| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
3. бхзсаж̇ж̇асигкаабад̣̇ам̣
3. Bhesajjasikkhāpadaṃ
618. 1 д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа билинд̣̇аважчо рааж̇аг̇ахз баб̣бхаарам̣ сод̇хаабзд̇и лзн̣ам̣ гад̇д̇угаамо. ат̇а ко рааж̇аа мааг̇ад̇хо сзнияо б̣имб̣исааро язнааяасмаа билинд̣̇аважчо д̇знубасан̇гами; убасан̇гамид̇ваа ааяасманд̇ам̣ билинд̣̇аважчам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа мааг̇ад̇хо сзнияо б̣имб̣исааро ааяасманд̇ам̣ билинд̣̇аважчам̣ зд̇ад̣̇авожа – ‘‘гим̣, бханд̇з, т̇зро гаараабзд̇ий’’д̇и? ‘‘баб̣бхаарам̣ махаарааж̇а, сод̇хаабзми лзн̣ам̣ гад̇д̇угаамо’’д̇и. ‘‘ад̇т̇о, бханд̇з, аяяасса аараамигзнаа’’д̇и? ‘‘на ко, махаарааж̇а, бхаг̇авад̇аа аараамиго анун̃н̃аад̇о’’д̇и. ‘‘д̇зна хи, бханд̇з, бхаг̇аванд̇ам̣ бадибужчид̇ваа мама аарожзяяаат̇аа’’д̇и. ‘‘звам̣ махаарааж̇аа’’д̇и ко ааяасмаа билинд̣̇аважчо ран̃н̃о мааг̇ад̇хасса сзнияасса б̣имб̣исаарасса бажжассоси. ат̇а ко ааяасмаа билинд̣̇аважчо рааж̇аанам̣ мааг̇ад̇хам̣ сзнияам̣ б̣имб̣исаарам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко рааж̇аа мааг̇ад̇хо сзнияо б̣имб̣исааро ааяасмад̇аа билинд̣̇аважчзна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа ааяасманд̇ам̣ билинд̣̇аважчам̣ абхиваад̣̇зд̇ваа бад̣̇агкин̣ам̣ гад̇ваа баггаами.
618.2 Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā pilindavaccho rājagahe pabbhāraṃ sodhāpeti leṇaṃ kattukāmo. Atha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṃ pilindavacchaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro āyasmantaṃ pilindavacchaṃ etadavoca – ‘‘kiṃ, bhante, thero kārāpetī’’ti? ‘‘Pabbhāraṃ mahārāja, sodhāpemi leṇaṃ kattukāmo’’ti. ‘‘Attho, bhante, ayyassa ārāmikenā’’ti? ‘‘Na kho, mahārāja, bhagavatā ārāmiko anuññāto’’ti. ‘‘Tena hi, bhante, bhagavantaṃ paṭipucchitvā mama āroceyyāthā’’ti. ‘‘Evaṃ mahārājā’’ti kho āyasmā pilindavaccho rañño māgadhassa seniyassa bimbisārassa paccassosi. Atha kho āyasmā pilindavaccho rājānaṃ māgadhaṃ seniyaṃ bimbisāraṃ dhammiyā kathāya sandassesi samādapesi samuttejesi sampahaṃsesi. Atha kho rājā māgadho seniyo bimbisāro āyasmatā pilindavacchena dhammiyā kathāya sandassito samādapito samuttejito sampahaṃsito uṭṭhāyāsanā āyasmantaṃ pilindavacchaṃ abhivādetvā padakkhiṇaṃ katvā pakkāmi.
