| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. бхзсаж̇ж̇асигкаабад̣̇аван̣н̣анаа
3. Bhesajjasikkhāpadavaṇṇanā
622. д̇ад̇ияасигкаабад̣̇з язсам̣ мам̣сам̣ габбад̇ийд̇и ид̣̇ам̣ ниссаг̇г̇ияавад̇т̇уд̣̇ассанад̇т̇ам̣ вуд̇д̇ам̣, на бана язсам̣ мам̣сам̣ на габбад̇и, д̇зсам̣ саббиаад̣̇ийни на габбанд̇ийд̇и д̣̇ассанад̇т̇ам̣. мануссакийраад̣̇ийниби хи но на габбанд̇и, гуд̇о сасасса саббийд̇и ааха ‘‘язсан̃хи кийрам̣ ад̇т̇и, саббиби д̇зсам̣ ад̇т̇иязваа’’д̇и. ‘‘ид̣̇ан̃жа язбхуяязна вуд̇д̇а’’нд̇и вад̣̇анд̇и. уг̇г̇ахид̇агам̣ гад̇ваа нигкид̇д̇анд̇и аббадиг̇г̇ахид̇ам̣ саяамзва г̇ахзд̇ваа нигкид̇д̇ам̣. саяам̣гад̇ам̣ нираамисамзва ваддад̇ийд̇и д̇ад̣̇ахубурзбхад̇д̇амзва санд̇хааяа вуд̇д̇ам̣. ат̇а саяам̣гад̇ам̣ нираамисам̣ бхун̃ж̇анд̇асса гасмаа саамам̣бааго на ход̇ийд̇и ааха – ‘‘наванийд̇ам̣ д̇аабзнд̇асса хи саамам̣бааго на ход̇ий’’д̇и. савад̇т̇угабадиг̇г̇ахид̇асса вад̇т̇уг̇ад̇игад̇д̇аа ааха – ‘‘савад̇т̇угасса бадиг̇г̇ахид̇ад̇д̇аа’’д̇и. бажчаабхад̇д̇ам̣ бадиг̇г̇ахид̇зхийд̇и бажчаабхад̇д̇ам̣ бадиг̇г̇ахид̇акийрад̣̇ад̇хийхи. бурзбхад̇д̇амби жа уг̇г̇ахид̇агзхи гад̇ам̣ аб̣бхан̃ж̇анаад̣̇ийсу убанзд̇аб̣б̣анд̇и самб̣анд̇хо. убхаязсамбийд̇и бажчаабхад̇д̇ам̣ бадиг̇г̇ахид̇акийрад̣̇ад̇хийхи жа бурзбхад̇д̇ам̣ уг̇г̇ахид̇агзхи жа гад̇аанам̣. зсзва наяод̇и ниссаг̇г̇ияам̣ ход̇ийд̇и ад̇т̇о. агаббияамам̣сасаббимхийд̇и агаббияамам̣сасад̇д̇аанам̣ саббимхи. гааран̣абад̇ируубагам̣ вад̇ваад̇и саж̇аад̇ияаанам̣ саббибхаавад̇од̇и гааран̣абад̇ируубагам̣ вад̇ваа.
622. Tatiyasikkhāpade yesaṃ maṃsaṃ kappatīti idaṃ nissaggiyavatthudassanatthaṃ vuttaṃ, na pana yesaṃ maṃsaṃ na kappati, tesaṃ sappiādīni na kappantīti dassanatthaṃ. Manussakhīrādīnipi hi no na kappanti, kuto sasassa sappīti āha ‘‘yesañhi khīraṃ atthi, sappipi tesaṃ atthiyevā’’ti. ‘‘Idañca yebhuyyena vutta’’nti vadanti. Uggahitakaṃ katvā nikkhittanti appaṭiggahitaṃ sayameva gahetvā nikkhittaṃ. Sayaṃkataṃ nirāmisameva vaṭṭatīti tadahupurebhattameva sandhāya vuttaṃ. Atha sayaṃkataṃ nirāmisaṃ bhuñjantassa kasmā sāmaṃpāko na hotīti āha – ‘‘navanītaṃ tāpentassa hi sāmaṃpāko na hotī’’ti. Savatthukapaṭiggahitassa vatthugatikattā āha – ‘‘savatthukassa paṭiggahitattā’’ti. Pacchābhattaṃ paṭiggahitehīti pacchābhattaṃ paṭiggahitakhīradadhīhi. Purebhattampi ca uggahitakehi kataṃ abbhañjanādīsu upanetabbanti sambandho. Ubhayesampīti pacchābhattaṃ paṭiggahitakhīradadhīhi ca purebhattaṃ uggahitakehi ca katānaṃ. Eseva nayoti nissaggiyaṃ hotīti attho. Akappiyamaṃsasappimhīti akappiyamaṃsasattānaṃ sappimhi. Kāraṇapatirūpakaṃ vatvāti sajātiyānaṃ sappibhāvatoti kāraṇapatirūpakaṃ vatvā.
