| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༣. བྷེསཛྫསིཀྑཱཔདཝཎྞནཱ
3. Bhesajjasikkhāpadavaṇṇanā
‘‘པཊིསཱཡནཱིཡཱནི པཊིགྒཧེཏྭཱ’’ཏི ཝདནྟེན པཱདམཀྑནཱདཱིནཾ ཨཏྠཱཡ པཊིགྒཧེཏྭཱ ཋཔེཏུཾ ཝཊྚཏཱིཏི དཱིཔིཏནྟི ལིཁིཏཾ། ‘‘ཡེསཾ མཾསཾ ཀཔྤཏཱི’’ཏི ཝཙནེན ཡེསཾ མཾསཾ ན ཀཔྤཏི, ཏེསཾ སཔྤིཨཱདི ན ཀཔྤཏཱིཏི ཝདནྟཱ ཨཛཱནིཏྭཱ ཝདནྟི། ཡེསཉྷི མཾསཾ ཀཔྤཏི, ཏེསཾ སཔྤཱིཏིཨཱདི སཏྟཱཧཀཱལིཀནིསྶགྒིཡཝཏྠུཔརིཙྪེདདསྶནཏྠཾ ཝུཏྟཾ། ཏཐཱ པཎཱིཏབྷོཛནསིཀྑཱཔདེ ཡེསཾ མཾསཾ ཀཔྤཏི, ཏེསཾཡེཝ ཁཱིརཱདི པཎཱིཏབྷོཛནཾ, ནེཏརནྟི དསྶེཏུཾ ཝུཏྟནྟི། མདྷུ ནཱམ མདྷུཀརིབྷམརམཀྑིཀཱནཾ ཨཱསཡེསུ ནིཡྻཱསསདིསཾ མཧཱམདྷུ ཧོཏི, ཏཾ ཡཱཝཛཱིཝིཀནྟི ཙ ལིཁིཏཾ།
‘‘Paṭisāyanīyāni paṭiggahetvā’’ti vadantena pādamakkhanādīnaṃ atthāya paṭiggahetvā ṭhapetuṃ vaṭṭatīti dīpitanti likhitaṃ. ‘‘Yesaṃ maṃsaṃ kappatī’’ti vacanena yesaṃ maṃsaṃ na kappati, tesaṃ sappiādi na kappatīti vadantā ajānitvā vadanti. Yesañhi maṃsaṃ kappati, tesaṃ sappītiādi sattāhakālikanissaggiyavatthuparicchedadassanatthaṃ vuttaṃ. Tathā paṇītabhojanasikkhāpade yesaṃ maṃsaṃ kappati, tesaṃyeva khīrādi paṇītabhojanaṃ, netaranti dassetuṃ vuttanti. Madhu nāma madhukaribhamaramakkhikānaṃ āsayesu niyyāsasadisaṃ mahāmadhu hoti, taṃ yāvajīvikanti ca likhitaṃ.
བྷེསཛྫསིཀྑཱཔདཝཎྞནཱ ནིཊྛིཏཱ།
Bhesajjasikkhāpadavaṇṇanā niṭṭhitā.
པཏྟཝགྒོ ཏཏིཡོ།
Pattavaggo tatiyo.
ནིསྶགྒིཡཔཱཙིཏྟིཡཝཎྞནཱ ནིཊྛིཏཱ།
Nissaggiyapācittiyavaṇṇanā niṭṭhitā.