619. ат̇а ко ааяасмаа билинд̣̇аважчо бхаг̇авад̇о санд̇игз д̣̇ууд̇ам̣ баахзси – ‘‘рааж̇аа, бханд̇з , мааг̇ад̇хо сзнияо б̣имб̣исааро аараамигам̣ д̣̇аад̇угаамо. гат̇ам̣ ну ко, бханд̇з, маяаа бадибаж̇ж̇ид̇аб̣б̣а’’нд̇и? ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, аараамига’’нд̇и. д̣̇уд̇ияамби ко рааж̇аа мааг̇ад̇хо сзнияо б̣имб̣исааро язнааяасмаа билинд̣̇иважчо д̇знубасан̇гами; убасан̇гамид̇ваа ааяасманд̇ам̣ билинд̣̇аважчам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа мааг̇ад̇хо сзнияо б̣имб̣исааро ааяасманд̇ам̣ билинд̣̇аважчам̣ зд̇ад̣̇авожа – ‘‘анун̃н̃аад̇о, бханд̇з, бхаг̇авад̇аа аараамиго’’д̇и? ‘‘звам̣, махаарааж̇аа’’д̇и. ‘‘д̇зна хи, бханд̇з, аяяасса аараамигам̣ д̣̇аммий’’д̇и. ат̇а ко рааж̇аа мааг̇ад̇хо сзнияо б̣имб̣исааро ааяасмад̇о билинд̣̇аважчасса аараамигам̣ бадиссун̣ид̇ваа виссарид̇ваа жирзна сад̇им̣ бадилабхид̇ваа ан̃н̃ад̇арам̣ саб̣б̣ад̇т̇агам̣ махаамад̇д̇ам̣ ааманд̇зси – ‘‘яо маяаа, бхан̣з, аяяасса аараамиго бадиссуд̇о, д̣̇инно со аараамиго’’д̇и? ‘‘на ко, д̣̇зва, аяяасса аараамиго д̣̇инно’’д̇и. ‘‘гийважирам̣ ну ко, бхан̣з, ид̇о хи д̇ам̣ ход̇ий’’д̇и? ат̇а ко со махаамад̇д̇о рад̇д̇ияо г̇ан̣зд̇ваа 3 рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘бан̃жа, д̣̇зва, рад̇д̇исад̇ааний’’д̇и. ‘‘д̇зна хи, бхан̣з, аяяасса бан̃жа аараамигасад̇аани д̣̇зхий’’д̇и. ‘‘звам̣, д̣̇зваа’’д̇и ко со махаамад̇д̇о ран̃н̃о мааг̇ад̇хасса сзнияасса б̣имб̣исаарасса бадиссун̣ид̇ваа ааяасмад̇о билинд̣̇аважчасса бан̃жа аараамигасад̇аани баад̣̇ааси 4, баадиязгго г̇аамо нивиси. аараамигаг̇аамагод̇иби нам̣ аахам̣су, билинд̣̇аг̇аамагод̇иби нам̣ аахам̣су.
619. Atha kho āyasmā pilindavaccho bhagavato santike dūtaṃ pāhesi – ‘‘rājā, bhante , māgadho seniyo bimbisāro ārāmikaṃ dātukāmo. Kathaṃ nu kho, bhante, mayā paṭipajjitabba’’nti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ārāmika’’nti. Dutiyampi kho rājā māgadho seniyo bimbisāro yenāyasmā pilindivaccho tenupasaṅkami; upasaṅkamitvā āyasmantaṃ pilindavacchaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro āyasmantaṃ pilindavacchaṃ etadavoca – ‘‘anuññāto, bhante, bhagavatā ārāmiko’’ti? ‘‘Evaṃ, mahārājā’’ti. ‘‘Tena hi, bhante, ayyassa ārāmikaṃ dammī’’ti. Atha kho rājā māgadho seniyo bimbisāro āyasmato pilindavacchassa ārāmikaṃ paṭissuṇitvā vissaritvā cirena satiṃ paṭilabhitvā aññataraṃ sabbatthakaṃ mahāmattaṃ āmantesi – ‘‘yo mayā, bhaṇe, ayyassa ārāmiko paṭissuto, dinno so ārāmiko’’ti? ‘‘Na kho, deva, ayyassa ārāmiko dinno’’ti. ‘‘Kīvaciraṃ nu kho, bhaṇe, ito hi taṃ hotī’’ti? Atha kho so mahāmatto rattiyo gaṇetvā 5 rājānaṃ māgadhaṃ seniyaṃ bimbisāraṃ etadavoca – ‘‘pañca, deva, rattisatānī’’ti. ‘‘Tena hi, bhaṇe, ayyassa pañca ārāmikasatāni dehī’’ti. ‘‘Evaṃ, devā’’ti kho so mahāmatto rañño māgadhassa seniyassa bimbisārassa paṭissuṇitvā āyasmato pilindavacchassa pañca ārāmikasatāni pādāsi 6, pāṭiyekko gāmo nivisi. Ārāmikagāmakotipi naṃ āhaṃsu, pilindagāmakotipi naṃ āhaṃsu.
