| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
3. бхзсаж̇ж̇аад̣̇игаран̣авинижчаяагат̇аа
3. Bhesajjādikaraṇavinicchayakathā
15. звам̣ баригкааравинижчаяам̣ гат̇зд̇ваа ид̣̇аани бхзсаж̇ж̇агаран̣абарид̇д̇абадисант̇аараанам̣ винижчаяам̣ гат̇зд̇ум̣ ‘‘бхзсаж̇ж̇аа’’д̇иаад̣̇имааха. д̇ад̇т̇а бхисаггасса ид̣̇ам̣ гаммам̣ бхзсаж̇ж̇ам̣. гим̣ д̇ам̣? д̇игижчанам̣ . гарияад̇з гаран̣ам̣, бхзсаж̇ж̇асса гаран̣ам̣ бхзсаж̇ж̇агаран̣ам̣, взж̇ж̇агаммагаран̣анд̇и вуд̇д̇ам̣ ход̇и. барисаманд̇ад̇о д̇ааяад̇и рагкад̇ийд̇и барид̇д̇ам̣, аарагкаад̇и ад̇т̇о. бадисант̇аран̣ам̣ бадисант̇ааро, ад̇д̇анаа сад̣̇д̇хим̣ ан̃н̃зсам̣ самб̣анд̇хагаран̣анд̇и ад̇т̇о. д̇ад̇т̇а яо винижчаяо маад̇игааяам̣ ‘‘бхзсаж̇ж̇агаран̣амби жа барид̇д̇ам̣, бадисант̇ааро’’д̇и (ви. сан̇г̇а. адта. г̇ант̇аарамбхагат̇аа) маяаа вуд̇д̇о , д̇асмим̣ самабхинивидтз бхзсаж̇ж̇агаран̣авинижчаяз. сахад̇хаммо зд̇зсанд̇и сахад̇хаммигаа, д̇зсам̣, згасса сад̇т̇уно саасанз сахасигкамаанад̇хаммаананд̇и ад̇т̇о. ат̇а ваа сахад̇хаммз нияуд̇д̇аа сахад̇хаммигаа, д̇зсам̣, сахад̇хаммасан̇каад̇з сигкаабад̣̇з сигкамаанабхаавзна нияуд̇д̇аананд̇и ад̇т̇о. вивадданиссид̇асийлаад̣̇ияуд̇д̇абхаавзна самад̇д̇аа самасийласад̣̇д̇хаабан̃н̃аанам̣. зд̇зна д̣̇уссийлаанам̣ бхинналад̣̇д̇хигаанан̃жа агаад̇умби лаб̣бхад̇ийд̇и д̣̇ассзд̇и.
15. Evaṃ parikkhāravinicchayaṃ kathetvā idāni bhesajjakaraṇaparittapaṭisanthārānaṃ vinicchayaṃ kathetuṃ ‘‘bhesajjā’’tiādimāha. Tattha bhisakkassa idaṃ kammaṃ bhesajjaṃ. Kiṃ taṃ? Tikicchanaṃ . Kariyate karaṇaṃ, bhesajjassa karaṇaṃ bhesajjakaraṇaṃ, vejjakammakaraṇanti vuttaṃ hoti. Parisamantato tāyati rakkhatīti parittaṃ, ārakkhāti attho. Paṭisantharaṇaṃ paṭisanthāro, attanā saddhiṃ aññesaṃ sambandhakaraṇanti attho. Tattha yo vinicchayo mātikāyaṃ ‘‘bhesajjakaraṇampi ca parittaṃ, paṭisanthāro’’ti (vi. saṅga. aṭṭha. ganthārambhakathā) mayā vutto , tasmiṃ samabhiniviṭṭhe bhesajjakaraṇavinicchaye. Sahadhammo etesanti sahadhammikā, tesaṃ, ekassa satthuno sāsane sahasikkhamānadhammānanti attho. Atha vā sahadhamme niyuttā sahadhammikā, tesaṃ, sahadhammasaṅkhāte sikkhāpade sikkhamānabhāvena niyuttānanti attho. Vivaṭṭanissitasīlādiyuttabhāvena samattā samasīlasaddhāpaññānaṃ. Etena dussīlānaṃ bhinnaladdhikānañca akātumpi labbhatīti dasseti.
н̃аад̇агабаваарид̇адтаанад̇о ваад̇и ад̇д̇ано ваа д̇зсам̣ ваа н̃аад̇агабаваарид̇адтаанад̇о. на гарияид̇т̇аад̇и агад̇аа, аяуд̇д̇авасзна агад̇абуб̣б̣аа вин̃н̃ад̇д̇и агад̇авин̃н̃ад̇д̇и. важ̇ираб̣уд̣̇д̇хидийгааяам̣ (важ̇ира. дий. баарааж̇ига 186) бана ‘‘агад̇авин̃н̃ад̇д̇ияаад̇и на вин̃н̃ад̇д̇ияаа. саа хи ананун̃н̃аад̇ад̇д̇аа гад̇ааби агад̇аа вияаад̇и агад̇авин̃н̃ад̇д̇и, ‘вад̣̇зяяаат̇а бханд̇з язнад̇т̇о’д̇и звам̣ агад̇адтаанз вин̃н̃ад̇д̇и агад̇авин̃н̃ад̇д̇ийд̇и ликид̇а’’нд̇и вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. 2.185) ‘‘г̇илаанасса ад̇т̇ааяа аббаваарид̇адтаанад̇о вин̃н̃ад̇д̇ияаа анун̃н̃аад̇ад̇д̇аа гад̇ааби агад̇аа вияаад̇и агад̇авин̃н̃ад̇д̇и, ‘вад̣̇а бханд̇з бажжаязнаа’д̇и звам̣ агад̇абавааран̣адтаанз жа вин̃н̃ад̇д̇и агад̇авин̃н̃ад̇д̇ий’’д̇и.
Ñātakapavāritaṭṭhānato vāti attano vā tesaṃ vā ñātakapavāritaṭṭhānato. Na kariyitthāti akatā, ayuttavasena akatapubbā viññatti akataviññatti. Vajirabuddhiṭīkāyaṃ (vajira. ṭī. pārājika 186) pana ‘‘akataviññattiyāti na viññattiyā. Sā hi ananuññātattā katāpi akatā viyāti akataviññatti, ‘vadeyyātha bhante yenattho’ti evaṃ akataṭṭhāne viññatti akataviññattīti likhita’’nti vuttaṃ. Sāratthadīpaniyaṃ (sārattha. ṭī. 2.185) ‘‘gilānassa atthāya appavāritaṭṭhānato viññattiyā anuññātattā katāpi akatā viyāti akataviññatti, ‘vada bhante paccayenā’ti evaṃ akatapavāraṇaṭṭhāne ca viññatti akataviññattī’’ti.
16. бадияаад̣̇ияад̇ийд̇и самбаад̣̇зд̇и. агаад̇ум̣ на ваддад̇ийд̇и зд̇т̇а д̣̇уггаданд̇и вад̣̇анд̇и, аяуд̇д̇ад̇аавасзна банзд̇т̇а агаран̣аббадигкзбо вуд̇д̇о, на аабад̇д̇ивасзнаад̇и г̇ахзд̇аб̣б̣ам̣. саб̣б̣ам̣ баригаммам̣ анаамасанд̇знаад̇и маад̇уг̇аамасарийраад̣̇ийнам̣ анаамаасад̇д̇аа вуд̇д̇ам̣. яаава н̃аад̇агаа на бассанд̇ийд̇и яаава д̇асса н̃аад̇агаа на бассанд̇и. ‘‘д̇ид̇т̇ияабхууд̇аанам̣ маад̇аабид̇уунам̣ сахад̇т̇аа д̣̇аад̇ум̣ на ваддад̇ий’’д̇и важ̇ираб̣уд̣̇д̇хидийгааяам̣ (важ̇ира. дий. баарааж̇ига 186) вуд̇д̇ам̣.
16.Paṭiyādiyatīti sampādeti. Akātuṃ na vaṭṭatīti ettha dukkaṭanti vadanti, ayuttatāvasena panettha akaraṇappaṭikkhepo vutto, na āpattivasenāti gahetabbaṃ. Sabbaṃparikammaṃ anāmasantenāti mātugāmasarīrādīnaṃ anāmāsattā vuttaṃ. Yāva ñātakā na passantīti yāva tassa ñātakā na passanti. ‘‘Titthiyabhūtānaṃ mātāpitūnaṃ sahatthā dātuṃ na vaṭṭatī’’ti vajirabuddhiṭīkāyaṃ (vajira. ṭī. pārājika 186) vuttaṃ.
