| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
бхзсаж̇ж̇агканд̇хагагат̇ааван̣н̣анаа
Bhesajjakkhandhakakathāvaṇṇanā
2665. г̇ахабад̇исса бхууми, саммуд̇ибхууми, уссаавананд̇игаабхууми, г̇онисаад̣̇ибхуумийд̇и габбияабхуумияо жад̇ассо хонд̇ийд̇и вуд̇д̇аа бхаг̇авад̇аад̇и яож̇анаа.
2665. Gahapatissa bhūmi, sammutibhūmi, ussāvanantikābhūmi, gonisādibhūmīti kappiyabhūmiyo catasso hontīti vuttā bhagavatāti yojanā.
2666. гат̇ам̣ габбияам̣ гад̇д̇аб̣б̣анд̇и ‘‘ануж̇аанаами, бхигкавз, жад̇ассо габбияабхуумияо уссаавананд̇игам̣ г̇онисаад̣̇игам̣ г̇ахабад̇им̣ саммуд̇и’’нд̇и (махаава. 295) звам̣ жад̇ассо бхуумияо уд̣̇д̇харид̇ваа д̇аасам̣ сааман̃н̃алагкан̣ам̣ д̣̇ассзд̇умааха ‘‘сан̇гхассаа’’д̇иаад̣̇и. сан̇гхасса санд̇агам̣ ваасад̇т̇ааяа гад̇ам̣ г̇зхам̣ ваа бхигкуно санд̇агам̣ ваасад̇т̇ааяа гад̇ам̣ г̇зхам̣ ваад̇и яож̇анаа. габбияам̣ гад̇д̇аб̣б̣анд̇и габбияадтаанам̣ гад̇д̇аб̣б̣ам̣. сахасзяяаббахонаганд̇и саб̣б̣ажчаннабарижчаннаад̣̇илагкан̣зна сахасзяяаарахам̣.
2666. Kathaṃ kappiyaṃ kattabbanti ‘‘anujānāmi, bhikkhave, catasso kappiyabhūmiyo ussāvanantikaṃ gonisādikaṃ gahapatiṃ sammuti’’nti (mahāva. 295) evaṃ catasso bhūmiyo uddharitvā tāsaṃ sāmaññalakkhaṇaṃ dassetumāha ‘‘saṅghassā’’tiādi. Saṅghassa santakaṃ vāsatthāya kataṃ gehaṃ vā bhikkhuno santakaṃ vāsatthāya kataṃ gehaṃ vāti yojanā. Kappiyaṃ kattabbanti kappiyaṭṭhānaṃ kattabbaṃ. Sahaseyyappahonakanti sabbacchannaparicchannādilakkhaṇena sahaseyyārahaṃ.
2667. ид̣̇аани жад̇ассоби бхуумияо саруубад̇о д̣̇ассзд̇умааха ‘‘табзд̇ваа’’д̇иаад̣̇и. бхигкум̣ табзд̇ваа ан̃н̃зхи габбияабхуумияаа ад̇т̇ааяа д̣̇иннам̣ ваа д̇зсам̣ санд̇агам̣ ваа яам̣ г̇зхам̣, ид̣̇ам̣ зва г̇ахабад̇ибхууми наамаад̇и яож̇анаа.
2667. Idāni catassopi bhūmiyo sarūpato dassetumāha ‘‘ṭhapetvā’’tiādi. Bhikkhuṃ ṭhapetvā aññehi kappiyabhūmiyā atthāya dinnaṃ vā tesaṃ santakaṃ vā yaṃ gehaṃ, idaṃ eva gahapatibhūmi nāmāti yojanā.
2668. яаа бана гуди сан̇гхзна саммад̇аа н̃ад̇д̇ид̣̇уд̇ияааяа гаммаваажааяа, саа саммуд̇игаа наама. д̇ассаа самманнанагаалз гаммаваажам̣ авад̇ваа абалоганам̣ ваа гаад̇ум̣ ваддад̇зваад̇и яож̇анаа.
2668.Yā pana kuṭi saṅghena sammatā ñattidutiyāya kammavācāya, sā sammutikā nāma. Tassā sammannanakāle kammavācaṃ avatvā apalokanaṃ vā kātuṃ vaṭṭatevāti yojanā.
