| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಪುರಾಣ-ಟೀಕಾ • Kaṅkhāvitaraṇī-purāṇa-ṭīkā |
೩. ಭೇಸಜ್ಜಸಿಕ್ಖಾಪದವಣ್ಣನಾ
3. Bhesajjasikkhāpadavaṇṇanā
‘‘ಪಟಿಸಾಯನೀಯಾನಿ ಪಟಿಗ್ಗಹೇತ್ವಾ’’ತಿ ವದನ್ತೇನ ಪಾದಮಕ್ಖನಾದೀನಂ ಅತ್ಥಾಯ ಪಟಿಗ್ಗಹೇತ್ವಾ ಠಪೇತುಂ ವಟ್ಟತೀತಿ ದೀಪಿತನ್ತಿ ಲಿಖಿತಂ। ‘‘ಯೇಸಂ ಮಂಸಂ ಕಪ್ಪತೀ’’ತಿ ವಚನೇನ ಯೇಸಂ ಮಂಸಂ ನ ಕಪ್ಪತಿ, ತೇಸಂ ಸಪ್ಪಿಆದಿ ನ ಕಪ್ಪತೀತಿ ವದನ್ತಾ ಅಜಾನಿತ್ವಾ ವದನ್ತಿ। ಯೇಸಞ್ಹಿ ಮಂಸಂ ಕಪ್ಪತಿ, ತೇಸಂ ಸಪ್ಪೀತಿಆದಿ ಸತ್ತಾಹಕಾಲಿಕನಿಸ್ಸಗ್ಗಿಯವತ್ಥುಪರಿಚ್ಛೇದದಸ್ಸನತ್ಥಂ ವುತ್ತಂ। ತಥಾ ಪಣೀತಭೋಜನಸಿಕ್ಖಾಪದೇ ಯೇಸಂ ಮಂಸಂ ಕಪ್ಪತಿ, ತೇಸಂಯೇವ ಖೀರಾದಿ ಪಣೀತಭೋಜನಂ, ನೇತರನ್ತಿ ದಸ್ಸೇತುಂ ವುತ್ತನ್ತಿ। ಮಧು ನಾಮ ಮಧುಕರಿಭಮರಮಕ್ಖಿಕಾನಂ ಆಸಯೇಸು ನಿಯ್ಯಾಸಸದಿಸಂ ಮಹಾಮಧು ಹೋತಿ, ತಂ ಯಾವಜೀವಿಕನ್ತಿ ಚ ಲಿಖಿತಂ।
‘‘Paṭisāyanīyāni paṭiggahetvā’’ti vadantena pādamakkhanādīnaṃ atthāya paṭiggahetvā ṭhapetuṃ vaṭṭatīti dīpitanti likhitaṃ. ‘‘Yesaṃ maṃsaṃ kappatī’’ti vacanena yesaṃ maṃsaṃ na kappati, tesaṃ sappiādi na kappatīti vadantā ajānitvā vadanti. Yesañhi maṃsaṃ kappati, tesaṃ sappītiādi sattāhakālikanissaggiyavatthuparicchedadassanatthaṃ vuttaṃ. Tathā paṇītabhojanasikkhāpade yesaṃ maṃsaṃ kappati, tesaṃyeva khīrādi paṇītabhojanaṃ, netaranti dassetuṃ vuttanti. Madhu nāma madhukaribhamaramakkhikānaṃ āsayesu niyyāsasadisaṃ mahāmadhu hoti, taṃ yāvajīvikanti ca likhitaṃ.
ಭೇಸಜ್ಜಸಿಕ್ಖಾಪದವಣ್ಣನಾ ನಿಟ್ಠಿತಾ।
Bhesajjasikkhāpadavaṇṇanā niṭṭhitā.
ಪತ್ತವಗ್ಗೋ ತತಿಯೋ।
Pattavaggo tatiyo.
ನಿಸ್ಸಗ್ಗಿಯಪಾಚಿತ್ತಿಯವಣ್ಣನಾ ನಿಟ್ಠಿತಾ।
Nissaggiyapācittiyavaṇṇanā niṭṭhitā.