17. бид̇у бхаг̇иний бид̇ужчаа. маад̇у бхаад̇аа маад̇уло. наббахонд̇ийд̇и гаад̇ум̣ на саггонд̇ийд̇и дийгаасу вуд̇д̇ам̣. ‘‘д̇зсам̣язва санд̇агам̣ бхзсаж̇ж̇ам̣ г̇ахзд̇ваа гзвалам̣ яож̇зд̇ваа д̣̇аад̇аб̣б̣а’’нд̇и вад̇ваа ‘‘сажз бана наббахонд̇и яаажанд̇и жа, д̣̇зт̇а но бханд̇з, д̇умхаагам̣ бадид̣̇ассаамаа’’д̇и вуд̇д̇ад̇д̇аа бана д̇зсам̣ бхзсаж̇ж̇асса аббахонагад̇д̇аа бхзсаж̇ж̇амзва яаажанд̇ийд̇и адтагат̇аад̇хиббааяо д̣̇иссад̇и, виймам̣сид̇аб̣б̣о. на яаажанд̇ийд̇и лаж̇ж̇ааяа на яаажанд̇и, г̇ааравзна ваа. ‘‘аабхог̇ам̣ гад̇ваа’’д̇и вуд̇д̇ад̇д̇аа ан̃н̃ат̇аа д̣̇знд̇асса аабад̇д̇иязва. саарад̇т̇ад̣̇ийбанияам̣ (саарад̇т̇а. дий. 2.18) бана ‘‘аабхог̇ам̣ гад̇ваад̇и ид̣̇ам̣ гад̇д̇аб̣б̣агаран̣ад̣̇ассанавасзна вуд̇д̇ам̣, аабхог̇ам̣ бана агад̇вааби д̣̇аад̇ум̣ ваддад̇ийд̇и д̇ийсу г̇ан̣тибад̣̇зсу ликид̇а’’нд̇и вуд̇д̇ам̣. бораан̣адийгааяамби д̇ад̣̇зва г̇ахзд̇ваа ликид̇ам̣. вимад̇ивинод̣̇анияам̣ (ви. ви. дий. 1.185) бана д̇ам̣ важанам̣ бадигкид̇д̇ам̣. вуд̇д̇ан̃хи д̇ад̇т̇а гзжи бана ‘‘аабхог̇ам̣ агад̇вааби д̣̇аад̇ум̣ ваддад̇ийд̇и вад̣̇анд̇и, д̇ам̣ на яуд̇д̇ам̣ бхзсаж̇ж̇агаран̣асса, баал̣ияам̣ ‘анаабад̇д̇и бхигку баарааж̇игасса, аабад̇д̇и д̣̇уггадассаа’д̇и звам̣ анд̇араабад̇д̇ид̣̇ассанавасзна сааман̃н̃ад̇о бадигкид̇д̇ад̇д̇аа, адтагат̇ааяам̣ авуд̇д̇аббагаарзна гаронд̇асса суд̇д̇знзва аабад̇д̇исид̣̇д̇хаад̇и д̣̇адтаб̣б̣аа. д̇знзва адтагат̇ааяамби ‘д̇зсан̃н̃зва санд̇ага’нд̇иаад̣̇и вуд̇д̇а’’нд̇и.
17. Pitu bhaginī pitucchā. Mātu bhātā mātulo. Nappahontīti kātuṃ na sakkontīti ṭīkāsu vuttaṃ. ‘‘Tesaṃyeva santakaṃ bhesajjaṃ gahetvā kevalaṃ yojetvā dātabba’’nti vatvā ‘‘sace pana nappahonti yācanti ca, detha no bhante, tumhākaṃ paṭidassāmā’’ti vuttattā pana tesaṃ bhesajjassa appahonakattā bhesajjameva yācantīti aṭṭhakathādhippāyo dissati, vīmaṃsitabbo. Na yācantīti lajjāya na yācanti, gāravena vā. ‘‘Ābhogaṃ katvā’’ti vuttattā aññathā dentassa āpattiyeva. Sāratthadīpaniyaṃ (sārattha. ṭī. 2.18) pana ‘‘ābhogaṃ katvāti idaṃ kattabbakaraṇadassanavasena vuttaṃ, ābhogaṃ pana akatvāpi dātuṃ vaṭṭatīti tīsu gaṇṭhipadesu likhita’’nti vuttaṃ. Porāṇaṭīkāyampi tadeva gahetvā likhitaṃ. Vimativinodaniyaṃ (vi. vi. ṭī. 1.185) pana taṃ vacanaṃ paṭikkhittaṃ. Vuttañhi tattha keci pana ‘‘ābhogaṃ akatvāpi dātuṃ vaṭṭatīti vadanti, taṃ na yuttaṃ bhesajjakaraṇassa, pāḷiyaṃ ‘anāpatti bhikkhu pārājikassa, āpatti dukkaṭassā’ti evaṃ antarāpattidassanavasena sāmaññato paṭikkhittattā, aṭṭhakathāyaṃ avuttappakārena karontassa sutteneva āpattisiddhāti daṭṭhabbā. Teneva aṭṭhakathāyampi ‘tesaññeva santaka’ntiādi vutta’’nti.
зд̇з д̣̇аса н̃аад̇агз табзд̇ваад̇и д̇зсам̣ буд̇д̇анад̇д̇аад̣̇аяоби д̇аббадиб̣ад̣̇д̇хад̇д̇аа н̃аад̇агаа зваад̇и д̇зби зд̇т̇зва сан̇г̇ахид̇аа. д̇зна ан̃н̃зсанд̇и иминаа ан̃н̃аад̇агаанам̣ г̇ахан̣ам̣ взд̣̇ид̇аб̣б̣ам̣ . д̇знзвааха ‘‘зд̇зсам̣ буд̇д̇абарамбарааяаа’’д̇иаад̣̇и. гулабариваддаад̇и гулаанам̣ бадибаади, гулабарамбараад̇и вуд̇д̇ам̣ ход̇и. бхзсаж̇ж̇ам̣ гаронд̇ассаад̇и яат̇аавуд̇д̇авид̇хинаа гаронд̇асса, ‘‘д̇аавагаалигам̣ д̣̇ассаамий’’д̇и аабхог̇ам̣ агад̇ваа д̣̇знд̇ассаби бана анд̇араабад̇д̇ид̣̇уггадам̣ винаа мижчааж̇ийванам̣ ваа гулад̣̇уусанам̣ ваа на ход̇иязва. д̇знааха ‘‘взж̇ж̇агаммам̣ ваа гулад̣̇уусагаабад̇д̇и ваа на ход̇ий’’д̇и. н̃аад̇агаанан̃хи санд̇агам̣ яаажид̇вааби г̇ахзд̇ум̣ ваддад̇и, д̇асмаа д̇ад̇т̇а гулад̣̇уусанаад̣̇и на сияаа. саарад̇т̇ад̣̇ийбанияамби (саарад̇т̇а. дий. 2.185) ‘‘маяхам̣ д̣̇ассанд̇и гариссанд̇ийд̇и бажжаасааяа гаронд̇ассаби яаажид̇ваа г̇ахзд̇аб̣б̣адтаанад̇ааяа н̃аад̇агзсу взж̇ж̇агаммам̣ ваа гулад̣̇уусагаабад̇д̇и ваа на ход̇ийд̇и вад̣̇анд̇ий’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. баарааж̇ига 186) бана ‘‘взж̇ж̇агаммам̣ ваа гулад̣̇уусагаабад̇д̇и ваа на ход̇ийд̇и важанад̇о яаава сад̇д̇амо гулабариваддо, д̇аава бхзсаж̇ж̇ам̣ гаад̇ум̣ ваддад̇ийд̇и вад̣̇анд̇ий’’д̇и зд̇д̇агамзва вуд̇д̇ам̣. саб̣б̣абад̣̇зсу винижчаяо взд̣̇ид̇аб̣б̣од̇и ‘‘жуул̣амаад̇уяаа’’д̇иаад̣̇ийсу саб̣б̣абад̣̇зсу жуул̣амаад̇уяаа саамигод̇иаад̣̇инаа яож̇зд̇ваа хздтаа вуд̇д̇анаязнзва винижчаяо взд̣̇ид̇аб̣б̣о.
Ete dasa ñātake ṭhapetvāti tesaṃ puttanattādayopi tappaṭibaddhattā ñātakā evāti tepi ettheva saṅgahitā. Tena aññesanti iminā aññātakānaṃ gahaṇaṃ veditabbaṃ . Tenevāha ‘‘etesaṃ puttaparamparāyā’’tiādi. Kulaparivaṭṭāti kulānaṃ paṭipāṭi, kulaparamparāti vuttaṃ hoti. Bhesajjaṃ karontassāti yathāvuttavidhinā karontassa, ‘‘tāvakālikaṃ dassāmī’’ti ābhogaṃ akatvā dentassapi pana antarāpattidukkaṭaṃ vinā micchājīvanaṃ vā kuladūsanaṃ vā na hotiyeva. Tenāha ‘‘vejjakammaṃ vā kuladūsakāpatti vā na hotī’’ti. Ñātakānañhi santakaṃ yācitvāpi gahetuṃ vaṭṭati, tasmā tattha kuladūsanādi na siyā. Sāratthadīpaniyampi (sārattha. ṭī. 2.185) ‘‘mayhaṃ dassanti karissantīti paccāsāya karontassapi yācitvā gahetabbaṭṭhānatāya ñātakesu vejjakammaṃ vā kuladūsakāpatti vā na hotīti vadantī’’ti vuttaṃ. Vajirabuddhiṭīkāyaṃ (vajira. ṭī. pārājika 186) pana ‘‘vejjakammaṃ vā kuladūsakāpatti vā na hotīti vacanato yāva sattamo kulaparivaṭṭo, tāva bhesajjaṃ kātuṃ vaṭṭatīti vadantī’’ti ettakameva vuttaṃ. Sabbapadesu vinicchayo veditabboti ‘‘cūḷamātuyā’’tiādīsu sabbapadesu cūḷamātuyā sāmikotiādinā yojetvā heṭṭhā vuttanayeneva vinicchayo veditabbo.
