| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. бхзсаж̇ж̇асигкаабад̣̇аван̣н̣анаа
3. Bhesajjasikkhāpadavaṇṇanā
620. ‘‘саа ахоси суван̣н̣амаалаа’’д̇и важанад̇о табзд̇ваа сахад̇хаммигз ан̃н̃зсам̣ яат̇аасукам̣ руубияам̣ д̣̇аад̇ум̣ ваддад̇и уг̇г̇ан̣хаабзд̇ум̣, саб̣яохаараабзбхун̃жаад̇и аажарияо, виймам̣сид̇аб̣б̣ам̣ ид̣̇д̇химасса ид̣̇д̇хивисаяад̇д̇аа.
620. ‘‘Sā ahosi suvaṇṇamālā’’ti vacanato ṭhapetvā sahadhammike aññesaṃ yathāsukhaṃ rūpiyaṃ dātuṃ vaṭṭati uggaṇhāpetuṃ, sabyohārāpebhuñcāti ācariyo, vīmaṃsitabbaṃ iddhimassa iddhivisayattā.
622. ‘‘язсам̣ мам̣сам̣ габбад̇ий’’д̇и важанзна язсам̣ мам̣сам̣ на габбад̇и, д̇зсам̣ саббиаад̣̇и гин̃жааби на габбад̇и, на бана ниссаг̇г̇ияавад̇т̇ууд̇и взд̣̇ид̇аб̣б̣ам̣. д̇ат̇аа на бан̣ийд̇абхож̇анавад̇т̇ууд̇и. уг̇г̇ахид̇агам̣ гад̇ваа нигкид̇д̇анд̇и аж̇жхохаран̣ад̇т̇ам̣ нигкид̇д̇ам̣. ид̇аран̃хи бадиг̇г̇ахзд̇ваа аж̇жхохарид̇ум̣ ваддад̇и. убхаязсамбийд̇и бажчаабхад̇д̇ам̣ бадиг̇г̇ахид̇зхи, бурзбхад̇д̇ам̣ бадиг̇г̇ахид̇зхи жа гад̇аанам̣. ‘‘мам̣сасса агаббияад̇д̇аа’’д̇и гааран̣абад̇ируубагам̣ вад̇ваа. каад̣̇им̣сууд̇и ‘‘вигаалз гзвалам̣ наванийд̇амзва каад̣̇ид̇угаамзна д̣̇ад̇хид̇аггаг̇ад̇аани абанзд̇аб̣б̣аани, бажид̇угаамасса саамам̣баагам̣ на ход̇ийд̇и т̇зрасса ад̇хиббааяо’’д̇и вуд̇д̇ам̣. ‘‘каяам̣ г̇амиссад̇ий’’д̇и важанад̇о кийрам̣ багкибид̇ваа баггасабби вигаалз габбад̇ийд̇и сид̣̇д̇хам̣. бхзсаж̇ж̇зхийд̇и яааваж̇ийвигабхзсаж̇ж̇зхи. гад̇ад̇злам̣ бурзбхад̇д̇анд̇и абажид̇ваа гад̇ам̣ зва. ун̣ход̣̇агзнаад̇и д̇аабанабхаавам̣ д̣̇ийбзд̇ийд̇и гзжи, д̇ам̣ на сунд̣̇арам̣. ниб̣б̣аддид̇ад̇д̇аад̇и бин̃н̃аагаад̣̇ид̇о. ‘‘д̇злад̇т̇ааяа бадиг̇г̇ахид̇а…бз… д̣̇уггадамзваа’’д̇и важанад̇о ад̇злад̇т̇ааяа бадиг̇г̇ахид̇зхи, сад̇д̇аахаад̇игганд̇зхиби гад̇ад̇злам̣ гад̇ад̣̇ивасад̇о бадтааяа сад̇д̇аахам̣ ваддад̇ийд̇и чааяаа д̣̇иссад̇и, гараманд̣̇ам̣ ругкасаарод̇и гзжи.
622. ‘‘Yesaṃ maṃsaṃ kappatī’’ti vacanena yesaṃ maṃsaṃ na kappati, tesaṃ sappiādi kiñcāpi na kappati, na pana nissaggiyavatthūti veditabbaṃ. Tathā na paṇītabhojanavatthūti. Uggahitakaṃ katvā nikkhittanti ajjhoharaṇatthaṃ nikkhittaṃ. Itarañhi paṭiggahetvā ajjhoharituṃ vaṭṭati. Ubhayesampīti pacchābhattaṃ paṭiggahitehi, purebhattaṃ paṭiggahitehi ca katānaṃ. ‘‘Maṃsassa akappiyattā’’ti kāraṇapatirūpakaṃ vatvā. Khādiṃsūti ‘‘vikāle kevalaṃ navanītameva khāditukāmena dadhitakkagatāni apanetabbāni, pacitukāmassa sāmaṃpākaṃ na hotīti therassa adhippāyo’’ti vuttaṃ. ‘‘Khayaṃ gamissatī’’ti vacanato khīraṃ pakkhipitvā pakkasappi vikāle kappatīti siddhaṃ. Bhesajjehīti yāvajīvikabhesajjehi. Katatelaṃ purebhattanti apacitvā kataṃ eva. Uṇhodakenāti tāpanabhāvaṃ dīpetīti keci, taṃ na sundaraṃ. Nibbaṭṭitattāti piññākādito. ‘‘Telatthāya paṭiggahita…pe… dukkaṭamevā’’ti vacanato atelatthāya paṭiggahitehi, sattāhātikkantehipi katatelaṃ katadivasato paṭṭhāya sattāhaṃ vaṭṭatīti chāyā dissati, karamandaṃ rukkhasāroti keci.
