| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[496] 13. бхигкаабарамбараж̇аад̇агаван̣н̣анаа
[496] 13. Bhikkhāparamparajātakavaṇṇanā
сукумааларуубам̣ д̣̇исваад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ гудумб̣игам̣ аараб̣бха гат̇зси. со гира сад̣̇д̇хо ахоси басанно, д̇ат̇ааг̇ад̇асса жзва сан̇гхасса жа ниб̣ад̣̇д̇хам̣ махаасаггаарам̣ гарод̇и. ат̇згад̣̇ивасам̣ жинд̇зси ‘‘ахам̣ б̣уд̣̇д̇харад̇анасса жзва сан̇гхарад̇анасса жа бан̣ийд̇аани каад̣̇анийяабхож̇анийяаани жзва сукумавад̇т̇аани жа д̣̇знд̇о нижжам̣ махаасаггаарам̣ гароми, ид̣̇аани д̇хаммарад̇анассаби гариссаами, гат̇ам̣ ну ко д̇асса саггаарам̣ гаронд̇зна гад̇д̇аб̣б̣а’’нд̇и. со б̣ахууни г̇анд̇хамаалаад̣̇ийни аад̣̇ааяа ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа бужчи ‘‘ахам̣, бханд̇з, д̇хаммарад̇анасса саггаарам̣ гад̇д̇угаамомхи, гат̇ам̣ ну ко д̇асса саггаарам̣ гаронд̇зна гад̇д̇аб̣б̣а’’нд̇и. ат̇а нам̣ сад̇т̇аа ааха – ‘‘сажз д̇хаммарад̇анасса саггаарам̣ гад̇д̇угаамо, д̇хаммабхан̣д̣ааг̇ааригасса аананд̣̇асса саггаарам̣ гарохий’’д̇и. со ‘‘саад̇хуу’’д̇и бадиссун̣ид̇ваа т̇зрам̣ ниманд̇зд̇ваа бунад̣̇ивасз маханд̇зна саггаарзна ад̇д̇ано г̇зхам̣ нзд̇ваа махаарахз аасанз нисийд̣̇аабзд̇ваа г̇анд̇хамаалаад̣̇ийхи бууж̇зд̇ваа наанаг̇г̇арасабхож̇анам̣ д̣̇ад̇ваа махаг̇гхз д̇ижийвараббахонагз саадагз ад̣̇ааси. т̇зроби ‘‘аяам̣ саггааро д̇хаммарад̇анасса гад̇о, на маяхам̣ анужчавиго, аг̇г̇асаавагасса д̇хаммасзнаабад̇исса анужчавиго’’д̇и жинд̇зд̇ваа бин̣д̣абаад̇ан̃жа вад̇т̇аани жа вихаарам̣ харид̇ваа саарибуд̇д̇ад̇т̇зрасса ад̣̇ааси. соби ‘‘аяам̣ саггааро д̇хаммарад̇анасса гад̇о, зганд̇зна д̇хаммассаамино саммаасамб̣уд̣̇д̇хассзва анужчавиго’’д̇и жинд̇зд̇ваа д̣̇асаб̣аласса ад̣̇ааси. сад̇т̇аа ад̇д̇ано уд̇д̇арид̇арам̣ ад̣̇исваа бин̣д̣абаад̇ам̣ барибхун̃ж̇и, жийварасаадагз аг̇г̇ахзси.
Sukhumālarūpaṃdisvāti idaṃ satthā jetavane viharanto aññataraṃ kuṭumbikaṃ ārabbha kathesi. So kira saddho ahosi pasanno, tathāgatassa ceva saṅghassa ca nibaddhaṃ mahāsakkāraṃ karoti. Athekadivasaṃ cintesi ‘‘ahaṃ buddharatanassa ceva saṅgharatanassa ca paṇītāni khādanīyabhojanīyāni ceva sukhumavatthāni ca dento niccaṃ mahāsakkāraṃ karomi, idāni dhammaratanassapi karissāmi, kathaṃ nu kho tassa sakkāraṃ karontena kattabba’’nti. So bahūni gandhamālādīni ādāya jetavanaṃ gantvā satthāraṃ vanditvā pucchi ‘‘ahaṃ, bhante, dhammaratanassa sakkāraṃ kattukāmomhi, kathaṃ nu kho tassa sakkāraṃ karontena kattabba’’nti. Atha naṃ satthā āha – ‘‘sace dhammaratanassa sakkāraṃ kattukāmo, dhammabhaṇḍāgārikassa ānandassa sakkāraṃ karohī’’ti. So ‘‘sādhū’’ti paṭissuṇitvā theraṃ nimantetvā punadivase mahantena sakkārena attano gehaṃ netvā mahārahe āsane nisīdāpetvā gandhamālādīhi pūjetvā nānaggarasabhojanaṃ datvā mahagghe ticīvarappahonake sāṭake adāsi. Theropi ‘‘ayaṃ sakkāro dhammaratanassa kato, na mayhaṃ anucchaviko, aggasāvakassa dhammasenāpatissa anucchaviko’’ti cintetvā piṇḍapātañca vatthāni ca vihāraṃ haritvā sāriputtattherassa adāsi. Sopi ‘‘ayaṃ sakkāro dhammaratanassa kato, ekantena dhammassāmino sammāsambuddhasseva anucchaviko’’ti cintetvā dasabalassa adāsi. Satthā attano uttaritaraṃ adisvā piṇḍapātaṃ paribhuñji, cīvarasāṭake aggahesi.
бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго наама гудумб̣иго ‘д̇хаммарад̇анасса саггаарам̣ гаромий’д̇и д̇хаммабхан̣д̣ааг̇ааригасса аананд̣̇ад̇т̇зрасса ад̣̇ааси. т̇зро ‘нааяам̣ маяхам̣ анужчавиго’д̇и д̇хаммасзнаабад̇ино ад̣̇ааси, соби ‘нааяам̣ маяхам̣ анужчавиго’д̇и д̇ат̇ааг̇ад̇асса ад̣̇ааси. д̇ат̇ааг̇ад̇о ан̃н̃ам̣ уд̇д̇арид̇арам̣ абассанд̇о ад̇д̇ано д̇хаммассаамид̇ааяа ‘маяхамзвзсо анужчавиго’д̇и д̇ам̣ бин̣д̣абаад̇ам̣ барибхун̃ж̇и, жийварасаадагзби г̇ан̣хи, звам̣ со бин̣д̣абаад̇о яат̇аанужчавигад̇ааяа д̇хаммассааминова баад̣̇амуулам̣ г̇ад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва бин̣д̣абаад̇о барамбараа яат̇аанужчавигам̣ г̇ажчад̇и, буб̣б̣зби ануббаннз б̣уд̣̇д̇хз аг̇амаасиязваа’’д̇и вад̇ваа ад̇ийд̇ам̣ аахари.
Bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko nāma kuṭumbiko ‘dhammaratanassa sakkāraṃ karomī’ti dhammabhaṇḍāgārikassa ānandattherassa adāsi. Thero ‘nāyaṃ mayhaṃ anucchaviko’ti dhammasenāpatino adāsi, sopi ‘nāyaṃ mayhaṃ anucchaviko’ti tathāgatassa adāsi. Tathāgato aññaṃ uttaritaraṃ apassanto attano dhammassāmitāya ‘mayhameveso anucchaviko’ti taṃ piṇḍapātaṃ paribhuñji, cīvarasāṭakepi gaṇhi, evaṃ so piṇḍapāto yathānucchavikatāya dhammassāminova pādamūlaṃ gato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva piṇḍapāto paramparā yathānucchavikaṃ gacchati, pubbepi anuppanne buddhe agamāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇о аг̇ад̇иг̇аманам̣ бахааяа д̣̇аса рааж̇ад̇хаммз агобзнд̇о д̇хаммзна раж̇ж̇ам̣ гаарзси. звам̣ санд̇збисса винижчаяо сун̃н̃о вияа ахоси. рааж̇аа ад̇д̇ано аг̇ун̣аг̇авзсаго худ̇ваа анд̇онивзсанаад̣̇ийни бариг̇г̇ан̣ханд̇о анд̇збурз жа анд̇онаг̇арз жа д̣̇ваараг̇аамзсу жа ад̇д̇ано аг̇ун̣ам̣ гат̇знд̇ам̣ ад̣̇исваа ‘‘ж̇анабад̣̇з г̇авзсиссаамий’’д̇и амажжаанам̣ раж̇ж̇ам̣ нияяаад̣̇зд̇ваа бурохид̇зна сад̣̇д̇хим̣ ан̃н̃аад̇агавзсзнзва гаасирадтз жаранд̇о ган̃жи аг̇ун̣ам̣ гат̇знд̇ам̣ ад̣̇исваа бажжанд̇з згам̣ ниг̇амам̣ бад̇ваа б̣ахид̣̇ваарасаалааяам̣ нисийд̣̇и. д̇асмим̣ кан̣з ниг̇амаваасий асийд̇игодивибхаво гудумб̣иго маханд̇зна бариваарзна нхаанад̇ид̇т̇ам̣ г̇ажчанд̇о саалааяам̣ нисиннам̣ суван̣н̣аван̣н̣ам̣ сукумааласарийрам̣ рааж̇аанам̣ д̣̇исваа уббаннасинзхо саалам̣ бависид̇ваа бадисант̇аарам̣ гад̇ваа ‘‘ид̇хзва хот̇аа’’д̇и вад̇ваа г̇зхам̣ г̇анд̇ваа наанаг̇г̇арасабхож̇анам̣ самбаад̣̇зд̇ваа маханд̇зна бариваарзна бхад̇д̇абхааж̇анаани г̇аахаабзд̇ваа аг̇амааси. д̇асмим̣ кан̣з химаванд̇аваасий бан̃жаабхин̃н̃о д̇аабасо ааг̇анд̇ваа д̇ад̇т̇зва нисийд̣̇и. нанд̣̇амуулагабаб̣бхаарад̇о бажжзгаб̣уд̣̇д̇хоби ааг̇анд̇ваа д̇ад̇т̇зва нисийд̣̇и.