саббинаязнзва взд̣̇ид̇аб̣б̣анд̇и нираамисамзва сад̇д̇аахам̣ ваддад̇ийд̇и ад̇т̇о. зд̇т̇аад̇и наванийд̇з. д̇ход̇ам̣ ваддад̇ийд̇и ад̇ход̇ам̣ жз, савад̇т̇угабадиг̇г̇ахид̇ам̣ ход̇и, д̇асмаа д̇ход̇ам̣ бадиг̇г̇ахзд̇ваа сад̇д̇аахам̣ нигкибид̇ум̣ ваддад̇ийд̇и т̇зраанам̣ ад̇хиббааяо. д̇аггад̇о уд̣̇д̇хадамад̇д̇амзва каад̣̇им̣сууд̇и зд̇т̇а д̇аггад̇о уд̣̇д̇хадамад̇д̇ам̣ ад̇ход̇амби бадиг̇г̇ахзд̇ваа барибхун̃ж̇анд̇аа д̇ховид̇ваа бажид̇ваа ваа барибхун̃ж̇им̣сууд̇и звамад̇т̇о г̇ахзд̇аб̣б̣о. т̇зрасса хи д̣̇ад̇хиг̇ул̣игаад̣̇исахид̇амби бадиг̇г̇ахид̇ам̣ бажчаа д̇ховид̇ваа бажид̇ваа ваа барибхун̃ж̇анд̇асса савад̇т̇угабадиг̇г̇ахан̣з д̣̇осо над̇т̇ийд̇и ад̇хиббааяо, д̇знзва т̇зрасса ад̇хиббааяам̣ д̣̇ассзнд̇зна ‘‘д̇асмаа наванийд̇ам̣ барибхун̃ж̇анд̇зна…бз… аяамзд̇т̇а ад̇хиббааяо’’д̇и вуд̇д̇ам̣. гзжи бана ‘‘д̇аггад̇о уд̣̇д̇хадамад̇д̇амзва каад̣̇им̣суу’’д̇и важанасса ад̇хиббааяам̣ аж̇аананд̇аа ‘‘д̇аггад̇о уд̣̇д̇хадамад̇д̇ам̣ ад̇ход̇амби д̣̇ад̇хиг̇ул̣игаад̣̇исахид̇ам̣ вигаалзби барибхун̃ж̇ид̇ум̣ ваддад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣. на хи д̣̇ад̇хиг̇ул̣игаад̣̇иаамисзна сам̣садтарасам̣ наванийд̇ам̣ барибхун̃ж̇ид̇ум̣ ваддад̇ийд̇и саггаа вад̇д̇ум̣. наванийд̇ам̣ барибхун̃ж̇анд̇знаад̇и ад̇ховид̇ваа бадиг̇г̇ахид̇анаванийд̇ам̣ барибхун̃ж̇анд̇зна. д̣̇ад̇хи зва д̣̇ад̇хиг̇ад̇ам̣ яат̇аа ‘‘г̇уут̇аг̇ад̇ам̣ муд̇д̇аг̇ад̇а’’нд̇и (ма. ни. 2.119). каяам̣ г̇амиссад̇ийд̇и важанад̇о кийрам̣ багкибид̇ваа баггасаббиаад̣̇иби вигаалз габбад̇ийд̇и взд̣̇ид̇аб̣б̣ам̣. гуггужжааяанд̇и гуггужжагаад̇и иминаа ад̇д̇анааби д̇ад̇т̇а гуггужжасаб̣бхаавам̣ д̣̇ийбзд̇и. д̇знзва маад̇игаадтагат̇ааяам̣ (ган̇каа. адта. бхзсаж̇ж̇асигкаабад̣̇аван̣н̣анаа) ‘‘ниб̣б̣аддид̇асабби ваа наванийд̇ам̣ ваа бажид̇ум̣ ваддад̇ий’’д̇и вуд̇д̇ам̣. д̇аани бадиг̇г̇ахзд̇ваад̇и д̇аани кийрад̣̇ад̇хийни бадиг̇г̇ахзд̇ваа.
Sappinayeneva veditabbanti nirāmisameva sattāhaṃ vaṭṭatīti attho. Etthāti navanīte. Dhotaṃ vaṭṭatīti adhotaṃ ce, savatthukapaṭiggahitaṃ hoti, tasmā dhotaṃ paṭiggahetvā sattāhaṃ nikkhipituṃ vaṭṭatīti therānaṃ adhippāyo. Takkato uddhaṭamattameva khādiṃsūti ettha takkato uddhaṭamattaṃ adhotampi paṭiggahetvā paribhuñjantā dhovitvā pacitvā vā paribhuñjiṃsūti evamattho gahetabbo. Therassa hi dadhiguḷikādisahitampi paṭiggahitaṃ pacchā dhovitvā pacitvā vā paribhuñjantassa savatthukapaṭiggahaṇe doso natthīti adhippāyo, teneva therassa adhippāyaṃ dassentena ‘‘tasmā navanītaṃ paribhuñjantena…pe… ayamettha adhippāyo’’ti vuttaṃ. Keci pana ‘‘takkato uddhaṭamattameva khādiṃsū’’ti vacanassa adhippāyaṃ ajānantā ‘‘takkato uddhaṭamattaṃ adhotampi dadhiguḷikādisahitaṃ vikālepi paribhuñjituṃ vaṭṭatī’’ti vadanti, taṃ na gahetabbaṃ. Na hi dadhiguḷikādiāmisena saṃsaṭṭharasaṃ navanītaṃ paribhuñjituṃ vaṭṭatīti sakkā vattuṃ. Navanītaṃ paribhuñjantenāti adhovitvā paṭiggahitanavanītaṃ paribhuñjantena. Dadhi eva dadhigataṃ yathā ‘‘gūthagataṃ muttagata’’nti (ma. ni. 2.119). Khayaṃ gamissatīti vacanato khīraṃ pakkhipitvā pakkasappiādipi vikāle kappatīti veditabbaṃ. Kukkuccāyanti kukkuccakāti iminā attanāpi tattha kukkuccasabbhāvaṃ dīpeti. Teneva mātikāṭṭhakathāyaṃ (kaṅkhā. aṭṭha. bhesajjasikkhāpadavaṇṇanā) ‘‘nibbaṭṭitasappi vā navanītaṃ vā pacituṃ vaṭṭatī’’ti vuttaṃ. Tāni paṭiggahetvāti tāni khīradadhīni paṭiggahetvā.
бадиг̇г̇ахзд̇ваа табид̇абхзсаж̇ж̇зхийд̇и бадиг̇г̇ахзд̇ваа табид̇аяааваж̇ийвигабхзсаж̇ж̇зхи. вуд̇д̇анаязна яат̇аа д̇ан̣д̣улаад̣̇ийни на бажжанд̇и, д̇ат̇аа лаж̇ж̇ийязва самбаад̣̇зд̇ваа д̣̇зд̇ийд̇и лаж̇ж̇ийсааман̣зраг̇г̇ахан̣ам̣, абижа алаж̇ж̇инаа аж̇жхохарид̇аб̣б̣ам̣ яам̣ гин̃жи абхисан̇караабзд̇ум̣ на ваддад̇и, д̇асмааби звамааха. д̇илз бадиг̇г̇ахзд̇ваа гад̇ад̇зланд̇и ад̇д̇анаа бхаж̇ж̇анаад̣̇ийни агад̇ваа г̇ахид̇ад̇злам̣. д̇знзва ‘‘саамисамби ваддад̇ий’’д̇и вуд̇д̇ам̣. ниб̣б̣аддид̇ад̇д̇аад̇и яаавагаалигавад̇т̇уд̇о вивзжид̇ад̇д̇аа. убхаяамбийд̇и ад̇д̇анаа жа барзна жа гад̇ам̣. яаава арун̣асса уг̇г̇аманаа д̇идтад̇и, ниссаг̇г̇ияанд̇и сад̇д̇амад̣̇ивасз гад̇ад̇злам̣ сажз яаава арун̣уг̇г̇аманаа д̇идтад̇и, ниссаг̇г̇ияам̣.