620. д̇зна ко бана самаязна ааяасмаа билинд̣̇аважчо д̇асмим̣ г̇аамагз гулуубаго ход̇и. ат̇а ко ааяасмаа билинд̣̇аважчо буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа билинд̣̇аг̇аамагам̣ бин̣д̣ааяа баависи. д̇зна ко бана самаязна д̇асмим̣ г̇аамагз уссаво ход̇и. д̣̇аарагаа алан̇гад̇аа маалаагид̇аа гийл̣анд̇и. ат̇а ко ааяасмаа билинд̣̇аважчо билинд̣̇аг̇аамагз сабад̣̇аанам̣ бин̣д̣ааяа жарамаано язна ан̃н̃ад̇арасса аараамигасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. д̇зна ко бана самаязна д̇ассаа аараамигинияаа д̇хийд̇аа ан̃н̃з д̣̇аарагз алан̇гад̇з маалаагид̇з бассид̇ваа род̣̇ад̇и – ‘‘маалам̣ мз д̣̇зт̇а, алан̇гаарам̣ мз д̣̇зт̇аа’’д̇и. ат̇а ко ааяасмаа билинд̣̇аважчо д̇ам̣ аараамигиним̣ зд̇ад̣̇авожа – ‘‘гиссааяам̣ д̣̇ааригаа род̣̇ад̇ий’’д̇и? ‘‘аяам̣, бханд̇з, д̣̇ааригаа ан̃н̃з д̣̇аарагз алан̇гад̇з маалаагид̇з бассид̇ваа род̣̇ад̇и – ‘маалам̣ мз д̣̇зт̇а, алан̇гаарам̣ мз д̣̇зт̇аа’д̇и. гуд̇о амхаагам̣ д̣̇уг̇г̇ад̇аанам̣ маалаа гуд̇о, алан̇гааро’’д̇и? ат̇а ко ааяасмаа билинд̣̇аважчо ан̃н̃ад̇арам̣ д̇ин̣ан̣д̣убагам̣ г̇ахзд̇ваа д̇ам̣ аараамигиним̣ зд̇ад̣̇авожа – ‘‘ханд̣̇имам̣ д̇ин̣ан̣д̣убагам̣ д̇ассаа д̣̇ааригааяа сийсз бадимун̃жаа’’д̇и. ат̇а ко саа аараамигиний д̇ам̣ д̇ин̣ан̣д̣убагам̣ г̇ахзд̇ваа д̇ассаа д̣̇ааригааяа сийсз бадимун̃жи. саа ахоси суван̣н̣амаалаа абхируубаа д̣̇ассанийяаа баасаад̣̇игаа. над̇т̇и д̇аад̣̇исаа ран̃н̃оби анд̇збурз суван̣н̣амаалаа. мануссаа ран̃н̃о мааг̇ад̇хасса сзнияасса б̣имб̣исаарасса аарожзсум̣ – ‘‘амугасса, д̣̇зва, аараамигасса гхарз суван̣н̣амаалаа абхируубаа д̣̇ассанийяаа баасаад̣̇игаа. над̇т̇и д̇аад̣̇исаа д̣̇звассааби анд̇збурз суван̣н̣амаалаа. гуд̇о д̇асса д̣̇уг̇г̇ад̇асса! ниссам̣саяам̣ жоригааяа аабхад̇аа’’д̇и!! ат̇а ко рааж̇аа мааг̇ад̇хо сзнияо б̣имб̣исааро д̇ам̣ аараамигагулам̣ б̣анд̇хаабзси. д̣̇уд̇ияамби ко ааяасмаа билинд̣̇аважчо буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа билинд̣̇аг̇аамагам̣ бин̣д̣ааяа баависи. билинд̣̇аг̇аамагз сабад̣̇аанам̣ бин̣д̣ааяа жарамаано язна д̇асса аараамигасса нивзсанам̣ д̇знубасан̇гами; убасан̇гамид̇ваа бадивиссагз бужчи – ‘‘гахам̣ имам̣ аараамигагулам̣ г̇ад̇а’’нд̇и? ‘‘зд̇иссаа, бханд̇з, суван̣н̣амаалааяа гааран̣аа ран̃н̃аа б̣анд̇хаабид̇а’’нд̇и.
