| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
6. бхигкаад̣̇ааяагавимаанаван̣н̣анаа
6. Bhikkhādāyakavimānavaṇṇanā
ужжамид̣̇ам̣ ман̣ит̇уун̣ам̣ вимаананд̇и бхигкаад̣̇ааяагавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз. д̇зна самаязна ан̃н̃ад̇аро бхигку ад̣̇д̇хаанамаг̇г̇абадибанно ан̃н̃ад̇арам̣ г̇аамам̣ бин̣д̣ааяа бавидто згасса гхарад̣̇д̇хаарз адтааси. д̇ад̇т̇а ан̃н̃ад̇аро бурисо д̇ход̇ахад̇т̇абаад̣̇о ‘‘бхун̃ж̇иссаамий’’д̇и нисинно бхож̇анам̣ убанзд̇ваа баад̇ияаа багкид̇д̇з д̇ам̣ бхигкум̣ д̣̇исваа баад̇ияаа бхад̇д̇ам̣ д̇асса бхигкуно бад̇д̇з аагиранд̇о д̇зна ‘‘згад̣̇зсамзва д̣̇зхий’’д̇и вуд̇д̇оби саб̣б̣амзва аагири. со бхигку анумод̣̇анам̣ вад̇ваа баггаами. со бурисо ‘‘чаад̇аж̇жхад̇д̇асса бхигкуно маяаа абхун̃ж̇ид̇ваа бхад̇д̇ам̣ д̣̇инна’’нд̇и ануссаранд̇о ул̣аарам̣ бийд̇исоманассам̣ бадилабхи. со абарабхааг̇з гаалам̣ гад̇ваа д̇аавад̇им̣сзсу д̣̇ваад̣̇асаяож̇анигз ганагавимаанз ниб̣б̣ад̇д̇и. д̇ам̣ ааяасмаа махаамог̇г̇аллаанад̇т̇зро д̣̇зважааригам̣ жаранд̇о махад̇ияаа д̣̇звид̣̇д̇хияаа вирожамаанам̣ д̣̇исваа имаахи г̇аат̇аахи бадибужчи –
Uccamidaṃ maṇithūṇaṃ vimānanti bhikkhādāyakavimānaṃ. Tassa kā uppatti? Bhagavā rājagahe viharati veḷuvane. Tena samayena aññataro bhikkhu addhānamaggapaṭipanno aññataraṃ gāmaṃ piṇḍāya paviṭṭho ekassa gharaddhāre aṭṭhāsi. Tattha aññataro puriso dhotahatthapādo ‘‘bhuñjissāmī’’ti nisinno bhojanaṃ upanetvā pātiyā pakkhitte taṃ bhikkhuṃ disvā pātiyā bhattaṃ tassa bhikkhuno patte ākiranto tena ‘‘ekadesameva dehī’’ti vuttopi sabbameva ākiri. So bhikkhu anumodanaṃ vatvā pakkāmi. So puriso ‘‘chātajjhattassa bhikkhuno mayā abhuñjitvā bhattaṃ dinna’’nti anussaranto uḷāraṃ pītisomanassaṃ paṭilabhi. So aparabhāge kālaṃ katvā tāvatiṃsesu dvādasayojanike kanakavimāne nibbatti. Taṃ āyasmā mahāmoggallānatthero devacārikaṃ caranto mahatiyā deviddhiyā virocamānaṃ disvā imāhi gāthāhi paṭipucchi –
1081.
1081.
‘‘ужжамид̣̇ам̣ ман̣ит̇уун̣ам̣ вимаанам̣, саманд̇ад̇о д̣̇ваад̣̇аса яож̇анаани;
‘‘Uccamidaṃ maṇithūṇaṃ vimānaṃ, samantato dvādasa yojanāni;
гуудааг̇аараа сад̇д̇асад̇аа ул̣аараа, взл̣урияат̇амбхаа ружагад̇т̇ад̇аа субхаа.
Kūṭāgārā sattasatā uḷārā, veḷuriyathambhā rucakatthatā subhā.
1082.
1082.
‘‘д̣̇звид̣̇д̇хибад̇д̇оси махаанубхааво…бз…
‘‘Deviddhipattosi mahānubhāvo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
соби д̇асса имаахи г̇аат̇аахи б̣яаагааси –
Sopi tassa imāhi gāthāhi byākāsi –
1083.
1083.
‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
‘‘So devaputto attamano…pe… yassa kammassidaṃ phalaṃ’’.
1084.
1084.
‘‘ахам̣ мануссзсу мануссабхууд̇о, д̣̇исваана бхигкум̣ д̇асид̇ам̣ гиланд̇ам̣;
‘‘Ahaṃ manussesu manussabhūto, disvāna bhikkhuṃ tasitaṃ kilantaṃ;
згаахам̣ бхигкам̣ бадибаад̣̇аяиссам̣, саман̇г̇и бхад̇д̇зна д̇ад̣̇аа агаасим̣.
Ekāhaṃ bhikkhaṃ paṭipādayissaṃ, samaṅgi bhattena tadā akāsiṃ.
1085.
1085.
‘‘д̇зна мзд̇аад̣̇исо ван̣н̣о…бз… ван̣н̣о жа мз саб̣б̣ад̣̇исаа бабхаасад̇ий’’д̇и.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
1084. д̇ад̇т̇а згаахам̣ бхигканд̇и згам̣ ахам̣ бхигкаамад̇д̇ам̣, згам̣ бхад̇д̇авад̣дхид̇аганд̇и ад̇т̇о. бадибаад̣̇аяиссанд̇и бадибаад̣̇зсим̣ ад̣̇аасим̣. саман̇г̇и бхад̇д̇знаад̇и бхад̇д̇зна саман̇г̇ийбхууд̇ам̣, лад̣̇д̇хабхигканд̇и ад̇т̇о. звам̣ махаат̇зро д̇зна д̣̇звабуд̇д̇зна ад̇д̇ано сужарид̇агаммз багаасид̇з сабариваарасса д̇асса д̇хаммам̣ д̣̇зсзд̇ваа мануссалогамааг̇ад̇о, д̇ам̣ бавад̇д̇им̣ саммаасамб̣уд̣̇д̇хасса гат̇зси. сад̇т̇аа д̇ам̣ адтуббад̇д̇им̣ гад̇ваа самбад̇д̇амахааж̇анасса д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
1084. Tattha ekāhaṃ bhikkhanti ekaṃ ahaṃ bhikkhāmattaṃ, ekaṃ bhattavaḍḍhitakanti attho. Paṭipādayissanti paṭipādesiṃ adāsiṃ. Samaṅgi bhattenāti bhattena samaṅgībhūtaṃ, laddhabhikkhanti attho. Evaṃ mahāthero tena devaputtena attano sucaritakamme pakāsite saparivārassa tassa dhammaṃ desetvā manussalokamāgato, taṃ pavattiṃ sammāsambuddhassa kathesi. Satthā taṃ aṭṭhuppattiṃ katvā sampattamahājanassa dhammaṃ desesi. Sā desanā mahājanassa sātthikā ahosīti.
бхигкаад̣̇ааяагавимаанаван̣н̣анаа нидтид̇аа.
Bhikkhādāyakavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. бхигкаад̣̇ааяагавимаанавад̇т̇у • 6. Bhikkhādāyakavimānavatthu