Atīte bārāṇasiyaṃ brahmadatto agatigamanaṃ pahāya dasa rājadhamme akopento dhammena rajjaṃ kāresi. Evaṃ santepissa vinicchayo suñño viya ahosi. Rājā attano aguṇagavesako hutvā antonivesanādīni pariggaṇhanto antepure ca antonagare ca dvāragāmesu ca attano aguṇaṃ kathentaṃ adisvā ‘‘janapade gavesissāmī’’ti amaccānaṃ rajjaṃ niyyādetvā purohitena saddhiṃ aññātakaveseneva kāsiraṭṭhe caranto kañci aguṇaṃ kathentaṃ adisvā paccante ekaṃ nigamaṃ patvā bahidvārasālāyaṃ nisīdi. Tasmiṃ khaṇe nigamavāsī asītikoṭivibhavo kuṭumbiko mahantena parivārena nhānatitthaṃ gacchanto sālāyaṃ nisinnaṃ suvaṇṇavaṇṇaṃ sukhumālasarīraṃ rājānaṃ disvā uppannasineho sālaṃ pavisitvā paṭisanthāraṃ katvā ‘‘idheva hothā’’ti vatvā gehaṃ gantvā nānaggarasabhojanaṃ sampādetvā mahantena parivārena bhattabhājanāni gāhāpetvā agamāsi. Tasmiṃ khaṇe himavantavāsī pañcābhiñño tāpaso āgantvā tattheva nisīdi. Nandamūlakapabbhārato paccekabuddhopi āgantvā tattheva nisīdi.
гудумб̣иго ран̃н̃о хад̇т̇ад̇хованауд̣̇агам̣ д̣̇ад̇ваа наанаг̇г̇арасзхи суубаб̣яан̃ж̇анзхи бхад̇д̇абаад̇им̣ саж̇ж̇зд̇ваа ран̃н̃о убанзси. рааж̇аа нам̣ г̇ахзд̇ваа бурохид̇асса б̣раахман̣асса ад̣̇ааси. б̣раахман̣о г̇ахзд̇ваа д̇аабасасса ад̣̇ааси. д̇аабасо бажжзгаб̣уд̣̇д̇хасса санд̇игам̣ г̇анд̇ваа ваамахад̇т̇зна бхад̇д̇абаад̇им̣, д̣̇агкин̣ахад̇т̇зна гаман̣д̣алум̣ г̇ахзд̇ваа д̣̇агкин̣од̣̇агам̣ д̣̇ад̇ваа бад̇д̇з бхад̇д̇ам̣ багкиби. со ган̃жи аниманд̇зд̇ваа анаабужчид̇ваа барибхун̃ж̇и. д̇асса бхад̇д̇агижжабарияосаанз гудумб̣иго жинд̇зси ‘‘маяаа ран̃н̃о бхад̇д̇ам̣ д̣̇иннам̣, ран̃н̃аа б̣раахман̣асса, б̣раахман̣зна д̇аабасасса, д̇аабасзна бажжзгаб̣уд̣̇д̇хасса, бажжзгаб̣уд̣̇д̇хо ган̃жи анаабужчид̇ваа барибхун̃ж̇и, гим̣ ну ко имзсам̣ зд̇д̇агам̣ д̣̇аанагааран̣ам̣, гим̣ имасса ган̃жи анаабужчид̇ваава бхун̃ж̇анагааран̣ам̣, анубуб̣б̣зна д̇з бужчиссаамий’’д̇и. со згзгам̣ убасан̇гамид̇ваа ванд̣̇ид̇ваа бужчи. д̇збисса гат̇зсум̣ –
Kuṭumbiko rañño hatthadhovanaudakaṃ datvā nānaggarasehi sūpabyañjanehi bhattapātiṃ sajjetvā rañño upanesi. Rājā naṃ gahetvā purohitassa brāhmaṇassa adāsi. Brāhmaṇo gahetvā tāpasassa adāsi. Tāpaso paccekabuddhassa santikaṃ gantvā vāmahatthena bhattapātiṃ, dakkhiṇahatthena kamaṇḍaluṃ gahetvā dakkhiṇodakaṃ datvā patte bhattaṃ pakkhipi. So kañci animantetvā anāpucchitvā paribhuñji. Tassa bhattakiccapariyosāne kuṭumbiko cintesi ‘‘mayā rañño bhattaṃ dinnaṃ, raññā brāhmaṇassa, brāhmaṇena tāpasassa, tāpasena paccekabuddhassa, paccekabuddho kañci anāpucchitvā paribhuñji, kiṃ nu kho imesaṃ ettakaṃ dānakāraṇaṃ, kiṃ imassa kañci anāpucchitvāva bhuñjanakāraṇaṃ, anupubbena te pucchissāmī’’ti. So ekekaṃ upasaṅkamitvā vanditvā pucchi. Tepissa kathesuṃ –
270.