620. Tena kho pana samayena āyasmā pilindavaccho tasmiṃ gāmake kulūpako hoti. Atha kho āyasmā pilindavaccho pubbaṇhasamayaṃ nivāsetvā pattacīvaraṃ ādāya pilindagāmakaṃ piṇḍāya pāvisi. Tena kho pana samayena tasmiṃ gāmake ussavo hoti. Dārakā alaṅkatā mālākitā kīḷanti. Atha kho āyasmā pilindavaccho pilindagāmake sapadānaṃ piṇḍāya caramāno yena aññatarassa ārāmikassa nivesanaṃ tenupasaṅkami; upasaṅkamitvā paññatte āsane nisīdi. Tena kho pana samayena tassā ārāmikiniyā dhītā aññe dārake alaṅkate mālākite passitvā rodati – ‘‘mālaṃ me detha, alaṅkāraṃ me dethā’’ti. Atha kho āyasmā pilindavaccho taṃ ārāmikiniṃ etadavoca – ‘‘kissāyaṃ dārikā rodatī’’ti? ‘‘Ayaṃ, bhante, dārikā aññe dārake alaṅkate mālākite passitvā rodati – ‘mālaṃ me detha, alaṅkāraṃ me dethā’ti. Kuto amhākaṃ duggatānaṃ mālā kuto, alaṅkāro’’ti? Atha kho āyasmā pilindavaccho aññataraṃ tiṇaṇḍupakaṃ gahetvā taṃ ārāmikiniṃ etadavoca – ‘‘handimaṃ tiṇaṇḍupakaṃ tassā dārikāya sīse paṭimuñcā’’ti. Atha kho sā ārāmikinī taṃ tiṇaṇḍupakaṃ gahetvā tassā dārikāya sīse paṭimuñci. Sā ahosi suvaṇṇamālā abhirūpā dassanīyā pāsādikā. Natthi tādisā raññopi antepure suvaṇṇamālā. Manussā rañño māgadhassa seniyassa bimbisārassa ārocesuṃ – ‘‘amukassa, deva, ārāmikassa ghare suvaṇṇamālā abhirūpā dassanīyā pāsādikā. Natthi tādisā devassāpi antepure suvaṇṇamālā. Kuto tassa duggatassa! Nissaṃsayaṃ corikāya ābhatā’’ti!! Atha kho rājā māgadho seniyo bimbisāro taṃ ārāmikakulaṃ bandhāpesi. Dutiyampi kho āyasmā pilindavaccho pubbaṇhasamayaṃ nivāsetvā pattacīvaraṃ ādāya pilindagāmakaṃ piṇḍāya pāvisi. Pilindagāmake sapadānaṃ piṇḍāya caramāno yena tassa ārāmikassa nivesanaṃ tenupasaṅkami; upasaṅkamitvā paṭivissake pucchi – ‘‘kahaṃ imaṃ ārāmikakulaṃ gata’’nti? ‘‘Etissā, bhante, suvaṇṇamālāya kāraṇā raññā bandhāpita’’nti.