623. авасагасадз яасмаа кийраад̣̇ийни багкибид̇ваа д̇злам̣ бажанд̇и, д̇асмаа гасадам̣ на ваддад̇и, д̇зламзва ваддад̇и, д̇зна вуд̇д̇ам̣ ‘‘баггад̇злагасадз вияа гуггужжааяад̇ий’’д̇и. васааяа сад̣̇д̇хим̣ баггад̇д̇аа на ваддад̇ийд̇и жз? вад̣̇ат̇а, бханд̇з, наванийд̇з д̣̇ад̇хиг̇ул̣игаад̇иаад̣̇исамб̣анд̇хо. мад̇хумхи жад̇д̇ааро гаалигаа яат̇аасамбхавам̣ яож̇зд̇аб̣б̣аа, ужчумхи жа, гат̇ам̣? самагкигам̣ сзл̣агам̣ мад̇ху яаавагаалигам̣. анзлагам̣ уд̣̇агасамбхиннам̣ яаамагаалигам̣, асамбхиннам̣ сад̇д̇аахагаалигам̣, мад̇хусидтам̣ барисуд̣̇д̇хам̣ яааваж̇ийвигам̣. д̇ат̇аа ужчу ваа расо ваа сагасадо яаавагаалиго, ниггасадо уд̣̇агасамбхинно яаамагаалиго, асамбхинно сад̇д̇аахагаалиго, сугкагасадам̣ яааваж̇ийвиганд̇и взд̣̇ид̇аб̣б̣ам̣. гасмаа? уд̣̇агасамбхзд̣̇ависзсад̇о.
623. Avasakasaṭe yasmā khīrādīni pakkhipitvā telaṃ pacanti, tasmā kasaṭaṃ na vaṭṭati, telameva vaṭṭati, tena vuttaṃ ‘‘pakkatelakasaṭe viya kukkuccāyatī’’ti. Vasāya saddhiṃ pakkattā na vaṭṭatīti ce? Vadatha, bhante, navanīte dadhiguḷikātiādisambandho. Madhumhi cattāro kālikā yathāsambhavaṃ yojetabbā, ucchumhi ca, kathaṃ? Samakkhikaṃ seḷakaṃ madhu yāvakālikaṃ. Anelakaṃ udakasambhinnaṃ yāmakālikaṃ, asambhinnaṃ sattāhakālikaṃ, madhusiṭṭhaṃ parisuddhaṃ yāvajīvikaṃ. Tathā ucchu vā raso vā sakasaṭo yāvakāliko, nikkasaṭo udakasambhinno yāmakāliko, asambhinno sattāhakāliko, sukkhakasaṭaṃ yāvajīvikanti veditabbaṃ. Kasmā? Udakasambhedavisesato.
гим̣ вуд̇д̇ам̣ ход̇и? жад̇уусу гаалигзсу буб̣б̣ам̣ буб̣б̣ам̣ г̇аругам̣, абарам̣ абарам̣ лахугам̣. д̇зсу жааяам̣ уд̣̇агасамбхзд̣̇о г̇аругам̣ лахугам̣ гарод̇и, лахуган̃жа г̇аругам̣. амб̣арасаад̣̇ийни хи яаавагаалигад̇д̇аа г̇аругаани, уд̣̇агасамбхзд̣̇о бана д̇аани амб̣абаанаад̣̇исаман̃н̃ам̣ д̣̇ад̇ваа лахугаани яаамагаалигаани гарод̇и. ‘‘паан̣ид̇ам̣ наама ужчумхаа ниб̣б̣ад̇д̇анд̇и ужчурасам̣ убаад̣̇ааяаа’’д̇и адтагат̇ааважанад̇о ужчурасо сад̇д̇аахагаалигод̇и сид̣̇д̇хам̣. д̇ад̇т̇а ‘‘уд̣̇агасамбхзд̣̇о д̇ам̣ яаамагаалигам̣ гарод̇ий’’д̇иаад̣̇им̣ б̣ахум̣ вад̇ваа яож̇ид̇аа.
Kiṃ vuttaṃ hoti? Catūsu kālikesu pubbaṃ pubbaṃ garukaṃ, aparaṃ aparaṃ lahukaṃ. Tesu cāyaṃ udakasambhedo garukaṃ lahukaṃ karoti, lahukañca garukaṃ. Ambarasādīni hi yāvakālikattā garukāni, udakasambhedo pana tāni ambapānādisamaññaṃ datvā lahukāni yāmakālikāni karoti. ‘‘Phāṇitaṃ nāma ucchumhā nibbattanti ucchurasaṃ upādāyā’’ti aṭṭhakathāvacanato ucchuraso sattāhakālikoti siddhaṃ. Tattha ‘‘udakasambhedo taṃ yāmakālikaṃ karotī’’tiādiṃ bahuṃ vatvā yojitā.