Paṭiggahetvā ṭhapitabhesajjehīti paṭiggahetvā ṭhapitayāvajīvikabhesajjehi. Vuttanayena yathā taṇḍulādīni na paccanti, tathā lajjīyeva sampādetvā detīti lajjīsāmaṇeraggahaṇaṃ, apica alajjinā ajjhoharitabbaṃ yaṃ kiñci abhisaṅkharāpetuṃ na vaṭṭati, tasmāpi evamāha. Tile paṭiggahetvā katatelanti attanā bhajjanādīni akatvā gahitatelaṃ. Teneva ‘‘sāmisampi vaṭṭatī’’ti vuttaṃ. Nibbaṭṭitattāti yāvakālikavatthuto vivecitattā. Ubhayampīti attanā ca parena ca kataṃ. Yāva aruṇassa uggamanā tiṭṭhati, nissaggiyanti sattamadivase katatelaṃ sace yāva aruṇuggamanā tiṭṭhati, nissaggiyaṃ.
623. ажчавасанд̇и д̣̇уггадавад̇т̇уно васааяа анун̃н̃аад̇ад̇д̇аа д̇ам̣сад̣̇исаанам̣ д̣̇уггадавад̇т̇уунам̣язва агаббияамам̣сасад̇д̇аанам̣ васаа анун̃н̃аад̇аа, на т̇уллажжаяавад̇т̇уунам̣ мануссаанам̣ васаад̇и ааха ‘‘табзд̇ваа мануссаваса’’нд̇и . сам̣садтанд̇и бариссаавид̇ам̣. ‘‘гаалз бадиг̇г̇ахид̇ам̣ вигаалз анубасамбаннзнаби ниббаггам̣ сам̣садтан̃жа барибхун̃ж̇анд̇асса д̣̇взби д̣̇уггадаани хонд̇иязваа’’д̇и вад̣̇анд̇и. яасмаа кийрад̣̇ад̇хиаад̣̇ийни багкибид̇ваа д̇злам̣ бажанд̇и, д̇асмаа гасадам̣ на ваддад̇и, д̇зламзва ваддад̇и. д̇зна вуд̇д̇ам̣ ‘‘баггад̇злагасадз вияа гуггужжааяад̇ий’’д̇и. ‘‘сажз васааяа сад̣̇д̇хим̣ баггад̇д̇аа на ваддад̇и, ид̣̇ам̣ гасмаа ваддад̇ий’’д̇и бужчанд̇аа ‘‘бханд̇з’’д̇иаад̣̇имаахам̣су. зд̇ам̣ ваддад̇ийд̇и нану зд̇ам̣ д̣̇ад̇хиг̇ул̣игаад̣̇ийхи баггам̣ наванийд̇ам̣ ваддад̇ийд̇и ад̇т̇о.
623.Acchavasanti dukkaṭavatthuno vasāya anuññātattā taṃsadisānaṃ dukkaṭavatthūnaṃyeva akappiyamaṃsasattānaṃ vasā anuññātā, na thullaccayavatthūnaṃ manussānaṃ vasāti āha ‘‘ṭhapetvā manussavasa’’nti . Saṃsaṭṭhanti parissāvitaṃ. ‘‘Kāle paṭiggahitaṃ vikāle anupasampannenapi nippakkaṃ saṃsaṭṭhañca paribhuñjantassa dvepi dukkaṭāni hontiyevā’’ti vadanti. Yasmā khīradadhiādīni pakkhipitvā telaṃ pacanti, tasmā kasaṭaṃ na vaṭṭati, telameva vaṭṭati. Tena vuttaṃ ‘‘pakkatelakasaṭe viya kukkuccāyatī’’ti. ‘‘Sace vasāya saddhiṃ pakkattā na vaṭṭati, idaṃ kasmā vaṭṭatī’’ti pucchantā ‘‘bhante’’tiādimāhaṃsu. Etaṃ vaṭṭatīti nanu etaṃ dadhiguḷikādīhi pakkaṃ navanītaṃ vaṭṭatīti attho.
‘‘мад̇хугарийхи наама мад̇хумагкигаахийд̇и аяам̣ куд̣̇д̣̇агамагкигаанам̣ бхамарамагкигаанан̃жа сааман̃н̃анид̣̇д̣̇зсо’’д̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘д̣̇ан̣д̣агзсу мад̇хугараа мад̇хугарий магкигаа наамаа’’д̇и вад̇ваа ‘‘д̇аахи мад̇хугарийаад̣̇ийхи д̇ийхи магкигаахи гад̇ам̣ мад̇ху наамаа’’д̇и вад̣̇анд̇и. бхамарамагкигаахийд̇и махаабхамарамагкигаахи. силзсасад̣̇исанд̇и гханабаггам̣ вуд̇д̇ам̣. ид̇аранд̇и д̇анугамад̇ху. мад̇хубадаланд̇и мад̇хурахид̇ам̣ гзвалам̣ мад̇хубадалам̣. ‘‘сажз мад̇хусахид̇ам̣ бадалам̣ бадиг̇г̇ахзд̇ваа нигкибанд̇и, бадаласса бхааж̇анадтаанияад̇д̇аа мад̇хуно васзна сад̇д̇аахаад̇иггамз ниссаг̇г̇ияам̣ ход̇ий’’д̇и вад̣̇анд̇и, ‘‘мад̇хумагкид̇ам̣ бана мад̇хуг̇ад̇игамзваа’’д̇и иминаа д̇ам̣ на самзд̇и.