270.
‘‘сукумааларуубам̣ д̣̇исваа, радтаа виванамааг̇ад̇ам̣;
‘‘Sukhumālarūpaṃ disvā, raṭṭhā vivanamāgataṃ;
гудааг̇аараваруубзд̇ам̣, махаасаяанамубаасид̇ам̣.
Kuṭāgāravarūpetaṃ, mahāsayanamupāsitaṃ.
271.
271.
‘‘д̇асса д̇з бзмагзнаахам̣, ад̣̇аасим̣ вад̣дхамод̣̇анам̣;
‘‘Tassa te pemakenāhaṃ, adāsiṃ vaḍḍhamodanaṃ;
саалийнам̣ вижид̇ам̣ бхад̇д̇ам̣, сужим̣ мам̣суубасзжанам̣.
Sālīnaṃ vicitaṃ bhattaṃ, suciṃ maṃsūpasecanaṃ.
272.
272.
‘‘д̇ам̣ д̇вам̣ бхад̇д̇ам̣ бадиг̇г̇аяха, б̣раахман̣асса ад̣̇аасаяи;
‘‘Taṃ tvaṃ bhattaṃ paṭiggayha, brāhmaṇassa adāsayi;
ад̇д̇аанам̣ анасид̇ваана, гояам̣ д̇хаммо намад̇т̇у д̇з.
Attānaṃ anasitvāna, koyaṃ dhammo namatthu te.
273.
273.
‘‘аажарияо б̣раахман̣о маяхам̣, гижжаагижжзсу б̣яаавадо;
‘‘Ācariyo brāhmaṇo mayhaṃ, kiccākiccesu byāvaṭo;
г̇ару жа ааманд̇анийяо жа, д̣̇аад̇умарахаами бхож̇анам̣.
Garu ca āmantanīyo ca, dātumarahāmi bhojanaṃ.
274.
274.
‘‘б̣раахман̣ам̣ д̣̇аани бужчаами, г̇од̇амам̣ рааж̇абууж̇ид̇ам̣;
‘‘Brāhmaṇaṃ dāni pucchāmi, gotamaṃ rājapūjitaṃ;
рааж̇аа д̇з бхад̇д̇ам̣ баад̣̇ааси, сужим̣ мам̣суубасзжанам̣.
Rājā te bhattaṃ pādāsi, suciṃ maṃsūpasecanaṃ.
275.
275.
‘‘д̇ам̣ д̇вам̣ бхад̇д̇ам̣ бадиг̇г̇аяха, исисса бхож̇анам̣ ад̣̇аа;
‘‘Taṃ tvaṃ bhattaṃ paṭiggayha, isissa bhojanaṃ adā;
акзд̇д̇ан̃н̃ууси д̣̇аанасса, гояам̣ д̇хаммо намад̇т̇у д̇з.
Akhettaññūsi dānassa, koyaṃ dhammo namatthu te.
276.
276.
‘‘бхараами буд̇д̇ад̣̇аарз жа, гхарзсу г̇ад̇хид̇о ахам̣;
‘‘Bharāmi puttadāre ca, gharesu gadhito ahaṃ;
бхун̃ж̇з маанусагз гаамз, анусаасаами рааж̇ино.
Bhuñje mānusake kāme, anusāsāmi rājino.
277.
277.
‘‘ааран̃н̃игасса исино, жирарад̇д̇ам̣ д̇абассино;
‘‘Āraññikassa isino, cirarattaṃ tapassino;
вуд̣дхасса бхаавид̇ад̇д̇асса, д̣̇аад̇умарахаами бхож̇анам̣.
Vuḍḍhassa bhāvitattassa, dātumarahāmi bhojanaṃ.
278.
278.
‘‘исин̃жа д̣̇аани бужчаами, гисам̣ д̇хаманисант̇ад̇ам̣;
‘‘Isiñca dāni pucchāmi, kisaṃ dhamanisanthataṃ;
баруул̣хагажчанакаломам̣, бан̇гад̣̇анд̇ам̣ раж̇ассирам̣.