абижзд̇т̇а ужчурасо ‘‘ануж̇аанаами, бхигкавз, ужчураса’’нд̇и (махаава. 300) анун̃н̃аад̇ад̇д̇аа г̇ул̣од̣̇агам̣ вияа ужчурасасааман̃н̃ад̇о уд̣̇агзна асамбхинноби аг̇илаанасса ваддад̇и, д̇знзвааха адтагат̇ааяам̣ ‘‘ужчурасо нигасадо бажчаабхад̇д̇ам̣ ваддад̇ий’’д̇и (махаа. адта. 300). аяам̣ саб̣б̣о но д̇аггод̇и аажарияо. гзжи банааху ‘‘паан̣ид̇ам̣ наама ужчумхаа ниб̣б̣ад̇д̇а’нд̇и важанад̇о, ‘ужчурасам̣ убаад̣̇ааяаа’д̇и адтагат̇ааважанад̇о жа ужчурасо паан̣ид̇амзва, д̇асмаа г̇ул̣з вияа бадибаж̇ж̇ид̇аб̣б̣а’’нд̇и. гзжи ‘‘вуд̇д̇анаязна сад̇д̇аахагаалигова самаано ‘ануж̇аанаами, бхигкавз, ужчураса’нд̇и висум̣ анун̃н̃аад̇ад̇д̇аа асамбхинноби аг̇илаанасса ваддад̇ий’’д̇и вад̣̇анд̇и. гзжи ‘‘вуд̇д̇анаязна висум̣ анун̃н̃аад̇ад̇д̇аа зва самбхинно ваа асамбхинно ваа яаамагаалигова, г̇ул̣од̣̇агам̣ бана сад̇д̇аахагаалигамзваа’’д̇и вад̣̇анд̇и. гзжи ‘‘г̇ул̣од̣̇агам̣ вияа со д̣̇увид̇хоби сад̇д̇аахагаалигоязваа’’д̇и вад̣̇анд̇и.
Apicettha ucchuraso ‘‘anujānāmi, bhikkhave, ucchurasa’’nti (mahāva. 300) anuññātattā guḷodakaṃ viya ucchurasasāmaññato udakena asambhinnopi agilānassa vaṭṭati, tenevāha aṭṭhakathāyaṃ ‘‘ucchuraso nikasaṭo pacchābhattaṃ vaṭṭatī’’ti (mahā. aṭṭha. 300). Ayaṃ sabbo no takkoti ācariyo. Keci panāhu ‘‘phāṇitaṃ nāma ucchumhā nibbatta’nti vacanato, ‘ucchurasaṃ upādāyā’ti aṭṭhakathāvacanato ca ucchuraso phāṇitameva, tasmā guḷe viya paṭipajjitabba’’nti. Keci ‘‘vuttanayena sattāhakālikova samāno ‘anujānāmi, bhikkhave, ucchurasa’nti visuṃ anuññātattā asambhinnopi agilānassa vaṭṭatī’’ti vadanti. Keci ‘‘vuttanayena visuṃ anuññātattā eva sambhinno vā asambhinno vā yāmakālikova, guḷodakaṃ pana sattāhakālikamevā’’ti vadanti. Keci ‘‘guḷodakaṃ viya so duvidhopi sattāhakālikoyevā’’ti vadanti.
д̇ад̇т̇ааяам̣ батамаажарияаваад̣̇з вижааран̣аа – паан̣ид̇аанумад̇ияааязва ужчурасаанумад̇ияаа сид̣̇д̇хид̇о висум̣ ‘‘ужчураса’’нд̇и уд̣̇д̇харид̇ваа анумад̇и нирад̇т̇игаад̇и аабаж̇ж̇ад̇и, д̇ат̇аа ‘‘ужчурасо нигасадо бажчаабхад̇д̇ам̣ ваддад̇ий’’д̇и адтагат̇ааби нирад̇т̇игаа. ‘‘сад̇д̇аахам̣ ваддад̇ий’’д̇и вад̇д̇аб̣б̣ам̣ сияаад̇и, на жа д̇ат̇аа саггаа вад̇д̇ум̣. бажчаабхад̇д̇ам̣ вадданагарасаад̇хигаарад̇д̇аад̇и жз? на, д̇асмим̣ ад̇хигаарз сад̇д̇аахагаалигасса авад̇д̇аб̣б̣аббасан̇г̇ад̇о. гаалабхзд̣̇ам̣ анабзгкид̇ваа расаад̇хигаарз од̇ин̣н̣ад̇д̇аа вуд̇д̇од̇и жз? на саггаа ‘‘нигасадо сад̇д̇аахам̣ ваддад̇ий’’д̇и вад̇д̇ум̣. бажчаабхад̇д̇ам̣ вадданагарасаад̇хигаарад̇д̇аа на вад̇д̇аб̣б̣анд̇и жз? на, зван̃хи вуд̇д̇з