‘‘Madhukarīhi nāma madhumakkhikāhīti ayaṃ khuddakamakkhikānaṃ bhamaramakkhikānañca sāmaññaniddeso’’ti tīsupi gaṇṭhipadesu vuttaṃ. Keci pana ‘‘daṇḍakesu madhukarā madhukarī makkhikā nāmā’’ti vatvā ‘‘tāhi madhukarīādīhi tīhi makkhikāhi kataṃ madhu nāmā’’ti vadanti. Bhamaramakkhikāhīti mahābhamaramakkhikāhi. Silesasadisanti ghanapakkaṃ vuttaṃ. Itaranti tanukamadhu. Madhupaṭalanti madhurahitaṃ kevalaṃ madhupaṭalaṃ. ‘‘Sace madhusahitaṃ paṭalaṃ paṭiggahetvā nikkhipanti, paṭalassa bhājanaṭṭhāniyattā madhuno vasena sattāhātikkame nissaggiyaṃ hotī’’ti vadanti, ‘‘madhumakkhitaṃ pana madhugatikamevā’’ti iminā taṃ na sameti.
‘‘паан̣ид̇ам̣ наама ужчумхаа ниб̣б̣ад̇д̇а’’нд̇и баал̣ияам̣ ависзсзна вуд̇д̇ад̇д̇аа адтагат̇ааяан̃жа ‘‘ужчурасам̣ убаад̣̇ааяа…бз… авад̇т̇угаа ужчувигад̇и ‘паан̣ид̇а’нд̇и взд̣̇ид̇аб̣б̣аа’’д̇и важанад̇о ужчурасоби ниггасадо сад̇д̇аахагаалигод̇и взд̣̇ид̇аб̣б̣о. гзнажи бана ‘‘мад̇хумхи жад̇д̇ааро гаалигаа яат̇аасамбхавам̣ яож̇зд̇аб̣б̣аа, ужчумхи жаа’’д̇и вад̇ваа ‘‘самагкиган̣д̣асзл̣агам̣ яаавагаалигам̣, анзл̣агам̣ уд̣̇агасамбхиннам̣ яаамагаалигам̣, асамбхиннам̣ сад̇д̇аахагаалигам̣, мад̇хусид̇т̇ам̣ барисуд̣̇д̇хам̣ яааваж̇ийвигам̣, д̇ат̇аа ужчу ваа расо ваа сагасадо яаавагаалиго, ниггасадо уд̣̇агасамбхинно яаамагаалиго, асамбхинно сад̇д̇аахагаалиго, суд̣̇д̇хагасадам̣ яааваж̇ийвига’’нд̇и жа вад̇ваа уд̇д̇ариби б̣ахуд̇хаа бабан̃жид̇ам̣. д̇ад̇т̇а ‘‘уд̣̇агасамбхиннам̣ мад̇ху ваа ужчурасо ваа уд̣̇агасамбхинно яаамагаалиго’’д̇и ид̣̇ам̣ нзва баал̣ияам̣, на адтагат̇ааяам̣ д̣̇иссад̇и. ‘‘яаавагаалигам̣ самаанам̣ г̇аруд̇арамби муд̣̇д̣̇игааж̇аад̇ирасам̣ ад̇д̇анаа сам̣садтам̣ лахугам̣ яаамагаалигабхаавам̣ убанзнд̇ам̣ уд̣̇агам̣ лахуд̇арам̣ сад̇д̇аахагаалигам̣ ад̇д̇анаа сам̣садтам̣ г̇аруд̇арам̣ яаамагаалигабхаавам̣ убанзд̇ий’’д̇и зд̇т̇а гааран̣ам̣ соязва бужчид̇аб̣б̣о, саб̣б̣ад̇т̇а баал̣ияам̣ адтагат̇ааяан̃жа уд̣̇агасамбхзд̣̇зна г̇аруд̇арассаби лахубхаавобаг̇аманам̣язва д̣̇ассид̇ам̣. баал̣ияамби хи ‘‘ануж̇аанаами, бхигкавз, г̇илаанасса г̇ул̣ам̣, аг̇илаанасса г̇ул̣од̣̇ага’’нд̇и (махаава. 284) вад̣̇анд̇зна аг̇илаанзна барибхун̃ж̇ид̇ум̣ аяуд̇д̇оби г̇ул̣о уд̣̇агасамбхинно аг̇илаанассаби ваддад̇ийд̇и анун̃н̃аад̇о.
‘‘Phāṇitaṃ nāma ucchumhā nibbatta’’nti pāḷiyaṃ avisesena vuttattā aṭṭhakathāyañca ‘‘ucchurasaṃ upādāya…pe… avatthukā ucchuvikati ‘phāṇita’nti veditabbā’’ti vacanato ucchurasopi nikkasaṭo sattāhakālikoti veditabbo. Kenaci pana ‘‘madhumhi cattāro kālikā yathāsambhavaṃ yojetabbā, ucchumhi cā’’ti vatvā ‘‘samakkhikaṇḍaseḷakaṃ yāvakālikaṃ, aneḷakaṃ udakasambhinnaṃ yāmakālikaṃ, asambhinnaṃ sattāhakālikaṃ, madhusitthaṃ parisuddhaṃ yāvajīvikaṃ, tathā ucchu vā raso vā sakasaṭo yāvakāliko, nikkasaṭo udakasambhinno yāmakāliko, asambhinno sattāhakāliko, suddhakasaṭaṃ yāvajīvika’’nti ca vatvā uttaripi bahudhā papañcitaṃ. Tattha ‘‘udakasambhinnaṃ madhu vā ucchuraso vā udakasambhinno yāmakāliko’’ti idaṃ neva pāḷiyaṃ, na aṭṭhakathāyaṃ dissati. ‘‘Yāvakālikaṃ samānaṃ garutarampi muddikājātirasaṃ attanā saṃsaṭṭhaṃ lahukaṃ yāmakālikabhāvaṃ upanentaṃ udakaṃ lahutaraṃ sattāhakālikaṃ attanā saṃsaṭṭhaṃ garutaraṃ yāmakālikabhāvaṃ upanetī’’ti ettha kāraṇaṃ soyeva pucchitabbo, sabbattha pāḷiyaṃ aṭṭhakathāyañca udakasambhedena garutarassapi lahubhāvopagamanaṃyeva dassitaṃ. Pāḷiyampi hi ‘‘anujānāmi, bhikkhave, gilānassa guḷaṃ, agilānassa guḷodaka’’nti (mahāva. 284) vadantena agilānena paribhuñjituṃ ayuttopi guḷo udakasambhinno agilānassapi vaṭṭatīti anuññāto.