2669-70. батамаидтагааяа ваа батамабаасаан̣асса ваа батамад̇т̇амбхасса ваа аад̣̇и-г̇г̇ахан̣зна батамабхид̇д̇ибаад̣̇асса ваа табанз барзсу мануссзсу угкибид̇ваа табзнд̇зсу саманд̇ад̇о бариваарзд̇ваа ‘‘габбияагудим̣ гарома, габбияагудим̣ гаромаа’’д̇и абхигкан̣ам̣ вад̣̇анд̇зхи аамасид̇ваа ваа саяамзва угкибид̇ваа ваа идтагаа табзяяа баасаан̣о ваа т̇амбхо ваа бхид̇д̇ибаад̣̇о ваа табзяяа табзд̇аб̣б̣о, аяам̣ уссаавананд̇игаа гудийд̇и яож̇анаа.
2669-70. Paṭhamaiṭṭhakāya vā paṭhamapāsāṇassa vā paṭhamatthambhassa vā ādi-ggahaṇena paṭhamabhittipādassa vā ṭhapane paresu manussesu ukkhipitvā ṭhapentesu samantato parivāretvā ‘‘kappiyakuṭiṃ karoma, kappiyakuṭiṃ karomā’’ti abhikkhaṇaṃ vadantehi āmasitvā vā sayameva ukkhipitvā vā iṭṭhakā ṭhapeyya pāsāṇo vā thambho vā bhittipādo vā ṭhapeyya ṭhapetabbo, ayaṃ ussāvanantikā kuṭīti yojanā.
2671. идтагаад̣̇ибад̇идтаананд̇и батамидтагаад̣̇ийнам̣ бхуумияам̣ бад̇идтаанам̣. вад̣̇ад̇анд̇и ‘‘габбияагудим̣ гарома, габбияагудим̣ гаромаа’’д̇и вад̣̇анд̇аанам̣. самагаалам̣ д̇у ваддад̇ийд̇и згагаалам̣ ваддад̇и, иминаа ‘‘сажз хи анидтид̇з важанз т̇амбхо бад̇идтаад̇и, аббад̇идтид̇з ваа д̇асмим̣ важанам̣ нидтаад̇и, агад̇аа ход̇и габбияагудий’’д̇и (махаава. адта. 295) адтагат̇аавинижчаяо суужид̇о.
2671.Iṭṭhakādipatiṭṭhānanti paṭhamiṭṭhakādīnaṃ bhūmiyaṃ patiṭṭhānaṃ. Vadatanti ‘‘kappiyakuṭiṃ karoma, kappiyakuṭiṃ karomā’’ti vadantānaṃ. Samakālaṃ tu vaṭṭatīti ekakālaṃ vaṭṭati, iminā ‘‘sace hi aniṭṭhite vacane thambho patiṭṭhāti, appatiṭṭhite vā tasmiṃ vacanaṃ niṭṭhāti, akatā hoti kappiyakuṭī’’ti (mahāva. aṭṭha. 295) aṭṭhakathāvinicchayo sūcito.
2672. аараамо сагало абаригкид̇д̇о ваа язбхуяяад̇о абаригкид̇д̇о ваад̇и д̣̇увид̇хоби вин̃н̃уухи винаяад̇харзхи ‘‘г̇онисаад̣̇ий’’д̇и вужжад̇и. бавзсанивааран̣аабхаавзна бавидтаанам̣ г̇уннам̣ нисаж̇ж̇ааяог̇ад̇о д̇ат̇аа вужжад̇ийд̇и яож̇анаа.
2672. Ārāmo sakalo aparikkhitto vā yebhuyyato aparikkhitto vāti duvidhopi viññūhi vinayadharehi ‘‘gonisādī’’ti vuccati. Pavesanivāraṇābhāvena paviṭṭhānaṃ gunnaṃ nisajjāyogato tathā vuccatīti yojanā.
2673. баяож̇анам̣ д̣̇ассзд̇умааха ‘‘зд̇т̇а багган̃жаа’’д̇иаад̣̇и. аамисанд̇и буримагаалигад̣̇ваяам̣. ‘‘аамиса’’нд̇и иминаа нираамисам̣ ид̇арагаалигад̣̇ваяам̣ агаббияагудияам̣ вуд̇т̇амби баггамби габбад̇ийд̇и д̣̇ийбзд̇и.