д̇ад̣̇ан̃н̃арасо вияа аяамби бажчаабхад̇д̇амзва ваддад̇и, на д̇ад̇о баранд̇и аабаж̇ж̇ад̇и. д̇ад̇о барам̣ абарибхог̇ад̇д̇аа ‘‘бажчаабхад̇д̇ам̣ ваддад̇ий’’д̇и вуд̇д̇анд̇и жз? на, яаавагаалигабхааваббасан̇г̇ад̇о. на со басан̇г̇о аабхид̣̇осигассааби ужчурасасса баагзна паан̣ид̇аад̣̇ибхааваббасан̇г̇ад̇о. аяамзва д̇ад̇ияажад̇уд̇т̇аажарияаваад̣̇зсу вижааран̣аа. д̣̇уд̇ияаваад̣̇з вижааран̣аа вуд̇д̇аа, вимад̣̇д̣̇о банзд̇т̇а бхзсаж̇ж̇агканд̇хагз (махаава. 300) аави бхависсад̇и. паан̣ид̇ам̣ наама ужчумхаа ниб̣б̣ад̇д̇анд̇и мад̇хугад̇ааланаал̣игзрапаан̣ид̇аад̣̇ид̇о уггадавад̇т̇уд̇о ниссаг̇г̇ияавад̇т̇упаан̣ид̇асса висзсаважанам̣, д̇знзд̇ам̣ бан̃н̃ааяад̇и ‘‘ниссаг̇г̇ияавад̇т̇убхууд̇ам̣ ид̇ха паан̣ид̇ам̣ наама ужчумхаа ниб̣б̣ад̇д̇амзва, на мад̇хугаад̣̇ид̇о ниб̣б̣ад̇д̇а’’нд̇и. зд̇д̇аавад̇аа яам̣гин̃жи ужчумхаа ниб̣б̣ад̇д̇ам̣ , на д̇ам̣ саб̣б̣ам̣ паан̣ид̇амзва наамаад̇и саад̇хид̇ам̣ ход̇и. д̇знзва канд̇хагз паан̣ид̇ам̣ батамам̣ ануж̇аанид̇ваава бажчаа ужчурасо анун̃н̃аад̇о, д̇ат̇аа д̇ад̇т̇зва г̇ул̣ам̣, г̇ул̣од̣̇аган̃жа.
Tatthāyaṃ paṭhamācariyavāde vicāraṇā – phāṇitānumatiyāyeva ucchurasānumatiyā siddhito visuṃ ‘‘ucchurasa’’nti uddharitvā anumati niratthikāti āpajjati, tathā ‘‘ucchuraso nikasaṭo pacchābhattaṃ vaṭṭatī’’ti aṭṭhakathāpi niratthikā. ‘‘Sattāhaṃ vaṭṭatī’’ti vattabbaṃ siyāti, na ca tathā sakkā vattuṃ. Pacchābhattaṃ vaṭṭanakarasādhikārattāti ce? Na, tasmiṃ adhikāre sattāhakālikassa avattabbappasaṅgato. Kālabhedaṃ anapekkhitvā rasādhikāre otiṇṇattā vuttoti ce? Na sakkā ‘‘nikasaṭo sattāhaṃ vaṭṭatī’’ti vattuṃ. Pacchābhattaṃ vaṭṭanakarasādhikārattā na vattabbanti ce? Na, evañhi vutte tadaññaraso viya ayampi pacchābhattameva vaṭṭati, na tato paranti āpajjati. Tato paraṃ aparibhogattā ‘‘pacchābhattaṃ vaṭṭatī’’ti vuttanti ce? Na, yāvakālikabhāvappasaṅgato. Na so pasaṅgo ābhidosikassāpi ucchurasassa pākena phāṇitādibhāvappasaṅgato. Ayameva tatiyacatutthācariyavādesu vicāraṇā. Dutiyavāde vicāraṇā vuttā, vimaddo panettha bhesajjakkhandhake (mahāva. 300) āvi bhavissati. Phāṇitaṃ nāma ucchumhā nibbattanti madhukatālanāḷikeraphāṇitādito ukkaṭavatthuto nissaggiyavatthuphāṇitassa visesavacanaṃ, tenetaṃ paññāyati ‘‘nissaggiyavatthubhūtaṃ idha phāṇitaṃ nāma ucchumhā nibbattameva, na madhukādito nibbatta’’nti. Ettāvatā yaṃkiñci ucchumhā nibbattaṃ , na taṃ sabbaṃ phāṇitameva nāmāti sādhitaṃ hoti. Teneva khandhake phāṇitaṃ paṭhamaṃ anujānitvāva pacchā ucchuraso anuññāto, tathā tattheva guḷaṃ, guḷodakañca.
