| Library / Tipiṭaka / တိပိဋက • Tipiṭaka / ဝိမာနဝတ္ထုပာဠိ • Vimānavatthupāḷi |
၆. ဘိက္ခာဒာယကဝိမာနဝတ္ထု
6. Bhikkhādāyakavimānavatthu
၁၀၈၁.
1081.
‘‘ဥစ္စမိဒံ မဏိထူဏံ ဝိမာနံ၊ သမန္တတော ဒ္ဝာဒသ ယောဇနာနိ။
‘‘Uccamidaṃ maṇithūṇaṃ vimānaṃ, samantato dvādasa yojanāni;
ကူဋာဂာရာ သတ္တသတာ ဥဠာရာ၊ ဝေဠုရိယထမ္ဘာ ရုစကတ္ထတာ သုဘာ။
Kūṭāgārā sattasatā uḷārā, veḷuriyathambhā rucakatthatā subhā.
၁၀၈၂.
1082.
‘‘ဒေဝိဒ္ဓိပတ္တောသိ မဟာနုဘာဝော၊ မနုသ္သဘူတော ကိမကာသိ ပုညံ။
‘‘Deviddhipattosi mahānubhāvo, manussabhūto kimakāsi puññaṃ;
ကေနာသိ ဧဝံ ဇလိတာနုဘာဝော၊ ဝဏ္ဏော စ တေ သဗ္ဗဒိသာ ပဘာသတီ’’တိ။
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
၁၀၈၃.
1083.
သော ဒေဝပုတ္တော အတ္တမနော။ပေ.။ ယသ္သ ကမ္မသ္သိဒံ ဖလံ။
So devaputto attamano…pe… yassa kammassidaṃ phalaṃ.
၁၀၈၄.
1084.
‘‘အဟံ မနုသ္သေသု မနုသ္သဘူတော၊ ဒိသ္ဝာန ဘိက္ခုံ တသိတံ ကိလန္တံ။
‘‘Ahaṃ manussesu manussabhūto, disvāna bhikkhuṃ tasitaṃ kilantaṃ;
ဧကာဟံ ဘိက္ခံ ပဋိပာဒယိသ္သံ၊ သမင္ဂိ ဘတ္တေန တဒာ အကာသိံ။
Ekāhaṃ bhikkhaṃ paṭipādayissaṃ, samaṅgi bhattena tadā akāsiṃ.
၁၀၈၅.
1085.
‘‘တေန မေတာဒိသော ဝဏ္ဏော။ပေ.။ ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
ဘိက္ခာဒာယကဝိမာနံ ဆဋ္ဌံ။
Bhikkhādāyakavimānaṃ chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဝိမာနဝတ္ထု-အဋ္ဌကထာ • Vimānavatthu-aṭṭhakathā / ၆. ဘိက္ခာဒာယကဝိမာနဝဏ္ဏနာ • 6. Bhikkhādāyakavimānavaṇṇanā