2673. Payojanaṃ dassetumāha ‘‘ettha pakkañcā’’tiādi. Āmisanti purimakālikadvayaṃ. ‘‘Āmisa’’nti iminā nirāmisaṃ itarakālikadvayaṃ akappiyakuṭiyaṃ vutthampi pakkampi kappatīti dīpeti.
2674-5. имаа габбияагудияо гад̣̇аа ж̇ахид̇авад̇т̇угаа хонд̇ийд̇и ааха ‘‘уссаавананд̇игаа яаа саа’’д̇иаад̣̇и. яаа уссаавананд̇игаа язсу т̇амбхаад̣̇ийсу ад̇хидтид̇аа, саа д̇зсу т̇амбхаад̣̇ийсу абанийд̇зсу д̇ад̣̇ан̃н̃зсуби т̇амбхаад̣̇ийсу д̇идтад̇ийд̇и яож̇анаа.
2674-5. Imā kappiyakuṭiyo kadā jahitavatthukā hontīti āha ‘‘ussāvanantikā yā sā’’tiādi. Yā ussāvanantikā yesu thambhādīsu adhiṭṭhitā, sā tesu thambhādīsu apanītesu tadaññesupi thambhādīsu tiṭṭhatīti yojanā.
саб̣б̣зсу т̇амбхаад̣̇ийсу абанийд̇зсу саа ж̇ахид̇авад̇т̇угаа сияаад̇и яож̇анаа. г̇онисаад̣̇игуди баригкид̇д̇аа вад̇иаад̣̇ийхи ж̇ахид̇авад̇т̇угаа сияаа. баригкид̇д̇аад̇и жа ‘‘аараамо бана убад̣дхабаригкид̇д̇оби б̣ахуд̇арам̣ баригкид̇д̇оби баригкид̇д̇оязва наамаа’’д̇и (махаава. адта. 295) гурунд̣̇имахаабажжарияаад̣̇ийсу вуд̇д̇ад̇д̇аа на гзвалам̣ саб̣б̣абаригкид̇д̇аава, убад̣дхабаригкид̇д̇ааби язбхуяяабаригкид̇д̇ааби г̇ахзд̇аб̣б̣аа.
Sabbesu thambhādīsu apanītesu sā jahitavatthukā siyāti yojanā. Gonisādikuṭi parikkhittā vatiādīhi jahitavatthukā siyā. Parikkhittāti ca ‘‘ārāmo pana upaḍḍhaparikkhittopi bahutaraṃ parikkhittopi parikkhittoyeva nāmā’’ti (mahāva. aṭṭha. 295) kurundimahāpaccariyādīsu vuttattā na kevalaṃ sabbaparikkhittāva, upaḍḍhaparikkhittāpi yebhuyyaparikkhittāpi gahetabbā.
сзсаад̇и г̇ахабад̇исаммуд̇игудияо. чад̣̇ананаасад̇о ж̇ахид̇авад̇т̇угаа сияунд̇и яож̇анаа. чад̣̇ананаасад̇од̇и зд̇т̇а ‘‘г̇обаанасимад̇д̇ам̣ табзд̇ваа’’д̇и сзсо. сажз г̇обаанасийнам̣ убари згамби багкабаасаман̣д̣алам̣ ад̇т̇и, рагкад̇и. яад̇ра банимаа жад̇ассоби габбияабхуумияо над̇т̇и, д̇ад̇т̇а гим̣ гаад̇аб̣б̣ам̣? анубасамбаннасса д̣̇ад̇ваа д̇асса санд̇агам̣ гад̇ваа барибхун̃ж̇ид̇аб̣б̣ам̣.
Sesāti gahapatisammutikuṭiyo. Chadananāsato jahitavatthukā siyunti yojanā. Chadananāsatoti ettha ‘‘gopānasimattaṃ ṭhapetvā’’ti seso. Sace gopānasīnaṃ upari ekampi pakkhapāsamaṇḍalaṃ atthi, rakkhati. Yatra panimā catassopi kappiyabhūmiyo natthi, tattha kiṃ kātabbaṃ? Anupasampannassa datvā tassa santakaṃ katvā paribhuñjitabbaṃ.