убаж̇жхааяасса аахараамаад̇и ид̣̇ам̣ убаж̇жхааязна мама н̃аад̇агаанам̣ бхзсаж̇ж̇ам̣ аахарат̇аад̇и аан̣ад̇д̇зхи гад̇д̇аб̣б̣авид̇хид̣̇ассанад̇т̇ам̣ вуд̇д̇ам̣. иминаа жа сааман̣зраад̣̇ийнам̣ абажжаасааяаби бараж̇анасса бхзсаж̇ж̇агаран̣ам̣ на ваддад̇ийд̇и д̣̇ассзд̇и. вуд̇д̇анаязнзва бариязсид̇ваад̇и иминаа ‘‘бхигкаажааравад̇д̇зна ваа’’д̇иаад̣̇инаа, ‘‘н̃аад̇исааман̣зрзхи ваа’’д̇иаад̣̇инаа жа вуд̇д̇амад̇т̇ам̣ ад̇ид̣̇исад̇и. абажжаасийсанд̇знаад̇и (ви. ви. дий. 1.185) ааг̇анд̇угажораад̣̇ийнам̣ гаронд̇знаби мануссаа наама убагаарагаа хонд̇ийд̇и ад̇д̇ано д̇зхи лаабхам̣ абад̇т̇аяанд̇зна, бажжаасааяа гаронд̇асса бана взж̇ж̇агаммагулад̣̇уусанаад̣̇инаа д̣̇осо ход̇ийд̇и ад̇хиббааяо. зван̃хи убагаарз гад̇з саасанасса г̇ун̣ам̣ н̃ад̇ваа басийд̣̇анд̇и, сан̇гхасса ваа убагаарагаа хонд̇ийд̇и гаран̣з бана д̣̇осо над̇т̇и. гзжи бана ‘‘абажжаасийсанд̇зна ааг̇анд̇угаад̣̇ийнам̣ бадигкид̇д̇абуг̇г̇алаанамби д̣̇аад̇ум̣ ваддад̇ий’’д̇и вад̣̇анд̇и, д̇ам̣ на яуд̇д̇ам̣ гад̇д̇аб̣б̣аагад̇д̇аб̣б̣адтаанавибхааг̇асса нирад̇т̇агад̇д̇аббасан̇г̇ад̇о абажжаасийсанд̇зна ‘‘саб̣б̣зсамби д̣̇аад̇ум̣ гаад̇ун̃жа ваддад̇ий’’д̇и зд̇д̇агамад̇д̇ассзва вад̇д̇аб̣б̣ад̇о. абажжаасийсанан̃жа мижчааж̇ийвагулад̣̇уусанаад̣̇ид̣̇осанисзд̇ханад̇т̇амзва вуд̇д̇ам̣ на бхзсаж̇ж̇агаран̣асан̇каад̇ааяа имиссаа анд̇араабад̇д̇ияаа мужжанад̇т̇ам̣ ааг̇анд̇угажораад̣̇ийнам̣ анун̃н̃аад̇аанам̣ д̣̇аанзнзва д̇ааяа аабад̇д̇ияаа мужжанад̇од̇и г̇ахзд̇аб̣б̣ам̣.
Upajjhāyassa āharāmāti idaṃ upajjhāyena mama ñātakānaṃ bhesajjaṃ āharathāti āṇattehi kattabbavidhidassanatthaṃ vuttaṃ. Iminā ca sāmaṇerādīnaṃ apaccāsāyapi parajanassa bhesajjakaraṇaṃ na vaṭṭatīti dasseti. Vuttanayeneva pariyesitvāti iminā ‘‘bhikkhācāravattena vā’’tiādinā, ‘‘ñātisāmaṇerehi vā’’tiādinā ca vuttamatthaṃ atidisati. Apaccāsīsantenāti (vi. vi. ṭī. 1.185) āgantukacorādīnaṃ karontenapi manussā nāma upakārakā hontīti attano tehi lābhaṃ apatthayantena, paccāsāya karontassa pana vejjakammakuladūsanādinā doso hotīti adhippāyo. Evañhi upakāre kate sāsanassa guṇaṃ ñatvā pasīdanti, saṅghassa vā upakārakā hontīti karaṇe pana doso natthi. Keci pana ‘‘apaccāsīsantena āgantukādīnaṃ paṭikkhittapuggalānampi dātuṃ vaṭṭatī’’ti vadanti, taṃ na yuttaṃ kattabbākattabbaṭṭhānavibhāgassa niratthakattappasaṅgato apaccāsīsantena ‘‘sabbesampi dātuṃ kātuñca vaṭṭatī’’ti ettakamattasseva vattabbato. Apaccāsīsanañca micchājīvakuladūsanādidosanisedhanatthameva vuttaṃ na bhesajjakaraṇasaṅkhātāya imissā antarāpattiyā muccanatthaṃ āgantukacorādīnaṃ anuññātānaṃ dāneneva tāya āpattiyā muccanatoti gahetabbaṃ.
18. д̇знзва абажжаасийсанд̇знаби агаад̇аб̣б̣адтаанам̣ д̣̇ассзд̇ум̣ ‘‘сад̣̇д̇хам̣ гула’’нд̇иаад̣̇и вуд̇д̇ам̣. ‘‘бхзсаж̇ж̇ам̣ аажигкат̇аа’’д̇и вуд̇д̇зби ‘‘ан̃н̃аман̃н̃ам̣ бана гат̇аа гаад̇аб̣б̣аа’’д̇и ид̣̇ам̣ барияааяад̇д̇аа ваддад̇и. звам̣ хздтаа вуд̇д̇анаязна ид̣̇ан̃жид̣̇ан̃жа г̇ахзд̇ваа гаронд̇ийд̇и иминаа барияааязна гат̇знд̇ассаби нзвад̇т̇и д̣̇осод̇и аажарияаа. бужчанд̇ийд̇и иминаа д̣̇идтад̣̇идтарог̇ийнам̣ барияааязнаби вад̇ваа вижаран̣ам̣ аяуд̇д̇анд̇и д̣̇ассзд̇и. бужчид̇ассаби бана бажжаасийсанд̇асса барияааяагат̇ааби на ваддад̇ийд̇и вад̣̇анд̇и. самуллабзсийд̇и абажжаасийсанд̇о зва ан̃н̃аман̃н̃ам̣ гат̇ам̣ самудтаабзси. аажарияабхааг̇од̇и винаяаажаарам̣ агобзд̇ваа бхзсаж̇ж̇аажигкан̣зна взж̇ж̇аажарияабхааг̇о аяанд̇и ад̇т̇од̇и вимад̇ивинод̣̇анияам̣ (ви. ви. дий. 1.185) вуд̇д̇ам̣.
18. Teneva apaccāsīsantenapi akātabbaṭṭhānaṃ dassetuṃ ‘‘saddhaṃ kula’’ntiādi vuttaṃ. ‘‘Bhesajjaṃ ācikkhathā’’ti vuttepi ‘‘aññamaññaṃ pana kathā kātabbā’’ti idaṃ pariyāyattā vaṭṭati. Evaṃ heṭṭhā vuttanayena idañcidañca gahetvā karontīti iminā pariyāyena kathentassapi nevatthi dosoti ācariyā. Pucchantīti iminā diṭṭhadiṭṭharogīnaṃ pariyāyenapi vatvā vicaraṇaṃ ayuttanti dasseti. Pucchitassapi pana paccāsīsantassa pariyāyakathāpi na vaṭṭatīti vadanti. Samullapesīti apaccāsīsanto eva aññamaññaṃ kathaṃ samuṭṭhāpesi. Ācariyabhāgoti vinayācāraṃ akopetvā bhesajjācikkhaṇena vejjācariyabhāgo ayanti atthoti vimativinodaniyaṃ (vi. vi. ṭī. 1.185) vuttaṃ.
саарад̇т̇ад̣̇ийбанияам̣ (саарад̇т̇а. дий. 2.185) бана ‘‘винаяалагкан̣ам̣ аж̇аананд̇асса анаажарияасса д̇ад̣̇ануруубавохаараасамбхавад̇о ийд̣̇исасса лаабхасса уббад̇д̇и наама над̇т̇ийд̇и ‘аажарияабхааг̇о наама аяа’нд̇и вуд̇д̇ам̣. винаяз багад̇ан̃н̃унаа аажариязна лабхид̇аб̣б̣абхааг̇о аяанд̇и вуд̇д̇ам̣ ход̇ий’’д̇и вуд̇д̇ам̣. ‘‘бубпабууж̇анад̇т̇ааяа д̣̇иннзби агаббияавохаарзна вид̇хаанасса аяуд̇д̇ад̇д̇аа ‘габбияавасзнаа’д̇и вуд̇д̇ам̣, ‘бубпам̣ аахарат̇аа’д̇иаад̣̇инаа габбияавохааравасзнаад̇и ад̇т̇о’’д̇и саарад̇т̇ад̣̇ийбанияам̣ (саарад̇т̇а. дий. 2.185) вуд̇д̇ам̣. вимад̇ивинод̣̇анияам̣ (ви. ви. дий. 1.185) бана ‘‘бубпабууж̇анад̇т̇ааяаби самбадижчияамаанам̣ руубияам̣ ад̇д̇ано санд̇агад̇д̇абхаж̇анзна ниссаг̇г̇ияамзваад̇и ааха ‘габбияавасзна г̇аахаабзд̇ваа’д̇и. ‘амхаагам̣ руубияам̣ на ваддад̇и, бубпабууж̇анад̇т̇ам̣ бубпам̣ ваддад̇ий’д̇иаад̣̇инаа бадигкибид̇ваа габбиязна гаммзна г̇аахаабзд̇ваад̇и ад̇т̇о’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. баарааж̇ига 186) бана ‘‘габбияавасзнаад̇и амхаагам̣ бубпам̣ аанзт̇аад̇иаад̣̇инаа. ‘бууж̇ам̣ агаасий’д̇и вуд̇д̇ад̇д̇аа саяам̣ г̇ахзд̇ум̣ на ваддад̇ийд̇и вад̣̇анд̇ий’’д̇и зд̇д̇агамзва вуд̇д̇ам̣. аяамзд̇т̇а бхзсаж̇ж̇агаран̣авинижчаяагат̇аалан̇гааро.