Parūḷhakacchanakhalomaṃ, paṅkadantaṃ rajassiraṃ.
279.
279.
‘‘зго аран̃н̃з вихараси, нааваган̇каси ж̇ийвид̇ам̣;
‘‘Eko araññe viharasi, nāvakaṅkhasi jīvitaṃ;
бхигку гзна д̇аяаа сзяяо, яасса д̇вам̣ бхож̇анам̣ ад̣̇аа.
Bhikkhu kena tayā seyyo, yassa tvaṃ bhojanaṃ adā.
280.
280.
‘‘кан̣анд̇аалугаламб̣аани, б̣илаалид̇аггалаани жа;
‘‘Khaṇantālukalambāni, bilālitakkalāni ca;
д̇хунам̣ саамааганийваарам̣, сан̇гхаарияам̣ басаарияам̣.
Dhunaṃ sāmākanīvāraṃ, saṅghāriyaṃ pasāriyaṃ.
281.
281.
‘‘саагам̣ бхисам̣ мад̇хум̣ мам̣сам̣, б̣ад̣̇араамалагаани жа;
‘‘Sākaṃ bhisaṃ madhuṃ maṃsaṃ, badarāmalakāni ca;
д̇аани аахарид̇ваа бхун̃ж̇аами, ад̇т̇и мз со бариг̇г̇ахо.
Tāni āharitvā bhuñjāmi, atthi me so pariggaho.
282.
282.
‘‘бажанд̇о абажанд̇асса, амамасса сагин̃жано;
‘‘Pacanto apacantassa, amamassa sakiñcano;
анаад̣̇аанасса саад̣̇аано, д̣̇аад̇умарахаами бхож̇анам̣.
Anādānassa sādāno, dātumarahāmi bhojanaṃ.
283.
283.
‘‘бхигкун̃жа д̣̇аани бужчаами, д̇ун̣хиймаасийна суб̣б̣ад̇ам̣;
‘‘Bhikkhuñca dāni pucchāmi, tuṇhīmāsīna subbataṃ;
иси д̇з бхад̇д̇ам̣ баад̣̇ааси, сужим̣ мам̣суубасзжанам̣.
Isi te bhattaṃ pādāsi, suciṃ maṃsūpasecanaṃ.
284.
284.
‘‘д̇ам̣ д̇вам̣ бхад̇д̇ам̣ бадиг̇г̇аяха, д̇ун̣хий бхун̃ж̇аси згаго;
‘‘Taṃ tvaṃ bhattaṃ paṭiggayha, tuṇhī bhuñjasi ekako;
наан̃н̃ам̣ ган̃жи ниманд̇зси, гояам̣ д̇хаммо намад̇т̇у д̇з.
Nāññaṃ kañci nimantesi, koyaṃ dhammo namatthu te.
285.
285.
‘‘на бажаами на баажзми, на чинд̣̇аами на чзд̣̇аяз;
‘‘Na pacāmi na pācemi, na chindāmi na chedaye;
д̇ам̣ мам̣ агин̃жанам̣ н̃ад̇ваа, саб̣б̣абаабзхи аарад̇ам̣.
Taṃ maṃ akiñcanaṃ ñatvā, sabbapāpehi ārataṃ.
286.
286.
‘‘ваамзна бхигкамаад̣̇ааяа, д̣̇агкин̣зна гаман̣д̣алум̣;
‘‘Vāmena bhikkhamādāya, dakkhiṇena kamaṇḍaluṃ;
иси мз бхад̇д̇ам̣ баад̣̇ааси, сужим̣ мам̣суубасзжанам̣.
Isi me bhattaṃ pādāsi, suciṃ maṃsūpasecanaṃ.
287.
287.
‘‘зд̇з хи д̣̇аад̇умараханд̇и, самамаа сабариг̇г̇ахаа;
‘‘Ete hi dātumarahanti, samamā sapariggahā;
бажжанийгамахам̣ ман̃н̃з, яо д̣̇аад̇аарам̣ ниманд̇аяз’’д̇и.
Paccanīkamahaṃ maññe, yo dātāraṃ nimantaye’’ti.