ужчурасам̣ убаад̣̇ааяа абаггаа ваад̇иаад̣̇имхи бана язсам̣ лад̣̇д̇хи ‘‘ужчурасо яаамагаалиго’’д̇и. ‘‘д̇з абаггаа ваад̇и саамам̣ бхигкунаа абаггаа ваа. авад̇т̇угабаггаа ваад̇и винаа вад̇т̇унаа баггаа ваа’’д̇и ад̇т̇ам̣ ван̣н̣аяанд̇и, д̇ам̣ на яуд̇д̇ам̣ ‘‘ужчурасам̣ убаад̣̇ааяаа’’д̇и имасса важанасса баяож̇анаабхааваббасан̇г̇ад̇о, бхигкуно бажанаад̇хигаараабхааваа. саамабааго ид̇хаад̇хиббзд̇од̇и жз? саамам̣ абаггасса ужчурасасса д̇зсам̣ ад̇д̇аномад̇ияаа паан̣ид̇абхаавасид̣̇д̇хид̇о жа барад̇о ‘‘бурзбхад̇д̇ам̣ бадиг̇г̇ахид̇зна абариссаавид̇аужчурасзна гад̇апаан̣ид̇а’’нд̇иаад̣̇инаяад̣̇ассанад̇о жа д̇ам̣ аяуд̇д̇ам̣, д̇ад̇т̇а ‘‘абариссаавид̇аужчурасзна саяам̣гад̇ам̣ нираамисамзва ваддад̇ий’’д̇и важанам̣ яам̣ д̇ад̇т̇а гасадам̣ саамабаагам̣ на ж̇анзд̇и, савад̇т̇угабадиг̇г̇ахид̇агад̇ам̣язва д̇ам̣ гарод̇ийд̇и д̣̇ийбзд̇и, д̇асмаа бадиг̇г̇ахзд̇ум̣ на ваддад̇и вигаалзд̇и бораан̣аа. ‘‘годдид̇аужчупаан̣ид̇ам̣ ‘раж̇анабаагам̣ вияа ол̣ааригам̣ савад̇т̇угабаггам̣ наама ход̇ий’д̇и сан̃н̃ааяа бурзбхад̇д̇амзва ваддад̇ий’’д̇и вуд̇д̇ам̣. махааадтагат̇аажарияаа ‘‘звам̣ паан̣ид̇аг̇г̇ахан̣ам̣ амад̇хурам̣, д̇асмаа бажчаабхад̇д̇ам̣ на ваддад̇ий’’д̇и вад̣̇им̣су. гим̣ мад̇хурад̇ааяа, амад̇хурад̇ааяа ваад̇и? ад̇т̇амзва д̣̇ассзд̇ум̣ махаабажжарияам̣ д̇ат̇аа вуд̇д̇анд̇и убад̇иссад̇т̇зро ааха гира. д̇ам̣ яуд̇д̇анд̇и ужчуд̇о ниб̣б̣ад̇д̇ад̇д̇аа вуд̇д̇ам̣, д̇знзвааха ‘‘кан̣д̣асагкарам̣ бана…бз… ваддад̇ий’’д̇и. ‘‘д̇ам̣ кийрагхадз багкибид̇ваа бажанд̇ий’’д̇и ликид̇ам̣. ж̇аллигаа наама пзн̣аад̣̇и.
Ucchurasaṃupādāya apakkā vātiādimhi pana yesaṃ laddhi ‘‘ucchuraso yāmakāliko’’ti. ‘‘Te apakkā vāti sāmaṃ bhikkhunā apakkā vā. Avatthukapakkā vāti vinā vatthunā pakkā vā’’ti atthaṃ vaṇṇayanti, taṃ na yuttaṃ ‘‘ucchurasaṃ upādāyā’’ti imassa vacanassa payojanābhāvappasaṅgato, bhikkhuno pacanādhikārābhāvā. Sāmapāko idhādhippetoti ce? Sāmaṃ apakkassa ucchurasassa tesaṃ attanomatiyā phāṇitabhāvasiddhito ca parato ‘‘purebhattaṃ paṭiggahitena aparissāvitaucchurasena kataphāṇita’’ntiādinayadassanato ca taṃ ayuttaṃ, tattha ‘‘aparissāvitaucchurasena sayaṃkataṃ nirāmisameva vaṭṭatī’’ti vacanaṃ yaṃ tattha kasaṭaṃ sāmapākaṃ na janeti, savatthukapaṭiggahitakataṃyeva taṃ karotīti dīpeti, tasmā paṭiggahetuṃ na vaṭṭati vikāleti porāṇā. ‘‘Koṭṭitaucchuphāṇitaṃ ‘rajanapākaṃ viya oḷārikaṃ savatthukapakkaṃ nāma hotī’ti saññāya purebhattameva vaṭṭatī’’ti vuttaṃ. Mahāaṭṭhakathācariyā ‘‘evaṃ phāṇitaggahaṇaṃ amadhuraṃ, tasmā pacchābhattaṃ na vaṭṭatī’’ti vadiṃsu. Kiṃ madhuratāya, amadhuratāya vāti? Atthameva dassetuṃ mahāpaccariyaṃ tathā vuttanti upatissatthero āha kira. Taṃ yuttanti ucchuto nibbattattā vuttaṃ, tenevāha ‘‘khaṇḍasakkharaṃ pana…pe… vaṭṭatī’’ti. ‘‘Taṃ khīraghaṭe pakkhipitvā pacantī’’ti likhitaṃ. Jallikā nāma pheṇādi.
бхзсаж̇ж̇од̣̇исам̣ вад̣̇анд̇зна ид̇арз ад̇т̇уд̣̇д̇хааравасзна вуд̇д̇аа. ‘‘аахаарад̇т̇ам̣ парид̇ум̣ самад̇т̇ааний’’д̇и канд̇хагз (махаава. 260) ‘‘яам̣ бхзсаж̇ж̇ан̃жзва асса бхзсаж̇ж̇асаммад̇ан̃жа логасса, аахаарад̇т̇ан̃жа парзяяаа’’д̇и вуд̇д̇ад̇д̇аа вуд̇д̇ам̣. зд̇т̇а вижааран̣аа бхзсаж̇ж̇агканд̇хагз аави бхависсад̇и.