Sāratthadīpaniyaṃ (sārattha. ṭī. 2.185) pana ‘‘vinayalakkhaṇaṃ ajānantassa anācariyassa tadanurūpavohārāsambhavato īdisassa lābhassa uppatti nāma natthīti ‘ācariyabhāgo nāma aya’nti vuttaṃ. Vinaye pakataññunā ācariyena labhitabbabhāgo ayanti vuttaṃ hotī’’ti vuttaṃ. ‘‘Pupphapūjanatthāya dinnepi akappiyavohārena vidhānassa ayuttattā ‘kappiyavasenā’ti vuttaṃ, ‘pupphaṃ āharathā’tiādinā kappiyavohāravasenāti attho’’ti sāratthadīpaniyaṃ (sārattha. ṭī. 2.185) vuttaṃ. Vimativinodaniyaṃ (vi. vi. ṭī. 1.185) pana ‘‘pupphapūjanatthāyapi sampaṭicchiyamānaṃ rūpiyaṃ attano santakattabhajanena nissaggiyamevāti āha ‘kappiyavasena gāhāpetvā’ti. ‘Amhākaṃ rūpiyaṃ na vaṭṭati, pupphapūjanatthaṃ pupphaṃ vaṭṭatī’tiādinā paṭikkhipitvā kappiyena kammena gāhāpetvāti attho’’ti vuttaṃ. Vajirabuddhiṭīkāyaṃ (vajira. ṭī. pārājika 186) pana ‘‘kappiyavasenāti amhākaṃ pupphaṃ ānethātiādinā. ‘Pūjaṃ akāsī’ti vuttattā sayaṃ gahetuṃ na vaṭṭatīti vadantī’’ti ettakameva vuttaṃ. Ayamettha bhesajjakaraṇavinicchayakathālaṅkāro.
19. звам̣ бхзсаж̇ж̇агаран̣авинижчаяам̣ гат̇зд̇ваа ид̣̇аани барид̇д̇агаран̣авинижчаяам̣ гат̇зд̇умааха ‘‘барид̇д̇з банаа’’д̇иаад̣̇и. д̇ад̇т̇а яад̣̇и ‘‘барид̇д̇ам̣ гарот̇аа’’д̇и вуд̇д̇з гаронд̇и, бхзсаж̇ж̇агаран̣ам̣ вияа г̇ихигаммам̣ вияа жа ход̇ийд̇и ‘‘на гаад̇аб̣б̣а’’нд̇и вуд̇д̇ам̣. ‘‘барид̇д̇ам̣ бхан̣ат̇аа’’д̇и вуд̇д̇з бана д̇хаммаж̇жхзсанад̇д̇аа анаж̇жхидтзнаби бхан̣ид̇аб̣б̣о д̇хаммо, баг̇зва аж̇жхидтзнаад̇и ‘‘гаад̇аб̣б̣а’’нд̇и вуд̇д̇ам̣, жаалзд̇ваа суд̇д̇ам̣ баримаж̇ж̇ид̇ваад̇и барид̇д̇ам̣ гаронд̇зна гаад̇аб̣б̣авид̇хим̣ д̣̇ассзд̇и. жаалзд̇ваа суд̇д̇ам̣ баримаж̇ж̇ид̇ваад̇и ид̣̇ам̣ ваа ‘‘барид̇д̇аан̣ам̣ зд̇т̇а бавзсзмий’’д̇и жид̇д̇зна звам̣ гад̇з барид̇д̇аан̣аа зд̇т̇а бавзсид̇аа наама ход̇ийд̇и вуд̇д̇ам̣. вихаарад̇о…бз… д̣̇уггаданд̇и ид̣̇ам̣ ан̃н̃аад̇агз г̇ахадтз санд̇хааяа вуд̇д̇анд̇и вад̣̇анд̇и. баад̣̇зсу уд̣̇агам̣ аагирид̇ваад̇и ид̣̇ам̣ д̇асмим̣ д̣̇зсз жаарид̇д̇авасзна вуд̇д̇ам̣. д̇ад̇т̇а хи баал̣ияаа нисиннаанам̣ бхигкуунам̣ баад̣̇зсу рог̇авуубасаманаад̣̇иад̇т̇ааяа уд̣̇агам̣ син̃жид̇ваа барид̇д̇ам̣ гаад̇ум̣ суд̇д̇ан̃жа табзд̇ваа ‘‘барид̇д̇ам̣ бхан̣ат̇аа’’д̇и вад̇ваа г̇ажчанд̇и. зван̃хи гарияамаанз яад̣̇и баад̣̇з абанзнд̇и, мануссаа д̇ам̣ ‘‘аваман̇г̇ала’’нд̇и ман̃н̃анд̇и ‘‘рог̇о на вуубасамзссад̇ий’’д̇и. д̇знааха ‘‘на баад̣̇аа абанзд̇аб̣б̣аа’’д̇и.
19. Evaṃ bhesajjakaraṇavinicchayaṃ kathetvā idāni parittakaraṇavinicchayaṃ kathetumāha ‘‘paritte panā’’tiādi. Tattha yadi ‘‘parittaṃ karothā’’ti vutte karonti, bhesajjakaraṇaṃ viya gihikammaṃ viya ca hotīti ‘‘na kātabba’’nti vuttaṃ. ‘‘Parittaṃ bhaṇathā’’ti vutte pana dhammajjhesanattā anajjhiṭṭhenapi bhaṇitabbo dhammo, pageva ajjhiṭṭhenāti ‘‘kātabba’’nti vuttaṃ, cāletvā suttaṃ parimajjitvāti parittaṃ karontena kātabbavidhiṃ dasseti. Cāletvā suttaṃ parimajjitvāti idaṃ vā ‘‘parittāṇaṃ ettha pavesemī’’ti cittena evaṃ kate parittāṇā ettha pavesitā nāma hotīti vuttaṃ. Vihārato…pe… dukkaṭanti idaṃ aññātake gahaṭṭhe sandhāya vuttanti vadanti. Pādesu udakaṃ ākiritvāti idaṃ tasmiṃ dese cārittavasena vuttaṃ. Tattha hi pāḷiyā nisinnānaṃ bhikkhūnaṃ pādesu rogavūpasamanādiatthāya udakaṃ siñcitvā parittaṃ kātuṃ suttañca ṭhapetvā ‘‘parittaṃ bhaṇathā’’ti vatvā gacchanti. Evañhi kariyamāne yadi pāde apanenti, manussā taṃ ‘‘avamaṅgala’’nti maññanti ‘‘rogo na vūpasamessatī’’ti. Tenāha ‘‘na pādā apanetabbā’’ti.
мад̇асарийрад̣̇ассанз вияа гзвалз сусаанад̣̇ассанзби ид̣̇ам̣ ж̇аад̇аанам̣ сад̇д̇аанам̣ ваяаг̇аманадтаананд̇и маран̣асан̃н̃аа уббаж̇ж̇ад̇ийд̇и ааха ‘‘сийват̇игад̣̇ассанз…бз… маран̣ассад̇им̣ бадилабхиссаамаад̇и г̇анд̇ум̣ ваддад̇ий’’д̇и. лзсагаббам̣ агад̇ваа самуббаннасуд̣̇д̇хажид̇д̇зна ‘‘бариваарад̇т̇ааяа ааг̇ажчанд̇уу’’д̇и вуд̇д̇зби г̇анд̇ум̣ ваддад̇ийд̇и вимад̇ивинод̣̇анияам̣ (ви. ви. дий. 1.185) вуд̇д̇ам̣. зд̇зна асубхад̣̇ассананд̇и важанамад̇д̇зна лзсагаббам̣ гад̇ваа звам̣ г̇ад̇з мад̇асса н̃аад̇агаа басийд̣̇иссанд̇и, д̣̇аанам̣ д̣̇ассанд̇и, маяам̣ лаабхам̣ лабхиссаама, убадтаагам̣ лабхиссаамаад̇и асуд̣̇д̇хажид̇д̇зна г̇анд̇ум̣ на ваддад̇ийд̇и д̣̇ассзд̇и. гаммадтаанасийсзна бана ‘‘маран̣ассад̇им̣ лабхиссаамаа’’д̇иаад̣̇инаа суд̣̇д̇хажид̇д̇зна баггосид̇зби абаггосид̇зби г̇анд̇ум̣ ваддад̇ийд̇и д̣̇ийбзд̇и. д̇аалабан̣н̣асса барид̇д̇алзканадтаанад̇д̇аа барид̇д̇асуд̇д̇асса барид̇д̇агаран̣асан̃н̃аан̣ад̇д̇аа д̇аани д̣̇исваа амануссаа барид̇д̇асан̃н̃ааяа абаггаманд̇ийд̇и ааха ‘‘д̇аалабан̣н̣ам̣ бана барид̇д̇асуд̇д̇ам̣ ваа хад̇т̇з ваа баад̣̇з ваа б̣анд̇хид̇аб̣б̣а’’нд̇и.
