̣ ваад̣̇зд̇ваа б̣ахуд̇ханам̣ лабхи. со д̇ам̣ аад̣̇ааяа ад̇д̇ано г̇аамам̣ г̇ажчанд̇о жораадавим̣ бад̇ваа буд̇д̇ам̣ ниранд̇арам̣ бхзрим̣ ваад̣̇знд̇ам̣ ваарзси ‘‘д̇аад̇а, ниранд̇арам̣ аваад̣̇зд̇ваа маг̇г̇абадибаннасса иссарасса бхзрим̣ вияа анд̇аранд̇араа ваад̣̇зхий’’д̇и со бид̇араа ваарияамааноби ‘‘бхзрисад̣̇д̣̇знзва жорз балаабзссаамий’’д̇и вад̇ваа ниранд̇арамзва ваад̣̇зси. жораа батаман̃н̃зва бхзрисад̣̇д̣̇ам̣ суд̇ваа ‘‘иссарабхзрий бхависсад̇ий’’д̇и балааяид̇ваа ад̇и вияа згааб̣ад̣̇д̇хам̣ сад̣̇д̣̇ам̣ суд̇ваа ‘‘нааяам̣ иссарабхзрий бхависсад̇ий’’д̇и ааг̇анд̇ваа убад̇хаарзнд̇аа д̣̇взязва ж̇анз д̣̇исваа бот̇зд̇ваа вилумбим̣су. б̣од̇хисад̇д̇о ‘‘гижчзна вад̇а но лад̣̇д̇хам̣ д̇ханам̣ згааб̣ад̣̇д̇хам̣ гад̇ваа ваад̣̇знд̇о наасзсий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bherivādakakule nibbattitvā gāmake vasati. So ‘‘bārāṇasiyaṃ nakkhattaṃ ghuṭṭha’’nti sutvā ‘‘samajjamaṇḍale bheriṃ vādetvā dhanaṃ āharissāmī’’ti puttaṃ ādāya tattha gantvā bheriṃ vādetvā bahudhanaṃ labhi. So taṃ ādāya attano gāmaṃ gacchanto corāṭaviṃ patvā puttaṃ nirantaraṃ bheriṃ vādentaṃ vāresi ‘‘tāta, nirantaraṃ avādetvā maggapaṭipannassa issarassa bheriṃ viya antarantarā vādehī’’ti so pitarā vāriyamānopi ‘‘bherisaddeneva core palāpessāmī’’ti vatvā nirantarameva vādesi. Corā paṭhamaññeva bherisaddaṃ sutvā ‘‘issarabherī bhavissatī’’ti palāyitvā ati viya ekābaddhaṃ saddaṃ sutvā ‘‘nāyaṃ issarabherī bhavissatī’’ti āgantvā upadhārentā dveyeva jane disvā pothetvā vilumpiṃsu. Bodhisatto ‘‘kicchena vata no laddhaṃ dhanaṃ ekābaddhaṃ katvā vādento nāsesī’’ti vatvā imaṃ gāthamāha –
59.
59.
‘‘д̇хамз д̇хамз наад̇ид̇хамз, ад̇ид̇ханд̇ан̃хи баабагам̣;
‘‘Dhame dhame nātidhame, atidhantañhi pāpakaṃ;
д̇ханд̇зна хи сад̇ам̣ лад̣̇д̇хам̣, ад̇ид̇ханд̇зна наасид̇а’’нд̇и.
Dhantena hi sataṃ laddhaṃ, atidhantena nāsita’’nti.
д̇ад̇т̇а д̇хамз д̇хамзд̇и д̇хамзяяа но на д̇хамзяяа, бхзрим̣ ваад̣̇зяяа но на ваад̣̇зяяаад̇и ад̇т̇о. наад̇ид̇хамзд̇и ад̇иггамид̇ваа бана ниранд̇арамзва гад̇ваа на ваад̣̇зяяа. гим̣гааран̣аа? ад̇ид̇ханд̇ан̃хи баабагам̣, ниранд̇арам̣ бхзриваад̣̇анам̣ ид̣̇аани амхаагам̣ баабагам̣ лаамагам̣ ж̇аад̇ам̣. д̇ханд̇зна хи сад̇ам̣ лад̣̇д̇ханд̇и наг̇арз д̇хаманд̇зна бхзриваад̣̇анзна гахаабан̣асад̇ам̣ лад̣̇д̇хам̣. ад̇ид̇ханд̇зна наасид̇анд̇и ид̣̇аани бана мз буд̇д̇зна важанам̣ агад̇ваа яад̣̇ид̣̇ам̣ адавияам̣ ад̇ид̇ханд̇ам̣, д̇зна ад̇ид̇ханд̇зна саб̣б̣ам̣ наасид̇анд̇и.
Tattha dhame dhameti dhameyya no na dhameyya, bheriṃ vādeyya no na vādeyyāti attho. Nātidhameti atikkamitvā pana nirantarameva katvā na vādeyya. Kiṃkāraṇā? Atidhantañhi pāpakaṃ, nirantaraṃ bherivādanaṃ idāni amhākaṃ pāpakaṃ lāmakaṃ jātaṃ. Dhantena hi sataṃ laddhanti nagare dhamantena bherivādanena kahāpaṇasataṃ laddhaṃ. Atidhantena nāsitanti idāni pana me puttena vacanaṃ akatvā yadidaṃ aṭaviyaṃ atidhantaṃ, tena atidhantena sabbaṃ nāsitanti.
сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа буд̇д̇о д̣̇уб̣б̣ажабхигку ахоси, бид̇аа бана ахамзва ахоси’’нд̇и.
Satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā putto dubbacabhikkhu ahosi, pitā pana ahameva ahosi’’nti.
бхзриваад̣̇агаж̇аад̇агаван̣н̣анаа навамаа.
Bherivādakajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 59. бхзриваад̣̇агаж̇аад̇агам̣ • 59. Bherivādakajātakaṃ