621. ат̇а ко ааяасмаа билинд̣̇аважчо язна ран̃н̃о мааг̇ад̇хасса сзнияасса б̣имб̣исаарасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко рааж̇аа мааг̇ад̇хо сзнияо б̣имб̣исааро язнааяасмаа билинд̣̇аважчо д̇знубасан̇гами; убасан̇гамид̇ваа ааяасманд̇ам̣ билинд̣̇аважчам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко рааж̇аанам̣ мааг̇ад̇хам̣ сзнияам̣ б̣имб̣исаарам̣ ааяасмаа билинд̣̇аважчо зд̇ад̣̇авожа – ‘‘гисса, махаарааж̇а, аараамигагулам̣ б̣анд̇хаабид̇а’’нд̇и? ‘‘д̇асса, бханд̇з, аараамигасса гхарз суван̣н̣амаалаа абхируубаа д̣̇ассанийяаа баасаад̣̇игаа. над̇т̇и д̇аад̣̇исаа амхаагамби анд̇збурз суван̣н̣амаалаа. гуд̇о д̇асса д̣̇уг̇г̇ад̇асса! ниссам̣саяам̣ жоригааяа аабхад̇аа’’д̇и!! ат̇а ко ааяасмаа билинд̣̇аважчо ран̃н̃о мааг̇ад̇хасса сзнияасса б̣имб̣исаарасса баасаад̣̇ам̣ суван̣н̣анд̇и ад̇химужжи. со ахоси саб̣б̣асован̣н̣амаяо. ‘‘ид̣̇ам̣ бана д̇з, махаарааж̇а, д̇аава б̣ахум̣ суван̣н̣ам̣ гуд̇о’’д̇и? ‘‘ан̃н̃аад̇ам̣, бханд̇з, аяяассзвзсо ид̣̇д̇хаанубхааво’’д̇и. д̇ам̣ аараамигагулам̣ мун̃жаабзси. мануссаа – ‘‘аяязна гира билинд̣̇аважчзна сарааж̇игааяа барисааяа уд̇д̇аримануссад̇хаммам̣ ид̣̇д̇хибаадихаарияам̣ д̣̇ассид̇а’’нд̇и, ад̇д̇аманаа абхиббасаннаа ааяасмад̇о билинд̣̇аважчасса бан̃жа бхзсаж̇ж̇аани абхихарим̣су, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣. багад̇ияааби жа ааяасмаа билинд̣̇аважчо лаабхий ход̇и бан̃жаннам̣ бхзсаж̇ж̇аанам̣. лад̣̇д̇хам̣ лад̣̇д̇хам̣ барисааяа виссаж̇ж̇зд̇и. барисаа жасса ход̇и б̣аахуллигаа. лад̣̇д̇хам̣ лад̣̇д̇хам̣ голамб̣зби гхадзби буурзд̇ваа бадисаамзд̇и, бариссааванааниби т̇авигааяоби буурзд̇ваа ваад̇абаанзсу лаг̇г̇зд̇и. д̇аани олийнавилийнаани д̇идтанд̇и. унд̣̇уурзхиби вихаараа огин̣н̣авигин̣н̣аа хонд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘анд̇огодтааг̇ааригаа имз саман̣аа сагяабуд̇д̇ияаа, сзяяат̇ааби рааж̇аа мааг̇ад̇хо сзнияо б̣имб̣исааро’’д̇и ! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу зваруубааяа б̣аахуллааяа жзд̇зссанд̇ий’’д̇и! ат̇а ко д̇з бхигкуу д̇з анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, бхигкуу зваруубааяа б̣аахуллааяа жзд̇знд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа зваруубааяа б̣аахуллааяа жзд̇зссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
621. Atha kho āyasmā pilindavaccho yena rañño māgadhassa seniyassa bimbisārassa nivesanaṃ tenupasaṅkami; upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṃ pilindavacchaṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ māgadhaṃ seniyaṃ bimbisāraṃ āyasmā pilindavaccho etadavoca – ‘‘kissa, mahārāja, ārāmikakulaṃ bandhāpita’’nti? ‘‘Tassa, bhante, ārāmikassa ghare suvaṇṇamālā abhirūpā dassanīyā pāsādikā. Natthi tādisā amhākampi antepure suvaṇṇamālā. Kuto tassa duggatassa! Nissaṃsayaṃ corikāya ābhatā’’ti!! Atha kho āyasmā