Matasarīradassane viya kevale susānadassanepi idaṃ jātānaṃ sattānaṃ vayagamanaṭṭhānanti maraṇasaññā uppajjatīti āha ‘‘sīvathikadassane…pe… maraṇassatiṃ paṭilabhissāmāti gantuṃ vaṭṭatī’’ti. Lesakappaṃ akatvā samuppannasuddhacittena ‘‘parivāratthāya āgacchantū’’ti vuttepi gantuṃ vaṭṭatīti vimativinodaniyaṃ (vi. vi. ṭī. 1.185) vuttaṃ. Etena asubhadassananti vacanamattena lesakappaṃ katvā evaṃ gate matassa ñātakā pasīdissanti, dānaṃ dassanti, mayaṃ lābhaṃ labhissāma, upaṭṭhākaṃ labhissāmāti asuddhacittena gantuṃ na vaṭṭatīti dasseti. Kammaṭṭhānasīsena pana ‘‘maraṇassatiṃ labhissāmā’’tiādinā suddhacittena pakkositepi apakkositepi gantuṃ vaṭṭatīti dīpeti. Tālapaṇṇassa parittalekhanaṭṭhānattā parittasuttassa parittakaraṇasaññāṇattā tāni disvā amanussā parittasaññāya apakkamantīti āha ‘‘tālapaṇṇaṃ pana parittasuttaṃ vā hatthe vā pāde vā bandhitabba’’nti.
зд̇т̇а жа аад̣̇ид̇о бадтааяа яаава ‘‘аадаанаадияабарид̇д̇ам̣ (д̣̇ий. ни. 3.275 аад̣̇аяо) ваа бхан̣ид̇аб̣б̣а’’нд̇и зд̇д̇агоязва винаяадтагат̇аабхад̇о баал̣имуд̇д̇абарид̇д̇агаран̣авинижчаяо, на бана д̇ад̇о барам̣ вуд̇д̇о, д̇асмаа ‘‘ид̇ха банаа’’д̇иаад̣̇иго гат̇аамаг̇г̇о саманд̇абаасаад̣̇игааяам̣ над̇т̇и, д̇ийсу дийгаасуби д̇ам̣сам̣ван̣н̣анаанаяо над̇т̇и, д̇ат̇ааби со суд̇д̇адтагат̇ааяам̣ ааг̇ад̇оваад̇и д̇ам̣ д̣̇ассзд̇ум̣ ‘‘ид̇ха бана аадаанаадияасуд̇д̇асса баригаммам̣ взд̣̇ид̇аб̣б̣а’’нд̇иаад̣̇имааха. д̇ад̇т̇а ид̇хаад̇и ‘‘аадаанаадияабарид̇д̇ам̣ ваа бхан̣ид̇аб̣б̣а’’нд̇и важанз. банаад̇и висзсад̇т̇з нибаад̇о. д̣̇ийгханигааяз баат̇игаваг̇г̇з ааг̇ад̇асса аадаанаадияабарид̇д̇асса баригаммам̣ звам̣ взд̣̇ид̇аб̣б̣анд̇и яож̇анаа. яад̣̇и батамамзва на вад̇д̇аб̣б̣ам̣, ат̇а гим̣ гаад̇аб̣б̣анд̇и ааха ‘‘мзд̇д̇асуд̇д̇а’’нд̇иаад̣̇и. зван̃хи лад̣̇д̇хаасзванам̣ худ̇ваа ад̇иож̇аванд̇ам̣ ход̇и.
Ettha ca ādito paṭṭhāya yāva ‘‘āṭānāṭiyaparittaṃ (dī. ni. 3.275 ādayo) vā bhaṇitabba’’nti ettakoyeva vinayaṭṭhakathābhato pāḷimuttaparittakaraṇavinicchayo, na pana tato paraṃ vutto, tasmā ‘‘idha panā’’tiādiko kathāmaggo samantapāsādikāyaṃ natthi, tīsu ṭīkāsupi taṃsaṃvaṇṇanānayo natthi, tathāpi so suttaṭṭhakathāyaṃ āgatovāti taṃ dassetuṃ ‘‘idha pana āṭānāṭiyasuttassa parikammaṃ veditabba’’ntiādimāha. Tattha idhāti ‘‘āṭānāṭiyaparittaṃ vā bhaṇitabba’’nti vacane. Panāti visesatthe nipāto. Dīghanikāye pāthikavagge āgatassa āṭānāṭiyaparittassa parikammaṃ evaṃ veditabbanti yojanā. Yadi paṭhamameva na vattabbaṃ, atha kiṃ kātabbanti āha ‘‘mettasutta’’ntiādi. Evañhi laddhāsevanaṃ hutvā atiojavantaṃ hoti.
бидтам̣ ваа мам̣сам̣ ваад̇и ваа-сад̣̇д̣̇о анияамад̇т̇о, д̇зна мажчакан̣д̣абуувакаж̇ж̇агаад̣̇аяо сан̇г̇ан̣хаад̇и. од̇аарам̣ лабханд̇ийд̇и ад̇д̇анаа бияааяид̇акаад̣̇анийяаниб̣ад̣̇д̇хавасанадтааналаабхад̇ааяа авад̇ааран̣ам̣ лабханд̇и. харид̇уубалид̇д̇анд̇и аллаг̇омаяалид̇д̇ам̣. ид̣̇ан̃хи бораан̣агажаарид̇д̇ам̣ бхуумивисуд̣̇д̇хагаран̣ам̣. барисуд̣̇д̇хам̣…бз… нисийд̣̇ид̇аб̣б̣анд̇и иминаа барид̇д̇агаарагасса бхигкуно мзд̇д̇аагарун̣аавасзна жид̇д̇ависуд̣̇д̇хиби ижчид̇аб̣б̣аад̇и д̣̇ассзд̇и. зван̃хи сад̇и убари вагкамаанаубхаяад̇о рагкаасам̣вид̇хаанзна самзд̇и. дийгааяам̣ (д̣̇ий. ни. дий. 3.282) бана ‘‘сарийрасуд̣̇д̇хиби ижчид̇аб̣б̣аад̇и д̣̇ассзд̇ий’’д̇и вуд̇д̇ам̣. д̇ад̣̇зд̇ам̣ вижаарзд̇аб̣б̣ам̣. на хи ‘‘гааяасуд̣̇д̇химад̇д̇зна амануссаанам̣ бияо ход̇ий’’д̇и вуд̇д̇ам̣, мзд̇д̇аавасзнзва бана вуд̇д̇ам̣. вуд̇д̇ан̃хзд̇ам̣ бхаг̇авад̇аа ‘‘мзд̇д̇ааяа, бхигкавз, жзд̇овимуд̇д̇ияаа…бз… згаад̣̇асаанисам̣саа баадиган̇каа. гад̇амз згаад̣̇аса? сукам̣ субад̇и, сукам̣ бадиб̣уж̇жхад̇и, на баабагам̣ субинам̣ бассад̇и, мануссаанам̣ бияо ход̇и, амануссаанам̣ бияо ход̇ий’’д̇иаад̣̇и (а. ни. 11.15; бари. 331; ми. ба. 4.4.6).
Piṭṭhaṃ vā maṃsaṃ vāti vā-saddo aniyamattho, tena macchakhaṇḍapūvakhajjakādayo saṅgaṇhāti. Otāraṃ labhantīti attanā piyāyitakhādanīyanibaddhavasanaṭṭhānalābhatāya avatāraṇaṃ labhanti. Haritūpalittanti allagomayalittaṃ. Idañhi porāṇakacārittaṃ bhūmivisuddhakaraṇaṃ. Parisuddhaṃ…pe… nisīditabbanti iminā parittakārakassa bhikkhuno mettākaruṇāvasena cittavisuddhipi icchitabbāti dasseti. Evañhi sati upari vakkhamānaubhayato rakkhāsaṃvidhānena sameti. Ṭīkāyaṃ (dī. ni. ṭī. 3.282) pana ‘‘sarīrasuddhipi icchitabbāti dassetī’’ti vuttaṃ. Tadetaṃ vicāretabbaṃ. Na hi ‘‘kāyasuddhimattena amanussānaṃ piyo hotī’’ti vuttaṃ, mettāvaseneva pana vuttaṃ. Vuttañhetaṃ bhagavatā ‘‘mettāya, bhikkhave, cetovimuttiyā…pe… ekādasānisaṃsā pāṭikaṅkhā. Katame ekādasa? Sukhaṃ supati, sukhaṃ paṭibujjhati, na pāpakaṃ supinaṃ passati, manussānaṃ piyo hoti, amanussānaṃ piyo hotī’’tiādi (a. ni. 11.15; pari. 331; mi. pa. 4.4.6).