д̇ад̇т̇а вивананд̇и нируд̣̇агааран̃н̃асад̣̇исам̣ имам̣ бажжанд̇ам̣ ааг̇ад̇ам̣. гуудааг̇аараваруубзд̇анд̇и гуудааг̇аараварзна убаг̇ад̇ам̣, згам̣ варагуудааг̇аараваасинанд̇и ад̇т̇о. махаасаяанамубаасид̇анд̇и д̇ад̇т̇зва субан̃н̃ад̇д̇ам̣ сирисаяанам̣ убаасид̇ам̣. д̇асса д̇зд̇и зваруубам̣ д̇ам̣ д̣̇исваа ахам̣ бзмамагаасим̣, д̇асса д̇з бзмагзна. вад̣дхамод̣̇ананд̇и уд̇д̇амод̣̇анам̣. вижид̇анд̇и абаг̇ад̇акан̣д̣агаал̣агзхи вижид̇ад̇ан̣д̣улзхи гад̇ам̣. ад̣̇аасаяийд̇и ад̣̇ааси. ад̇д̇аананд̇и ад̇д̇анаа, аяамзва ваа баато. анасид̇ваанаад̇и абхун̃ж̇ид̇ваа. гояам̣ д̇хаммод̇и махаарааж̇а, го зса д̇умхаагам̣ сабхааво. намад̇т̇у д̇зд̇и намо д̇ава ад̇т̇у, яо д̇вам̣ ад̇д̇анаа абхун̃ж̇ид̇ваа барасса ад̣̇ааси.
Tattha vivananti nirudakāraññasadisaṃ imaṃ paccantaṃ āgataṃ. Kūṭāgāravarūpetanti kūṭāgāravarena upagataṃ, ekaṃ varakūṭāgāravāsinanti attho. Mahāsayanamupāsitanti tattheva supaññattaṃ sirisayanaṃ upāsitaṃ. Tassa teti evarūpaṃ taṃ disvā ahaṃ pemamakāsiṃ, tassa te pemakena. Vaḍḍhamodananti uttamodanaṃ. Vicitanti apagatakhaṇḍakāḷakehi vicitataṇḍulehi kataṃ. Adāsayīti adāsi. Attānanti attanā, ayameva vā pāṭho. Anasitvānāti abhuñjitvā. Koyaṃ dhammoti mahārāja, ko esa tumhākaṃ sabhāvo. Namatthu teti namo tava atthu, yo tvaṃ attanā abhuñjitvā parassa adāsi.
аажарияод̇и гудумб̣ига зса маяхам̣ аажаарасигкаабаго аажарияо. б̣яаавадод̇и уссуго. ааманд̇анийяод̇и ааманд̇зд̇аб̣б̣аяуд̇д̇аго маяаа д̣̇иннам̣ бхад̇д̇ам̣ г̇ахзд̇ум̣ ануруубо. д̣̇аад̇умарахаамийд̇и ‘‘ахам̣ зваруубасса аажарияасса бхож̇анам̣ д̣̇аад̇ум̣ арахаамий’’д̇и рааж̇аа б̣раахман̣асса г̇ун̣ам̣ ван̣н̣зси. акзд̇д̇ан̃н̃уусийд̇и наахам̣ д̣̇аанасса кзд̇д̇ам̣, маяи д̣̇иннам̣ махабпалам̣ на ход̇ийд̇и звам̣ ад̇д̇аанам̣ д̣̇аанасса акзд̇д̇ам̣ ж̇аанааси ман̃н̃зд̇и. анусаасаамийд̇и ад̇д̇ано ад̇т̇ам̣ бахааяа ран̃н̃о ад̇т̇ан̃жа д̇хамман̃жа анусаасаами.
Ācariyoti kuṭumbika esa mayhaṃ ācārasikkhāpako ācariyo. Byāvaṭoti ussuko. Āmantanīyoti āmantetabbayuttako mayā dinnaṃ bhattaṃ gahetuṃ anurūpo. Dātumarahāmīti ‘‘ahaṃ evarūpassa ācariyassa bhojanaṃ dātuṃ arahāmī’’ti rājā brāhmaṇassa guṇaṃ vaṇṇesi. Akhettaññūsīti nāhaṃ dānassa khettaṃ, mayi dinnaṃ mahapphalaṃ na hotīti evaṃ attānaṃ dānassa akhettaṃ jānāsi maññeti. Anusāsāmīti attano atthaṃ pahāya rañño atthañca dhammañca anusāsāmi.
звам̣ ад̇д̇ано аг̇ун̣ам̣ гат̇зд̇ваа ааран̃н̃игассаад̇и исино г̇ун̣ам̣ гат̇зси. исинод̇и сийлаад̣̇иг̇ун̣абариязсагасса. д̇абассинод̇и д̇абаниссид̇асса. вуд̣дхассаад̇и бан̣д̣ид̇асса г̇ун̣авуд̣дхасса. нааваган̇касийд̇и саяам̣ д̣̇уллабхабхож̇ано худ̇ваа зваруубам̣ бхож̇анам̣ ан̃н̃асса д̣̇зси, гим̣ ад̇д̇ано ж̇ийвид̇ам̣ на ган̇каси. бхигку гзнаад̇и аяам̣ бхигку гад̇арзна г̇ун̣зна д̇аяаа сздтад̇аро.