pilindavaccho rañño māgadhassa seniyassa bimbisārassa pāsādaṃ suvaṇṇanti adhimucci. So ahosi sabbasovaṇṇamayo. ‘‘Idaṃ pana te, mahārāja, tāva bahuṃ suvaṇṇaṃ kuto’’ti? ‘‘Aññātaṃ, bhante, ayyasseveso iddhānubhāvo’’ti. Taṃ ārāmikakulaṃ muñcāpesi. Manussā – ‘‘ayyena kira pilindavacchena sarājikāya parisāya uttarimanussadhammaṃ iddhipāṭihāriyaṃ dassita’’nti, attamanā abhippasannā āyasmato pilindavacchassa pañca bhesajjāni abhihariṃsu, seyyathidaṃ – sappi navanītaṃ telaṃ madhu phāṇitaṃ. Pakatiyāpi ca āyasmā pilindavaccho lābhī hoti pañcannaṃ bhesajjānaṃ. Laddhaṃ laddhaṃ parisāya vissajjeti. Parisā cassa hoti bāhullikā. Laddhaṃ laddhaṃ kolambepi ghaṭepi pūretvā paṭisāmeti, parissāvanānipi thavikāyopi pūretvā vātapānesu laggeti. Tāni olīnavilīnāni tiṭṭhanti. Undūrehipi vihārā okiṇṇavikiṇṇā honti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘antokoṭṭhāgārikā ime samaṇā sakyaputtiyā, seyyathāpi rājā māgadho seniyo bimbisāro’’ti ! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū evarūpāya bāhullāya cetessantī’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira, bhikkhave, bhikkhū evarūpāya bāhullāya cetentī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā evarūpāya bāhullāya cetessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
622. ‘‘яаани ко бана д̇аани г̇илаанаанам̣ бхигкуунам̣ бадисааяанийяаани бхзсаж̇ж̇аани, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣, д̇аани бадиг̇г̇ахзд̇ваа сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣аани. д̇ам̣ ад̇иггаамаяад̇о ниссаг̇г̇ияам̣ баажид̇д̇ияа’’нд̇и.
622.‘‘Yānikho pana tāni gilānānaṃ bhikkhūnaṃ paṭisāyanīyāni bhesajjāni, seyyathidaṃ – sappi navanītaṃ telaṃ madhu phāṇitaṃ, tāni paṭiggahetvā sattāhaparamaṃ sannidhikārakaṃ paribhuñjitabbāni. Taṃ atikkāmayato nissaggiyaṃ pācittiya’’nti.
623. яаани ко бана д̇аани г̇илаанаанам̣ бхигкуунам̣ бадисааяанийяаани бхзссаж̇ж̇аанийд̇и сабби наама г̇осабби ваа аж̇игаасабби ваа махим̣сасабби 7 ваа язсам̣ мам̣сам̣ габбад̇и д̇зсам̣ сабби. наванийд̇ам̣ наама д̇зсам̣ язва наванийд̇ам̣. д̇злам̣ наама д̇илад̇злам̣ саасабад̇злам̣ мад̇хугад̇злам̣ зран̣д̣ад̇злам̣ васаад̇злам̣. мад̇ху наама магкигаамад̇ху. паан̣ид̇ам̣ наама ужчумхаа ниб̣б̣ад̇д̇ам̣.
623.Yāni kho pana tāni gilānānaṃ bhikkhūnaṃ paṭisāyanīyāni bhessajjānīti sappi nāma gosappi vā ajikāsappi vā mahiṃsasappi 8 vā yesaṃ maṃsaṃ kappati tesaṃ sappi. Navanītaṃ nāma tesaṃ yeva navanītaṃ. Telaṃ nāma tilatelaṃ sāsapatelaṃ madhukatelaṃ eraṇḍatelaṃ vasātelaṃ. Madhu nāma makkhikāmadhu. Phāṇitaṃ nāma ucchumhā nibbattaṃ.
д̇аани бадиг̇г̇ахзд̇ваа сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣аанийд̇и сад̇д̇аахабарамад̇аа барибхун̃ж̇ид̇аб̣б̣аани.
Tāni paṭiggahetvā sattāhaparamaṃ sannidhikārakaṃ paribhuñjitabbānīti sattāhaparamatā paribhuñjitabbāni.