Bhesajjodisaṃ vadantena itare atthuddhāravasena vuttā. ‘‘Āhāratthaṃ pharituṃ samatthānī’’ti khandhake (mahāva. 260) ‘‘yaṃ bhesajjañceva assa bhesajjasammatañca lokassa, āhāratthañca phareyyā’’ti vuttattā vuttaṃ. Ettha vicāraṇā bhesajjakkhandhake āvi bhavissati.
624. д̣̇ваараваад̇абаанагаваадаанийд̇и д̣̇ваарасса жа ваад̇абаанаанан̃жа гаваадаани. гасаавабагкзбамад̇д̇зна хи д̇аани ад̇д̇ано сабхаавам̣ барижжаж̇ид̇аани хонд̇и, д̇асмаа ‘‘магкзд̇аб̣б̣ааний’’д̇и вуд̇д̇ам̣. ‘‘гасааво наама ганагаламб̣аад̣̇ийнибий’’д̇и вад̣̇анд̇и. ад̇хидтзд̇ийд̇и ‘‘ид̣̇аани аж̇жхохаран̣ийяам̣ на бхависсад̇и, б̣аахирабарибхог̇о бхависсад̇ий’’д̇и жид̇д̇ам̣ уббаад̣̇зд̇и. ид̇ха ‘‘вигаббзд̇ий’’д̇и бад̣̇ам̣ над̇т̇и. ад̇хидтаанамби мукаарул̣хияаа вуд̇д̇ам̣ ‘‘имам̣ наванийд̇ам̣ ад̇хидтаамий’’д̇и авад̇д̇аб̣б̣ад̇о.
624.Dvāravātapānakavāṭānīti dvārassa ca vātapānānañca kavāṭāni. Kasāvapakkhepamattena hi tāni attano sabhāvaṃ pariccajitāni honti, tasmā ‘‘makkhetabbānī’’ti vuttaṃ. ‘‘Kasāvo nāma kanakalambādīnipī’’ti vadanti. Adhiṭṭhetīti ‘‘idāni ajjhoharaṇīyaṃ na bhavissati, bāhiraparibhogo bhavissatī’’ti cittaṃ uppādeti. Idha ‘‘vikappetī’’ti padaṃ natthi. Adhiṭṭhānampi mukhāruḷhiyā vuttaṃ ‘‘imaṃ navanītaṃ adhiṭṭhāmī’’ti avattabbato.
625. барибхун̃ж̇ид̇ум̣ бана на ваддад̇ийд̇и виссаасаабхаавам̣ санд̇хааяа вуд̇д̇ам̣. сажз сависсаасо, ваддад̇ийд̇и ‘‘барибхун̃ж̇а д̇ва’’нд̇и зд̇д̇аавад̇аа виссаж̇ж̇ид̇ам̣ ход̇и, д̇асмаа убхиннам̣ анаабад̇д̇ийд̇и самб̣анд̇хо. сажз на виссаж̇ж̇ид̇ам̣, аабад̇д̇и ход̇ийд̇и сид̣̇д̇хам̣. д̇асмаа убхиннам̣ санд̇агам̣ жийварам̣ ан̃н̃ад̇арзна саммукийбхууд̇зна ад̇хидтаад̇аб̣б̣ам̣. но жз ад̇хидтаад̇и, ниссаг̇г̇ияам̣ ход̇ийд̇иби яуж̇ж̇ад̇и. гааганигамад̇д̇ан̃жз муулам̣ ад̣̇иннам̣, ‘‘на ад̇хидтаанубаг̇ам̣…бз… сагабхаавам̣ на убзд̇ий’’д̇и иминаа зд̇ам̣ сад̣̇исам̣ на ход̇и, аабхид̇хаммигаг̇ан̣аанам̣ д̣̇иннам̣ вияа жа на ход̇и. гасмаа? аабхид̇хаммигаа хи анубасамбаннааби хонд̇и, бажчаа аабхид̇хаммигабхууд̇аанамби д̇ам̣ саад̇хааран̣ам̣ ход̇ийд̇и. зд̇т̇а д̣̇взби убасамбаннаа зва, д̣̇виннамби д̇ад̇т̇а яат̇аагаамагаран̣ийяад̇аа ад̇т̇и мамад̇д̇ан̃жа, на звам̣ д̇ад̣̇ан̃н̃зсам̣ саад̇хааран̣ам̣, на жа д̣̇вз д̇аяо бхигкуу ‘‘згад̇о вассиссаамаа’’д̇и гаронд̇и, рагкад̇и д̇аава. ‘‘авибхад̇д̇ад̇д̇аа анаабад̇д̇ий’’д̇и иминаа жа ид̣̇ам̣ сад̣̇исам̣, язна муулзна бадиг̇г̇ахид̇ам̣, д̇асса сажз ид̇аро д̣̇зд̇и, со ваа д̇ам̣ ид̇арасса д̣̇зд̇и, сад̇и бадиг̇г̇ахан̣з сад̇д̇аахаад̇иггамз ниссаг̇г̇ияад̇д̇аа, д̇асмаа д̇ам̣ жийварам̣ д̣̇вийсу саммукийбхууд̇зна