2676. бхигкум̣ табзд̇ваа ан̃н̃зсам̣ хад̇т̇ад̇о бадиг̇г̇ахо жа д̇зсам̣ саннид̇хи жа д̇зсам̣ анд̇овуд̇т̇ан̃жа бхигкусса ваддад̇ийд̇и яож̇анаа.
2676. Bhikkhuṃ ṭhapetvā aññesaṃ hatthato paṭiggaho ca tesaṃ sannidhi ca tesaṃ antovutthañca bhikkhussa vaṭṭatīti yojanā.
2677. бхигкусса санд̇агам̣ сан̇гхигамби ваа агаббияабхуумияам̣ сахасзяяаббахонагз г̇зхз анд̇овуд̇т̇ан̃жа анд̇обагган̃жа бхигкусса на ваддад̇и. бхигкунияаа санд̇агам̣ сан̇гхигамби ваа агаббияабхуумияам̣ сахасзяяаббахонагз г̇зхз анд̇овуд̇т̇ан̃жа анд̇обагган̃жа бхигкунияаа на ваддад̇ийд̇и звам̣ убхиннам̣ бхигкубхигкунийнам̣ на ваддад̇ийд̇и яож̇анаа.
2677. Bhikkhussa santakaṃ saṅghikampi vā akappiyabhūmiyaṃ sahaseyyappahonake gehe antovutthañca antopakkañca bhikkhussa na vaṭṭati. Bhikkhuniyā santakaṃ saṅghikampi vā akappiyabhūmiyaṃ sahaseyyappahonake gehe antovutthañca antopakkañca bhikkhuniyā na vaṭṭatīti evaṃ ubhinnaṃ bhikkhubhikkhunīnaṃ na vaṭṭatīti yojanā.
2678. агаббагудияаад̇и агаббияагудияаа, ‘‘агаббияабхуумияам̣ сахасзяяаббахонагз г̇зхз’’д̇и адтагат̇ааяам̣ вуд̇д̇ааяа агаббияабхуумияаад̇и ад̇т̇о. аад̣̇и-сад̣̇д̣̇зна наванийд̇ад̇зламад̇хупаан̣ид̇аанам̣ г̇ахан̣ам̣.
2678.Akappakuṭiyāti akappiyakuṭiyā, ‘‘akappiyabhūmiyaṃ sahaseyyappahonake gehe’’ti aṭṭhakathāyaṃ vuttāya akappiyabhūmiyāti attho. Ādi-saddena navanītatelamadhuphāṇitānaṃ gahaṇaṃ.
2679. д̇зхзва анд̇овуд̇т̇зхи саббиаад̣̇ийхи сад̇д̇аахагаалигзхи саха бхигкунаа баггам̣ д̇ам̣ яааваж̇ийвигам̣ нираамисам̣ сад̇д̇аахам̣ барибхун̃ж̇ид̇ум̣ ваддад̇зваад̇и яож̇анаа.
2679.Teheva antovutthehi sappiādīhi sattāhakālikehi saha bhikkhunā pakkaṃ taṃ yāvajīvikaṃ nirāmisaṃ sattāhaṃ paribhuñjituṃ vaṭṭatevāti yojanā.
2680. баггам̣ саамам̣баггам̣ д̇ам̣ яааваж̇ийвигам̣ сажз аамисасам̣садтам̣ барибхун̃ж̇ад̇и, анд̇овуд̇т̇ан̃жа бхун̃ж̇ад̇и, гин̃жа бхияяо саамам̣багган̃жа бхун̃ж̇ад̇ийд̇и яож̇анаа. яааваж̇ийвигасса аамисасам̣садтасса аамисаг̇ад̇игад̇д̇аа ‘‘анд̇овуд̇т̇а’’нд̇и вуд̇д̇ам̣.
2680.Pakkaṃ sāmaṃpakkaṃ taṃ yāvajīvikaṃ sace āmisasaṃsaṭṭhaṃ paribhuñjati, antovutthañca bhuñjati, kiñca bhiyyo sāmaṃpakkañca bhuñjatīti yojanā. Yāvajīvikassa āmisasaṃsaṭṭhassa āmisagatikattā ‘‘antovuttha’’nti vuttaṃ.
