| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
3. භෙසජ්‌ජසික්‌ඛාපදවණ්‌ණනා
3. Bhesajjasikkhāpadavaṇṇanā
‘‘පටිසායනීයානි පටිග්‌ගහෙත්‌වා’’ති වදන්‌තෙන පාදමක්‌ඛනාදීනං අත්‌ථාය පටිග්‌ගහෙත්‌වා ඨපෙතුං වට්‌ටතීති දීපිතන්‌ති ලිඛිතං. ‘‘යෙසං මංසං කප්‌පතී’’ති වචනෙන යෙසං මංසං න කප්‌පති, තෙසං සප්‌පිආදි න කප්‌පතීති වදන්‌තා අජානිත්‌වා වදන්‌ති. යෙසඤ්‌හි මංසං කප්‌පති, තෙසං සප්‌පීතිආදි සත්‌තාහකාලිකනිස්‌සග්‌ගියවත්‌ථුපරිච්‌ඡෙදදස්‌සනත්‌ථං වුත්‌තං. තථා පණීතභොජනසික්‌ඛාපදෙ යෙසං මංසං කප්‌පති, තෙසංයෙව ඛීරාදි පණීතභොජනං, නෙතරන්‌ති දස්‌සෙතුං වුත්‌තන්‌ති. මධු නාම මධුකරිභමරමක්‌ඛිකානං ආසයෙසු නිය්‍යාසසදිසං මහාමධු හොති, තං යාවජීවිකන්‌ති ච ලිඛිතං.
‘‘Paṭisāyanīyāni paṭiggahetvā’’ti vadantena pādamakkhanādīnaṃ atthāya paṭiggahetvā ṭhapetuṃ vaṭṭatīti dīpitanti likhitaṃ. ‘‘Yesaṃ maṃsaṃ kappatī’’ti vacanena yesaṃ maṃsaṃ na kappati, tesaṃ sappiādi na kappatīti vadantā ajānitvā vadanti. Yesañhi maṃsaṃ kappati, tesaṃ sappītiādi sattāhakālikanissaggiyavatthuparicchedadassanatthaṃ vuttaṃ. Tathā paṇītabhojanasikkhāpade yesaṃ maṃsaṃ kappati, tesaṃyeva khīrādi paṇītabhojanaṃ, netaranti dassetuṃ vuttanti. Madhu nāma madhukaribhamaramakkhikānaṃ āsayesu niyyāsasadisaṃ mahāmadhu hoti, taṃ yāvajīvikanti ca likhitaṃ.
භෙසජ්‌ජසික්‌ඛාපදවණ්‌ණනා නිට්‌ඨිතා.
Bhesajjasikkhāpadavaṇṇanā niṭṭhitā.
පත්‌තවග්‌ගො තතියො.
Pattavaggo tatiyo.
නිස්‌සග්‌ගියපාචිත්‌තියවණ්‌ණනා නිට්‌ඨිතා.
Nissaggiyapācittiyavaṇṇanā niṭṭhitā.