згзна ад̇хидтаад̇аб̣б̣ам̣. гин̃жааби зд̇т̇а баяог̇о на д̣̇иссад̇и самаанабаригкаараанам̣ д̣̇виннам̣ ад̇хидтаанабаяог̇аабхаавад̇о, д̇ат̇ааби самаанасаб̣б̣абхан̣д̣агаанам̣ д̣̇виннам̣ д̇злаад̣̇и язна бадиг̇г̇ахид̇ам̣, д̇асса гаалаад̇иггамз аабад̇д̇исамбхавад̇о, анад̇хидтаанз д̣̇уллабхависзсахзд̇уд̇д̇аа жа ‘‘ад̇хидтаад̇аб̣б̣а’’нд̇и вуд̇д̇ам̣. д̇ам̣ аяуд̇д̇ам̣ бад̇д̇ажийварасад̇д̇аахагаалигаанам̣ асад̣̇исавид̇хаанад̇д̇аа. зд̇т̇а бад̇д̇ажийваран̃хи ад̇д̇ано санд̇агабхаавам̣ убаг̇ад̇амзва анад̇хидтаханд̇асса гаалаад̇иггамз аабад̇д̇и, сад̇д̇аахагаалигам̣ бана барасанд̇агасаад̇хааран̣амби бадиг̇г̇ахид̇ам̣ бадиг̇г̇аахагасса гаалаад̇иггамз аабад̇д̇игарам̣. бадиг̇г̇ахан̣ан̃жзд̇т̇а бамаан̣ам̣, на д̇ад̇т̇а сагасанд̇агад̇аа, сад̇д̇аахагаалиган̃жа ниссаг̇г̇ияам̣, саб̣б̣зсамби анаж̇жхохаран̣ийяам̣. бад̇д̇ажийварам̣ ан̃н̃асса барибхун̃ж̇ад̇о анаабад̇д̇и. ид̣̇ан̃жа гаалаад̇игганд̇амби ниссаж̇ж̇ид̇ваа бажчаа лад̣̇д̇хам̣ габбад̇и. бад̇д̇ажийварам̣ бана д̇ам̣ д̇асса винаяагамманд̇и габбад̇ийд̇и. авибхад̇д̇ассаби имасса д̣̇аанам̣ рухад̇и, на бад̇д̇ажийварасса. вуд̇д̇ан̃хзд̇ам̣ адтагат̇ааяам̣ ‘‘д̣̇виннам̣ санд̇агам̣ ход̇и…бз… сажзби авибхаж̇ид̇ваа сад̣̇д̇хивихааригаад̣̇ийнам̣ д̣̇знд̇и, ад̣̇иннамзва ход̇ий’’д̇и. яасса д̣̇аанамзва на рухад̇и, д̇асса гуд̇о ад̇хидтаанам̣. зго жз бад̇д̇ажийварам̣ д̣̇асамз д̣̇ивасз ид̇арасса д̣̇зд̇и. д̇ад̇о бадтааяа со д̣̇аса д̣̇ивасз барихарид̇ум̣ лабхад̇и , на д̇ат̇аа сад̇д̇аахагаалиганд̇и саб̣б̣ат̇аа убабаригкияамаанам̣ саригкам̣ нагкамад̇ийд̇и на д̇ам̣ саарад̇о д̣̇адтаб̣б̣анд̇и аажарияасса д̇агго. ‘‘винаяагаммавасзна бана аниссаж̇ж̇ид̇ваа сахасаа вируж̇жхид̇ваа гассажи барижжад̇д̇амби буна бадилабхид̇ваа барибхун̃ж̇ид̇ум̣ на ваддад̇ий’’д̇и вуд̇д̇ам̣, сажз д̣̇зсанд̇арид̇ам̣, самуд̣̇д̣̇анд̇арид̇ам̣ ваа жийварам̣ ниссаг̇г̇ияам̣ ж̇аад̇ам̣, д̇ам̣ ид̇ха тид̇зна бхигкунаа згасса ванд̇зна жид̇д̇зна жад̇д̇ам̣ гад̇ваа анабзгкид̇ваа аабад̇д̇им̣ д̣̇зсзд̇ваа д̇асса виссаасзна буна г̇ахзд̇ваа ад̇хидтаад̇аб̣б̣ам̣, ‘‘бад̇д̇аад̣̇ийсу жа аяамзва наяо’’д̇и жа вуд̇д̇ам̣, ‘‘д̇ааланаал̣игзрапаан̣ид̇амби сад̇д̇аахагаалигам̣ зваа’’д̇и жа. ‘‘д̣̇виннам̣ санд̇агам̣ згзна бадиг̇г̇ахид̇ам̣ сад̇д̇аахагаалигам̣ сад̇д̇аахаад̇иггамз аабад̇д̇им̣ на гарод̇и , барибхун̃ж̇ид̇ум̣ бана д̣̇виннамби на ваддад̇ий’’д̇и жа ‘‘барасанд̇агам̣ бадиг̇г̇ахзд̇ваа табид̇зби зсзва наяо’’д̇и жа гзжи вад̣̇анд̇и. д̣̇уггадавад̇т̇убхууд̇ам̣ саббиаад̣̇и ниссаж̇ж̇ид̇аб̣б̣ам̣ буна барибхун̃ж̇ид̇ум̣ ваддад̇ийд̇и вид̇хаанам̣ на д̣̇иссад̇ийд̇и.