2682. уд̣̇агам̣ на ход̇и гаалигам̣ жад̇уусу гаалигзсу асан̇г̇ахид̇ад̇д̇аа.
2682. Udakaṃ na hoti kālikaṃ catūsu kālikesu asaṅgahitattā.
2683. д̇игаалигаа яаавагаалигаа яаамагаалигаа сад̇д̇аахагаалигаад̇и д̇аяо гаалигаа бадиг̇г̇ахавасзнзва ад̇д̇ано ад̇д̇ано гаалам̣ ад̇иггамид̇ваа бхуд̇д̇аа д̣̇осагараа хонд̇и, д̇ад̇ияам̣ сад̇д̇аахаад̇иггамз ниссаг̇г̇ияабаажид̇д̇ияавад̇т̇уд̇д̇аа абхуд̇д̇амби д̣̇осагаранд̇и яож̇анаа.
2683.Tikālikā yāvakālikā yāmakālikā sattāhakālikāti tayo kālikā paṭiggahavaseneva attano attano kālaṃ atikkamitvā bhuttā dosakarā honti, tatiyaṃ sattāhātikkame nissaggiyapācittiyavatthuttā abhuttampi dosakaranti yojanā.
‘‘бхуд̇д̇аа д̣̇осагараа’’д̇и иминаа буримагаалигад̣̇ваяам̣ бадиг̇г̇ахзд̇ваа гаалаад̇иггаманамад̇д̇зна аабад̇д̇ияаа гааран̣ам̣ на ход̇и, бхуд̇д̇амзва ход̇и. сад̇д̇аахагаалигам̣ гаалаад̇иггамзна абарибхуд̇д̇амби аабад̇д̇ияаа гааран̣ам̣ ход̇ийд̇и д̣̇ийбзд̇и. д̇зсу сад̇д̇аахагаалигзязва висзсам̣ д̣̇ассзд̇умааха ‘‘абхуд̇д̇ам̣ д̇ад̇ияамби жаа’’д̇и. жа-сад̣̇д̣̇о д̇у-сад̣̇д̣̇ад̇т̇з. яааваж̇ийвигам̣ бана бадиг̇г̇ахзд̇ваа яааваж̇ийвам̣ барибхун̃ж̇ияамаанам̣ ид̇арагаалигасам̣саг̇г̇ам̣ винаа д̣̇осагарам̣ на ход̇ийд̇и на г̇ахид̇ам̣.
‘‘Bhuttā dosakarā’’ti iminā purimakālikadvayaṃ paṭiggahetvā kālātikkamanamattena āpattiyā kāraṇaṃ na hoti, bhuttameva hoti. Sattāhakālikaṃ kālātikkamena aparibhuttampi āpattiyā kāraṇaṃ hotīti dīpeti. Tesu sattāhakālikeyeva visesaṃ dassetumāha ‘‘abhuttaṃ tatiyampi cā’’ti. Ca-saddo tu-saddatthe. Yāvajīvikaṃ pana paṭiggahetvā yāvajīvaṃ paribhuñjiyamānaṃ itarakālikasaṃsaggaṃ vinā dosakaraṃ na hotīti na gahitaṃ.
2684. амб̣аад̣̇аяо сад̣̇д̣̇аа ругкаанам̣ наамабхууд̇аа д̇ам̣д̇ам̣палзби вад̇д̇амаанаа ид̇ха убажааравасзна д̇аж̇ж̇з баанагз вуд̇д̇аа, д̇знзвааха ‘‘баанагам̣ мад̇а’’нд̇и. жожам̣ адтигагад̣̇алибаанам̣. можам̣ ид̇арагад̣̇алибаанам̣. мад̇хууд̇и муд̣̇д̣̇игапалаанам̣ расам̣. муд̣̇д̣̇игаад̇и сийд̇од̣̇агз мад̣̇д̣̇ид̇аанам̣ муд̣̇д̣̇игапалаанам̣ баанам̣. ‘‘саалуугабаананд̇и рад̇д̇уббаланийлуббалаад̣̇ийнам̣ саалуугз мад̣̇д̣̇ид̇ваа гад̇абаана’’нд̇и баал̣ияам̣, адтагат̇ааяа (махаава. адта. 300) жа саалууга-сад̣̇д̣̇асса д̣̇ийгхавасзна сам̣яог̇ад̣̇ассанад̇о ‘‘саалу паарусаган̃жаа’’д̇и г̇аат̇ааб̣анд̇хавасзна рассо гад̇о.