барид̇д̇агаараго…бз… самбариваарид̇знаад̇и ид̣̇ам̣ барид̇д̇агаран̣о б̣аахирад̇о аарагкаасам̣вид̇хаанам̣, ‘‘мзд̇д̇а…бз… вад̇д̇аб̣б̣а’’нд̇и аб̣бханд̇арад̇о аарагкаасам̣вид̇хаанам̣, звам̣ убхаяад̇о рагкаасам̣вид̇хаанам̣ ход̇и. зван̃хи амануссаа барид̇д̇агаарагасса анд̇арааяам̣ гаад̇ум̣ на висаханд̇и. ман̇г̇алагат̇аа вад̇д̇аб̣б̣аад̇и амануссаанам̣ д̇осанад̇т̇ааяа бан̣н̣аагаарам̣ гад̇ваа махааман̇г̇алагат̇аа гат̇зд̇аб̣б̣аа. звам̣ убари вагкамаанзна ‘‘д̇уяхам̣ бан̣н̣аагаарад̇т̇ааяа махааман̇г̇алагат̇аа вуд̇д̇аа’’д̇и важанзна самзд̇и. дийгааяам̣ бана ‘‘буб̣б̣убажааравасзна вад̇д̇аб̣б̣аа’’д̇и вуд̇д̇ам̣. саб̣б̣асаннибаад̇од̇и д̇асмим̣ вихаарз д̇асмим̣ г̇аамагкзд̇д̇з саб̣б̣зсам̣ бхигкуунам̣ саннибаад̇о гхосзд̇аб̣б̣о ‘‘жзд̇ияан̇г̇ан̣з саб̣б̣зхи саннибад̇ид̇аб̣б̣а’’нд̇и. анааг̇анд̇ум̣наама на лабхад̇ийд̇и амануссо б̣уд̣̇д̇хаан̣аабхаязна рааж̇аан̣аабхаязна анааг̇анд̇ум̣ на лабхад̇и жад̇уннам̣ махаарааж̇уунам̣ аан̣аадтаанияад̇д̇аа. г̇ахид̇агаабад̣̇зсзна амануссова бужчид̇о ход̇ийд̇и ‘‘амануссаг̇ахид̇аго ‘д̇вам̣ го наамо’д̇и бужчид̇аб̣б̣о’’д̇и вуд̇д̇ам̣. маалааг̇анд̇хаад̣̇ийсууд̇и маалааг̇анд̇хаад̣̇ибууж̇аасу. аасанабууж̇ааяаад̇и жзд̇ияз б̣уд̣̇д̇хаасанабууж̇ааяа. бин̣д̣абаад̇зд̇и бхигкусан̇гхасса бин̣д̣абаад̇ад̣̇аанз. звам̣ вад̇т̇уббад̣̇зсзна жзд̇анаа вуд̇д̇аа, д̇асмаа бад̇д̇ид̣̇аанам̣ самбхавад̇и.
Parittakārako…pe… samparivāritenāti idaṃ parittakaraṇo bāhirato ārakkhāsaṃvidhānaṃ, ‘‘metta…pe… vattabba’’nti abbhantarato ārakkhāsaṃvidhānaṃ, evaṃ ubhayato rakkhāsaṃvidhānaṃ hoti. Evañhi amanussā parittakārakassa antarāyaṃ kātuṃ na visahanti. Maṅgalakathā vattabbāti amanussānaṃ tosanatthāya paṇṇākāraṃ katvā mahāmaṅgalakathā kathetabbā. Evaṃ upari vakkhamānena ‘‘tuyhaṃ paṇṇākāratthāya mahāmaṅgalakathā vuttā’’ti vacanena sameti. Ṭīkāyaṃ pana ‘‘pubbupacāravasena vattabbā’’ti vuttaṃ. Sabbasannipātoti tasmiṃ vihāre tasmiṃ gāmakkhette sabbesaṃ bhikkhūnaṃ sannipāto ghosetabbo ‘‘cetiyaṅgaṇe sabbehi sannipatitabba’’nti. Anāgantuṃnāmana labhatīti amanusso buddhāṇābhayena rājāṇābhayena anāgantuṃ na labhati catunnaṃ mahārājūnaṃ āṇāṭṭhāniyattā. Gahitakāpadesena amanussova pucchito hotīti ‘‘amanussagahitako ‘tvaṃ ko nāmo’ti pucchitabbo’’ti vuttaṃ. Mālāgandhādīsūti mālāgandhādipūjāsu. Āsanapūjāyāti cetiye buddhāsanapūjāya. Piṇḍapāteti bhikkhusaṅghassa piṇḍapātadāne. Evaṃ vatthuppadesena cetanā vuttā, tasmā pattidānaṃ sambhavati.
д̣̇звад̇аананд̇и яагкасзнаабад̇ийнам̣. вуд̇д̇ан̃хи аадаанаадияасуд̇д̇з (д̣̇ий. ни. 3.283, 293) ‘‘имзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣ уж̇жхаабзд̇аб̣б̣а’’нд̇иаад̣̇и. аадаад̇и д̣̇аб̣б̣имукасагун̣аа. д̇з аадаа над̣̇анд̇и зд̇т̇аад̇и аадаанаад̣̇ам̣, д̣̇званаг̇арам̣, аадаанаад̣̇з гад̇ам̣ аадаанаад̣̇ияам̣, суд̇д̇ам̣. дийгааяам̣ (д̣̇ий. ни. дий. 3.282) ‘‘барид̇д̇ам̣ бхан̣ид̇аб̣б̣анд̇и зд̇т̇ааби ‘мзд̇д̇ажид̇д̇ам̣ бурзжааригам̣ гад̇ваа’д̇и жа ‘ман̇г̇алагат̇аа вад̇д̇аб̣б̣аа’д̇и жа ‘вихаарасса убаванз’д̇и жа звамаад̣̇и саб̣б̣ам̣ г̇ихийнам̣ барид̇д̇агаран̣з вуд̇д̇ам̣ баригаммам̣ гаад̇аб̣б̣амзваа’’д̇и вуд̇д̇ам̣, звам̣ сад̇и адтагат̇ааяам̣ (д̣̇ий. ни. адта. 3.282) ‘‘зд̇ам̣ д̇аава г̇ихийнам̣ баригамма’’нд̇и вад̇ваа ‘‘сажз бана бхигкуу’’д̇иаад̣̇инаа висзсад̇т̇аж̇од̇агзна бана-сад̣̇д̣̇зна саха вужжамаанам̣ ‘‘ид̣̇ам̣ бхигкуунам̣ баригамма’’нд̇и важанам̣ нирад̇т̇агам̣ вияа ход̇и. ависзсз хи сад̇и бхзд̣̇о гаад̇аб̣б̣о на сияаа. бхигкуунан̃жа яат̇аавуд̇д̇аава б̣аахираарагкаа д̣̇уггараа ход̇и, д̇асмаа г̇ихийнам̣ барид̇д̇агаран̣з вуд̇д̇абаригаммз асамбаж̇ж̇амаанзби адтагат̇ааяам̣ вуд̇д̇анаязнзва гаад̇ум̣ ваддад̇ийд̇и но мад̇и.
Devatānanti yakkhasenāpatīnaṃ. Vuttañhi āṭānāṭiyasutte (dī. ni. 3.283, 293) ‘‘imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabba’’ntiādi. Āṭāti dabbimukhasakuṇā. Te āṭā nadanti etthāti āṭānādaṃ, devanagaraṃ, āṭānāde kataṃ āṭānādiyaṃ, suttaṃ. Ṭīkāyaṃ (dī. ni. ṭī. 3.282) ‘‘parittaṃ bhaṇitabbanti etthāpi ‘mettacittaṃ purecārikaṃ katvā’ti ca ‘maṅgalakathā vattabbā’ti ca ‘vihārassa upavane’ti ca evamādi sabbaṃ gihīnaṃ parittakaraṇe vuttaṃ parikammaṃ kātabbamevā’’ti vuttaṃ, evaṃ sati aṭṭhakathāyaṃ (dī. ni. aṭṭha. 3.282) ‘‘etaṃ tāva gihīnaṃ parikamma’’nti vatvā ‘‘sace pana bhikkhū’’tiādinā visesatthajotakena pana-saddena saha vuccamānaṃ ‘‘idaṃ bhikkhūnaṃ parikamma’’nti vacanaṃ niratthakaṃ viya hoti. Avisese hi sati bhedo kātabbo na siyā. Bhikkhūnañca yathāvuttāva bāhirārakkhā dukkarā hoti, tasmā gihīnaṃ parittakaraṇe vuttaparikamme asampajjamānepi aṭṭhakathāyaṃ vuttanayeneva kātuṃ vaṭṭatīti no mati.
ид̣̇ам̣ бана ид̇ха ааг̇ад̇ам̣ аадаанаадияасуд̇д̇абаригаммам̣ суд̇ваа ‘‘ид̣̇ам̣ суд̇д̇ам̣ амануссаанам̣ аманаабам̣, саж̇жхааяанд̇асса барид̇д̇ам̣ гаронд̇асса амануссаа анд̇арааяам̣ гарзяяу’’нд̇и ман̃н̃амаанаа бораан̣аа жад̇уухи махаарааж̇зхи аарожид̇ам̣ саб̣б̣ан̃н̃уб̣уд̣̇д̇хзна д̣̇зсид̇ам̣ муулабхууд̇ам̣ д̣̇ийгханигааяз ааг̇ад̇ам̣ аадаанаадияасуд̇д̇ам̣ (д̣̇ий. ни. 3.275 аад̣̇аяо) бахааяа мууласуд̇д̇ад̇о г̇аат̇аачаггамзва г̇ахзд̇ваа авасзсам̣ саб̣б̣ам̣ суд̇д̇ам̣ табзд̇ваа ан̃н̃аг̇аат̇ааяо багкибид̇ваа ‘‘аадаанаадияабарид̇д̇а’’нд̇и табзсум̣, д̇амби барид̇д̇ам̣ амуулабхууд̇ад̇д̇аа згзнаагаарзна д̇хаарзд̇ум̣ асаггонд̇аа гзжи сам̣кид̇д̇зна д̇хаарзнд̇и, гзжи вид̇т̇аарзна, гзжи згажжаа г̇аат̇ааяо багкибанд̇и, гзжи нигкибанд̇и, гзжи бхигкуу д̇ам̣миссагабарид̇д̇амби ман̇г̇алагаран̣агаалаад̣̇ийсу вад̇д̇умависаханд̇аа д̇ам̣ табзд̇ваа ан̃н̃асуд̇д̇ааниязва бхан̣анд̇и, саб̣б̣амзд̇ам̣ аяуд̇д̇ам̣ вияа д̣̇иссад̇и. гасмаа? жад̇д̇аароби махаарааж̇аано имам̣ аадаанаадияам̣ рагкам̣ сам̣вид̣̇ахамаанаа б̣уд̣̇д̇хасаасанз амануссаанам̣ басаад̣̇ааяа, жад̇ассаннам̣ барисаанам̣ авихзтанааяа зва сам̣вид̣̇ахим̣су , на ан̃н̃зна гааран̣зна. вуд̇д̇ан̃хи д̇ад̇т̇а ‘‘д̇ад̇т̇а санд̇и ул̣аараа яагкааниваасино, яз имасмим̣ бхаг̇авад̇о бааважанз аббасаннаа, д̇зсам̣ басаад̣̇ааяа уг̇г̇ан̣хаад̇у бханд̇з бхаг̇аваа аадаанаадияам̣ рагкам̣ бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяаа’’д̇и (д̣̇ий. ни. 3.276).