Evaṃ attano aguṇaṃ kathetvā āraññikassāti isino guṇaṃ kathesi. Isinoti sīlādiguṇapariyesakassa. Tapassinoti tapanissitassa. Vuḍḍhassāti paṇḍitassa guṇavuḍḍhassa. Nāvakaṅkhasīti sayaṃ dullabhabhojano hutvā evarūpaṃ bhojanaṃ aññassa desi, kiṃ attano jīvitaṃ na kaṅkhasi. Bhikkhu kenāti ayaṃ bhikkhu katarena guṇena tayā seṭṭhataro.
кан̣анд̇аалугаламб̣аанийд̇и кан̣анд̇о аалууни жзва д̇аалаганд̣̇аани жа. б̣илаалид̇аггалаани жаад̇и б̣илаалиганд̣̇ад̇аггалаганд̣̇аани жа. д̇хунам̣ саамааганийвааранд̇и саамааган̃жа нийвааран̃жа д̇хунид̇ваа. сан̇гхаарияам̣ басаарияанд̇и зд̇з саамааганийваарз д̇хунанд̇о сан̇гхаарзд̇ваа буна сугкаабид̇з басаарзд̇ваа суббзна бабподзд̇ваа годдзд̇ваа д̇ан̣д̣улз аад̣̇ааяа бажид̇ваа бхун̃ж̇аамийд̇и вад̣̇ад̇и. сааганд̇и яам̣ гин̃жи суубзяяабан̣н̣ам̣. мам̣санд̇и сийхаб̣яаг̇гхавигхаасаад̣̇имам̣сам̣. д̇аани аахарид̇ваад̇и д̇аани саагаад̣̇ийни аахарид̇ваа. амамассаад̇и д̇ан̣хаад̣̇идтимамад̇д̇арахид̇асса. сагин̃жанод̇и сабалиб̣од̇хо. анаад̣̇аанассаад̇и ниг̇г̇ахан̣асса. д̣̇аад̇умарахаамийд̇и зваруубасса бажжзгаб̣уд̣̇д̇хасса ад̇д̇анаа лад̣̇д̇хабхож̇анам̣ д̣̇аад̇ум̣ арахаами.
Khaṇantālukalambānīti khaṇanto ālūni ceva tālakandāni ca. Bilālitakkalāni cāti bilālikandatakkalakandāni ca. Dhunaṃ sāmākanīvāranti sāmākañca nīvārañca dhunitvā. Saṅghāriyaṃ pasāriyanti ete sāmākanīvāre dhunanto saṅghāretvā puna sukkhāpite pasāretvā suppena papphoṭetvā koṭṭetvā taṇḍule ādāya pacitvā bhuñjāmīti vadati. Sākanti yaṃ kiñci sūpeyyapaṇṇaṃ. Maṃsanti sīhabyagghavighāsādimaṃsaṃ. Tāni āharitvāti tāni sākādīni āharitvā. Amamassāti taṇhādiṭṭhimamattarahitassa. Sakiñcanoti sapalibodho. Anādānassāti niggahaṇassa. Dātumarahāmīti evarūpassa paccekabuddhassa attanā laddhabhojanaṃ dātuṃ arahāmi.
д̇ун̣хиймаасийнанд̇и гин̃жи авад̇ваа нисиннам̣. агин̃жананд̇и рааг̇агин̃жанаад̣̇ийхи рахид̇ам̣. аарад̇анд̇и вирад̇ам̣ саб̣б̣абаабаани бахааяа тид̇ам̣. гаман̣д̣алунд̇и гун̣д̣игам̣. зд̇з хийд̇и зд̇з рааж̇аад̣̇аяо д̇аяо ж̇анаад̇и хад̇т̇ам̣ басаарзд̇ваа д̇з нид̣̇д̣̇исанд̇о звамааха. д̣̇аад̇умараханд̇ийд̇и маад̣̇исасса д̣̇аад̇ум̣ араханд̇и. бажжанийганд̇и бажжанийгабадибад̣̇ам̣. д̣̇ааяагасса хи ниманд̇анам̣ згавийсад̇ияаа анзсанаасу ан̃н̃ад̇арааяа бин̣д̣абаад̇абариязсанааяа ж̇ийвигагаббанасан̇каад̇аа мижчааж̇ийвабадибад̇д̇и наама ход̇и.