д̇ам̣ ад̇иггаамаяад̇о ниссаг̇г̇ияам̣ ход̇ийд̇и адтамз арун̣уг̇г̇аманз ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, бхзсаж̇ж̇ам̣ сад̇д̇аахаад̇игганд̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Taṃ atikkāmayato nissaggiyaṃhotīti aṭṭhame aruṇuggamane nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, bhesajjaṃ sattāhātikkantaṃ nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
624. сад̇д̇аахаад̇игганд̇з ад̇игганд̇асан̃н̃ий, ниссаг̇г̇ияам̣ баажид̇д̇ияам̣. сад̇д̇аахаад̇игганд̇з взмад̇иго, ниссаг̇г̇ияам̣ баажид̇д̇ияам̣. сад̇д̇аахаад̇игганд̇з анад̇игганд̇асан̃н̃ий, ниссаг̇г̇ияам̣ баажид̇д̇ияам̣. анад̇хидтид̇з ад̇хидтид̇асан̃н̃ий, ниссаг̇г̇ияам̣ баажид̇д̇ияам̣. ависсаж̇ж̇ид̇з виссаж̇ж̇ид̇асан̃н̃ий, ниссаг̇г̇ияам̣ баажид̇д̇ияам̣. анадтз надтасан̃н̃ий, ниссаг̇г̇ияам̣ баажид̇д̇ияам̣. авинадтз винадтасан̃н̃ий, ниссаг̇г̇ияам̣ баажид̇д̇ияам̣. ад̣̇ад̣дхз д̣̇ад̣дхасан̃н̃ий, ниссаг̇г̇ияам̣ баажид̇д̇ияам̣. авилуд̇д̇з вилуд̇д̇асан̃н̃ий, ниссаг̇г̇ияам̣ баажид̇д̇ияам̣.
624. Sattāhātikkante atikkantasaññī, nissaggiyaṃ pācittiyaṃ. Sattāhātikkante vematiko, nissaggiyaṃ pācittiyaṃ. Sattāhātikkante anatikkantasaññī, nissaggiyaṃ pācittiyaṃ. Anadhiṭṭhite adhiṭṭhitasaññī, nissaggiyaṃ pācittiyaṃ. Avissajjite vissajjitasaññī, nissaggiyaṃ pācittiyaṃ. Anaṭṭhe naṭṭhasaññī, nissaggiyaṃ pācittiyaṃ. Avinaṭṭhe vinaṭṭhasaññī, nissaggiyaṃ pācittiyaṃ. Adaḍḍhe daḍḍhasaññī, nissaggiyaṃ pācittiyaṃ. Avilutte viluttasaññī, nissaggiyaṃ pācittiyaṃ.
ниссадтам̣ бадилабхид̇ваа на гааяигзна барибхог̇зна барибхун̃ж̇ид̇аб̣б̣ам̣, на аж̇жхохарид̇аб̣б̣ам̣, бад̣̇ийбз ваа гаал̣аван̣н̣з ваа убанзд̇аб̣б̣ам̣, ан̃н̃зна бхигкунаа гааяигзна барибхог̇зна барибхун̃ж̇ид̇аб̣б̣ам̣, на аж̇жхохарид̇аб̣б̣ам̣.
Nissaṭṭhaṃ paṭilabhitvā na kāyikena paribhogena paribhuñjitabbaṃ, na ajjhoharitabbaṃ, padīpe vā kāḷavaṇṇe vā upanetabbaṃ, aññena bhikkhunā kāyikena paribhogena paribhuñjitabbaṃ, na ajjhoharitabbaṃ.
сад̇д̇аахаанад̇игганд̇з ад̇игганд̇асан̃н̃ий, аабад̇д̇и д̣̇уггадасса. сад̇д̇аахаанад̇игганд̇з взмад̇иго, аабад̇д̇и д̣̇уггадасса. сад̇д̇аахаанад̇игганд̇з анад̇игганд̇асан̃н̃ий, анаабад̇д̇и.
Sattāhānatikkante atikkantasaññī, āpatti dukkaṭassa. Sattāhānatikkante vematiko, āpatti dukkaṭassa. Sattāhānatikkante anatikkantasaññī, anāpatti.
625. анаабад̇д̇и анд̇осад̇д̇аахам̣ ад̇хидтзд̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, анубасамбаннасса жад̇д̇зна ванд̇зна муд̇д̇зна анабзгко д̣̇ад̇ваа бадилабхид̇ваа барибхун̃ж̇ад̇и, уммад̇д̇агасса, аад̣̇игаммигассаад̇и.
625. Anāpatti antosattāhaṃ adhiṭṭheti, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, anupasampannassa cattena vantena muttena anapekkho datvā paṭilabhitvā paribhuñjati, ummattakassa, ādikammikassāti.
бхзсаж̇ж̇асигкаабад̣̇ам̣ нидтид̇ам̣ д̇ад̇ияам̣.
Bhesajjasikkhāpadaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