625.Paribhuñjituṃpana na vaṭṭatīti vissāsābhāvaṃ sandhāya vuttaṃ. Sace savissāso, vaṭṭatīti ‘‘paribhuñja tva’’nti ettāvatā vissajjitaṃ hoti, tasmā ubhinnaṃ anāpattīti sambandho. Sace na vissajjitaṃ, āpatti hotīti siddhaṃ. Tasmā ubhinnaṃ santakaṃ cīvaraṃ aññatarena sammukhībhūtena adhiṭṭhātabbaṃ. No ce adhiṭṭhāti, nissaggiyaṃ hotītipi yujjati. Kākanikamattañce mūlaṃ adinnaṃ, ‘‘na adhiṭṭhānupagaṃ…pe… sakabhāvaṃ na upetī’’ti iminā etaṃ sadisaṃ na hoti, ābhidhammikagaṇānaṃ dinnaṃ viya ca na hoti. Kasmā? Ābhidhammikā hi anupasampannāpi honti, pacchā ābhidhammikabhūtānampi taṃ sādhāraṇaṃ hotīti. Ettha dvepi upasampannā eva, dvinnampi tattha yathākāmakaraṇīyatā atthi mamattañca, na evaṃ tadaññesaṃ sādhāraṇaṃ, na ca dve tayo bhikkhū ‘‘ekato vassissāmā’’ti karonti, rakkhati tāva. ‘‘Avibhattattā anāpattī’’ti iminā ca idaṃ sadisaṃ, yena mūlena paṭiggahitaṃ, tassa sace itaro deti, so vā taṃ itarassa deti, sati paṭiggahaṇe sattāhātikkame nissaggiyattā, tasmā taṃ cīvaraṃ dvīsu sammukhībhūtena ekena adhiṭṭhātabbaṃ. Kiñcāpi ettha payogo na dissati samānaparikkhārānaṃ dvinnaṃ adhiṭṭhānapayogābhāvato, tathāpi samānasabbabhaṇḍakānaṃ dvinnaṃ telādi yena paṭiggahitaṃ, tassa kālātikkame āpattisambhavato, anadhiṭṭhāne dullabhavisesahetuttā ca ‘‘adhiṭṭhātabba’’nti vuttaṃ. Taṃ ayuttaṃ pattacīvarasattāhakālikānaṃ asadisavidhānattā. Ettha pattacīvarañhi attano santakabhāvaṃ upagatameva anadhiṭṭhahantassa kālātikkame āpatti, sattāhakālikaṃ pana parasantakasādhāraṇampi paṭiggahitaṃ paṭiggāhakassa kālātikkame āpattikaraṃ. Paṭiggahaṇañcettha pamāṇaṃ, na tattha sakasantakatā, sattāhakālikañca nissaggiyaṃ, sabbesampi anajjhoharaṇīyaṃ. Pattacīvaraṃ aññassa paribhuñjato anāpatti. Idañca kālātikkantampi nissajjitvā pacchā laddhaṃ kappati. Pattacīvaraṃ pana taṃ tassa vinayakammanti kappatīti. Avibhattassapi imassa dānaṃ ruhati, na pattacīvarassa. Vuttañhetaṃ aṭṭhakathāyaṃ ‘‘dvinnaṃ santakaṃ hoti…pe… sacepi avibhajitvā saddhivihārikādīnaṃ denti, adinnameva hotī’’ti. Yassa dānameva na ruhati, tassa kuto adhiṭṭhānaṃ. Eko ce pattacīvaraṃ dasame divase itarassa deti. Tato paṭṭhāya so dasa divase pariharituṃ labhati , na tathā sattāhakālikanti sabbathā upaparikkhiyamānaṃ sarikkhaṃ nakkhamatīti na taṃ sārato daṭṭhabbanti ācariyassa takko. ‘‘Vinayakammavasena pana anissajjitvā sahasā virujjhitvā kassaci pariccattampi puna paṭilabhitvā paribhuñjituṃ na vaṭṭatī’’ti vuttaṃ, sace desantaritaṃ, samuddantaritaṃ vā cīvaraṃ nissaggiyaṃ jātaṃ, taṃ idha ṭhitena bhikkhunā ekassa vantena cittena cattaṃ katvā anapekkhitvā āpattiṃ desetvā tassa vissāsena puna gahetvā adhiṭṭhātabbaṃ, ‘‘pattādīsu ca ayameva nayo’’ti ca vuttaṃ, ‘‘tālanāḷikeraphāṇitampi sattāhakālikaṃ evā’’ti ca. ‘‘Dvinnaṃ santakaṃ ekena paṭiggahitaṃ sattāhakālikaṃ sattāhātikkame āpattiṃ na karoti , paribhuñjituṃ pana dvinnampi na vaṭṭatī’’ti ca ‘‘parasantakaṃ paṭiggahetvā ṭhapitepi eseva nayo’’ti ca keci vadanti. Dukkaṭavatthubhūtaṃ sappiādi nissajjitabbaṃ puna paribhuñjituṃ vaṭṭatīti vidhānaṃ na dissatīti.
бхзсаж̇ж̇асигкаабад̣̇аван̣н̣анаа нидтид̇аа.
Bhesajjasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. бхзсаж̇ж̇асигкаабад̣̇ам̣ • 3. Bhesajjasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бхзсаж̇ж̇асигкаабад̣̇аван̣н̣анаа • 3. Bhesajjasikkhāpadavaṇṇanā