яамби жа ‘‘ужчу жз яаавагаалиго, ужчурасо жз яаамагаалиго, паан̣ид̇ам̣ жз сад̇д̇аахагаалигам̣, д̇ажо жз яааваж̇ийвиго’’д̇и адтагат̇ааважанам̣ д̣̇ассзд̇ваа ‘‘ужчурасо уд̣̇агасамбхинно яаамагаалиго’’д̇и ан̃н̃зна гзнажи вуд̇д̇ам̣, д̇амби д̇ат̇аавид̇хасса адтагат̇ааважанасса имиссаа саманд̇абаасаад̣̇игааяа винаяадтагат̇ааяа абхаавад̇о на саарад̇о бажжзд̇аб̣б̣ам̣. д̇ад̇оязва жа ‘‘ужчурасо уд̣̇агзна самбхинноби асамбхинноби сад̇д̇аахагаалигоязваа’’д̇и гзжи аажарияаа вад̣̇анд̇и. бхзсаж̇ж̇агканд̇хагз жа ‘‘ануж̇аанаами, бхигкавз, ужчураса’’нд̇и (махаава. 300) зд̇т̇а д̇ийсуби г̇ан̣тибад̣̇зсу ависзсзна вуд̇д̇ам̣ ‘‘ужчурасо сад̇д̇аахагаалиго’’д̇и.
Yampi ca ‘‘ucchu ce yāvakāliko, ucchuraso ce yāmakāliko, phāṇitaṃ ce sattāhakālikaṃ, taco ce yāvajīviko’’ti aṭṭhakathāvacanaṃ dassetvā ‘‘ucchuraso udakasambhinno yāmakāliko’’ti aññena kenaci vuttaṃ, tampi tathāvidhassa aṭṭhakathāvacanassa imissā samantapāsādikāya vinayaṭṭhakathāya abhāvato na sārato paccetabbaṃ. Tatoyeva ca ‘‘ucchuraso udakena sambhinnopi asambhinnopi sattāhakālikoyevā’’ti keci ācariyā vadanti. Bhesajjakkhandhake ca ‘‘anujānāmi, bhikkhave, ucchurasa’’nti (mahāva. 300) ettha tīsupi gaṇṭhipadesu avisesena vuttaṃ ‘‘ucchuraso sattāhakāliko’’ti.
саяам̣гад̇ам̣ нираамисамзва ваддад̇ийд̇и зд̇т̇а абариссаавид̇ам̣ бадиг̇г̇ахид̇амби гаран̣асамаяз бариссаавзд̇ваа гасадам̣ абанзд̇ваава ад̇д̇анаа гад̇анд̇и г̇ахзд̇аб̣б̣ам̣. жхаамаужчупаан̣ид̇анд̇и аг̇г̇инаа д̣̇ад̣дхз ужчукзд̇д̇з жхаамаужчунаа гад̇апаан̣ид̇ам̣. годдид̇аужчупаан̣ид̇анд̇и куд̣̇д̣̇аанукуд̣̇д̣̇агам̣ чинд̣̇ид̇ваа годдзд̇ваа ниббийл̣зд̇ваа баггам̣ язбхуяязна жа сагасадам̣ паан̣ид̇ам̣. д̇аад̣̇исасса жа гасадасса аб̣б̣охааригад̇д̇аа ‘‘д̇ам̣ яуд̇д̇а’’нд̇и вуд̇д̇ам̣. сийд̇уд̣̇агзна гад̇анд̇и мад̇хугабубпаани сийд̇од̣̇агз багкибид̇ваа мад̣̇д̣̇ид̇ваа бубпарасз уд̣̇агаг̇ад̇з сад̇и д̇ам̣ уд̣̇агам̣ г̇ахзд̇ваа бажид̇ваа гад̇апаан̣ид̇ам̣. кийрам̣ багкибид̇ваа гад̇ам̣ мад̇хугапаан̣ид̇ам̣ яаавагаалиганд̇и зд̇т̇а кийрам̣ багкибид̇ваа баггад̇злам̣ гасмаа вигаалз ваддад̇ийд̇и жз? д̇злз багкид̇д̇акийрам̣ д̇зламзва ход̇и, ан̃н̃ам̣ бана кийрам̣ багкибид̇ваа гад̇ам̣ кийрабхаавам̣ г̇ан̣хаад̇ийд̇и ид̣̇амзд̇т̇а гааран̣ам̣. яад̣̇и звам̣ кан̣д̣асагкарамби кийрам̣ багкибид̇ваа гаронд̇и, д̇ам̣ гасмаа ваддад̇ийд̇и ааха ‘‘кан̣д̣асагкарам̣ банаа’’д̇иаад̣̇и. д̇ад̇т̇а кийраж̇аллиганд̇и кийрапзн̣ам̣.
Sayaṃkataṃ nirāmisameva vaṭṭatīti ettha aparissāvitaṃ paṭiggahitampi karaṇasamaye parissāvetvā kasaṭaṃ apanetvāva attanā katanti gahetabbaṃ. Jhāmaucchuphāṇitanti agginā daḍḍhe ucchukhette jhāmaucchunā kataphāṇitaṃ. Koṭṭitaucchuphāṇitanti khuddānukhuddakaṃ chinditvā koṭṭetvā nippīḷetvā pakkaṃ yebhuyyena ca sakasaṭaṃ phāṇitaṃ. Tādisassa ca kasaṭassa abbohārikattā ‘‘taṃ yutta’’nti vuttaṃ. Sītudakena katanti madhukapupphāni sītodake pakkhipitvā madditvā puppharase udakagate sati taṃ udakaṃ gahetvā pacitvā kataphāṇitaṃ. Khīraṃ pakkhipitvā kataṃ madhukaphāṇitaṃ yāvakālikanti ettha khīraṃ pakkhipitvā pakkatelaṃ kasmā vikāle vaṭṭatīti ce? Tele pakkhittakhīraṃ telameva hoti, aññaṃ pana khīraṃ pakkhipitvā kataṃ khīrabhāvaṃ gaṇhātīti idamettha kāraṇaṃ. Yadi evaṃ khaṇḍasakkharampi khīraṃ pakkhipitvā karonti, taṃ kasmā vaṭṭatīti āha ‘‘khaṇḍasakkharaṃ panā’’tiādi. Tattha khīrajallikanti khīrapheṇaṃ.