Tuṇhīmāsīnanti kiñci avatvā nisinnaṃ. Akiñcananti rāgakiñcanādīhi rahitaṃ. Āratanti virataṃ sabbapāpāni pahāya ṭhitaṃ. Kamaṇḍalunti kuṇḍikaṃ. Ete hīti ete rājādayo tayo janāti hatthaṃ pasāretvā te niddisanto evamāha. Dātumarahantīti mādisassa dātuṃ arahanti. Paccanīkanti paccanīkapaṭipadaṃ. Dāyakassa hi nimantanaṃ ekavīsatiyā anesanāsu aññatarāya piṇḍapātapariyesanāya jīvikakappanasaṅkhātā micchājīvapaṭipatti nāma hoti.
д̇асса важанам̣ суд̇ваа гудумб̣иго ад̇д̇амано д̣̇вз осаанаг̇аат̇аа абхааси –
Tassa vacanaṃ sutvā kuṭumbiko attamano dve osānagāthā abhāsi –
288.
288.
‘‘ад̇т̇ааяа вад̇а мз аж̇ж̇а, ид̇хааг̇ажчи рат̇зсабхо;
‘‘Atthāya vata me ajja, idhāgacchi rathesabho;
сохам̣ аж̇ж̇а баж̇аанаами, яад̇т̇а д̣̇иннам̣ махабпалам̣.
Sohaṃ ajja pajānāmi, yattha dinnaṃ mahapphalaṃ.
289.
289.
‘‘радтзсу г̇ид̣̇д̇хаа рааж̇аано, гижжаагижжзсу б̣раахман̣аа;
‘‘Raṭṭhesu giddhā rājāno, kiccākiccesu brāhmaṇā;
исий муулапалз г̇ид̣̇д̇хаа, виббамуд̇д̇аа жа бхигкаво’’д̇и.
Isī mūlaphale giddhā, vippamuttā ca bhikkhavo’’ti.
д̇ад̇т̇а рат̇зсабход̇и рааж̇аанам̣ санд̇хааяааха. гижжаагижжзсууд̇и ран̃н̃о гижжагаран̣ийязсу. бхигкавод̇и бажжзгаб̣уд̣̇д̇хаа бхигкаво бана саб̣б̣абхавзхи виббамуд̇д̇аа.
Tattha rathesabhoti rājānaṃ sandhāyāha. Kiccākiccesūti rañño kiccakaraṇīyesu. Bhikkhavoti paccekabuddhā bhikkhavo pana sabbabhavehi vippamuttā.
бажжзгаб̣уд̣̇д̇хо д̇асса д̇хаммам̣ д̣̇зсзд̇ваа сагадтаанамзва г̇ад̇о, д̇ат̇аа д̇аабасо. рааж̇аа бана гад̇ибаахам̣ д̇асса санд̇игз васид̇ваа б̣аараан̣асимзва г̇ад̇о.
Paccekabuddho tassa dhammaṃ desetvā sakaṭṭhānameva gato, tathā tāpaso. Rājā pana katipāhaṃ tassa santike vasitvā bārāṇasimeva gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва бин̣д̣абаад̇о яат̇аанужчавигам̣ г̇ажчад̇и , буб̣б̣зби г̇ад̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа гудумб̣иго д̇хаммарад̇анасса саггаарагаараго гудумб̣иго ахоси, рааж̇аа аананд̣̇о, бурохид̇о саарибуд̇д̇о, химаванд̇ад̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva piṇḍapāto yathānucchavikaṃ gacchati , pubbepi gatoyevā’’ti vatvā jātakaṃ samodhānesi – ‘‘tadā kuṭumbiko dhammaratanassa sakkārakārako kuṭumbiko ahosi, rājā ānando, purohito sāriputto, himavantatāpaso pana ahameva ahosi’’nti.
бхигкаабарамбараж̇аад̇агаван̣н̣анаа д̇зрасамаа.
Bhikkhāparamparajātakavaṇṇanā terasamā.
ж̇аад̇агуд̣̇д̣̇аанам̣ –
Jātakuddānaṃ –
гзд̣̇аарам̣ жанд̣̇агиннарий, уггусуд̣̇д̣̇аалабхисагам̣;
Kedāraṃ candakinnarī, ukkusuddālabhisakaṃ;
суружи бан̃жубосат̇ам̣, махааморан̃жа д̇ажчагам̣.
Suruci pañcuposathaṃ, mahāmorañca tacchakaṃ.
махааваан̣иж̇а саад̇хинам̣, д̣̇асаб̣раахман̣аж̇аад̇агам̣;
Mahāvāṇija sādhinaṃ, dasabrāhmaṇajātakaṃ;
бхигкаабарамбарааби жа, д̇зрасаани багин̣н̣агз.
Bhikkhāparamparāpi ca, terasāni pakiṇṇake.
багин̣н̣аганибаад̇аван̣н̣анаа нидтид̇аа.
Pakiṇṇakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 496. бхигкаабарамбараж̇аад̇агам̣ • 496. Bhikkhāparamparajātakaṃ