2684. Ambādayo saddā rukkhānaṃ nāmabhūtā taṃtaṃphalepi vattamānā idha upacāravasena tajje pānake vuttā, tenevāha ‘‘pānakaṃ mata’’nti. Cocaṃ aṭṭhikakadalipānaṃ. Mocaṃ itarakadalipānaṃ. Madhūti muddikaphalānaṃ rasaṃ. Muddikāti sītodake madditānaṃ muddikaphalānaṃ pānaṃ. ‘‘Sālūkapānanti rattuppalanīluppalādīnaṃ sālūke madditvā katapāna’’nti pāḷiyaṃ, aṭṭhakathāya (mahāva. aṭṭha. 300) ca sālūka-saddassa dīghavasena saṃyogadassanato ‘‘sālu phārusakañcā’’ti gāthābandhavasena rasso kato.
саалуугам̣ гумуд̣̇уббалаанам̣ паларасам̣. куд̣̇д̣̇асигкааван̣н̣анааяам̣ бана ‘‘саалуугабаанам̣ наама рад̇д̇уббаланийлуббалаад̣̇ийнам̣ гин̃ж̇агкарзн̣уухи гад̇абаана’’нд̇и вуд̇д̇ам̣. ‘‘паарусага’нд̇иаад̣̇ийсу зго ругко’’д̇и г̇ан̣тибад̣̇з вуд̇д̇ам̣. д̇асса паларасо паарусагам̣ наама. зд̇зсам̣ адтаннам̣ палаанам̣ расо уд̣̇агасамбхинно ваддад̇и, сийд̇уд̣̇агз мад̣̇д̣̇ид̇о басанно ниггасадова ваддад̇и, уд̣̇агзна бана асамбхинно расо яаавагаалиго.
Sālūkaṃ kumuduppalānaṃ phalarasaṃ. Khuddasikkhāvaṇṇanāyaṃ pana ‘‘sālūkapānaṃ nāma rattuppalanīluppalādīnaṃ kiñjakkhareṇūhi katapāna’’nti vuttaṃ. ‘‘Phārusaka’ntiādīsu eko rukkho’’ti gaṇṭhipade vuttaṃ. Tassa phalaraso phārusakaṃ nāma. Etesaṃ aṭṭhannaṃ phalānaṃ raso udakasambhinno vaṭṭati, sītudake maddito pasanno nikkasaṭova vaṭṭati, udakena pana asambhinno raso yāvakāliko.
2685. паланд̇и амб̣аад̣̇ипалам̣. савад̇т̇угабадиг̇г̇аход̇и баанавад̇т̇угаанам̣ палаанам̣ бадиг̇г̇ахо. васад̇и зд̇т̇а баананд̇и вад̇т̇у, палам̣, вад̇т̇унаа саха ваддад̇ийд̇и савад̇т̇угам̣, баанам̣, савад̇т̇угасса бадиг̇г̇ахо савад̇т̇угабадиг̇г̇ахо. савад̇т̇угасса бадиг̇г̇ахам̣ наама вад̇т̇убадиг̇г̇ахан̣амзваад̇и гад̇ваа вуд̇д̇ам̣ ‘‘баанавад̇т̇угаанам̣ палаанам̣ бадиг̇г̇ахо’’д̇и.
2685.Phalanti ambādiphalaṃ. Savatthukapaṭiggahoti pānavatthukānaṃ phalānaṃ paṭiggaho. Vasati ettha pānanti vatthu, phalaṃ, vatthunā saha vaṭṭatīti savatthukaṃ, pānaṃ, savatthukassa paṭiggaho savatthukapaṭiggaho. Savatthukassa paṭiggahaṃ nāma vatthupaṭiggahaṇamevāti katvā vuttaṃ ‘‘pānavatthukānaṃ phalānaṃ paṭiggaho’’ti.
