| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
11. бхигкад̣̇ааяиваг̇г̇о
11. Bhikkhadāyivaggo
1. бхигкаад̣̇ааяагад̇т̇зраабад̣̇аанаван̣н̣анаа
1. Bhikkhādāyakattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о бхигкаад̣̇ааяагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇химанвааяа вибхавасамбанно сад̣̇д̇хааж̇аад̇о вихаарад̇о нигкамид̇ваа бин̣д̣ааяа жарамаанам̣ сид̣̇д̇хад̇т̇ам̣ бхаг̇аванд̇ам̣ д̣̇исваа басаннамаанасо аахаарамад̣̇ааси. бхаг̇аваа д̇ам̣ бадиг̇г̇ахзд̇ваа анумод̣̇анам̣ вад̇ваа баггаами. со д̇знзва гусалзна яаавад̇ааяугам̣ тад̇ваа ааяубарияосаанз д̣̇звалогз ниб̣б̣ад̇д̇о д̇ад̇т̇а ча гаамааважарасамбад̇д̇ияо анубхавид̇ваа мануссзсу жа мануссасамбад̇д̇иманубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси.
Suvaṇṇavaṇṇaṃsambuddhantiādikaṃ āyasmato bhikkhādāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto vuddhimanvāya vibhavasampanno saddhājāto vihārato nikkhamitvā piṇḍāya caramānaṃ siddhatthaṃ bhagavantaṃ disvā pasannamānaso āhāramadāsi. Bhagavā taṃ paṭiggahetvā anumodanaṃ vatvā pakkāmi. So teneva kusalena yāvatāyukaṃ ṭhatvā āyupariyosāne devaloke nibbatto tattha cha kāmāvacarasampattiyo anubhavitvā manussesu ca manussasampattimanubhavitvā imasmiṃ buddhuppāde kulagehe nibbatto vuddhimanvāya saddhājāto pabbajitvā nacirasseva arahā ahosi.
1. со абарабхааг̇з ад̇д̇ано буб̣б̣агаммам̣ ануссарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суван̣н̣аван̣н̣ам̣ самб̣уд̣̇д̇ханд̇иаад̣̇имааха. д̇ам̣ саб̣б̣ам̣ хздтаа вуд̇д̇анаяамзва. бавараа абхинигканд̇анд̇и багаарзна варид̇аб̣б̣ам̣ бад̇т̇зд̇аб̣б̣анд̇и баварам̣, раммабхууд̇ад̇о вивзгабхууд̇ад̇о сагавихаарад̇о абхи висзсзна нигканд̇анд̇и ад̇т̇о. ваанаа ниб̣б̣аанамааг̇ад̇анд̇и ваанам̣ вужжад̇и д̇ан̣хаа, д̇ад̇о нигканд̇ад̇д̇аа ниб̣б̣аанам̣, ваананаамам̣ д̇ан̣хам̣ бад̇хаанам̣ гад̇ваа саб̣б̣агилзсз бахааяа ниб̣б̣аанам̣ бад̇д̇анд̇и ад̇т̇о.
1. So aparabhāge attano pubbakammaṃ anussaritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ sabbaṃ heṭṭhā vuttanayameva. Pavarā abhinikkhantanti pakārena varitabbaṃ patthetabbanti pavaraṃ, rammabhūtato vivekabhūtato sakavihārato abhi visesena nikkhantanti attho. Vānā nibbānamāgatanti vānaṃ vuccati taṇhā, tato nikkhantattā nibbānaṃ, vānanāmaṃ taṇhaṃ padhānaṃ katvā sabbakilese pahāya nibbānaṃ pattanti attho.
2. гадажчубхигкам̣ д̣̇ад̇ваанаад̇и гарад̇алзна г̇ахзд̇аб̣б̣аа д̣̇аб̣б̣и гадажчу, бхигкийяад̇и ааяаажийяад̇ийд̇и бхигкаа, абхи висзсзна каад̣̇ид̇аб̣б̣аа бхагкид̇аб̣б̣аад̇и ваа бхигкаа, гадажчунаа г̇ахзд̇аб̣б̣аа бхигкаа гадажчубхигкаа, д̣̇аб̣б̣ияаа бхад̇д̇ам̣ д̣̇ад̇ваад̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
2.Kaṭacchubhikkhaṃ datvānāti karatalena gahetabbā dabbi kaṭacchu, bhikkhīyati āyācīyatīti bhikkhā, abhi visesena khāditabbā bhakkhitabbāti vā bhikkhā, kaṭacchunā gahetabbā bhikkhā kaṭacchubhikkhā, dabbiyā bhattaṃ datvāti attho. Sesaṃ sabbattha uttānatthamevāti.
бхигкаад̣̇ааяагад̇т̇зраабад̣̇аанаван̣н̣анаа самад̇д̇аа.
Bhikkhādāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. бхигкад̣̇ааяагад̇т̇зраабад̣̇аанам̣ • 1. Bhikkhadāyakattheraapadānaṃ