бхзсаж̇ж̇од̣̇иссам̣ д̣̇ассзнд̇зна ‘‘сад̇д̇авид̇хан̃хи од̣̇иссам̣ наамаа’’д̇иаад̣̇инаа ид̇арааниби ад̇т̇уд̣̇д̇хааравасзна вуд̇д̇аани. вигадаанийд̇и абагад̇ибхзсаж̇ж̇ад̇д̇аа вигадаани, вируубаанийд̇и ад̇т̇о. д̣̇уггадавад̇т̇уунамби агаббияамам̣саанам̣ васааяа анун̃н̃аад̇ад̇д̇аа ‘‘васод̣̇исса’’нд̇и вуд̇д̇ам̣. ол̣ааригаанамби аахаарад̇т̇ам̣ парид̇ум̣ самад̇т̇аанам̣ саббиаад̣̇ийнам̣ бхзсаж̇ж̇анаамзна анун̃н̃аад̇ад̇д̇аа ‘‘бхзсаж̇ж̇од̣̇исса’’нд̇и вуд̇д̇ам̣ . ‘‘бажчаабхад̇д̇ад̇о бадтааяа сад̇и бажжаязд̇и вуд̇д̇ад̇д̇аа бадиг̇г̇ахид̇абхзсаж̇ж̇аани д̣̇уд̇ияад̣̇ивасад̇о бадтааяа бурзбхад̇д̇амби сад̇и бажжаяз барибхун̃ж̇ид̇аб̣б̣аани, на аахаарад̇т̇ам̣ бхзсаж̇ж̇ад̇т̇ааяа бадиг̇г̇ахид̇ад̇д̇аа’’д̇и вад̣̇анд̇и.
Bhesajjodissaṃ dassentena ‘‘sattavidhañhi odissaṃ nāmā’’tiādinā itarānipi atthuddhāravasena vuttāni. Vikaṭānīti apakatibhesajjattā vikaṭāni, virūpānīti attho. Dukkaṭavatthūnampi akappiyamaṃsānaṃ vasāya anuññātattā ‘‘vasodissa’’nti vuttaṃ. Oḷārikānampi āhāratthaṃ pharituṃ samatthānaṃ sappiādīnaṃ bhesajjanāmena anuññātattā ‘‘bhesajjodissa’’nti vuttaṃ . ‘‘Pacchābhattato paṭṭhāya sati paccayeti vuttattā paṭiggahitabhesajjāni dutiyadivasato paṭṭhāya purebhattampi sati paccaye paribhuñjitabbāni, na āhāratthaṃ bhesajjatthāya paṭiggahitattā’’ti vadanti.
624. д̣̇ваараваад̇абаанагаваадзсууд̇и махаад̣̇ваарасса ваад̇абаанаанан̃жа гаваадапалагзсу. гасаавз багкид̇д̇аани д̇аани ад̇д̇ано сабхаавам̣ барижжаж̇анд̇и, д̇асмаа ‘‘магкзд̇аб̣б̣ааний’’д̇и вуд̇д̇ам̣, гхун̣абаан̣агаад̣̇ибарихаарад̇т̇ам̣ магкзд̇аб̣б̣аанийд̇и ад̇т̇о. ад̇хидтзд̇ийд̇и ‘‘ид̣̇аани маяхам̣ аж̇жхохаран̣ийяам̣ на бхависсад̇и , б̣аахирабарибхог̇ад̇т̇ааяа г̇амиссад̇ий’’д̇и жид̇д̇ам̣ уббаад̣̇зд̇ийд̇и ад̇т̇о. д̇знзвааха – ‘‘саббин̃жа д̇злан̃жа васан̃жа муд̣̇д̇хани д̇злам̣ ваа аб̣бхан̃ж̇анам̣ ваа’’д̇иаад̣̇и. ‘‘звам̣ ад̇хидтид̇ан̃жа бадиг̇г̇ахан̣ам̣ виж̇ахад̇ий’’д̇и вад̣̇анд̇и.
624.Dvāravātapānakavāṭesūti mahādvārassa vātapānānañca kavāṭaphalakesu. Kasāve pakkhittāni tāni attano sabhāvaṃ pariccajanti, tasmā ‘‘makkhetabbānī’’ti vuttaṃ, ghuṇapāṇakādiparihāratthaṃ makkhetabbānīti attho. Adhiṭṭhetīti ‘‘idāni mayhaṃ ajjhoharaṇīyaṃ na bhavissati , bāhiraparibhogatthāya gamissatī’’ti cittaṃ uppādetīti attho. Tenevāha – ‘‘sappiñca telañca vasañca muddhani telaṃ vā abbhañjanaṃ vā’’tiādi. ‘‘Evaṃ adhiṭṭhitañca paṭiggahaṇaṃ vijahatī’’ti vadanti.
625. сажз д̣̇виннам̣ санд̇агам̣ згзна бадиг̇г̇ахид̇ам̣ авибхад̇д̇ам̣ ход̇и, барибхун̃ж̇ид̇ум̣ бана на ваддад̇ийд̇и зд̇т̇а маж̇жхз баато барихийно, звам̣ банзд̇т̇а баато взд̣̇ид̇аб̣б̣о ‘‘сажз д̣̇виннам̣ санд̇агам̣ згзна бадиг̇г̇ахид̇ам̣ авибхад̇д̇ам̣ ход̇и, сад̇д̇аахаад̇иггамз д̣̇виннамби анаабад̇д̇и, барибхун̃ж̇ид̇ум̣ бана на ваддад̇ий’’д̇и. ан̃н̃ат̇аа бана сад̣̇д̣̇аббаяог̇оби на сан̇г̇ажчад̇и. г̇ан̣тибад̣̇зби жа аяамзва баато д̣̇ассид̇о. д̇ад̇т̇а д̣̇виннамби анаабад̇д̇ийд̇и яат̇аа ан̃н̃асса санд̇агам̣ згзна бадиг̇г̇ахид̇ам̣ сад̇д̇аахаад̇иггамзна ниссаг̇г̇ияам̣ на ход̇и барасанд̇агабхаавад̇о, звамид̣̇амби авибхад̇д̇ад̇д̇аа убхаяасаад̇хааран̣амби авиниб̣бхог̇абхаавад̇о ниссаг̇г̇ияам̣ на ход̇ийд̇и ад̇хиббааяо. барибхун̃ж̇ид̇ум̣ бана на ваддад̇ийд̇и бхигкунаа бадиг̇г̇ахид̇ад̇д̇аа сад̇д̇аахаад̇иггамз яасса гассажи бхигкуно барибхун̃ж̇ид̇ум̣ на ваддад̇и бадиг̇г̇ахид̇асаббиаад̣̇ийнам̣ барибхог̇асса сад̇д̇аахзнзва барижчиннад̇д̇аа. ‘‘д̇аани бадиг̇г̇ахзд̇ваа сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣ааний’’д̇и хи вуд̇д̇ам̣. г̇ан̣тибад̣̇зсу бана д̇ийсуби ид̇ха баатасса барихийнабхаавам̣ асаллагкзд̇ваа ‘‘барибхун̃ж̇ид̇ум̣ бана на ваддад̇ийд̇и ид̣̇ам̣ анд̇осад̇д̇аахз барибхог̇ам̣ санд̇хааяа вуд̇д̇анд̇и сан̃н̃ааяа виссаасаг̇г̇аахаабхаавад̇о барибхун̃ж̇ид̇ум̣ на ваддад̇ий’’д̇и звамад̇т̇о вуд̇д̇о, со на г̇ахзд̇аб̣б̣о.