Idaṃ pana idha āgataṃ āṭānāṭiyasuttaparikammaṃ sutvā ‘‘idaṃ suttaṃ amanussānaṃ amanāpaṃ, sajjhāyantassa parittaṃ karontassa amanussā antarāyaṃ kareyyu’’nti maññamānā porāṇā catūhi mahārājehi ārocitaṃ sabbaññubuddhena desitaṃ mūlabhūtaṃ dīghanikāye āgataṃ āṭānāṭiyasuttaṃ (dī. ni. 3.275 ādayo) pahāya mūlasuttato gāthāchakkameva gahetvā avasesaṃ sabbaṃ suttaṃ ṭhapetvā aññagāthāyo pakkhipitvā ‘‘āṭānāṭiyaparitta’’nti ṭhapesuṃ, tampi parittaṃ amūlabhūtattā ekenākārena dhāretuṃ asakkontā keci saṃkhittena dhārenti, keci vitthārena, keci ekaccā gāthāyo pakkhipanti, keci nikkhipanti, keci bhikkhū taṃmissakaparittampi maṅgalakaraṇakālādīsu vattumavisahantā taṃ ṭhapetvā aññasuttāniyeva bhaṇanti, sabbametaṃ ayuttaṃ viya dissati. Kasmā? Cattāropi mahārājāno imaṃ āṭānāṭiyaṃ rakkhaṃ saṃvidahamānā buddhasāsane amanussānaṃ pasādāya, catassannaṃ parisānaṃ aviheṭhanāya eva saṃvidahiṃsu , na aññena kāraṇena. Vuttañhi tattha ‘‘tattha santi uḷārā yakkhānivāsino, ye imasmiṃ bhagavato pāvacane appasannā, tesaṃ pasādāya uggaṇhātu bhante bhagavā āṭānāṭiyaṃ rakkhaṃ bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti (dī. ni. 3.276).
саммаасамб̣уд̣̇д̇хзнаби имасса суд̇д̇асса ниг̇аманз ‘‘уг̇г̇ан̣хаат̇а бхигкавз аадаанаадияам̣ рагкам̣, барияаабун̣аат̇а бхигкавз аадаанаадияам̣ рагкам̣, д̇хаарзт̇а бхигкавз аадаанаадияам̣ рагкам̣, ад̇т̇асам̣хид̇аа бхигкавз аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяаа’’д̇и (д̣̇ий. ни. 3.295) бхигкуунам̣ д̇хааран̣ам̣ уяяож̇ид̇ам̣ аанисам̣сан̃жа багаасид̇ам̣. адтагат̇аажариязхи жа ‘‘б̣уд̣̇д̇хабхаасид̇з згагкарамби згабад̣̇амби абанзд̇аб̣б̣ам̣ наама над̇т̇ий’’д̇и вуд̇д̇ам̣ , д̇асмаа жад̇уухи махаарааж̇зхи сам̣вид̣̇ахид̇ам̣ саммаасамб̣уд̣̇д̇хзна аахажжабхаасид̇ам̣ д̇иссо сан̇г̇ийд̇ияо аарул̣хам̣ багад̇иаадаанаадияасуд̇д̇амзва д̇хаарзд̇ум̣ саж̇жхааяид̇ун̃жа яуд̇д̇ам̣, на бхаг̇авад̇аа абхаасид̇ам̣ д̇иссо сан̇г̇ийд̇ияо анаарул̣хам̣ миссагасуд̇д̇анд̇и. д̣̇ийгханигааяадтагат̇ааяам̣ (д̣̇ий. ни. адта. 3.282) ааг̇ад̇ам̣ ид̣̇ам̣ аадаанаадияабарид̇д̇абаригаммам̣ бана багад̇исаж̇жхааяанаваажанаад̣̇им̣ санд̇хааяа адтагат̇аажариязхи на вуд̇д̇ам̣, ат̇а ко г̇ахадтам̣ ваа баб̣б̣аж̇ид̇ам̣ ваа амануссзхи г̇ахид̇агаалз можаабанад̇т̇ааяа логиязхи манд̇ам̣ вияа бхан̣анам̣ санд̇хааяа вуд̇д̇ам̣. вуд̇д̇ан̃хи д̇ад̇т̇а ‘‘амануссаг̇ахид̇аго д̇вам̣ го наамосийд̇и бужчид̇аб̣б̣о’’д̇иаад̣̇и (д̣̇ий. ни. адта. 3.282).
Sammāsambuddhenapi imassa suttassa nigamane ‘‘uggaṇhātha bhikkhave āṭānāṭiyaṃ rakkhaṃ, pariyāpuṇātha bhikkhave āṭānāṭiyaṃ rakkhaṃ, dhāretha bhikkhave āṭānāṭiyaṃ rakkhaṃ, atthasaṃhitā bhikkhave āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti (dī. ni. 3.295) bhikkhūnaṃ dhāraṇaṃ uyyojitaṃ ānisaṃsañca pakāsitaṃ. Aṭṭhakathācariyehi ca ‘‘buddhabhāsite ekakkharampi ekapadampi apanetabbaṃ nāma natthī’’ti vuttaṃ , tasmā catūhi mahārājehi saṃvidahitaṃ sammāsambuddhena āhaccabhāsitaṃ tisso saṅgītiyo āruḷhaṃ pakatiāṭānāṭiyasuttameva dhāretuṃ sajjhāyituñca yuttaṃ, na bhagavatā abhāsitaṃ tisso saṅgītiyo anāruḷhaṃ missakasuttanti. Dīghanikāyaṭṭhakathāyaṃ (dī. ni. aṭṭha. 3.282) āgataṃ idaṃ āṭānāṭiyaparittaparikammaṃ pana pakatisajjhāyanavācanādiṃ sandhāya aṭṭhakathācariyehi na vuttaṃ, atha kho gahaṭṭhaṃ vā pabbajitaṃ vā amanussehi gahitakāle mocāpanatthāya lokiyehi mantaṃ viya bhaṇanaṃ sandhāya vuttaṃ. Vuttañhi tattha ‘‘amanussagahitako tvaṃ ko nāmosīti pucchitabbo’’tiādi (dī. ni. aṭṭha. 3.282).
аадаанаадияаа рагкаа жа наама на сагаласуд̇д̇ам̣, ат̇а ко ‘‘вибассисса жа намад̇т̇уу’’д̇и бад̣̇ам̣ аад̣̇им̣ гад̇ваа жад̇уннам̣ махаарааж̇уунам̣ васзна жад̇угкад̇д̇ум̣ ааг̇ад̇ам̣ ‘‘ж̇инам̣ ванд̣̇аама г̇од̇ама’’нд̇и бад̣̇ам̣ барияосаанам̣ гад̇ваа вуд̇д̇асуд̇д̇згад̣̇зсоязва. гат̇ам̣ вин̃н̃ааяад̇ийд̇и жз? ‘‘ат̇а ко взссаван̣о махаарааж̇аа бхаг̇авад̇о ад̇хиваасанам̣ вид̣̇ид̇ваа имам̣ аадаанаадияам̣ рагкам̣ абхаасий’’д̇и аарабхид̇ваа яат̇аавуд̇д̇асуд̇д̇згад̣̇зсасса авасаанз ‘‘аяам̣ ко маарисаа аадаанаадияаа рагкаа’’д̇и нияяаад̇ид̇ад̇д̇аа. д̇асмаа яат̇аа наама б̣яаг̇гхаад̣̇аяо ад̇д̇ано бхагкам̣ вилумбанд̇аанам̣ б̣алавад̣̇удтажид̇д̇аа бхаванд̇и, звам̣ ад̇д̇анаа г̇ахид̇амануссам̣ можаабзнд̇аанам̣ амануссаа бад̣̇удтажид̇д̇аа хонд̇и. ид̇и д̇ат̇аа можаабзд̇ум̣ аарад̣̇д̇хагаалз бхигкуунам̣ бариссаяавинод̣̇анад̇т̇ам̣ имам̣ аадаанаадияабарид̇д̇абаригаммам̣ адтагат̇аажариязхи вуд̇д̇анд̇и д̣̇адтаб̣б̣ам̣. аяам̣ барид̇д̇агаран̣авинижчаяагат̇аалан̇гааро.
