| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. бхигкагасуд̇д̇ам̣
10. Bhikkhakasuttaṃ
206. саавад̇т̇инид̣̇аанам̣. ат̇а ко бхигкаго б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко бхигкаго б̣раахман̣о бхаг̇аванд̇ам̣ зд̇ад̣̇авожа – ‘‘ахамби ко, бхо г̇од̇ама, бхигкаго, бхавамби бхигкаго, ид̇ха но гим̣ наанаагаран̣а’’нд̇и?
206. Sāvatthinidānaṃ. Atha kho bhikkhako brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho bhikkhako brāhmaṇo bhagavantaṃ etadavoca – ‘‘ahampi kho, bho gotama, bhikkhako, bhavampi bhikkhako, idha no kiṃ nānākaraṇa’’nti?
‘‘на д̇зна бхигкаго ход̇и, яаавад̇аа бхигкад̇з барз;
‘‘Na tena bhikkhako hoti, yāvatā bhikkhate pare;
виссам̣ д̇хаммам̣ самаад̣̇ааяа, бхигку ход̇и на д̇аавад̇аа.
Vissaṃ dhammaṃ samādāya, bhikkhu hoti na tāvatā.
‘‘яод̇ха бун̃н̃ан̃жа баабан̃жа, б̣аахид̇ваа б̣рахмажарияам̣;
‘‘Yodha puññañca pāpañca, bāhitvā brahmacariyaṃ;
сан̇кааяа логз жарад̇и, са вз бхигкууд̇и вужжад̇ий’’д̇и.
Saṅkhāya loke carati, sa ve bhikkhūti vuccatī’’ti.
звам̣ вуд̇д̇з, бхигкаго б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, bhikkhako brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бхигкагасуд̇д̇аван̣н̣анаа • 10. Bhikkhakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бхигкагасуд̇д̇аван̣н̣анаа • 10. Bhikkhakasuttavaṇṇanā