625.Sace dvinnaṃ santakaṃ ekena paṭiggahitaṃ avibhattaṃ hoti, paribhuñjituṃ pana na vaṭṭatīti ettha majjhe pāṭho parihīno, evaṃ panettha pāṭho veditabbo ‘‘sace dvinnaṃ santakaṃ ekena paṭiggahitaṃ avibhattaṃ hoti, sattāhātikkame dvinnampi anāpatti, paribhuñjituṃ pana na vaṭṭatī’’ti. Aññathā pana saddappayogopi na saṅgacchati. Gaṇṭhipadepi ca ayameva pāṭho dassito. Tattha dvinnampi anāpattīti yathā aññassa santakaṃ ekena paṭiggahitaṃ sattāhātikkamena nissaggiyaṃ na hoti parasantakabhāvato, evamidampi avibhattattā ubhayasādhāraṇampi avinibbhogabhāvato nissaggiyaṃ na hotīti adhippāyo. Paribhuñjituṃ pana na vaṭṭatīti bhikkhunā paṭiggahitattā sattāhātikkame yassa kassaci bhikkhuno paribhuñjituṃ na vaṭṭati paṭiggahitasappiādīnaṃ paribhogassa sattāheneva paricchinnattā. ‘‘Tāni paṭiggahetvā sattāhaparamaṃ sannidhikārakaṃ paribhuñjitabbānī’’ti hi vuttaṃ. Gaṇṭhipadesu pana tīsupi idha pāṭhassa parihīnabhāvaṃ asallakkhetvā ‘‘paribhuñjituṃ pana na vaṭṭatīti idaṃ antosattāhe paribhogaṃ sandhāya vuttanti saññāya vissāsaggāhābhāvato paribhuñjituṃ na vaṭṭatī’’ti evamattho vutto, so na gahetabbo.
аавусо, имам̣ д̇злам̣ сад̇д̇аахамад̇д̇ам̣ барибхун̃ж̇а д̇ванд̇и иминаа язна бадиг̇г̇ахид̇ам̣, д̇зна анд̇осад̇д̇аахзязва барасса виссаж̇ж̇ид̇абхаавам̣ д̣̇ассзд̇и. гасса аабад̇д̇ийд̇и батамам̣ д̇аава убхиннам̣ саад̇хааран̣ад̇д̇аа анаабад̇д̇и вуд̇д̇аа. ид̣̇аани бана згзна ид̇арасса виссадтабхаавад̇о убхаяасаад̇хааран̣ад̇аа над̇т̇ийд̇и вибхад̇д̇асад̣̇исам̣ худ̇ваа тид̇ам̣, д̇асмаа зд̇т̇а бадиг̇г̇ахид̇асса сад̇д̇аахаад̇иггамз згасса аабад̇д̇ияаа бхавид̇аб̣б̣анд̇и ман̃н̃амаано ‘‘гим̣ бадиг̇г̇ахан̣абажжаяаа бадиг̇г̇аахагасса аабад̇д̇и, уд̣̇ааху яасса санд̇агам̣ ж̇аад̇ам̣, д̇ассаа’’д̇и бужчад̇и. ниссадтабхаавад̇оязва жа ид̇ха ‘‘авибхад̇д̇абхаавад̇о’’д̇и гааран̣ам̣ авад̇ваа ‘‘язна бадиг̇г̇ахид̇ам̣, д̇зна виссаж̇ж̇ид̇ад̇д̇аа’’д̇и вуд̇д̇ам̣. ид̣̇ан̃жа виссадтабхаавад̇о убхаяасаад̇хааран̣ад̇ам̣ бахааяа згасса санд̇агам̣ хонд̇амби язна бадиг̇г̇ахид̇ам̣, д̇ад̇о ан̃н̃асса санд̇агам̣ ж̇аад̇ам̣, д̇асмаа барасанд̇агабадиг̇г̇ахан̣з вияа бадиг̇г̇аахагасса бадиг̇г̇ахан̣абажжаяаа над̇т̇и аабад̇д̇ийд̇и д̣̇ассанад̇т̇ам̣ вуд̇д̇ам̣, на бана ‘‘язна бадиг̇г̇ахид̇ам̣, д̇зна виссаж̇ж̇ид̇ад̇д̇аа’’д̇и важанад̇о ависсаж̇ж̇ид̇з сад̇и авибхад̇д̇зби сад̇д̇аахаад̇иггамз аабад̇д̇ийд̇и д̣̇ассанад̇т̇ам̣ ависсаж̇ж̇ид̇з авибхад̇д̇абхаавад̇оязва анаабад̇д̇ияаа сид̣̇д̇хад̇д̇аа. сажз бана ид̇аро язна бадиг̇г̇ахид̇ам̣, д̇ассзва анд̇осад̇д̇аахз ад̇д̇ано бхааг̇амби виссаж̇ж̇зд̇и, сад̇д̇аахаад̇иггамз сияаа аабад̇д̇и язна бадиг̇г̇ахид̇ам̣, д̇ассзва санд̇агабхаавамаабаннад̇д̇аа ид̇арасса аббадиг̇г̇ахид̇ад̇д̇аа. иминаа д̇асса санд̇агабхаавзби ан̃н̃зна бадиг̇г̇ахид̇асагасанд̇агз вияа д̇зна аббадиг̇г̇ахид̇абхаавад̇о анаабад̇д̇ийд̇и д̣̇ийбзд̇и. ид̣̇ам̣ бана ад̇хиббааяам̣ аж̇аанид̇ваа ид̇о ан̃н̃ат̇аа г̇ан̣тибад̣̇агаараад̣̇ийхи бабан̃жид̇ам̣, на д̇ам̣ саарад̇о бажжзд̇аб̣б̣ам̣.