Āṭānāṭiyā rakkhā ca nāma na sakalasuttaṃ, atha kho ‘‘vipassissa ca namatthū’’ti padaṃ ādiṃ katvā catunnaṃ mahārājūnaṃ vasena catukkhattuṃ āgataṃ ‘‘jinaṃ vandāma gotama’’nti padaṃ pariyosānaṃ katvā vuttasuttekadesoyeva. Kathaṃ viññāyatīti ce? ‘‘Atha kho vessavaṇo mahārājā bhagavato adhivāsanaṃ viditvā imaṃ āṭānāṭiyaṃ rakkhaṃ abhāsī’’ti ārabhitvā yathāvuttasuttekadesassa avasāne ‘‘ayaṃ kho mārisā āṭānāṭiyā rakkhā’’ti niyyātitattā. Tasmā yathā nāma byagghādayo attano bhakkhaṃ vilumpantānaṃ balavaduṭṭhacittā bhavanti, evaṃ attanā gahitamanussaṃ mocāpentānaṃ amanussā paduṭṭhacittā honti. Iti tathā mocāpetuṃ āraddhakāle bhikkhūnaṃ parissayavinodanatthaṃ imaṃ āṭānāṭiyaparittaparikammaṃ aṭṭhakathācariyehi vuttanti daṭṭhabbaṃ. Ayaṃ parittakaraṇavinicchayakathālaṅkāro.
20. анаамадтабин̣д̣абаад̇од̇и (ви. ви. дий. 1.185) зд̇т̇а амасияид̇т̇аад̇и аамадто, на аамадто анаамадто. бин̣д̣ам̣ бин̣д̣ам̣ худ̇ваа бад̇ад̇ийд̇и бин̣д̣абаад̇о. анаамадто жа со бин̣д̣абаад̇о жаад̇и д̇ат̇аа, аг̇г̇ахид̇ааг̇г̇о, абарибхуд̇д̇о бин̣д̣абаад̇од̇и ад̇т̇о. сажзби гахаабан̣аг̇гханаго ход̇ийд̇и иминаа д̣̇ааяагзхи б̣ахуб̣яан̃ж̇анзна самбаад̣̇зд̇ваа саггажжам̣ д̣̇иннабхаавам̣ д̣̇ийбзд̇и. д̇зна вуд̇д̇ам̣ ‘‘сад̣̇д̇хаад̣̇зяяавинибаад̇анам̣ над̇т̇ий’’д̇и, звам̣ саггажжам̣ сад̣̇д̇хааяа д̣̇иннам̣ махаг̇гхабхож̇анамби маад̇аабид̇уунам̣ д̣̇ад̇ваа сад̣̇д̇хаад̣̇зяяавинибаад̇анам̣ наама на ход̇и, баг̇зва аббаг̇гхабхож̇анзд̇и ад̇хиббааяо. маад̇аад̣̇ибан̃жагам̣язва вад̇ваа бхзсаж̇ж̇агаран̣з вияа абарзсамби д̣̇асаннам̣ д̣̇аад̇ум̣ ваддад̇ийд̇и авуд̇д̇ад̇д̇аа ан̃н̃зсам̣ н̃аад̇агаанамби бзсзд̇ваа д̣̇аад̇ум̣ на ваддад̇ийд̇и сид̣̇д̇хам̣, ‘‘вихаарам̣ самбад̇д̇асса бана яасса гассажи ааг̇анд̇угасса ваа’’ижжаад̣̇ивагкамаанад̇д̇аа вихаарам̣ самбад̇д̇аанам̣ н̃аад̇агаанамби ааг̇анд̇угасааман̃н̃зна д̣̇аад̇ум̣ ваддад̇ийд̇и жа. т̇аалагзд̇и сан̇гхигз гам̣саад̣̇имаяз т̇аалагз. бад̇д̇оби зд̇т̇а сан̇г̇аяхад̇и. на ваддад̇ийд̇и иминаа д̣̇уггаданд̇и д̣̇ассзд̇и. д̣̇аамаригажорассаад̇и раж̇ж̇ам̣ бад̇т̇знд̇асса баагадажорасса. ад̣̇ийяамаанзби ‘‘на д̣̇знд̇ий’’д̇и гуж̇жханд̇ийд̇и самб̣анд̇хо.
20.Anāmaṭṭhapiṇḍapātoti (vi. vi. ṭī. 1.185) ettha amasiyitthāti āmaṭṭho, na āmaṭṭho anāmaṭṭho. Piṇḍaṃ piṇḍaṃ hutvā patatīti piṇḍapāto. Anāmaṭṭho ca so piṇḍapāto cāti tathā, aggahitaaggo, aparibhutto piṇḍapātoti attho. Sacepi kahāpaṇagghanako hotīti iminā dāyakehi bahubyañjanena sampādetvā sakkaccaṃ dinnabhāvaṃ dīpeti. Tena vuttaṃ ‘‘saddhādeyyavinipātanaṃ natthī’’ti, evaṃ sakkaccaṃ saddhāya dinnaṃ mahagghabhojanampi mātāpitūnaṃ datvā saddhādeyyavinipātanaṃ nāma na hoti, pageva appagghabhojaneti adhippāyo. Mātādipañcakaṃyeva vatvā bhesajjakaraṇe viya aparesampi dasannaṃ dātuṃ vaṭṭatīti avuttattā aññesaṃ ñātakānampi pesetvā dātuṃ na vaṭṭatīti siddhaṃ, ‘‘vihāraṃ sampattassa pana yassa kassaci āgantukassa vā’’iccādivakkhamānattā vihāraṃ sampattānaṃ ñātakānampi āgantukasāmaññena dātuṃ vaṭṭatīti ca. Thālaketi saṅghike kaṃsādimaye thālake. Pattopi ettha saṅgayhati. Na vaṭṭatīti iminā dukkaṭanti dasseti. Dāmarikacorassāti rajjaṃ patthentassa pākaṭacorassa. Adīyamānepi ‘‘na dentī’’ti kujjhantīti sambandho.
аамисасса д̇хаммасса жа алаабхзна ад̇д̇ано барасса жа анд̇арз самбхаванд̇асса чид̣̇д̣̇асса виварасса бадисант̇аран̣ам̣ бид̣̇аханам̣ бадисант̇ааро. со бана д̇хаммаамисавасзна д̣̇увид̇хо. д̇ад̇т̇а аамисабадисант̇аарам̣ санд̇хааяа ‘‘гасса гаад̇аб̣б̣о, гасса на гаад̇аб̣б̣о’’д̇и вуд̇д̇ам̣. ааг̇анд̇угасса ваа…бз… гаад̇аб̣б̣оязваад̇и вуд̇д̇амад̇т̇ам̣ баагадам̣ гаад̇ум̣ ‘‘ааг̇анд̇угам̣ д̇ааваа’’д̇иаад̣̇имааха. кийн̣абариб̣б̣аяанд̇и иминаа аг̇ад̇ибхаавам̣ гарун̣аадтаанад̇ан̃жа д̣̇ассзд̇и. д̇зна жа д̇аб̣б̣ид̇хураанам̣ самид̣̇д̇хаанам̣ ааг̇анд̇угад̇д̇зби д̣̇аад̇ум̣ на ваддад̇ийд̇и сид̣̇д̇хам̣ ход̇и. ‘‘абажжаасийсанд̇знаа’’д̇и вад̇ваа бажжаасийсанаббагаарам̣ д̣̇ассзд̇ум̣ ‘‘мануссаа наамаа’’д̇иаад̣̇и вуд̇д̇ам̣. ананун̃н̃аад̇аанам̣ бана абажжаасийсанд̇знаби д̣̇аад̇ум̣ на ваддад̇и сад̣̇д̇хаад̣̇зяяавинибаад̇ад̇д̇аа, бажжаасааяа бана сад̇и гулад̣̇уусанамби ход̇и. уб̣б̣аасзд̇ваад̇и саманд̇ад̇о д̇ияож̇анам̣ вилумбанд̇з мануссз балаабзд̇ваа. варабод̇т̇агажид̇д̇ад̇т̇аран̣анд̇и анзгаббагаарам̣ ид̇т̇ибурисаад̣̇иуд̇д̇амаруубавижид̇д̇ам̣ ад̇т̇аран̣ам̣. аяам̣ бадисант̇ааравинижчаяагат̇аалан̇гааро.
Āmisassa dhammassa ca alābhena attano parassa ca antare sambhavantassa chiddassa vivarassa paṭisantharaṇaṃ pidahanaṃ paṭisanthāro. So pana dhammāmisavasena duvidho. Tattha āmisapaṭisanthāraṃ sandhāya ‘‘kassa kātabbo, kassa na kātabbo’’ti vuttaṃ. Āgantukassa vā…pe… kātabboyevāti vuttamatthaṃ pākaṭaṃ kātuṃ ‘‘āgantukaṃ tāvā’’tiādimāha. Khīṇaparibbayanti iminā agatibhāvaṃ karuṇāṭṭhānatañca dasseti. Tena ca tabbidhurānaṃ samiddhānaṃ āgantukattepi dātuṃ na vaṭṭatīti siddhaṃ hoti. ‘‘Apaccāsīsantenā’’ti vatvā paccāsīsanappakāraṃ dassetuṃ ‘‘manussā nāmā’’tiādi vuttaṃ. Ananuññātānaṃ pana apaccāsīsantenapi dātuṃ na vaṭṭati saddhādeyyavinipātattā, paccāsāya pana sati kuladūsanampi hoti. Ubbāsetvāti samantato tiyojanaṃ vilumpante manusse palāpetvā. Varapotthakacittattharaṇanti anekappakāraṃ itthipurisādiuttamarūpavicittaṃ attharaṇaṃ. Ayaṃ paṭisanthāravinicchayakathālaṅkāro.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
бхзсаж̇ж̇аад̣̇ивинижчаяагат̇аалан̇гааро наама
Bhesajjādivinicchayakathālaṅkāro nāma
д̇ад̇ияо барижчзд̣̇о.
Tatiyo paricchedo.