2686. ‘‘сугоддзд̇ваа’’д̇и вужжамаанад̇д̇аа ‘‘амб̣абагга’’нд̇и аамагамзва амб̣апалам̣ вужжад̇и . уд̣̇агзд̇и сийд̇од̣̇агз. бариссавам̣ бариссаавид̇ам̣. гад̇ваад̇и мад̇хуаад̣̇ийхи абхисан̇карид̇ваа. яат̇ааха – ‘‘д̇ад̣̇ахубадиг̇г̇ахид̇зхи мад̇хусаггарагаббуураад̣̇ийхи яож̇зд̇ваа гаад̇аб̣б̣а’’нд̇и (махаава. адта. 300). баад̇ум̣ ваддад̇ийд̇и зд̇т̇а винижчаяо ‘‘звам̣ гад̇ам̣ бурзбхад̇д̇амзва габбад̇и, анубасамбаннзхи гад̇ам̣ лабхид̇ваа бана бурзбхад̇д̇ам̣ бадиг̇г̇ахид̇ам̣ бурзбхад̇д̇ам̣ саамисабарибхог̇знааби ваддад̇и, бажчаабхад̇д̇ам̣ нираамисабарибхог̇зна яаава арун̣уг̇г̇аманаа ваддад̇иязва. зса наяо саб̣б̣абаанзсуу’’д̇и адтагат̇ааяам̣ вуд̇д̇о.
2686. ‘‘Sukoṭṭetvā’’ti vuccamānattā ‘‘ambapakka’’nti āmakameva ambaphalaṃ vuccati . Udaketi sītodake. Parissavaṃ parissāvitaṃ. Katvāti madhuādīhi abhisaṅkharitvā. Yathāha – ‘‘tadahupaṭiggahitehi madhusakkarakappūrādīhi yojetvā kātabba’’nti (mahāva. aṭṭha. 300). Pātuṃ vaṭṭatīti ettha vinicchayo ‘‘evaṃ kataṃ purebhattameva kappati, anupasampannehi kataṃ labhitvā pana purebhattaṃ paṭiggahitaṃ purebhattaṃ sāmisaparibhogenāpi vaṭṭati, pacchābhattaṃ nirāmisaparibhogena yāva aruṇuggamanā vaṭṭatiyeva. Esa nayo sabbapānesū’’ti aṭṭhakathāyaṃ vutto.
2687. сзсабаанагзсубийд̇и ж̇амб̣убаанагаад̣̇ийсуби.
2687.Sesapānakesupīti jambupānakādīsupi.
2688. ужчурасо анд̇ог̇ад̇хад̇д̇аа ид̇ха вуд̇д̇о, на бана яаамагаалигад̇д̇аа, со бана сад̇д̇аахагаалигоязва.
2688. Ucchuraso antogadhattā idha vutto, na pana yāmakālikattā, so pana sattāhakālikoyeva.
2689. мад̇хугасса расанд̇и мад̇хугабубпасса расам̣. зд̇т̇а мад̇хугабубпарасо аг̇г̇ибааго ваа ход̇у аад̣̇ижжабааго ваа, бажчаабхад̇д̇ам̣ на ваддад̇и. бурзбхад̇д̇амби яам̣ баанам̣ г̇ахзд̇ваа маж̇ж̇ам̣ гаронд̇и, со аад̣̇ид̇о бадтааяа на ваддад̇и. мад̇хугабубпам̣ бана аллам̣ ваа сугкам̣ ваа бхаж̇ж̇ид̇ам̣ ваа д̇зна гад̇апаан̣ид̇ам̣ ваа яад̇о бадтааяа маж̇ж̇ам̣ на гаронд̇и, д̇ам̣ саб̣б̣ам̣ бурзбхад̇д̇ам̣ ваддад̇и.
2689.Madhukassa rasanti madhukapupphassa rasaṃ. Ettha madhukapuppharaso aggipāko vā hotu ādiccapāko vā, pacchābhattaṃ na vaṭṭati. Purebhattampi yaṃ pānaṃ gahetvā majjaṃ karonti, so ādito paṭṭhāya na vaṭṭati. Madhukapupphaṃ pana allaṃ vā sukkhaṃ vā bhajjitaṃ vā tena kataphāṇitaṃ vā yato paṭṭhāya majjaṃ na karonti, taṃ sabbaṃ purebhattaṃ vaṭṭati.