Āvuso, imaṃ telaṃ sattāhamattaṃ paribhuñja tvanti iminā yena paṭiggahitaṃ, tena antosattāheyeva parassa vissajjitabhāvaṃ dasseti. Kassa āpattīti paṭhamaṃ tāva ubhinnaṃ sādhāraṇattā anāpatti vuttā. Idāni pana ekena itarassa vissaṭṭhabhāvato ubhayasādhāraṇatā natthīti vibhattasadisaṃ hutvā ṭhitaṃ, tasmā ettha paṭiggahitassa sattāhātikkame ekassa āpattiyā bhavitabbanti maññamāno ‘‘kiṃ paṭiggahaṇapaccayā paṭiggāhakassa āpatti, udāhu yassa santakaṃ jātaṃ, tassā’’ti pucchati. Nissaṭṭhabhāvatoyeva ca idha ‘‘avibhattabhāvato’’ti kāraṇaṃ avatvā ‘‘yena paṭiggahitaṃ, tena vissajjitattā’’ti vuttaṃ. Idañca vissaṭṭhabhāvato ubhayasādhāraṇataṃ pahāya ekassa santakaṃ hontampi yena paṭiggahitaṃ, tato aññassa santakaṃ jātaṃ, tasmā parasantakapaṭiggahaṇe viya paṭiggāhakassa paṭiggahaṇapaccayā natthi āpattīti dassanatthaṃ vuttaṃ, na pana ‘‘yena paṭiggahitaṃ, tena vissajjitattā’’ti vacanato avissajjite sati avibhattepi sattāhātikkame āpattīti dassanatthaṃ avissajjite avibhattabhāvatoyeva anāpattiyā siddhattā. Sace pana itaro yena paṭiggahitaṃ, tasseva antosattāhe attano bhāgampi vissajjeti, sattāhātikkame siyā āpatti yena paṭiggahitaṃ, tasseva santakabhāvamāpannattā itarassa appaṭiggahitattā. Iminā tassa santakabhāvepi aññena paṭiggahitasakasantake viya tena appaṭiggahitabhāvato anāpattīti dīpeti. Idaṃ pana adhippāyaṃ ajānitvā ito aññathā gaṇṭhipadakārādīhi papañcitaṃ, na taṃ sārato paccetabbaṃ.
абарибхог̇ам̣ ход̇ийд̇и гассажи аманун̃н̃асса бад̇ид̇ад̇д̇аа барибхог̇аарахам̣ на ход̇и. язна жид̇д̇знаад̇и язна барижжаж̇ид̇угаамад̇аажид̇д̇зна. ‘‘анд̇осад̇д̇аахз’’д̇и ад̇хигаарад̇д̇аа ‘‘анд̇осад̇д̇аахз анабзгко д̣̇ад̇ваа бадилабхид̇ваа барибхун̃ж̇ад̇ий’’д̇и имам̣ самб̣анд̇хам̣ санд̇хааяа махаасумад̇т̇зрзна ‘‘звам̣ анд̇осад̇д̇аахз д̣̇ад̇ваа’’д̇иаад̣̇и вуд̇д̇ам̣. махаабад̣̇умад̇т̇зро бана яад̣̇и звам̣ ‘‘виссаж̇ж̇зд̇ий’’д̇и иминаава д̇ам̣ сид̣̇д̇хам̣, сад̇д̇аахаад̇игганд̇ам̣ бана ниссадтам̣ бадилабхид̇ваа барибхун̃ж̇ид̇ум̣ на ваддад̇и, д̇асмаа д̇асса барибхог̇амукад̣̇ассанамид̣̇анд̇и ааха – ‘‘наяид̣̇ам̣ яаажид̇аб̣б̣а’’нд̇иаад̣̇и. ан̃н̃зна бхигкунаад̇и зд̇т̇а суд̣̇д̇хажид̇д̇зна д̣̇иннад̇д̇аа саяамби аахараабзд̇ваа барибхун̃ж̇ид̇ум̣ ваддад̇иязва. саббиаад̣̇ийнам̣ бадиг̇г̇ахид̇абхааво, ад̇д̇ано санд̇агад̇аа, сад̇д̇аахаад̇иггамод̇и имаанзд̇т̇а д̇ийн̣и ан̇г̇аани.
Aparibhogaṃ hotīti kassaci amanuññassa patitattā paribhogārahaṃ na hoti. Yena cittenāti yena pariccajitukāmatācittena. ‘‘Antosattāhe’’ti adhikārattā ‘‘antosattāhe anapekkho datvā paṭilabhitvā paribhuñjatī’’ti imaṃ sambandhaṃ sandhāya mahāsumattherena ‘‘evaṃ antosattāhe datvā’’tiādi vuttaṃ. Mahāpadumatthero pana yadi evaṃ ‘‘vissajjetī’’ti imināva taṃ siddhaṃ, sattāhātikkantaṃ pana nissaṭṭhaṃ paṭilabhitvā paribhuñjituṃ na vaṭṭati, tasmā tassa paribhogamukhadassanamidanti āha – ‘‘nayidaṃ yācitabba’’ntiādi. Aññena bhikkhunāti ettha suddhacittena dinnattā sayampi āharāpetvā paribhuñjituṃ vaṭṭatiyeva. Sappiādīnaṃ paṭiggahitabhāvo, attano santakatā, sattāhātikkamoti imānettha tīṇi aṅgāni.
бхзсаж̇ж̇асигкаабад̣̇аван̣н̣анаа нидтид̇аа.
Bhesajjasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. бхзсаж̇ж̇асигкаабад̣̇ам̣ • 3. Bhesajjasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