баггад̣аагарасанд̇и баггасса яаавагаалигасса расам̣. саб̣б̣о бад̇д̇арасо яаамагаалиго вуд̇д̇од̇и яож̇анаа. адтагат̇ааяам̣ ‘‘яаавагаалигабад̇д̇аанан̃хи бурзбхад̇д̇ам̣язва расо габбад̇ий’’д̇и (махаава. адта. 300) имамзва санд̇хааяа вуд̇д̇ам̣.
Pakkaḍākarasanti pakkassa yāvakālikassa rasaṃ. Sabbo pattaraso yāmakāliko vuttoti yojanā. Aṭṭhakathāyaṃ ‘‘yāvakālikapattānañhi purebhattaṃyeva raso kappatī’’ti (mahāva. aṭṭha. 300) imameva sandhāya vuttaṃ.
2690. саануломаанам̣ сад̇д̇аннам̣ д̇хан̃н̃аанам̣ палаж̇ам̣ расам̣ табзд̇ваа саб̣б̣о палаж̇о расо вигаалз яаамасан̃н̃ид̇з ануломад̇о барибхун̃ж̇ид̇ум̣ анун̃н̃аад̇од̇и яож̇анаа.
2690. Sānulomānaṃ sattannaṃ dhaññānaṃ phalajaṃ rasaṃ ṭhapetvā sabbo phalajo raso vikāle yāmasaññite anulomato paribhuñjituṃ anuññātoti yojanā.
2691. яаавагаалигабад̇д̇аанам̣ сийд̇уд̣̇агз мад̣̇д̣̇ид̇ваа гад̇о расоби абагго, аад̣̇ижжабаагоби вигаалз бана ваддад̇ийд̇и яож̇анаа.
2691. Yāvakālikapattānaṃ sītudake madditvā kato rasopi apakko, ādiccapākopi vikāle pana vaṭṭatīti yojanā.
2692-3. сад̇д̇ад̇хан̃н̃аануломаани саруубад̇о д̣̇ассзд̇умааха ‘‘д̇аалан̃жанаал̣игзран̃жаа’’д̇иаад̣̇и. абаран̣н̣ам̣ муг̇г̇аад̣̇и. ‘‘сад̇д̇ад̇хан̃н̃аануломига’’нд̇и иминаа зд̇зсам̣ расо яаавагаалиго яаамагааласан̇каад̇з вигаалз барибхун̃ж̇ид̇ум̣ на ваддад̇ийд̇и д̣̇ассзд̇и.
2692-3. Sattadhaññānulomāni sarūpato dassetumāha ‘‘tālañcanāḷikerañcā’’tiādi. Aparaṇṇaṃ muggādi. ‘‘Sattadhaññānulomika’’nti iminā etesaṃ raso yāvakāliko yāmakālasaṅkhāte vikāle paribhuñjituṃ na vaṭṭatīti dasseti.
2695. звамаад̣̇ийнам̣ куд̣̇д̣̇агаанам̣ палаанам̣ расо бана адтабаанаануломад̇д̇аа ануломигз яаамагаалигаануломигз нид̣̇д̣̇идто гат̇ид̇од̇и яож̇анаа.
2695. Evamādīnaṃ khuddakānaṃ phalānaṃ raso pana aṭṭhapānānulomattā anulomike yāmakālikānulomike niddiṭṭho kathitoti yojanā.
2696. ид̇ха имасмим̣ логз саануломасса д̇хан̃н̃асса палаж̇ам̣ расам̣ табзд̇ваа аяаамагаалиго ан̃н̃о паларасо над̇т̇ийд̇и яож̇анаа, саб̣б̣о яаамагаалигоязваад̇и д̣̇ийбзд̇и.
2696.Idha imasmiṃ loke sānulomassa dhaññassa phalajaṃ rasaṃ ṭhapetvā ayāmakāliko añño phalaraso natthīti yojanā, sabbo yāmakālikoyevāti dīpeti.
бхзсаж̇ж̇агканд̇хагагат̇ааван̣н̣анаа.
Bhesajjakkhandhakakathāvaṇṇanā.
